رواية الضابط واليتيمة الفصل الخامس والثلاثون 35 بقلم بقلم مجهول

كلشي يمر ويعدي يجوز تشوفة صعب ومتتخيلة راح يعدي بس كل الي يحتاجة وقت وقت وكلشي يمر ويرجع الوضع امن مثل قبل اصعب المشاعر الي تتخيلها الخيانة الحب الكره الموت تعدي وتمر يبقى بس ذكراها بلحضتها اتكول راح اموت اريد انام وما اكعد بس ورة فترة من البجي والحزن راح اتنعس واتنام وتكعد ناسي وانت الي راح اذكر نفسك بالمشكلة 

ماكو شي صعب كلش يمر ويخلص

ضليت بحضن وليد وهو يلعب بشعري جنت كلما اذكر الي صار جسمي يقشعر وارتعب 

- اشربي هاي 

اخذت الحباية وشربتها وبعدين ورة فترة قصيرة بديت اغفي ونمت 

شفت مينا حالتها صعبة صح متحجي ولا تبجي بس جان كل شوية تشد على ايدي اكثر واتبين خوفها ردتها ترتاح انطيتها حباية مهدئة ونامت غطيتها وكمت نزلت على الدرج صافدت امي 

- ها طمني 

لزمت ايدها ولفتها نزلتها من الدرج 

- انزلي يمة وافهمج جوة 

نزلت كعدت بالهول وكلهم داير مدايري 

- مينا نايمة هسة خلوها ترتاح بغرفتي 

- شنو صار 

سولفتلهم كلشي صار امي ردت فعلها شهكت 

- والله هاي الابنية مالها حظ بهل دنيا 

- يمة لتحجين هيج اني وين رحت الله يخليج 

- الله يخليك الها وميحرمك منها ولا يحرمها منك 

كلمن راح لغرفته وصعدت لغرفتي شفتها نايمة نمت يمها كعدت الصبح بعدها نايمة رحت للكنتور اخذت ملابسي الزي بدلت جنت دا اعدل التفت شفتها واكفة شعرها على طولها وبيرمن وهي تفرك بعينها مثل الجهال فتحتلها ايدي اجتني حضنتني وضاعت بحضني 

- صباح الخير يا وجه الخير 

- صباح النور 

جانت حاضنتني ورافعة راسها علية 

- شلون نومتج 

- محسيت بشي نومة كلش ثكيلة ومريحة 

- الحمدلله 

اريد اجيب الجزلان ليكدام وهي حاضنتني 

- حطي رجلج على رجلي 

- ها 

حطيت رجلها على رجلي وهي مجلبة بخصري ضلينا نمشي سوة وهي تضحك 

- تاتة تواتة 

- هههههههههههه 

نزلت راسي عليها وحكيت خشمي بخشمها 

- يمممة فدوووة 

وبعدين عصرت خدودها بايدية ما اشوف بس ايدي وشفتها متحملت 

بستها واني اضحك 

حضنتني بالزايد 

- شلون ما اروح اليوم 

- ايييي 

- هههههههه لو بيدي جان بعيني 

لزمت ايدها ونزلنا الدرج وصلنا للمطبخ 

- اكعدي مدام والريوك من ايدي اليوم 

سويت الريوك وحطيتة كدامها  

كاعدة بصفي وكلساع اوكلها وتوكلني 

- عفية لتروح 

- ما اتاخر شغلة ضروري اسويها وارجع 

- خلي اجي وياك 

التفت خنزرت مجرد اتخيل شكلها بالمركز وبين العسكر والمجرمين اتخبل شفت الخوف بعيونها حضنتها 

- عمري انتي كتلج امجد بالسجن ومييطلع منها هاي محاولة خطف واعتداء راح يخيس بالسجون 

- بس اكيد اهلة راح ينتقمون منك او مني عوفة خلي يولي طلعة 

- ميصيرلج شي وراسي يشم الهوى 

عفتها دا اطلع سمعت صوت الحجي 

- تعالي ابني احجي وياك 

طلعنا للحديقة 

- اني اعرفك رايح بس عمود تضرب امجد لتتعصب زايد واتموتة لتوسخ ايدك بدم هذا ويعتبروا رجال عليك 

- لا يابة قابل خبل كلشي ميصير الله يخليك الية يا ربي 

طلعت من البيت ركبت السيارة واتوجهت للمركز طبيت الكل يضربلي تحية شفتة الضابط حسن 

- هلة بالاسد 

- حبيبي وينه هذا 

- بالغرفة خليتلكيا ميطلع صوت 

- عاشت ايدك 

طبيت لغوفة التحقيق شفتة كاعد راسة مدمة وحلكة مشكوك واكو اثار دفر وضرب كعدت كبالة 

كلت خلي انرفزة بديت ادك على الميز باصبعي بنغمة اتوترة بديت اشوف علي التوتر والخوف شلت ايدي وطلعت اسلاحي حطيتة على الميز 

