رواية زوجه ثانيه الفصل الثالث بقلم جمانه السعيدي
كمل عشى وطلع غسل ورجع طفى ضوه الغرفه ونزع دشداشه وبقى بلفانيله والشورت
نام على الجربايه واشرلي نامي حسيت نفسي انسان الي
توجهينه ويمشي بوقته كلشي ما اعرف عن العرس
اتقرب مني وخلص واني مغمضه عيوني
ودار وجه ونام ماكان اكو اي احاسيس بوقته
اني بقيت مغمضه وكوه اتنفس نص ساعه حسيته نام
كلشي كان صعب عليه اول مره واحد يقرب مني لهل درجه
جنت اخاف اباوع بوجه خاف يطلع كاعد مانايم
اخاف اتكلب بلفراش خاف يكعد هو ماحسسني بلامان
كان اقترابه مني هجوم واني ماخذه وضع الدفاع
ساعه واني نفسي تلعب من نفسي احس نفسي وصخه
ومآ اكدر انام
كوه جمعت شجاعتي ونزلت على كيف من الجربايه
ورحت فتحت الباب على كيف
باوعت شفت اخته تمسح بلكاع
اشرتلها شافتني وصعدت كتله اريد اسبح
كالت انزلي اسبح كلهم نايمين
رجعت للغرفه جبت دشداشه ومنشفه ونزلت سبحت
كتله اريد مشط خاف اطلع صوت ويكعد طارق
جابتلي مشط ومشطت شعري ولفيته ورجعت صعدت
اكو مندر خالينا بلكاع نمت علي
وجه الصبح يله كدرت اغفى
يمكن نمت ساعه وسمعت الباب اندكت وصوت ام طارق
ام طارق يمه طارق اكعد اتريك خاف تجينا ناس تبارك
اني فتحتله الباب
باركتلي ودخلت تكعد بي بس هو مايقبل يكعد
ام طارق.....يمه فاطمه بدلي ونزلي جوه اتريكي خاف تجينا ناس
فاطمه ميخالف خاله
نزلت ام طارق واني طلعت ثوب بيجي وشال فتحت باب الكنتور وختلت ورا وبدلت
نزلت وعفت طارق نايم
على فكره من أمه تكعد بي كدرت اباوع علي واحفظ ملامح وجها
شكله حلو وبشرته بيضه بس من كدام شعره خفيف
نزلت لكيت البنات بلمطبخ يتريكن واني تريكت وياهن
بس راسي يوجعني لان ماشابعه نوم
شويه واجا عمي يباركلي
عمي عمرا تقريبا ٦٠ سنه بس هو قوي وشكله حلووو
يلبس دشداشه وعبايه وعكال
اول ماشافني حضني وباسني وباركلي
حسيت ساعته اكو شي مو راحه بلموضوع
حضنته جانت غريبه
وبوسته ابد مو بريئه
بس سكتت كلت بكلبي كلشي عادي بس اني مامتعوده
بقيت كاعده محد اجاهم اله الساعه عشره اجت مرت عمي وياها مريم
شكد مشتاقه المريم عبالك سنه ماشايفته
حضنتها وبقيت ابوس بيها
زوجت عمي سئلتني اذا خلصت شغلتنا او بعد
واذا اني متئذيه
اني جان عندي شويه ووجع بس استحيت اسولف بهذا الموضوع
بقن ساعه وراحن وشكد وصيتهن على امي
كمل الغده يله نزل طارق دخل سبح وكعد يتغده ويه ابو وخوانه
همه عدهم طبيعه الزلم تاكل وحد والنسوان وحد
احنا اجتمعنا بلمطبخ البنات يسولف ويضحكن
واني ساكته
لان انعس وتعبانه
كملنا غدا واني صعدت الغرفتي تمددت على الجربايه ونمت
شويه سمعت طارق صعد بدل ملابسه وطلع
بعدين رجع صاح عليه واني نايمه
طارق......فاطمه ذني ملابسي وصخات ارجع الكاج غاسلتهن افتهمتي
