رواية اخذوني دفع للدار فصليه الفصل الثالث بقلم زينب الموسوي
لاگيتها وحاچتني حنة ايدها
'
گالتلي
عجنوني غصب بس آنه ماحنيتها
'
گتلها چا والبيدها !!
گالتلي..
من گد الفرك صاير حمار بأيدها
.........../////
ليث : رجعنه وابوي وجدي حيل معصبين من كلامهم فوك شينهم كوات عينهم حجيت وكتله جدي دير بالك ع صحتك والله يخابرون بنفسهم ويجون بس نطيهم فرصه واقل اليومين يتصلون
شيخ عكاب : يبا مبين عليهم مايتنازلون ابد ودم علوان مايطيح بالكاع
ليث : افا عليك جدي انه عايش ويروح دم اخوي الا وانه جوا التراب
شيخ عكاب : بس عاشت ايدك جدي جنك كاعد بمخي نفس مافكرت حجيت
ليث : افا عليك جدي تربيتك سنين وانه وياك اعرفك من عيونك
شيخ عكاب : بس ياجدي احنه ماجانه هيج قاسين الناس كلها تجي تحتمي بينه هسه صرنه هيج قاسين ياجدي
ليث : جدي والله همه الي بدو وحتى وان جان اخوي غلطان ماتستوجب الكتل ياجدي
ابوي رد ً وكال
فهد : شوف بويه هاي العادات كلها غلط ومايصير نعاقب بنيه مسكينه ع شي ماسوته يابويه اطلبو غير فلوس وهيه هيج هيج ابني مات وتدرون بيه شكد جان عنودي ومتهور ومايخاف ويمشي بزود اخو وجده
ليث : بويه شتحجي انته تحجي صدك هذا اخونه وحكنه ناخذه
شيخ عكاب : عوف ابوك ماتعرفه انته طول عمره مايحب هالسوالف ومبتعد عنها
ليث : الله كريم جدي خلي يقبلون ويصير خير
وصلنه للبيت
دخلنه للبيت امي اجتنه تلكتنه
قسمه : هلا بالشيخ عكاب هلا بيك عمي الله يساعدك هلا ابو ليث الله يساعدك
ردو. الله يساعدج ام ليث
قسمه : يمه شلونك
ليث : موزين يمه لمن اخذ ثار اخوي
قسمه : يمه ليش شصار بالكعده
ليث : كعدت وسولفت لامي كلشي ضلت تلطم وكالت
قسمه : ليش يمه ليش تضلم البنيه هيه مالها ذنب بشي ماربيتك هيج تربيه
ليث : يمه هذا قراري وقرار جدي محد اله دخل يلا صاعد انام وراي شغل
قسمه : نوم العافيه يمه
شيخ عكاب : انا استاذن رايح انام
ردو تصبح ع خير شيخ
قسمه : ابو ليث عاجبك حجي ابنك
فهد : لاوالله يا ام ليث ماعاجبني ابد وتدرين بيه خليت مرضي حجه حتى مااخذ المشيخه وادخل روحي بسين وجيم يلا صاعد انام
قسمه : تصبح على خير ابو ليث
فهد : وانتي بخير
ليث : كعدت ثاني يوم الصبح غسلت وصليت وبدلت ونزلت نتريك ساعه تسعه تقريبا لان شغلي ماطلعله من وقت اكثر شغلي بالديوان ولد عمي صبر كاضين المعارض مالتي طبعا عمي صبر عنده ثلاث ولد وثنين بنات الولد علاء وهادي وعامر كلش احبهم قريبين العمري واحنه ربينه سوه المعارض مالتي بمركز البصره والبنات ميلاد و وداد وهذن اعتبرهن مثل خواتي مياده ولجين ونور وعندي عمي شهم عنده ثنين بنات ولد واحد بس اسمه عباس وهذا ابو كلفه وخواته غزل وصدف جانت صدف كل حياتي حيل احبها بس ماحجيت الاحد رغم صغر سنها بس انه هويتها من عمرها سنتين والحد هسه عمرها 22 سنه وهيه ماخذه كل تفكيري بس محد يدري بهالسالفه بس صديقي عمر المهم كاعدين على الريوك وجان يتصل عليه شيخ عشيره الي كتل اخوي علوان رفعت خط وكالي ......
