رواية خطيئة الماضي الفصل الثالث بقلم جمانه السعيدي
رونق ضلت امي تعاملني اسوء معامله بلدنيا
وتبعدني عن خواتي وعنه
وتحسسني مرتكبه اكبر جريمه بلتاريخ
ودائما تشكك بااخلاقي كدام الكل
رغم هي تشوف اخطاء احمد بعينه وتركع ورا مصايبه
واني من المغضوب عليهم
الحد ماخلصت خامس علمي كل سنه اخذ أعلى الدرجات
كنت من المتفوقات
بلعطله مال اخير السنه
بيوم اجت وحده من صديقات ماما اتزورنا
سهاد كانت بلحمام
اني طلعت استقبلته وقدمتله مي ورحبت بيه
بيومها اني لابسه تراك ماروني واسود
وضافره شعري كصيبه
جمانه السعيدي
امي بس اجت خنزرت عليه وكالت روحي جوه
لميس لج عيني هاي بنتج اني ابد ماشايفته شلون حلوه تخبل عين الله عليه
امي هااا اي عوفيه يمعوده انتي شلونج
لميس الحمد لله شسمه
امي منو
لميس بنتج هاي الي طلعتلي تعرفين ماتشبه خواته هاي حلوه تخبل
امي رونق
لميس الله اسم على مسمى اذا اخطبه تنطونياها
امي ليش لا قابل نلكه ناس احسن منكم
بس انتي ولدج زغار
لميس لا مو الولدي لاخوي يريد يزوج وعنده شروط يريد حلوه وزغيره
وهاي بنتج حيل عجبتني
هو موضف وعنده شقه واخذ سياره بلقسط
شقته ماثثه وكامله
امي اي ميخالف اشوف ابوها وارجعلج خبر
رونق رحت خدرت جاي واني بلمطلخ دخل عليه احمد
احمد وين امي
رونق يمنا خطار
احمد منو هذا الخطار
رونق صديقه ماما احجي ويااا وعيونه على جسمي
استغفر الله ياربي
خل اخذ الجاي ادخله وارجع الغرفتي هذا حيوان ومايتامن ابد
دخلت الهم الجاي وهاي صديقه ماما بس تباوع عليه
شنو اني اليوم صايره فرجه
امي روحي انزعي هذا التراك حاصر جسمج البسي دشداشه
رونق اي ميخالف
رحت دخلت الغرفتي وبعد ماطلعت ابد
جمانه السعيدي
ثاني يوم صديقة ماما اتصلت بيه
لميس عيوني ام احمد اني حجيت الأخوي عن رونق
ويريد يشوفه اذا ماعندكم مانع
امي خل اكول الابوها وارجعلكم خبر
رونق بليل اني عليه تنضيف المطبخ
كملو عشى واني اخذت لفتي وكعدت بغرفتي اكلت
بس خلصو امي كالت تعاي نضفي المطبخ
احمد بس تعشى طلع ومايجي تله نص اليل
ومرات يبات برا
امي عود تحجي ويااا بس الكلام مايفيد ابد
ايزود ماينقص
نضفت المطبخ ورجعت للغرفه
امي دخلت للغرفه هي وبابا
رونق اليوم اجو عليه خطابه
بابا منو
...اخو لميس صديقتي خوش ولد موضف وعنده شقه وسياره
...بكيفج انت الي تشوفي صح سووي
...انا اكول انزوجه ونخلص من هاي المسوليه اني اخاف من رونق حيل
خوما اضل اراقبه خلي تزوج واخلص منه
...ليش لا اذا خوش ولد اتوكلي على الله
رونق اني كاعده بلغرفه ارسم وامي اجت
امي رونق اجو عليج خطابه
رونق شنو خطابه
...خطابه تزوجين
...مااريد ازوج اني اريد اكمل دراستي واني اصلا مامفكره بلزواج نهائيا
...هو بكيفج تزوجين وغصبا ماعليج
...اريد اكمل دراستي
امي انتي من كل عقلج على هاي المصيبه الي سويته
اخليج تدخلين كليه
انتي بلبيت وسويتليج مصيبه اكبر من راسج
النوب جامعه وولد وبنات تزوجين وغصبا ماعليج
عاد اامنج يم رجال يشيل مسوليتج واخلص منح
اني حتى على خواتج اخاف منج
رونق يمه ليش جاي تعاقبني على ذنب صارله ١١ سنه
مو كافي ضلم جنت زغيره وماافتهم
ولله ماافتهم واحمد كال تعاي نلعب وامنت بي
امي انجبي ولا كلمه النوب اذب الصوج بااحمد
