رواية خيط الدم الفصل الثالث بقلم زينب طالب
والله زَحمة
تذَكر ببالَك سوالِف
تترِس عيونَك دَمعتَك
تركض تعوف اصدقائَك
حَتى ترتاح بغرفتَك
تبقة تبچي
هواي تبچي
تحاوِل تگوم عَلى حيلَك
نوب تحتار بوگفتَك.
__$$$$$$__
شفق: شنوووو شدتحچين يوووم
وين أختي
سهام: اهوووو بلا دراما مالتچ گتلچ
تزوجت وراحت لبيت رجلهاا وسعيدة
لاتضلين تنگين وراهااا
_لاانتِ اكيد اكيد تخبلتي، ضربتني
كف
سهام: لزمي لسانچ حقيررة واعرفي
شلون تحچين وياي، أختچ تزوجت
وراحت خلاص سدي هالموضوع
ان شاء الله هم يجي واحد كلب انطيج
الةة وأخلص منچ
_عافتني ودخلت لغرفتهاا، طلعت من البيت
اركض وبيبي تصيح عليةة مارديت عليها
دگيت الباب طلعت هدوء شهگت من شافتني
شمرت نفسي بحضنهاا ابچي
هدوء: عزززا شفق هاااي وينج ولججج
متت عليچ وين رحتِ شگدد دورنة عليچ
اني وابوووية ماكوو ولج شبيييچ ليش تبچينن
شصايرر وياچ شفق شمسوين بيچ ويننن چنتِ
_اريد ارد عليهاا مااگدر احس نعگد لساني
دخلتني للبيت فرحوا بيةة عبالك بتهم استقبلوني
احسن من اهلي واني بس ابچي مارديت عليهم
اخذتني لغرفتهاا فوگ نطتني مي شربت
هدوء: كافي مسحي دموعچ ماتعودت عليج
هيچ ضعيفةة احچيلي شبيچ ووين صارلج
ثلاث ايام مختفية ردنةة نقدم بلاغ اني وابوية
وماقبلوا لازم امچ لو احد من اهلچ وامچ ماقبلت
دحچييي عاددد شبيچ خرسيتي ...
_ ولچ هدووء امي سووتهاا وزوجت جوري
اختي بعدهاا صغيرة اطتهاا رجال اكبر من ابوية
امي غدرتني ولچچ هدووء طعنتي مرتين
زوجت اختي بدون علمي ومادورت علية
من اختفيتت ولچ گليلي ووين اكوو ام
هيچ تسووي بنتهاا معقوولة تطلع موو امي
هدوء : والله حقچ ماالومج زواج جوري
چان صدمة النةة كلنة خصوصا بالوضع الجنتوا
بيه واختفائچ تعجبنةة من تصرفهاا عبالك
لگتهاا فرصةة حتى ماتعارضيين لو توگفين
بوجهه،
كاافي راح يووگف گلبچ من البچي الصار صار
واختچ تزووجت شتردين تسووين يعني
بلكت يطلع خووش رجال ويخاف الله بيهاا
_واني ابقى على الاحتمال لاوالله مااسكت
شنوو بكيفهاا هسةة اروح اجيبهاا واجي وزلمة
ليوگف بطريقي
هدوء: تنديلن بيتهاا
_هاا لا وين اندل اصلا مو من المنطقة حسب
لسمعتةة منهاا بعيدين مناا بس اخذ العنوان منهاا
هدوء: وهيج امچ راح تنطيه الج والله
تحلمين امچ تمووت على الفلوس لاتزعلين
مني ولگت هذا الزواج كنزز الهاا اكيد مطمعيها
بشيي متشوفيها استقتلت تزوجهاا
_لعدد شلوون دبريني شسوي ولچ
ادية تربطت والله راح اتخبل
هدوء: انتضريها تجي اكيد تجيكم زيارة
وشوفي وضعهاا او تسمعي على امج
دائماً من تخابر او يجيها هذا الحيوان
لابد يجيبوون سيرتهاا اذا عرفتِ
عنوانها الباقي سهل، هسة گليلي انتِ.وين
وليتي مو فتيتي گلبي
_اخذت نفسي وبديت احچيلها كلشي
صار وياي بذيچ الأيام السودة احچي
وابچي وهية خلصتها علية يااا، صدگ،
عزززا وبعدين..
