رواية اخذوني دفع للدار فصليه الفصل الرابع بقلم زينب الموسوي
وصوتي
يكسر المحراب ،،
جا يمته الـذمم تنجاس
ساعه الكاس بيه يـدير
وساعه أنـدار فوك الكاس
وتوبن ليش ..
مهي التوبـه
عروس الكيف
مو فصليه للقران
......../////
نهر : دخلت للغرفه وجان اشوف غرفه مثل المخزن بيها هواي اشياء وحيل رطبه لدرجه اشم ريحه الماي بالحيطان دمعت عيوني وانه صافنه سمعت صوت المرا الحاجتني قبل شويه
قسمه : ها يمه كعدي ارتاحي وغيري ملابسج ونوب طلعي يمنه تندلين مو
نهر : حاضر خاله اي اندل
قسمه : فدوه هالصوت شنو اسمج يمه
نهر : اسمي نهر
قسمه : اول مرا اسمع بهيج اسم بس فدوه يخبل
نهر : مشكوره خاله من ذوقج
قسمه : يمه نزعي البوشي خل اشوفج جامحد غريب هنا
نهر : رفعت البوشيه وجان تكول
قسمه : اللهم صلي على محمد يمه شنو هالجمال سوده بوجهي عرفت راح يغلط ليث وياذي انسانه موذنبها اخ يايمه سوده عليه بنيتي يلا اخليج انه
نهر : حجت هيج وانه ضليت ابجي بدون صوت خلت وطلعت واني طلعت ملابسي ولبست دشداشه وحجاب وضليت متردده اطلع او لا وصلت يم الباب وجان اسمع صوت عالي بالمطبخ برا
......//////
ليث : رجعنه والطريق كله افكر بحبيبتي صدف شراح تكون رده فعلها من تسمع بالخبر وصلنه للبيت ونزلت رحت فتحت الباب الها وكتلها يلا خاتون ماتنزلين لومنتضره نرشلج الكاع ورد هيه خلت ونزل بدون كلام كلت بداخلي مالها ذنب بس الا اندمها على الساعه الي نكتل بيها اخوي وثاره اخذه اخذه مايهمني احد شاب مثل الورد هيج يموت وبهالسهوله دخلت للبيت وصحت يمه يمه
قسمه : هلا يمه هلا وليدي
ليث : يمه هاي الفصليه الخدامه الجديده وديها لغرفتها الي جوه الدرج واياني واياكم توصل لغرفتي اكسر رجليها فاهمين ردو عليه امي والبنات فاهمين خليت وطلعت للديوان برا شويه واجه عمي شهم ويا ابنه وبناته ومرته
شهم : الله بالخير شيخ
شيخ عكاب : الله بالخير وليدي شلونك
شهم : بخير يبا مادامك بخير شلونك خويه فهد
فهد : الحمدالله خويه زين
عباس : جدي شلونك عمي وانت وليث شخبارك يخوي مشتاقين
ردو عليه كلهم بخير الحمدالله وانت
عباس : ليث شخبارك شلون الفصليه حلوه لا
ليث : والله مادري هذيج جوه وروح شوفها هيه فصليه حالها حال الخدامه
عباس : لاتكول هيج ياشيخ البنيه مالها ذنبً بسوايه اخواها
ليث : والله لابجيها دم
خلص اليوم عادي وجان ادخل جوه واشوفها ماهي ضليت اصرخ
ليث : يمه وين هاي بنت الكلب شنو جايبينها عروس ها ماتطلع تشتغل بمكانجن
قسمه : ولك يمه انه كتلها ترتاح مالها ذنب هيج شبيك وي البنيه ماتكلي شبيك
ليث : هسه تصيحيلها لا ورب الكعبه اكسر راسها اروح والله خوش هم فصليه وهم الشيوخ تخدمها
خليت وصعدت فوك انام بدلت ونمت وجان تجي بالي بنت كلبي صدف اخ بس شوكت اكدر اخذ يا صدف نمت و كعدت ثاني يوم الصبح الساعه 6 لان عندي طلابه بالديوان وجان اشوف ....
