رواية المتمرد والصغيرة الفصل الثامن والثلاثون بقلم رسل
______
أنا ابن ادم انا الربعة صفت ديانة يم بيتة
انا الودة الرسايل بلكت يحنون
اثاري الساعي شگگهة و دفن نيتة
______
حاطة ايدي على خدي و اباوع من الجامة و دموعي تنزل ..
ابو فهد : شبيچ تبچين ابوية انتي والله العظيم ندمان بكد شيب راسي على السويتة بيچ و انا خسارچ شتردين بس أشري
و هذولة ابوچ و عمامچ اني ادفعهم الثمن بسيطة و مو تتعبين راسج بالتفكير و دكولين راح ياخذها خوش سالفة حتى يذلني بيها لا بوية مو زلمة اليذلچ بعد
و اليدوسلج على طرف ادوسلچ عرضة ..
اديان .. ما جاوبتة بس الله ذب علية البچي صرت اشهگ هو وگف السيارة و نزل اجة فتح الباب وبيدة بطل مي
ابو فهد : شو نزلي يا ابوية شو نزلي انتي الله بلاچ بية و انا ابتليت بعشگچ
... نزلني جان شارع السيارات التمشي بي كلشش سريعة غسل وجهي و فتح الباب الي گدام
ابو فهد : صعدي يمي
.. صعدت و حطيت راسي على الجامة و نمت ..
كعدت على صوتة
ابو فهد : كعدي تغدي
اديان : ماريد
ابو فهد : شني ما تردين بكيفج بعد كومة يلا نوصل
... شلتهن و حطيتهن بأيدة و درت وجهي على الجامة هو ما حچة شي ضل يسوق صارت الساعة بال 2 الظهر و دگ تليفونة
ابو فهد ... الووو
... شنو عندي لك لتسويلي سالفة باچر اجيك اذا مالگيتها ارگعكم بمية نعااال گو**يد
سد التليفون و گال
ابو فهد : وعلي هذا ابوچ اذا لزمتة الا انعل والد والد والديه هالگ** السا** هذاا
... ضليت ساكتة لان اني هم مليت بعد و ما بية حيل و ابوية يستاهل هو و عمامي شكد اجتة اتصالات زيد و ابو سراب و الحجي و بعد هواي مدري منو
لحد الساعة بالاربعة العصر و ما وصلنة اني متت من الجوع بس ماكدر عزة نفسي جانت اقوة
ابو فهد : اديان شنو هذا العناد هسة من توكعين و تتخربطين وين اوديج ماكو هنا مستشفيات
.. باوعتلة و درت وجهي على الجامة هو وگف السياررة
ابو فهد : وروح امي اعاند وياچ و ابقة هنا ما احرك السيارة لحد ما يدگچ الجوع و تاكلين
... صعد الجام و رجع راسة ليورة و غمض عيونة
اديان : ما اريد ليش تلح
.. فتح عيونة رفعلي حاجب و رجع غمضهن
ضليت نص ساعة مغمضة عيوني باوعتلةة لكيتة نايم
ضليت احرك بأيدة اريدة يگعد
ابو فهد : ها يروحي
.. ارتبكت هو اكثر كلمة يكولها ابوية ذني ميستخدمهن هواي كتلة يلة شوكت نروح
ابو فهد : من تاكلين
اديان : ماريد
ابو فهد : بروح امج بطلي عناد خلي اشغل السيارة اشوفلج اسواق اجيبلج مي بارد
... شوية و شاف اسواق طبگ السيارة ونزل اجة جايب بطلين مي و اثنين ببسي فتح علاگة الاكل و انطاني لفة و هو اخذ لفة و فتحلي القوطية بعد ماكدرت افشلة
اكلت و نمت .. كعدت على صوتة فاتح الباب و واكف كبالي باوعت احنة بالگراج والدنيا العصر ..
