رواية ناديه الفصل الثامن والثلاثون بقلم انين الليل
.الو
كرم //الو هلا عمو اشلونج
...الحمد لله عمو تگدر اليوم بالليل تجي البيت ها عمي هادي
كرم //خيير بابا صاير شي شبي صوتج
......لا عمو اي شي ما صاير بس جيب بيبي جميله وتعالو كلكم حتى البنات والولد
كرم //شنو عازمتنه
...عمو اريد تجون كلكم الله يخليك
تستمر القصة أدناه
كرم //تدللين رايده شي ثاني
...عمو ولو اتطفل عليك تگدر اتجيب وياك عمه شمس هي وزوجها بس الله يخليك لا تگله انا گتلك
كرم //ناديه بابا خوفتيني شصاير
حاولت ابين هادئه ......عمو وداعتك ماكو شي بس عندي شغله ما اگدر اطلبها من عمي هادي اله انت موجود
وياك عمه شمس وعمتي ام مرتضى وعمي قيس
كرم //قصدج يعني نجي الهادي مفاجئه ما يعرف بجيتنا
......اي والله عمو اتسوي فضل عليه
كرم //الفضل ال الله بالسبعه يناسبج
...اي ايناسبني وياريت من توصل للبيت اترمش عليه
كرم //تتدللين وهسه انا راح اتصل بقيس واجيبه
انا بترجي ... ... 1عمو كرم ما يحتاج اوصيك مو تگول اي شي بروح عباس عليك
كرم //اعتمدي ناديه بس اكيد ما صاير شي
...لا عمو اي شي ما صاير اطمن واذا تحب اسال عمه زهراء ولو اتمنى تجي بدون ما تسالها
كرم //هذا هو وما راح اسالها ان شالله نجي فيمان الله
......الله وياك
صارت حنين تباوعلي وهي مستغربه وگالت //ناديه خابرتي عمي كرم يجي هو وبيبي جميله ويجيب قيس حتى
اياثرون على هادي يرجعج للكليه بس هالمره ما اشوف اكو امل لان همه يردون يعرفون منو هذا الي على اساس
مصادقج
باوعت الها ...هديل گالت الهم
حنين هزت راسها //اي ندووش وافراح صارت تعد وتصف (بعدين حنين حضنتني وگالت )ناديه انا خايفه كلش
مسحت على راسها وانا حاضنتها وطمنتها ...لا تخافين اوعدج ياحنين الكتله مالت هادي وتمليش افراح الشعرج
اوعدج هاي راح تكون اخر مره واحد يمد ايده علينه
حنين //قصدج نشرد
ضحكت رغم الالم ......ههههههه وين نشرد هاي الكلمه ابد لا تفكرين بيها ولا تحچينها گدام كل احد لان اذا
سويناها راح نصير فعلا بس بنات مياده ومو بنات عباس
بعدين باوعت الها وگلت ......اول مره ما تگولين جوعانه ؟
هي بابتسامه حزينه //مو باقي عندي من المصرف واشتريت
ابتسمت ...يعني ماليه بطنج
حنين وهي مبرطمه//اي ندووش وانتي
باوعت الها واختفت ابتسامتي وگلت ......اكلت هواي وشبعت حييل لا يظل بالج
درت وجهي وانا متمدده وحاولت اخفي دموعي الي نزلن بس هالمره ما اعرف ليش بچيت او عليمن
كانت افكاري متضاربه جريت نفس واتصلت بالمحامي وحچيت ويا وهو گلي //اتامرين
دكو الجرس يعني لازم ننزل ونسوي عشا حنين گالت //ابقي انا نازله ومن تسالني حيزبونه اگول نايمه
وفعلا حنين نزلت وانا نزلت وگفت ابداية الدرج وسمعت افراح وهي تستهزأ بيه وتگول
- - خليها لاتنزل واذا ما تريد عشا اتوفر الحقيره نفس ما بامها بيها حاكت على ابني وماخذه منه فلوس ومن شافت
ماكو فايده راحت تحوك على ولد الكليه
اسيل //هسه انتي ماما ليش ضايجه مو بابا گال ابطلها
افراح //طبعا ايبطلها شنو ننتظر على ما تجيب النه مكسوره
