رواية قصة زهراء الفصل السادس والثلاثون بقلم زينب نور
لسان حال زهراء.
دنيا من الصغر مارحمت بحالي
يربي شوكت يلالي الفرح بهلالي🌙
زهراء:مااحس بس زلكت رجلي من البايه الي بالنص اريد الزم روحي ماكو طحت وظهري احسه طگ بحافت الدرج اريد اصرخ مااكو اجن البنات يركضن وعمتي سعاد وام ياسر كومني بس ضهري احس انكسر بالنص
بالكوه سندني ودخلني للغرفه وانه بس ادموعي اصب وايدي على بطني متت الم بضهري مو طبيعي
مدني ع الجربايه شويه واحس شي حار نزل من رجليه كمت ابجي حيل عمتي كامت اصيح لفني بالعبايه وبدخلت سعد اخذنه انه وام ياسر وعمتي سعاد
بس على ماوصلنه احس الم حقير ياكل بيه شويه شويه
دخلني للردها بالكوه جلبت بعمتي دخلت وياي فحصتني كالت دا اسقط اتفاجئن من عرفن حامل
خدرتني بس احس بالم وهي تنضف يافرحتي الماكملت
كمت ابجي اتهسترت اضغط على الجربايه نبتت اظافري بيها
لمن خلصت خلصت روحي منا الالم ذبحني ومنا الفشله متت بدمي
علكتلي مغذي بعد ماحسيت بشي
لمن صحيت شفت امي واكفه يم راسي كمت ابجي
امي:لاتبجين يبعد امج فدوه الج المهم سلامتج ماقاسمه ربج
زهراء:_ساعه ورجعنه للبيت خلني على الجربايه جابتلي فاطمه ملابس بدلت وتمددت وامي وعمتي سعاد وام ياسر كاعدات
غمضت عيوني واحس كسره بكلبي
جنت اتاني ياسر يرجع واكوله
بس ماصار نفس الردته
غفيت...
ام ياسر:من يمته حامل وما ادكولن
جااا شنهي خايفات لانحسدها
فاطمه: اليوم درت عمه
امي:عمت عيني عليج يمه ماكملت فرحتج
زهراء:حسيت على عطر ملا خشمي فتحت عيوني ياسر كدامي رجعت غمضت عبالي احلم
ياسر:زهرتي زهرتي
زهراء:سمعت صوته فتحت بس باوعتله كمت ابجي حضني
ياسر:لاتبجين ياروحي المهم انتي سالمه يروح واحد يجون عشره غيره صحتج اهم
زهراء:شوكت اجيت
ياسر:هسه وصلت
زهراء:ماكلت لحد ردت انته تعرف اول واحد
ياسر:اااش ياعمري كافي اذا تردين هسه انسوي واحد هاا شكلتي😉
زهراء:_ههه
ياسر:اروح فدوه لهل ضحكه اكعدي وصحصحي راح اجيبلج معلاك واشويه بيدي
زهراء:طلع وساعه رجع وجابت الصينيه دعاء كعد كام يوكلني غصب مااشتهي حلگي مر
خلصت كتله شلون محترك البيت
ياسر:بسبب الكهرباء
زهراء:ليش مخلي الكهرباء مشتعله
ياسر:ماادري بس اخر مره اكو وحده هرتني هري بالمخابرات وقفلت الباب واجيت للبصره
زهراء:كمت غسلت ورجعت للجربايه باوعت ساعه ١٠:٣٠ بليل تمددت شويه واجه تمدد بصفي شربت العلاج وغفيت على ايده حسيت عليه الصبح بصلاة الفجر يسحب ايده من جوه راسي درت للجها الثانيه وهو كام صلى ورجع تمدد وسحبني لحضنه
للصبح وره الريوك اجت زينب ضربتني الابره وعمي سوه غده فده ذبح وعزم اهلي وبيت عمي حاتم كلهم التمو عدنه
للعصر راحو ضلت امي يمي بليل وداها ياسر
ومرت الاشهر ياسر يروح لبغداد رمم البيت وعدلاه من جديد لان اهواي محترك السبالت كلهن طاكات واجهزه البيت الباقيه هم ضل يجهز بيه
يروح اسبوع ويرجع اسبوع
بيوم بليل ياسر ابغداد
ونسمع اصريخ منال من غرفتها كامت تتطلگ
ولاده مبكره لگفوها للمستشفى فاطمه ابشهرها هي ودعاء بس ماعدهن الالم
هاي فاطمه من شافت منال هج ضلت تبجي وخافت انسكت بيها وميتين عليها ضحك
