رواية المتمرد والصغيرة الفصل الأربعون بقلم رسل
_____
صيري چان أسود ثگيل
عرب أحنة و زحمة اذا دمچ يخف
_____
مشت الايام عادية ابو فهد زين وياي ..
كعدو للريوك جنت كاعدة بصف الكرسي مال ابراهيم
ابو فهد : هاي شنو لك
زيد : برنامج شات عبالي بي حظ الناس وصلت للقمر و علي يكلي نزل هذا و شوف الونسة
زيد : برنامج شات عبالي بي حظ الناس وصلت للقمر و علي يكلي نزل هذا و شوف الونسة
ابو فهد : انتو فايخين بوية
فدعة : يصير بتليفوني
زيد: هو انتي تليفونج صرصور غير اللعبة ام الحية متصير بي
فدعة : دنجب خايب احسن من هاي مبايلاتكم من شفناها ما شفنة الخير
زيد : اي يلا هايهية بس لا تفتحيلي مسلة حمورابي
سليمة : ابو ابراهيم شدگول اغير لون الكاونتر
اديان : هو شنو تغيري اني مو گتلچ منغيرة
زيد : انااااخوك باع السان
سليمة: انتي ياهو الغاثج خايبة جاي احجي وي ابو ابراهيم
اديان : بس البيت مال ابو فهد
زيد : السبعة تطلع دم
سليمة: لا انا ما ناوية على مشكلة بس كلت حلو التغيير و جاي اكول لابو ابراهيم و ان شاء الله اليوم العصر نروح نختار
حط ايدة على الكرسي مالتي و گال ..
ابو فهد : جاي دگلچ متريد تغيرة و البيت بيتها ليش تلحين
سليمة : انا ما گلت شي شجاكم
كامت تبچي و طلعت من المطبخ
الحجي : تراها ما سوت شي شجاكم متفقين عليها
ابو فهد : مالك غرض انتة انا اعرف حيلتهن مارات علية شكثر من هذا النوع
الحجي هم گام يمكن لحگها
خلصو ريوگ كلمن راح لشغلة وبدينة ننظف اني و بشرى
بشرى : خوش ردها ابو فهد صار فترة اشوفها تريد تمشي البيت على ايدها
اديان : خلي تولي عبالها اسكتلها
ابو فهد و زيد الظهر بالشركة و العصر يروح بس فهد و ابو فهد اذا راحح للمركز بس بالليل و مو يومية بس من يخابرو
و العصر يروح للكعدات العشائرية و حتى الصبح مرات يروح
بس علي اخوهم ابد منشوفة بس بالعزايم
الظهر اجوي على الغدة و سليمة طلعت من غرفتها حاطة كومة مكياج اجتي كبل كعدت عود جانت زعلانة
فدعة : خايب انتة شوكت تگلع بناتك
ابو فهد : من يتأدبن و يجرن عدل لذاك الوكت الله كريم
فدعة : و رجولتهن شذنبهم طگت مرارتهم من الصبر زحمة و عيب
ابو فهد : خبريهم بعد عشر ايام خل تنفض الهوسة
فدعة : كللللللللششششش و اخيرا نريد نفرح و نهوس ملينة من الدك والطم غددددي
زيد : عود شدي وصلة ما اوصيج
فدعة : اي و اجرج تركصين ويانة
ابو فهد : ترى ما اقبل على اخوي كل هاي الشوارب واللحية و الضخامة و تجري بنصچن
فدعة : چا خل يهد ياخة مني
زيد : ماخذها على كد عقلها وعلي
.. جنت واكفة بالمطبخ اصب چاي و اسمعهم يتشاقون اخذت الصينية و اول ما طبيت للصالة جان زيد واكف يتعارك وي فدعة و كلهم كاعدين يضحكون
فدعة شمرت العودة مالتها على زيد و هو رجع ليورة و اني ورا بسرعة شلت الصينية و شمرتها و زيد لزم ايدي
زيد : ها بوية مادري مادري انتي وراي
ابو سراب : هههههههههه بوية چا الصينية شعليها شلتيها و شمرتيها