هديل //بس شعجب ما اخذتو النقال منها
افراح //هم صدك روحي ولج حنين جيبي النقال من اختج
حنين //عمه النقال جابه عمو سراج ليش اجيبه
افراح //انتي انجبي واحنه ندري جايبه سراج بس روحي جيبي لا تلتهي تخابر بالزلم وبعد ياهو ايكضها
حنين //صار عمه هسه اكمل العشا واروح اندها واخليها تنزله وتنطي الج بايدها
تستمر القصة أدناه
رجعت للمخزن وهاي اول مره من ارجع من الدوام ما انام لان مستهضمه حييل بقيت افكر وانا منتظره
جية عمو كرم وبيبي لان قررت بعد ما اسكت ساعه وصعدتلي حنين بايدها صينيه زغيره بيها صحن زغير
طماطه وكوبين چاي وخبزتين وگلتلي //ياالله ندووش اگعدي اكلي
باوعت الحنين ...ما اشتهي حنونه
حنين //ناديه اذا ما تاكلين ما راح اتعشى وداعة بيبي منيره
حسيت بحنين تريد تبچي ومقهوره گعدت وصرت اكل وياها رغم احس بفكي يوجعني من ضربة هادي
صرنا ناكل واحنا ساكتات من كملنه حنين ما نزلت شفت بوجهه كلام انا سالتها
...... حنين شكو شبيج
حنين باوعتلي ودموعها على خدها حچت بحرگه //مو هاي الكلبه افراح تگول خلي تنزل وتنزل وياها النقال
انا ابتسمت ......وانتي هذا الي مزعلج ومخليج تبچيين
حنين هزت راسها بالنفي //لا ندووش افراح وبناتها مصرات تبطلين وتگعدين بالبيت وحتى ياسر الي چان
يدافع عنج هسه ساكت عبالك انتي مجرمه
اتقربت منها وگلت الها ......عادي ما عليج وهذا ياسر وداعتج تشتوش بكيف امه
حنين // ناديه اشوفج ولامهتمه ولا خايفه
هزيت راسي ... ... اي مو مره اتذكر گلتي خلي نجرب نعيش بالحيله مثل ما هنه هيج عايشات
انا هم راح اعيش وياهن بالحيله وراح اجرب كل شي هنه سوونه بيه وبيج وابد ما راح اسامح احد
حنين فتحت عيونها //شنو ندووش احنه نكدر الهن
......اي نگدر وهسه تشوفين
حنين بخوف //انا خايفه عليج ناديه ما تدرين اذا صار بيچ شي انا اموت
قربت راسها وخليته على صدري وانا اطمنها
...لا تخافين اي شي ما راح يصير اطمني حبيبتي راح ابقى دووم يمج وما اخليج محتاجه احد
بقيت احاول اطمن حنين الي اشوفها عباره عن طفله وخايفه اي حقها وعت بس على عذاب واهانه ما شافت
اي شي حلو گالت //ياالله خلي انزل اغسل المواعين وارتب المطبخ لا تسويلها مشكله واحنا ما عايزين
......لا حنونه انتظري شويه هسه ننزل سووا
حنين //لا انتي وين بيچ حييل تنزلين ارتاحي انا راح انزل انتي حاولي تنامين لو شويه
ورمش عليه عمو كرم يعني وصل وانا جريت نفس وگلت الحنين //ياالله خلي ننزل
حنين //خليني بس انا انزل
...حنونه شبيج
اخاف عليج هادي وافراح يضربونج
...لا تخافيين ياالله اجه عمو كرم
نزلت حنين بيدها الصينيه والي اتعمدت تراوي الصحن الكرم وقيس وگالت //السلام عليكم
الكل رد وهي خلت الصينيه بالمطبخ واجت صارت تباوس بيبي جميله وام مرتضى وعمه شمس وغفران ونبأ
انا نزلت وافراح تباوعلي وتخزر گلت ......السلام عليكم
الكل رد لكن متفاجئ من منظر وجهي رحت على بيبي جميله وسلمت عليها وباوستها ويمكن لان ليل والضوه كاسر
ما انتبهت الوجهي سالتني
شلونج بيبي
...الحمد لله زينه
وين چنتي
