رواية جذبني فمك البني الفصل الثامن والثلاثون 38 بقلم عبير إدريس

**

شكد صعبه إذا راح إلي تريده

وبعيونه قصه حب جديدة

هنا تحس بعصره الموت

لو شفت غيرك لزم ايده

تضحك وكلبك يشتعل نار

وتحس حلالك مو الك صار

أصعب وكت مر عشرتي وياك

من وادعتني وتطلب انساك

ولو ميت كبالك ولا اشوف

يتطشر كبالي التعب ذاك

لو غاشني ومتصنع اللوم

خليني احس حبيتني بيوم

صح انفصلنا وما احاجيك

بس كلبي لسه مرتبط بيك

ما مقتنع تتفارك وياي

شكد جنت ازعنلك وأراضيك

المفروض كلبي بعيد عنك

بس انت نقطة ضعفي جنك

الله يوفقك كلشي ما اكول

والله يتوب كلبي منك

______________

ايفين

صعد ايمن علمود يصيح عمو اني هم صعدت اريد اعرف صدك يحب اختي وهيه تكول لا وصلت للغرفه جان الباب مفتوح وكفت اسمع..

ايمن : ادهم صدك تحجي بعدك ممبدل الناس جوه منتظرين..

ساكت عمو مجاوبه..

ايمن : ادري بيك كاعد انت وين تنام بهيج وكت وفوكاها هوسه جوه وصوت عالي اعرفك متنام اذا مو هدوء ..

هم ميحجي سمعت ايمن تنهد وكال.

ايمن : بس فهمني ليش متنزل هذا صديقك عيب شنو نكله فهمني ..

عاط عمو وصدمني بحجايته من كال...

ادهم : كله جاي تخطب حبيبته منه وماعنده كلب ينطيها الك فضت راحت....

من بعد هاي الجمله صار هدووووووووء بعدين ايمن كال..

ايمن : يعني توقعي بمحله انت تحبها..

ادهم : مو غبي طلعت اكبر غبي بتاريخ البشريه كلها هو انه..

ايمن : لا حشاك بس جوز متدري بيك ممعقوله سيلين تدري وتعوفك..

ادهم : تدري تدري والادهى اعترفت الها والامر رفضتني وهانت كرامتي...

ايمن : صدك تحجي لو تتشاقه ويايه..

ادهم : اطلع ايمن راسي راح يطك مجاي اتحمل اي صوت لتضغطون عليه لا انزل واخرب كلشي وانه هذا مو مستوايه لتخلون انزل لمستوى ميليق بيه وبمكانتي ..

ايمن : ابوي بنصهم كال روح صيحه والشيخ اكد كلامه وتره سامر اذا شك بشي يأذي سيلين وخطيه يتيمه لتكسر بختها كوم يابه العوض على الله ويسر خاطرك ويجبره..

دخلت لغرفتي والباب مفتوح ردت اشوف عمو ينزل لو لا باوعت بس ايمن نزل وحده اني هم نزلت ، الكل يسأل شوكت ينزل الدكتور ورانه طريق نريد نرجع ، نص ساعه ونزل عمو لابس قاط اسود وقميص بني وحذاء وحزام بني ساعه بنيه طالع نستله مال كاكو اسود وجوزي ، 

بس شنو تحفه نزل والعطر والهيبه والهدوء والرزانه فعلا تمنيته لاختي من كل كلبي ، صدك يلوك الها بس اختي وحده غبيه يعني لو اني يطلبني يمكن اقبل وافرح هم لان عمو ما اله مثيل واصلا نسخه متتكرر مستحيل...

اني هنا الصراحه حرت عليمن اباوع وعليمن ازحف ، على ايمن لابس قاط نيلي وقميص سمائي وطالع منور لو فهد الغضب اسم على مسمى واللبس اسود بأسود دائما لبسه يعكس شخصيته..

جان لابس بنطرون كابوي اسود وستره سوده وجواها بدي اسود...

من واكفين واحد بصف الثاني عمو وفهد 

شبهتهم بلوحه راسمها الفنان ( ليوناردو دافينشي ) او الرسام ( بابلو بيكاسو ) بتعابيرهم القاسيه وحضورهم الجنتل يروون روايه من روايات الكاتب الشهير العملاق ( دوستويفسكي) فعلا ضعت وتهت بتعابيرهم ردت افهم شنو لغزهم وفضولي زاد اريد اعرف شنو السر القوي بينهم وسبب هاي العداوه العاكسه على ملامحهم القاسية وتصرفاتهم من ينجمعون...

جان الباب مفتوح وجنت اشوفهم بس همه ميشوفونه لان الهول بيه فره وعمو وفهد صايرين كبال الباب واني وكفت كبالهم ،

اجاهم يوسف وكملت السبحه ، الاب وحده قصه اولاده كل واحد منهم ماخذ شغله منه ، ادهم وفهد وايمن مجموعين بشخص واحد اسمه يوسف ابوهم يعني بالمختصر تلاثه في واحد...