لثاني يوم الصبح اجت عمتي سعاد اخذت الها ملابس سئلناها مسوياتلها عمليه ماعدها توسع بس تتطلگ ولاده مبكره
يومين وطلعوها هم خلوها بغرفه بيبي هههه صارت ردها هاي الغرفه
وهنا بده الكراب واطياح الحض
ماطلعت من المطبخ غده وجاي وماي نهد حيلي لليل خلصنه كلشي دخلت لغرفه بيبي اباوع للولد وجها ابيض ومدنفش تمنيت اشيله كعدت شويه وصعدت بدلت واخذت التلفون دكيت على ياسر
رد
ياسر:الوو هااحب
زهراء:هلا شلونك
ياسر:الحمدالله انتي شلونج وين ادك وماكو
زهراء:ماصعدت التهينه جوه
ياسر:هاا اي شلونه عمار
زهراء:زين يخبل ابيض ودنفوش
ياسر:هههه اكيد طالع حلو على ابوه
زهراء:ااي اكيد عليك تريده يطلع على الزرگه
ياسر:ههههههه افتحي كامره خل اشوف الكيمر
زهراء:هههه فتحت
ياسر:آويلي مشتاقلج بكد رحمه الله
زهراء:شوكت تجي
ياسر:هل يومين انشاءالله
زهراء:ترجع سالم انشاءالله
ياسر:لا ارجع ياسر مو سالم
زهراء:ههههههههههه
ياسر:صوتج فضحتينه
اي عمري الاسبوع الجاي تروحين وياي لبغداد
زهراء:ليش شسوي
ياسر:شفت خوش دكتوره مال تجميل معروفه ابغداد ورحت وشرحتلها حالتج كالت سهله
زهراء:الله عليك
ياسر:والله
زهراء:ماشي......
ضلينه نسولف وهو يغازل لمن نمنه
مر يومين البيت مافرغ من الناس خوات منال اتروح وحده تجي وحده ماشاءالله هنا ٧ وكل وحده عدها جهال لو٤ لو٥،
للظهر اجه ياسر شافني بالمطبخ غير اتجهاها واجه عليه سلمت عليه ودخل جوه اخذت اكلاص المار وراه
دخل سلم على امه وخالته وعمتي وراح باس راس منال وكعد على الكرسي انطيته الكلاص شرب ورجعاه اجت امه شالت عمار تنطيه اله كلها تعبان يمه خل اصعد اسبح طبع ياسر مايشيل الجاهل بالنفاس يكش منه فه بس يباوعله
ضل كاعد يكلب بتلفونه همستله لان طلعت روحي من نظرات منال
كتله كووم يله باوعلي ورفع حاجب وكام طلعت وراه صعد انطيته ملابسه اباب الحمام وسحبني دخلني للحمام وسد الباب كلبي كام يوجعني من كد قوة دكه من يوم الي ازوجنه ليهسه ماداخلين سوه لحمام ارتبكت
خل اطلع راح يحضرون الغده خل اساعدها
..
ياسر:وانه منو يساعدني😉
زهراء:احس العرك كام يصب مني
ياسر:يبنيه رجلج جاي تعبان ريحيه
زهراء:سبحنه ثنينه وطلعت بس مااباوع بوجها من الفشله اول مره انحط بهذا الموقف
بدلت على السريع ونزلت...حضرنه الغده بالستقبال للولد وهنا طلعن بالصاله تغدن ومنال بالغرفه هسه انتبهت منال ذابات منها الاسود لان جابت لابسه ثوب لونه اصفر كيشمير
خلصنه غده وهوست الاماعين خواتها راحن دخلن جوه اخذت انه المكناسه الكهربائيه للصاله حتى اكنسها شغلتها وكنست وهذول جنهم شواذي يطفرون منا ومنا اصيح وماكو كملتها ودخلت للمطبخ
خلصت كم شغله طلعت والكاهم جابين العصير بالكاع عاد هنا صرت ثور كلشي ماافتهم انكسر ضهري لمن خلصتها
سحلتهم ودخلتهم لمهاتهم
وطلعت مسحت العصير وادردم خلصته وصعدت ياسر نايم
انه هم خليت راسي وغفيت للعصر كعدنه نزلت جوه طخ ابراسي اسوي حلويات باوعت الميز نص المواد ناقصه ردتلي واحد من الولد يطلع محد موجود باوعت ياسر بالحديقه كاعد رحتله كتله
ياسر:اكتبي شنو محتاجه
زهراء:دقيقه واجيك رحت كتبت المواد وانطيته الورقه
ياسر:بعد مامحتاجه شي
زهراء:سلامتك