هدوء: ولچ شفق سالتفتچ ما تتصدگ
شنو يخطفچ يومين ويطلع وشنوو
قصة المسجل وتصرفاتة الغربية ساعة
يضربج وساعة يتغزل بعيوونچ شنو مخبل
مجرم لو معقدد لو فيوزة ضاربة؟
_لامخبل ولامجرم بس سالفتةة مو خالية
والقصيدة مااعرف شنوو وليش يشغلها
بأستمرار بس لمخبلني هو المنطقة
كلها تدري هذا البيت مهجوور يعني
مابيه ناااس معقولة محدد يعرف هو هنا
هدوء: تدرين كم مرة سألت ابوية عليه
يگلي اهلة سافرو قبل اكثر من خمس
سنين ونترك لاتإجر ولا نباع وكل ليرد
يتقرب منة يتاذى حتى الصووت العالم
تريد تعرف منوو ليشغل القصيدة بس
كلهاا تخاف متتقرب، حتى شرطة اجووي
دخلو فتشووا مالگو شيي بيه هذا منين طلع هسة!
_من ادخلين الةة يخووف اظلم وسخ
ومبين مهجوور مااعرف شلون عايش بيه
يقبض الگلب
هدوء: هسة شنوو تفوتين من الشارع بعد
وتوگفين تسمعين القصيدة؟
_الاتخبلت يمعودةة ماعولت اطلع مناك
مويومين عبالك سنتين نوب تصرفاتة
كل شوية شكل ساعة حباب ساعة
عصبي غلى گولتچ ضاربات فيوزة
،
يلةة اني اروح
باچر اجيج من وقت حتى نروح
ودعتها ورجعت للبيت چانت بيبي تصلي
رحت سبحت لان صارلي كم يووم واحس
نفسي عفنت جلفت نفسي وتوضيت
وطلعت مشطت ولبس احرام الصلاة
وفرشت مصلايتي يم بيبي استغربت
هية وحچت فرحانةة
جمارة: يمةة فدوة شفق بيبي تصلين!؟
_حچيت بخجل احس نفسي مستحية
ااي بيبي اني وعدت ربي اذا طلعت من
ذاك المكان بسلامةة راح أرجع التزم
جمارة: الله يبارك بيچ حبيبة يلة
صلي وفتحي گلبچ لربچ واشكي
هموموج وشوفي شلون ترتاحين
_بديت الصلاة كملت وسجدت على التربة
ودوعي تنزل"أللهي اقسم عليك بحبييك
محمد احفظ اختي من كل شر يارب ماعندي
غيرك يتيمة وضعيفة حال ومحد الية يارب
قويني يارب"
دعيت بهاي الكلمات البسيطة احسها
طالعة من گلبي احس حتى مااعرف ادعي
شنو يجي على بالي اگول بدون تقيد ولاتصنع
من بعد الصلاة حسيت هم ونزاح من صدري
دخلت للغرف گبل چنت بس اريد انام
تعبانة بشكل حتى امي ماسالت عنها ماشفتهاا
خليت راسي على المخدة لزمت الگلادة.بيدي
بستهاا واني اتذكر من جابها ابوية الية
چان هو وبيبي بالنجف حتى يزور قبر
جدو واخذوني وياهمم وگف على وحدة
من البسطيات اخذ گلادة چانت مثل خرز
السبحة وبيهاا مدالية صورة الامام علي (ع)
لبسهاا الية وباس راسي وحچة بحنية
"من تطيحين بشدة ندبي مايقصر وياچ"
نزلت دمعتي وينك؟ وين رحت وعفتني
شلون نطاك گلبك تغمض عيونك وتروح
جوري المدللة امي ضحت بيهاا وهسة
مااعرف شصاير وياهه واني اني
يابة چبيرتك نذليت من بعدك يابة والله
