رواية قصة زهراء الفصل الثامن والثلاثون بقلم زينب نور
ياسر:اليوم اعلمج ياهي ام الزلم كلبه ترحين فدوه الهااا
زهراء:صعد عمي واحمد وراه وامه همين انه ماكمت بس صوته يهزز البيت هزز والله خفت لا ينجلط لو يصير بيه شي من وره امه
نزل احمد يدفع بيه بس صاير نارر
ياسر:يااخي مررره مووادميه مااصيرالها جاره
موو مال احترام كوه ذيل الجلب ماينعدل
احمد:على كيفك لا تموت الربح بيها
طلگهاا وفض السالفه على شنوو مخليها على ابنك يعيش لا تخاف
زهراء:اشرلي احمد انطيه ماي وهو كعد على التخم يفتح بدكم الدشداشه رحت انطيه ماي ونزلت امه تحجي على احمد لان كله طلگهاا
ام ياسر:انته عوود الجبير ادكله طلگهااا ابدل ماادكله دير بالك عليهاااا
احمد:يممه رحمه لوالديج شيدير باله عليها بنت اختج موو ادميه مو كوه ماتنعدل ولا بعمرهاا راح تمشي عدل وياه وتبقى مشاكلهاا وهي
زهراء:ضلت امه تحجي كام اخذ السويج وطلع انه صعدت بعدني ماواصله للغرفه واشوف عبالك حيوان هجم عليه اريد افرغ روحي منها ماكو اجن دعاء وفاطمه
منال:گح.... ماتستحين خووش لاحسه عقله بدگج الناعم اله
بس والله مااخليج تتنهين انه وراج
زهراء:عليها قوه مو طبيعيه عبالك مصارعه فاككنه البنات فاطمه دخلتني للغرفه ودعاء اسمعها تحجي عليهاا
بنت النعال شلعت شعري بس خوش اجتهاااا عضه مني وعلي اسنوني ضلت توجعني من كد الضغط عليها حقيره فوك ماهي اجت عليه فوك ماهي تحجي لفيت شعري الله ياخذج من حياتي وافتك
ضلت فاطمه كاعده يمي وابنها بحضنهاا
كالت كلي لياسر عليهاا
كلتلها لا والله اخاف يطيح لو يصير بيه شي من وره هااي الحقيره الزركه
ضليت كاعده مانزلت صارت الساعه ١٢ البيت هدوء خفت ادك عليه لا يعيط بيه ماكو صوت نامو ويكعدون للسحور للساعه ١ عيوني كامن يلزكن من النعاس حسيت باب الغرفه ينفتح فزيت ياسر الحواجب معقودات والوجه مكلوب كلاب نزع دشداشته وذب روحه ع الجربايه حييل بتعب وايده على عيونه
احسه جمر ابيض بس تتقربله يحركك
ضليت على نومتي لمن هو وخر ايده وسحب راسي لصدره حضنته حييل
ياسر:امي افترت عليه شكد حتى اخذ وحده من بنات خواتهااا رفضت لمن اجه اليوم وجدي خطبج كدام عمامي مااجذب عليج هم رفضتج بس مارفضتج نفس بنات خالاتي لا حشه ادري بيج موو نفسهن ومايلحكن اذيالج بس ماجنت اشوفج راح اصيرين مره بيوم من الايام الي
ازوجتج والحد مااجه اليوم الاسود وخذت بيه هااي الادبسززز انكلبت عيشتي كلاب
كل يوم مشكله بسبب غيرتهن وحقدهم يغارن منج لا ما طالنج
ولا راح يجي يوم ويصيرن نفسج لان انتي ماعندج حقاره وغل وكره نفسهن وكلبج ابيض بس هناا ساسهن حقاره منبعهن حقد وكره..
زهراء:اسمع لحجيه احسه يحجي بحركه رفعت راسي عليه كتله والله مايهون عليه تنفصلون موو محبتن بيهاا لا والله بس ابنك يصير ضحيه بينكم يتبهذل وانه مو بت خرام حتى اكلك اتركهم اثنينهم والله احسبه مثل ابني بس هي ماتنصلح مليت من مشاكلهاا خل انعيش مرتاحين وانته راحتك مو بهاذا البيت مادام امك وهاي بيه خليلنه بيت خل نستقر بيه والله خفت عليك وانته اصيح واتكسر يتخيلي يصير بيك شي لا سامح الله وانه منو الي والله اضيع من دونك
ومااكلك عوف امك وابوك لا بس خلينه نعيش باقي عمرنه مرتاحين.... تنهد وسحب راسي باسني بكصتي
ياسر: .مالكيت ببرائتج وعقالتج والله
زهراء: والي جنت اتحبهاا..