... چنت فوگ نتعشا انا واختي
جميله // هاا بالعافيه شنو عشاچن
...خير من الله طماطه تگلا وچاي
:اي نعمه شبعتن بيبي
......الحمد لله بيبي
شمس مستغربه //ناديه شبي وجهج
باوعت الهم وجريت نفس وگلت //عمي هادي وعمه افراح ضربوني
تستمر القصة أدناه
كرم وگف واشوف علامات الاستغراب على وجه افراح وهادي لان اول مره احچي واگول وانوب الكل موجودين
كرم سال بنتر //هادي ليش هيج جارم بالبنيه
هادي جاوبه // وطبها طوب واموتها
قيس // ليش شمسويه
افراح رادت تحچي انا قاطعتها ......اي والله عمو اريد اعرف انا شمسويه وليش اول ما وصلت لزمني هو
ومرته وصارو يضربون بيه وغلط ومسبه وتالي كال ماكو كليه وحتى عمه افراح ودت على النقال الي اشترا الي
عمو سراج والهسه ما اعرف لويش
جميله تهز بايدها //ولج افريحه تطگين ناديه كون انكسرت ايدج انتي وهذا احميها الفشل النذل
......لا بيبي وكلهم گاعدين محد دافعلي بس حنين وعمه افراح ما قصرت وياها لزمتها من شعرها وگطعته بايدها
جميله بعصبيه // ليش شمسويات ليش
افراح //اي نكتلها ونطيح حظها گبل لا تجيبلنه سوده وعار
قيس بنتر //وليش شنو صاير
حنين //عمو اجت هديل من بره وبس شافت عمي وامها صارت تحچي وياهم ما اعرف شنو وهمه اتحلفو باختي
قيس //غير نفتهم تعاي هديل
افراح وگفت //لا قيس عوف هديل هاي الي مسويه روحها فقيره (اتاشر عليه ) ما مسويه شي بس اتصادق
بالطلاب والاساتذه
جميله //انچبي واستحي وخافي الله
افراح //ما جايبتها من جيبي والكليه كلها تدري واليوم راحت هدت على هديل
كرم باوعلي //ناديه هذا الكلام صحيح
راسا جاوبته ......عمو ما اعرف (واشر بايدي وارفع بمتني ) بس اريد اعرف منو هذا الي مصادقته كلكم تعرفون
بالكليه زمالات هاي غفران اسالها وياسر وعمار واحمد وحتى هديل نفسها اليوم من شفتها گاعده ويه تلث ولد
واثنين بنات يعني هسه هي هم مصادقتهم
افراح وگفت وحچت بصوت عالي //انچبي ولج بس انتي منين تطلبينها
شمس //تره ام ياسر ناديه ما گالت شي تگول خلي تعرف من. هذا الي مصادقته
كرم// تعاي عمو هديل شسمه الولد
هديل بهدوء ومدنگه //عموو انا ما اعرفه بس الطالبات يسولفن يگولن هي مسويه علاقه ويه استاذ يمكن اسمه ميثاق
باوعت الهديل باستهزاء وسالتها ...... هاايعني انتي ما تعرفينه
هديل هزت راسها //لا منين اعرفه
انا گلت ......تمام عمو هسه اسمعوني اعتقد من حقي ادافع عن نفسي
افراح // شتدافعين بتي ما جابت الكلام من جيبها
قيس //افراح اسكتي لاتحچين (باوعلي )وانتي عمو ناديه سولفي
......عمو هاي گدامكم خاف انكر الكلام كلكم تشهدون باچر يروح مرتضى وياسر ويسالون ويشوفون كلامي
الي راح اگوله صحيح لو لا واذا طلعت چذابه انتم بايدكم اكتلوني
قيس //احچي بابا ولا تخافيين
......عمو صحيح ما انكر انا اعرف استاذ ميثاق
افراح // هاا شگلنه خو شفتو الصلافه
قيس //اسكتي لا اگوم اكفر بيج خلي نسمع (باوعلي )كملي عمو
......اي فد مره انا رايحه للمحاضره واجاني استاذ ميثاق وگلي ممكن احچي وياج انسه ناديه
انا اتعجبت گتله اتفضل