بلش السيد بالعقد باوعت على عمو مره عينه عليهم ومره يدنك متوتر انتبه ايمن عليه وراح وكف بصفه ماعرف شنو شاوره وراح عمو كعد بالجهة اللي الشيخ كاعد بيها وهيج صرت ما اشوف شي رحت وكفت وره سيلين الجانت كاعده يم الباب التفصل بين الاستقبال والهول صاحت ام ادهم .

فردوس: اشش يابنات كافي خل تسمع ، ماما شنو يكلج رددي وراه..

هزت راسها سيلين ودنكت ، لبسوها مثل البركع الابيض فوك راسها وبيدها قران مفتوح على سوره الفتح ومرايا تعكس ملامحها الضايعه...

بلش الشيخ يحجي ، وتم العقد بس اللي قهرني من هذا كله صوت عمو اليرجف من يحجي ويه الشيخ ويردد اللي يكوله ...

من بعد ما تم العقد كالوا ادهم يريد يفوت سوو مجال ، اللي من اقارب العريس لبست حجاب ، بس فات ايمن قبله اعتقد بطلب من عمو علمود يفرغ الهول وكال للبنات دخلو للأستقبال مابيها احد بس العريس ، 

طلعو البنات وضلينه بس اني وسيلين وام ادهم ، فات عمو وبعيونه الف قصه وروايه حالمه ، تقرب منها جانت مدنكه راسها وتلعب باضافرها ، اختي احسها مقهوره ومسيره مو مخيره بهذا الزواج والمشهد الكبالي هسه اكدلي هذا الشي..

اتقرب يمها مد ايده لزم راسها باسها بكصتها غمض وماعرف شنو همس هيه رفعت عينها باوعتله ونزلت دموعها عافها وطلع للطرمه باوعت من الشباك ايمن حضنه وهو منزل ايده ماعرف شنو حجه وياه بعدين طلع وايمن رجع للبيت رحت يم سيلين جبت كلينس مسحت عيونها ، اجتي ام سامر كالت.

ام سامر : يمه مبروك عليج وان شاءالله بالرفاه والبنين حبيبتي .

اندارت عليه وكالت.

ام سامر : مادام صارت كعده وعقد اذا اختج عدها فستان خليها تلبسه وتكعد هم يلبسون النيشان وهم ياخذون صور هيه هوسه هوسه اليوم ، والشي من يفوت تموت لذته..

فردوس : اي والله صحيح كومي سيلين بدلي هدومج عندج هوواي ملابس حلوه..

رحت لزمت اختي من ايدها وصعدنه دخلنه لغرفتنه كعدت على الجربايه واني طلعت فستانها اللي لبسته بعرس ضيغم وملاك ، نزعتها ولبستها وهيه مثل اللعابه بيدي بس صافنه ، جبت مكياج اريد اعدل وجها اخلي الكحله وترد تتليص بالدموع مالتها..

ايفين : شبيج حبيبتي شنو مفرحانه.

رفعت عينها وكالت ..

سيلين : عمج ذبحني اليوم.

ايفين : ليش شسوه.

سيلين : من باسني كال مبروك يا اغلى البشر من اليوم اني ابوج مثل احساسج ومثل ما طلبتي بس ابوج تعب ادعيله تعدي عليه سلامات وعافني وطلع يافرحه الي تضل بداخلي بعد السمعته واصلا اني مفرحانه وانتي تدرين واني ادري وهو يدري بس تغالطون نفسكم.

دنكت وكعدت بالكاع خليت ايدي على ركباتها وكتلها.

ايفين : ليش وافقتي اذا انتي مو سعيده.

سيلين : افونه كلشي بالدنيا يهون اله الكرامه اذا نجرحت تروحين برجلج للنار وتتركين الجنه بأهلها هاي من جهة و من جهة ثانيه بعد صعب ارجع اعيش بنصكم بعد ماعرفت مشاعر عمو اتجاهي تدرين اليوم هنا كاعد يمر عليه بسنه ، النضره راح تصير حرام والهمسه والكعده حتى انفاسنه اذا اختلطت سوه هم حرام ، انطيني حل واني اترك كلشي ..

ايفين : هم صحيح الله يساعدج اني مافكر هيج مثلج.

سيلين : كومي ننزل هسه يصيحونه

ايفين : اي يلا كومي ...

نزلنه وهيه كل شويه تريد تعثر بثوبها ، شكد حلوه ونازكه بس ملامح الحزن مخيمه عليها وظلمت ملامحها دخلنه للأستقبال جان سامر كاعد شافها ابتسم وكاملها وصل يمها لزم ايدها ومشوا سويه كعدو وضلت ايدها بيده واني بالي يم عمو ويم كسرته ، 

بلشت مراسيم المهر لبسها وكل شويه يشاورها مبتسم وهيه ضايعه بالها ماعرف وين ردت انبهة خاف يشكون بشي بس مكدرت لان كلش قريب يمها حتى اذا شاورتها يسمعني...

اخذتلهم كم صوره ، وثنينهم حلوين ، سامر طويل الهيئة لا سمين ولا ضعيف شعره خفيف ولحيه خفيفه ابيضاني ، يعني شي على شي شكله دكتور نظيف ...

ذوله الاطباء اللي نشوفهم بحيث من نضافتهم نحس همه معايشين بجو العراق المغبر ، وشمسه العاليه بين قوسن على كوله اهلنا مالايحته شمس العرق ...