ابو فهد : چا احسن توگع عليها هههههه سباعية بوية
.. ضجت من الفشلة عفتهم و ركضت فوگ
فدعة : طاحت بالمگرودة روحلها انتة ولك خاف تعورت
.. سمعتها و اني اصعد على الدرج طبيت للغرفة استغفر الله هسة اني صدك شكو شمرت الصينية .. انفتحت الباب
ابو فهد : ها بوية شجاج خو ما صارلج شي
اديان : لا بس استحيت
ابو فهد : عليمن ولچ
اديان : لان شمرت الصينية
ابو فهد : چا لو واگع عليچ الچاي تفيد صينية ماكو شي بوية امشي نزلي
اديان : ما انزل اريد انام
ابو فهد : براحتج يابة نامي
.. طلع هو و اني طبيت سبحت و اخذت التليفون و كمت العب دخلت على سوق بلي بعدين تذكرت زيد من گال شات كلت خلي اشوف شنو
طلعلي هواي برامج نزلت اول واحد و سديت التليفون و نمت حسيت بي من يحط راسي على ايدة و هو يلعب بتليفونة بعد طارت النومة اتدنيت يمة وضليت اباوع ويا
ابو فهد : فززتچ من نومتچ
اديان : اي والله ليش الچذب
ابو فهد : هو اني چا ليش حبيتچ
اديان : اگلك شي بس متضوج
ابو فهد : گولي
اديان : ابوية و عمامي شصار ما صار بيهم
ابو فهد : مابيهم بوية مابيهم بس
اديان : شنو
ابو فهد : لا هيچ بوية
اديان : شنو شصاير
ابو فهد : ماكو شي اجت سالفة براسي كومي حضريلي الدشداشة الرصاصية و الغترة السودة
اديان : عليك الله احجي شكو
ابو فهد : اديان لتلحينن كتلج تذكرت سالفة ناسيها متخص اهلج
..انهضمت من صياحة گتلة .. و هسة ليش تصيح
ابو فهد : مو تنرفزين يا بوية دحضريلي الهدوم عندي كعدة تفرر الراس
.. گمت حضرتلة الملابس و طلعتلة الساعة و المحابس
ابو فهد : اطيني الفلوس الجوة راسي و التليفون
.. انطيتهن الة وراح رتبت الغرفة جانت الساعة ب الاربعة فتحت التليفون شفت هذا البرنامج نازل اوك ما فتحتة طلبو مني اسم و صورة
سميتة .. شجرة الاحزان و حطيت صورة من الصور الموجودة مال بنات حلوات شفتهم مجموعة يسولفون و كل شوية واحد يكول هلو
و يسلمون عليه
اني كتبت هلو كلها كالت منورة شجرة الاحزان گام كل شوية يجيني اشعارُ و اني منا ضايجة ضليت احچي وياهم
مرت خمس ايام واني منزلتة مادري احسة شي حلو ممجربة هيج شي اسولف وي ناس ويضحكون طلعت من الجو العايشتة وياهم صارن بنات اثنين صديقاتي و نسولف وحدنة بالخاص
جنت محتاجة انسان اسولفلة و يسمعني
صرت بس اريد ابراهيم يطلع من البيت علمود افتح التليفون و لا انزل يمهم و لمن يريد يتقرب مني ما ارفض بس بنفس الوقت ما اتجاوب ويا بس اريدة يخلص و اعوفة
ابو فهد : شجالج بوية هالايام روحج متعلقة بهذا النعال
اديان : لا ماكو شي بس هيج ضوجة
ابو فهد : افاا ما عاش اليضوجج باچر اطلعچ اشتري هدوم لعرس حوراء و زهراء
اديان : لا ماريد
ابو فهد : شنو متردين ليش
اديان : هيج ماريد
ابو فهد : انتي شبيجج هالايام شو حتى من انام يمج مو مثل گبل
جنتي تذبين روحج بحضني شو صايرة حتى من احطج على ايدي
تدوريلج حجة
و تديرين وجهج و تنطمرين احجيلي شكو ترى اذا عرفت
ربچ ميخلصچ منيي افتهمتي لو لاااا
