رواية المتمرد والصغيرة الفصل السادس والثلاثون بقلم رسل
عشت مصحف بنص فد ناس
مبادئهم مزاجيات
كمت عالمشتهى اتفسر
مثل غرفة سجن ظليت
اخلي الناس بيه تعيش
رغم تتركني بس تكدر
وبرد
بس مدري ليش احتر !؟
لان انا انخلقت بجيل خيرهم
مشه اويه ابليس
ابليس ابلا وعي استغفر 🤷🏻♀️🖤
..........
هاي الفترة ماعرف شبية كارهة ابو فهد رغم هو كلشي ممسويلي و لا حتى يصيح علية بس ماعرف شنو السبب
ابو فهد : بوية عندي طلعة حظريلي القميص البيجي و البنطرون الجوز
اديان : انتة طلعهن اني شكو
ابو فهد : شبيج ؟؟؟
اديان : مابية
.. عافني و راح هو طلع الملابس بس ضااج شنو شسويلة شنو ابتليت اني مانزلت ضليت فوك بالليل يلا نزلت
زيد: صايرة متنشافين
اديان : هههههه لا بس تعبانة
زيد : اهم شي صحتج بوية
.. الساعة ب 12 صعدت هو اجة سبح و تمدد ع الچرباية فتحلي ايدة علمود اروح لحضنة عفتة مارحت ضليت العب بالتليفون سحبني هو الة
ابو فهد : شجاج هالايام
اديان : مابية بس دوخر
.. دفعني من حضنة كام و لبس ملابسة السود يعني رايح للمركز و اخذ سلاحة و طبگ باب الغرفة على حيل ضل هذا الروتين اسبوعين هو صار عصبي بالبيت
و يومية يروح للمركز جان مو يومية اني بس اريد اضوجة و اخلي يصيح رغم جنت بس اريدة يضحك و ماشوفة عصبي
خلص علاجي و گتلة جيبلي كعدت الصبح لكيت العلاكة على الثلاجة نفس علاج كل مرة بس متبدل الكبسول بغير شكل
اني كلت يجوز هذا نوعية احسن من عندا استمريت عليهن
مشت الايام .. و بعد اسبوعين زواج حوراء و زهراء بس سحر و جميلة اخوات ابو فهد ما قبلن علمود امهن بس الحجي سكتهن و ابو سراب و علي گالو المات ميرجع بعد و الولد انتضرو هواي عيب
اني راح ادخل بشهر السادس بس كلها دگول بطنج صغيرة و فد اضوججج وياهم كلهم اعتيادية بس ابو فهد مدري ليش كارهتة و كل ما يكلي امشي اخذج سوي سونار اكلة ماريد و اضوج يعوفني
.. سوت بشرى الغدة وكعدو يتغدون و يسولفون و اني هم اشاركهم الحديث يعني عادي اكلت شوية و صعدت للغرفة جان الجو شتة بس هم الظهر تصير الدنيا حارة هو طب للغرفة و سد الباب
اجة علية لزمني من ايدي
ابو فهد : باعي لج اني هذا الوضع بعد ميصرفلي اذا متحچين شبيج و تعدلين اسلوبچ و حق ربچ اندمچ
اديان : و هسة شتريد
ابو فهد: اديااااان لتختبرين صبري ترى تحملتج هوااااااي
اديان : مشكلتك والله
... ضربني راشدي قوي ضليت لازمة خدي
اديان : ايدك لتمدها بعد افتهمت لو لا
ابو فهد : شنو شنو لج انتي منو هيج مغيرج خاف عاشگتلج واحد
اديان : مالك دخل انتة
ابو فهد: لج شنو مالي دخل ترى امرد حلگج وعلي ادبسززز
.. سحبت اللحاف و غطيت راسي كمت ابجي هو عافني و طلع
بطني ابد ما تحركت جنت خايفة حييل خابرت هيفاء كالت لا ماكو شي ان شاء الله اني العصر اجي اخذج
اجتي العصر كالت كلت لابو فهد لبست الجبة و الشال رحنة للعيادة كالت بيا شهر كتلهة بالسادس كالت شعجب هيج الجنين ناعم تعالي خلي اخذلج سونار اخذتلي بس شفت معاني وجهة تغيرت
- ماما صار كم سونار تاخذين
اديان: هذا واحد و من جان عمر الطفل شهر و نص
- شنوو العلاج الي جاي تاخذينة
.. انطتها هيفاء الوصفة
- و غيرة
اديان : ماكو بس هذا
- امي مااخذة شي قوي و الطفل متسمم و ميت ببطنج شباقي بي