........////
نهر : بعد ماطلعت خالتي وبدلت دنيت يم الباب وجان اسمع وحده تكول وينها الفصليه اليوم اكسر راسها شويه ونفتح الباب ماشوف غير وحده اجت هجمت عليه هيه ومرا حبيره وضلن يضربن بيه يضربن ويحجن
صدف : ولج انتي الفصليه تاخذين حبيب طفولتي وحياتي ع الجاهز وانه صارلي سنين انتضره يجي يخطبني اليوم اسود عيشتج
نهر : انه اسمع وابجي بصوت مامسموع شويه واجت خالتي
قسمه : ولج صدف شسوين هنا كاعده تمدين ايدج ع مرت الشيخ
صدف : لابله مرت الشيخ كولي الفصليه الخدامه لتكولين مرت الشيخ ولج خاله صارلي سنين انتضر حب طفولتي ياخذني تجي هايه ع الجاهز تاخذه ورجعت اضرب بيها
نهر : عافت خالتي ورجعت تضرب بيه تضرب بيه لحد ما طحت ماحسيت بشي بعد غير خالتي تكعد بيه وتكول
قسمه : يمه نهر تسمعيني
نهر : مممممممم
قسمه : ولج ردي عليه يمه ردي
نهر : هاخاله اسمعج كعدت شويه
قسمه : سوده بوجهي يمه ابقي نايمه لاتكومين هسه اجيبلج عشاج
نهر : ليش خاله بيش الساعه هسه
قسمه : يمه هسه ب8 بالليل كومي يمه غسلي وتعاي
نهر : مابيه حيل اكوم جسمي كله مكسر والاسمه عود رجلي ماشفته لحد هسه ولا لتقيت بيه رحت غسلت ورجعت لكيت الاكل محطوط اكلت لان جنت جوعانه وكل لكمه اخليها بحلكي اضل ابجي وراها من الالم والالم مو الم جسمي لا الم روحي
جان شويه واسمع هذا الي يكولون عنه رجلي خل تطلع تشتغل والله هوش هم خدامه وهم الشيوخ تخدمها ضليت ابجي بدون وعي لحد مانمت فزيت وي اذان الفجر كعدت توضيت وصليت وطلعت اسوي ريوك طلعت برا وخليت الجاي على النار وسويت ريوك اشكال والوان وحضرت السفره ورجعت لغرفتي لان هذا كالي تكملين شغلج وترجعين ماريد اشوف وجهج بعد وانه موجود خليت ورجعت لغرفتي ضليت كاعده لل10 على مانفتح الباب ....
......../////
ليث : نزلت الساعه 6 الصبح وشفت السفره محطوطه بأشكال والوان كلش حبيت هالترتيب وانه من النوع الي ماحب البهذله شويه وطلعت امي كتلها صباح الخر يمه عاشت ايدج يمه على الترتيب
قسمه : صباح النور يمه لا مو انه الي مسويه الريوك وليدي يمكن هاي نهر
ليث : صفنت وسالتها منو نهر ؟
قسمه : يا يمه نهر البنيه الي جبتها امس
ليث : تغيرت ملامحي وعصبت كتلها قصدج الفصليه ماريد اكل من ايدها شي هاي وبعد لاتخلينها جيس الاكل خليها بس تنضف
قسمه : هزيت راسي بعدم رضا نزلت نور
نور : صباح الخير ماما
قسمه :صباح الخير بنيتي يمه روحي صيحي لنهر خلي تجي اخوج طلع
نور : تمام ماما . مشيت ورحت دخلت وفتحت الباب وجان اشوفها كاعده اخ هايه ايه من الجمال عزا بعينك ليث عايف هالجمال كله وكاعد تركضلي ورا الصخله صدف طبعا احجي بكلبي وهيه صافنه عليه
نور: صباح الخير حبي
نهر : صباح الخير رديت بابتسامه
نور : كومي حبي امي تصيحلج
نهر : طلعت برا يم خاله شوي ونزل واحد طويل وشوي ضخم وبشرته بيضه ماركزت بيه هواي دنكت
سمعت خاله تكله هلا بغضب هلا وليدي شلونك
رد غضب : صباح الخير يمه
قسمه : صباح العافيه حبيبي يمته رجعت يمه
غضب : امس رجعت يمه بالليل متاخر وانتم نايمين
قسمه : الله يساعدك وليدي يلا تعال اكل
خلي احجيلكم عن نفسي شويه