اديان : افتهمت يمعوود
ابو فهد : اديان لتلعبين بذيلچ انا واثق بيچ لتخسرين هاي الثقة گلبي ناغزني منچ هاي المرة
اديان : انتةةة ليش كل مرة تشك بية ليش ممسوية شي والله
بس ضايجة حيل
ابو فهد : نسافر
اديان : ماريد
ابو فهد : چا شتردين رحمة لامچ انا ماريد اشوفج ضايجة
اديان : بس عوفني ارتاح
ابو فهد : هااااااااااه
اديان : يعني مو تعوفني بس يعني سد الموضوع
ابو فهد : تهووووون وداعتچ
.. لبس ملابسة حتى هو طلعهن ما قبل اني احضرهن طبگ الباب قوي و طلع رتبت الغرفة و سبحت الساعة بالخمسة العصر ما نزلت يمهم ضليت اسولف بهذا البرنامج
بالليل هو ما اجة على العشة ب 11 يلا اجة حظني من ورا
ابو فهد : ضوجتج اليوم مو
اديان : لا عادي
ابو فهد : طالع يم الجماعة برة اجيبلج شي وياي
اديان : لا
ابو فهد : خوششش
راح و اجة بالوحدة بالليل جايب علاگة مال حلويات جنت فاتحة التليفون سديتة
ابو فهد : ليش كل ما اطب تسدين الجهاز
اديان : مو متقبل اضل العب بي
ابو فهد : صحيح والله
راح اطب اسبح اريد چاي بيچ حيل لو لا
اديان : لا والله
ابو فهد : هايهية
طلع من الحمام اخذ بطل ( صودة ) و شربة و اجة نام حط ايدة على خصري و سحبني الة
ابو فهد : ليش متغيرة
اديان : ممتغيرة
ابو فهد : تعلميني بيچ غير حافضچ وجه و گفة
اديان : و الله ممتغيرة شبيك
ابو فهد : حتى جوة صايرة متنزلين
اديان : اكره سليمة ماريد اشوفها
ابو فهد : اسويلچ بيت وحدچ
اديان : لاع اني اريد اضل على گلبها
ابو فهد : ههههههه صايرة تحبين الخباثة
اديان : فدددد اكرها
ابو فهد : انا ما اهضمها اصلاً بس مجبورين نتحمل
اديان : ممجبور
ابو فهد : انا مو علمود ابوية لان اصلاً هو ما تعب علية مثل الاباء بس ماريد اغضب رب العالمين تال العمر و الا چان بچلاق اثنينهم
و انعل ابو الراح لابو الاجة بس هي مشكلة من تصير شيخ غصباً ما عليك تضحي علمود متطلع عليك حچاية و تضل تطي متاخذ
اديان : تكدر تعوف الشيخة و تعيش مثل اي واحد
ابو فهد : لا بوية صعبة اليطب بشغلة مو مثل اليطلع منها
زحمة على الشيخ من يتنازل اذا من نفسة و اذا مجبور
تضل الوادم تصيت عنة
مو گد المسؤلية و مو گدها و تنسي كل زيناتة و هذا غير الشمات
الينتضرون عليك الزلة حتى يعيروك بيها
و الله وكيلج و العباس كفيلج انا ناسي شماتي حتى ابوي هم شامت
خليها بگلبي تلچم احسن انا بس يمچ انسة هاي الهموم و حتى انتي ما بيچ ضمان هم تغيرتي علية
اديان : هم وجعنة مو كتلك ممتغيرة
ابو فهد : ترى هذا الاسلوب بالحچي اكرها احچي بهداوة ترى لو غيرچ افلش سنونها بحلگها
.. سحب ايدة و نام اني هم درت وجهي شفت النفس مالتة صار ثگيل و عالي يعني نام جنت جوعانة اخذت كيكة و ببسي اكلتهن و فتحت التليفون و غطيت راسي
راسلت وحدة من البنات طلعت كاعدة ضلينة نحچي شوية و اختنگت من الغطة و خرتة و درت وجهي عليه حتى من اراسل ميشوفني
شوية و شفت التليفون انسحححب من ايدي ..
