رواية سراب الفصل الرابع بقلم جمانه السعيدي
سراب....هاي اليله كل عمري مراح انساها
متت وجع وخوف واريدها تخلص ماكووو
رحت سبحت وبدلت ملابسي ورجعت اربد انام مااكدر
الساعه بلسبعه اجت امه جايبه ربوك
قشطه وجبن وبيض سلك هو كعد واني بعدني مانايمه
كوه اكلت لكمه لان تعبانه حيل
ام رشيد...يله بدلي وتحضري خاف بجونا ناس
كمت بدلت وبقيت كاعده
الساعه بلعشره اجت امي بس شفته كمت ابجي
امي..هاا خير ليش تبجين
سراب...اريد ارجع البيتنا من البارحه مانايمه تعبانه وعندي وجع داخلي
امي..ياستار ياربي لا تكولين هيج كل البنات يصير عدهن وجع وبعدج مامتعلمه هسه تتعلمين عليهم
كعدت امي شويه وراحت واني كمت مااشوف من النعاس
قبل الغدا رحت تمددت وغفيت
رشيد....هااا نمتي ماكفاج نوم البارحه اكعدي تغدي امي طابخه فاصوليا وتمن تخبل
سراب..مااريد راسي يوجعني اريد انام
جمانه السعيدي
طلع رشيد ونمت ماادري بنفسي للعصر واجت اخت رشيد نكعدني اجو ناس يباركولج
كمت غسلت وبدلت وطلعت
شكلي كلش تعبان ولا عبالك عروسه حتى مكياج ماخليت
كعدن النسوان شويه وطلعت
عمتي ام رشيد...جيبي الواجب اني الي اواصل النسوان مو انتي وهنه اجن علمودي
اخذت كلشي مني الفلوس والهدايه
اربع ايام وبس تعاملت كعروسه وبعدين بدا الشغل والكراب
مو عبالكم بيتي
لا شرطت عليه عمتي اجي يوميه انظف بيتهم واطبخ الغدا عليه
وكنت كل يوم اكعد من الصبح رشيد يطلع للشغل واني اعبر عليهم انظف واطبخ رغم هي عدها ثنيين بنات كبار بلبيت
ومو هنا المصيبه المصببه البخل رشيد واهله كلش بخلاء
ويحسبون حباية التمن
ابد ماكان ينطيني مصرف ولا يشتريلي اي شي
والمسواك على كد اليوم والواحد
يعني اني اروح انظف واطبخ وعمتي تنطيني غدانا لان رشيد لا يتسوك ولا يجيب شي ويااا
مرات نتغدا عدهم ومرات بيتنا
بليوم يجيبون صنف واحد فواكه وكل واحد ياخذ قطعه
ومرات ماكو فواكه
جمانه السعيدي
امي ماتجيني ولا يقبل رشيد اروح البيت اهلي
يكول زوج امج رجال غريب شنو رايحه البيتهم خل هي تجي
لمن اتصل على امي اشكيله حالي
تكوول اصبري هذا حال كل البنات المزوجات قابل انتي واحد عن البنات
سراب...ماما ولله نص بطني جوع وتعبانه
امي...اي وشتريدين قابل اكعدي واسكتي
كان هذا رده بكل مره اشكي حالي
شفت ايام سوده
وياريت على التعب والجوع جان تهون رشيد صاحب علاقات
عده علاقات اكثر من شعر راسه
زعلت منه اول ماعرفت عادي ولا عبرني ولا اهتم الزعلي
اصلا يتصل بيهن كدامي
سراب...ليش تسوي هيج
رشيد..شنو
سراب...تتصل على البنات قابل اني شنو ناقصني
رشيد...اتسلى
سراب...شنو تتسلى شوف نفسك شوف وضعي وياك
رشيد...شبي وضعج كاعده وحدج تاكلين تشربين بلاش
شتريدين بعد
سراب...الحياة مو بس اكل وشرب
رشيد...احمدي ربج وشكري لا تسوين نفسج عليه ماكو منج
ترا امج دللت بيج لمن ملت واني شخصيا بس سمعت بيه
ادور عروس
كل شويه ادز عليه تعال اخذ بنتي بدون اي مقابل
مو هسه صرتي ماكو منج وابت الوزير
جمانه السعيدي
سراب...امي
رشيد..اي امج لا تسوين نفسج ماتعرفين كل المنطقه تعرف امج كانت ادورلج رجل تريد ازوجج وتخلص منج
اكعدي وانجبي وحمدي ربج فهمتي لو لا
ومااريد اسمع صوتج مره ثانيه
قابل اني شمسوي حجي بلتليفون جايب صاحبتي ونايم بفراشج
سراب...بقيت مصدومه من كلامه ليش امي هيج رخصتني ليش تخلي الناس تعيرني
بس طلع اتصلت عليه
سراب...ليش يمه هيج رشيد يكول امج عرضتج علينا
وينقص من كرامتي
امي....شنو يعني عادي بنيه وردت استر عليه حتى المثل يكول اخطب البنتك ولا تخطب الابنك
المهم ازوجتي وستقريتي
سراب...ياا استقريت اتحاسب على اللكمه وعايشه خدامه بيت اهله
امي...وشتريدين بلضبط تردين تكعدين والناس تخدمج
اي وحده تزوج لازم تخدم زوجه واهله لو انتي تختلفين مثلا
