رواية مريضه نفسيا الفصل الثالث بقلم ملك ياسر
سالي بخضه و زعيق: انتي ازاي تدخلي كده ي بتاعه انتي مين سمحلك اصلا تدخلي مش في باب بنخبط عليه و نستأذن ولا هي وكاله من غير بواب.
مراد ببرود: لمي حاجتك و امشي ي سالي و بعدين بص ل ليلى و قال: و انتي تعالي نضفي الاوضه... و سابهم و دخل الحمام.
سالي قامت بعصبيه و قالت: ماشي ي مراد انا هعرفك ازاي تطردني و تقل مني قدام واحده زيها.. و خدت حاجتها و زقت ليلى و هي طالعه.
ليلى كانت كل ده واقفه مصدومه من اللي شافته و بعدين بدأت تنضف الاوضه و هي مقروفه.
طلع بعدها بشويه من الحمام شافها و هي مقروفه و بتنضف المكان وقف قدام المرايا يسرح شعره و حط برفانه... ليلى لاحظت انه طلع و قفت تبصله بقرف و هو شافها في المرايا.
ليلى بغيظ: مكنتش متوقعه انك تطلع بالقذاره دي.
مراد بصلها و قرب منها بغضب و ضربها بالقلم وقعها على الارض.
مراد بعصبيه: اعرفي انتي مين و فين و بتتكلمي مع مين ي بت ده انتي حتت خدامه لا راحت ولا جت و بعد كده متدخليش في اللي مالكيش فيه.
ليلى بصتله بدموع و هو خد حاجته و مشى.
و اخيرا سمحت ل دموعها تنزل و قالت: مش هسمحلك تمد ايدك عليا تاني و انا هعرفك انا مين ي مراد صبرك بس عليا.
أيمن كان واقف بيكسر في كل حاجه حواليه و: اناااا اخسر صفقه زي دي بسبب عيل ولا راح ولا حاجه مبقاش انا ايمن لو مهدتش حياتك باللي فيها.
مراد وصل الشركه و كان الكل عمال يبصله بقرف و بيتكلموا عليه... استغرب بس مداش اهتمام راح على مكتبه و طلب قهوه...
السكرتيره دخلت بالقهوه و سابتها على المكتب و بصتله بقرف و كانت هتطلع بس..
مراد استغرب اكتر... بعدها بشويه لقى باب المكتب بيترزع ووو
سالي بعصبيه و صوت عالي: بتفضحني في الشركه ي مراد و عايز تبوظ سمعتي.
مراد بإستغراب: انا مش فاهم حاجه من الصبح و انا بحاول اعرف الموظفين بيبصوا عليا كده ليه بس مش عارف و انتي جايه تقولي الكلام ده وضحي قصدك ايه ي سالي.
سالي و هي بتضرب بإيديها على المكتب و بتصرخ: ما انت السبب و انت اللي فضحتني عامل فيها اهبل و مش عارف حاجه انت حيوان.
مراد بعصبيه قام و مسكها جامد و قال: انا لو عايز افضحك فعلا كنت عملت كده من زمان و بعدين هفضحك و افضح نفسي انتي مش ملاحظه نظرات الموظفين لينا عامله ازاي فهميني حصل ايه؟
سالي بغيظ طلعت فيديو و كانت هي و هو في اوضة المكتب بتاعه و في وضع مش تمام.
مراد عيونه وسعت من الصدمه و قال: مين... مين عمل كده ده انا هخسر صفقات كتير بسبب الفيديو ده لازم نحل المشكله دي بسرعه.
سالي: انت عامل على مصلحتك و مش خايف عليا و على سمعتي منا قولتلك نتجوز ي مراد لو كنت سمعت كلامي مكنش ده كله حصل.
مراد: مستحيل اتجوز تاني ي سالي و انتي عارفه ليه ف ياريت متفتحيش الموضوع ده تاني... و بعدين قعد على المكتب و..
مراد بتفكير: محدش بيدخل اوضه المكتب دي غيرك و انا محدش يعرف عنها حاجه حتى هيكون مين يعني عمل كده؟
سالي بتوتر: معرفش.. معرفش شوف انت مين دخل مكتبك يفتش فيه.... انا ماشيه مش هقدر اقعد اكتر من كده في المكان ده.