- اييه ايه منين نبدي وياك مجودي 

- مسويت شي كلشي مسويت 

كمت بهدوء من الكرسي اتوجهت الة فريت كرسية صار مقابيلي حطيت ايدي على جتفة وبعدين ضربتة راجدي بكل قوتي فر وجهة فر 

- احجي بسرعة ما عندي وقت لامثالك 

- انت عدك وقت بس للخدم 

وضربتة الاخ والاخ فقد 

طشيت مي صحة 

- فوائد الحجي راح اتخلصك من العذاب راح اتخلصك من التحقيق ماكو فائدة للنكران اكو شاهد وتصوير الكاميرات كلش جان فت عليك شنو رايك بسجن خمسة او عشر سنين 

جنت كاعدة اطبخ سمعت صوت الجرس ماكو احد بس اني وخالة رحت فتحت الباب الداخلية وصحت منو محد جاوب منووووو 

- اني ام امجد افتحيلي الباب 

عززززة هاي شجابهة 

رحت شلت التلفون على وليد 

- وليد وليد راح ياخذوني عفية وليد 

- شبيج اهدي كولي شبيج 

- ام ام امجد برة 

- سدي الباب واكعدي جوة هسة جايج 

طلعت من المركز الخوف متملكني معقولة يصير شي معقولة ما اكدراحميها سقت سريع بعد ما اتحمل اكثر من هيج وصلت وجانت سيارة بباب بيتنا ومرة لابسة جبة وبصفها رجال ويدكون بالباب🌹- خير منو 

- شنو نسيتنا يا ضابط 

- خير شتريدون جاين لهنا 

لزمت ايدي 

- ابوس ايديك ابوس رجلك خليني احجي وية مينا 

- شنو الي اتريدين تحجي 

-خليني اطب الله يخليلك شبابك 

كلت خلي نشوف شيصير طببتها وكعدتها بالاستقبال رحت للمطبخ مينا جانت كاعدة وصافنة 

- مينا ( بصوت هادي) 

- وليد 

وحضنتني 

- ايريدون ياخذووني 

- لا حبيبتي لتخافين اني وياج تعاي وياي هسة هي اتريد تحجي كلمتين 

- بس 

- بدون بس اني وياج شنو متثقين بية 

- طبعا اثق 

لزمت ايدها 

- لعد يلى 

طببتها وهي جانت وراية من طبينة المفروض تكعد بس ضلت وراية متفبل تتحرك 

- الله يخليك خليني وياها شوية 

التفت عليها عفتها وطلعت بس ضليت يم الباب اسمع 

الخوف ملة كلبي مدا اكدر حتى اتحرك ما اريد اشوفهم 

- مينا الله يخليج الله يحفظلج رجلج جايتج بطلب ولتخذليني ما عدي احد ثاني يسوي 

انصدمت من حجيها بس ضليت ساكتة 

- بداعة العشرة الي ضليتي بيها يمنا اعرف اذيناج وضلمناج هواية وتعبتج بس الله يخليج الولد شاب وضاعت ستة اشهر من عمرة ما اريد خمسة لو عشر اسنين اتروح الله يخليج يا بنتي واذا طلع اني اضمن الج ميتقرب عليج شعراية شوفي ابو شلون منتهي والعالم اكلت وجهنا واني راح اموت بعدة هو بس هلواحد الله يخليج

شفت دموعها اتصب انقهرت عليها حيا وين ام امجد القوية الصلبة الظالمة المرض والقهر ماكلها اكل 

- وهاي اني جاية حتى ابوس ايدج يا بنتي بعد شتريدين كليلي واني انفذ 

طب وليد سحب ايدي وطلعنا 

- شكلتي 

- خايفة لا ينتقم مرة ثانية 

- عندي حل لعد 

جر ايدي وطبينا 

- هي موافقة بس بشرط اطلعون للشمال وبعد مترجعون نهائيا 

- عادي عادي اطلع حتى لخارج العراق ما عدنا مشكلة 

- ابنج بي روح الانتقام والحقد اريد اضمن انو ميتعرض النا مرة ثانية 

والله اكص ركبتة لتخاف الله يخليكم 

اجتي اتريد اتبوس ايدينا اني من شفتها اجتي ختلت ورة وليد من الخوف منها 

طبيت على غرفة التحقيقات شفتة مكتول مرة ثانية 

- باع علية زين امك اليوم اجتي انذلت وضلت تتوسل حتى تتنازل مينا عليك شفت وين وصلت اهلك ولك امك اتمرضت وانهانت ( اخر كلام جان بصيحة) شوكت اتحس على نفسك واتصير رجال وتحمي عائلتك ابدال متصير مدمرها 

نزل راسة 

- مينا وافقت على التنازل واني راح اسوي واسطة اطلعك منا وراسا اتروح لاربيل واذا شميت خبرانك رجعت ادمرك دمار دمار تعرف شنو معنى حجيي 

ما رفع عينة 

- جاوبني ( بصيحة ) 

- امرك سيدي امرك

كمات الاجراءات خلال يوم واحد وطلع و اتامدت انهم طلعوا لاربيل ودزيت ناس وعرفت عنوانهم الجديد ....