نذليت
نمت واني دمعتي علي خدي، گعدت
من وقت لگيت بيبي گاعدة سويت ريوك
وتريگنة سوية واني اسمع سوالفهاا الحلوة
لمتنمل نطيتها علاجها كالعادة وبستها وطلعت
واني اسمع دعواتهاا الحنونة الية
مريت على هدوء اخذتهاا ورحنة سوة
اني ساكتةة فكري كلةة خاف المديرة متقبل
ارجع صارلي كم يووم مرحت يجوز بطلتني
خاف تقهرني وهية تحچي بشيخ جعفر صرعت
راسي والله لو يطلع بيدي اخذها واذبها بيته
واخليها تشبع شووف منةةة جان سويتهاا
هدوء: شبيچ مو ااحچي وياچ
_شكوو
هدوء: شتگولين اذا شفتةة اسلم عليه
غير جيرانة وحق الجار على الجار
_بقيت ادوور منا ومنااا عاطت بيةة
هدوء: شبيچ تتلفتين
_ادور حصوو اخلي بجيبج بلكت تثگلين شووية
هدوء: موقت شقاج احچي جد ترة
_اگلج ماتنچبين ترة راسي صاير طبل
وخايفة لاهاي تعنفص عليةة وتطردني
من المدرسةة وين اطي وجهي
هدوء:تفائلي بالخيرر يمعودة هنة كم يوم
غبتِ شصار قابل حتى اني مادوامت
_اني مو مثلچ هدوء انتِ طالبة
اني لاا اشتغل هناك وهم مو موضفة لا
استعطاف لاااكثر ولااقل
سكتت وكملنة مشي وصلنة للمدرسةة
هية ركضت تصطف واني دخلت چانت
المديرة بعدهاا بالساحة گعدت انتضرهاا
حتى اتعذر منهاا
شوية ودگ الجرس دخلن الطالبات للصفوف
واجتٓ هية تفاجأت من شافتني
ست كوثر: شفق هاي شعندج اجتِ؟!
_ست اني أسفة چنت مريضة بالفراش
ماگدرت اجي اخذ اجازة وو قاطعتني
ست كوثر: تبريرچ مالة داعي انتِ مفصولة
مناا اني من البداية كنت رافضة شغلچ
هناا لان اخاف من الكلام وهسة اجت اافرصة
مستحيل اخليج ترجعين بعدد
_لا ست فدوة والله بعدد ماتتكررر بس
چنت مضطرة والله موقصدي فدوة ستت
ست كوثر: انتهى النقاش طلعي برة وممنوع
بعد تعتبين المدرسة كافي كل هاي المدة
عايشة بقلق من ورة حضرتك لاينكشف امرچ
للتربية لان شغلتج مو قانونية ومن البداية غلط
_عزت علية نفسي اتوسل بيهاا بعد
طلعت من الأدارة ومن المدرسة كلهاا
ودمعتي الحارة نزلت على خدي حيل
صايرة رخيصةة وعلى اقل شي تنزل
ومشيت واني احس نفسي تايها
مااعرف وين اروح وين انطي وجهي
شنو اگول لأمي ماأعرف راح تعذرني لولا
مريت من الشارع اللعين دخلت بيه باوعت
للبيت بحقدد تمنيت عندي القوة وادخل
اتفل بنص وجهة كل من وراه انطردت
تعودت من الشيطان ورجعت للبيت لايرجع
يحبسني هالمرة محد يرحمني لان رحت
برجلي الةة وصلت للبيت چان الباب
مفتوح تعجبت اني سديتة وراي دخلت لگيت
بيبي نايمة وامي ماكو اكيد بعدهاا
نايمة بس حيست بصووت بغرفتها
تقربت اسمع صوت رجال يحجي وياهاا