اكو وحدة شهر سادس مماخذة سونار بساع حولوها للمستشفى
.. الدكتورة شمرت القلم على الميز اني ضلت دموعي تنزل والله مماخذة شي يموت الطفل شنو مخبلة و اموتة
- بسرعة لازم تحولوها للمستشفى علمود اسحب الطفل لتموت هي هم هو الجنس ولد متكامل بس ضعيف يعني حالها حال الولادة
.. هيفاء كامت تبچي و تباوعلي و مقهورة خابرت على ابو فهد بس سمعتها دكلة على كيفك هي هم راح تموت ترى اجة زيد بالسيارة ما حچة اي شي دخلنة للمستشفى اجتي دكتورة كالت اني المقيمة مال
دكتورة شذى هسة تسد العيادة و تجي ورا نص ساعة اجتي الدكتورة دخلت و اني دموعي ما بطلت تنزل شفت نسوان يعيطن لو اني متتت من الخوف كلت لهيفاء ماريد هنا اخاف كمت ابجي طلعتني برة
شفتة واكف هو وزيد بس ضايجججج و عيونة حمر هيفاء كالتلهم تخاف من صوت الصياح
زيد: هو شنو هم اكو جوة نسوان
هيفاء: اي
زيد : هسة هو هذا العام لو الخاص
هيفاء : لا العام
زيد : يمعودة صدك تحجين اخذيها للخاص البنية راح تموت من الخوف
... صدك اخذتني هيفاء و الدكتورة ويانة شكلولي مغذي جانت
اصعب لحظة بحياتيي و اني مو نوع الي يصيحن ضلت بس دموعي تجري و هيفاء تبجي وياي و تقرا ايات يم راسي
الدكتورة : الله يعوضج ماما الطفل متسمم
هيفاء : لعد شون اني ما متت ويا
الدكتورة : التسمم مو الا اكل حبيبتي
هسة خلوها هنا اليوم ترتاح و باجر الصبح طلعوها
.. مخنوكة خنكة بس الله اليدري بيها دخلو ابو فهد و زيد
زيد : الحمدلله ع السلامة بوية الله يعوض
هيفاء: الدكتورة تكول الطفل متسمم
ابو فهد : اييي هي كتلتة حتى يحلالهااا الجووو بس وحق هو علي الا اندمججج والله الا اندمججج و راح اضل انبش وراج واشوف المغيرچ شنو
زيد : خوية شجاك البنية شنو ذنبها هذا حكم ربك
.. ركع الباب و طلع ضليت ابجي و هيفاء تسكت بية لحد ما نمت
كعدت الفجر لكيت هيفاء نايمة على الكرسي و زيد واكف يم الباب يشرب جگاير شافني كعدت اجة يمي
زيد : ها بوية شون صرتي
اديان : عطشانة
زيد : اي بوية چنچ على مي
تكدرين تكعدين
.. حاولت اسند نفسي ماكدرت اجة هو يريد يگعدني بعدين
گال ...استغفر الله و گعد هيفاء كاللها كعديها تريد تشرب مي
سندتني هيفاء و كعدت شربتني مي وزيد كال راح اروح اجيبلكم ريوك حتى نطلعها
ورا شوية اجة جايب گيمر و صمون گال اكلو اني اشتهيت باگلة بدهن سوتلي هيفاء لفة اكلت منها بس شوية و اجة زيد و انتضرنة حتى ينطونة ورقة الخروج
ورا شوية زيد كال يلا امشو رحنة للبيت جانت الساعة بالتسعة هم ديتريكون كلهم تحمدولي و مقهورين علية بس سليمة و بنات ابو فهد كاعدات يسولفن محد حچت
و ابو فهد حتى ما باوع بوجهي صعدتني هيفاء للغرفة سبحت و بدلت كتلهة فرشيلي بالكاع ما اريد انام على الجرباية هي ما حجت شي فرشتلي و غطتني
هيفاء: احجيلي حبيبتي ولو ادري مو وكتهة بس حتى انبهچ اذا غلطانة
اديان: عليمن احجيلچ
هيفاء: اخذتي شي يضر الطفل شو ابو فهد يكول صارلهة فترة كارهتني مثل التريد تنتقم
اديان : والله مادري ذيج الفترة صدك اني كرهتة بس ماعرف شنو السبب و هو حتى ممقصر وياي بس الطفل مادري شلون مات
هيفاء: بس لا سحر ولج غرفتج منو يطبلها اكثر شي
اديان : محد
هيفاء : دصيري زينة وانا اتصرف
