رواية مريضه نفسيا الفصل الرابع بقلم ملك ياسر
ده بارت هديه ليكم عشان البارت اللي فات جاب الف و زياده و شكرا بجد على دعمكم ليا🥰
الظابط: مطلوب القبض عليك بتهمه قتل انسه سالي التهامي.
مراد بصدمه: ايه سالي اتقتلت؟
الظابط: تعالا معانا... و خدوه للقسم.
تليفون البيت رن و...
هند: الو ي ساميه هانم.
ساميه: قولي ل مراد اني راجعه انهارده من السفر.
هند بتوتر: توصلي بالسلامه ي مدام ساميه.
في المستشفى كانت نتيجه الاشعه ظهرت و...
رضوى ببكاء: هتعملي ايه دلوقتي ي ليلى احنا مش معانا حق العمليه.
ليلى كانت قاعده و حاطه ايديها على راسها و مش عارفه تعمل ايه فجأه جتلها ماسدج و فتحتها...
مضمون الرساله: عايزه تنقذي اخوكي تروحي بيت مراد تجيبي ورق صفقه.... من مكتبه و تقابليني عند..... و انا هتكفل بمصاريف المستشفى و العمليه كلها.
قامت ليلى تجري على بيت مراد هي معندهاش حل تاني غير كده و مالهاش حد تستلف منه و لو استلفت مش هتقدر تسدد مبلغ العمليه دي كلها و مستحيل تطلب من مراد فلوس بعد ما هانها و قل منها و هي لسه شغاله عنده جديد حتى.
رضوى: ي ليلى رايحه فين... هتسيبيني كده لوحدي.
و لكن ليلى كانت مشت.
في القسم كان...
مراد: ي باشا انت اكيد عارف مين مراد الحلفاوي و مستحيل انه يعمل حاجه زي كده و بعدين فين الدليل؟
الظابط: الكاميرات بتقول ان انت اخر واحد كنت داخل عند استاذه سالي و محدش دخل بعدك تاني و كان باين على ملامحك انك مضايق و متعصب و الجيران في العماره سمعوا صوت صويت في نفس الوقت اللي انت كنت موجود فيه هناك.
مراد: بس مافيش دليل قاطع ان يكون ليكم الحق تحبسوني.
ظابط: دي اوامر و لازم تتنفذ.
مراد بغضب: و انا هطلب المحامي بتاعي لان دي مهزله و مينفعش يتسكت عليها.... و بالفعل كلم مراد المحامي بتاعه...
ليلى كانت وصلت الڤيلا...
هند: ايه ي ليلى اتأخرتي كده ليه كنتي فين و مالك متبهدله كده ليه؟
ليلى بتوتر: اخويا في المستشفى و تعبان و لازم يعمل عمليه ضروري و كنت بحاول اشوف حد استلف منو فلوس و كنت عايزه اخد اجازه يومين من استاذ مراد عشان اخويا.
هند بحزن: طب و لقيتي ي حببتي؟ حاضر هقوله.
ليلى بإرتباك: ل.. لسه بدور ادعيله يقوم بالسلامه..... ممكن تعمليلي قهوه لحسن راسي هتنفجر.
هند: عنيا حاضر.
ليلى طلعت اوضه المكتب تدور على ورق الصفقه... و بالفعل لقته و خدته في شنطتها و كانت لسه هتطلع من الاوضه لقت الباب اتفتح.... انتي بتعملي ايه هنا؟
ليلى بتوتر: أنا... انا شغاله هنا و كنت بنضف الاوضه حضرتك.
ساميه بشك: تمام... روحي كملي شغلك.
مشت ليلى بسرعه من قدامها و نزلت ل هند.
هند: روحتي فين ي ليلى عماله ادور عليكي.
ليلى بتوتر: سمعت صوت حد فوق طلعت اشوف مين المفروض استاذ مراد في الشغل.
هند: يبقى مدام ساميه جت... مش عارفه اقولها ازاي ان ابنها الحكومه جت خدته الصبح و متهم في جريمه قتل.
ليلى بصدمه: مراد اتسجن؟؟؟ و مين ساميه دي؟
هند بحزن: دي ام مراد بيه كانت في المانيا و رجعت.
ليلى: طب عن أذنك اروح اشوف اخويا في المستشفى.
نزلت ساميه و قالت: اومال مراد بيرجع امتى من الشغل ي هند؟
هند بتوتر: مراد بيه الحكومه جت خدته الصبح ي فندم.
