رواية زوجه ثانيه الفصل الرابع بقلم جمانه السعيدي
رجعت للبيت واني افكر بكلام زوجة عمي يجوز السبب مني
يجوز هو يشوفني زوجه جافه وبارده
اني ليش ادمر حياتي خل اكسب طارق
يجوز صدك يتغير ويعاملني معامله زينه
قررت ادوس على كرامتي وابدي وياا من جديد
خلصنا عشى وصعدت الغرفتي غيرت الفرشه وعطرت الغرفه
وسبحت وبدلت وتمكيجت وبقيت منتضرته
عبرت الساعه ١٢ وهو ماكووووو
كمت انعس بس بقيت منتضره
بلوحده يله اجا صعد للغرفه اول ماشافني نزل حواجبه
فاطمه هلووو حبيبي
طارق حبيبج هاي من يمته
فاطمه اكيد انت حبيبي لان انت زوجي
طارق باعي اني تعبان وماليه خلكج ابد
فاطمه أتريد احضرلك اكل اساعدك تبدل
طارق هي انتي هاي السوالف مو عليه كتلج ماليه خلك روحي انخمدي لاتفرحين كلشي ماتحصلين مني
فاطمه زين كلي شنو يرضيك واني اسوي
طارق يرضيني تختفين من كدامي مخبله بت المخبله
فاطمه ليش تحجي على امي امي مامسويتلك شي
طارق شلون بلفلسفه تالي اليل
فاطمه دفعني وكال وخري لا ابتلي بيج
وراح بدل ونام
فاطمه كلت وينج زوجت عمي تعاي شوفي التحفه زوجي شلون يعاملني
جنت اشوف إخوانه شلون يعاملون زوجاتهم
وشلون قبل لايطلعون يسئلون شنو محتاجات
وشلون يدارون مشاعرهن
ياربي اني حضي شبي ليش هيج يصير وياي
مرت الايام يوم اتعس من يوم
الا ان اجا واحد يخطب عمتي اخت ابوي
صدك فرحت يمكن فرحت اكثر منه لان احسه محسره
خطبه واحد مدرس بعمرها ومامزوج ابد
انسان أخلاقه عاليه وابن ناس محترمين
وتمت الموافقه وبيوم عرسه طلبت الذهب مالتي من طارق حتى اكشخ بي بلعرس
فاطمه طارق اريد الذهب البسه بلعرس
طارق يا ذهب
فاطمه ذهبي المحبس والحلقه والتراجي
طارق اي حتى اضيعي مثل ما ضيعتي الكلاده مو
فاطمه لا ما اضيعه البسه ومن يخلص العرس ارجعه الك
طارق انسي ماكو ذهب
فاطمه ليش
طارق بكيفي مزاجي ما انطيج يااااا
فاطمه سكتت لان اعرف النقاش وياااا عقيم ومامنه فايده ابد
خلص العرس على خير والحمد لله
والفرحه بعيون عمتي شكبرها
بدت مرحله جديده بحياتي
تحولت من جنه إلى خادمه اي خادمه لاتستغربون
فاطمه هاي ابنه يبجي تعاي اطبخي بمكانه
فاطمه هاي تتنسى تعاي اغسلي الطرمه بمكانه
فاطمه هاي حامل ماتكدر ادنك تعاي امسحي بمكانه
ماكان الشغل يضوجني بكد احساسي بلنقص
احس ناقصني شي
كل وحده من الجناين تحبل وجيب وتحصل مدارا واني مثل الحايط ثابته بمكاني
وهذا العم التحفه مايرضا يتركني بحالي ابد
مره صعدت بليل قفلت الباب وكاعده ابدل اريد انام
وصعد وراي عمي ابو طارق
دك الباب على كيف خاف احد يسمعه
فاطمه منوووووو
....اني عمو عندي شغله وياج افتحي الباب
.....شتريد عمو كول اسمعك
.....من ورا الباب افتحي الباب عندي شغله سر وياج ومآ اريد احد يسمعه
.