و هو گعد و انتچة على التاج مال الچرباية فتح التيبلام اليمة و ضل يباوع شفت دماراتة الي بگصتة گامن يبينن و يرجع بشعرة ليورة
و يمسح العرگ من وجهة تقريباً ربع ساعة هو ما نطق حرف اني ضليت اگرص بأيدي بلكي يطلع حلم و اصحة من عندة
شمر التليفون بالحايط هم تفلشش باوعلي بنظرة ابدد ما انساها
نظرة عتب على رخص جنت اتمنى الموت و لا ذيچ النظرة
لبس دشداشتة و طلع من الغرفة ضلييت ابچي كلة صوچي هسة شراح يعمل بحالي اكيد يذبحني والله استاهل اني بأعتبار
جاي اخونة
بس والله مو بيدي مادري ليش غلطت هذا الغلط يمكن يطلگني
هسة اني شجابني شورطني بهاي البرامج بس بعد
شيفيد الندم اني غلطت و غلطتي چبيرة
نزلت جوة ادور عليه لكيت باب الصالة الي على الكراج مفتوح يعني طالع مديت راسي شفتة كاعد بالحديقة و يشرب جگاير
ردت اطلع احاچي بس گلت اكيد هسة يضربني و يفضحني لان هو اذا صار عصبي يشمر الاكو و الماكو صعدت فوك ردت النوم يجيني ماكو ابدد
صارت الساعة ب التسعة لا هو صعد و لا اني نمت و كل شوية اروح يم الشباك اشوفة الگا يباوع على الغرفة و يدخن غسلت وجهي و نزلت لگيت بشرى تحضر ريوگ
بشرى : صباح الخير حبيبة چا ليش رجلج برة ويدخن بدون ريوگ مو زين عليه
اديان : لا اكل نستلة علمود يدخن وراها
بشرى : يلا چا روحي صيحي خل يجي يتريگ
اديان : صيحي انتي اريد اروح للحمام فدوا
بشرى : اي چا ليش روحي
.. غسلت و جهي و گمت اجر النفس قوي يربي طلعني من هاي الشدة ما عندي غيرك والله
گعدو همَ على الريوگ و صبيت چاي و گعدت هو حتى ما باوعلي و لا اخذ الچاي حطيتة گبالة و گعدت
ابو فهد : الله بالخير
زيد : يا ستار
الحجي : الله بالخير بوية
ابو سراب : غرددد يبو فهد
ابو فهد : اريد اتزوج
.. جنت لازمة كوب الچاي ووگع على الماعين مال البيض و الجبن
زيد : الله الله يمعودة يتشاقة
ابو فهد : شوكت متشاقي وياكم انا
فدعة : يا خايب مو هاي حرمتك
ابو فهد : هيچ طخت عندي اجيب مرة ثانية و مجاي اخذ رايكم بس جاي اگول حتى ترحين تشوفيلي وحدة
فدعة : انا مالي غرض والله و لا اجيب مرة على اديان شبيها شو متحملتك
سليمة : افراح بت عمي يعقوب شدكولون
فدعة : ما تلصمين انتي لا اكوم العب النعال على راسچ كيفتي لازم
سليمة : لا شلي غرض هو شيخ و من حگة
الحجي : ارملة افراح مو بنية
.. كلهم دنگو وگامو يبتسمون
زيد : باع الحجي يطرب على ذني السوالف
ابو سراب : هههههههههه اكيد يريد يضوج مرتة و جاي يضحك عليكم يلا انا اترخص عندي شغل
ابو فهد : فدعة نفس ما گتلچ اذا ضاعت التدابير خطبي افراح بت عمي يعگوب
فدعة : يا شجاك يالاغم
ابو فهد : مالججججج غرض ترحين تخطبيها وتسدون حلوگكم ورا عرس زهراء و حوراء اتزوجها
فدعة : يصير خير
اديان : صرت بحالة صدمة كلت لا يمكن مثل ذيج المرة يچذب علية ورا يومين راحن سليمة
و فدعة و بشرى و كالن وافقت ثاني يوم هو كشخ دشداشة و لف الغترة سوري وراح هو و زيد و ابو سراب و النسوان كلهن
بقيت وحدي بالبيت بس ماصدكت ذيج المرة هم اتفقو علية و مابين عليهم شي
اليوم حنة زهراء و حوراء راحن للصالون اني صعدت
اخذت فستان من العندي لان كوومة و ملابسة و لا واحد حطيت مكياج مرتب و سرحت شعري
نزلت جوة لكيت زهراء و حوراء يخبلن طالعات ضلن يباوعلي النسوان و افراح موجودة و فرحانة گلبي نغزني بس لا السالفة صدگ لا مستحيل يسويها
افراح : شونج شريچتي
اديان : بأحلامج عمري