گلي انسه ناديه سالت عنج وعرفت انتي خوش بنيه ومؤدبه وشاطره وانا حبيت اسالج عن البنيه الي تمشي وياج
انا گتله باستغراب منو
تستمر القصة أدناه
هو گلي لمى وهاي عمو تعرفها هديل هي بس هاي البنيه دووم امشي وياها انا گتله هي خوش ابنيه ومؤدبه
وبت ناس واصلا قبل يومين انخطبت الميثاق لكن هي ابتعدت عني
(وصرت ابچي )
كرم // ليش ابتعدت عنج مو حمدتيها وگلتي انخطبت للولد
انا صرت اشهك واحچي بصوت متقطع وااشر على هديل
... ... لان هديل ذاك اليوم چانت جايه للكفتريا مال كليتنا وانا شفتها ورحت سلمت عليها وگلت للبنات هاي بت عمي
وهي امتعضت انا رحت لان عندي محاضره ولمى بوقتها راسها يوجعها وبقت
ما دخلت محاضره وسمعت هديل وهي تحچي
قيس //شتحچي شتگول
انا مسحت دموعي وباوعت الهديل الي وجهها صار ينطي الوان
......تكول هاي مو بت عمي احنا على اعصابنا باقيات ويانه بالبيت هي واختها لان امهن وحده مو زينه وكتلت
عمي وانعدمت هي وصاحبها واحنه شاكين ابنسبهن لان عدهن اخو غير شرعي
وتگول حتى ابوي ولا مره گال الوحده بيهن عمو لو سلم عليهن لو انطاهن مصرف لو اشترالهن
لان يعرف هنه مو بنات اخو اصلا يتقزز منهن ومعتبرهن خدامات
ومو بس هالشكل مفهمه لمى تدير بالها مني لان سمعتني فد مره اسولف الحنين واتحسدها على ميثاق وگايلتلها
ديري بالج منها لاتاخذ خطيبج منج
افراح رادت تحجي جميله گالت //ها حبوبه شو سكتي جاي ينشدها على صاحبتها وخاطبها بس انتي ما شاء الله
فضحتيها لبنية عمج
(باوعتلي وگالت ) كافي بيبي كافي
انا رديت ......بيبي انا گدام عمامي لو عندي شي مو زين ما نجحت العام الاولى على القسم مالتي بيبي انا مو مال
هيج سوالف واعرف نفسي منو انا وشنو امي
ياسر وگف على حيله //اسمعي ولج هديل اموتج اذا طلع كلام ناديه صحيح
جاوبته ......اي صحيح وهسه اخابر لمى گدامكم
واتصلت بلمى وفتحت السبيكر ...الو لمى
لمى //انا مو گتلج لا تخابرين
... اعرف بس حبيت اباركلج على خطوبتج من استاذ ميثاق
لمى //شكرا و بعد لا تخابرين لان اعرفج انتي شنو وامج منو وما يشرفني تصيرين صديقتي
انا سديته وگتله ...ها ياسر سمعت باذنك وانتم عمامي (واشرت باصبعي ) هسه عرفتو هذا الولد منو وشنو راد
مني وياسر اكثر واحد يعرفني
(وباوعت على ياسر وگتله ) الله عليك من رحت اتسجل هديل وسالت عني مو گلولك اشطر وحده ومؤدبه
مو انت نفسك ياياسر الي عاتبتني ليش ما گلتي ناجحه الاولى على قسمج
وصرت ابچي (بس هالمره امثل البچي )😛😛
جميله ظلت تضرب على رجلها وتگول //ليش الله لا يطيچن شتردن من هاليتايم وين نوديهن گوه يافريحه تردين
اتطلعينهن من الدرب
افراح صارت ترجف وتحچي بعصبيه //شنو شنو اطلعهن من الدرب هنه تره ما محتاجات احد يطلعهن من الدرب
ماضيهن معروف
قيس /اكلي تبن وانچبي ياادب سزز
هي صارت تحچي بصوت عالي واعصاب //لا ما انچب شنو بنات مياده شريفات هسه صارن علاوي يتصلى
على ذيالهن
شمس //مياده امهن جابتهن بس خالتي وانتي الي ربيتيهن يعني زينتهن وشينتهن عليج
افراح گعدت يم بناتها //لا حبوبه شنو عليه ولا اعترف بيهن وهذا هادي اسالو احجي گدامه يگول لابنات