امه طلبت نطلع ونعوفهم براحتهم ، طلعنه بالهول وضلو وحدهم ، وره نص ساعه فات ايمن صاحني ..

ايمن : ايفين تعاي احاجيج..

ايفين : ها شكو .

ضحك وخله ايده بجيب بنطرونه ، اخرب على حركتهم هاي ولد يوسف متفقين عليها.

ايفين : شبيك تضحك ..

ايمن : يعني انتي ماعندج احساس مشاعر

ايفين : ليش والله عندي احاسيس ومشاعر ..

ايمن : من انهجم بيتج وينهن شو ماشوف.

ايفين : تخيل اذا جعت ابجي اذا طفت الكهرباء وفاتتني لقطات من مسلسل احبه هم اضوج ومرات ابجي ، واذا صرت حباب وطلعتني واشتريتلي افرح واضل يوم كامل اضحك واذا سمعت سالفه ومعرفت محتواها المبطن اموت قهر واضل الوب لحد ما اعرفها يلا ارتاح.

ايمن : هذا جشع وفضول وين المشاعر ههههه

ايفين : على كوله عمو ادهم مشاعر رتيبه.

ايمن : اكص ايدي اذا تعرفين معناها ..

ايفين : هلوو والله اعرف ..

طلع ايده وخلاها على اطار الباب وهمس..

ايمن: يلا كليلي معناها .

ايفين : يعني شي رتيب .

ايمن : اي يعني شنو ؟

ايفين : يعني مثل خربطه مشاعر او هوسه هيج شي اني اعرف بس ماعرف شلون اوصلك الفكره.

رجع راسه ليوره وضحك.

ايفين : شكو تتمضحك اذا غلط علمني

ايمن : بابا يعني رتابه شي منظم ومرتب ..

ايفين : وشعليها هاي الكلمه بالمشاعر وين الربط لو عمو بس يعرف يتفلسف علينه...

ضربني على راسي بالشقى وضحك.

ايمن : كم مره كتلج عمج لتجيبين طاريه بالموزين وهاي الكلمه صعب عقلج يفهمها ههههه يعني معناها احاسيس مترتبه تجي شي بعد شي مو فجأة هسه فهم عقلج الثخين.

ايفين : يابه والله بس نتزوج اذا مو يوميه اسويلك شوربه عدس ما اتسمة ايفين.

ايمن : اغسلج بيها غير جربي وشوفي كلشي ولا تجيبن طاري العدس.

ايفين : هههههههه يلا سكتت اكلك متطلعني وتكسب بيه ثواب.

ايمن : وين نروح وتعوفين هاي الهوسه واليوم مهر اختج غير توكفين وياها.

ايفين : هم صدك نسيت بس تدري لان هوسه ردت افلت واخوك واختي ملوني سلبيه.

ايمن : هههههههههه هاي اخويه شمسوي بيكم صدك مبرمجكم مثل ميريد احسج ادهميه انثويه للنخاع ...

ايفين : شفايتلي اصير نسخه منه ولك اصفن عليه من يحجي واكعد احفظ واكتب خصوصا من جان يعالج سيلين اني هم جنت اتعالج وياها بدون ميدرون.

عكد حاجبه وكال.

ايمن: ليش انتي شبيج ؟؟

ايفين : اني بيه هوووواي يمكن اكثر من سيلين بس الفرق شخصيتي اقوه ما انهار بسهوله مثلها وعندي قدره تحمل بس خلي يجي الليل واحضن مخدتي وتعال شوف افونتك شيصير بيها مرات يطلع الصبح واني منايمه ..

ايمن : ايابه صدك طلع عندج احساس..

عيوني جانت مدمعه ضحكت واختطلت ضحكتي بدمعتي..

ايفين : ولك مليانه احساسيس مليانه بس انتو متحسون بيه.

ايمن : يعني ابدي انقهر عليج منا وجاي.

ايفين : انت شبيك اليوم منتبه على نفسك هواي سولفت يلا توكل محلوة وكفتنه وحدنه بالباب.

ايمن : غير بت وضاح اخذت عقلي شسوي يعني.

ايفين : كلشي بالحلال حلو يلا عيني باي..

ايمن : يعني متطلعين اشتريلج لفه ايس كريم ، _ عتيك ..

ايفين : هههههههههه شكد نذل ولي يلا ماحبك واصلا قنعتني ماعوف اختي وحدها.

ايمن : مو هيه راح تعوفج بعد شكو..

ايفين : لا عيني تكول اتفقت ويه سامر اتزوج اني اول يلا هيه تتزوج.

ايمن : ها حلووو يعني نستعجل شنو رأيج.

ايفين : تريد هسه نعقد ماعندي مانع ههههه كفيلك الله احدق مني ماكو.

ايمن : عليج الله اسألج وجاوبيني لتصيرين نفسيه وتضلين تتكلبين عليه.

ايفين : كول شنو؟

حرك شفته بدون صوت.

ايمن : تحبيني..

هزيت راسي ب لا.

ايمن : جذابه.

ايفين : كيفك لتصدك..

ايمن : عيونج تكول غير كلام.

ايفين : لعد امشي وراها.