اديان : ههههههههههههههه اي ليش لا
ام غزوان : يمة صدك رجلج راح يتزوج عليج
اديان : لا خالة منو گلج
ام غزوان : اي انا هم ما صدگت
.. ضجت من حچيهن صعدت فوگ شمرت الفستان و طبيت سبحت و اني اناشغ يربي كافي فدواا بعد مابية بس فكرة وحدة ثانية تنام ويا
تخليني ارجف لالا عيني اكيد ميسويها معقولة هيج كل حچية چذب خل يخلص عرس بناتة و اروح اعتذر منة
و اذا صدگ يريد يتزوج غصباً ما عليه يطلگني
هو هاي الفترة كلها مينام بالغرفة يدز زهراء بتة تاخذلة ملابس من الكنتور و ينام بالمضيف كلة البيت عرف احنة منتحاچة
بالليل شگد ردتة يطب ماكو و المضيف بي ولد عمهم للصبح دگ و رگص اجة ثاني يوم و اني شكل النوم ما شفتة
هيفاء ما اجتي بالحنة و لا قبلها استغربت سئلت بسرى كالت مسافرين هي و رجلها وابنها و عمها و عمتها
گلت بگلبي عاد هنَ من يلتمن علية المشاكل لمة وحدة
صار الظهر و اجني زهراء و حوراء هم يخبلن و النسوان گامن يبدلن راح تجي الزفة شگد جنت احلم هيچي يصير عرسي بس الله ما كتبلي
بشرى : چا ما تبدلين يلة راح نقفل الباب امشي بدلي
.. صعدت لبست ملابس طلعة و فوگاهن الجبة و شال رصاصي و حطيت مكياج شوية و نزلت جوة
كامو يدخلون السيارة بالكراج يصعدن النسوان و يطلعون
حتى محد من البرة يشوف وحدة من النسوان زيد و ابو فهد بس هم واگفين بالگراج شفتة يباوعلي ومن اباوعلة يدير وجهة
چانت سراب واگفة يمي صاحلها ضلت تحچي ويا
اجتي يمي گالت عمي ابو فهد دلاني على مكان الفلوس بس ما اندل روحي جيبيهن
واني اطيهيا
اديان : شكد
سراب : ورقتين
صعدت اخذت ورقتين و نزلت شفتة قفل باب الصالة بالقفل و دار وجهة و صعد بالسيارة زيد چان ماكو طالع
ضليت اباوعلهم طلع و قفل باب الشارع انهضمتتت كلشششش
مادريييي حيل انقهرت صعدت فوگ نزعت الملابس و ضليت ابچي
و اگول يربي كافي والله مابية بعد
ورا شوية سمعت الباب انفتح و هو دخل بسيارتة و گعد بالحديقة هم يدخن ضليت افتر بالغرفة و الغرفة هوسة بس مابية حيل انضفها
شمرت نفسي على الچرباية و نمت ..
كعدت لكيت الغرفة ضلمة طفرت شغلت التيبلام و رحت شغلت الاضوية اباوع للساعة ب 9 بالليل فتحت باب الغرفة و نضفتها
و سبحت و نزلت لگيتهم موجودين وكلهم كاعدين بالصالة
بشرى : چا مو بدلتي ليش ما اجيتي
اديان : راسي كام يوجعني و صعدت نمت
بشرى : مابيج غير العافية
.. ورا شوية هو راح للمضيف طلعت لبست نعالي وركضت ورا
لگيتة كاعد يدخن و صافن چان گاعد بنهاية الديوان طبيت و مشيت و صلت يمة ما باوعلي و لا انطاني ذرة اهتمام
اديان : اسفة والله بس خلي افهمك
ابو فهد : .....
اديان : اضربني بس لتسوي بية هيچ حباب
ابو فهد : .....
.. ضليت احچي ويا عشر دقايق او اكثر ما باوعلي و لا رد علية بحرف عفتة و طلعت صعدت فوگ و اني ابچي ما جنت متوقعة هلكدد احبة
مرن يومين و هو هَم ما حچة وياي
سمعت الباب انفتح اخذ المفتاح و قفل الغرفة من برة و سمعت صوت دگ و زلم ما اعرفهم ما اجة ببالي شجاي يسوون جانت الدنيا ظهر
لحد المغرب يلا انفتح الباب طلعت و شفت ......
________
صار هواي ممخبثة 😂🥺
_____
أنا الحسرة الچبيرة ال بين الگلوب
آنا الما يدري بيش و ليش متعوب
_____
غرفة البنات مشتغلة اضوية عالية و بيها
غرفة نوم لون بيجي هو جان واكف يم باب الغرفة
غرفة البنات مشتغلة اضوية عالية و بيها
غرفة نوم لون بيجي هو جان واكف يم باب الغرفة
اديان : هاي شنو
ابو فهد : .....