همس، فتحت الباب بسررعة لگيت
امي بحضن وليدد بوضع المتزوجين
صرخت بفزززع شنووو هايي نصدموو من
شافوني طلعت وسديت الباب وبقيتت
ادگ بيهاا قوووي واصيح طلعووو
ولچ يوووم بفراش ابوووية شتسوووين
ستررري نفسچ وطلعي بسرررعة
طلعتت بيبي
على عياطي صافنةة عليةة بيبي امممي
ووليد جوووو هزت راسهاا بأي ودخلت للغرفة
عبالك تعرفت صدمتني ردة فعلهااا
طلعت امي ساترة نفسهاا وتبرررر
سهام: شفق لاتفهمين غلط ترة وليد
رجلي والله لايروح بالچ بعيددد
_احس صاعقة نزلت عليةة
زوووجج شتحچيين يوووم وين وشوكتت
تزوجتي ومنوو وليد الساقط الابوية مايطيقة
ابووية اي يوووم وابوية شنو نسيتتتِ مااصارر
سنةةة من مات تزوجتتتي ونسيتييي ومن ورانةةة
سهام:كاافي صوتچ ولچ فضحتينة اي
تزوجت بدون مااگول وين تقبليين اذا اگلج
هاا غير تتسودنين عليةة
_شنوو متوازيةة الا تزوجين يعننيي
سهام: ااي متوازيةة انتتتِ معليچ بيةة
كم مررة گتلچ اني اممچ مو انت امي
فهمي هالشي ولاتتمادددين
_مااشوافچ تتصرفين مثل الأمهات حتى
اعووفچ براحتتچ يومية مسويتلي مصيبة
من زواج جوري لمعاملتچ الننة وهسةة ختمتيها
بزواججج من هذاا السااقط
طلع الكلب من الغرفة يتبخترر ويحچي
بأستفزازز
وليد: ترةة زعجتينة بصوتچ وفصلتينة
شمسووية أمج عيب لو حرام تزوجت شنوو
ترديها تبقى على ذكرى الوالد كل عمرها؟
_انت انچب ولاتحچي محد موجهلك كلام
نرعص من غلطت عليه تقدم عليه ولزمني
من رگبتي دفعني للحايط قرب وجهة مني
ويحچي بخبث وانفاسة الخايسة تلفح بوجهي
وليد: سمعي لچ من زمان انتِ ماعاجبتني
ومااطيقچ احسچ شيطان صغيرر
وعاجبني اربيچ من جديد واجتي
الفرصةة على رجليهاوراح اگعدد على
خوانيگج الا اسودنچ
واخليچ دربچ متندليه ووين صبري على
رزقچ، راجعلچ يحلووة..
_ذب سممة وعافني وطلع لزمت رگبتي
امسح المكان ولعبانة نفسي واباوع عليهاا
بغضب عينهاا گويةة ولامكسوورة انتبهت
على لبسهاا مال عرايس ومكياج والشعر
مفتووح استحقرتهاا حيل تمنيتها موو امي
تمنيها هية ميتةة ولاأبوية عافتني وفاتت لغرفةة
اجتي بيبي لزمتي نترت ايدي منهاا
كلةة منچ تدررين بيهاا وماحچيتي ليشش
هيچ ضعيفةة شخصيةة والله ماچنتِ هيچ
لو گايلةة الية چان منعتهاا چان لحگت عليهاا
قبل لاتتزووج هسةة شسووي گليلي وهيةة
جايبتة على فراش ابوووية أخخخخ گلبي
ولك يابةةة تعال شووف امي شووف حبيبتك
لچنت مدللها وماترفضلهاا طلب تعال شوفها
بيمن بدلك وباعتت عشرتك بواحدد ساقط
مايسووة فلسسس عفتهاا ودخلت للحمام
فتحت المي ودخلت بهدومي افرگ
