رواية قصة زهراء الفصل التاسع والثلاثون بقلم زينب نور
ياسر:عوفينه من شوكت شرايج ناخذ افتتاحيه😉
زهراء:لا حبيبي لا فلتت منه ضليت افتر بالبيت مامصدگه طبعاا كامل بس الاثاث بعده طلعت بره اجه وراي دخلنه للديوان شطولها وشعرضهاا
ياسر:ياله امشي خل نروح
زهراء:اهلك يدروون
ياسر:امشي هسه
زهراء:طلعنه وقفله صعدت كتله شوكت بنيت
ياسر:تذكرين من كلتي خل نرتاح نطلع وفكرت بيهاا واخذت قطعه قريبه على اهلنه وانطيت الرجال مگطوعه كال اول يوم العيد اسلمك المفتاح كامل
وصدك سلمني المفتاح البيت كامل
زهراء:هااا هل اكول كل ماتجي من بغداد ماتكعد النهار كله بره
ياسر:ايي ياحبابه بس كله من وراج مادشنه البيت بشي بيه فايده😉
زهراء:ههههههه .... وكفنه كدام اهلي
ياسر:شويه بعد اجي عليج اخذج
زهراء:ايي دخلت شعجب ماكايلتله اروح لهلي باوعت وكف كدام اهله دخلت سلمت عليهم وكعدت سوالف لمي فرحت والبنات هم
ياسر:دخلت ابوي بالمضيف يمه عمي حاتم واحمد كعدت شويه وكتله بموضوع البيت
صالح:شنهي يابويه تطلع من بيت ابوك لخاطر مره هااي مامرجيه منك
ياسر:يابه انه مليت من المشاكل اجيلي اسبوع ارتاح يطلعنه من عيوني ومادام كاعدات سوه وامي صافه ويه بنت اخته على الحك وعلى الباطل ماراح يكفن مشاكلهن
صالح:بس موو تطلع سويلك حل
ياسر:ماكو لا حل ولاشي انه بيتي كملته وانشاءالله الاسبوع الي جاي ادور ارتاح واريح راسي من المشاكل
حاتم:بالخير عليك عمي
ياسر:دخلت جوه هااا الله يساعدكم
الكل:هلا
ام ياسر:هاا وينها المسعده ماردت وياك
ياسر:يمه نزلتها عند اهلهاا
ام ياسر:وين رحتوو من الصبح
ياسر:رحنه انشوف البيت
ام ياسر:يابيت
ياسر:بيتي يممه
ام ياسر:شنهي بيتك جاا هذا شنوو
ياسر:يممه هذا ماالي راحه بيه مادام المشاكل فوك راسي اريد ارتاح نفس البشر
ام ياسر:شنهي ترتاح اتعوف امك وادورر راحت مرررتك يبن بطني هااي تاليتك صرت اخوو مريتك
ياسر:يممممه شهل حجي رحمه لدينج شنوو اخوو مريتك
انه رجال ماامرتاح بهاذا البيت مادام المشاكل بيه وبعدين وين عايفج هذا هو ربع ساعه الطريق فوك مانتي ادورين راحتي
اشووو اجي من الشغل ادكب مشاكلج بوجهي ويين اولي وارتاح
ام ياسر:المشاكل كلهاا براس مرتك وانته من ايدك لو عادل بينهن ماصار هل حجي
بس امشيتك وراهاا مثل الطلي وسفه والله
ياسر:يممممه رحمه لهلج اعدل بينهن اشوو انتي يتعاركن واشعلينها بالزايد عود انتي جبيرتهن واتصفينها بينهن
لا واصفين ويه بت اختج ضلي ارتاحي خليتلج البيت انتي وبت اختج
فاطمه: كام ودفر والطبله برجله عليها صلاحيه وكلاص انمردن مرد ضل يغلط ويصيح وامه هم ماسكتت
خله وصعد..
زهراء:للمغرب انه عند اهلي اتصلت على فاطمه سئلتها على ياسر كالت فوگ
فاطمه:فوگ وره ماكبت معركه صعد
زهراء:ليش شصاير
فاطمه:سولفتلهاا....
زهراء:صخاام هاي اولهاا هيج كلبت الدنيا لا اعطيك ولا اخلي رحمت الله تجيك
لا تخلينه كاعدين ومرتاحين ولا مخليتنه نطلع مسوده عيشتنه
فاطمه:والله ماادري هسه هي بغرفتهاا وبس تسمعلها صوت جاهل عاطت حبسنه الجهال بالغرفه
زهراء:اووف والله قهر يله خل ادك على ياسر اشوفه..
