رواية اوجاع يتيمة الفصل الثالث بقلم جمانه السعيدي
كل يوم يمر بسنه
مامهون عليه العيشه وياهم اله اهتمام حسام
وسوال عمي بس هذا الغثه عامر كلش اخاف منه
وهو يعرف اني اخاف منه
وجاي يتماده وياي
واني ما اكدر احجي
المن احجي والمن اسولف معقوله يصدكوني ويجذبون ابنهم
طبعا همه بيتهم جبير وحلوة وفوك اكو غرفتين وصحيات
اني وبناتهم انام بغرفه والثانيه مسوينها مخزن
والغرفتين الجوه وحده العمي وعمتي والثانيه للولد
بس حسام
ماينام ويه عامر بنفس الغرفه لان عامر يرجع نص اليل سكران ومايدري
بنفسه ويطلع صوت ويسويها هوسه
حسام مايتحمل هاي الهوسه
يروح ينام بلصاله ويعوف الغرفه العامر ينام بيها وحدا
جان دائما يحجي على امه ايكلها لاتنطينا فلوس
جمانه السعيدي
انتي خربتي بدلالج وهاي الفلوس الياخذها بدون وجع قلب
وهي تكول هسه يكبر وينعدل
وهو كلما يكبر يستهتر بلزايد
وزيد مشاكله اكثر واكثر
ويوم اجاهم شرطي مبلغ علي ضارب واحد سجينه وناقلينا للمستشفى واهله مسجلين دعوه
وخطيه عمي فرفح بين المستشفى
واهل الولد واخذو سجنو يومين
وعمي دفع تعويض الاهل الولد وتنازلت
اني من انسجن فرحت وكلت كون مايطلع وافتك منه ومن ا
اذيته
طلع وبليلتها عمي كام يحجي علي ويصيح
ماشفنا منك بس المشاكل والاذيه يمته تعقل مو تمرضت من وراك
بقه بليلتها بلبيت ابد ماطلع واني كملت تنضيف المطبخ
واريد اصعد عمتي كالت هاي ملابس اغسليهن كبل لاتصعدين
اجيت للغساله عاطله ماتشتغل مدري شبيها بس المجفف يشتغل
خليتهن بلطشت وكمت اغسل بيدي
اتاخرت يله خلصت وتعبت
جمانه السعيدي
طلعت شريتهن لكيتهم نايمين والبنات صاعدات بغرفتهن
ثاري عامر كاعد وجان يتربصلي
بس دخلت للمطبخ حضني ويريد يبوسي واني ادفع وما اكدرله اقوا مني
...شبيج بس بوسه بوسه وحده
...وخر عني ترا اصرخ واكعد الي بلبيت كلهم
...لاتصيرين شريفه براسي النهار كله تتمضحكين ويه حسام
ترا ماكو فرق اني اخو حسام وكلشي اعرف اسوي
ادفع بي مايندفع
...ولله لوتموت ما اخليك تقربلي حقير وخر عني
.عامر ..حقير حقير بس خلي ابوسج واشمج ولج شلعتي كلبي
التفتت شفت اكلاص البراد بصفي سحبته وضربته براسه
...اخ ...اخ...اخ ياحقيره يا ساقطه
نزل ايده ولزم راسه
اني شفت الدم نزل واني انهزمت بسرعه سويت الدرج خطوتين من الخوف خاف يلحكني
على هذاالصوت كعد حسام وامه
امه يااااا يمه وليدي شنو هذا الدم
حسام شبيك
شبي راسك شنو هذا الدم
بعدين كعد عمي على الهوسه
عامر مابيه شي دخت وملت على البراد وكسرت الكلاص براسي وجرحني
راحت امه جابت كطن وشاش وضمدت جرحه
جمانه السعيدي
ثاني يوم جنت خايفه انزل خاف حجالهم على الي سويته
بعدين نزلت على كيف على الدرج واسمع عمتي
تشكي حاله الابو
....يا سوده عليه داخ وزين ما انفتح راسه وكله من وراك
ضليت تحجي علي
وضوجته واذا تعارك كلها الشباب تتعارك
وانت متعجب اصلا ولدنا ماكو مثل اخلاقهم
.ابو حسام .يا مره منيله الاخلاق مفشلنه كدام الله وعباده
يوميه مشكله مو هذا اخو الله يستر علي بلدراسه شاطر بلشغل شاطر
مثل رعبال وخبال وستهتار هذا ما شفت
عود اوصيج اطي فلوس خلي يستهتر بلزايد
...هسه اني شمطيته هلمكرود
..ولله ماغيرج واحد خبله
اني ارتاحيت يعني ما جابني بلطاري جنت كلش خايف
وميت حسبه اجت ابالي
نزلت سلمت عليهم وكعدت اتريك وبعدين بديت شغلي
للساعه ١١ كعد من النوم واجه للمطبخ وهو يخزرني
....البارحه فلتي مني بس مره الثانيه ما تفلتين
وهذا الجرح
اخذه مضاعف منج فهمتي
ايناس ياربي شلون بيه وين اولي وين اروح
عمتي من جهه وعامر من جهه
ياربي اني بحماك لاتعوفني
انت تعلم بوضعي اني ماليه تحد غيرك ابد
شكرا لزيارتكم عالم روايات سكيرهوم
