رواية عوده مستحيله الفصل الرابع بقلم جمانه السعيدي
نسرين...بقيت كاعده واني اسمع كل أنواع الاهاين والغلط
اني شسويت بروحي
راسا طلعت ام وليد تمشي بعصبيه من الغرفه وتحجي بصوت عالي اني بس شفته وكفت من الخوف
ام وليد .. شوفي مو جايه تضحكين علينا روحي شوفي ملهى يلفيج
ترا وليد غشيم وبسرعه ينضحك علي
اما اني اعرف هاي الشكول زين
اطلعي ورجعي منيين مااجيتي مو تردين تشمرين بلاج علينا
وليد.. ووين تروح تدرين الطريق شكد بعيد
ام وليد.. تروح الجهنم الحمره منيين مااجت ترجع
وليد .. يمه اهدي شويه وخل افهمج
ام وليد .. اني افهم شي واحد وبس اذا هي بت ناس ومحترمه ماتعوف بيت اهله وتجي ويه شاب عزابي طريق مثل هذا علمود كلمة احبج
الحب مو كلام يابت الناس الحب افعال الي يحب مو يخطف الي يحب يخطب ويزوج
جمانه السعيدي
نسرين...اني واكفه ودموعي مثل الشلال اعرف كل كلامه صحيح واني غلطت بحق نفسي وبحق اهلي بس بعد مااكدر ارجع ابد
هاي مصيبه ووكعت عليه
هسه اهلي اكيد كعدو وجاي يدورون عليه
ولله لو باقيه ومزوجه ابن عمي وراضيه بلامر الواقع
احسن من هاي الاهانه والرزايل
راسا ام وليد تقدمت عليه وبعصبيه دفعتني طلعتني بلشارع
وسدت الباب
اسمع وليد يكله يمه خطيه وين تروح
او وليد...لا تخاف عليه تكدر أدبر اموره وحده صلفه مثله عافت بيت اهله واجت وياك محافظه ثانيه
تكدر أدبر امورها
وليد .. خل انطيه مصرف حتى فلوس ماعدها
ام وليد ..اني كلت ماتطلع وراها يعني ماتطلع وراها
اني واكفه وابجي منتضره وليد يطلع ويشوفلي مكان اروح بي
راسا طلع من بيتهم وامه واكفه ورا
طلع ٢٥ الف من جيبه وكال اعذريني الضروف أقوى مني
ماجنت حاسب حساب امي ماتقبل
اني سمعت ذني الكلمتين واني احس جسمي انشل
معقوله وليد جابني وعشمني وهسه يتخلى عني
جمانه السعيدي
نسرين...انت شجاي تكول
وليد.. اسف
اخذت الفلوس وشمرتهن بوجه
نسرين....شسوي بلاسف مالتك انت دمرتني اذا انت مو رجال ليش جبتني ليش جذبت عليه
وين اروح كلشي مااندل وكلشي مااعرف
حرام عليك الله لا يوفقك الله لا يرضا عليك تلكاها بعرضك انشاء الله
حوبتي ماتتعداكم الله ينتقم منكم
دخل للبيت وطبك الباب
واني بقيت محتاره بزماني مااعرف شسوي
رجعت كمت ادك بلباب
نسرين...وليد لا تعوفني مااعرف وين أروح
افتح الباب شوفلي حل لاتعوفني بلشارع
بقيت واكفه وادك بلباب ومافتحلي ولا عبرني
واكفه واتوسل بي بس ابد مارد عليه
كعدت ابابهم وكمت ابجي الدنيا صارت ضلمه بعيني
وين اروح ماكان ابالي غير هاي الكلمه وين اروح
اريد اغمض وافتح عيني والكه نفسي ببتنا
راح اقبل بكلشي ولا هذا الموقف الي اني بي هسه
جمانه السعيدي
بيت حجي عدنان ابو نسرين
كعدت هدى من النوم شافت فراش نسرين فارغ
نزلت لكت امه وابوها بلمطبخ يتريكون
هدى.. صباح الخير
امي وابوي.. صباح الخير
امي.. وين نسرين جان كعدتيه وياج
هدى... نسرين ماكو بفراشه
امي ايجوز بلصحيات يله تعاي اتريكي اليوم عدنا شغل هواي كعدت هدى تتريك بعد عشر دقايق
امي....روحي شوفيه وين خل تتريك حتى نضف المطبخ
ابوي لا تلحين عليه هواي عوفيه عروسه وتدلل
هدى .. ماكو نسرين لا بلحمام ولا بلتواليت
امي... اصعدي اتاكدي منه خاف نايمه وانتي ما انتبهتي
هدى صعدت فوك ونزلت ماكوووو
ابوي ....شبيج خبصتينا يامره وين تروح قابل
طفرت امي وهدى وابوي دورو البيت كله وماكووو
امي ...يمه عززززا بنتي وين راحت
ابوي اسكتي لا تفضحينا ايجوز طلعت وهسه ترجع
ابوي اتصل على الولد كللهم ارجعو للبيت بسرعه اختكم ماكووو
بلبدايه ابوهم كال استكو لا تسوونه هوسه خل ننتضر ايجوز طالعه وترجع
للساعه عشره بعد مابقه صبر
كلمن طلع بجه ايدور عليه
عند الخياطه عند صديقاته بيت عمه بيت خاله عد الجوارين
صعدت امه ادور مالكت الجنطه الي حضرته البارحه
اذكرت شلون حضنته وتبجي
عرفت نسربن انهزمت من البيت
كعدت وكامت تلطم وتبجي
امي ...يابويه بنيتي راحت مني نسرين انهزمت
نزلت على الدرج حجي الحكلي نسرين انهزمت
ماكو جنطة ملابسه
البنيه انهزمت يمه بنتي وين راحت
منو ضحك عليه
جمانه السعيدي
حجي شلون البنيه وين نلكاها
ابوي من الهبطه كعد بلكاع وشفايفه يبست
ومايعرف شيحجي وشيكول
هاي المصيبه مامتوقعه ولا حاسب احسابه ابد
جمانه السعيدي
نسرين تعبت واني اتوسل بوليد يفتح الباب ويشوفلي حل
اني كلشي مااندل ولا اعرف اي شي
وليد بقيت محتار بين امي ووضعي المادي الصعب وبين نسرين مسكينه نسرين اني ورطته وطلعته من بيت اهله
بس مااكدر اكسر كلام امي
واذا طلعت وي نسرين منيبن راح نعيش ووين نسكن
الإيجارات غاليه والوضع صعب واني بعدني طالب
المفروض احسب حساب كلشي قبل لا اورطه وياي
اسمعه تدك بلباب وتبجي ولله كلبي انعصر عليه
بس مابيدي شي عليه ابد
امي فاجئتني وخيبت كل توقعاتي
نسرين تعبت كلش اليل كله مانابمه وبس ابجي
وهسه ابجي جسمي كام يوجعني
لا اكل ولا نوم وتعب وحزن وخيبة امل
كلهن التمن عليه
بقيت كاعده بابهم بلكت وليد يحن كلبه ويفتح الباب
بلكت الله يهدي ويفتحلي الباب
مااعرف وين اروح
صارت الدنيا ضهر والشمس تحرك حرك وهو مافتح الباب
حتى مي مانطاني حلكي يبس من العطش
مااكول بس حسبي الله ونعم الوكيل عليك
اني غبيه عفت اهلي وركضت ورا واحد مثلك