انه غضب الابن الثاني للشيخ فهد عمري 35 سنه خريج هندسه وعندي شغلي الخاص بيه من جنت بالجامعه درست طبعا بجامعه بغداد طلع قبولي هناك ورحت درست من اول يوم داومت لفتت انتباهي بنيه سبحان الخالقها وابدع في تصويرها جمالها خيالي ضليت متابعها يوم عن يوم اعجابي ورغبتي بيها تزيد وبالصدفه طلعت وياي بنفس القسم ونفس الاختصاص وبنفس القاعه والاحلا كاعده كبالي بستول واحد بس حيل نجذبت الها انه المحد كدر ياخذ روحي بلحضه اخذتها بوقتها جان عمري 25 سنه هسه تكولون متاخر اكلكم اي سنه اداوم وسنه ارتاح بيها مالي خلك وابوي مخليني براحتي لان يدي بيه شاطر مرت الايام وعدت وبيوم لكيت روحي امشي ورجليه ماخذتني لعدها بدون شعور سلمت عليها وهيه ردت عليه السلام وبدون مقدمات كتلها سمر انه احبج واريدج على سنه الله ورسوله ردت عليه
سمر : نعم منو حضرتك
غضب : انه زميلج وياج بنفس القاعه
سمر : اها اي تذكرتك اهلا
غضب : اهلا بيج هسه يلا كليلي شنو ردج على كلامي
سمر : انه مانكر اعجابي بيه من اول يوم شفته يباوعلي بس ماكدر كتله ماكدر ارتبط بيك اسفه
غضب : رديت بحزن يملى صوتي ليش ماتكدرين خاف موكد المقام
سمر : لا والله مو قصه موكد المقام بس انه موًشيعيه ومومن بغداد اصلا انه من الانبار وسنيه وماعتقد تقاليدكم تخليكم تاخذون من عدنه
غضب : مستعد احارب الدنيا كلها على مودج انتي وبس
سمر : افكر وانطيك خبر باي
غضب : مشت وروحي كلها نسحبت وراها ودعيت الله تقبل بيه هسه تكولون هذا ماعنده شخصيه ولا رزانه لا انه اختلف بس الانسان من يحب صدك ينسه هوه منو وابن منو تعدت الايام وهيه ضلت كلما شوفني تبتسم على مايوم اجتني وكالت انه احبك غضب بيومها طرت من الفرحه وعدت الايام والسنين وتخرجنه سوه وحبي يوم عن يوم يزيد وتعلقي يزيد وغيرتي صارت اضعاف عليها تخيلو من الهوه اخاف عليها وراها رحت وحاجيت اهلي وقابلوني بالرفض بس مع ذالك ضليت احاول واحاول وهسه صار عشر سنين من احبها وتحبني وهيه حيل تاذت من اهلها لان ترفض اي عريس يجيها حاولت ورحت بيوم احاجي اخوي الشيخ ليث لان جدي وابوي مايرفضون اله طلب ورد عليه
ليث : ولك غضب مايصير سوي هيج انت واحد بلا عقل ومتهور انت شلون تسوي هيج
غضب : يا اخي انه احبها واريدها ولو باخر الدنيا اخذها واتزوجها
ولك شلون تاخذها وهيه من غير محافضه ومن غير طائفه ابوك وجدك مايقبلون
غضب : الله يخليك الله يخليك ليث انت ساعدني ماكدر اعيش من دونها اموت والله اموت
ليث : انشالله يخوي احاجيلك ابوي
غضب : مشكور شيخ يابعد اخوك
مشه اليوم عادي ثاني يوم بالليل وسمعت ليث يصيح راح اخوي
فزيت من مكاني وكمت وصلنه خبر موت اخوي علوان حيل نقهرنه وبجينه وامي تعبت حيل عليه وكلش تمرضت وراها صارت احداث الفصليه وشلون اخذنها وبيوم نزلت الصبح شفت امي واكفه نزلت رحبت بيه واشوف بنيه واكفه وعيونها مارفعتهن بس اول مانزلت شفتها حيل جميله جانت لدرجه تاخذ العقل نزلت وكعدت اتريك وخلصت سالت امي كتلها منو هاي ؟
قسمه : يمه هاي نهر البنيه الجبتوها
غضب : ماشالله مرت ليث هاي
قسمه : اسكت ولك لايسمعك ليث يكوم البيت علينه وهوه يكول فصليه وخدامه
غضب : الله يهدي يمه يلا طالع عندي شغل
طلعت ورحت لشغلي ومر اليوم عادي ....
......////
ليث : بعد ماعفت الريوك وطلعت برا للديوان ضليت احل بالطلابات وحده ورا الثانيه على ما خلصت رجعت للبيت ساعه 12 هلكان من التعب وانه منزل راسي بالتليفون جان انضرب ويطيح تلفوني وانه رفعت راسي معصب وثول ماتشوفين ضليت مصدوم .....