برگبتي أرريدد اوخر لمساتة عليهاا
ودموعي تنزل مع المي بقيتت وقت
طويل بالحمام واني اتمنى ينتهي عمري
هناا ألمن بعدد عايشةة ولمنوو
لاام ولاب لا اخت شلي بالدنيا بعدد
ندگ الباب وصوت هدوء تصيح
هدوء: شفق طلعي شسووين صار ساعة
ولج ماعولت الدوام يخلص واجيج فتحي
الباب احچي وياچ
_فتحت الباب نصدمت بمنضري شهگت بخوف
هدوء: يمةة اسمم هاي شصاير بيچ
ولچ عيونچ رايحة تعالي وياي
_تقدمت حضنتي واخذتني للغرفة احس
حيلي رايح طلعتلي هدوم وبدلت الية
واني مثل الدمية بين اديهاا نومتي على فرشتي
وتمسح بشعري بحنان وتحچي بهدوء
هدوء: مااعرف شنو اگلچ بس انتِ
قوية وراح تعدين كل هذا صدگيني
تصير سوالف وتضلين تتذكريها صحيح
راح تأذيچ بس بذاك الوقت انتِ معديتها
لاتضعفين هيچ اني استمد منچ القوة
انتِ مثلي الأعلى شفق أمي دووم تعيريني
بيچ من تشوفني تافهةة وبس ضحك ولعب
تگلي صيري مثل شفق شايلة مسؤولية اهلها
ماتوقعت اشوفچ بهالحالة واذا صردتچ
المديرة صدگيني راح تلگين مكان احسن
من المدرسة وشغل احسن اني واثقة واذا
زعلانة على أمچ هم حقهاا تزوج بعدهاا صغيرة
لاتفكرين بأنانية متكيفين تشوفيها سعيدة؟.
_ليش احنة مانگدر نختار اهلنةة
هدوء: هذا قدرنةة وهذا نظام الكون
كلشي الله خلاه اله بيه حكمة لاتجزعين
شفق شوفي بيبيتج شلون حلگها يابس
عليچ لاتروح منچ ولچ هاي امانة ابووچ
_كلة من وراهاا تدري بيها وما خبرتني
ولچ گاعد اموت الف موتة ماتحسين بناري
شگدد مااحچي ولچ امي موتتني بهاي فعلتهاا
ولچ هدووء امي نارر بگلبي متطفةة والله
هدوء: وشنوو طالع بيدچ تسووين بس
دتأذين نفسچ وتأذينة وياچ ترة من نشوفج
هيچ نموت الف موتة ومنگدر نسويلچ شي
امچ تزوجت وخلاص تقبلي الأمر الواقع
ومنا باچر نطلع اني وياچ ندور شغل مادام
جمعة وماكو دوام اقنع اهلي واجي وياج
بس بروح ابوچ بطلي بچي خليني اروح
واني مرتاحةة لاتخليني ابات يمج
_لالا روحي خطية اهلچ محد يمهم
باچر اجي عليج، باستني وطلعت
شفت بيبي دخلت للغرفة تمددت وتباوع
علية بقهر زحفت يمهة مثل الطفل فتحت ديها
الية شمرت روحي بحضنها شبگتي بقوة
وشكوو بچي وقهر وهم ذبيتة بحضنها
وهية بس تمسح على راسي بدوون كلام
ضليت على هاي الحالة الى أن غفيت
للمغرب گعدتني
جمارة: يلة بيبي گومي دنيا غروب
ميصلح نايمةة گومي ذكري ربچ
وصلي
_هزيت راسي الهاا ونهضت لميت الفراش
ورحت توضيت لگيت امي مخلية رجل على رجل
وتباوع تلفزيون والجگارة بيدة نضرت الهاا بحقد
سهام: مو اجي افگسس عيوونچ
_مارديت عليهاا دخلت صليت
