رواية قصة زهراء الفصل السابع والثلاثون بقلم زينب نور
ولأن ربي كريم
وينطي على النية
راح اصبر واخلي الصبر
يتعلم صبر مني
ويگول شگد قوية هاااي البنيه👯
زهراء:كعدت الصبح بدلت ونزلت ياسر نايم جوه كلهم كاعدين حضرنه الريوك خليناه بالصاله كلهم التمو
نتريك ونزل ياسر مبدل يريد يطلع تريك وطلع
والتهينه غده وغسلت اماعين الريوك واكفه واشوف دخلت مره باوعت يااا هاي سحر الدخلت عدنه شكوو شعدها جايه
كلت الدعاء طلعت واسمع سلامهن هي وام ياسر عبالك تعرفها من قرن
دخلنها لغرفه ياااا هل اكول المن جايه على مود منال كبر كوون
ااي هي من صنفهن نفاق وجذب
الطيور على اشكالها تقع
خلصت البيدي وطلعت شافتني سلمت عليها من وره خشمي
وصعدت عزلت الغرفه على ماصار الاذان نزلت هااي بعدهاا
دخلت اتوضه بالمطبخ دخلت ام ياسر
ام ياسر:بسرعه خفن ايديجن على الغده
زهراء:حجت وطلعت سمعت باب الكراج انسحب باوعت ياسر دخل سيارته ونزل
اباوع عليه راح من الباب الثاني شويه واجه
ياسر:هاا الله يساعدج
زهراء:هلا حبيبي
ياسر:منو هناا سمعت صوت
زهراء:كتله سحر
ياسر:مااشي يمتى اجت
زهراء:وره ماطلعت اجت وامك عطلتها للغده
ياسر:يصير خير.....
زهراء:رجع للستقبال صلينه وخلينه الغده وره الغده راح سحر اجه رجلها خذاها
من طلعت دخل ياسر بالباب مال الصاله واكف وصاح
ياسر:يمممه يمممه...
ام ياسر:هااا يممه خيرك
زهراء:لبس دشداشه والغتره على راسه ويفرك السبحه بيده ويحجي
ياسر:هاااي البت بعد ماتدخل للبيت
واذا سمعت داخله مااتلومون اله نفسكم
ام ياسر:ليش شبيها جااي اشوف منال
ياسر:ااانه كلت وكلامي مااعيده اياني واياج تدخل مره ثاني
وشنو اشوف منال عرف ولف لا نعرف اصلها ولاشي
ممنوع تدخل وحجي زايد مااريد
زهراء:حجه وصعد امه ماعجبها الكلام دارت وجها وتعوج بحلكها انه صعدت وراه
دخلت كاعد على المكتب ماله اجيت كعدت على رجله
وايدي على ركبته من وره كتله ليش ما تريدها تدخل مره ثانيه
ياسر:احسن...
زهراء: اااي ليش
ياسر: هسه انتي شعلقتي على هاي رحمه لهلج
زهراء: هههه يله سكتت
ياسر: غردي لا اسكتين بس على شي بيه فايده
اكلج الداطلي مال البارحه وين
زهراء:هههه يا داطلي غير ماكملته
بس خل اشوف يمكن دعاء سوته
نزلته فتحت الثلاجه صحن بيه حبتين وقطعه كيك اخذته وصعدت
ياسر:هي هااي خابصتني داطلي وداطلي
زهراء:انه يمته خابصتك هو هذا وهمزين مااحتركت ومن وره الشياطين
ياسر:يااابه انتي ترفه موو مال شغل😉
زهراء:هااا لا حبيبي كلشي اسوي
وهسه شكاعد اسوي
ياسر:اشتغل كلاص ماي انسحن گلبي
زهراء:فتحت الثلاجه مابيها نزلت جوه جبتله بعدني توني احط الكلاص على الميز وانطبگ الشباك حيييل طفرت وانجب الكلاص على الوراق....
ياسر:مووو اكول ثوله وفاهيه ادكول لا ماوديتج على شي وسويتيه
زهراء:هسه ذني اوراق مامكتوب بيهن ليش عصبت
ياسر:وخري عن وجهي
زهراء:كعدت ع الجربايه واخذت التلفون اكلب بالفيس شفته ناشر صوره علقت عليه منور يسوري
هو لازم تلفونه اجاله الاشعار بسرعه باوعلي وكال
ياسر:امسحيه
زهراء:ليش
ياسر:امسحي شنو يسوري شدكول العالم
زهراء:مرتك يعني واذا
ياسر:مو الناس تدري بيج مرتي امسحي بويه امسحي
زهراء:مو صوجك صوج الي يكلك منور لازم اكلك مظلم اشوف واحد غيرك احسن
ياسر:حتى اكسر الجهاز على راسج
زهراء:ليش عيني بس انته طايحات بيك مغازل وهيبه ومااعرف شنو
مايستحن ساقطات
ياسر:هااي انتي كلتي مايستحن
انه مودي عليهن شسوي معجبات
هوااي
زهراء:😦معجبات هو....
