رواية دعني احطم غرورك الفصل السادس والثلاثون
وصل الجميع إلى القاهرة بسلام ... كانت جانا صامتة ، لم تتحدث لأحد حتى عز نفسه رغم محاولاته المضنية للحديث معها ، لكنها كانت تكتفي بالنظر من النافذة ...
كما وصلت قبلهم عائلتي يوسف وحسين ....
في منزل حسين الدمنهوري
-سهير: حمدلله ع السلامة يا حاج
-حسين: الله يسلمك يا سهير
-سهير: خشي جوه يا دينا
-دينا: ليه يا مامي
-سهير: مش وقته ، عاوزة أتكلم مع ابوكي كلمتين
-دينا: اها ، بتوزعيني ، اوك
-حسين: خير يا سهير
-سهير: بصراحة يا حاج ، انا مش مطمنة ، انا حاسة ان في حاجة حصلت في الساحل وانت مش راضي تقولهالي
-حسين: مافيش يا سهير والله
-سهير: لأ يا حاج متكدبش عليا، اوعى تفكرني مش حاسة بيك ، لأ انا حاسة بيك من فترة انك قلقان وعقلك مشغول بحاجة تخص جانا
-حسين:......................
-سهير: قولي يا حسين، انا سهير مش حد غريب
-حسين: جانا تعباني معاها ..
-سهير: ازاي؟
-حسين: كانت هتطلق من عز لولا ستر ربنا
-سهير: يالهوي !!
-حسين: انا مش عارف اعمل ايه ، نفسي أطمن عليها ، المشكلة كمان ان عز مندفع مش بيفكر ، وممكن في لحظة كل اللي عملناه يضيع
-سهير: استرها يااا رب معانا ، ده احنا غلابة .. طب ناوي على ايه
-حسين: مش عارف لحد الوقتي ، بس لازم يبقى في حد للي بيحصل
-سهير: طب ورأي عيلة عز ايه؟
-حسين: هما معانا في نفس الليلة
-سهير: ان شاء الله خير يا حاج ،ماضاقت إلا ما فرجت
-حسين: افرجها علينا ياااااااااا رب
وصلت جانا إلى بيتها ، ودخلت دون أن تتحدث مع أحد ،،،
-سهير: حمدلله ع سلامتك يا جانا
-جانا: ................................
-سهير: مالها دي ، اخدة في وشها كده ليه ؟
-حسين: قومي شوفي مالهايا سهير
دخلت سهير لحجرة جانا فوجدتها تبكي بحرقة
-سهير: جانا حبيبتي ، اهدي بس ، مالك في ايه
-جانا: تعبانة يا أنطي ومخنووووقة
-سهير: من ايه بس يا حبيبتي؟
-جانا: عارفة.. عارفة يا أنطي لما تكوني.... تكوني بدأتي تثقي في حد..و....
توقفت جانا عن الحديث كأنها ندمت أنها حاولت أن تعبر عما بدأت تشعر به لأي أحد فهي دائمة تكتم في نفسها ولا تصرح عن مشاعرها لأي أحد ، وخاصة إذا كان ما تشعر به شعور جديد يوترها .......
-سهير: كملي يا حبيبتي سمعاكي
-جانا: بليز أنطي انا هااقوم أخد شاور وأنام ، بكرة أحكيلك ، أصلي تعبانة
-سهير: براحتك يا حبيبتي .. استحمي ونامي ، وان شاء الله تبقى كويسة .. تبات نار تصبح رمـــاد
-جانا: تصبحي ع خير أنطي
-سهير: وانتي من اهله يا بنتي
-حسين: ها عرفتي مالها؟
-سهير: كانت بتكلم وبعد كده سكتت
-حسين: مش فاهم؟
-سهير: يعني هي مش عاوزة تحكي حاجة
-حسين: مممم...
-سهير: ناوي ع ايه؟
-حسين: هاحكي مع يوسف ، واشوف هنوصل لايه
.........
في داخل فيلا يوسف الكيلاني ، وتحديداً مكتب يوسف ،،،
-عز: بابا ممكن أدخل
-يوسف بضيق : اتفضل ، خير!
-عز: بابا ، انا ....انا فكرت كتير
-يوسف: ها ؟
-عز: بس ممكن نستنى ماما عشان تسمع بالمرة اللي هاقوله
-يوسف: طيب
دخلت عايدة المكتب وجلست على الأريكة منتظرة الأمر الهام الذي يريد عز الدين أن يتحدث بشأنه ،،،،
-يوسف: ها ؟ كنت عاوز تقولنا ايه؟
-عايدة: خير يا عز؟
-يوسف بحنق : ما تتكلم ، احنا مش فاضينلك طول اليوم !!!
-عز: بابا ... بص ... أنا.. أنا..
-يوسف: انت ايه؟
-عز: بابا انا عاوز اتجوز جانا بجد !!
-يوسف: طب ما انت متجوزها بجد؟
-عز: لأ مقصدش ، قصدي نعمل الفرح والدخلة !
-عايدة بفرح: بجد !! بجد يا عز
-عز: اه والله يا ماما ، انا بحب جانا أوي ، ومقدرش استغنى عنها...