وية بيبي وسويت بس الية والهاا
عشة وتعشينة بالغرفة ماطلعنة برة
سالتهاا
هم تعرفين بيت رجل جوري اريد
اروح اطمأن عليهاا
جمارة: لاوالله يبيبي بس اكيد
امچ تعرف
_متنطي اليةة لو اموت گدامهاا
جمارة: كم يووم اذا مااجت
نحچي وياهاا بلكت تاخذنة الهاا
_الله كريم، گمت غسلت المواعين
ونضفت المطبخ ورجعت حضرت ملابس
الية لباجر اروح ادور شغل وتمددت بفراشي
صافنة عالسگف ومااعرف شنو تاليهاا
احس عقلي راح ينفجر من كثر السوالف
البيه جوري من جهة وامي وطلايبها
لو ابوية لليوم مالزمت خيط يأكدلي
هو مات لو نقتل بس اني احساسي
ميخيب ابد من شفتة بذيچ الحال
عرفت ابوية نغدر من تلفلفت قضيتة
بسررعة عرفت وراهاا احددد بس منووو
منووو وليششش هذا لماجاي اوصلة
بقت الافكار توديني وتجيبني للفجر
يلة گدرت انام فزيت الصبح باوعت
الساعة 8 نهضت بسرعة دخلت سبحت
بسرعة وتوضيت وصليت لگيت بيبي
محضرة الريوگ اكلت بسرعة وهية تحجي علية
جمارة: ولج بيبي على كيفيج لاتغصين
_ااممم شربت الچاي وركضت لبست بنطرون
وقميص يصير اخضر بلون عيوني ضفرت
شعري رشيت عطر باوعت لنفسي
راضية على شكلي لازم اطلع مرتبة حتى ليشوفني
يقبل يشغلني نضرت نضرة اخيرة وتذكرت كلماتةة
واني ابتسم
اول مرة اشوف سمرة وعيون خضر
بعددت التخيلات من راسي وركضت اطلع
من الغرفة مريت بهدوء واخذتهاا وياي
حچيت بحيرة، اگلچ وين نروح هسةة؟
هدوء: نمر للمطاعم هذني عالشارع
اكيد يردون وحدة تشتغل انتِ عندچ مانع.
تشتغلين بمطعم؟
_لايمعودة يصحلي شغل واتبطر عليه
مادام بالحلال اي شي اشتغل
هدوء: تمام ماشي ولچچ شفق شوفي
_شكوو شبيچ يمعوددة
هدوء: شيخ گلبي
_هههههه ولچ هدوء ضحكتيني واني
ضايجةة حبيت الاسم شيخ گلبي
هدوء: بس شووفي النور لبوجه
عليچ الله مو بس يعجبج تباوعين
_كافي سكتي لايسمع خلينة نعبرر
سحبت ايديهاا وعبرناه سريع چان يركب
سيارتة يريد يطلع
هدوء: عفية شوفيلي حل ترة مليت
_شكوو شبيج؟
هدوء: اريد اتزوجةة شلوون يعني
_والله صلفة
هدوء: تدرين مرات امي تروح تسيرر
على الحجية امة أريد اروح وياهاا
بس اعرف روحي اذا رحت اخبصص
وافضح نفسي وانتِ ماكو حتى تلزميني
_اي عفية لاترحين تفضحينة ترة
هسة تعالي لهذا المطعم دخلنة چانوا
الناس يتريگون سألنة على المدير
گتلة تردون عاملة ماقبل لان الكادر
كلة ولد طلعت رحت لغير مطعم وهم نفس
الكلام والثالث والرابع بديت افقد الأمل
_يلة كافي خلي نرجع
هدوء: لا شوفي ذاك مطعم خلي نسألة
بلكت يقبل
_طاوعتهاا ورحت چان الزلمة يطلع.