ابو فهد : صح النوم بوية
.. ما جاوبتة نزلت و دخلت جوة شافني فهد
فهد : اجتي اديان اجتي اديان
.. اجيت يمة بستة و لگيتهم كاعدين بالصالة سلمت عليهم و صعدت
سبحت و فرشت بالگاع و نمت بس مهضومة مادري منين من عندة لو من ابوية اريدد احضن شخص و اشكيلة
بس منو يسمعني اريدد امي اريدد اختي اريدد واحد يفهمني غطيت راسي و كمت ابچي سمعت صوت الباب انفتح سكتت بس صوت الشهكة مبين ماريدة يسمع صوتي و لا يعرف دا ابچي
سمعت صوت الدوش يعني ديسبح ورا شوية انرفع اللحاف و دخل نام يمي بسرعة گمت فتحت باب الغرفة و نزلت جوة لكيت فدعة و زيد بالصالة
فدعة : هلا توة نور البيت
.. ابتسمتلها
فدعة : عساها بحظها و ببختها هالسليمة ام الگمل
اديان : امين ههههه
فدعة : شلونج شلونهم اهلج
اديان : الحمدلله
فدعة : ليش ما رديتي ذاك اليوم وياهم
زيد : هسة شچلبتي دعوفي البنية
فدعة : وانتة ياهو الدايس على ذيلك
زيد : اگوملچ اكسرچ ترى
فدعة : اي دگوم حتى انعل سلفة سلفاك
زيد : هههههههه صايرة جريئة فدعة
... كمت اضحك على شقاهم
ورا شوية نزلت بشرى تحضر عشة ساعدتهة و هو نزل لابس ملابس طلعة كال اتعشو اني معزوم ب 8 اجتي هيفاء سلمت علية
هيفاء: حضري روحج عگب باچر اخذچ للنجف نزرو و الله يچفيچ شر سحرهن ان شاء الله
اديان: ان شاء الله
هيفاء: تتحاچون انتو
اديان : لا
هيفاء: الله كريم
..راحت هيفاء و هو ب 11 بالليل اجة جنت نايمة بالكاع
ابو فهد : ترحين للنجف تزورين امج
اديان.. عفتة ما جاوبتة هو نام على الچرباية اني نمت..
فزيت بالليل السما بعدها ضلمة باوعت لمكانة ماكو و ملابسة شامرهن على القنفة اكيد رايح للمركز
رجعت نمت .. الصبح كعدت لكيتة نايم نزلت سويت ريوك وي هيفاء و هم كعدو هو نزل ورا شوية لابس دشداشة و غترة و عطرة يكفخ الواحد اني ما اهتم بروحي بگدة
الحجي : ها بوية شگلت
ابو فهد : يابة تريدها روح اخذلها بيت مو حتى بيك ابتليت انا
فدعة : يا چا غير ابوك يمگموع
ابو فهد : عمي بزعت منكم اناا مليتتت ضال اروكض احل سالفة هذا وذاك و شنو المحصلة الله خالقكم بس تهجمون بيتي و تسلبون راحتي
الحجي : انتة هم ما قصرت بوية مو كتلتها
ابو فهد : وانعل والد والديهااااا
الحجي : عمامك اليوم عشاهم هنا
ابو فهد : شعدهممم جايين هنا بيت لو دعارة يومية يا طابين يا طالعين
فدعة : هسة شجاك خايب ما دگلي
ابو فهد : انا هم خل ابشركم الشيخة ماريدها بعد اخذوها مگشرين بيها و راح اخذ فهد و اديان و اهج وين ما عند الله كاع
الحجي : اي هنا السالفة قاريين براسك الظاهر
ابو فهد : شقاررين ها شقاريين شو متعرف تحجي انتة سوالف القارية عد البر*** الملفيها انتة
اديان .. شمر استكان الچاي بالگاع و طلع
الحجي : ادبسزياات يتزعلن و هن من الشوارع
زيد : هسة هي شعليها فوك ما مرتك كتلت ابنها
الحجي : انتة انجب لا اكسر راسك هم شاد اعلان وواكفلها