فاطمه متت خوف امبين ناوي على نيه كشره
...عمو خليه للصبح اني هسه نعسانه واريد انام
.....لا ماتحمل للصبح افتحي الباب هسه
....ما اكدر عمو اعذرني
هنا صار عصبي وفقد سيطرته
...بت الخرا ليش ماتفتحين الباب صرتي عفيفه براسي
بت المخبله
هنا على صياحه سمعت ساره بته وصعدت
....هااا بابه شتريد
....لا ما اريد شي ردت حب وجع راس وعبالي فاطمه عدها
ساره اني عندي تعال انطيك
فاطمه سمعته نزل واني حمدت ربي وشكرته الف مره
جان سوالي مصيبه
واكيد محد يصدكني كلهم يصدكونه
بقه طارق مبتعد مني ومايقربلي ابد وعمي كلساع اشرد منه واكثر شي احبس نفسي بغرفتي
لان ماله أمان ابد
فد يوم جاب طارق ابره وخلاها بلمجر وسده
صار عدي فضول اعرف هاي الابره مال شنو
خاف مريض واني ما ادري بي
لان كذا مره شفته جايب مثله
من طلع اخذتها وياي الاهلي
اكو بنيه جيرانه تضرب ابر ممرضه جبيره بالعمر ودائما انجيبها تضرب امي ابره
من طلعت من اهلي مرت عليه حتى اسئلها هاي الابره مال شنو
فاطمه اريد اسئلج هاي الابره مال شنو
ام تقى يااااا هاي الابره منيلج
فاطمه ليش هي مال شنوووو
ام تقى هاي مال ضعف الرجال يضربوها اقصد الرجال الي عنده ضعف بالعلاقه يضربها منيين جبتيه
فاطمه لا هاي صديق زوجي وصا عليها وعبالي مال التهابات ردت اوصي يجيبلي مثلها
اخذتها وطلعت واني عقلي يجيب ويودي
هسه عرفت ليش طارق مايتقربلي ابد
يارب لا اعتراض على حكمك اني يتيمه ولارجال بي خير ولاراح يصير عندي جهال
كانت الايام صعبه تمر عليه واني ما اعرف مصيري شنوووو
كامت خالتي ام طارق تلح عليه بموضوع الاطفال
خفت احجيلها لان اكيد راح تكول الطارق
واكيد راح يحاربني ويحطم حياتي
سلمت امري اللك يارب العالمين
ورا فتره طويله كعدت الصبح على صياح عمي كان صوته يرج البيت رج
جان طارق ماموجود بلغرفه ومبين من فراشه مانايم بلغرفه
نزلت على الدرج على كيف
واسمعه يصيح اليوم اله اذبحه اني يبوكني
ادوره لو يطير
خاف سكتتله على البوكات القديمات
هلمره ما اسكت ابد هذا المسدس اني ضامه ومعتز بي
لو يجي ابوي ما انطي
يجي استاذ طارق ويبوكه بكل سهوله
اليوم اطلع بروحه
خلي يبوك الناس كلها بس اني لايقرب عليه
يوميه سادله مصيبه
يوميه سادله بوكه
هلحرامي اله اشتكي علي اله اخليهم يعلكونه تعلك
ام طارق اهدا يارجال راح تنجلط هسه يرجعه
اني شفته دخل للغرفه بس ولله ما عبالي المسدس بلكنتور انت عايفه
فاطمه ساعته عرفت رجلي حرامي وهاي مو اول بوكه اله
واهله يدرون بي بواك
وعرفت اكلادتي وين اكيد هو الي باكه
وكمل عليه واخذ باقي الذهب مالتي
دخيلك ياربي هاي شني من مصيبه اني وين وكعت روحي
ذوله شني من عائله
وفعلا عمي ضل يسئل ورا وعرف هو ماخذ المسدس ومنهزم البغداد
راح ورا وضل يسئل الحد ماعرف المن بايعه
بايعه الواحد بنص سعره
واكيد الفلوس صارفهن
وصايره عركه جبيره بين عمي وطارق وكوه الناس مفرغه طارق من ايدا
وعمي ضل يسئل لمن عرف الولد الي مشتري من طارق
رجع اشتر المسدس من الولد الي بايعه طارق علي
بنفس السعر الي بايعه بي
لان مهدد الولد لويشتكي علي ويكول المسدس انباك مني
لو يرجعله فلوسه وياخذ المسدس
الولد خايف ومرجع المسدس
عمي حلف طارق بعد مايدخل البيت ابد
بعد هاي المشكله
شهرين وطارق ماجاي للبيت ابد واني معلكه لا اني للسما ولا للكاع لا اني مزوجه حالي حال النسوان
ولا باقيه عد اهلي معززه مكرمه
طلعت عمتي رسميه
(اقصد عمتي اخت ابوي ) حامل كانت فرحتنا جبيره بهذا الخبر
لان هي جبيره ومامتوقعين تحمل ابد
عمتي ام طارق ضلت تلح على عمي الحد ماصالحته هو وطارق
بس طارق تعود على الغياب
يغيب شهرين ويجي اسبوع ويرجع يروح البغداد
لمن نسئله يكول لكيت شغل بغداد
انتم مو تردوني اشتغل هاي اني اشتغل ومرتاح بعد شتريدون مني
الحد مااجه صاعد سياره اخر موديل
اني ضليت محتاره شنو الشغل الي يجيب سياره حديثه
بهل سرعه
الكل مايعرف شنو يشتغل ولا هو يقبل يكول شنو شغله ابد
المهم اني خلصانه منه ومن مشاكله
والبيت بعد ماينباك منه أي شي
كام يجي محمل فلوس وينطي امه وينطيني مصرف
بس اني كلبي يلعب من شغله ومامرتاحه ابد
مرن خمس سنوات على زواجي واني نفس وضعي ماتغير ابد
صار السقوط وأحوال عيالي تغيرت كليا
لان عمتي ام طارق ابن عمه صعد برلماني
وعين كل حمودي بلدوله
حتى عمي عينه ماكان يداوم ابد كاعد ويستلم راتب
عمي ابو زينب اجر بيت وطلع من بيت اهلي
بقه بلبيت بس مريم وعلي
واني طبعا ابد مامفاركتهم
حمويني كلمن طلع بيت وحده من بعد ماتعينووو
وكل واحد يقبض راتب محترم
وحماتي الجبيره ازوجت
بقيت بلبيت بس اني وعمي وعمتي وحماتي الزغيره ساره
وطارق كل شهرين يجي كم يوم ويروح
الحد ماكعدت بيوم البيت مخبوص وعمتي تملخ بنفسه
شكوووو
طارق انسجن
شلون انسجن
طلع يشتغل ويااا عصابه مال سلب ونهب وقتل
وجاي عليهم بلاغ وكامشين ثنيين منهم
طارق وبعد ويااا واحد