مر اليوم عادي ماكو شي لليل راحت ام منال ياسر كاعد بالصاله صاحت عليه امه للغرفه كام دخل كمت وراه شتريد منه
ام ياسر:تعال يمه يم وليدك ومريتك شمالك
ياسر؛تدرين بيه مااشيل الجهال بالنفاس
ام ياسر/ اي اكعد يم مرتك
زهراء. كعد على الكرسي وهن يسولفن ماشاركهن عينه بالتلفون
منال:الله عليج خاله مو يشبه ياسر
ام ياسر:هههه ايي غير ابوه وطالع عليه
زهراء:بهمس تريدينه يطلع عليج الزركه ام حثل
ياسر:خزرتهااا وبتسمت عهههههه
زهراء:😛خزرني شويه وطلع طلعت وراه
رحنه للغرفه
خليني باجر اروح لهلي
ياسر:شسوين
زهراء:بربك هذا وجها اروح بيه لبغداد خل اروح انظف وجها واروح للسوك ويه امي محتاجه كم شغله
ياسر:مناك اشتري التحتاجينه وباجر اخذج الهم ومن ارجع امر عليج
زهراء:مااشي .....طفيت الضوه وبدلت رحت نمت بصفه ياسر
ياسر:هممم
زهراء:ليش مااشيل عمار
ياسر:مااحب اشيل الجاهل وهو بالنفاس اكش منه
زهراء:ايي وانشاءالله باجر هم مااشيل ابني
ياسر: اشيله شلون مااشيله غير ابن الترفه هذا
زهراء:هههه.....
وسحبني لحضنه ونمنه لثاني يوم بدلت ورحت لهلي حفتني سميه ونظفت جسمي وخلصت سبحت وتغدينه لليل اجه ياسر دخل يم ابوي والولد باوعلي وغمز
هههه ولايستحي
شويه وصاح رجعنه للبيت ساعه ١٠ صعدت كبل هو شويه واجه لاگاني امشط بشعري
ياسر:آويلي شطالعه اليوم
زهراء:لااا عيني انه كل يوم حلووه
ياسر:وانه صار بيه سكر من الحلاه
شو تعاااي..
زهراء:ههههه.....ووو
ثاني يوم رحنه لبغداد طلعنه الفجر لان اليوم احد ازدحامات هواي وصلنه ودخلنه للبيت مغير بيه هواي شغلات صابغه والاثاث كله مغيره بس المطبخ نفس ماهوه
ضليت افتر هو ماكو رجعت للصاله نايم على التخم على وجها
بسرعه نام لان من الصبح انه هم ذبيت العبايه وسحبتلي مخده والنومه نومه
لمن حسيت عليه يكعدني
ياسر:زهرة هااي شلون نايمه كومي عمري ساعه ٤ العصر
زهراء:كمت غسلت وجهي وبدلت وبطني اصرخ من الجوع
صاح راح اطلع اجيب شي ناكله وطلع عزلت شويه لان نظيف هو شويه ودخل جايب كباب كعدنه اكلنه وشلت الباقي.
