رواية المتمرد والصغيرة الفصل السابع والثلاثون بقلم رسل
اديان : شنو شكو
زيد : بعدين اسولفلج هسة حظري روحچ راح نجيج اني و ابو فهد
اديان: لتجون اني ما ارجع
زيد : لتحجين ويا ضلي زعلانة بس خلي نرجعج للبصرة ترى
محد متطمن عليج و انتي ببغداد
اديان: ماريددد احد يجي اني مرتاحة هنا اريد اتطلگ من ابو فهد
زيد : رجعي و نامي بغرفتي اني انام جوة و لتحجين ويا ترى عمامج ممرتاحلهم .
اديان : مابيهم شي عمامي و ابو فهد مو من يعرف الصدك يريدني مو اني كتلت ابنة
سديت التليفون ...
اريددد بس اعرف منو السبب بالشي الصار اني حافظة رقم هيفاء هي نفس رقم زيد بس النهاية تهتلف هو 66 و هي 65
كتبتة و دگيت عليها اول مرة ما جاوبت
المرة الثانية جاوبني ابنها يمكن لان سامعة صوتة
محمد : منوو
اديان :اني اديان اريد هيفاء
محمد : يمة هاي مرت خالي ابو فهد
هيفاء: ياااا .... الو شونج حبيبة شخبارج
اديان : زينة و انتي
هيفاء : اجوج اخوتي لو بعدهم
اديان : لا بعدهم و ما ارجع و القران
هيفاء: سولفولج شصار
اديان : لا
هيفاء: ولج فهد مدري شسامع خواتة يحچن وجاي كايل لابو و الظاهر الهن ايد بالموضوع بس ما كال شسامع فهد و لا فهد يقبل يحجي و كتلوهن هو و زيد و هددهن لو يحچن لو يلغي سالفة الزواج كلها و گايلاتلة يمكن و كتل سليمة و طردها من البيت و بناتة
هسة ببيت جدهن و باجر مسوي غدة هسة زيد كلي و اكيد الشغلة مو بس غدة و هسة يردون يرجعوج والله ذني مال السم يردن يجلطن اخوية بعمايلهن خلي يطيهن و نخلص منهن
اديان : اني ما ارجع والله لو شتسوون
هيفاء : تعاي و لتحچين ويا لحد ميحس على الشي السوا
اديان : و الله و لا ارجع
هيفاء: براحتج حبيبة بس اخوي ما يطلگج لو تطلع براسج نخلة
اديان : يلا باي
هيفاء: الله وياج يروحي
.. هاي سليمة الحية اني شمسويتلها هيج تكرهني الله لا ينطيهن العافية تلاثتهن و ياخذ حقي منهن و من ابو فهد بالليل سمعت صوت طگة القفل يعني فتحو الباب زين هم ممأذيني بس ليش هيج يسوون
هاي الفترة اخذت تراكات اثنين من مرت عمو جعفر هي هم ناعمة طلعت سبحت و ظفرت شعري و رحت للمطبخ اريد اشوفلي شي اكلة سمعت دگت الباب
جعفر : اديان روحي فتحي الباب
. رحت فتحتة انصدمت دخل ابو فهد و زيد جنت متوقعة يجون بس گلت اذا مو ب12 بالليل يجون بالوحدة
وهسة الساعة ب 8
ابو فهد : انتي شون طالعة هيج
.. عفتة و درت وجهي ودخلت كلت لابوية و لعمامي هذا ابو فهد و زيد بالكراج طلعو الهم اني ضليت واكفة بالمطبخ اباوع من الشباك ونسوان عمامي يباوعن وياي
حامد : شعندك جاي
ابو فهد : مرتي يمك
حامد : ماعندك مرة يمي طلگها و فض السالفة
ابو فهد : عمي و حق ربك عندك سالفة بأديان مال تقنعني نزلت عليك الابوة والحنية هسة لو تموت كدامي ما اصدك
حامد : مالك دخل بأديان لان هي متريدك مسوي روحك شيخ و تحبها الله يعلم شمسويلها وهيج كارهتك
ابو فهد : ليش هم تعرف الله انتة
زيد : صيحلها احنة نحاچيها
جعفر : اديان تعاي
حامد : حتى لو قبلت ما اخليها تروح
ابو فهد : هي دخل تقبل و زوج اليخليها يمك
.. طلعت صرت ورا عمامي و ابوية
اديان: ماريدك اني بعد عوفني
ابو فهد : لجج والله ندمان و مادري شجالي والله شتردين يجرالج
بيت وحدج اسويلج بس رجعي وياي
اديان : ماريد كلشي منك ماريد
ابو فهد : بس تعاي احاجيج .. سوولنة طريق
جعفر : خلي يحچي وياها خوية كتلك ذولة يحبون الطلايب
.. زيد واكف يشرب جگاير و ابو فهد اجة علية لزمنة من ايدي و و جانت غرفة بيبي مفتوحة دخلني وسدها
ابو فهد : والله اخذيها حچاية زلم بعد ما امد ايدي عليج الا اتاگد من السالفة و بيت اسويلچ وحدچ و سليمة طردتها من البيت بس انطيني هاي فرصة اخيرة
اديان : ماريدك بعد طلكني
ابو فهد : اديان اني ما اطلگج لو تموتين انا جاي اصلح غلطي والتردي يصير ما اتقربلج هاهيهة صار بس اريدج كدام عيني
اني هنا خايف عليج
اديان : ماريدك شنو هي كوة
ابو فهد : زين چم يوم تضلين و اجيچ
اديان: لتجي اصلاً
ابو فهد : هايهية بوية براحتچ ارتاحيلچ چم يوم بعد و اني اجيج
... سحب فلوس من محفظتة و انطاني ما قبلت اخذ خلاهن على الميز و طلع ما طلعت وراهم ضليت بالغرفة ابچي مادري ليش من اشوفة هيچ انقهر عليه و هو من يضربني ابد مينقهر علية
ثاني يوم خابرتني هيفاء و كالت سليمة ابوها و اخوتها جايين للغدة و ابو فهد كايللهم هي السبب بموت ابني و كاتلها ابوها كدام عمامها و ولد عمها و كايللهم بيتي يتعذرها و مأجل زواج زهراء و حوراء شهر بعد
بالليل دك علية رقم عرفتة هو ماجاوبتة دگ 4 مرات ما جاوبتة دزلي رسالة ...