... راحت هيفاء اني ضليت بس صافنة و دموعي تنزل نمت الظهر حسيت بواحد فوك راسي لكيتة فهد يكول هذا غدة دزتة خالة بشرى و لكيتة لازم الصينية ماردت افشلة اخذتهة من عندة اكلت شوية
و نزلت الصينية لكيتهم بالصالة كاعدين يشربون چاي
فدعة : تعاي حبية كعدي بسدي تعاي انتي هم ما مكتوبتلج الراحة
الحجي :ماعرفتو منين متسمم
زيد : لا
... فدعة غطتني بعبايتهة و خلت راسي على رجليهة و كامت تقرالي ايات حسيت نفسي ارتاحيت بس دموعي تنزل هم كلمن راح لغرفتة و ابو فهد صعد شفت فدعة تريد تنام كمت من يمها
صعدت للغرفة لكيتة نايم و حاط ايدة على عيونة نمت على الفراش كلت هسة لو ابني عايش جان بعد بس تلث اشهر و يجي للدنيا ضليت ابجي ورا شوية سمعت الباب انطبگ باوعت على الجرباية هو ماكو
بجيييت لحد ما الله كلي بس ورا شوية حسيت الباب اندفع دخل هو و قفل الباب اجة علية ركض و لازم علاكة الادوية بأيدة طلع شريط الكبسول و شمر الادوية بوجعي
ابو فهد : لجججج ليش كتلتي ابني منو لعب بعقلج وجابلج هذا الشريط لججججج انتي متخافين الله بية
اديان : شنو والله مادري شنو دتحجي
ابو فهد: هسة سويتي روحج هادئة قبل چم يوم تنترين احجييي هذااااااااااا منو المتفقة ويا سا***
والله الاااا ادفعج الثمن غاااالي
.. ضلبت بس ابجي ماعرف عليمن ديحچي
لزمني من شعري و رفعني من الكاع ضليت لازمة ايدة و ابجي
كعدني ع القنفة
ابو فهد : اششششششش حركة ما اريد
.. فتح الكنتور جاب شال خلة ايدي ورا ظهري و شدها
سحب الطبلة و كعد مقابيلي
ابو فهد : راح اجيبج بالسياسة حتى ما اجرم بيج و تطلعين انتي المعيشة العشيرة
اول شي كليلي شنو الغيرجججج
اديان: مادري والله
.. سحب باكيت الجكاير ورثها و كام يشرب و ينفخ الدخان بوجهي
واني اگح
ابو فهد : للمرة الثانية شنو الغيرججج
اديان : والقران مادري
.. رفع الدشداشة الجنت لابستهة و طفة الجكارة بفخذي و ضل ضاغط بأيدة على رجلية حتى ما اكوم فرفحت روحي ضليت اناشغ
ابو فهد : لتجبريني اليوم اطفي الباكيت كلة بجسمج
اديان : وروح امي مادري والله وروح اختي
ابو فهد : ابنييييي ليش كتلتي
.. بعدني محاچية طفة الجكارة بنفس المكان
اديان : والله ماكتلتة شلون اكتلة انتة كلي شلون
ابو فهد : لجججججج جا هذا الشريط منيلججج الدكتورة تكول هذا بس للدكاترة ينطو ماااال اجهاض هذا مااال اجهاض قويييييييي
لج ابني منتظررررررة و فرحان بي
بيا حق يمووووووت بيا حقققق
اديان : غير انتة جبتة
ابو فهد : لججججج انا شوكت جايبلجججج هذا لا تذبين الصوج بيةةةة لا انعل والديج كلللبة هذاا بس الشريط ب ورقة انتي علاجج الاجيبة كلة ب 40 الف
هذااا يااا گو** يا گح** لعب بعلقججججج احججي
اديان : والله محد و الله
ابو فهد : وين تليفونج
.. اشرتلة على الكومدي راح جابة
ابو فهد : فتحييي الرمزززز
اديان: اسمي بالانكليزي
... حاول اول مرة ما نفتح المرة الثانية نفتح ما خلة شي ما دخل عليه اني كلشي ما عندي بي شالة و شمرة بباب الحمام تفلش كل قطعة صارت بصفحة
ابو فهد: هسةةةة احجيلي شلون اتفنن بكتلتج كليلي
... ضلت بس دموعي تنزل و الحرگ يوجعني كمت اهز برجلي من الوجع كام يورث و يطفيها لو برجلي لو بزندي و اني روحي تشوغ
كمت ابجي و اشهك