زيد : اي ليش ما اوكفلها انتة مو واكف لمرتك
الحجي : هي رجلها واكفلها انتة شنووو
زيد : انا كلشي و لا تنحط كبالي بنية يتيمة و انتو اليتيم يمكم ما يعيش
الحجي : جا بنات اخوك مو يتيمات
زيد : بنات اخوي عدهن خوال و ابوهن شيخ و هن ما محترمات نفسهن انتة لا تضل تشبچ
الحجي : يصير خير اعلمكم
.. هو اني حظي ويامن يكعد حتى يكعد وي الحجي ابو فهد بعد ما اجة للبيت لحد العصر اجوي بيت سليمة امهة و ابوهة و اخوتهة و بيت جد فهد و هيفاء
صار البيت هوسة اني قبل لا يشوفوني صعدت فوك سبحت و بدلت و حطيت شوية مكياج و نزلت
هيفاء: اللهم صلي على محمد راح يشحطن
اديان: لا مو لهلدرجة ههههه
جابو دجاج و سمج شوي جاهز و سون تمن و مرگة بشرى و هيفاء
ابو عدنان خابر على ابو فهد و كايللهم جاي لان ميصير يفشلهم
صار العشة و اجة ابو فهد كالو كلهة تگعد بنفس السفرة اللمة حلوة وفرشو سفرة على طول الصالة كالتلي هيفاء تعالي كتلها لا ماريد استحي منهم
المطبخ الي يدخل بي و يطلع يشوفو الي كاعدين بالصالة و الدرج هم الي يصعد و ينزل ينشاف ف ضليت كاعدةة بالمطبخ سمعت صوت واحد منهم
- جا وين مرت ابو فهد مو كالو ردت
ابو فهد : اي عمي رديتها البارحة
- جا ما تجي تاكل
ابو فهد : عوفها عمي تستحي
سجاد : هي مال دروب كول انتة محذرها متطلع
.. كامو يضحكون
.. صبيت الي بماعون وكعدت اكل ورا شوية دخل هو يغسل على السنك
ابو فهد : شونج يابة
.. ما جاوبتة
ابو فهد : الصبرررر يا اللهي
.. كامن يرجعن بالمواعين و بشرى و مرة ما اعرفهة بس شايفتهة تغسل وياها و هيفاء تصب چاي كالت حظري مي
حظرت و انطيتهة راحت ودتة بدو يسولفون و صوتهم عالي
ابو عدنان : عمي انتة الشيخ و كلبك جبير و المسامح كريم و الله رب العالمين يسامح البشر احنة منسامح و اذا على حرمتك بوية حگها و معذورة من زعلت و انا اروح ابوس راسها
و ذني بناتك فشلة من رجولتهن و الاظفر ما يتبرة من اللحم رديتهن الك و سليمة بت عمك غلطت و تعاقبت على غلطها
اسماعيل : والله انا مادري شلون اراوي وجهي الك بوية وهاي بتي جريت اذاناتها و السالفة بعد ما تتكرر و مرتك حگها بوية شسوي حگها
ابو فهد : هايهية عمي جيتك على عيني و راسي ما اردك خايب بس وحگ ابا عبد الله اذا شفت زلة منها افرغ شاجورب براسها ان چان هي لو بناتي لو اي ادبسزز تريدلي الخراب
.. اكيدد اذا رجعن ميعوفني بحالي شنو يريد يعيد الغلط نفسة عدلت شالي و دخلت عليهم هو ضل مصدوم و يباوعلي و هم هَم كلهم ضلو يباوعولي بس ما هتميت
اديان : من رخصتك عمو و هذا الشيخ ابو فهد موجود اني بنتك اذا ترجع للبيت ما ابقة بي و تگولون لابو فهد يطلگني بنتك ماعدها زينة وياي من بدايتهة و موتت ابني المرة الثانية شراح تسوي
و هسة ابو فهد خلي يقرر لو اني لو بتكم
اسماعيل : استهدي بالله بوية و انا خسارچ شتردين بس سدي سالفة الطلاك