سديته منها دكيت مرتين الثالثه رد
ياسر:الووو
زهراء:الوو هاا حبيبي نايم شنو
ياسر:ايي هسه كعدت اصلي واجيج
زهراء:بيك شي صوتك شبيه
ياسر:ماكو شي يله اصلي واطلع
زهراء:سد الخط بس يحجي كوه ماله خلگ معصب نبرة صوته
صدك ساعه واجه رجعنه ماقبل يتعشه بس دخلنه صعد بوجهاا وامه ماشفتها كالت دعاء بغرفتها هم صعدت لكيته لازم تلفونه ذبيت العبايه والشال رحت بصفه احسه بغير عالم
لا يكدر يحقد على امه ويكرهاا ولا يريدهاا اسوي مشاكل وتغلط عليه
باوعت بالتلفون يدور كعدات وتخم
كتله هاا حلوه ماكال شي باوع بوجهي ورجع للتلفون
كتله لا تقهر روحك
ياسر:اااااه ولج كضيت عمري كله من شغله لشغه اشتغل واحط
بيدهاا مو اعيرهاا لا بس هذا واجبي اكول وهسه ترجع وادكلي اخو مرتك
زهراء:ميخالف كل ام اسوي هيج ماتريد ولدها يطلعون عنهاا
تنهد وسكت....
للصبح لكيته طالع بدلت ونزلت
وهناا بده الحجي تغلط وتدعي عليه مارديت عليها بكلمه
ام ياسر:خرابت البيوت هجمتي بيتي الله يهجم بيت اهلج
دولبتي الرجال عميتي عيونه عمي بسحورتجن
زهراء:عااد هناا ماتحملت
كلتلها والله موو احنه امهات السحوره تعرفين زين ياهنا
نحجي ودخلت زينب بالباب ذبت عبايتهاا
زينب:هااا ياساتر شبيجن صوجن واصل ليوين
زهراء:سكتت بس هي ضلت تحجي هم ماادري كل العجايز هيج لو بس هااي الله بلاني بيهاا
استغفرالله
زينب:بسج يمممه شنهي لا انتي مريحته بهل بيت السود ولا انتي كافه عنه ومخليته يرتاح
اشبيهاا يعني لو خلاله بيت كفر خوب ماا كفرر
العمر يمشي وما يكضي ويه المشاكل
ام ياسر:وانتي راضيتله جنج
شنهي لا حكلي المعصعصه لو بيها خير حبلت نفس النسوان
مخلي النعمه العنده ورايح وراهاا
زينب:يممه بدين محمد بسج كلنه ندري لا يحب منال ولا يريد كربها ليش انغشم ارواحنه غلط وازوجها
وبعدين عيب ادكولين لاحكها شلاحك هو بنت شوارع غير مرته
اشو هسه كمتي ماتردينها شو بالبدايه اتلكيتيها بالصلاوات
والحباله بيد ربج انطاها واخذاه ماقاسمه
ام ياسر:كوومي عني وجهي ساحرتكم كلكم....
زينب:يممه والله الحجي وياج ضايع حكهم لو هجو منج كلهم...
زهراء:واكفه على المحجر واسمع حجيهن كله دخلت للغرفه دكيت على ياسر مارد
ياسر:رحت كملت غراض البيت كاونتر للمطبخ ثلاجه غساله وغرفه مال نوم وكعدات للصاله وتخم للستقبال والديوان كملت كلشي بس بعدهم ماموصلينهن
رجعت للبيت ساعه ٣ صعدت للغرفه
السلام
زهراء:هلوو... ليش ادك عليك ماترد
ياسر:ملتهي ماسمعته يمكن خليلي ملابس بالحمام تعبان وشغلي التكييف ليش مطفيته
زهراء:كمت خليتله ملابس وشغلت التكييف وكعدت سحبت تلفونه ضليت اكلب بيه دگ بيدي مكتوب
احمد معرض سويته صامت على مايطلع طلع وكتله رجع دك الفهمته منه ابو الغراض للبيت كله المفتاح عند ابو زمن وسد الخط تمدد وتغطه
تتغده
ياسر:لا مااريد هسه تعاي وين رايحه
زهراء:تمددت بصفه عطره يدوخ توه سابح راح اطفي بارده مو زين عليك راسك رطب
ياسر:لا خليه حار الجو..
خايفه عليه.
زهراء:وليش مااخاف عليك شعندي غيرك هو بس انته الي.
ياسر:تعاي هناا
زهراء:دار صفح وحضني ضهري صار بصدره وراسه على راسي
ماادري شوكت غفيت ...