سحب الحزام من الكنتور جانن البيبان مفتوحات ضربني لحد ما تعب كام يلهث بيني و بين نفسي كلت والله قدرة اني عايشة هسة ما صيحت بس صوت شهگاتي مسموع ندك الباب حيل سمعتة صوت ابو سراب
ابو سراب : خوية ليش اديان تبجي شمسويلها المرة اليوم الجاية من المستشفى مال ضرب هيَ
.. ما رد على ابو سراب جرني من الدشداشة سمعت ابو سراب يخابر زيد
ابو فهد : ليش لج ليش هيج تغدرين بية
انتي هم خليها ترچية بأذنچ انا بعد چزت روحي منچ
ورجعي منين ما اجيتي و الفلوس الدفعتهن عليج هم ماريدهن
... اني ماريدة بعد بس كون قبل لا اروح يعرف الحقيقة ضليت نايمة بالكاع مثل نومة الجنين هو دخل يسبح و زيد ضل يدك بالباب
ابو فهد: جااي اسبح هسة اجي
زيد : ابو فهد اديان شو مالها صوت شسويتلها
... بعد ما جاوبة طلع من الحمام و فتح الباب سمعتة بس من يگلة خابر عمامها يجون ياخذوها مالها ضلة هنا
نمت من التعب حسيت على سراب تكعدني باوعت للساعة ب 7 بالليل الغرفة نفس هوستها
كتلها اخذي راحتج مابية شي اخذت ملابس طلعة سبحت و حطيت لسقات جرح على مكان الجگاير و لبست الجبة و شمرت الشال على شعري و نزلت جوة هم ديتعشون ضلو مستغربين يباوعولي
اديان : زيد توديني لاهلي لو اروح اني
______
وين ما اغني اذكرك
انا شايل گلب امي
شما غلطت وياي اعذرك
______
اديان : زيد توديني لاهلي لو اروح وحدي
زيد : شجرالج بوية .. ابو فهد مو گلت ما ضربتهة
ابو فهد : طبي جوة لا اكسرررر راسچ
الحجي : بهيدة بوية خل نفتهم
ابو فهد : مالكم غرررض هي مرتييييي
اديان: انيييي لا مرتككك و لا اعرفك و لا اريدككك كافييي تعبت منك و ملييييت مستقوووي علية لان ماعندي احدد يوكف بظهري بسسسس والله مستعدة انام بالشارع و لا ابقة يمكم بعدددد
... درت وجهي اريد اطلع اجة زيد وكف گبالي
زيد : شجالج بوية منو وياج
اديان : منووو وياي يعني ابوو فهد ابو فهد
ابو سراب : ابو فهد حرام عليك خوية هاي طفلة شنو ذنبها
ابو فهد : اشششششش كافي ماريد حس و انتي امشي طبي جوة
زيد : خوية شجاك متگلي خلي اخذها لاهلها ترتاح و عود بعدين رجعها
ابو فهد : يا اهللل ذولة يا اهللل هم گو** و ميردوها
زيد : اني اخذها اشوف الوضع اذا مو خوش ارجعها
ابو فهد : اذاا طلعتي بعد ما الج رجعة هنا
اديان : اي ماريد يلا ماريد
زيد : اوكفي خل اروح اغير هدومي
... راح زيد و هم كلهم يباوعولي و هو كاعد و منزل راسة و يهز برجلة اجة زيد كاال يلا بوية
زيد : چا متاخذين هدوم وياچ
اديان : ماريددد كلشي منكم ماريددد
زيد : هايهية صار صار
.. صعدت ليورة و زيد يسوق ما حچة شي جانو ولد عمة ملتمين حاطين نرگيلة و دومنة گالولة خيرر گاللهم ماكو شي
زيد : ابو فهد شنو ضاربج
اديان.. هزيت راسي بمعنى اي
زيد : ليش
اديان : يكول انتي كتلتي ابني
زيد : استغفر الله انتي شعليج
.. ضليت ساكتة و هو هم سكت الفجر بالستة يلا وصلنة لبيتنة نزلت و زيد نزل وياي دگ الباب محد فتحة ورا ربع ساعة يلا فتحتة مرت عمو جعفر شافتني سلمت علية كتلها وين ابوية و عمامي كالت نايمين عرفتهم قبل شوي جايين من الشرب لان هذا وقت جيتهم
زيد : چا انا رايح ازور للكاظمية و امرر على اصدقائي و ارجع اشوف الوضع
اديان : ماشي
هناء: شعجب اجيتي
اديان : اريد اتطلگ
هناء: يا ولج ماخذتلج شيخ و تردين تتطلكين