-يوسف: مبروك يا بني ، الف مبروك
-عايدة: يا ريتني كنت بعرف أزغرط ، كنت زغرطتلك من قلبي
-ياسين وهو يدخل المكتب : أزغرطلكم أنا .. لووووووووولووولي...
-عز: الله ياخدك ، انت بتيجي امتى؟
-ياسين وهو يحتضن عز : أنا هنا من امبـــــارح ... مبرووووووووووك يا عريس ، انجز بقى خليني اعرف اتلم ع البت بتاعتي
-عز: بت مين؟
-ياسين: بعدين هبقى أقولك ، بس نخلص منك الأول عشان أفوق لنفسي.
-يوسف: أنا هتصل بحسين أفرحه
-عز: ماشي يا بابا ، بس من فضلك محدش يقول لجانا ،انا عاوز أفاجئها
-ياسين: ياخوفي من مفاجأتك .. فاكر هه ؟
-عز: ياسين ، لم نفسك بدل ما أخلي اسمك (ياسمين) !! أظنك فاهمني ، وساعتها لا هتنفع لجواز ولا لبطيخ
-ياسين وهو يضع كفيه على بعض : قادر وتعملها ، ما أنا عاجنك وخابزك كدهون.
-عز وهو يبتسم : كدهون!! بيئة .... زي ناس !!!
......................
في شركة يوسف الكيلاني ،،،،،
-حسين: خير يا يوسف ، طلبت تقابلني ليه هنا؟ في حاجة حصلت ؟ وليه مقولتليش ع التليفون؟؟؟
-يوسف: طب قول سلامو عليكم الأول ..
-حسين: يا سيدي سلامو عليكو ، ها في ايه بقى؟؟
-يوسف: عندي ليك أخبار يا سحس هتفرحك جدااااا
-حسين: خير يا يوسف ، طمني
-عز وهو يدخل المكتب : بعد اذنك يا بابا ، الطلعة دي عندي أنا..
-يوسف: اطلع يا بني ، الله يسهله !
-حسين: عز !! خير؟
-عز: يا عمي ، م الأخر كده انا بحب جانا أوي ، وعاوز نعمل فرحنا ونتجوز بقى
-حسين بدهشة: ايه ؟ بتقول ايه؟ ده بجد ولا اشتغالة؟
-عز ضاحكاً : والله ما بشتغلك يا عمي ، انا عاوز أعمل فرحنا من بكرة لو حبيت
-حسين: مبروووووووك يا عز، ده انت فرحتني والله
-يوسف: ربنا يتمملك ع خير
-عز: عمي ... أنا عاوز أبلغ العروسة بنفسي
-حسين: هههههههههه ما أبلغها أنا
-عز: عشان خاطري يا عمي ، نفسي اشوف الفرحة في وشها
-يوسف: آاااااه يا خلبوص
-حسين: حاضر يا بني ، بلغها بنفسك ما هي برضوه .... تبقى مراتك
-عز: ربنا ما يحرمني منك يا عمي
................
في منزل حسين الدمنهوري ، كانت سهير تتحدث مع حسين على الهاتف ،،
-سهير: بجد يا حاج حسين؟
-حسين: شششش ، وطي صوتك يا سهير لأحسن البنات يسمعوا
-سهير بعدم فهم : وأوطيه ليه ؟
-حسين: يا ستى عز عاوز يبلغ جانا بنفسه
-سهير: اها .. خلاص فهمت يا حاج ، احنا في انتظاره .. ربنا يسعدهم ويتمم فرحتهم ع خير
-حسين: طيب يا سهير ، هاقفل أنا الوقتي ونتكلم بعدين
-سهير: ماشي يا حاج ، في رعاية الله
-دينا مقاطعة: مين يا مامي؟
-سهير: ده ابوكي يا دودي
-دينا: كان عاوز حاجة؟
-سهير والفرحة تبدو على وجهها: لأ مافيش بيطمن عليا
-دينا: ياسوسو .. عليا برضوه؟
-سهير: بنت !! هاااا .. سيبيني بقى أشوف اللي ورايا ، ياااااااا جااااااانا ، ياااااا جانا
-جانا: ييس أنطي
-سهير: بصوا بقى يا بنات ، عاوزين نروق البيت ، ونضفه لأحسن التراب واكله..
-جانا: واكله ازاي يعني؟
-سهير: بطلي لماضة .. روحي روقي أوضتك وامسحيها وجمعي الهدوم اللي عاوزة تتغسل وبعد كده خدي السلم ولمعي النجف اللي في الصالون .. وانتي يا ست دينا ، خدي الجردل والموب ونضفي الصالة بعد ما تنضفي الـ Living
-جانا بضيق: يوووووه
-دينا: الله بقى يا مامي ، هو احنا اللي هنضف ، فين سنية؟؟
-سهير: سنية النهاردة أجازة مش هتيجي عشان أمها عيانة ، فمش معقول يبقى عندي شحطتين كبار زيكم وأشتغل لوحدي ... يالا كل واحدة تروح تخلص اللي قولتلها عليه
-جانا ودينا: اووووف
-سهير بحدة: يالاااااااااا مش هقضيها كلام ,,,,,,,,,,,,,,,,,,,