ساميه بصدمه: ليه؟ حصل ايه؟ و مقولتيش ليه من بدري؟ انطقي ابني حصله ايه؟
هند: مرضتش اخوف حضرتك قولت استنى لما تيجي و اقولك ي مدام هو متهم في جريمه قتل.
ساميه كانت مصدومه خدت شنطتها و راحت بسرعه للقسم.
ليلى: انا وصلت للمكان انت فين؟
الشخص: سيبي الورق جنب الشجره اللي جنبك و امشي.
ليلى اتخضت انه شايفها و كانت عايزه تعرف هو مين.
ليلى حطت الورق و مشت بس استخبت في مكان عشان تشوف هو مين.
الشخص طلع و خد الورق و مشى.
ليلى كانت واقفه مصدومه لما عرفت انه أيمن و قالت: ماشي ي أيمن انا هعرف ارجعهم ازاي منك اصبر عليا وا*طي.
و مشت ليلى راحت المستشفى.
ليلى: بدأو في العمليه ولا لسه؟
رضوى: اه الحمدلله انتي جبتي فلوس منين ي ليلى؟
ليلى بتوتر: اتصرفت من عند ناس كنت شغاله عندهم و هبقى اسددهم تاني.
رضوى بدأت تعيط تاني ف ليلى خدتها في حضنها و قالت: متقلقيش ي قلبي كله هيبقى تمام و خالد قوي و هيقوم بالسلامه بإذن الله.
عند مراد في القسم كان المحامي جه و طلعه بكفاله لحين ان يظهر اي تهمه رسميه عليه.
ساميه شافتهم و حضنت مراد: انت كويس يبني؟ تهمة ايه دي و حصل ايه طمني عليك.
مراد مردش عليها و مشى.
المحامي: خرج بكفاله ي مدام ساميه عقبال ما يلاقوا مين القاتل و هيفضل تحت الملاحظه لأيام.
مراد وصل بيته و هو تعبان دخل اوضته و عمال يفكر مين عمل كده و ليه لبسها فيه و هيتصرف ازاي دلوقتي؟ حياته بتنهار قدامه و مش عارف ي عمل حاجه.... نام من كتر التعب و التفكير.
في المستشفى....
الدكتور كان طلع وو
ليلى: طمني ي دكتور العمليه نجحت؟ اخويا بقى كويس؟
الدكتور بإبتسامة: اه الحمدلله العمليه عدت على خير بس هيفضل تحت الملاحظه لأيام عشان نتأكد ان حالته مستقره.
رضوى: طب ممكن ندخلو؟
الدكتور: دلوقتي هو لسه مفاقش بكره ان شاء الله تقدروا تدخلوا.
مشى الدكتور و ليلى و رضوى حضنوا بعض بفرحه.
ليلى: مش قولتلك اخوكي بطل ي دودو و ان شاء الله هيقوم بالسلامه و نرجع بيتنا.
تاني يوم الصبح كان مراد صحى و بيجهز نفسه عشان يروح الشركه.
ساميه دخلت عليه و...
ساميه: الفطار جاهز تحت تعالا عشان نفطر.
مراد بضيق: انتي رجعتي ليه؟
ساميه: ما انت عارف ي مراد اني كنت مسافره في شغل و خلصته و جيت.
مراد بعصبيه: انتي راجعه بيتي ليييه بتدخلي في حياتي ليييه انتي مش اتجوزتي روحي بيت جوزك مش عايز اشوف وشك هنا تاني اتفضلي اطلعي بره ي ساميه هانم عايز ارجع من الشغل ملاقيكيش موجوده.
ساميه بدموع: انا امك ي مراد مينفعش الطريقه دي و من حقي اقعد في البيت ده.
مراد بعصبيه و صوت عالي: لاااا مش من حقك اي حاجه و انتي من يوم خيانتك ل بابا و انتي مش امي و مسحتك من حياتي موتي ابويا بخيانتك ليه و جايه تكملي عليا مش هسمحلك تدمريلي حياتي اكتر من كده انتي السبب اصلا انك دخلتي واحد قذ*ر حياتنا... اطلعيييي برهههه.
ساميه طلعت بحزن و راحت تلم هدومها عشان تمشي.
في المستشفى.... كان خالد فاق و ليلى و رضوى دخلوله.