نهر : نزلت صبحت عليهم وردو عليه كلهم صباح الخير
الكل : صباح النور
نهر : يبا انه قررت اروح فصليه وموافقه اهم شي اخواني مايصير بيهم شي بويه اتحمل كلشي لخاطرهم ولخاطرك وعد ارفع راسك
علي : بويه ماترحين وخلي شيصير خلي يصير ماريد احد يجبرج على شي لويستغل طيبه كلبج
نهر : لا يبا انه موافقه ومحد جبرني اوافق انه بأرادتي موافقه.
علي : الله يكملج بعقلج بويه سوايتج هاي راح توكف بحور الدم كلها يا نهر
نهر: ارفع راسك يبا انه موجوده
راح ابوي يتصل على شيخ العشيره وانه حيل مقهوره وضايجه صعدت فوك اخذت تلفوني اتصلت على احسن بنت عم بالدنيا هيه الوحيده الي اسولفلها كلشي اتصلت اول مادك رفعته
ملك : هلابعمري هلا بنهري شلونج عمري
نهر : زينه ملك
ملك : حبيبتي لاتضوجين وياج احنه مانعوفج وكلها فترا وتعدي كتلها الله كريم سديته منها ونزلت جوا اجه ابوي وكال
علي : آم عبدالله روحي وي نهر للسوك وكلشي شتري الها وهاج هاي خمس ملايين لاتخلين بنفسها شي وباجر يجون ياخذونها
سميه : انشالله ابو عبدالله تامر
نهر : كاعده حاطه ايدي ع خدي مادري شكول وشسوي وشنو ينتضرني وشنو مصيري شويه ودخلت منار
منار: هلا يروحي شلونج
اجت حضنتني وضلت تبحي
نهر : انه زينه انتي شلونج شخبارج
شويه وامي كالت يلا رحنه للسوك وماخلت شي ماسوته الي نوب ودتني للصالون وهمين كلشي سوتلي بس ماجاست شعري لان احبه حيل وجنت معتنيه بيه كلش رجعنه للبيت وخلص اليوم وكعدت الم بملابسي وي ملابسي لميت الامي واحلامي ومستقبلي ودموعي كلها نمت ودمعتي بعيني اخذت كلشي احتاجه كعدت ثاني يوم بالسته الصبح غسلت وتوضيت وصليت ونزلت جوا سويت ريوك شويه وكعد ابويه مبين منايم وعيونه حمر وامي كعدت ورا ماتفرق عن حالته شي ابد
اكلنه وخلصنه وحجه ابوي
علي : بنتي نهر راح ترحين ديري بالج عن نفسج لاتجادلين ولا تقللين ادب وشيكلولج كليلهم صار وتم لاتنزلين راسي يبا خليهم يكولون عرف يربي ابو عبدالله
نهر : تامر بابا لاتخاف راسك مرفوع انشالله
علي : وها بويه شرطهم من يجون طلعين بعبايه راس وبوشيه
نهر : صار بويه
طلع ابوي بالديون حسب ماسمعت ربع ساعه ويوصلون رحت بدلت واحمد ومحمد نزلو اغراضي وعمار حيل مقهور عليه هوه ساهر وايمن ميفرق عنهم شي حضنوني وضلوا يبجونً
واني هم طلعت روحي نزلت وشفت امي حضنتها وضليت ابجي وهيه تكول بنتي رفعي راسي يمه وراس ابوج يبعدً امج ياوحيدتي يا حبيبتي يانهر
نهر : راسكم مرفوع يمه لبست عباتي وبوشيتي وكالو اجو
شويه وصاحلي ابوي كال راح يعقدون رحت وعقدت ونطيت الموافقه وانه كوه احجي شويه واسمع صياح وجان اسمع صوت اخوي سامر يكول ....