ياسر:الجنت احبهاا راحت وانتهت بيوم الحاجيتج عليهاا وهسه انتي حياتي وكل دنيتي
زهراء:اجت عيني على الساعه ياااا شوف الساعه ٢ يله كوم اسحر
ياسر:لا مااريد اريد اناام
زهراء:خليته وطلعت مخلين السحور اخذتلي لفت جبن اكلتها وفرشت وصعدت الجامع بده يقره حتى يمسك كعدت ياسر يشرب ماي شرب وطلع توضه وكعد يقرأه قران
انه تمددت وغفيت لمن اذن كعدني صليت ورجعت نمت حسيت عليه يشيل راسي ويخليه على ايده نمنه للساعه ٢ ولااا فزيت بس كعدت على صوت تلفون ياسر يدگ ذب ثكله عليه وسحبه من الميزز
كلت اشعجب عجوز النار اتحملت هذا الوكت كله نايمه ماودت عليه احد
كمت غسلت وتوضيت صليت وياسر بالحمام يسبح خلصت ونزلت هههه بس اتنافخ واذب حجي ماهتمين يمته يجي الفرج وافتك من هذا البيت
لكيتهن مسويات برياني وشوبه
وهاي السوالف اخذت اموري من فاطمه تلكط بالخضره كعدت وهو بحضني بالمطبخ نزل ياسر شميت عطره قبل لا يوصل باوع محد بالصاله دخل للمطبخ بس انه وفاطمه بيه امه رجعت لغرفتها شال اموري يشمر بيه بالهووه وهذا شيطان مسنكرر ضحك
هههه
ياسر:ابوي والولد وين
فاطمه:عمي بالمضيف هو واحمد وسعد توه طلع
ياسر:هااج لزميه اكويلي دشداشتي اريد اطلع
زهراء:انشاءالله اخذت اموري منه
وطلع للمضيف شويه ودخل سعد
سعد:هاا الله يساعدهم
فاطمه+زهراء:هلااا
سعد:شبيجن وجوهجن تلطم والبيت هدوء مو عادتكم
فاطمه:انته لو تنفجر يمك عبوه ماتكعد ولا تسمع
الدنيا انكلبت بالصياح البارحه وانته ناايم
سعد:صدك والله عليمن ومنوو
زهراء:نعااال اكو غيرهاا بعد
سعد:الله يكفينه شركم انشاءالله....
صاعد انام لا ادكعدوني لمن يئذن لان انسمط جد جدي اليوم
زهراء:هااك ابنك اخذه
سعد:انعل ابوو ابني موو انتي خالته ماتكضينه..
زهراء:هههه خاله ابوك مايفيد كلش شخط
فاطمه:هههههه
زهراء:خلصت فاطمه انطيتها اموري وصعدت كويت دشداشه للساعه ٤ بدل وطلع ماكال وين
نزلت خلصنه كلشي وام ياسر حجيهاا ينكط سم تجيلي ساعه اكول خل ارد عليها وساعه اكول سكت والله يشوف وياخذ حكي
صار الفطور خلينه السفره ودخل ياسر واحنه نشيل بالماعين سلم على امه وباس راسهاا ماردت عليه ضاج حييل هوو يحب امه من دون اخوانه تصرفه يختلف وياهاا كل مايستلم راتب كل شهر ٢٠٠ غير الطبيب وغير الطلعات والزيارات وكل هذا وهي مامريحته مسوده عيشته المهم
كعدنه كلنه على السفره صنته بس صوت الخواشيك تنسمع كلمن حاير بهمه ياسر اكل وكام اول واحد
ضلو كلمن ينسحب شويه شويه منال اخذت ابنها وصعدت
هااي شغلتها لا تشتغل ولاشي تاكل وتصعد دعاء انطتهم جاي واكفه الم بالماعين ودخل ياسر شافني الم وحدي والماعين كومه.
