رواية ضلام الفصل الرابع بقلم جمانه السعيدي
كملنا اكل بديت انضف المطبخ
وهو دخل للغرفه فتح الكنتور طلع تراك ودخل للحمام
ياناس هذا شلون اعمى
تصرفاته عبالك يشوف
يعرف ملابسه وين يعرف طريق الحمام
يلزم الحايط ويمشي وياااا
دخل يسبح ومن طلع اني رحت اجيب ملابسه اغسلهن
لكيته خالهن بلغساله ومشغله
كل شويه اتفاجئ بتصرفاته
طبعا اني اباوع علي بتمعن يعني مركز ويااا كلش
لان مطمنه هو مايشوفني
ولان اريد اشوف تصرفاته
كلش متفاجئه منه
دخلت الغرفتي بدلت وخليت شويه مكياج وعدلت شعري
بس محد اجانه للضهر
هو اجا اتصال من صديقه
بقه يسولف ويااا
يعرف يفتح التليفون ويعرف يتصل
ياربي يمكن اني الي مااشوف مو هو
للضهر خاله ام علاء جابتلنا غده
اني توسلت بيه تبقى تاكل ويانه بس ماقبلت
بس خليت الاكل هو راسا كال اني راح احزر شنو الاكل
من الريحه
....دجاج شوي ومركة باميه وتمن
جنه اي ولله صحيح
علاء اني خشمي متعود على ريحة الطبخ مال امي
اعرف هي شنو طابخه
كعدنا نتغده وكملنا اني شلت المواعين
ونضفت المطبخ العصر اجا بابا وزوجته
رحبت بيهم ورحت اجيب شي اقدملهم
اجت وراي للمطبخ
ام حمودي اي حضج كعد يمسعده شوف ببتج يخبل
بعد شتريدين
همزين اعمى جان ماقبل ببج ابد
جنه انتي شتريدين ماتعرفين تحجين حجايه بيه خير
جايه اضوجيني
ام حمودي اوي واني شكلت قابل موزين خليتج توافقين
شوفي الخيررر العايشه بي
جنه وانتى هسه شفتهمتي شعرفتي البارحه ترا كان العرس وانتي جايه تحسبين وراي
كله بسببج ادمرت حياتي خليتني اعوف المدرسه
وصرت خدامه اللج والجهالج
وتالي هاي قسمتي من وراج
ام حمودي يمه يمه شوفي اللسان شطوله وشبيه قسمتج
عيوني
جنه بيه لو بنتج ماقبلتي ازوجيه واحد اعمى
جان اختاريتيله احسن قسمه
ام حمودي مو صووجج صوج الي يجي يباركلج
انت ماتستاهلين واحد يجي وراج
جنه اذا ماتجين تسوين فضل جيتج كله مااريده
دمرتي حياتي بعد شكو جايه وراي
جمانه السعيدي
الي اني ماجنت حاسبه حسابه علاء طالع من الغرفه وجاي حتى يديلني وبن التوزيعات مال العرس
اقصد الحلويات الي نوزعه للناس الي تجي تبارك
وسمع الكلام كله
ولله ماكان قصدي اجرحه بس هي داست ابطني
وطلعتني من شعوري
علاء طلعت حتى ادلي جنه على التوزبعات الي احنا جاببيه وسمعت كل كلامه بلصدفه
شكد ضجت حسيت كلبي احترك
جنه تحجي عليه وتلوم زوجة ابوها على هاي الزواجه
كان عندي امل تقتنع مع الوقت وتبقى ويأي
بس الضاهر توقعاتي مو صحيحه ابد
وهذا الزواج عمره قصير
رجعت المكاني وشويه واجت ام حمودي
ام حمودي يله يارجال امشينا اتاخرنا
ابو حمودي ليش تونا وصلنا
ام حمودي بتك مامصدكه نفسه تحجي وتغلط عليه
ابو حمودي لا لا شنو تغلط ولله اكسر راسه
شني تكبرت علينا
جمانه السعيدي
ابو حمودي جنه جنه صخمه الله لايوفقج
علاء عمي مااسمحلك تحجي عليه ابد هاي زوجتي وبحمايتي
ابو حمودي وانت شكوووو هي معلمه على الضرب والاهانه وين صرتي
جنه سمعت ابوي يصيح بعصبيه ورحت هااا شكووو
ابو حمودي شكووو ليش تغلطين على ام حمودي
جنه ماغلطت عليه ابد بس حجيت الحقيقه
ابو حمودي ياااحقيقه بله فهميني قربت علبه اربد اضربه
جنه راسا وكفت ورا علاء ولزمته من كتفه
اني ماحجيت شي
علاء حسيت ابوها قرب يضربه سحبته وراي وكتله
ممنوع واحد يقرب عليه