اديان : لا عمو لا تخسرني و لا اخسرك اني بتك اذا بقت بهذا البيت اني اطلع من عندةً
افراح : مو هاي السويتوهة نبي و ما تحجي شو لسانها شطولة
اديان : لكممم كتلتو ابني الله لينطيكم العافية و تردوني اسكتتت لا والله ما اسكتت
.. بعدني ممكملة طفر علية ابو فهد لزمني من ايدي و صعدني فوگ للغرفة
ابو فهد: لجججججج ليش خربتي الاول و التالي ليششششش
.. طلع و قفل الباب من ورا ضليت ابجيي شنوو يريد يرجعها يعني شسوة ما سوة شي راح نرجع لنفس السالفة ورا ساعتين و محد اجة طبيت سبحت و مشطت شعري و اريد انام انفتح الباب طب هو ضايج
سبح و راح على الچرباية دگ تليفونة و جاوب
- ترى انعل والديك افتهمت لو لا حولة على المحكمة يلااااا
... سد التليفون
ابو فهد : انعلبوووكم لابو اريدلي گو** يريح گلبي ماكو
شوكتت الله ياخذ امانتة و نخلصصصص شوكت
اديان... صوتة طرشني گام يگح و وجهة صار كمت اباوعلة بس ما تحركت
ابو فهد : بت النعااااال مي متشوفيني اختنكت
.. ركضت فتحت الثلاجة و انطيتة بطل مي شربة كلة
ابو فهد : كعدي گبالي
.. كعدت بدون ما احجي
ابو فهد : ليش هيجي سويتي اليوم ترى ادري مو على شي بس علمود تفشليني كدامهم
اديان : ما جنت هيج مفكرة بس مدام انتة هيج حسبتها هايهية
ابو فهد : تدرين بختچ لان انقهرت عليج و الا جان كسرت راسج
اديان : و هسة شتريد
ابو فهد : ماريد اكعدي كبالي
اديان : اي
ابو فهد : من شفتيهم كلهم مخلين الحق وياج و اني و انتي اهل الراهي ليش ما سديتي حلكج يعني الا يكولون عليج عركة و وكحة يلة ترتاحين
اديان : ترى كتلت ابني لو تسوي روحك ناسي
ابو فهد : هو لو ما ثولج يموت من تشوفين العلاج متغير غير تاكلين نعل وتجين تكليلي
اديان : وهسة شكو تغلط
ابو فهد : اني هذا ما اعتبرة غلط اذا انتي تعتبري عاد بكيفج
اديان : رجعت سليمة
ابو فهد : اي
اديان : لعد طلگني
ابو فهد : اطلگ الدنيا و ما اطلگچ
اديان : ماريدها بالبيت ماريدها
ابو فهد : هي صوبچ ما تگرب بعد گتلها بس اسمع متحارشة بأديان تتطلگين و انا ما ضل شي فترة و أطلعچ ببيت و اخلصچ منهم
اديان : حتى انتة ماريدك
ابو فهد : تؤ تؤ شايفتلچ صلاة تمت بدون سورة الحمدوً
هايهية و انتي ما تكملين بدوني
اديان : لا بلة
ابو فهد: وداعت عيونچ
اديان : ترى جنت تفر السالفة علية بس بعد تغيرت يعني لا عبالك تقشمرني
ابو فهد : هههههه مو گايلج تلوگلج العرامة
اديان : ديلا وخر
ابو فهد : باچر حظري روحچ ب الستة الصبح اخذچ لامچ
اديان : ما اريد
ابو فهد : براحتج انا راح اخذ هيفاء و اروح
.. عفتة و رحت نمت بالكاع نوب ضليت الوب بفراشي اريد النوم يجي ماكو ورا شوية حسيتة اجة نام بصفي حط ايدةة على خصري و رجلة على رجلي
ابو فهد : شبيج تلوبين
اديان : وخرر يلا
ابو فهد : و القران صارلي اسبوعين منايم نومة مال اوادم
اديان : كوم والله ماطيقك صايرة