عمرة بالاربعينات يصيحولة الباشا
مدري على شنوو سألنة باوعلي من فوگ
ليجوةة
الباشا: الچ الشغل تريدن
_اي اليةة
الباشا: بس احنةة منطقة شعبية هناا
ماكوو بنات تشتغل بمطعم راح تعبين
وتتعرضين لهواي مضايقات
_بس اني محتاجة شغل مااگدر
اروح غير منطقة بعدين اني اعرف
احفظ حالي والله راح اعجبك
سريعة ونادرة وبسرعة اوصل طلبات
ابتسم على حماسي
الباشا: تمام بس لازم اجربج يووم
اذا عجبني شغلج تباشرين
_تمام موافقة بس شنوو طبيعة عملي
وشگد تنطيني
الباشا: لازم ب7الصبح انتِ هناا ينتهي
دوامچ4 انطيچ 15الف واذا تحبين شفت
ثاني من4 ل12 باليل تاخذين 25
_اي شفتين يناسبني
الباشا: اهلچ يقبلوون ل12 ترجعين للبيت؟!
_اي اي يقبلوون هسة شنوو شوكت ابدي
الباشا: اذا تحبين ابقي اليووم حتى اذا
خوش تشتغلين ومتسختين اثبتچ عندي
_فرحت حيل، سحبتني هدوء على صفحة
هدوء: ولچ شفق اني هذا ماارتاحيتلةة
شوفي شلوون يبصبص عليچ وشنوو تگولين
ترجعين ب12ولچ شنو مارايدة روحچ
_اگلچ اني حبيت المكان شوفي حلو
صحيح كلةة ولد بس ميخالف احسن
من البنات والغيرة مالتهن وتردين الصدگ
اريد اخلص من البيت صرت مااطيق
اگعد بيه بعد روحة جوري وزواج امي
هدوء: والله مااعرف شگوول بس مامرتاحة
_لالا اني مرتاحة ان شاء الله خيرر علية
هسة انتِ روحي واني باقية
هدوء: تمام ديري بالچ على نفسچ
_هزيت راسي باستني وراحت
رجعت يمة لگيتة يباوع علينة
حچيت هسة شنوو اسوي هسةة
الباشا: وينك عزيز تعال
_اجة ولد ضعيف اسمر طويل مسوي
ذيل حصان لابس ملابس الشغل الخاصة
بالمطعم
عزيز: أمرني باش
الباشا: البنية راح تشتغل ويانة
باوع علية وحچة متعجب
عزيز: بنية تشتغل وهنااا ويانة
الباشا: اي ولك شبيك متعجب،
هسة تاخذها تعلمها على الشغل
تخليها بس تودي طلبات وتجيب
يعني شغلهاا براني مو بالمطبخ
وارجعلي رايدك
عزيز: عيوني اللك باااش، لحگيني
انستيي
_ابتسمت على طريقة كلامةة ، رحت وياه
دخلني جوة بالمطعم وعرفني على العمال
الموجودين چانو يطلعون 4شباب همة مسؤولين
على الطلبات 2للطابق الفوگ الخاص بالعوائل
و2للطابق الجوة
عزوز: سمعي تجيج الطلبية هناا الشاب
يجهزوها وانتِ تقديمن يعني مترحين للمطبخ
وتاخذن طلبات الزبائن تنطيهنن لذاك الولد شوفيه
وهو يدزهاا من يكمل الطلب تستلميه وتقدمية
يعني شغلتچ سهلة بس تقدمين، الصبح قليل
ناس بس الضهر والليل كثرة فنريد همتچ
يعني لاسوالف ولاراحة بس شغل الكم نصف ساعة
ترتاحوون بيهاا فقط تاكلون تغسلون وبعدهاا تباشوون عملكم
_زين اني اريد اشتغل فوگ يعني بجناح
العوائل انسب اليةة
عزوز: الانسب الچ الباش يحددة هسة اسالة
هاي الملابس بعد ميصر لازم ملابس الشغل
تأخير ماكو والا تنخصم من يوميتج واهم
شي عدنة الالتزام بوقت الدوام صار واضح
_اي فهمت، راح وعافني وبلشت شغل.