لليل اجه صاحبه وضلو كاعدين بالستقبال
من طلعو باوعت من الشباك يااا هذا الي وياه بالنفجار خطيه رجله بلاتين
ياسر:باجر عشاكم هناا انته وام الجهال
عماد:لا خويه واصله عزيمتك
ياسر:شالقضيه جيبهم نتونس عليهم شويه وراح اخابر هذا الهتلي تيسر هم اكله
عماد:هههه هذا لو ماعزمته يفضحكه
ياله في امان الله
ياسر:الله ويااك
زهراء:دخل كتله بربك عزمت الرجال وانته حتى اماعين ماعندك مو هواي
ياسر:ايي اكتبي شنو تحتاجين ونطلع الصبح غير انتي ام البيت بعد
زهراء:ايي كمت جبت ورقه وقلم واجيت بصفه كعدت بديت اكتب هو اكو اماعين بس مو مال عزيمه
كتبت صحون وكاسات مرگ وكاسات زلاطه وجدر جبير وطاوه وكلاصات واستكان
اكلك شوف بعد ناسيه شي بعد
ياسر:لا بويه شناسيه وياله كومي خل انام باجر وراج كعده من الصبح
زهراء:طفه التلفزيون وكمنه نمنه كعدني من الساعه ٧ على ماتريكنه وخلصنه رحنه للسوك اشتريت الغراض الكتبتهن وشفت تحفيات للبيت ومزهريات عجبني حييل وطبع ياسر مايكول كافي لو شي لا يحب واحد يشتري بس كون شي يستاهل
اسوك هو دجاج وخضره فواكه وهاي السوالف
كملنه طاحن رجليه اذن الظهر ياله رجعنه صليت وكعدت شويه كمت عزلت الغراض الماعين خليتهن بالكاوتنر والدجاج نضفته ونكعته بملح وخل على ماتغدينه مااكلت شويه وكمت بديت بالعشه
جهزت الحشو مال التمن اول مره
وبديت غسلت الدجاج وخليته على النار
مرر الوكت صارت الساعه ٥:٣٠،طفيت كلشي طلعت تحليه من النت سويتها كيكه بارده كملتها وخليتها بالثلاجه واخذت الزلاطه ورحت بالصاله يم ياسر. وكعدت اسوي خلصتها وعزلت خاف اكو شي منا منا ياسر اخذ البخور للستقبال بخره دخلت للغرفه لبست فستان اسود لان بعدنه مانازعينه وخليت كحل ومكياج خفيف وطلعت شويه وسمعت الباب اندگ طلع ياسر فتحه طلعت للصاله دخلت مرت عماد سلمت عليه وياها بس ابنها الصغير
كعدت انطيتهم ماي وصلو طلعت اشوف شكو بعد بالمطبخ
صاح ياسر ياله اجت اله اساعدني صدك صبت وياي وانطيتهم عشاهم واحنه كعدنه بالصاله شلون مره حبابه ومثقفه شلون اسولف
ام بنين:، عاشت ايدج الطبخ ناصع
زهراء:بالعافيه حبيبتي
خلصنه بس عزلت الماعين وانطيتهم جاي هي ماتشرب جاي انطيتها من الحلاه
للساعه ٩ راحو كمت لبستلي تراك حتى اشتغل براحه وكفت الماعين كومه هااي يمته اخلصهن
ياسر:هااا حبي شسوي
زهراء:درت عليه واشرتله على الماعين
ياسر:هههه انه وياج نغسلهن
زهراء:وكفت افرك وهو نزع الدشداشه ضل بس بالسروال والفانيله انه افرك وهو يشطف ههههه بس تعال واشبع ضحك صوت الماعين يوصل للبصره
ياسر اذا على هذا غسلك والله ماضل ماعون صاحي
ياسر:شبيه غسلي مو جاي اساعدج
زهراء:عووف والله راح اتكسرهن ماكالو هج شبيك تربد
ياسر:كملي وانتي ساكته يله
زهراء:كملنه بس ياسر ماعداها سلامات كسر كاستين من الجديدات طلع ومسحت المطبخ طلعت تعبانه مابيه اسبح بس بدلت وتمددت غفيت بسرعه
لثاني يوم رايح للدوام ماادري بيه كعدت شويه ودك التلفون هو
ياسر:هاا صباح النور كعدتي
زهراء:ايي هسه كعدت
ياسر:حضري روحج من ارجع انروح للدكتوره
زهراء:ماشي...سديته منه وتريكت كعدت وحدي ضوجه على مااجنه خبصني خبص بدلت فستان لان بنطرون مااكدر اطلع رجلي منه
ورحنه الطريق تقريبا نص ساعه وصلنه هو حاجز بسرعه دخلت
واريتها رجلي
الدكتورة:انشاءالله بسيطه ماكو شي وراح اكتبلج موعد حتى تجيني
زهراء:صدك كتبتلي موعد الاسبوع الجاي للمستشفى طلعنه منها رحنه للسوك اخذت كم ترك ودشاديش مال نوم واحنه نمشي دك تلفون ياسر رد شويه وسداه
ياسر:عالخير صرتي خاله
زهراء:اول مره راحت عن بالي بعدين طخت يااا فاطمه جابت
يممه فدوه صرت خاله
شفت محل مال بيبي كتله خل ادخل دخلنه اخذت لعمار قاط يخبل مال جهال وحذاء مالته وياه واخذت لابن فاطمه هم ماادر شسموه هههه بس لا سمه امير
رجعنه للبيت بسرعه دكيت على امي
امي:الوو هاا يمه زهرة شلونج
زهراء:الحمدالله انتم اشلونكم فاطمه شلونها
امي:الحمدالله بخير بس اختج ماتعرفينها خوافه كلبت المستشفى علينه
زهراء:طبيعي غيرر
امي:ايي طبيعي
زهراء:ايي الحمدالله شسميتوه
امي:امير
زهراء:هااا ساله حلوو يشبهمن
امه ابوه
امي:ولج يمه بعده الجاهل مايبين هسه وجها مورم
ماكلتي شكالتلج الدكتوره
زهراء:انطتني موعد الاسبوع الجاي للمستشفى .....