ايمن : يعني تحبيني.

ايفين : مادري يلا لتلح ..

عفته وفتت انداريت لكيته على وكفته مبتسم..

هزيت راسي وضحكت كلت بكلبي معقوله حضي راح يكعد لاول مره وهيج انسعد بدون تعب وبدون مشقه واخذ الانسان الحبيته ، 

صح اتشاقه هواي واكول هذا حلو ذاك يخبل بس يبقى شقه انما كلبي من دك اول دكه صحيحه هيه لايمن كبر بعيني من نسه سالفه اسامه وتقدملي من جديد كلت اصلا بعد ميباوع بوجهي ويضل محتقرني طول العمر بس الشفته عكس توقعي..

سيلين 

يحجي واريد اندمج وياه اريد اسولف وما اضيع فرحته بس ابالي تتردد كلماته ادعي لابوج تعب ادعيله يتجاوز الازمه ، انتي هسه بنتي ، اخ اخ من ألم يدك بجدار كلبي بقوه..

سامر : شبيج سيلين 

سيلين : شبيه 

سامر : ماعرف احسج مو ويايه وبالج مدري وين.

سيلين : مابيه شي صدكني توتر وجو اول مره اعيشه لهذا خايفه ومتوتره شويه.

سامر : بهاي حقج..

تقرب من وجهي طبع قبله خفيفه نزل على ركبتي كشت نفسي ابتعدت شويه..

سيلين : اتعود عليك اول ..

باوعلي جانت عيونه ذبلانه عدل كعدته تحمحم وكال.

سامر : حقج عدنه وكت هواي ونتعرف ..

ضل يسولف بعدين كال

سامر : هم يلا نروح ورانه طريق .

سيلين : ماشي.

تقرب باس راسي وخدي اخذ ايدي بيده وكال

سامر : كلش حلوه طالعه وعجبتيني مثل متخيلتج ..

سيلين : شكرا انت هم طالع حلو.

سامر : خابريني اليوم انتظر مكالمتج واذا اتصلت جاوبي مو تكولين مو يمي وتخليني انتظر وتضوجيني..

سيلين : لا اخليه يمي.

سامر : يلا مع السلامه.

سيلين : الله وياك..

سحب ايده من ايدي وطلع فاتت امه وخالاته وعماته وخواته بوسوني وراحو...

صعدت فوك بدلت ورحت للحمام غسلت وجهي ونزلت جوه نرمان وايفين نضفو البيت وام ادهم فاتت تصلي وطلعت ادور على الغريب اريد اواسيه لو اواسي نفسي باوعت بالطرمه ماكو رحت للحديقه ، شويه جبيره وبيها لوفه مثل الممر صفح صاير فتت بيه لكيته كاعد على الدجه ويدخن رحت كعدت كباله كنبصت باوعلي ودنك ....

سيلين : عمو شسوي فهمني حرت اني وجيتك تساعدني..

رفع عينه باوعلي ورجع دنك بالكاع ...

كمت ابجي واضرب على راسي بيدي واردد..

سيلين : شسوي شسوي كلي ..

عكعد حاجبه ولزم ايدي و همس .

ادهم: لاااااا 

جرها للكلمه

نزلت دمعته ويايه ..

مديت ايد ترجف على وجها ومسحتها..

سيلين : شوف عمو شلون لزمتك لان اني ما اعتبرك محرم عليه اعتبرك اب فهمني شلون هاي نفسيتي واني والله مفرحانه بخطوبتي الف غصه وقهر بيه خصوصا من سمعت رجفه صوتك وانت تكول زوجتك موكلتي ...

متت لو تعرف شصار بيه ، فهمني انت علمني شنو اللي اسويه اني حرت وضعت وتعرف كلش زين اصعب شي اعاني منه هو عذاب الضمير ،عندي فوبيا منه..

هاي احجي وصوتي يرجف والكلمه تتقطع تصير اكثر من مقطع يلا تكمل عدا رجفه البجسمي وكلبي اللي تفتت قهر عليه..

سيلين : اني مامتقصده اخليك بهذا الحال وانت الساعدتني وبنيتني اجي اهدمك والله ماسويها لو ما الظروف عكست ويايه و وياك 

ادهم : فكرت كلت احتمال سبب رفضج فرق العمر مثلا ؟

سيلين : لا شعليه هسه انت وسامر مو هواي فرق بينكم الفرق بيناتنه مو بالعمر بس الاحاسيس مختلفه وبعيده انت تحس شي واني احس شي ثاني ،تعرف اني عمه عايشه ويايه،و كل يوم اتذكر حجيها ودمعتي تنزل 

راح اكلك شغله انت متدري بيها ،

من جانت مريضه وتشوفك مبدل وطالع حلو تتحسر عليك وتكعد تون ، حسره والم وقهر مجموعين بصوتها

تكلي لج سيلين هم يجي يوم وعمج يتزوج وحده ويحبها بكد ما حبني الي وتجي تاخذه وتاخذ بيتي وبنتي وتتهنه بيهم وتربي بنتي ، زين فهمني شلون امسح هذا الحجي من راسي شلون..

غمض عينه وجانت بطن ايدي قريبه من شفته باسها سحبتها.....