عباس ولا اعرفهن
شمس //هاا وليش ما وداهن الخوالهن
تستمر القصة أدناه
هادي //اشو انتم تحچون ولاغيين وجودي شنو انا اهنا ناطور خضره
كرم //ما شفناك حاچيت بتك لو مرتك
هادي بنتر //بتي افتهمت الموضوع غلط شنو انگلبت الدنيا
جميله //لا ما انگلبت الدنيا ناديه واختها ينكتلن حتى لو ما مسويات شي وبتك ومرتك اتمسح عليهن اللا وين
تبقى مغسول حظك شدعواك خاف الله باليتيمات
هادي //خاله كافي انا عبالي كرم انت وقيس جايين تشوفونه بس ما ادري بت ابليس موديه عليكم جاي تحفر
من جوه ليجوه النغله بت الزفره
اهنا شفت افراح وبناتها شلون يباعلي بتشفي والي اجو ويه كرم وقيس دنگو قررت اوگف بوجههم والي يصير يصير
وگفت وكلت وره ما جريت نفس وبصوت واثقه من نفسها
......هذا هو انا نغله وبت زفره وامي خاينه ومعدومه بس انا بالجنسيه بت عباس عد الحكومه انا بت عباس خليل
وما طوول هذا صار كلامك وما دام انتم الي متسميين عمامي موجودين وياكم ولدكم وبناتكم احب اگللكم شي مهم
كرم //شكو بابا گولي
خزرت افراح واستردفت ...... انا واختي حنين استلمت كل حقوقي من المحامي وبالمحكمه وانا هسه حره باملاكي
وشلت الوصايه من سراج والوكاله سحبتها من هادي
الكل اتفاجأ بكلامي واولهم افراح واتقرب هادي وهو فاتح عيونه وصار يرجف ويگلي
: ولج عيدي الي گلتي شنو ما سمعت
ما خليت احد يحچي راسا جاوبت
هزيت راسي ...... اي مثل ما سمعت بيت ابوي وبيتي الي وهبته الي بيبي وراتب ابوي التقاعدي وايراد المحل
اعتبارا من هالشهر راح انا واختي نستلمهن
هادي //شنو ما سمعت
رديت ......لا سمعت وسمعت زين ولا تگول انت ما تدري لا اذا على بيت بيبي فانا باعتبار اشتريته منك وانت
ملزم تنطي اخواتك سلوى ونوال اذا يطالبن
هادي //شتگولين اشتريتي مني
هزيت راسي ......اي اشتريته هسه اگلك بشنو براتب ابوي التقاعدي من اكثر من ست سنوات
بايجار بيت ابوي من ست سنين
بايراد المحل الي كل شهر ما يقل عن تلث اربع ملايين
بالايجار مال البيت والمحل كل شهر تقبض 600الف هاي صار خمس سنوات اتصور بيت بيبي وصلن فلوسه
ومن زمان
افراح //وبيش عايشات تاكلن وتشربن وتلبسن وخط ومدارس لا تگولين اهل امچ ايودولچن
ما جاوبت افراح رحت يم عمه شمس وگتلها ...عمه اذا ردتي اتجيبين خدامه وما تاخذ ولا يوم اجازه بس
تكنس وتمسح وتغسل مواعين وتغسل ملابس وزوالي وتسوي عشا وتلف كبه ودولمه وتعجن كباب وما تطلع الاي
مكان واذا غلطت تنسحل وتنكتل وسب وغلط وعار وجوع شگد تنطيها
شمس بابتسامه //والله على كلامج حتى مليون بالشهر قليل بحقها
......لاعمه گولي 250 واذا خدامتين 500 هاي انا واختي نخدم ليل ونهار وكل شي نسوي وگاعدات بمخزن
ونسبح ابيتونه ومن نروح للمدرسه ربع ما تنطينا ومن سجلت بالكليه الخط اربعين وعشرين مصرفي يعني يوميه الف
هو هذا الي عايشين بي فحق خدمتنا يعني لا انتي ولا عمنا العفو سيد هادي متفضلين علينه بشي
تستمر القصة أدناه
افراح //هاا هيج صار الحچي
