رواية قصة زهراء الفصل الأربعون بقلم زينب نور
زهراء:دخلت للغرفه ولازمه ايدي طبكت الباب حيييل
وكعدت حقيرر الله يكسر ايدك كوون
ضليت كاعده ماكمت ولا طلعت يممه لمن فتح الباب.. درت وجهي عنه
ياسر:كووومي شوفي شمفينه على الطباخ لو صارت عندج عاده اتحركين الاكل..
زهراء:بداخلي اصخام الطباخ ضل مشتغل دفع الباب وطلع كمت بسرعه جدر المرگ ضال بيه شويه وصاير اسوووود مدخن
والتمن ريحته اتموت فرغتهن ذبيتهن ونكعت الجدوره ورجعت للغرفه شوف اليوم منين تتغده روح لمك اتغديك باوعت كاعد يشرب جكاير
دخلت للغرفه باوعت ساعه ٢:٣٠ حتى انه جوعانه مااكلت بالريوگ
ضليت بالغرفه لمن غفيت كعدت ساعه ٥ كمت طلعت ماهو سيارته ماكو باوعت على الميز جايب غده زين والله صار عنده احساس غسلت وكعدت جوووعانه
جاي دجاج شوي وخبز وزلاطه
وانه اكل عبالك مخلوسه دخل ماردته يشوفن اكل الكمه ضلت ابلعومي لا هي نازله ولاهي طالعه جاا وين راح زعلي
اجه سحب الكرسي وكعد كدامي سويت روحي مامهتمه
اكل وهو هم ياكل سكته سحب خاشوكتي اكل بيها زلاطه ضل ياكل بيها كمت جبت خاشوكه ثانيه وكعدت اكل باوعلي وهز ايده خلص وكام انه هم خلصت نضفت المكان وطلعت كاعد بالصاله متمدد ع التخم رحت جبت التلفون وكعدت بس مو يمه بالجهه الثانيه دخلت على الفيس اكو كروب انه دخلت بيه اسمه بنات العراق بيه هواي بنات حبابات ينشرن كيك وطبخ واي شي مقاطع مضحكه لو يحجن على زلمهن وانه داخله وحده ناشره صوره اضحك ههههه
ضليت اضحك حييل مامنتبها لروحي لمن حسيته سحب التلفون من ايدي
باوع بيه وشمره بحضني رجع لمكانه شبيه هذا الرجال الحمدالله
دخلت على اليوتيوب شغلت مسلسل وتمددت على التخم..
واباوع
ياسر:نصي الصووت
زهراء:مارديت عليه نصيته شويه
دگ تلفونه
ياسر:الوو هلا ابو محمد ايي انشاءالله باجر
ابو محمد:خوش مر عليه من تريد تروح
ياسر:ماشي الله وياك
حضري جنطتي
زهراء:هسه هوو مو مايحاجيني ليش يئمر عليه وبعدين وين رايح باجر مو عكب باجر يطلع لبغداد
اذن وكمت صليت وحضرت جنطته دخل للغرفه اخذت اتراك ودخلت للحمام سبحت وطلعت كعدت انشف بشعري هو كاعد على الجربايه لازم تلفونه جنت لابسه تراک احمر برموده والفانيله نص ردن امشط وصارت عيوني عليه يباوع من جوه لي جوه هههه ضحكت عليه بداخلي
انتبه اباوعله سوه احم ورجع عيونه للتلفون خلصت خليت شعري مفتوح طلعت بس احس عيونه عليه رحت للمطبخ خليت فواكه بماعون وسجينه ورحت للغرفه على كعدته رحت للجهه الثانيه مال الجربايه وكعدت ضليت اسوي حركات ابمياعه وارد بشعري لي وره مدرت رجليه والماعون بحضني ضليت اكصص واكل
ياسر:مديت ايدي اخذت تفاحه بس يالله هي التفاحه بنت الكلب شلابسه
زهراء:اخذله تفاحه طگخ ايده برجلي شويه وكمت طفيت الضوه ونمنه انطاني ضهره ودار انه هم درت وجهي للصبح حسيت عليه يفتح باب الكنتور مشغل الضوه سحبت لغطه عليه سويت روحي نايمه ماكمت شويه واجه عطره مله خشمي مسح على راسي وباسني بخدي طفه الضوه وطلع فتحت عيوني عطره بالغرفه يخبل سمعته حرك سيارته كمت ساعه ٦:٣٠ تندمت لان ماكمت سويتله ريوگ اووف بس هو هم مصخها وياي يروح لمه ماتحاجيه يرجع يذب حركته بيه كمت للصاله البيت يخوف لان وحدي شفته قافل باب الصاله من بره وزات المفتاج من جواه شلته علكته ضليت افتر شسوي للساعه ٨ اجتني رساله فتحتها هو
ياسر:بدلي وقفلي الباب راح يجيج حسين ياخذج وديتها الهاا
زهراء:قريتها مارديت عليه كمت بدلت واخذتله كم قطه ملابس صدك ربع ساعه واجه حسين قفلت البيت وطلعنه لهلي تريكنه وخلصنه للعصر اجت فاطمه....