ادهم : هذا هو الله يسعدج .

سيلين : ما انسعد صدكني ما انسعد.

جاوبني مخنوك...

ادهم : ليش

سيلين : على حساب راحتك وسعادتك ، هاي السعاده ماريدها.

ادهم : معليج مني مثل ما تأقلمت بعد ياسه اتأقلم بلياج.

حجاها وجر نفس كمت ردت اروح كال.

ادهم : بس منين اجيب سيلين ثانيه تنسيني ..

هنا متحملت بعد كعدت بالكاع كابلته وابجي ..وهو كل شويه يمسح عيونه ميريد يبين نفسه ضعيف كدامي.

ماعرف منو اجه سمعنه صوت هو كام وكال.

ادهم : روحي ارتاحي انه رايح اصلي فاتني صلاه المغرب وهسه العشا هم راح تصير قضاء.

جريت نفس وكمت مشى ومشيت وراه صعدنه فوك فات لغرفته واني رحت للحمام توضيت وفتت للغرفه صليت كملت اخذت سجادتي ورحت للهول فرشتها وراه بدون ميشوفني وكعدت اسمع شنو راح يقره علمود اردد وراه ويبرد كلبي ..

بلش اول شي بالصلوات المعتاده اللي معلمني عليها وصارت مثل وجبات الطعام بالنسبه الي من فوائدها تمحى الخطايا والتوبه عن العاصي وتحل محل المعاصي والذنوب ، التوبه والاستغفار والتسبيح والفرح والمسرات واجابه الدعوات وقضاء الحوائج وسعه الارزاق والنصر على الاعداء وهذه الصلاه تكون سبب لجلب انواع الخير والاهم مرافقه النبي محمد( ص ) في الجنه اسمها (صلاه عاقبتها خير الدنيا والاخره ) 

وهي كالاتي تقرأ ثلاث مرات صباحآ وثلاث مرات مساءآ 

( اللهم صل على محمد وال محمد في الاولين 

وصل على محمد وال محمد في الاخرين 

وصل على محمد وال محمد في الملاء الاعلى 

وصل على محمد وال محمد في المرسلين

اللهم اعط محمدآ الوسيله والفضيله والدرجه الكبيرة

اللهم اني امنت بمحمد ولم اره فلا تحرمني يوم القيامه رؤيته وارزقني صحبته وتوفني على ملته واسقني من حوضه مشربا رويا سائغا هنيئا لا اظمأ بعده ابدآ انك على كل شيء قدير اللهم كما امنت بمحمد ولم اره فعرفني في الجنان وجهه اللهم بلغ روح محمد عني تحيه كثيرة وسلامآ) 

حجاها بصوت مليان خشوع وقهر ومنا هو صوته حنين من يقره ادعيه ويتلو قران ، بجيت متحملت التفت عليه باوعت عيونه حمره دم التفت ورجع كمل ، لميت سجادتي وطلعت رجعت لغرفتي لا تعشيت ولا شفت موبايلي ولا اتصلت بسامر المنتضرني ....

نمت وثاني يوم جان سبت كمت سويت ريوك تريكنه وحدنه لان عمو مبين متريك الصبح لكيته مسوي جاي ، جريت نفس ورجعت كملت المطبخ رتبته وفتحت البردات دخلت شمس حلوة ، سويت غده ودخلت اسبح صارت ساعه وحده ونص اجه عمو ....

سيلين : الله يساعدك.

ادهم : ويساعدج شلونج اليوم.

سيلين : احسن الحمدلله وانت ؟

ادهم : الحمدلله ..

سيلين : اصب غده

ادهم : كيفج ..

سيلين : يلا راح اصب علمود نتغده.

ادهم : بس اصلي عادي تنتظرون لو جوعانين.

سيلين : لا لا عادي براحتك.

راح يصلي واني رحت للمطبخ طلعت خضورات وسويت زلاطه داطلع باللبن اجتي ايفين شايله موبايلي يدك .

سيلين : منو؟

ايفين: الجوارين يعني منو غير المشتول الصفحه ..

سيلين : يامشتول

ايفين : المكرود شاتلته من البارحه لليوم ينتظر اتصالج

اخذته منها باوعت سامر صخام الصخمني كون نسيته ردت اجاوب فصل فتحت الموبايل باوعت مسجات ومكالمات كومه وداز الصور مالتنه ، دكيت عليه جاوب متنرفز ..

سيلين : هلو شلونك..

نتر 

سامر : وينج ليش متجاوبين هاي بعدنه با اولها والاهمال اشتغل..

سيلين : اسفه حقك بس نمت لان تعبانه   

سامر : ومن كعدتي الصبح متذكرتي عندج واحد منتظرتج من الليل وكلتي خلي اشوفه اخابره..

سيلين : حقك

سامر : شنووو حقي اذا جابريج عليه احجي اني مناقصني شي علمود اخذ وحده مجبوره..

سيلين : ابد مو هيج بس عندي ظروف تعبتني انت حقك واني هم حقي ان شاءالله اعوضك..

سامر : سيلين اكثر صفه اكرها بالمرأة اذا تكون مهمله بمشاعرها ومتبادلني نفس الاهتمام اللي اقدمه الها ، اني عندي الاهتمام بالدرجه الاولى يلة بعدين يجي الحب.