ختمتها وياها وسديت الخط
اذن المغرب وصلينه
سويت عشه خفيف اكلنه وضلينه كاعدين
شوكت نرجع
ياسر:بعد يومين
زهراء:حيييل يومين هوواي خل نرجع باجر
ياسر:مو دوام شلون ارجع
زهراء:زين الامام الكاظم بعيد منا لو قريب
ياسر:ليش
زهراء:خل انروح انزوره
ياسر:لا مو بعيد اذا تردين من ارجع من الدوام باجر
زهراء:ببتسامه صدك
ياسر:والله انتي اميرتي بس اطلبي يجرالج شكم زهرة عندي انتي والبطن يبست ههههه
زهراء:ههههه الله يخليك الي ومايحرمني منك
......
فاطمه:طلعنه من المستشفى للبيت وسعد طاير باامير يريد يشيله بس امي ماخلته صغيرون ناعم كلش
وصلنه للبيت صعدت الغرفتنه
كعدت بس الالم بضهري وبطني ذبحني
تمددت وامي وام ياسر يمي غفيت بسرعه لان البارحه اليل كله انه اطلگ متت بس من شفت اموري راح الوجع كله
زهراء:كعدت الصبح سويتله ريوك بمزاج عالي اجه تريك وكام
ياسر:ساعه ١٢ ارجع ماعندي شغل هواي اليوم
زهراء:ماشي بسته بخده وباسني وطلع اباوع وراه على طولي ربي مايحرمني منك
ومن طولك
رجعت لغرفه حضرتله ملابس يروح ببهن وانه هم سبحت وكملت بدلت من هسه لمن صارت ساعه ١٢ اجه
بدل وكعد شويه وطلعنه
ساعه هيج يمكن ووصلنه
للامام هو دخل وانطاني المكان الي الكاه بيه دخلت تفتيش وبألف ياعلي دخلت للضريح باب المراد
زرت ودعيته يحفضلي ياسر ويرزقني الفرحه الماكملت
شويه وطلعت ماتيهت مدري شعجب شفته واكف رحت عليه
ياسر:هاا خلصتي
زهراء:ايي
اخذني من ايدي ونمشي انه وياه المره القبلها اجيت ادعيله يكوم على رجليه وهاي المره نمشي انه وياه سويه مشاني بالسوگ كتله مامحتاجه شي بس هو اخذ كم شغله اله ورحعنه ساعه ٥ العصر
مرر يوم ورجعنه للبصره دخلنالهم ساعه ١ الظهر عدهم زينب وطيبه سلمت وصعدت بدلت ودخلت لغرفه فاطمه باوستها وشلت اموري يممه فدوه العنون
سعد:على كيفج ابني نريده
زهراء:دروح خالته واشيله
سعد:شلون خاله طابكات فيوزاتها ابني هم ماعنده حض هااي خالته
زهراء:شگلت ....
يعد:لا عمي ماكلت شي اكول خوش خاله هنياله اموري
زهراء:ايي هنياله عنده خاله نفسي
هههه...خليته ونزلت جوه ياسر بالستقبال يم ابوه
خلو الغده تغدينه وخلصنه دخل ياسر يم امه انه صعدت انطيت فاطمه القاط الجبته ل اموري
ونزلت قاط عمار بيدي دخلت نايم بكاروكه ياسر باوعلي وضحك
دنكت بسته وهو نايم وانطيته لمنال باوعت صفح ودارت وجها عابت لهل وجه الازرگ
كاعدين ياسر لازم تلفونه.....
