رواية خطيئة الماضي الفصل الرابع بقلم جمانه السعيدي
رونق شوية وندكت الباب طلع بابا استقبلهم ودخلهم جوا
وراحت ماما سلمت عليهم ورا شويه
اجتني يله تعاي
رونق يمه فدوووه
امي اس يله بسرعه اني محضره الصينيه جيبيه وتعاي
وراي لا اطلعين صوتي كدام الناس
راحت امي مسحت دموعي ورحت للمطبخ شلت الصينيه
ورحت وراها
دخلت واني مدنكه حتى سلام ماسلمت
امي ههه هاي شبيج سلمي لا تستحين
رونق بصوت ناصي مرحبا
اول اجيت اقدم البابا بس بابا كال قدمي الاثير بلاول
وصلت يمه وابد مارفعت راسي بس شفته لابس قاط
رصاصي
أثير هلو رونق شلونج
رونق تمام
قدمتلهم ووصلت يم امي كالت اكعدي
كعدت يم امي واني بوزي شبر ومارفعت راسي ابد
أثير اي رونق انتي بيا صف
...سكتت ماجاوبت ابد امي كرصتني جاوبي
امي ههه نجحت للسادس
أثير اي وشناويه تصير بلمستقبل
امي يمعود شسوي بلمدرسه اهم شي بيته وزوجه
أثير انتي ليش ساكته ماتحجين
رونق امي جاي اجاوب
أثير اريد اسمع صوتج ناويه تكملين دراسه
رونق انشاء الله
امي لا شسوي بلدراسه اصلا هي تحب البيت وماتطلع ابد
رونق رفعت راسي وباعت بوجه اريد اكمل دراسه اكيد
جمانه السعيدي
أثير تخبل شكد حلوه كلش عجبتني شكله حلو وزغيره
رديت عليه اكيد تكملين دراسه
خلاص شوفو طلباتكم شنوووو ورجعوها خبر بأسرع وقت
اني شقتي كامله
رونق ياربي كلبي انقبص كمت وطلعت حتى ما استاذنت
رحت للغرفه نزعت الثوب ولبست دشداشه وتمددت وتغطيت
معقوله هاي امي حتى الولد يكول تكمل دراسه وهي تكله
تكعد بلبيت بس اريد افتهم هي شتربد مني
شنو هاي القسوه الي بكلبه عليه
بعد نص ساعه طلعوووو
وامي اجت للغرفه
...انتي شبيج شلون تردين بعدين ليش طلعتي
رونق ولله حرت وياج انتي مو كلتي اسكتي
اني سكتت بعد شتربدين فهميني
امي حضري نفسج بلجمعه عقد الشيخ ومااريد اي نقاش ابد
بدت امي تحضر وكنما مامصدكه راح تخلص مني ابد
دزوله فلوس وهي راحت جهزت بكيفه
واشترت ذهب
وجابت ملابس اله والخواتي والاحمد من فلوس المهر
البيت كله محتفل الا اني
مااعرف مصيري شنوووو
اجا يوم العقد واخذتني للصالون اني ماقبلت اصبغ ولا اميش بس حفافه ومكياج
اشترتلي بدله تركوازي وشعري بس سرحته وعافته مثل ماهو
طلعت حلوه اني شكلي طفولي خدود وبياض
رجعنا للبيت واجو اهل العريس اني كاعده وماده البوز شبر
الكل الله تخبل شنو هذا الجمال
عقدولي بلاول وبعدين عقدو للعريس
اجا دخل راد يبوسني واني ابتعدت بعدين امي دفعتني
على وباسني براسي
لبسني الذهب كعد شويه وطلع
ثاني يوم جابلي موبايل واجا هديه بس اني ماطلعت ابد
شكد حجت امي واني ماقبلت اطلع
طلعت اعتذرت منه وكالتله مريضه
جمانه السعيدي
رجع اجانا مره ثانيه طلعت علي بشكلي العادي لا بدلت ولا تمكيجت
يحجي واني بس اهز براسي حاول يتقرب مني
راسا كمت وطلعت وبعد مارجعت للغرفه ابد بقه كاعد وحده شويه وطلع
امي كانت مراقبتني وشافت كلشي
وخافت يبطل من الزواج
بدت اتسرع بالإجراءات الزواج
ماحسيت غير محددين يوم عرسي
هلمره رحت اتوسل بابا
عقلي مجاي يستوعب الفكره مااريد ازوج
بابا وليش ماتزوجين بله
رونق مااريد
بابا كلشي كمل تزوجين ومااريد اي اعتراض
صحيح اني مامتئمله منه يوكف وياي بس حاولت ومافاد
اجا يوم العرس واني من الصبح كلبي مقبوض
رحت للصالون
اكو عرايس غيري ثنيين بس الكل يكول
الله هاي العروسه الحلوه تخبل
رغم اني مبين عليه حزينه والبوز مادته شبر
بدت ام الصالون تمكيج واني مثل الحايط اي مشاعر
ماكووو كلما تسئلني شنو رائيج بس اهز راسي
كملت مكياج وامي اتصلت باثير
اجا اخذنا للببت بسيارته
كعدت بلببت واني اباوع على كل ركن بلببت واذكر كلشي مر عليه وكل الاحداث الي صارت
واليوم المشئوم الي غير حياتي
اجت الزفه وطلعنا للشقه كبل
دخلنا امي دخلت وياي واثير امه واخته موجوده
والعشى محضرينه
شويه وامي اجتني للغرفه
...صيري مطيعه واي شي يكوله زوجج كولي حاضر
ولله اذا ضوجتي يارونق ماتلومين اله نفسج