سيلين : حقك..

سامر : انتي شنو ماعندج غير كلمه حقك حقك ادري خاطب حايط..

سيلين : انت ليش عصبي وتصيح كتلك اهمال غير مقصود واسفه مره ثانيه ..

طبكه بوجهي ، سديت الموبايل وخليته على الكاونتر التفتت لكيت عمو كاعد على الميز وعينه بموبايله همست ...

سيلين : من شوكت انت هنا 

ادهم : من انه نايمه وتعبانه ...

سيلين : يعني بدايه المكالمه.

ادهم : همممم

سيلين : شعجب مسويت صوت محسيت بيك من جيت.

ادهم : عرفت ماعندج شي خاص لهذا كعدت.

سيلين : شمدريك ماعندي شي خاص.

ادهم : لو عندج جان رحتي خابرتي بمكان ثاني مو بنص البيت وفاتحه الحاكيه..

سيلين : لان جنت احضر بالاكل وسماعاتي بالغرفه..

ادهم : اتصلي عليه احاجيه.

سيلين : ليش ؟

ادهم : معليج خابري.

سيلين : افهم اول.

رفع عينه باوعلي ورجع باوع بموبايله وسكت يعني اتصلي اني اعرفه من يريد شي يكوله مره ثاني مره يسكت بس يضل مصر على السالفه ، لهذا جبت موبايلي اتصلت وخليته ع الميز مد ايده فتح الحاكيه .

سامر : اله هيج يلا تمشين عدل..

ادهم : اعصابك دكتورنا المثقف هاي شنو شو احسك متنرفز..

سامر : صباح الخير دكتور ..

ادهم : صباح النور 

سامر : شو اتصلت من سيلين ليش مو من خطك.

ادهم : ردت اعرف ليش تصيح عليها وتسده بوجها .

سامر : وانت شمدرك ؟

ادهم : مو موضوعنه هذا ليش تهينها انه نطيتياك حتى تقدرها وتخليها بعيونك لو تصيح عليهة.

سامر : شي خاص بيني وبينها ما اعتقد الك حق تتدخل.

ادهم : شلون ما الي حق هاي شلك بيها دكتور.

سامر : يعني انت ابوها مثلا 

ادهم : اي انه مربيها وتعبت عليها علمود تجي انت تصيح عليها وتهينها انت لو تعرف شكد عزيزه عليه جان ماسويت هيج.

سامر : اعرف عزيزه عليك واعرف انت الك فضل جبير عليها بس اني هم حقي يعني زابلتني منو يقبلها.

ادهم : اول شي انه ما الي فضل عليها هيه تمون عليه وكلشي اسوي الها اسويه بكل ممنونيه هاي حجايتك اسحبها اما بالنسبه للفظ اللي لفظته اعتقد انت دكتور وتتحدث مع دكتور ثاني لازم تنتقي الفاظ تيلق بينه ثنينه.

سامر : اني اللي اعرفه الاصدقاء مابينهم القاب ولا حواجز لهذا حجيت وياك هيج من باب الصداقه.

ادهم : ومن اسسس الصداقه الحقيقيه والصحيحه يكون الاحترام موجود ومتبادل بين الصديقين فما بالك اذا كان بين حبيبين شلون لازم العلاقه تكون وعلى شنو مبنيه اذا علاقه ما تنبني على حب واحترام فبلاها افضل.

سامر : يعني هسه انت زعلت.

ادهم : مو صغير وازعل لكن اسلوبك ما عجبني وتصرفك ويه سيلين اذا تكرر اسحبها منك.

سامر : كتلك حاله عصبيه وجنت ضايج منها.

ادهم : شوكت لحكت تضوج منها وانت البارحه عقدت.

سامر : تقبل لعد اني من ساعه تسعه بليل انتظر ولحد الفجر يلا نمت واليوم اتصل متجاوب.

ادهم : ادري مجبور متوازي تسهر نام وارتاح واكعد ثاني يوم اشبع سوالف غير هيه تعبانه وانت المفروض تقدر هذا الشي..

سامر : صح وحقك عليه صديقي لا تزعل مني.

ادهم : انت لتزعلها انه ما ازعل.

سامر : شكرا اخذ راحتك.

ادهم : الله وياك..

سد الموبايل ودفعه بأتجاهي ...

ادهم : مره ثانيه لترضين بالاهانه حتى وان كنتي على خطأ بس اذا خطأ غير مقصود...

دنكت راسي وكمت صبيت غده تغدينه و مريم تسولف هيج كالت المعلمه وهيج حجت صديقتها..

ادهم : بابا من اداب الطعام لازم منحجي هواي ميصير نكمل اكل ونكعد ونسولف شكد متريدين.

مريم : اي صح..

كملنه اكل غسلت مواعين وسويت جاي..

ومشى اليوم عادي ..

ثاني يوم بدلت وطلعت لكيت عمو كاعد منتضرني بالاستقبال شافني كال 

ادهم : خلصتي

سيلين : اي 

ادهم : يلا لعد ..