اخذ سيارته وراح نص ساعه ورجع كعد بالمطبخ يباوع عليه وانه اشتغل انه اذا اشتغل واحد يباوع عليه اصير مثل الثوله مااندل دربي
اول مره سويت عجينه الداطلي
وخليتها لمن ترتاح وياسر عبالك اول مره يشوفني عينه عليه
سخيف ويباوع اماكن ابجسمي
ياسر:عمي خل اطلع كامت مااشوف دربهاا
زهراء:ايي اطلع شعندك بالمطبخ
مگابلني
ياسر:اهااا هيج صارت خل اروح للام عمار احسن
زهراء:حتى اموتك😠
طلع باوعت لا يروح بس ماراح صعد فوگ
خلطت عجينه الكيك ودخلتها للفرن طلعت عدنه طباخ صغير مثل الببور مال ابو بدر هههه المهم
طلعته خليته بره يم باب المطبخ على صفحت الترك
سحبت الغاز وشغلته رحت جبت العجين مال الداطلي وكعدت اكلي بيه لان هواي مااكدر اوكف وكفه فه وانه اكلي وهذول جهال خوات منال يلعبون طوبه بالترك
طلعت اول طاوه وسويت الثانيه
مااحس بس الطوبه بنص الطاوه بسرعه صرت سريعه وذكيه طفرت لا تنجب عليه بس نفط بوجهي شويه لنعل ابهاتكم كمت اصيح عليهم دخلت لمهاتهم دفعت الباب
ماتكضن جهالجن كاعدات ادكن سوالف ملتهيات
ام ياسر:شبيج ولج جايه هاده
زهراء:شبيه شمرو الطوبه بنص طاوة الدهن ونفط بوجهي لو منجب على جسمي الربح بيهن
وانه احجي سمعت صوت ياسر
ياسر: هااااااا. شهل صوت
ام ياسر:تعال لمرتك اخذتنه حاصل فاصل
.
زهراء:التفت عليه بخزره حجيت كبل لا يحجي
شنو يعني كاعدات وهادات جهالهن شوف هاااها هذا الزيت نفط بوجهي من وراهم
..
كام يحجي كلمن تلزم جهالها وصوته يرن البيت رن رحت للمطبخ اجه وراي
ياسر:اشوف وجهج
زهراء:هسه اخليله مرهم
انتم حالفين موتي على ايديكم
ياسر:انتي المن طالعه بره مو هذا طباخ
زهراء:وكفه ينكسر ضهري
ياسر:ياعيني ياهو العاتب عليج وكايلج سوي
زهراء:هسه صرت ياهو العاتب عليه
موو صوجكم صوجي انه وخرر طلعت صعدت فوك خليت مرهم لوجهي الله ياخذ منال واهلها كالساعه مسويه بيه مصيبه
رحت تمددت ع الجربايه وتغطيت دخل ياسر فتح الغطه ولزگ روحه بيه
ياسر.:زعلان الحلوو
زهراء:هو كله من وراك اكلتني بعيونك لمن هسه طاح حضي
ياسر:هههههه يايابه هسه انه الحازدج طلعت
زهراء:خله راسه بركبتي وهمس
ياسر:آويلي موو هو غصن ريحان ويفتر كدامي
زهراء:خل نطلع شويه والله اختنكت من البيت
ياسر:وين نروح
زهراء:آي مكان بس اشم هوه
ياسر: بس انصلي نطلع
..
زهراء.:صدك اذن وصلينه صعدت
بدلت لبست بنطرون وقميص فوك الركبه الف بالشال وهو دخل هم بدل لبس دشداشه وشمر الغتره على راسه منا ومنا
ونزلنه اثنينه لاگتنه السيطره وتحقيق وشعدكم طالعين ماهتم لحجي امه طلع طلعت وراه شغل السياره وفرفرر وكفنه على الشط ونزلنه الهوه يرد الروح والماي والزرع ضلينه شويه ورجعنه للسياره رحنه لمطعم تعشينه وخلصنه دفع وطلعنه كال ضلي بالسياره اروح الاسواق واجي
راح ورجع محمل علاليك اشكال
صعد ورجعنه للبيت ساعه ٩:٣٠ كعد هو بالصاله خوات منال رايحات ضالت بس امها واختها اصغر منها مامزوجه
وزع حلويات لجهال احمد وكال اخذي العلاكه هاي لمي
اخذتها كلتلها اتفضلي عمه اخذتها سكته وطلعت شلت علاكتنه وصعدت بدلت وكعدت مانزلت بعد غفيت ماحسيت ع ياسر شوكت صعد....
شكرا لزيارتكم عالم روايات سكيرهوم