سئلتها شخبار البيت هل ايام هدوء لا
فاطمه: ياا هدوء كالساعه مسويتلها هوسه بسبب وبلا سبب بس اتريد اتعارك
زهراء:ماعليج بيهاا...
فاطمه:والله افكر اكل لسعد نطلع
زهراء:هههههههه والله حتى اشرنه على الحبل بنات فوزيه خذن ولدي وطلعن لا هاااي هي
فاطمه:ههههه خليها راسهاا وراس منال..
زهراء:للمغرب اجه سعد ياخذ فاطمه
سعد:هاااا ام المصايب كمتي ماتنشافين
زهراء:شبيك وياي انه مااسوي مصايب المصايب هي تجيني
سعد:ايي شوكت راح ياسر
زهراء:اليوم الصبح طلع
سعد:التفتت لفاطمه يالله ام امير خل نتوكل
زهراء:وين بعد وكت الي يسمعك خل نتوكل عبالك بيته بالجبايش
سعد:كومي بويه كومي هااي صار بيتها وحدها وكامت اتعفلج
زهراء:هههه وليش مااتعفلج صارت حياتي مستقله...... انه كلت هيج وهم طگ ضحك....
شبيكم اضحكون
حسين:جااي بروح مستقله....ههههه
سعد:كومي اخت مستقله خل نولي
زهراء:ههههه اضحكو جي ماعدكم حياة مستقله....
علي:ههههه بويه احنه مالنه بالستقلال كوم انته اخذ مرتك وولي
سعد:كومي عمي انطردنه
زهراء:طلع طلعت وراهم وهذا لزملي على مستقله
سعد:يله في امان الله سلمي على اهلج ام مستقله
زهراء:شلتي حصوه وكطفته بيهاا
هههههه...
رجعت للغرفه للساعه ١١:٣٠ متمدده واباوع للتلفزيون دگ تلفون باوعت ياسر ارد لو مارد انگطع رجع دك مره ثانيه فتحته
الووو
ياسر:وجعوو ليش ماتردين
زهراء:شتريد هسه داك ادكلي وجعوو
ياسر:مشتاقلج..گلب
زهراء:وانه مامشتاقتلك
ياسر:هااا
زهراء:اييي ولا ادگ مره ثانيه انه بنت عالم وناس مااحجي ويه رجال نص الليل...يله باي
ياسر:ههههههه شنو هااي بنت عالم وناس هي وانه ابن كوا....
لو الزمج..
زهراء:نعست راح انام..
ياسر:انتي سديه منيتج ومحمد..
زهراء:اووو شتريد تره مانست اصياحك وهااي ايدي ليهسه توجعني من وراك..
ياسر:ايي من ايدج كتلج لا اطولين السانج وياي اذا انه عصبي اتكفي الشر يبنت الناس ماكو السانج اطول منج
زهراء:هسه رجعتها براسي
ياسر:_اسمعي انه طلعت ارتاح من المشاكل انوب تلحكني
انسي السالفه واذا شفتيني معصب لا تحاجيني ماشي...
زهراء:سكتت..
ياسر:هاا ليش ساكته
زهراء:_شكول..