هزز راسه وطلع بس اسمعه صاح على رحاب بنت احمد
ياسر:رروحي لهااي الفوگ كليلهاا تنزززل تشتغل مثل البشررر محد خدام عدهاا تاكل وتصعد
زهراء:باوعت صعدت رحاب تركض واسمع عمي يكله يابه شغل نسوان ليش تدخل بينهن هو سكت مارد شويه ودخل منال كفت اردانها واجت تفرك سكته بس الحقاره بعيونهاا لا حاجيتها ولاشي واكفه اشطف خلصت وطلعت ياسر بالستقبال هو واحمد وعمي سعد تفطر وطلع ويه جماعته
مرت ايام رمضان بين المشاكل والصياح البيت مايهده ياسر يروح لبغداد ويرجع لحد ما بيوم استشهاد الامام علي عليه السلام وصل الظهر سلم وصعد لف راسه ونام هم سلم على امه وجهاا ثكيل
لمن صار الفطور عمي ذابح بثواب الامام.....صعدت كعدته
ونزل وره الفطور كفينه كلشي ودخلو علينه عيال سهى مسيرين كمت قدمتلهم عصير وكعدت يمهن عمتها ام رجلهاا مره جبيره وحماتها و سهى جايه سوالفن كلهاا على كرايبهن مااعرفهن
كاعده وصاح ياسر بالمطبخ كمت
ياسر:اصعدي جيبي محفضتي والشاحنه
زهراء:صدك صعدت جبتها ودخلت للمطبخ انطيته وصاحت عمت سهى خل يجي نشوفه شنو مستحي مني انه بحسبت امه
صدك هو شمر الجكاره طفاها برجله وسوه ااحمم ودخل بالباب سلم عليهاا
ام رافد:شلونك خاله انشاءالله زين
ياسر:ابخير الحمدالله الولد شلونهم
ام رافد:الحمدالله شنهي يممه لاتمرر ولا نشوفك موو نفس كبل
ياسر:والله حككم ماالحك شغل ورمضان رايح وراج لبغداد
زهراء:خلصو حجي وطلع رجعت انه كعدت ساعه وراحو سهى ضلت
باوعت سيارة ياسر ماكو بالكراج طالع رجعت بالصاله كعدت.
للساعه ١١ دخل واحنه كاعدين بالصاله سلم وكعد خله العلاكه كدام عمتي سعاد فتحتها جايب بقلاوه كامت سهى جابت صحون انطتهم عمتي كلهم ياسر خلى صحن كال كومي انطيه لمي رحت اخذته ورحت الها للغرفه اخذته سكته
مرات اكول المره جانت زينه وياي معقوله هسه تغيرت من وره .زن منال براسهاا...
رجعت كعدت وياسر كالساعه مكومني على شغله
سعاد:عمه مااشوفلي سيف هل ايام ماكو مايمر كله ابيت عمه شنهي نسه انه امه شماله هل ولد
ياسر:انشاءالله اخابره واشوف
زهراء:وخلص رمضان اخر يوم باليل ياسر انطوه اجازه اسبوعين باليل نضفنه البيت غسل ومسح للعيد
خلصت مهدود حيلي صعدت سبحت واسمع الجامع كام يكبر
خلصت طلعت بدلت ونزلت ام ياسر اتلف كليجه ومنال مكابلتها توكل بعمار تمر
ياسر طالع ويه جماعته مر الوكت
هم اكلو سحور هههه سوالف سعد هااي صعدنه نمنه للصبح حسيت بياسر وهو يبوسني بخدي فتحت عيوني
ياسر:صباح العسل ياعسل
زهراء:ابتسمت صباح النو...قاطعني بوسه على شفايفي
ياسر:كل عام وانتي دنيتي وام بيتي وزهرتي
زهراء:حضنته وكل عام وانته بخير وخيمه علينه
بس اكلك اكو واحد هيج يعايد بالفراش
ياسر:هههه هي احسن شي بالفراش
زهراء:ههههه وخر خل اكوم....