سالي روحت بيتها و فضلت قعدت هناك و قالت: ربنا يستر و ميكشفنيش لو عرف حاجه هتبقى ليلتي سوده.
أيمن بخبث: متخافيش ي سالي الموضوع اكيد هيتنسى بعد فتره بس اكون خدت حقي و لغيتله كم صفقه كده يوقعوه شويه.
سالي: انا مش عارفه ازاي سمعت كلامك.
أيمن: انتي مش عايزه تتجوزيه برضو ولا ايه؟
سالي: اكيد طبعا بس مش بالطريقه دي انا سمعتي كده باظت.
أيمن: مين قالك كده بس ده انتي المفروض تكلميه و تخليه يكتب عليكي.... انا مش عارفه هو غبي ده ولا اعمى يعني حد يبقى معاه سالي و ميتجوزهاش ده انتي جوهره يبنتي.
سالي: هنقول ايه بقى البعيد اعمى و حب مراته عاميه اكتر
أيمن: هي مش المفروض ماتت بقى يعني الحي ابقى من الميت.
سالي: ده المفروض مش عارفه هيحس بيا امتى الغبي ده... المهم دلوقتي روح بيتك انا عايزه ارتاح شويه اليوم كان فظيع.
أيمن بخبث: طبعا طبعا... تصبحي على خير.
ليلى خلصت شغل و مشت راحت البيت... لقت اخوها على الارض و رضوى جنبه عماله تعيط.
ليلى جرت عليه و قالت: مالو خالد ي رضوى حصله ايه و مكلمتينيش ليييه؟
رضوى ببكاء: مش عارفه السخنيه راحت المفروض بس لقيته اغم عليه فجأه بحاول افوقه مش عارفه اعمل ايه ي ليلى و رنيت عليكي كتير تليفونك مغلق مش عارفه اوصلك ولا حتى عارفه اعمله حاجه.
ليلى: طب قومي بسرعه شيليه معايا نوديه المستشفى بسرعه.
شالوه و نزلوا وقفوا تاكسي و راحوا المستشفى.
مراد كان لسه قاعد في المكتب بيحاول يشوف حل للفضيحه دي و بعدين....
السكرتيره بخوف: عصام باشا لغى صفقه بكره ي فندم و قال مش عايز يتعامل مع شركة حضرتك تاني و اشرف باشا نفس النظام.
مراد قعد يكسر كل حاجه حواليه بعصبيه... و بعدين لقى رسايل جاتلوا من رقم مجهول...
الرساله: عايز تعرف مين عمل كده قوم شوف الكاميرات بتاعت مكتبك.
مراد جرى على مكان الكاميرات و خلى الامن يفتح كاميرات المكتب..
شاف سالي و هي داخله مكتبه بعد ما هو مشى من يومين فاتو و دخلت الاوضه و طلعت بعدها بشويه و هي ماسكه تليفون و مشغله عليه فيديو و بتضحك.
خبط راسه ب إيده و طلع يجري على عربيته ركبها و راح ل سالي...
وصل عندها و دخل و عمال يقرب منها و سالي مرعوبه و بتحاول تبعد عنه و فجأه...
عند ليلى في المستشفى..
ليلى: طمني ي دكتور اخويا مالو هو عامل ايه دلوقتي؟
الدكتور: كان داخل في سكته قلبيه عنده مشكله في القلب ضروري نعمله اشعه على القلب.
ليلى بخوف: تمام تمام اعمل اللازم ي دكتور.
الدكتور: هيفضل تحت الملاحظه لحد ما نعمل الاشعه و نطمن عليه.
تاني يوم الصبح....
كانوا عمالين يخبطوا جامد على باب ڤيلا مراد... صحى على الصوت و نزل جري.
هند فتحت الباب و كان مجموعه من الظباط جايين.
هند بقلق: خير في حاجه ي باشا.
الظابط: دي ڤيلا مراد الحلفاوي؟
مراد: ايوا انا في حاجه؟
الظابط: مطلوب القبض عليك بتهمة قتل انسه سالي التهامي.
سبحان الله و بحمده سبحان الله العظيم💕
