رواية المتمرد والصغيرة الفصل التاسع والثلاثون بقلم رسل
_____
المهم طاحلك و معذور بالتالي
تسلم ما تسلم ما يضل بالي
انا المُتهم البغرفة التمييز من تعبر و ما تعرفني هنيالي
_____
حط راسي على صدرة و ضل يمسد راسي و ظهري نمت ....
كعدت ثاني يوم احس روحي مخنوكة لكيت نص جسمة فوگاي
هو اذا يحط ايدة اني اختنگ مو النوب نص جسمة
كمت اهز بأيدة اريدة يگعد
ابو فهد : ها بوية
اديان: بس وخر شوية مخنوگة
ابو فهد : هاي اني شنومني فوگاچ
اديان : شمدريني
.. وخر من يمي باوعت للساعة ب 11 هاي شنو طفرت گبل من الچرباية
ابو فهد : شجاج
اديان : الساعة ب 11
ابو فهد : اي و اذا غير تعبانين من الطريق نزلي سويلي ريوگ بين ما اسبح
.. غسلت وجهي و نزلت لكيت سليمة و بشرى يطبخن و فدعة بس بالصالة
بشرى : صح النوم
اديان : اسفة ماكعدت وياج بس مادري ليش طولت بالنومة
بشرى : ههههه لا حبيبة صدك جذب
.. طلعت جبن و زيتون وسويتلة چاي لان مو مال بيض الدنيا الظهر حتصير نزل هو كاشخ كلة اسود طب للمطبخ كال .. السلام عليكم
اثنينهن ردن كعد على الكرسي ياكل
ابو فهد : چا ما تتريگين
اديان : لا ماريد
ابو فهد : دتعاي تريگي شنو متريدين
سحب الكرسي و سوالي لفة
ابو فهد : يلا بساع كلها تنوكل
.. باوعت لسليمة عاوجة حلگها
.. هو كمل اكل اخذ تليفونة و محفضتة و باكيت الجگاير يريد يحطهن بجيوبة
ابو فهد : رايح للشركة محتاجين شي هزيتلة راسي ب لا
.. غسلت مواعين الريوگ الاكلنة بيهن و ساعدت بشرى
سليمة : بشرى شدكولين مفكرة اغير الكاونتر و المطبخ كلة
اديان : ترى خاف نسيتي البيت بيت ابو فهد يعني بيتي و مقهورين عليج عفناج هنا
سليمة :ههههههههههه اي خوش
اديان : عليمن جاي تضحكين اكيد على نفسج
سليمة : لا عليج
اديان : لا حبيبتي اني مناقصني شي حتى تضحكين علية بس شنسوي للماعدهم ذوق و لازگين ببيوت العالم
سليمة : هيين
.. عفتها و صعدت فوگ نضفت الغرفة و غسلت الملابس و سبحت و نزلت لكيت بشرى جاي تصب و سراب تودي للصالة
ورا شوية دخلو ابو فهد و زيد و الحجي و وراهم ابو سراب
و نزلن زهراء و حوراء فهد جان ستوة جاي من المدرسة
ابو فهد : هلا هلا بتعبي تعال تغدة و بعدين بدل
فهد : اديان خالو كمال يسلم عليج
.. بسرعة رفعت راسي و كلهم يباوعولي يربي شنو هاي المصيبة باوعتلة يباوعلي و حتى عيونة ميرمشن
زيد :هذا گو** يتعمد يسوي هيج علمود المشاكل
الحجي : بوية بهداي بهداي حسبت اختة
.. ابو فهد شمر الخاشوگة و گام راح لباب الصالة يلبس حذائة
و زيد كام ورا راحو اني ضليت مدنكة و احسهم كلهم يباوعون
كمت منهم صعدت فوك ورا شوية سمعت صياح مديت راسي من الدرج على الصالة
ابو فهد : مو اكلكم حررررررررمة جبتة كعدتة كدام ابو نكر يگلي انا وين شايف فهد
فدعة : هسة كافي لا تكدر خلگك وتموت انا وين اطي وجهي
ابو فهد : هو انتو كلكم تحبوني على مصلحة
فدعة : جا هي هاي الدنيا كلمن يكتر سالفتة حتى يرتاح
زيد : ما تلوكلج الفلسفة
فدعة : هم حجت الحرمة
زيد : لو ما ابنج هنا جان رديتج
فدعة : انتة و ابني ما اشتريكم بفلس
.. صعد ابو فهد اني گبل ركضت للغرفة دخل ما حچة شي نزع ملابسة و نام زين اني شعلية ميحجي وياي
كام من يريد شغلة هو يسويها لان حتى وي بناتة ميحجي من يوم الاجن لحد الان ضل يومين ميحچي وياي بعدين كال راح اروح لاربيل خمس ايام و اجي
فدد انقهرت و ضجت و اني متعلقة بي صعدت فوك لكيتة جاي يحظر الجنطة
اديان : حباب لتروح
ابو فهد : خيرر
اديان : اخاف هنا وحدي
ابو فهد : لا ما عليج شي
اديان : زين اني شعلية تعاقبني