وقت الضهر صار ازدحام على المطعم
ماقبلوو اصعد فوگ بقيت جوة الباشا
چان بس يراقب الشغل الولد يگلولون
مو دائما يجي كل كم يووم عزوز هو الشايل
المطعم صرت اجيب طلبات واودي الصينة
شثگلها اشيلهاا واقدم واحس العيون علية
بس اني مااهتم الهم للضهر احس ضهري
نگص باوعتت الساعة ب4 خف شوية الشغل
بدو يجهزون للعشة گعدنة استراحة
اكو غرفة جوة للعمال دخلو بيهاا صاحوني
اتغدو وياهم ماقبلت بقيت برة لان خفت من
اول يووم ابيع ميانة حسيتهاا واگفة الشغلة
جابولي لفة وببسي اكلت چنت جوعانة
كلش وراهاا بلشنة بالعشة والشغل
اكثر شي باليل تعبت كلش بس مالازم
استلسم وين احصل شغل بعدد بالي
يم بيبي هسة ضل بالهاا علية لساعة
10 اجاني عزوز
عزوز: تعالي الباشا رايدج
_رحت يمةة تفضل استاذ؟
الباشا: اني اليووم راقبتح الصراحة وشفت
شغلج حيل حلو وخفيفة وممتهاونة اتمنى تبقين
كل الايام هيج
_اي والله ابقى هيج هسة شنو استاذ اكمل
وياكم بعني
الباشا: اي طبعا بس اليوم روحي من وقت بلغي
اهلچ وجهزي حالچ وباچر تباشرين، عزوز
جبت الوصيتك علبه
عزوز: لعدد شلون باش وهاي احلى ملابي
للآنسة تفصلي عزيزتي
_اخذتها منة شنو هاي؟
الباشا: ملابس العمل الخاصة بمطعمنة
وهاچ لزمي هاي اليوم تعبتي لازم نطيچ
شي بسيط ومن باچر ان شاء عزوز
يحاسبج متفقين
_اخذت منة چانت 10الاف وحچيت بتعب
متفقين
الباشا: تحبين اوصلچ وياي اني رايح هسةة
_لاشكراً بيتنة قريب، سلمت ورحت بس
شنوو تعبانة وفرحانة لازمة الملابس والعشرة
احس اول مرة اشتغل بتعبي بدوون منية
حتى من چنت بالمدرسة احسهم متفضلين علية
خلصت الطريق كلةة ركض لان ضلمة
وصلت للبيت دفعت الباب شفت بيبي
بالطرمة من شافتني صاحت
جمارة : ولچ وينن رحتي ليش هيج تأخرتي
_بستهاا ودخلنةة جوة شنوو لعد هدوء ماخبرتج
جمارة: لااجتني ونطتني علمم بس ماعبالي
تبقين لهسة ولج الساعة فوگ العشرة بيبي
_ لااليوم رجعت من وقت باچر ب12 اجيچ
جمارة: ياايمة اخاف عليج شلون تمشين
وحدچ بالليل
_اووو بيبي شكو قابل لاتخافين حفيدتج
بطلة يلة خليني اسبح وانام لان گمت اشوفج
3صدك جنتچ وين
جمارة: هاا جوة بغرفتهاا
_بعدد احسن، دخلت للحمام سبحت وطلعت
صليت رادت بيبي تسويلي عشة بس چنت شبعانة
لبست هدووم خفيفة وفتحت شعري ينشف ونمت.
واني متحمسةة لباچر راح يطيني اكثر شنو اسوي
بيهن اضم 10 منهن واگلها يوميتي 15لازم اجمع
اريد اوكل محامي اريد افتح قضية ابوي من جديد
على هاي الافكار اخذتني النوومة وغفيت
بين النايمة والگاعدة احس بأدين تمشي على جسمي
وانفاس تلفح بوجهي نزعجت فتحت عيووني وانصدم بالشخص لگبالييي....
شكرا لزيارتكم عالم روايات سكيرهوم