فاطمه كعدت واني مغمضه عيوني
اني صار اني اغسلهن
رجعت نمت تقريبا ساعه واجت ساره اخت طارق كعدتني كالت نسوان كرايبنا اجنا يباركن اللج
بدلي بسرعه ونزلي
بدلت ونزلت والنسوان وحده تطلع ووحده تدخل للمغرب
يله خلصن
رجع طارق ولكاني ماغاسله ملابسه
كام يصيح عليه ويغلط اخذتهن وكعدت بلحمام ابجي
غسلتهن وطلعت
شريتهن صاحوني للعشى وماقبلت انزل
بقيت بغرفتي كاعده
١٢ بليل يله رجع طارق بدل ونام ولاحجه وياي اي كلمه
اني هم كيفت نمت لان تعبانه
من ذيج اليله بعد طارق ما قربلي ابد ولاكاني عروسه
وحلوه كدامه
كان قاسي وماعنده مرونه بلتعامل ابد
يوميه يضل نايم للضهر اني اكعد وانزل جوووه
والضهر يكعد يسبح ويبدل يتغده ويطلع
مرات يجي المغرب ويرجع يطلع
ومرات ايجره النص اليل يله يرجع
اني ماكنت اعرف حدود العلاقه الزوجيه كنت فرحانه لان مايقرب مني
طلعنا السبعه وخالتي سمحتلي اروح اشوف امي
بسرعه بدلت ولبست عباتي وبوشيتي ونزلت
ولان طارق ماموجود راحت خالتي ام طارق
وياي وصلتني وكالت طارق بليل يرجعج
امشي بسرعه وعمتي تمشي على كيف
ودي اشيله واركض بيها
وصلت وسلمت على زوجت عمي ومريم وعمتي
ودخلت على امي حضنتها وكمت ابجي
بلبدايه امي باوعت بوجهي حيل وبعدين كالت
فاطمه وين جنتي ليش اطلعين من يجي ابوج اكله عليج ولج فطيم هاي حمره انتي خاله حمره
اله اخلي ابوج يذبحج
اني سمعتها واني كمت ابجي بلزايد
يمه بس اريد ساعه يرجعلج عقلج حتى اسولفلج شصار وياي
بقيت طول النهار يمهم كلش فرحانه بيههم
لليل حضرت نفسي وبقيت منتضره طارق يجي ياخذني
صارت الساعه ١٢ وماكو للوحده اهلي كلهم نامو وهو ماكو
اثاري جاي تعبان ونايم واني باقيه انتضر
للثنتين تعبت ونمت
الصبح كعدو اهلي لكوني يمهم
مريم هاي شنو بقيتي هنا
فاطمه يمكن طارق نسه هو مزوج ومآ اجاني
مريم لاتكولين هيج يجوز صار عنده شغل ولتهه
وله اكو واحد يعوف هيج ورده
للعشره الصبح اجت امه تاخذني وتتعذر تكول صار عنده شغل ويكول خليها تشبع من اهلها
جنت اعرف حجيها جذب وهذا مجرد عذر
وهو اصلا ما مهتم الوجودي
بس صدكتها غصبا عليه ورجعت وياها للبيت
تعودت عليهم وبديت انزل اشتغل وياهم
لان احنا هواي بلبيت تقسم الشغل اني وكع عليه تنضيف البيت الصبح واطبخ غدا
حتى العصر اكدر اروح اشوف امي
جانو يتعجبون من طبخي حتلو اكلي طماطم يكولون شكد طيبه
بس شي واحد جان مضايقني
كلما ادنك امسح الكه عمي يباوعلي
رغم اني البس طويل وابد ما انزع الحجاب بلبيت
لو يسوي نفسه ياخذ شي من المطبخ ويطخني
ومره اطبخ دولمه والريحه طيبه كلش اجا للمطبخ بس اني بي
....شطابخه
...دولمه
....الله الله ريحه طيبه وسحب ايدي وباسه اني سحبته بسرعه عاشت ايدج