مر اليوم عادي
مرت الاشهر ياسر اسبوع عدنه واسبوع بالدوام انه سويت التجميل بس مااكلكم اختفه ماكو اثر لا بس يعني بقى حمار شويه
اجه شهر رمضان عزلنه البيت وغسلاناه من فوگ ليجوه منال ابهنا صار عمره ٤ اشهر واموري اصغر منه بسبوعين وفروحه بنت دعاء اصغر منهم
خلصنه شغل وتنظيف اول يوم رمضان ياسر مو هنا ابغداد اليوم يجي عمي عزم اهلي وبيت عمي حاتم وعيال سهى همين
خلينه جدر الدولمه والدجاج هم طبخناها للعصر كلهم التمو ياسر خابرته طالع الظهر وره الاذان
فه واكفين بالمطبخ اجت مرت قاسم الثانيه خوش بنيه حبابه ضلت اسولف وياي سوالف عاديه
مااشم بس ريحت شي شعوط اصخام التفتت جدر الدولمه غززه اجت ام ياسر على الريحه الصدك خفت منهاا
ام ياسر:شنوو هااي الريحه شحترك
منال:جدر الدولمه خاله المسعده واكفه ادك سوالف وحترك الجدر
ام ياسر:اصخام بوجهج انشاءالله يالفاهيه
زهراء:شدراني مامنصيته غير منال هي الخلته
منال:لا ترجعينها براسي انتي عوبه
زهراء:احترمي نفسج لا تغلطين يله
منال:ايي هااي الصدك لا تستحين منها عوبه وجايفه بعد
زهراء:صار مرادد بينه حركت كلبي كون انتي محتركه ولا جدر الدولمه الزرگه ام ياسر كامت اصيح حليت وطلعت من المطبخ انه حاركته شنو اشو خلته على النار وراحت مدري وين طست
ضلت ام ياسر اتعد واصف بيهاا مارديت عليها للمغرب قبل الاذان دخل ياسر سلم عليهم البيت متروس صعد صعدت وراه سلمت عليها
ياسر:شبيج ضايجه
زهراء:مابيه شي راح اخليلك ملابس بالحمام خليتله ونزلت اذن ومدينه السفرة من الاستقبال للصاله وكعدنه كلنه
اباوع الدولمه حاطاتها ندست دعاء
دعاء:شالت منها بس من فوگ وذبت الجوه بس ضوكي طعم الشعواط بعده بيهاا
زهراء:ايي والله ابمنال ولا بيهااا
صالح:شهل طعم الدولمه مدخنه
ام ياسر:هاااي بنت اخوك شعوطتها للدولمه
زهراء:محد حجه بعد كلها سكتت خلصنه وتعالو لماعين رمضان ضيم ضيم والله غسلن لمن طاح حضنه ورجعت الوجبه الثانيه من اكلو المحلبي
خلصت ورجعت بالصاله اهلي وبيت عمي حاتم راحو عمار كاعد بحضن ياسر كعدت بصفه اللاعب بيه كالت ام ياسر
ام ياسر:ماتهمين روحج واجيبيله اخوو
زهراء:سكتت ماحجيت ياسر رد عليها كلها انشاء الله اخت ونقفل شكلتي زهراء باوعتله وبتسمت
ام ياسر:شنهي اثنين هااي مرتك الثانيه معدله اذا هاي مو مال احباله
ياسر:يممه رحمه لهلج اسكتي
ام ياسر:كافي السكته وانته ياشيخ شو ساكت عن ابنك شامر ام ابنه ولاحگلي هاااي
زهراء:اجيت اكو لزم ايدي ياسر
ياسر:يممممه ماعليكم بيه وبحياتي لا تدخلون رحمه لهلكم مرتي وانه حر وانه بعدني على وعدي تره مانسيت بس خل يكبر الولد شويه
ام ياسر:شنهي تريد اطلگ اضنك
ياسر:يمممه لا تدخلين كتلج
صالح:بويه اذكر الله الطلاك مو هين واعدل بين نسوانك هم الله مايرضه ويحب العدل
ياسر:اضنكم نسيتو حجيي انه هااي مااريدها وتندمت الف مره لان خذتها نسيتو مصايبها لو اذكركم
صالح:ابني الفات مات واحنه والد اليوم
زهراء:مااحس بس منال كامت ولكفت عمار من حضن ياسر وكالت
منال:خليك لا حگ ام الزلم مسويتك كلشي ماتندل وراهاااا
زهراء:ضليت فاكه حلكي شلون صلفه وماتستحي تحجي هيج كدامهم صعدت وياسر ماكل باطل لحكها سوه الدرج طفرتين......
مانسمع بس دفرت الباب وامه صعدت وراه الله ياا امه تعلك السالفه وبعدين اضل اتحيز...
ياسر:اليوم اعلمج ياهي ام الزلم كلبه صبرت عليج هووواي.....
ملاك الروح