كمت غسلت وبدلت بالليل حاجانه عمي كال ذبن الاسود صدك لبست فستان طويل احمر طوخ كلش ياسر دخل للحمام كعدت مشطت وخطيت كحل خفيف وحمره خفيفه كلش مو الاستاذ مايرضه
خلصت ونزلت قبله عايدتهم كلهم اخر شي ام ياسر كاعده دنكت بست راسه عيدج امبارك عمه
كل عام وانتي بخير
ام ياسر:وانتي بخير
زهراء:وخرت عنها نزل ياسر باس راسه وعايدهاا وعايدهم كلهم تريكنه وياسر منطلق يسولف ويجامل يضحك ويه الجهال وعمار صاعد على ركبته
خلصنه ريوك عمي وزعنه كلنه عيديات كلها على ٢٥
وياسر صاح للجهال كلهم ووزعهم رحت بصفه شايله اموري بيدي كتله وانه مالي عيديه
ياسر:انتي مو هسه عيديتج بعدين انطيج اياهاا
هاج هاي انطيها لمي
زهراء:اخذتها ١٠٠ الف انطيتهاا ضحكت بوجهي وخذتهن صدگ لو كالو الفلوس اتغير النفوس رجعت الياسر كتله:شنوو يعني مفاجئه
ياسر:ايي
زهراء:عليك الله گول
ياسر:لااا مااكول غير مفاجئه ياله انه طالع معزوم.. مااجي على الغده
زهراء:طلع انه يصير بيه فضول اذا واحد طلع راس السالفه وضمهاا
طبخنه الغده كلهم التمو عدنه اهلي وبيت عمي وكرابتنه كلهم
لن عيد واول يوم تغدينه وخلصنه
للعصر كلمن راح لبيته
ياسر رجع المغرب كعد يم امه اشوفها حاجته صاح جاي رح انطيته وكعدت يمهم
لليل كلمن راح لغرفته صعدت واسولف شنو المفاجئه دخلت هو متمدد على بطنه بالكاع والتلفون بيده بدلت ورحت بصفه ياسر .
ياسر:هااا
زهراء:شنوو المفاجئه.
ياسر:شبيج بابا انتي صدكتي ماكو اي مفاجئه اخذيلج ٢٥ من المحفضه عيديتج
زهراء:يحجي وعيونه بالتلفون كرصته بخاصرته حييل ماعايزتلك
تضحك عليه خبيث كلتها وكمت للجربايه
ياسر؛شو تعاي ياهوو خبيث
زهراء:حضني وخررر جذاب وانه عبالي اكوو شي
ياسر:منو كلج ماكو شي
زهراء:وخرر مااصدك بيك بعدد...
ضل حاضني وحاول وياي قفلت كلش هههه خوش عقاب نمنه للصبح اتريك وقبل لا يطلع كال
ياسر:ساعه وارجع الكاج مبدله ومخلصه
زهراء:ليش وين رايحه
ياسر:شكد صايره اتلحين سوي الي اكوله
زهراء:طلع شويه وصعدت بدلت ونزلت كلت للام ياسر الله هداها ماكالت شي ساعه وسمعت الهورن لبست العبايه وطلعت صعدت مشينه تقريبا المسافه ربع ساعه وكف كدام بيت استغربت بيتمن كال انزلي نزلت فتح الباب باب كراج جبير دخلنه بس سيارته خلاهاا بره امشي مثل الثوله ماعرف شي باوعت كراج يصير على صفحه واكو صفحه يمكن حديقه بس ماكو شي بس سياج مال حدايق وباب وبالركن باب مكتوب اللهم صل على محمد وال محمد. امشي وراه فتح باب الاستقبال يمكن ودخل كدامي
ياسر:ايي اتفضلي زهرتي هااي مفاجئتج مو ياسر يوعد ويخلف
زهراء:يعني شنو هذا البيت بيتنه
ياسر:لا بيت خالتي....
ايي بيتنه جاا بيتمن
زهراء:كول والله شووكت ويمته سويت هذا كله
ياسر:هسه ادخلي وشوفي ويجيج الحجي بعدين
زهراء:دخلت وراه هذا الدخلناله استقبال والصاله اصغر منه بنيان حديث كلش ٣ غرف جوه ومطبخ اهم شي المطبخ جبيرررر
وصعدنه الدرج لفتين غرفه وحمام فوگ
نزلنه جوه
ياسر:هاا شلونه عجبج
زهراء:يخببببل شوكت سويته
ياسر:هسه عوفيني من شوكت
ماتخلينه ناخذلنه افتتاحيه بيه شدكولين😉
شكرا لزيارتكم عالم روايات سكيرهوم