ابو حمودي حاولت اسحبه بس علاء خاله ورا وماخلاني
اكتله
ابو حمودي ادبسزز الضاهر ماعرفت اربيج زين
ام حمودي هي من زمان ما مربايه الله يساعد هذا الرجال عليه شلون راح يحمله ماادري
طلكه طلكه واشمرها بلشارع قليلة التربيه
ماصدكت كعدت بيت شالت خشمه على اهله
جنه كمت ابجي ياربي ذوله شني من اهل
جاين يغلطون عليه كدام علاء
اول يوم عرسي
جمانه السعيدي
ابو حمودي حقيره اني اعلمج
طلعو ابوي وزوجته واني كعدت على القنفه وكمت ابجي
علاء ابتعدت عنه وكعدت لا تبجين
جنه ولله ماكلت غير الحق
علاء اني سمعت شكلتي
جنه مسحت دموعي وكتله شنووو سمعت كلشي
علاء كلشي من البدايه للنهايه
جنه بس مو قصدي ولله احجي عليك
علاء ولا يهمج هذا الزواج اكبر غلطه غلطته بحياتي
اني مسول مثلج عنه لازم الكه حل بأسرع وقت
جنه متت من الاحراج ياربي هذا المسكين شنو ذنبه يسمع كلامي
اني اهلي مو اوادم هو شنو ذنبه
اني وكعت نفسي بمصيبه هسه علاء يريد ينهي هذا الزواج
واهلي تعاركت وياهم ومايردوني
اني شكد غبيه ضيعت كلشي بلحظه
طول عمري اسمع زوجت بابا تحجي عليه وساكته
هسه ماسكتت وعديت السالفه
اله احجي واخرب الدنيا كله
بقه علاء بذيج الغرفه واني بهاي الغرفه
المغرب اجت خالتي وكالت تعالو تعشو عدنا
جمانه السعيدي
علاء اي هسه جايين وراج
علاء جنه جنه
طلعت من غرفتي هااا اجيت
علاء امي عازمتنا على العشى يله بدلي خل انروح
دخلت ابدل وهو اجا للغرفه وراي دخل وفتح الكنتور وطلع دشداشته البيضه ولبسه
طبعا اني ابدل براحتي كدامه لا ن مايشوفوني ابد
لبست فستان طويل احمر وبي ورد اسود وخليت
شأل على راسي
وخليت شويه مكياج وعطر
طلع العكاز ولبس مناضره وكف باب الغرفه وكال
يله خلصتي
جنه اي خلصت
علاء حاولي تكونيين طبيعيه كدام اهلي
جنه انشاء الله
مشينا وصلنا الباب الترك الي بينا وبينهم فتح الباب
والتفت مد ايده كال تعاي الزمي ايدي
جنه مديت ايدي ولزمت ايده اول مره يلزمني
عبرنا عليهم طبعا هو يمشي كدامي لان بندل
دخلنا عليهم
سلمنا وكعدنا عدهم بتهم وزوجه عازميهم اجو سلمو علينا جايبين النا هديه
بعدين اجا عزام اخو علاء سلم عليه وباركلي
وعمو حضني وباسني
حسيت براحه نفسيه فضيعه ياربي ابوي ماحاضني وبايسني ملتهي يسمع كلام ام حمودي عليه
كعد علاء وكال تعاي اكعدي بصفي
جنه لا خل اساعدهم اني مو خطاره
رحت للمطبخ وياهم خالتي ماقبلت بس اني صممت
بديت احضر بلفواكه
طلعت الخواشيك والجطلات
بدينا ننقل بلاكل ونخلي كدامهم
علاء وين مريتي خل تكعد بصفي مااعرف اكل وحدي
جنه فرحت وخجلت بنفس الوقت
عزام يالله يوم واحد وماتعرف تاكل اله كاعده بصفك
علاء وانت شعليك تغار خوما تغار
عزام لا عليمن اغار الله يهنيكم انشاء الله
خلصنا اكل واني ساعدتهم بغسل المواعين
رجعت كعدت يم علاء وقدمتله الجاي لزمت ايده حتى ياخذ الجاي مني
علاء قربت عليه ايدج بارده غسلتي المواعين
جنه اي ساعدتهم شويه
علاء جيبي ايدج لزم ايدي حتى تدفه
عمي وخالتي جايبلي هديه كلاده زغيره حلوه هاي صبحتي
وعزام جايب عطر العلاء وعطر اليه
بقينا بيتهم للعشره بليل سوالف وضحك
تدرون شنو الغريب
اني حسيت نفسي انسانه طبيعه واني كاعده بنصهم
رغم همه غرب عني
اما اهلي كنت احس نفسي انسانه غريبه ومشوه واني كاعده بنصهم
شكرا لزيارتكم عالم روايات سكيرهوم