سامر : ورا ماصارت العركه بيني وبين هذا الولد الي عتدى على ارضنه وحلالنه شردت وحتى تلفوني شمرته بالشط ومادري وينً اروح واهلي ماعرف عنهم شي كلت احسن احل اروح لبغداد لبيت خالي ابو غدير على ماتنحل رحت وصعدت لبغداد وتوجهت لبيت خالي ابوًغدير ودخلت وسلمت عليه وحجيتله كلشي وهوه ماقصر وياي بالكلام ضل يغلط ويصيح وانت ماتبطل عصبيتك الا تروح بداهيا كتله خالي خلي تعدي فترا وارجع
عبرت يومين خابرت على ابوي وسولفلي الي صار وياهم وحيل نقهرت كتله بويه لا تنطي نهري الهم انه يومين ثلاثه واجي سديته منه وماكدرت اصبر يومين وطلعت للسماوه وصلت لبيتنه واشوف هًوسه بيتنه دخلت وسمعت نهر تكول موافقه وعقدو عليهم وجان اصيح ليش بويه نطيت اختي انه اجيت برجليه واحد من الكاعدين راد يهجم عليا وكضوا ولد عمه عرفت هذا الشيخ ليث اخو الولد المات ضليت اصيح وجان يرد عليه ....
ليث : بعد ماجانه الخبر بالموافقه طلبت منهم تلبس بوشي وعبات وانه بالي الف فكرا عليها الا اذلهم مثل ماكسرو كلبي بس لحضه المنً ننطيها هايه شلون مشكله يلا تنحل انطيها لواحد من ولد عمي مر اليوم عادي وخبرتهم باجر نروح نجيب الفصليه نمت وكعدت لبست دشداشه وبشتي وساعه وعكاليً ونزلت واشوف جدي وابوي كاعدين همين
شيخ عكاب : صباح الخير يا اسد
ليث : صباح النور يا تاج راس الاسد
فهد : صباح الخير بويه
ليث : صباح النور ابو ليث
جا جدي وين غضب ماله حس ولا البنات لجين نور وينجنً ردن عليا
ها خويه موجودات
ليث : بالجنً تخلن امي وحده
لا يخوي بعيونهً
طلعنه انه وجديً وابوي وشيوخنه تًوجهنه للسماوه وصلنه ب11 تقريبا وجبنه شيخ شويهً واسمع جدي يكول
عكاب : طبعا انتم مجتمعين وماتدرون الفصليه المن راح تروح
ردو كلهم لا شيخ ماندري
دنه عليه غضب وكال
غضب : اهو بس لا يشمرها براسي جدي
ليث : سد حلكك لاتخاف محد يشمرها براسك هسه ينطيها لواحد من ولد عمي لوعباس لو علاء
شويه واسمعه يكول
عكاب : انه قررت انطي الفصليه للشيخ ليث
ليث : ضليت مصدوم واباوع كبل اجت ع بالي صدف حبيبه عمري كتله لاجدي شوف غيري
عكاب : تالي عمري تعصه اوامريً
ليث : زفرت وكلت ماعاش الي ينزل كلمتك الكاع شيخ اشوفً ابوها حيل مكسور وهذا الي اريده بعدهم ماشافو شي
شويه وراح ابوها يصيح الها وجان يجي واسمع الشيخ يكول نهر بنت علي هل تقبلين الشيخ
ليث ابنً فهد زوج الج
ليث : انه صافن كلت اسمها نهر شهالاسم هذا هسه تطلع تلعب النفس يلا ميخالف هيه فصليه خدامه وبس
جان اسمعها تكول
نهر : نعم موافقه
ليث : سالني ونطيت موافقتي وصوتها اليرجف بذاني كلت اي بعدج مشايفه شي يصير خير شويه ودخل واحد عرفته هذا العار ردت اكوم بس لزمونيً ولد عمي ضل يصيح شويه ورديت عليه ناخذها وغصبا عليك هسه هيه مرتي ومو باحترام اخذها لا دفع من بيتكم وكبال خلك الله خليت وكمت وكلها طلعت وراي شويه واجت بنيه اسود بسود كلت اي احسن اجه اخوها واسمعه يكول الي
سامر : رد عليه وكال اخذها وغصبا عليكم وموً باحترام لا دفع انه هنا تخبلت طلع وكلها طلعت وراه واشوف اختي وحيدتنه واكفه بنص ذيابه تنهدت وكتله ...