كام مشى ومشيت وراه شلون اكله بعد ما اجي وياك سامر كال اني اوديج واجيبج وخابرني كال راح اوصل طلعي ، طلع عمو واني هم طلعت صعد وصعدت بصفه حتى اكله بعد ما اجي وياك بس اريد طريقه بدون ما اجرحه بيها وبدون ما اخليه ياخذ موقف مني من جديد.

توني اريد احجي طبكت سياره سامر كدامنه ، ونزل منها وصل يم جامه عمو فتحها وتسالموا ،، منزل وسلم عليه ضل كاعد بمكانه ، دنك راسه باوعلي وكال.

سامر : يلا انزلي ..

ادهم : وين تنزل ..

سامر : ههههه شبيك غير اوصلها 

ادهم : ها اي...

سامر : يلا سيلين.

اخذت كتبي وجنطتي ونزلت رحت صعدت بالسياره وسامر جان واكف يم الباب يريد يصعد باوعت على عمو هز راسه وضرب على الستيرن بيده حسيته مستحسف ، ماعرف الموقف هيج خلاني احس ، حرك السياره وطلع قبلنه ، صعد سامر سحب ايدي باسها وضل لازمها الطريق كله..

سيلين : ازدحام اليوم.

سامر : اي معرض بغداد واللغوه بلشت ..

سيلين : اي صدك كل سنه هيج ازدحام يصير.

سامر : هسه ليش يسدون الشوارع يعني حتى اذا عدنه شي بيه ابداع بالعراق هم نضوج منه بسبب الازدحامات اللي تصير  

سيلين : فعلا..

سامر : البارحه عطلتج عن النوم.

سيلين : لا عادي من نعست كتلك راح انام.

سامر : بس مينشبع من صوتج ابد...

بسرعه اجه صوت عمو ابالي من يكول سيلين انه حتى صوتج ادمنته ،

يعني شلون عذاب ضمير هذا الي كاعد اعيشه بحيث مداكدر اتأقلم ولا اتهنى ويه خطيبي اللي المفروض هسه اني اسعد انسانه لان فعلا انسان يستحق ومن كلها كامل والكمال لله يعني مناقصه شي اني الناقصني ، واصلا منتقارن اني وياه اذا قارنت هو يفوز بس شنو من عذاب ضمير كاعد اعيشه عجيب...

وصلنه للكيله نزلت وهو نزل باوعت عمو طابك سيارته يعني واصل قبلنه لزم ايدي ودخلنه للجامعه ليش ما اشوف عمو واكف يم الامنيه مثل كل يوم همه يرحون يمه ويضلون يحجون وياه شويه وبعدين نروح لان يحبوه كلش ، 

من دخلنه للجامعه شافنه عيونه كبل اجتي على ايدينه بسرعه دار وجها وضل يحجي ويه الولد اليمه ، صعدنه فوك لغرفتهم اختنكت اريد بس اطلع ماعرف شنو ديصير ويايه ، اريد انهزم من الدنيا والبيها هذا الشعور اللي حاسته ..

لا اريد اضل يم عمو ولا اريد اعوفه ولا اريد اترك سامر ولا اريد استمر ، شنو الحل مادري بس بعدين فكرت لان حياه جديده ويحتاج اتأقلم ومن راح اتعرف على سامر شويه شويه تتغير فكرتي واتقبل حياتي الجديده ومتأكده راح اعيشها صح...

سامر : كعدي شبيج واكفه ...

سحبت كرسي كعدت.

سامر : هاي وين تعاي بصفي هنا.

سيلين : لا خليني هنا افضل

سامر : تعاي شبيج ماسوي شي هههه.

سيلين : مو قصه تسوي شي بس عيب يجون طلاب ويشوفونه بهالقرب ...

سامر : تعاي اكلج.

شلون طلابه هاي اللي ماراح تخلص كمت ورحت يمه جر الكرسي وخلاه بصفه واشرلي كعدي كعدت ، حاوط كتفي بيده.

سيلين : سامر تره احنه بالجامعه.

سامر : اعرف بس هسه وحدنه ماكو احد والباب مسدود.

سيلين : هسه عمو يجي وعيب منه.

سامر : لا مو عيب ممسوين شي..

سكتت بعد شكول ، فتح موبايله وبلش يشوفني صور اثاث وغرف نوم وصبغ ومن هالسوالف.

سيلين : مو بعد وكت.

سامر : انتي شعليج اني اشتغل على كيفي انتي بس اختاري.

بلشنه نختار لهناك انفتح الباب فات عمو وارتد ليوره بحركه سريعه كال ...

ادهم : عفوا اسف ما ادري انتو سوه.

الكلمه الاخيره كوه طلعت من حلكه..

سامر شال ايده مني وكال.

سامر : تعال هسه راح نطلع ...

ادهم : وين ؟؟؟؟

سامر : وين يعني اني عندي محاضره وسيلين للقسم ..

ادهم : هااا.

سامر : اي..

فات عمو خله غراضه وطلع من الغرفه اني اعرف يوم الاحد ماعنده محاضره اول درس يعني تبدي من الثانيه ويضل كاعد بالغرفه من شافنه متحمل عرفته لهذا طلع..

سيلين : سامر نروح وبعدين نختار دخت فدوه.

سامر : يلا براحتج امشي اوصلج.