اديان : اني مو جااااااي احجي وياك
.. عافني و نزل جنت هذا كلة متخيلتة مقلب ماردت اتفاعل
بالعصبية هواي لان جان كلبي مطمأن
اجتي سراب كالت عمو يريد ملابس اخذت ملابسة نصهن و راحت ضليت ابچييييي احس روحي كبرت عشرين سنة ليگدام
ثاني يوم من الصبح كلهم كاعدين و العصر كشخو
و يردون يطلعون هنا گلت مستحيل لعد مقلب اكيد السالفة صدگ
اديان : شنو وين رايحين
الحجي : لعيال بنات ابو فهد
اديان : لتجذبووووون
الحجي : لزمي لسانج عيب تگولين تچذبون
زيد : اديان انتي شسويتي و هيج ابو فهد معاند
اديان : ما سويتت شي انييي
زيد : اخخخخخخخخ ياربي الصبرر
.. نزل هو من فوگ كاشخ و يضحك ركضت يم الباب مال الصالة
اديان : متطلعوون والله متطلعون
الحجي : وخرنهة خل نفوت
اديان : انتو شتردون تسوون والله جذابين و حقراء كلكم يريد يتزوج و مكيفيلة و ترحون ويااا لعدد وواني شنو ذني كلولي
ابو فهد : فصلية انتي
اديان : لاااااا مو فصلية اني مو عقدت علية بالمحكمة مو
كتلهمممم هاي مرتي و ماريد واحد يكللها فصلية
ابو فهد : ايييي و مبين كلش مغزر بيچ
ابو سراب : ابو فهد وصلت السيارات
ابو فهد : يلا
.. دفعتني سليمة و طلعو و هو قفل الباب ضليت ابجييي
و ادك الباب سراب و امها يبچن و فدعة حاطة الشيلة علة حلگها
و زيد يحچي وي ابو فهد و يأشر على الباب اجة زيد فتحة
زيد : اديان اني مادري بالصار شنو بس ماكدر اعوفج بالبيت و هاي حالتج تتحملين ترحين للعرس
اديان : اي اروح
زيد : بدلي و تعاي منتظرج
.. صعدت غسلت وجهي و لبست جبة بيجية اشتريتها من رحنة لتركيا و شال اسود حطيت مكياج و نزلت گلت بعد ما بيها مجال
اذا صدگ سواها و تزوج اشرد من بيت افراح لان هنا خاف يضلون يراقبوني و الحراس عاد هسة هوسة من اشرد محد يحس بية
نزلت لكيت زيد منتضرني ضل مصدوم يباوعلي
زيد : سباعية عمي
وصلنة لبيت عمهم ما تأخرنة 3 دقايق بس هم هيج الا سيارة ميقبلون مرة تمشي بالشارع شفتة واگف يسولف و الزلم تارسة الشارع نزلت من السيارة ضلو يباوعون
اعتقد علمود لبسي لان الجبة
الابستهة اني مشايفة ولا وحدة من بناتهم هيج تلبس هي بأعتبار فستان مال محجبات مشيت و گلت هسة شوية و اوگع من التوتر
طبيت للبيت المطبخ جان متروس نسوان و الصالة هم متروسة والجهال صاعدة على الدرج و افراح كاعدة لابسة بدلة حمرة
تباوعلي و تضحك و هنَ ضلن يباوعن شفت فدعة كاعدة رحت كعدت يمهة وحدة من النسوان كالت
- يا فلك هاي مو مرت الشيخ
فدعة : اي مرتة
- مبينة ما تحبة چا وين اكو مرة تحضر حنة و عرس رجلهة
فدعة : ما يستاهلها ما تشوفيها جنهة جمبذة
- اي والله حليوة الله يحرسها
.. شاورتني فدعة
فدعة : ولج راح يجي يحنيهة ليش تعذبين رويحتج
اديان : الله يهنيهم
فدعة : جا يا هي القبل شوية تعيط و تبجي
اديان : جنت مصدومة
فدعة : يمة والله مو زين عليج تفرفحين بروحج
اديان : الله كريم
ورا شوية اجوي الجهال كالو الشيخ راح يجي كلهن وكفن و لبسن عبي بس الكبار كاعدات اني ضليت كاعدة على القنفة يم فدعة
دخل هو و اخوانة و وولد عمة يسوولة هوسات زيد يباوعلي و ينزل راسة طلعو ولد عمة و اخوانة هو گعد يمها حطلها حنة و هي حطتلة بأصبعة
ما بچيت بس صرت بصعوبة اتنفس فدعة گالتلي امشي كومي منا لتباعيلهم اني كلت هاي بعد فرصتي من هاي اللحضة انسة شي اسمة ابو فهد بحياتي