ابو فهد : شجاج اديان ترى كتلج غلطت اطيني فرصة و ترى نزلت نفسي الج هواي و مو كل مرة انا اخذ بشور گلبي و هسة صيري حبابة و خنسي خل انام
... غمضت عيوني و نمت كعدت بالستة على صوت تليفونة
ابو فهد : يلا كومي اخذج لامج
اديان : ماروح لتلح ما اروحح
ابو فهد : براحتج بوية بس مو اجي الكاج مسوية عركة وي سليمة
اديان : لا لعد اروح
ابو فهد : ههههه يلا بدلي بس اخذي عبا ترى محد يطببچ للامام
اديان : ماعندي
ابو فهد : اني اشتريلج امشي
.. بدلت و هو هَم لبس دشداشة و غترة نزلنة جوة جانت فدعة كاعدة كاللها رايحين
فدعة : محروسين يالاغم
ابو فهد : مايصير براسج خير لو خيل تركب خيل
.. رحنة بسيارتة وَ وگف گبال بيت كتلة هذا بيتمن
ابو فهد : بيت هيفاء
.. طلعت هيفاء كعدت ليورة اني استحيت اضل ليكدام نزلت و كعدت يمها ضل يسولف و يشاقة و يباوعلي يريد يضحكني بس خليتها حسرة بگلبة و ما ضحكت الساعة ب 12 كال اني جوعان نزلنة بمطعم اتغدينة و طلعنة
وصلنة للمقبرة خابر و احنة بعدنة بالسيارة
- بيا فتحة مدفونة ام اديان ..
- اي چا كل عقلك ابقيها يمكم ..
-اييي
و وانتي اديان رايحتلها قبل
.. هزيتلة راسي بمعنى اي
مشينة بالسيارة هم طريق تقريباً نص ساعة ً و كال يلا نزلي هو رجع خابر بس عرفتة هذا عمو جعفر اني قبل 4 سنوات رحتلها وي عمو جعفر و مرتة
جنت اتذكر يم قبر امي قبور فوگاهم سگف و صورهم شهداء
الله يرحمهم
انتبهت عليها من بعيد گتلة يمكن هناك
ابو فهد: يلا امشينة نشوف
.. هو يمشي و اني و هيفاء نمشي ورا وصلنة و قريت اسم امي ركضت على قبرها و ضلييت ابچي و اسولفلها شصارر بية درت وجهي شفت هيفاء تبچي علية و ابو فهد داير وجهة و حاط ايدة على عيونة
كمت اشهگ و اناشغ اجة هو گومني من الكاع
ابو فهد : بسچ بوية و علي مردتي گلبي
... سحبني من القبر و سندني من ايدي و صعدنة بالسيارة انطاني بطل مي نوب هم راحو زارو قبر اخوهم حسين و امهم بس ما قبل انزل كال ابقي هنا ارتاحي
و بعدين اشترالي عبا ورحنة للامام هم ضليت ابچي
كلشيي يخلص بس دموعي متخلص و هيفاء لزمت راسي يم الامام و كالت ربي اريدك
تچفيها شرهن وشر سحورتهن بجاه ام البنين
و دخلنة لمطعم هم جانت الساعة بالاربعة العصر و بعدين رجعنة للبصرة اني من التعب نمت ماكعدت الا من وصلنة للبيت الساعة بالتسعة بالليل جانت ازدحامات
اني صعدت هم جانو بالصالة حتى ما سلمت بس هو سلم دخلت سبحت و طلعت هو دخل للغرفة كال حضريلي ملابس حضرتلة و انطيتهن الة
همزين نظفت الغرفة قبل لنروح جنت دا اظفر بشعري و كاعدة على الجرباية و هو طلع اجة تمدد يمي
ابو فهد : هدي اني اظفرلچ
اديان : لا شكرا
ابو فهد : هو شنو شكراً دهدي
.. اخذها من ايدي و ظفرلي ما باوعتلها شلون شكلها هو سحب ايدي و حط راسي على صدرة ما الي خلگ حتى اجادلة غمضت عيوني و هو يمسد على راسي و و ظهري
..............