ابو فهد : هيج طخت براسي
اديان .. انهضمت رحت گبل على الچرباية تغطيت و نمت
سمعت الباب نطبگ زاد البچي مالتي ما نزلت من الغرفة لحد الليل سبحت و نزلت لكيت اماعين العشة محد غاسلهن
بديت اغسل بيهن ورا شوية سمعت صوتهم بالصالة باوعت لگيتة كاعدد وياهم يعني ما راح همزيييين استعجلت بالمواعين و رحت يمهم بالصالة
فدعة : ياا والغسل شو ما تنشافين
اديان : ههه
ابو فهد : چااي
.. رحت سويتلهم چاي و قدمتة و صعدت فتحت التلفزيون ضليت اباوع لحد ساعة و دخل قفل باب الغرفة و طب سبح اجة تمدد يمي
ابو فهد : كيدهنَ عظيم
.. باوعتلة و رجعت اباوع للتلفزيون
ابو فهد : شو اعوفچ تبچين علية اجي يمچ ما تباعيلي ترى شيبتيني
اديان : لتشمر شيبك براسي هو اني من اخذت مشيب
ابو فهد : و هسة شنو تعيريني
اديان : لا والله شبيك
ابو فهد : جاي اشاقة شبيج طگتچ الرجفة
اديان : و منو كلك كمت ارجف
ابو فهد : ترى مشتاقلج
اديان : مو يمك اني
ابو فهد : ثولة انتي لو تثوليها
اديان : لا ثولة
ابو فهد : والنعم والله
كومي سدي التلفزيون
اديان : مو جاي اباوع
ابو فهد : سدي اريد انااام
.. كمت سديتة ورجعت تمددت على الجرباية
هو رفع راسي و حطة فوك ايدة و سحبني الة
كام يبوسني بكُل لهفة بادلتة .. حضني حيل
وووووو ....
كمت سبحت و طلعت هو دخل وراي و طلع تمدد على الجرباية
اني كملت الظفيرة جان مخلي ايد على بطنة و ايد على عيونة
وخرت ايدة من بطنة ونمت على صدرة احس نفسي تعودت بعدد ما اتخيل يجي يوم انام بدون حضنة
ابو فهد : ها تعلمتي
.. هزيتلة راسي بمعنى اي
ابو فهد : چا هو صدري المن موجود اذا ماتحطين راسچ عليه
.. حضنتة و نمت
ثاني يوم اجتي هيفاء كتلها اريد اروح للصالون اخذتني حفيت و سويت تنظيف بشرة و رجعنة هو من شافني رفعلي حاجبة و ابتسم
بالليل اجة جايب علاگة بيضة خلاها على الثلاجة و دخل يسبح اجة يمي فتحهة طلع تليفون كال ذاك مال زيد رجعي الة قديم
فتحة الي و كال هذاك رقمج نفسة طلعتلج عليه سيمكارت
ابو فهد : ما استاهل بوسة ؟
اديان : لا
ابو فهد : ليش ولج
اديان : هو انتة لو ما كاسر ذاك جان ما خسرت ثاني
ابو فهد : لا تفتحين سوالف عتيگة احنة ولد اليوم
اديان : يلا عادي
ابو فهد : اديان شبيج
اديان : مابية
ابو فهد : احجي اسمعج
اديان : هسة تسمع مني بس من تصير سالفة متسمع مني و الله لو تحبني جان انقهرت علية من اتوسلك ولو هو الحجي بعد ميفيد بس ضال بگلبي
صار ثنين جهال يموتون من وراكم اول واحد انتة كتلتة و الثاني مرت ابوك و عادي محد ينطي اهمية للموضوع عبالك مو بشر راحو عصافير
هذاك اول واحد جان هسة جبير و يلعب و الثاني جان بعد شهرين اجيبة مهضومة ابراهيم منك و من اهلك كلهم انتو كلكم مينكسر كلبكم علية
اني لو غيري جان ما تحملتك وراحت و شردت اني رحت اخلص منك عند اهلي و طلعو اهلي حقراء اني شبيدي قابل انتة تعرف بسرعة تحول السالفة الك و اطلع اني الغلطانة اني مو كدك
و ما اكدر اتلاوة وياك ليش تستغل ضعفي كل ضربة تضربها الي روحي تشوغ و ايدك و الحرگ متتفاهم اني ممسوية شي حتى الله يعاقبني بهاي العيشة
... بعدني ممكملة سحبني لحضنة الله شمر علية البچي
ابو فهد : اخخخخخ بوية هيچ هاضمچ و مادري بروحي
يابة و حق القران اني لا كارهج و لا جايبج عداوة انا راحتي كلها يمج بس انا الله بلاني بهاي الاعصاب تراج مو بس انتي
حتى بناتي من اشوف شي غلط اضربهن و كلبي ميرف عليهن و لا شوية و ذني طالعات من روحي و انتي طالعة من كلبي
تحمليني بوية هو انا قابل عمر برنو چم يوم و ربچ ياخذ امانتة
نمت ...