و اروح اشوفلي شغل و حتى لاهلي ما ارجع ومن يستقر وضعي اقدم بالمحكمة ورقة طلاگ و اخلص من عندة و من هاي الناس الهمج
مسوي روحة يحبني و من اول غلط تزوج علية و اني اتحملت من عندة اشكال السوالف من عندة طلعت من الباب شفت كمال واكف كلت محد يوگفلي غيرة دزيت ولد صغير كتلة روح گول لكمال اديان تريد تحجي وياك جنت واكفة يم باب الصالة هم شكل بيتهم نفس بيت ابو فهد بس هم ماعدهم مضيف ذولة عدهم استقبال
و بي باب على الصالة جنت واكفة يم باب الصالة راح الولد گلة هو بسرعة دار وجهة على البيت شافني طلع جگارة من جيبة ورثها و اشرلي ليورة
ما افتهمت شيريد هو حچة وي الولد و انطا فلوس من جيبة اجاني الولد كال تعاي اوديچ للحديقة چان اكو شباب واگفين بس ماعرفهم و ما نتبهو اصلاً واگفين يسولفون
الهوسة كلها بالشارع مو بالگراج زين هو شعجب ما سوة العرس ببيتة ليش هنا رحت وي الولد اكو باب يم الحمام فتحة لگيتها حديقة صغيرة
و لگيت كمال واكف يدخن يمكن ذولة عدهم التدخين وراثة
اديان : السلام عليكم
كمال : هلا بوية
اديان : فدوا خلصني اريد اشرد من عدهم
كمال : صار
اديان : هسة
كمال : اي يلا امشي انا لو منج من زماااااان اشرداديان : و اذا شافني يذبحني
كمال : ميذبحچ هذا يمعودة عاشگ من تالي
اديان : يلا ليجي احد بس طلعني و اني ادبر وضعي
كمال : اي عود ميخالف امشي هسة
.. مشة ليگدام و اني ورا سمعت صوت وراي بس خفت ادير وجهي ضليت واكفة بمكاني شفت كمال اجة يركض و دفعني كال فتحي الباب و شردي
درت وجهي لگيتة هو و زيد يتعاركون عدهم باب بالحديقة فتحت و طلعت سمعت زيد
زيد : لججججج اديان لتشردين يذبحوووووچ
.. ضليت واكفة لا اكدر اسمع لكمال و انزل من عين زيد ياما و ياما دافعلي و ادري اذا سمعت كلامة راح اضل طول عمري بعذابة
كلت خلي اشرد اذا يضل يعذبني و اشوفهة ويا منو يفيدني قابل زيد يفيدني فتحت الباب و ركضت و صلت لشارع كلة محلات و شباب و نسوان بطلت ركض
مشيت اعتيادي نوب ماعندي و لا فلس منين اجر تكسي ضليت امشي ما وگفت صارت الدنيا لليل و الناس تفتر اني وين انطي وجهي يربي هسة شحصلت خسرت الاول و التالي
ادري بروحي ما مشيت مسافة بعيدة لان ماكدر اركض من ورا العالم الموجودة
شطحت يمي سيارة نزل زيد بس عصبيييييي
لزمني من ايدي و دفعني بالسيارة انصدمت و اني اشوفة كاعد بالصدر و لازم السلاح بأيدة
محد منهم حچة بس اسمع صوت نفسهم العالي و ريحة الدخان التخنگ ضليت اگح
و لا فتحو الجامة و لا واحد بطل تدخين ضلو مستمرين وصلنة للبيت چان هدوء محد بي يعني بعدهم مجايين الحارس فتح الباب و دخلو السيارة
هذا الحارس خطية شغلتة بس يفتح و يسد بيبان والله ماشفتة يسوي غير شي انسد الباب و نزل هو من السيارة فتح الباب و سحبني من ايدي شالي وگع
لزمني من شعري و حط المسدس براسي
ابو فهد : بساع فوگ فوگ يلاااااااااا
فتح باب الغرفة شمرني بالگاع و فتح الكنتور ضل يدور مدري شنو ورا شوية اجة لازم كلبچة بأيدة لزمني من شعري و طببني للحمام
حط وحدة بأيدي و الثانية بالبوري مال الدوش و فتح المي البارد جان بوقتهة الجو شتة و طلع ضليت اناشغ من برودة المي ورا ساعة سمعت صوت طلقات عالية انفتح الباب و دخل هو سد الدوش و تقرب يمي
ابو فهد : لججج تخونيني وي كمال النذلل شكد جنت متندم على اللحظات الضربتچ و عذبتچ بيهن بس