كنت كلما اشكي الامي وضعي مااطلع بنتيجه
ورشيد واهله يعرفون مالي احد ومتفقين عليه
من اشوف البنات تروح للمدرسه اموت من القهر
بعد شهرين من زواجي طلعت حامل ابد مافرحت بهذا الحمل لان اني وضعي موزين شلون وضع ابني
حامل ومالي خلك ونفس الخدمه ونفس الشغل ابد ما رحمو حالي لا زوجي ولا اهله
بعد اربع اشهر من زواجي ابو احمد طلك امي وعافه
خلاص خلصت ونسته واخذ الشي الي يريده وعافه
اتصلت عليه
سراب...ليش هيج يمه ضيعتني وخليتني اعوف المدرسه
وزوجت انسان مايرحم لا هو ولا اهله علمود تاخذين راحتج
تالي اطلكتي لو عايفتني بمدرستي هسه جان اريد اخلص
امي...اوي انتي ليش كلما تتصلين تبقين تعاتبين بيه
خلاص ماكو نصيب
سراب...شلون كلتي راح يكون زواج دائما ويسجل شي بسمي
امي..نصيب خلاص اني هلمره راح اختار صح
سراب...شنو تختارين صح انتي ناويه تزوجين بعد
امي...وليش لا قابل شنو ناقصني ازوج واعيش حباتي
سراب...يمه فدوه ارحمينا من كلام الناس آلله يخليج
امي...اي كلام الناس اني شعليه بكلام الناس الناس راح يصرفون عليه اني اريد رجال يصرف عليه
مادام زواج بلحلال خلاص اني ماسويت شي غلط
انتي بس انتبهي الحياتج ولا ترجعين عليه مطلكه
فهمتي لو لا
سراب...اي مطلكه بطني واصله الخشمي اني بعد اعتمد على نفسي واعيش
حتى كراهتي الناس بينا ومحد يسئل علينا
اتقبلت وضعي وسكتت ورشيد فلس ماينطيني
اذا احتاج شي ابقه احجي واللح علي يله يجيب شغله وحده وعاديه
صح مااشوفه يصرف على صاحباته لان هو بطبعه بخيل
بس مخلص كل الوقت وياهن والكلام الحلو والرومانسية كله الهن
واني خدامة للخلفو
جمانه السعيدي
كنت اروح الامي مره وحده بلشهر ومااشوفه فرحانه بيه
بلعكس كانت كاعده على الموبايل وملتهيه تراسل
وتتصل وتضحك وتسوالف
اكعد وحدي وأمل وارجع البيتي
مرات اصفن واكول اني المن عايشه
شنو هدفي من هاي الحياة
بس افكر باابني واسكت قررت أعرض على رشيد بس اجيب ارجع للمدرسه
سراب...رشيد اريد احجي وياك
رشيد..اذا نفس الكنكنه مال كل يوم اسكتي
سراب...لا اريد ارجع للمدرسه ولله الشهاده صارت كلش مهمه
رشيد...ماتسكتين بطنج الخشمج وتريد ترجعين للمدرسه
ابنج من اله
الشغل منو يخلصه البيت منو بي
سراب..مو اخو اتك يدرسن
رشيد...ابد لا تقارنين نفسج بخواتي فهمتي لو لا
سراب..ليش
رشيد. .خو اتي عزيزات عليه واريدهن يحصلن شهاده
سراب..واني شنو حيوانه
رشيد...اي انتي حيوانه عليج الشغل والطبخ وبس
يله كومي ومااريد اسمع هذا الكلام مره ثانبه
يابه سعاته شكد حسيت نفسي مكسوره
فعلا الإنسان الي يرخصون اهله محد يغلي ابد
لمن وصلت بلحمل للشهر التاسع
اتفاجئت امي اتصلت عليه تكووول اني راح ازوج
سراب...تحجين صدك
امي...اي ولد شاب ممزوج عمرا ٣٠ سنه تعرفت علي بلفيس
ويريد يزوجني
سراب...يمه شنو هذا الحجي ولد شاب يررد يزوج وحده اكبر منه ومزوجه مرتين ليش
امي...لان يحبني
سراب..شنو يحبج خاف عرف البيت بااسمج
امي...شوف هاي اي بيت انتي حاسبه هذا بيت
اصلا اني راح ابيعه وهو يشتريلي بيت احلى واكبر بلبصره
سراب...بلبصره
امي...اي اني مجاي اخذ رائيج بس حبيت يكون عندج علم
سراب...يمه افهميني اني على وجه ولاده ومحتاجتج يمي
وانتي تفكرين تزوجين وبغير محافظه
يمه اني مالي احد غيرج لا تعوفيني
امي...عود اتصلي بيه بيوم الولاده واجيج
اني باجر اسافر خلاص وراح نعقد بلبصره والبيت بعته على الدلال
لان لكيت بيت يخبل بلبصره راح يكمل فلوسه ناصر ويشتريلي بيت
سراب...يمه فدوه ليش هيج تعذبيني اني مالي احد غيرج
ابدال ما تحنيين عليه
تردين تعوفيني وترحين
امي...شبيج كمتي تونيين هياته البصره راح اجي اطمن عليج على طول
سدت التليفون وماحجت وياي اي شي معقوله هاي ام
حتى البزونه احن منه على جهاله
ياربي هذا شنو من بلاء
لا رجال بي خير ولا ام حنيبنه