هو انتي زغيره ودبرتيلج سالفه شكبرها
انتي مو راحه وعندج فساد وانتي زغيره
رونق ترا اني بنتج يعني تربيتج وعمري ماسويت شي غلط ابد
جاي تحاسبيني على شي قديم راح ويه الزمن
انتي ليش تحاسبيني وحدي
ليش ماتحاسبين احمد هو صاحب هاي المصيبه
امي احمد ولد شعلي لو كلشي يسوي يبقى ولد الا انتي
تردين اجيبيلنا العار
رونق اني ماازوج اريد اكمل دراستي
امي واني كلت تزوجين والدراسه هاي تنسينه نهائيا
اني تعبت وبعد مااكدر اتحمل مسوليتج اكثر
رونق ماازوج يعني ماازوج
امي باجر يجي يشوفج ادعي الله وتعجبينه
ولد موضف وعنده شقه وسياره بعد شتريدين اكثر
خل افتك منج مللتيني عايشه بقلق منج
جمانه السعيدي
طلعت امي واني كمت ابجي ياربي هم حاسب امي
ام ليش هيج تعاملني
البنات تسوي مصايب وامهاتهن تتستر عليهن
واني صار ١١ سنه عايشه وياها بضلم
جنت زغيره وماافتهم
احمد يصول ويجول واني محملتني كل المسوليه
ثاني يوم طلعت امي الصبح تشتريلي ثوب اطلع بي كدام العريس ووصت سهاد تراقبني خاف اسوي شي
من كل عقله تخلي اختي تراقبني وكانما مجرمه
حتى اخواتي صارن ضدي هلكد ماتحرضهن عليه
المن احجي والمن اشتكي
لا ام تسمعني ولا اخوات قريبات مني
اذا اهلي وهيج ضالميني الغريب شراح يسوي بيه
جمانه السعيدي
رجعت امي وجابت علاكه
امي هاج هذا ثوب اللج قيسي عليج ادخلي اسبحي
ورتبي نفسج
رونق مااقيسه ولا اطلع الاي احد وزواج ماازوج ابد
امي تزوجين وانتي رجلج فوك راسج عوزي بعد بس انتي تتشرطين عليه
الي اكوله يصير وبدون نقاش
طلعت امي واني شمرت العلاكه وتغطيت
بقيت مدده ومتغطيه جابتلي سهاد الغده
رونق اخذي الاكل واطلعي برا
سهاد اوي اني شعليه بكيفج تردين تاكلين تردين تبقين
اتصلو على ماما وحددو الموعد الي يجون بي
امي دخلت للغرفه
يله كومي اسبحي وبدلي بسرعه
رونق مااكوم وماازوج
راسا امي تقدمت وشالت الغطه وكمشتني من شعري
كومي احسلج انتي تعاندين
وضربتني راشدي فرت راسي فر
واخذتني سحل للحمام
امي يله اسبحي واطلعي بسرعه اني منتضرتج هنا
لا ولله ادخل امسح كاع الحمام بيج فهمتي
فتحت الدوش ودموعي نزلن قبل المي
اسبح وادعي على نفسي وعلى حضي الاغبر
كل شويه ادك الباب عليه
يله ماخلصتي بسرعه همي ايدج
طلعت واخذتني للغرفه وكالت السهاد لبسيه الثوب ورتبي شعرها بسرعه
سهاد ونرجس لبسني
رونق فدوه سهاد احجي ويه ماما مااريد ازوج اريد اكمل دراستي
سهاد ازوجي واسكتي بلكت يطلع احسن من اهلي وتخلصين من هاي العيشه
انتي نقطه سوده بهذا البيت والكل يريد يخلص منج
رونق ياربي شسويت اني
لبسني نفنوف مخصر كلش حلو لونه سماكي وبي شغل فضي بسيط
ومشطن شعري سوونه ذيل حصان ليوره
وسهاد خلتلي مكياج واني مسحته
سهاد ليش مسحتي
رونق احسن واذا مايعجبه بعد احسن خفتا وراحه
امي حضرت الكيك والعصير وبدلت وكشخت وعطرت البيت
رجعت عليه ليش ماخليتي مكياج
سهاد خليتله ومسحته
امي ليش مسحتي اعرف جاي تخبثين بس لو بلاش هم انطيج اله بعد مااتحملج بهذا البيت ابد
اسمعي بس يجون تدخلين ومااريد اسمع صوتج ابد
تكعدين وتسكتين
حتلو يسئلونج لا اجاوبين
للحكايه بقيه تفاعل حلو مثلكم
اجيت ماانشر لان من الصبح الهسه والتعليقات كلش قليله
ليش هيج ماتردون قصه
شكرا لزيارتكم عالم روايات سكيرهوم
