رواية اوجاع يتيمة الفصل الرابع بقلم جمانه السعيدي
خلصت ثالث متوسط والحمد لله مع ان درجاتي ضعيفه بس زين ونجحت من الحرب القائمه بعقلي من الخوف المسيطر عليه
طول هاي الفتره الكضت واني اتختل بلبيت مثل الحرامي
خايفه من عامر
اصفن واكول معقوله هذا اخو حسام العاقل المؤدب
مره دخلت اسبح وهمزين بعدني ما نازعه ملابسي
فتحت الماي ادفي وما اشوف اله خيال رجلين واحد واكف يباوع عليه من فتحت الباب اتاكدت هذا عامر
لان عمي وحسام بلسوك ولبنات مايسونها
النذل عامر وحده يسويها
كلش خفت خفت افتح الباب ويدخل عليه للحمام
جبت صابونه وسديت فتحت الباب
وسديت الدوش وضليت كاعده ماسبحت
لحد ما مل وراح
ياربي عايشه برعب من ورا
ادعي ليل نهار تجي مصيبه واخلص منه
دمر اعصابي النذل
جمانه السعيدي
اجو ناس خطابه السمر بت عمتي نجاة واجت عمتي
تستشير عمي حتى يسئل عليهم
وفعلا طلع خوش ولد
وحددو موعد الجمعه للمهر
بنات عمتي فرحن همزين حفله وراح نتونس وراحن اشترن ملابس ومكياج وتحضرن
واني كلعاده اباوع بعيوني وساكته
اسمع امهن تكول كلنا انروح وتبقى ايناس بلبيت قابل بيتنا يبقى فارغ
اذكرت مرت ابو سندرلا من تاخذ بناته وتعوف سندرلا بلبيت تنضف
عمتى هاي الشريره الي ويه سندرلا
بس الله مايكطع
قبل المهر بيوم اجت عمتي نجاة واستئذنت من عمي اروح وياها ابات يمهم ليله قبل المهر لان هي والبنات مشتاقات اليه
وعمي قبل ومرته انضربت بوري معدل
سبحان الله يمكرون ويمكر الله ولله خير الماكرين
رحت ويه عمتي واني شلون الطير ونطلق
امشي واتنفس حيل
يمه جني عايشه بسجن
وصلت فرحن البنات بيه ولكيت عمتي مشتريتلي فستان يخبل بنفسجي على وردي
مخصر ومن جوه مثل السمجه
وحذاء وشال كريمي
والبنات حفن وجهي وعدلن حواجبي
وبيوم المهر اخذني وياهن للصالون
سويت مكياج هادء وحلو
شفت نفسي بلمرايه طلعت وحده ثانيه ابد مو اني
شغلنا الدي جي
والعالم التمت واجو بيت عمي
وتفاجئت عمتي والبنات من شافني
...دهر الصابج ياااا هاي ايناس
عمتي نجاة ياااا جا شبيها ايناس تخبل
هي حلوه من زغرها
...اي ولله مدري شكلج يبت سهام يلوك
ضجت من حجيها حتى اليوم الفرحانه بي لحكتني غراب البين تنكد عليه
طلعت للمطبخ اشرب ماي جان اجه حسام
شافني وكال العفو اختي سوي مجال العريس يريد يدخل
ودنك راسه
.
اني ضحكت ياااا حسام ماعرفتني
...رفع راسه ونزل حواجبه هااا
ايناس ولله ما عرفتج
ولج هاي شطالعه خرب ابليسج
اني ضحكت ودنكت
جمانه السعيدي
...ولج اليوم البنات والعروس طلعن كسر محد يباوع عليهن
يله سوي درب للولد
دخلت كلتلهن ودخل الولد كعد يم العروسه
واني اباوع عليهم واتخيل اني وحسام هيج
طبعا حسام طويل وجسمه حلو واسمر بس سماره يخبل ودائما انيق ومرتب
رفعت راسي شفته ياشر عليه
عود شعرج طالع من الشال
عدلت شالي وبتسمت
جان يكول طالعه تخبلين بس بدون صوت بس يحرك شفايفه
واني كلبي عافني وطار
حسيت حراره بجسمي
يمكن صخنت ما ادري
كلما ادنك وارفع راسي الكا يباوع عليه وعيونه يلمعن
خلصت الحفله وحسام جاب جكليته وفتحه ونطانياها
وكال الله يجعل كل ايامج فرح وسعاده
كتله شكرا
وبكلبي اكول وياك السعاده الحقيقيه
راحو اهل العريس وبقو بس الاقارب بنات عمي كالن احنا نريد نبقى هنا اليله انبات يم العروسه
اني كلت اي ولله اني هم ابقه
جمانه السعيدي
جان طفرت عمتي ام حسام وين تبقين خاتونه من البارحه بايته هنا انتي ترحين وياي
عمتي نجاة اتوسلت بيها
كالت لا هي باتت ليله وهسه تروح وياي البيت هوسه
التفتت عليه عمتي نجاة وكالت بصوت ناصي
...عمه روحي حكم القوي على الضعيف
وفعلا رجعنا للبيت الوكت جان قبل المغرب بشويه
عمتي توسلت نبقى للعشى بس ماقبلو يبقون
رجعنا لكينا هذا المسموم بلبيت
. عامر ..يمه وين بناتج
...بقن يم عمتهن بس ايناس اجت وياي
...عمي كام يصلي وحسام راح يشتري رصيد
واني صعدت ابدل حتى انزل اسوي عشه
همزين دخلت الغرفه وقفلت الباب
جاي افتح بسحابة الثوب حتى انزع
واشوف واحد يفتح بلباب
لزمت ثوبي من صدري حتى لايوكع وكلت منوو
عامر هاي اني اريد اعتذر منج افتحي الباب
...شكرا اعتذارك مقبول ممكن تعوفني ابدل وانزل حتى اسوي عشه
...افتحي الباب اريد احجي وياج
...عامر شتريد الخاطر الله عوفني
...احبج ولله احبج وعندي كلام اريد احجي وياج
يحجي ويحرك بايد الباب ايريد يفتحها
....باوع عامر كل كلام ماكو بينه عوفني رحمه الاهلك
هسه عمتي تكوم تصيح عليه تأخرت
واني لازمج يله افتحي الباب ونزلي
...وخر من الباب الله يخليك
...بت المطي اني شمسويلج وهيج كارهتني
..مامسويلي شي انت خوش انسان وترا هذا الي تغلط على عمك يصير وعيب هذا الحجي
عمتي كامت اتصيح يله يلمسعده وين صرتي كل هذا تبديل
عامر يله اطلعي امي تحاجيج
خفت افتح الباب ويدخل وما اكدر احمي نفسي
ايناس عامر الله يخليك عوفني اني ما افيدك
عامر وقابل اني شموسيلج اريد احجي وياج
بس انتي ما تقبلين تنطيني مجال
ايناس رفعت عيني للسما ورفعت اديه يارب اني بحماك
وادري انت ماتعرف واحد بحماك
يارب خلصني من هذا الوحش
انت تعرف حالي
وماكو غيرك يحميني
يارب لاتعوفني
شكرا لزيارتكم عالم روايات سكيرهوم