ياسر:غردي طيرت انتي وحق الله مشتاقلج مايهون عليه اضربج بالقران وايدج روحي للطبيب اذا ضلت توجعج
زهراء: لا مااحتج طبيب وانه همين مشتاقتلك انته هسه وين بالبيت
ياسر:ايي بالغرفه ع الجربايه عايزني بس انتي هسه يمي
زهراء:هااا افتح كامره خل اشوفك
ياسر:لا حبيبي لا يجون اهلي ويشوفوني انه بنت ناس مااحاجي رجال..
زهراء:ههههه اتقلد عليه..
ياسر:اروح فدوه لهل ضحكه..هاااها فتحت
زهراء:شوكت زينت
ياسر:من رجعت من الدوام هاا شلوني حلوو
زهراء:هههه انته دوم حلوو
ياسر:آويلي آويلي على هل كلام
شسويتي اليوم
زهراء:ماسويت شي بالبيت
ياسر:ايي عمري ماكو لطلعه منا ولا منا...
زهراء:ويين اطلع هو كاعده وساكته شعندي طالعه
ياسر:ايي عفيه بالحبابه التسمع كلام رجلهاا...
زهراء:ضلينه نسولف للساعه ١ كال نعست طفيت ونمت للصبح وره الريوك كلهم طلعو لشغلهم
وامي مصخنه ونايمه...
انعزل بالمطبخ انه وسميه ودخل مصطفى ابنها من الشارع رجله تنزف كلها دم سميه ضلت اصيح
سميه:احتركو اهلك جم مره كتلك لاتطلع حاافي والك والله موتني
زهراء:ضلت تغسل وتلف برجله الدم مايوكف سميه هااي مكن بشريان مجروحه خل ناخذه للمضمد..
سميه:ياهو الياخذه محد حتى حسين اليوم شغله متئخر
زهراء:البسي عباتج وهو هذا ايه هناا انه وياج جاا شلون شوفيها ماجاي توكف..
صدك لبسنه عبينه وطلعنه هي شايلته رحنه للمضمد وعلى حضنه معزل وهذا فضحنه بس يبجي
كالت ناخذلنه سياره للمستشفى شنسوي بعد اول مره ترددت لان وحدنه للمستشفى بس بعدين شفت رجله مجاي يوكف الدم وهو يبجي عبالك طير مذبح اخذنالنه تكسي ورحنه للمستشفى هذا الحجي ساعه ١١ وصلنه وانه نفس الثوله خايفه واتلفت لان ماطالعين وحدنه
دخلته نضفو رجله و١٠ خياطات خيطوه وهو يصرخ رغم مخدرينه
من خلصو ذاهت روحه خطيه علكوله مغذي وللساعه ٢ اخذنه تكسي ورجعنه نزلنه يم باب اهلي شافنه احمد اجه علينه ذولي كلشي ولا وحده تطلع وحدها انوب دنيا الظهر
احمد:هاا وين جنتن الظهاري
زهراء:بالمستشفى وسولفتله
احمد:ورايحات وحدجن مو هنا حمزه والولد واخذلي واحد نسوان وحدجن اتهبتن
سميه:خويه بعد بسرعه ركضنه بيه
زهراء:دخلنه ودخل احمد ورانه شايله وهناا كبت العيطه حسين شلون طالعات وشلون انه مو رجال اذا ماتوبتجن
حسين:والتلفونات وين ادگ وماكو
زهراء:ماادري ضلن هناا طلعنه بسرعه والمضمد معزل رحنه للمستشفى حاجيته وفلتت
حسين مثل ياسر لو عصب يذب حركته بالكدامه يكسر ويغلط ويصيح نزعت العبايه وكعدت شفت التلفون على الميز شغلته ياسر ٢٠ مكالمه وحسين هم..
اصخام هسه هذا الثاني شيفكني منه
ياسر:ادك وماكوو ماترد فورتني كلت صار بيهم شي وللساعه ٢:٣٠ رجعت دكيت
زهراء:ردت اطلع ودك التلفون رحت شفته ياسر سحبت نفس قوي وفتحت وانه متحضره للرزاله
توني كلت الووو وهو انفجر....
شكرا لزيارتكم عالم روايات سكيرهوم