جاوبتها ......اي واكثر ملابسي الي وگعتي عليهن كلور لان ياسر اشترى الحنين ملابس بعد ما اخذتي الفلوس
وجبتيلها صدريه حتى لونها كاشف ومن گتلج هاي ما تلبسها شككتيها وراح ياسر جاب الحنين ملابس
انتي شمرتي الكلور على ملابسي وخليتيني اداوم هاي شهرين بنفس التنوره والقميص
افراح. // لا ليش مو ياسر اشترالج تنوره وقميص
......... هههههههه وانتي اخذتيهن گلتي اسويهن وصله امسح بيهن الطباخ وما تلبسيهن بس هذا ياسر
وگدامه هو ما اشتراهن الي انا اشتريتهن لان اخذت من ثامر فلوس (باوعت الياسر )ها الله عليك انتي اشتريتلي
هز راسه وگال //لا ما اشتريتلج
... ... بس هو گال اي لان الولد خاف عليه منج
افراح بتوتر // اي لان اخاف تطلعن من الطريق
هزيت راسي ... ... لا خاف عليه من ظلمج بينه مو من خوفج علينه
افراح بعصبيه // اگلج وهسه انتي شتردين
گعدت يم بيبي جميله ... ... والله انا الي اريده هواي وانتو بيت عمي حتى لو ما معترفين بيه بس بعد شتسوون
امر واقع ولازم تتقبلونه وانا واختي هم لازم نتقبله
هادي بعصبيه // تنچبيين وتاخذين اختج وتصعدين فووك لا حظج اطيحه
... .... صار عمي بس قبل ما اصعد اريد اتفرغولي الغرفه الچبيره
افراح // شنو ؟
... ... اي مثل ما سمعتي انا صار اربع سنين عايشه بالمخزن اجه الوكت الي تكونلي انا واختي غرفه
افراح باستهزاء // خاف تتشاقين
... ... لا عمه نگعد بالغرفه الچبيره لان اريد اشتري اثاث الي والاختي وهاي گدام عمو كرم وعمو قيس بعد
ما نشتغل حالنه من حال هديل واسيل
افراح // لا باالله مو گاعدات بفندق
هزيت راسي ... ... اي مثل ما گلتي فندق هنه 250 الف الغرفه 150 والاكل 100
وگف ياسر واتقرب مني وگلي //باالله ما استحيتي هيج تتصرفين وين گاعده انتي
افراح //من اگول بنات مياده ونغلات محد يصدگني
رديت على ياسر وگلت / هو انا الي استحي لو انت واخوك المشوربين وتشوف ابوك يكتلنه وامك تسب وتغلط
وانت ما حركت ساكن
ياسر // ما چنت اعرف
1
... .... ليش انت مو گاعد بالبيت وتشوف تصرف امك واخواتك وتشوف بعينك الظلم والقهر والجوع
لو نسيت (باوعت الافراح واول مره اخلي عيني بعينها )انتي گلتيها بنات مياده ونغلات
هادي //صحيح كلام افراح والدليل ناصبه محكمه وشهود وجاي اتحاكمينه
هزيت راسي ... ... لا ابد بس قبل فتره عمه زهراء گالت الك ابنيلهن حمام فوك السطح مرتك ما قبلت
وگالت لو انا لو الحمام
وانت ابيتك ست حمامات ممنوع نسبح بواحد الله عليكم (درت على قيس وكرم )لو واحد من عدكم يقبل بناته يسبحن
بالبيتونه وبابها مفتوح
... ... عمو كرم انت وعمي قيس انا ما طالبه المستحيل اريد غرفه وما اريد لا انا ولا اختي نشتغل
راح ندفع ثمن گعدتنا واكلنه وانتم ابكيفكم شتفصلون انا البس
هادي اتقرب وگال //من كل وعقلج اخلي فلوس وتعب عباس الج انتي واختج لا تحلمين
هزيت راسي ... ... صحيح ويمك المحكمه اطعن بكل شي بس ما راح تحصل شي انا واختي بلغنا السن القانوني
هادي جاوب //لا والله بلغتي ولج اكتلج انتي واختج واحسب الله ما انطاچن بت الساقطه جايه تاخذين حلال ابوي
واخوي وتردين اسكتلج