ليلى: يلا ي بطل شد حيلك كده و قوم بالسلامه وحشتنا خالص.
رضوى بغمزه: في واحده كده هتموت من القلق عليك و عماله ترن يلا قوم عشان تطمنها عليك.
خالد بتعب: ردي و طمنيها عليا و انا لما ارجع المدرسه هكلمها.
ليلى: وه وه وه في حوار حب هنا و انا مش عارفه ولا ايه.
و قعدوا يهزروا مع بعض...
مراد دخل المكتب بتاعه في الفيلا عشان يجيب ورق الصفقه بس مش لقاها.
مراد بزعيق و راح اوضه امه: جيتي عشان تسرقيني و تاخدي الورق و تديه للمحروس بتاعك انا بعد كده همنع دخولك هناااا الورق لو مرجعش حسابك هيبقى كبير اوي معايا.
ساميه بخوف: انت بتتهم امك بالسرقه ي مراد انا مخدتش حاجه و معرفش اي حاجه عن الصفقه دي و متقابلتش معاه من ساعه ما نزلت من السفر هو ميعرفش اصلا اني جيت روح شوف خدامينك بيعملوا ايه في مكتبك.
مراد بإستغراب: قصدك ايه بكلامك ده؟
ساميه برافعه حاجب قالت: يعني انا شوفت خدامه في مكتبك امبارح و قالت انها بتنضف بس كان باين عليها انها بتعمل حاجه.
نزل مراد بسرعه على تحت.
مراد بصوت عالي: هند ي هننند.
هند بخوف: ايوه ي بيه في حاجه؟
مراد بعصبيه: مين دخل اوضه مكتبي امبارح و انا مش موجود.
هند: محدش ي بيه.
ساميه: كدابه كان في بنت هنا معاكي امبارح و قالت انها خدامه و كانت في اوضه المكتب.
هند بتذكر: دي ليلى ي بيه بس دي كانت جايه عايزه اجازه يومين عشان اخوها في المستشفى و بيعمل عمليه و قالت انها طلعت فوق عشان سمعت صوت حاجه و بتطمن على المكان لكن معرفش انها دخلت المكتب.
مراد طلع يجري و خد عربيته عشان يروح المستشفى عند ليلى... بس و هو في الطريق جالو فون...
مراد: الو كنت لسه هرن عليكي قولي للوفد معاد الصفقه اتأجل ل بكره.
السكرتيره بحزن: هما قالو ان الصفقه تمت مع شخص تاني ي استاذ مراد و بعرض احسن و لغوها معاك.
فرمل بسرعه مراد من الخبر و كان هيعمل حادثه و وقع منو الفون...
ساميه كانت روحت بيتها و...
ساميه ببكاء: طردني ي أيمن طردني قالي معدش ليا ام و مش عايز اشوف وشك تاني.
اخدها أيمن بخبث في حضنه و قال: كم يوم و هيهدى ي حببتي ما انتي عارفاه عصبي و متهور.
ساميه كانت عماله بتعيطه و هو بيواسيها بخبث...
أيمن بخبث في سره: انتوا لسه شوفتوا حاجه ي عيله الخولي ده انا هقهركم و اخلص عليكم واحد واحد اصبروا بس عليا و هعرفكم مين هو أيمن المهدي هتندموا على كل حاجه عملتوها معايا زمان مش هسيبكم عايشين تتهنوا بحياتكم.
كان وصل مراد المستشفى و اول ما ليلى شافته جاي عليها و الشر باين على ملامحه اتجمدت مكانها و كانت مرعوبه.
مراد بخبث: تعالي عايزك.
طلعت معاه ليلى بره بخوف و فجأه لقته خدها على جنب و جابها من شعرها و قال: وديتي ورق الصفقه لمين انطقي.
ليلى بخوف: م.. مخدتش حاجه هو في ايه و صفقه ايه؟
مراد: ممممم هنبدأ في الكدب.. انتي مش جيتي امبارح و دخلتي المكتب؟
ليلى بتوتر: أ.. ايوا بس فكرت كان في صوت حاجه جاي من هناك روحت اشوف في ايه لكن معرفش اي حاجه عن الصفقه دي... عن اذنك هروح اشوف اخويا و جت تمشي بس شدها جامد ووو
مراد بمكر: تتجوزيني....
سبحان الله و بحمده سبحان الله العظيم 💕
شكرا لزيارتكم عالم روايات سكيرهوم