اديان: ماريدة بس يضرب
هناء: قابل ابوج و عمامج راح يبوسوچ هم يضربوچ
اديان: ماريدددة لتلحين
هناء: براحتچ عابت اني شكو
..راحت نامت دخلت لغرفة بيبي لگيتهة صايرة صالة لعد بيبي وين ضليت كاعدة على الفراش لحد الساعة بالعشرة يلا بدو يكعدون سمعت صوتهم برة طلعت لكيتهم كاعدين يتريكون
جعفر : هاي شجابها
حامد: بس لا شردتي
اديان : لا اخو ابو فهد جابني
حامد : شعندج
اديان : بابا عليك القران طلگني من عندة و الله موتني ضرب ماريدة اني و هو هم كال الفلوس الدفعتهن لابوج ماريدهن
حامد : يصير خير يصير خير
ضل ابوية هو و عمامي يحچون بصوت ناصي بس عيونهم علية
.. ورا شوية اندگ الباب راح ابن عمي جعفر يفتحة دخل زيد
حامد : خيررر شكو طااب لبيتي
زيد : ماعندي حچي وياك بس اديان تعبانة و رادت تجيكم و جبتها فترة و نجي نرجعها ديرو بالكم تسوولها شي
حامد : طگطگ نعالاتك يلا اديان بعد مترجع و صلها لشيخكم يطلگها احسلة
زيد : مو بكيفك انتة هيَ تقرر
اديان : زيد اني ما اريد اخوك خلي يطلگني
زيد : اديان انتي هسة ضايجة من ابو فهد و حقج ارتاحي چم يوم و نحچي عود و هسة تعااي احاچيچ
... رحت يمة طلع ورقتين وانطاني ابوية سحبهن من ايدي و شمرهن على زيد ضليت مصدومة
حامد : بتي اني اصرف عليها
.. زيد طگها ضحكة قوية و مسح شواربة وگال .. اي ليش لا
وطلع ..
حامد : جعفر دگلي على رجلها
... ابوية اخذ التليفون و كعد بالغرفة رحت كعدت يمة كال كومي سدي الباب سديتة و رجعت ابوية فتح سبيكر لان سمعة مو كلش قوي
ابو فهد : هههههههه يا هلا
حامد : باع بدون كلام زايد هاي الايام تطلگ اديان
ابو فهد: ليش بتك ما گلتلك عقدت عليها بالمحكمة
حامد : هاهية راح تقدم عليك دعوة
ابو فهد : هههههههههههههههههه طلاگ ما طلگ و خليها يمك معلگة و البي زود خل يتنفس لو عجبتك سالفة الحجاب و الفرة بالسلف
حامد : هاي بعدين نتحاسب عليها
اديان : انتة شتريدددد مني متطلگني ماريدككك والله ماريدكك
حامد : يطلگچ و رجلة فوك راسة
ابو فهد : بووووية صاير زلمة حامد بس فرحتلك و العباس
... سد التليفون رحنة كعدنة بالصالة
جعفر : ها شيكول
حامد : ميقبل يطلگ
جعفر : يمعود هذا وين نگدرلة اتفق ويا على سعر جديد
.. ضليت مصدومة اباوعلهم
حامد : لا اني اريد اكسر خشمة بيها
جعفر : والله اني مالي دخل لان مو گدة
علاء : مدام درت بعد حبسوها بالغرفة لتشرد
اديان : شنو شكو
.. اجة عمو جعفر سحبني من ايدي و دخلني لغرفة بيبي و قفل الباب ضليت خايفة ذولة شيردون ضليت حايررة بس كلت اتحمل منهم كلشي و لا ارجع لابو فهد
نمت من التعب مرت خمس ايام بس من يكعدون بالصالة يفتحولي الباب بس محد حاچاني كلت خلي يسجنوني و لا هذاك الضيم و سئلتهم على بيبي گالو يم اختها عايشة ملت من العيشة هنا
ورا يومين اجة زيد كال ترجعين كتلة لا اريد اتطلگ من ابو فهد
انطاني تليفون كال هذا بي سيمكارت حتى اتطمن عليج
اخذتة و ضميتة هم ما شافو وزيد راح خلصن اسبوعين و اني عند اهلي لا شفت منهم شي يخوفني و لا ابو فهد سئل و لا اجة ارتاحيت
العصر خابرني زيد
زيد : شونج بوية
اديان : زينة و انتو
زيد : الحمدلله ...
ليش هيج بوية انتي من شفتي روحج متغيرة غير تحجين
و العلاج من شفتي متغيرر غير تحچين