راسا طلعت من المطبخ
ياربي ذوله شني من عائله صدك من فوك هله هله وجوه يعلم الله
اطبخ الصبح وانضف والعصر اروح الامي ابقه يمها ساعتين
اسبحها واغسل ملابسها
مرات انضف غرفتها واهويها
هاي كانت الحسنه الوحيده من اعيالي يخلوني اروح الامي يوميه
بديت اتعود على هاي الحياة اريد اعيش وبس
مومهم كلشي يصير وياي اتحمل واسكت
وبيوم صعدت ارتب كنتوري وتفاجئت كلادتي الذهب ماكووو دورت كلبت الكنتور ماكووو
اني متأكده ضامته هنا نزلت الغراض كلهن ومالكيته
اني لابسه باقي ذهبي بس الكلاده ضامته
نزلت جوا لكيت خالتي كاعده بلمطبخ
فاطمه خاله كلادتي الذهب مالكيته ماكووو
...شلون ماكووو يعني وين راحت
...اني خالته بلكنتور ومالكيته
...دوري زين خاف ضامته بغير مكان
...لا اني متاكده
راسا عمي ابو طارق سمعني ودخل على الخط
....عمو فاطمه خاف بعتيه وانطيتي الفلوس الاهلج
عادي كولي اذا بعتيه ترا هي حقج
فاطمه لا عمو مابعته ولله شلون ابيعه بعدين اهلي مامحتاجينه ابد
عمو وين راحت
فاطمه ماادري
عمو قصدج واحد من البيت اخذه
فاطمه لا عمو مو هيج قصدي بس لان مالكيته
خالتي روحي دوريه زين هسه تلكيه
صعدت ونزلت كل غراض الكنتور وكمت ادور عليه
شويه وصعد طارق
طارق شجاي ادورين ليش كالبه الغرفه
فاطمه اكلادتي الذهب ماكووو
طارق انتي مبينه ثوله وبن ضيعتيه لو اخذتيه الاهلج
فاطمه شنو اخذته الاهلي اهلي مامحتاجينه
طارق انجبي النوب ترجع الكلام عليه
ضربني راشدي فر راسي فر
جيبي هذا الذهب الي لابسته انزعي انتي مبينه فاهيه
وراح اتضيعينه قصص وروايات عراقية كرار صلاح
فاطمه تفاجئت منه ليش هيج يكول عليه
طارق مو احجي وياج انزعي بسرعه
نزعني الذهب واخذه مني واني بقيت كاعده وابجي
متت من القهر
اني ليش ماعندي حظ كمت احجي على عمي الي ورطني بهاي الزواجه
راد بس بخلص مني وماسئل عليهم ابد
مانزلت تغديت بيومها من القهر
بقيت انتضر العصر يجي واروح اشكي العمي لازم يلكالي حل
العصر رحت الاهلي وحجيت كلشي العمي وزوجته
تفاجئت عمي يدافع عنهم وماقبل يسمعني ابد
وزوجت عمي كامت تحجي عليه
...يمته ازوجتي يمته اجيتي تشكين كلهن صارلج اربع اشهر
حاولي تكسبين زوجج وعيالج
وين جنتي ووين صرتي كمتي تلبسين وتاكلين وصرتي مثل البنات
لا تتعافين على عيشتج
فاطمه زوجي هو وينه زوجي زوجي مايريدني عبالك
مغصوب عليه
زوجت عمي انتي ماتعرفين تكسبينه بدلي وعدلي
والزكيله الزلم تموت على الكلام الحلووو
تعبي نفسج شويه وقربي علي وخلي يتعلق بيج
فاطمه يعني ماتسوولي حل
زوجت عمي شنو تردين نروح نتعارك وياهم علمود ذهب
هاي مشكلتج لازم تكونين حريصه اكثر على ذهبج
وتضمينه
شلون خليتيه ضاع منج....