سيلين : اوك

نزلنه وصلني للقسم وراح دخلت للقاعه والوب مدري شبيه بالي يم عمو ومقهوره على سامر وكارهه نفسي .

جريت نفس اخذت جنطتي وطلعت احس القاعه تاكل بيه اكل..

رحت للنادي نفس مكانه القديم ، وفعلا حدسي طلع صح لكيته كاعد بنفس المكان وخال راسه بين ايده ومدنك وصلت يمه وكعدت بدون ميرفع راسه ويفتح عينه كال.

ادهم : متخافين تصيرلج مشكله ...

سيلين : ليش؟

ادهم : لان وصلج للقسم وجيتيني 

سيلين : ضل بالي عليك كلت اشوفك واروح...

ادهم : يسلم بالج يابه 

سيلين : ليش كاعد احسك تستهزء 

رفع راسه خازرني

ادهم : لعد من قبلتي بصديقي شنو جنتي متصوره هااااا شنو تتوقعين اشوف يوميه ..

ضليت ساكته وباهته شنو احجي ما ادري.

ادهم : عدكم بيت وسوو اليعجبكم بيه المكان الاتواجد بيه رجائا اريد بيه احترام مو قليل احساس الاهانه الحسيته.

سيلين : بس احنه مسوينه شي علمود تحس بالاهانه.

ادهم : شمدريني انتو سوه دخلت غفل وانجبرت اعتذر عن خطأ مو متعمد.

سيلين : مامجبور تعتذر عموو ...

دفع الكرسي ليوره و عافني وكام ....

ضليت مسطوره شسوي ياربي شلون راح تمشي حياتي ماعرف ، كمت ورجعت للقاعه الاستاذ يشرح واني بالي يم كوم الهموم العندي ...

رجعت للبيت ويه سامر ، ورجع التوتر من اول وجديد عمو ياكل وحده وهو يصب لنفسه وحتى غرفته وملابسه ميقبل نتدخل بيهن ، رجع مثل اول رجوعه من السفر بفتره مرض عمه هو شال مسؤوليته ومسؤوليه مريم...

تركناه براحته منريد نضغط عليه ...

مره بليل خابرني سامر رحت بالاستقبال حتى اسولف براحتي لان ايفين تريد تنام وتضوج اضل احجي ، حجينه مواقف صارت وكمت اضحك بس ابد مجان صوتي عالي يعني عادي والباب جان مسدود متوقعت احد يسمعني ، جنت اضحك وخاله ايدي على حلكي اندك الباب صحت منو .

سامر : هذا ادهم هسه يكلج نامي.

سيلين : لا ماعتقد هسه نايم.

كمت فتحته مريم .

سيلين : ها حبيبتي شو كاعده بعدج.

مريم : نريد نام اني وبابا وصوتج عالي ، كال بلكت تنصيه مدنكدر نام وعدنه دوام..

سيلين : ليش انتي وين نمتي اليوم ..

مريم : بحضن بابا.

سيلين : وليش مو يمنه ؟؟

مريم : ماعرف بابا اجاني وكال تعالي نامي يمي.

سيلين : هاا يلا اني هم راح اسده وانام.

مريم : تصبحين على خير 

سيلين : وانتي من اهله 

بستها بخدها وراحت..

سامر : هااا مو كتلج ادهم 

سيلين : جوز فعلا صوتي عالي ومكدرو ينامون

سامر : يمعوده وين عالي هو اني مدخل الموبايل باذني وكوه اسمعج.

سيلين : والله بعد ما ادري 

سامر : تصبحين على خير اخذي راحتج.

سيلين : اي نعست مضل شي ونكعد للدوام.

سامر : باجر نلتقي

سيلين : اوك

سامر : حسبي حساب نتغده بره 

سيلين : الله كريم.

سامر : الله كريم

ثاني يوم داومت اجه عليه سامر ورحنه للدوام ، صارت ساعه تسعه ونص صعدت فوك ، دخلت للغرفه لكيت عمو وحده كاعد يتريك متت قهر بحيث مدخلت للغرفه نزلت جوه،،،

اتصلت على سامر بلغته بمكاني اجه ورحنه للنادي كعدنه شويه وكلمن راح لمحاضرته ، 

خلص الدوام ورحنه نتغده نسيت ابلغ عمو راح اتأخر تليفوني جان صامت تأخرنه طلعت موبايلي شفت الساعه جانت بالاربعه باوعت مكالمات من عمو وايفين ، دزيتلهم رسائل كتبت اني طالعه واتأخر ايفين كتبت اوك بس غير تحجين عمو خبص الدنيا ...

مجاوبتها فتحت رسالته كاتب...

على الاقل احترمي اهل البيت العايشه وياهم انطيهم خبر من تتأخرين ليش تخلين بالنه مشغول ؟؟؟؟

كتبتله ..

اسفه جان صامت ، ليش متصلت على سامر بدل القلق اللي عشتوه ..

مجاوبني سديته ورجعته للجنطه اجه سامر جايب عصاير قدملي واحد والثاني اله وكعدنه نسولف شويه ورجعني للبيت وصلت لكيت عمو واكف بالباب عرفتنه منتضرني ..