طلعت وراها بشويه طلعت ام العريس واخته
جمانه السعيدي
دخل للغرفه
أثير مبروك الف مبروك اخذ ايدي وباسه
اتمنى اكدر اسعدج صحيح اني اكبر منج هواي بس
راح احاول أقرب المسافه بينا
اساعدج تغيرين ملابسج
رونق لا اني اغير وحدي
أثير يله براحتج راح اخذ دشداشتي ابدل برا وانتي من تكملين تعاي نتعشى
طلع واني قفلت الباب خفت كلش خفت
هاي الازمه الي مريت بيه وعقاب امي سوا حاجز بنفسي
اكره اي احد يقربلي
ومستحيل راح اخلي يقربلي ابد
بس شلون ياترى راح يقدر حالتي لو لا
نزعت البدله ولبست تراك بيجي وفتحت التسريحه وجمعت شعري بقراصه وطلعت
هو شافني ومستغرب من شكلي حيل
كعدت وماكدرت اكل ابد
خايفه من الي راح يصير بيه عقده عمرها ١١ سنه
كلما اتخيله يتقربلي يصير عندي مغص
كمت ورجعت للغرفه
أثير ليش ماتاكلين
رونق مو جوعانه
شويه واجا وراي للغرفه
كعد بصفي شنو رائيج بلشقه
رونق حلوه
كلما يقرب عليه ابتعد الحد كمت من الجربايه كله
أثير شبيج انتي خايفه
رونق اي
أثير لا تخافين اني مراح ااذيج ابد تعاي اكعدي اني مقدر
انتي زغيره وتخافين ومراح اجبرج على شي ابد
اني مامستعجل عادي خل نتعرف بلاول
انتي تعبانه مبين عليج التعب نامي ورتاحي
نامي اني مراح اقربلج ابد
فعلا نام على الجربايه واني بقيت كاعده شويه بعدين فرشت ونمت بلكاع
بس ماكدرت اغفه ابد
اليله الله هدا وعافني باجر شلون
الصبح هو كعد قبلي ليش نايمه على الكاع
رونق فتحت عيوني
أثير كومي نامي على الجربايه
...لا اني مرتاحه هيج
...لا كومي مايصير تنامين بلكاع
شويه وندكت الباب ام أثير جايبه ريوك وجايه
اني ماطلعت عليه ابد
جمانه السعيدي
بليل اجو اهلي يباركولنا وامي سئلتني اني كتله ماسوينا اي شي مااكدر
وهي هجمت عليه حقيره شنو ماتكدرين هسه تشردين الرجال منج
سكتت كلشي ماحجيت رغم هي السبب بوضعي هذا
اني جواي خوف مااكدر ابد
بليل اجا وقت عذابي بدا اثير يقنع بيه واني مراح ااذيج
وانتي بس سلميني نفسج
اني عقلي وجسمي ماخذ وضع الدفاع لان معشعش بي ان هاي الغكره غلط اي غلط لو ما غلط مابقيت اتعاقب ١١ سنه بسببه
اكيد قرب أثير مني غلط
راسا جسمي اتشنج واخذت وضع الجنيين بطن أمه
لميت جسمي وكمت ارجف
حتى لا يقربلي ابد
راسا هو خاف وابتعد عني
أثير لا تتشنجين اني مراح اقربلج ابد
استرخي
رونق بس اني حاضنه اركبي باديه وجسمي كله يرعش
نزل أثير نام بلكاع بس شنو عصبي نار بس ينفخ
كعدت مالكيته طالع
الضهر رجع جايب غدا بس كلش ضايج
سلم عليه من ورا خشمه
كعدنا نتغدا وكال ماتكلليلي شنو مشكلتج
رونق ماكو اي مشكله
أثير اي شببج احجي خل افتهم راسي من رجليه
رونق مابيه شي
أثير ضربت ميز الطعام بقوه شنو مابيج شي لازم اكو شي احجي
رونق اني كمت ابجي ورحت للغرفه
أثير استغفر الله ربي
جمانه السعيدي
ثالث ليله تكرر نفس الموقف جسمي يتشنج واخذ وضع الجنيبن واكوم كلني اختض
بس احسه يريد يقرب مني
عافني هلمره وراح للغرفه الثانيه بس شنو عيونه اطير شرار
الصبح كعدني كال اريد ريوك
كملت الريوك وكعدنا
أثير اريد اخذج للدكتوره انتي هاي حالتج مو طبيعيه ابد
رونق مااروح
اثير شنو ماترحين هذا وضعنا عاجبج
ترا اني مااكدر اصبر اكثر اني المن مزوج اليوم صار خمس ايام واحنا على نفس وضعنا
لازم اكو حل
لو تحجيلي انتي شببج لو ترحين للدكتوره
جمانه السعيدي
اني ماعندي حل ثاني فهمتي
لو هسه اتصل باهلج يفهموني شنو الموضوع انتي حالتج مو طبيعيه ابد اكو شي
ترا اني مو زغير وماره عليه اشكال واللوان
واعرف الانسانه الطبيعيه من الانسانه المريضه
انتي اكو سر بحياتج اني مااعرفه
احجيلي يجوز اكدر اساعدج يجوز المشكله بعدها بلبدايه
واكدر اسيطر عليه
احجيلي واني راح اساعدج صدكيني راح اساعدج
رونق حسيته من كلامه انسان متفهم وماطول صبر عليه خمس ايام
ايجوز اذا احجيله كلشي مر عليه
راح يتفهمني ويساعدني واكدر اخلص من هذا الكابوس الي عشت بي ١١ سنه
خل اجرب احجيله واشوف ردت فعله شنوووو