طلكها ياشيخ واخذني انه موتني الي صار مو متقصده هوه الي تهجم عليه
ليث : صار الي صار واختك صارت فصليه لبيت الفارس وانسوها منا ورايح كمت ودفعتها حيل طاحت ع الارض وحسيت بيها تاذت بس مارحمتها اجه عليها
سامر : كومي يبعد اخوج ياروحي كومي سامحيني كله مني انه السبب بالي صار انشالله فتره سنه وترجعين يا وحيدتنه نهري حبيبتي لاتبجين
ليث : اسمع بس بجيها غيًر شي ماسمعت جان اكضها منً شعرها من فوك العبايه واخذتها دفع للسيارهً وشمرتها وسديت الباب ...
رجعنه بيها للبصره
......//
نهر : بعد مانطيت موافقتي وانه ابجي شويه وسمعت صوت اخويه يكلهم ماتاخذونها اخذوني انه دخلت جًوه وضليت ابجي بحركه امي تبجي وياي وتكلي موبيدنه يمه شوي وطلعت برا مغطيه وجهي وجاي نطلع واجه سامر يكول للشيخً طلكها واخذني انه مًوتني بس لاتاخذ وحيدتنه ماشوف الا هذا الشيخ دفعني وطحت ع رجليه بس شاغت روحي حسيت حتى بدم طلع من رجليه وبقيت ابجي زياده ونزل الي سامر يكلي سامحيني نهري الي صار كله بسببي بس كلها سنه وترجعين يروح اخوج ماشوف الا هذا كضاني من شعري من فوكً العبايه وجرانيً كل قوته وشمرني بالسياره كلت خلص اجت نهايتج يانهر خلص حلمج الحلمتيه ودراستج كلها تبخرت اخ ضليت كاعده بالسياره وابجي وابجي طول الطريق طبعاً ماصعدت وي رجلي الشيخ.ع كولتهم لا وي ابن عمه اعتقد اسمه عباس لان كله صعدها وياك عباس مو طايق ابقى وياها بنفس المكان ولا لخمس ساعات طبعا انه حتى عيًوني مغطيتهمً مر وقت طويل وصلنه للبصره المكان يشبه مكانه بس احلا بهواي والبيت قصر
خلت السيارات وجه الشيخ كال
ليث : يلا يالفصليه نزلي لوتردين نفرشلج الارض ورد
نهر : لارد
خليت ونزلت جوه وسمعه يصيح
ليث : يمه يمه تعالي اخذي هاي الفصليه جبتلج خدامه جديده راووها غرفتها وها بالكم تصعد بايه وحده لغرفتي غرفتها بالمخزن جوه الدرج
نهر : اسمعه وكلبي يوجعني من كلامه يتكطع تكطع مادري شسوي
اسمع المرا تكلي
قسمه : تفضلي يمه تفضلي هذا بيتج وانه امج وهذن اعتبريهن خواتج نور ولجين
نهر : من ورا البوشيه شكرا خاله اتشرف بيج وبالبنات الله يخليهن الج
قسمه : يمه فدوه لهلصوت تعاي اوديج الغرفتج
نهر : رحت وياها للغرفه ودخلت بيها وجان اشووووف ...