مر اربع ايام ياسر يطلع الصبح يرجع باليل امه ماتحاجيه والبيت جوه متوتر وهو ماله خلك لان امه ماتحاجيه ولاهو يكدر يروح يحاجيها لان هانته
رحنه انه وياه وطيبه غسلنه البيت من فوك ليجوه
وهو كمل الغراض مابقه بس ملابسنه انشيلهن بليل رجعنه بسرعه نمنه تعبانين
للصبح كعد كال لمي الغراض الي بالغرفه كلهن لمن اجي حتى اخذهن
صدك طلع واجت فاطمه لمت وياي بس انكسر ضهري هو للساعه ٣ يله رجع سبح ونام حتى ماله خلكي
كعد المغرب اخذ الغراض وراح
رجع ساعه ١١ كعد بالصاله امه بغرفتها ماتطلع كاعد عمي واحمد وسعد والبنات
صالح:شنهي بويه جنك سويتها صدك
ياسر:ايي يابه احسن خل ارتاح وترتاحون باجر انشاءالله نطلع
زهراء:ضل عمي يكله امك وهل حجي بس ياسر مايقتنع بكلامه انطاه على مايه خلاه يحجي لمن سكت وحده كمنه نمنه
للصبح كعدن ب٨
نزل تريكنه وصعدت طبعن خليت بس الملابس الي نروح بيهن هو بدل وكال انتظرج بالسياره نزلت وراه بسرعه لكيته طالع من غرفت امه ويسد بالباب بس وجها مايتفسر ضايج
سلمت على عمي والبنات وعمتي سعاد
وطلعنه هو عينه على الطريق بس صوت انفاسه تنسمع
وصلنه دخل السياره ونزل كعد بالصاله انه نزعت العبايه ورحت رتبت الغراض والملابس للعصر يله خلصت من الغرفه طلعت شفته نايم على وجها رحت للمطبخ اشترينه هم ماعون مو كل الغراض رتبت بيه فززني صوته
ياسر:راح اطلع اسوك مشتهيه شي
زهراء:لا..طلع وقفل الباب اخذ المفتاح
للمغرب رجع مسوك مسواك كامل
صفطته و وكفت اسوي عشه البيت صوت الابرة تنسمع بيه من كد الصنته احس مامتعلمه على الهدوء خلصت سويت بتبته وطماطه طاوه طفيت النار توضيت ودخلت للغرفه اصلي خلصت وطلعت حطيت العشه واخذت الصينيه هو تقرب للصينيه سكته عيونه على الاخبار مخليه وياكل...
ومر اسبوع على حطتنه بالبيت وياسر اربعه وعشرين ساعه ساكت لو يطلع لو ينام مليت من هااي الحاله اذا امه ماتحاجيه انه شكوو بس مكابله اربع حيطان وكاعده يوميا ابدل. اكشخ حتى. ما ينتبه ولو نام انطاني ضهره ودار هااي بدايتها هيج.... الكلام بينه صار بس طلبات انطاني فلوس رحنه انه وامي كملنه الشغلات المحتاجينهن واجتنه زينب وطيبه واحمد وسعد يجون همين بيت عمي حاتم هم اجو
اجازته بعدالها يومين وتخلص احسب كم يوم صالنه بالبيت ١٢ يوم واكفه بالمطبخ اسوي الغده وسمعت صوت باب الكراج اجه ماطلعت خل يحس شويه اكو بشر بالبيت سمعت صوت الصاله انفتح الباب شويه وصاح اول مره غلست رجع صاح حييل
ياسر:زهرررراء
زهراء:غسلت ايدي وطلعت وانه اريدلي حجه حتى انفجر بوجهاا
مديت .راسي من باب المطبخ كتله بنتر...هااا
ياسر:كوولي حيوان اجه اطلع اشوفه....
زهراء:هااا زعجتك لان ماتلكيتك...
ياسر:احجييي عدل شبيج كالبه خلقتج
زهراء:طلعت من المطبخ كتله انه الكالبه خلقتي لووانته ماادري شصايرلك النهار كله لو طالع لوو ترجع اتنام
ياسر:صوتج والسانج ولااجيج
زهراء:لا نجيني ولا اجيك عبالي لو طلعت من امك ارتاح
طلعت انته ازود منها حجيت ودرت وجهي ماادري مته كام وسحبني مني ايدي صرت كدامه كلش وهو لف ايدي وره ضهري
ياسر:اسكتين لوو شلون ابتلي بيج هذاا مو ردتي بيت هااااا
زهراء:يحجي ويعت بيه حييل كتله
امك ماتحاجيك انه شدخلني بيها تجي كالب وجهج عليه حسس شويه انه بشر مو حيوان
احجي وفلت ايدي ودفعني عنه
ياسر:اطلعي عن ووووجهيي
زهراء:افرك بيدي واباوع عليه لحقد رجع كعد على التخم
امشي وافرك بيدي كتله اااكررررهك
والتفتت بسرعه ومن ثولي طك راسي بالحايط هي لفته وهيه طگه......
مساء الخير حبايبي
حاولت اليوم انزل من وقت لان عندي شغل اقطع يوم وانزل بين يوم ويوم حتى يصير البارت طويل واذا تردون يومية
بارت متوسط..
ردوو بالتعليقات ..
وموضوع ثاني اكو احد البنات من الي يتابعن القصه
هذا حسابه ادكول مجاي تطلع عندي القصه ماتعرف الخلل من يمها لو منين البارت مال امس ماطالع عدهاا انشاءالله هسه يطلع ويوصلج اشعار..باي فديتكم تفاعلكم اريدكم