و حق محمد هسة و لا متندم خلي بالچ العقاب صار عقابين لا اطلگچ و لا اردلچ نفس گبل
خليچ هيچ معلگة شغلتچ بس تشتغلين و تخدمين لان الظاهر ذاك الدلال و الاحترام مو ثوبچ انتي مال اهانة و ضرب
تراسلين بنات گلت يلا مراهقة مابيها شي من حقها تحچيلهن الاكو و الماكو هم ميخالف تحچين وي شلة گواويد و تگليلهم متزوجة واحد عمرة 41 سنة و تدزيلهم صورتي
بلة طلع گو** بيهم عرف انا شون اباوع بوجوه العالم بعد و تسولفين حياتنة و گاعدين بالبصرة و تتمضحكين وياهم لججججججججج انتي والله ذبحچ حلال والله حلال
لجججج اني ما مكفي عينچ زين من راسليتهم ما گلتي ليش جاي اخونة رجال مدللني و محارب الدنيا علمود متطلع علية حچاية رجال منزل روحة علمود يشوف ضحكتي
لج ليش هيچ بيمن قصرت وياچ
انا لو اضرب لو هيج اعاقب هاي انتي بالبداية شفتي الطريقة الاولى و هسة تزوجت عليچ اني طريقتي الثانية اعذبچ نفسياً مو اسويچ مخبلة والله اسويچ
مو دگولين لتضربني هاي انا شفتچ
تگو**ن و ما ضربتچ
و اليوم شفتچ جاية بهذا لبسچ مال الگح** تستعرضين گدام الگو***
و تحلفتلج ومن شفتچ شلون مخنوگة و انا گاعد يمها نسيت كلشي و ضليت اباوعلچ و اگول انا شلون رضيت بغيرهة هاي بتي هاي تربيتي
من تغلط غصباً علية اسامحها و اعلمها الگاچ رايحة وي المن***
كمال الله اليعلم وين راد ياخذج شحسبالچ راح يحبچ
بگد ما چنت احبچ اني ؟؟ لا والله لو تموتين و تفرين الدنيا كلها متلگين ربع حبي الچ
بس تحلمين بعد ارجعلچ نفس گبل اتحملي العذاب منا وغاد
كلشيي توقعت منچ بس مال تغدريني بظهري وانتي بالذات
ابددد ما توقعتها
و انتي خلي بالج اذا عمامي درو بالسالفة و السلف ضل يحچي بالشردة مالتچ و كاللهم كمال اني اذبحچجججج ما ابقيچ عايشة
افتهمتييييييي لو لااااا
.. جنت مدنگة راسي واسمعة و ابچي جرني من شعري و
رفع راسي
ابو فهد : افتهمتي لو لااااا
.. هزيت راسي بمعنى اي
ابو فهد : و هسة ضلي على وضعيتچ و افراح انام وياها على فراشچ و الباب ما راح اسدة حتى
تباعين زين و شوفي طعم الخيانة شلون شكلة يصير بس الفرق بيناتنة انا خاينچ بالحلال
اديان .. گمت اشهگ بالبچي و اهز براسي لا
ابو فهد : ابچي بعددد ابچي اريد الحقد الشايلة بگلبي عليچ ينزاحح منة
.. طلع و سد الضوة مال الحمام ما توقعت يسويها صدگ بس گطع تفكيري صوتها بالغرفة الكنتور البيبان مالتة بس مرايات يعكس كلشي يصير على الچرباية
افراح : چا وين اديان
ابو فهد : جوة نايمة
اديان.. ما صيحت و لا گلت اني هنا لان ادري ما راح اضر غير نفسي و محد ينفضح غيري
و هو يسوي الگال عليه و هي اكيد تكيف ضليت ساكتة شفت الضوة الابيض انطفة
و اشتغل التيبلام شفتها حضنتة ضميت راسي بين رجلية و گمت اشهگ بصوت ناصي الجبة و الملابس الي لابستهن عبارة عن مي
و شعري نازل بگاع الحمام ما تجرأت بعد ارفع راسي و هو اصلاً حراام
من ميطرد سليمة و ابو يگول اخاف من رب العالمين
و هسة يسوي هيچ وياي لعد وين الحرام اليحچي عنة
افراح : نبقة هنا
ابو فهد : لا روحي لغرفتج يجوز تريد تنام بغرفتها
افراح : چا ليش هنا اجينة
ابو فهد : ما ارتاح بس بهاي الغرفة
افراح : ان شاء الله تگوم مترتاح بس هناك
ابو فهد : الله كريم
.. شوية و انفتح باب الحمام ضل منتچي على الباب و يدخن