... .... يعني افهم من كلامك ممكن تكتلني انا واختي حتى يصير كل ورثنا الك
تستمر القصة أدناه
قيس وگف گلي //عمو ناديه شنو هذا الكلام وانت هادي (باوع الهادي وافراح ) عيب هذا الي تحجي
صدك چذب عاد احترم وجودنا ولا تتهدد
جميله // ليش خاله تتهدد على البنات ما وگفن عيون عباس ومنيره
هادي بقلة صبر // هو ياهو دهورنا غير منيره وعباس
كرم // تره هادي انت ما خسرت شي گاعد وصار سنين تاكل بالايجارات والراتب
جميله// والمحل الچبير والفصل
جاوبتهم ... ... انا راح اصعد وباجر اتحول للغرفه الچبيره من رخصتكم ياالله حنونه ( باوعت الياسر ) عود مو تنسى
تروح انت ومرتضى وتسال بالكليه وهم تعرف منو الي فضحتني يجوز اتبلى عليها
اندك الجرس وراح ياسر يفتح واجه وگال
هذا رجال بالباب يگول اسمه علي عبد الصمد المحامي
هادي باوعلي وگال // خوش حابكتها
افراح // بعد الام مياده شتترجى
كرم // امشي هادي خلي انشوف شيريد (گال الياسر ) فوت عمي دخله للديوان
راحوا هادي وكرم وقيس وياسر ومرتضى وانا بقيت گاعده ع الدرج اجه ياسر وگال
چاي بسرعه
انا بقيت اباوع الافراح الي هزت ايدها وگالت //هذا المحامي ما جايلي انا ما جايبلي ورث لو جايبلي
ورث چان ذبحتله خروف
اشرت الحنين الي راحت وسوت چاي وصبته واخذه ياسر الي رجع وگال
ناديه انتي وحنين يريدكم المحامي
انا عدلت شالي وحنين هم ورحنا دخلنه وسلمنه شفت هادي صاير بارود وكرم وقيس گاعدين المحامي رد السلام وگال
- - ست ناديه انا بناءا على طلبج اجيت بس الي اشوفه انو الوقت غير مناسب للكلام
جاوبته ... .... ليش استاذ شنو الوقت غير مناسب انا ردت عمامي يكون الهم علم انو انا من قبل سنتين شلت
الوصايه عن سراج وما قبلت اخذ من عمي اي شي الى ان وصلت الهاي المرحله وصار لازم استلم ورثي من ابوي
- - صحيح ست ناديه وحتى حنين من حقها تاخذ ورثها
حنين // لا المسؤوله عن ورثي واي شي هي اختي
... .... يعني افهم من كلامج انتي تسووين وكاله الاختج تكون مسؤوله عن املاكج
هزت راسها // اي عمو العفو استاذ
هادي // يواشك شنو وصايه شنو وكاله انتو شتحجون
المحامي // استاذ هادي الاوراق كلها موثقه بالمحكمه وباعتباري انا المحامي مال البنات الي خلتني والدتك
فاكلك كل شي يملكه المرحوم اخوك الهن
هادي بعصبيه اسمعني انت وهنه شووف خقهن طلقتين مو اكثر وخاف ما تعرفني وما تعرف الجماعه الي وراي
رووح اسال عني واسال صاحبك الاستعذ سراج كله منو وره هادي وشيكدر يسوي
المحامي راد يحجي انا تشرتله يعني خلي يكمل هادي باوع بحزم // هنه يعرفني انت معذور
المحامي // استاذ هادي سراج منطيني كل الاوليات وبالنسبه للجماعه العندك والي اتهدد بيهم انا ما اعرفهم بس اكيد سراج
يعرفهم انت جاي اتهدد رجل قانون جاي ايادي وظيفته خلي اكلك اكدر الصبح ارووح اسجل عليك دعوى تهديد وابتزاز
ضد بنات اخوك اضافه الى دعوة تعنيف وراح اطلب الجماعه ( اشر على كرم وقيس ) للشهاده
هادي بعصبيه //. انت ابيتي وتهددني
المحامي //. غلطان استاذ ما اهددك لكن انت تريد تاخذ حق مو الك صار اكثر من 15 سنه انت متمع بي