- ليش متجاوبين
- بكيفي
- وعلي مشتاقلج
.. شفتها ما جاوبتة هو هم بعد ما دزلي شي من اجة ابو فهد و مارجعت ويا بعد ما قفلو الباب ...
كعدت الصبح لكيتهم يتريكون
حامد : حظري روحج البوم بالليل اخذج تشترين ملابس
... باوعتلة مثل المصدومة و هزيلتة راسي بمعنى اي ...
شفت عمامي يشاورونة و هو يهز راسة
بالليل الساعة بالتسعة كالي يلا بدلي خل نروح
كتلة محد مفتح هسة كال لا اكو امشي
ردت ادخل للحمام بس سمعت كلامهم هو و عمامي كلت خلي اوكف اسمع
جعفر : والله خوية رجلها يشرنة ع الحبل عوفها ختولي
حامد : هو انطيهة الهم يحبسوها وي البنات و اخذ الفلوس و اذا اجة سئل عليها اكلة شردت
علاء : وشكد دفعولك بيها
حامد : مليونين
جعفر : يمعود سويلك سالفة و رجلها يطيك اضعاف
حامد : لا اني اريد اكسر خشمة ويضل يدور عليها
علاء: يمعود هذا شيخ و ضابط يعني اذا يتفل على بيتنة يوگع
مو النوب نندگ ويا
... مادري على شنو يخططون احس كلبي وكف اكيد يردون لو يبيعوني لو يسوولي شي ركضت للغرفة قفلت الباب جان اول رقم هو دگيت عليه بسرعة جاوب
ابو فهد : هلا يبعد ابوچ
اديان : حباب تعال خلصني عمامي و ابوية مدري على شنو ناووين يردون يودوني و هسة بابا كلي امشي اخذج تشترين ملابس خاف يجذب علية
ابو فهد : اديان شجاي تحجين انتي
اديان: والله ما اجذب
ابو فهد : ضلييي بالغرفة لتطلعين انا راح احاول اجي بطيارة و اذا ماكدرت الفجر يمج
اديان : حباب لتتأخر
.. ورا شوية ابوية ضل يدك بالباب كلت خاف ابقة و يكسرون الباب عبالهم عرفت فتحت الباب كتلة بابا تعبانة و بطني توجعني باجر الصبح نروح
حامد: لا امشي هسة تصيرين زينة
.. كمت ابجي كتلة بابا بطني توجعني ماكدر
حامد : براحتج يلا
..همزينننن ارتاحيت دزيتلة رسالة
- كلت لابوية مريضة و عافني
اتصل علية جاوبتة
ابو فهد : خو ماا سولجج شي
اديان : لا
ابو فهد : الفجر اني يمج
ضليت كاعدة لحد الاربعة ما اجة بالستة اندكت الباب قويييي
طفرت من الفراش رحت كلت منو خفت ليطلعون ابوية و عمامي جايين سكرانين
ابو فهد : انييي فتحي الباب
.. فتحت الباب هو لزمني من زندي
ابو فهد : خوو ما أذوجج
اديان : لا
.. دخل و سد الباب حضني بأثنين اديه احس ضلوعي طكت
ابو فهد : لبسي شالج و تعاي بساع
.. دخلت لبست الجبة و الشال و اخذت التليفون و طلعت
كعدت ليورة و هو ما حچة بس شكلة مرتاااح
صدك مراات الاهل يذلون الواحد قبل كم يوم جان يتوسل علمود ارجعلة هسة اني خابرتة اتوسل بس شسوي جنت اكول اتحمل ضيم اهلي و لا ابقة ويا
وهسة اكول اتحمل ضيمة و لا ابقة وياهم ويدزوني بدرب مو زين
يعني ابوية يريد يبيعني و اني متزوجة ليششش هيج الله بلاني بأب
ما عندة غيرة على بنتة
اوف يا اللهي
شكرا لزيارتكم عالم روايات سكيرهوم