ومثل ما انت وراك جماعه اكيد هنه ما طالعات من فطر الگاع
هادي //. اله ذني ما معروفات منين جايات
باوعتله وانا اخزره وهو اجه ايريد يضربني لكن كرم وقيس صارو گدامي وهو يغلط
بت الزنا فرحانه عبالها تحصل مني شي
كرم // كافي هادي كافي شنو انت ما تستحي اقلها احترمنه
المحامي //. ياجماعه انا اعتذر منكم وراح امشي بالشكوى حتى لو هنه ما قبلن وحتى راح اشتكي عليك يا استاذ هادي واكول
ايهدد بعصابه ممكن ان تخطف او تقتل البنات
كرم // على كيفك استاذ يا قتل ياخطف هذوله ولد خالي جمييل ناس واصلين بالدوله بس الي ما يعرفه هادي
ذوله من يعرفون بي واصل او متعدي على بنات عباس راح ايكلبون علي الدنيا انت هم اعذره استاذ
المحامي وكف //. تمام اتصور كل شي صار واضح انا ان شاء الله بكرى اكمل الوكاله من المحكمه
واي شي تحتاجينه بالخدمه
... .... ماشي استاذ مشكور اسمحلي
- - اتفضلي
رحت انا واختي الي اشوف عليها مزيج من ذهول وفرح وخوف رجعنا وانا اسمع افراح تگل العمه شمس وبيبي
— شنو عبالها تكبر راس وياي لا گليلها خلي تصحى لا تندم
دخلت وانا اباوع الها بغرور واستهزاء شمس گالت// شبيج افراح هي تبقى بت عباس ابن خالج وحماج
- - لا عيني متوهمه وهاي هي تسمعني لو مية شهاده من الي طلعهن سراج هم تبقى مشكوك بنسبها هي واختها
جاوبتها باستهزاء ... ... انتي گلتيها شهاده يعني مستند يثبت انا واختي بنات عباس والقانون يريد اوراق رسميه
وكل الاوراق الرسميه اتايد انا بت عباس اسم الاب عباس
افراح بشماته //. اي واسم الام مياده
....... بالضبط احنه بنات مياده والما يعرفها بفضلج عرفها
( اتقربت منها وگلت )عمه افراح انتي انسانه واعيه بالنسبه البيت بيبي انتم اخذتو فلوسه وزياده
عمه صيري ذكيه لا تفتحين على نفسكم باب قضيه واثبات نسب ومطالبه بالفلوس وهسه من يسمعن نوال وسلوى
يجن ايطالبن بكل فلس هادي اخذه لان يعرفن انتي وهو ما صارفين علينه نص ربع ربع الاخذتو
تره وانا واختي بالسليم احنا بنات عباس وهادي عمنا وانتي عمتنا وانتي بكيفج
ام مرتضى //والله صحيح كلام ناديه فكري ام ياسر بلا وجع راس والبنات يمكم
شمس // وهنه ما اخذن شي مو الهن
افراح // بيت عمتي
جميله // مثل ما گالت ناديه اعتبرو اشترو منكم وسدي الموضوع كافي
اتقربت من بيبي جميله بستها // ما تنامين اهنا وانا انام يمج بالغرفه
جميله // وين تردين تصعديني للمخزن
ضحكت ......لا بيبي شنو المخزن نفرش بالديوان انا وياج وحنين
شمس // وحتى انا
جميله // ما طول هيج ياالله افرشلي انا تعبانه بس خاف نضوج ام ياسر
افراح تريد تنفجر بس گوه لازمه نفسها // لاعمه هلا بيج بيتج باي وكت
جميله // سالم البيت وراعيه
واجه عمي كرم هو وهادي وقيس والولد وكرم من شاف بيبي جميله نايمه اهنا
هاا يمه اهنا راح تبقيين
جميله // ايي مشتهيه ابقى ابيت ابن اختي عدك مانع
كرم // لا يمه بس خاف هادي
هادي // شبي هادي خاله هلا بيج علوا تبقين يومين تلاثه
//////|||||||||||||/////////////////. //////////////////
