رواية معالج الروح الفصل الرابع بقلم جمانه السعيدي
معين طول فترة دراستي حاولت اطور فكري واقرا كتب
واحاول اطور نجاحي
مااريد اكون معالج عادي حال البقيه
لا الانسان اذا يريد يطور نفسه لازم يصير مميز
عنده طرق مختلفه عن البقيه
يعني يشغل عقله
مو يكون مجرد اله يادي عمله وبس
بعد تخرجي بقيت اشتغل اي شغله تصير كدامي مااريد اكعد واتكاسل
الحد ماطلع التعيين
وبديت اداوم قررت من اول يوم اثبت نفسي
الصراحه شفت اغلب الموضفين يتهربون من عملهم
يعني يتهرب من مسوليته
يخلص الدوام شلون مجان
اي مراجع يجي للعلاج الطبيعي
اول شي ابدي وياا اصادقه اقصد صداقه عمل
يعني اشوف هو شنو يحب ياامجال
وابدي احجي وياا بهذا المجال بحيث ينسى الالم
ويدخل وياي بمواضيع
مايحس بوقت الجلسه ابد ولا يشكي ولا يذمر
اما بقية زملائي وزميلاتي بنفس المجال
يخلي المراجع على الجهاز ويروح يسولف
اغلب الاجهزه تكون بيه حراره حتى الأعصاب ترخى
ويفك التشنج
ويعوفه وحدا طبعا المريض يضوج وينهزم من العلاج
وهما الصراحه هذا الشي الي يردو
حتى مايكون اكو ضغط بلعمل
اني اختاربت اعالج الناس جمانه السعيدي بطريقه مختلفه تماما
اعالج أرواحهم بلاول على كد مااكدر
الكل يحبني ويحب طريقتي بلعمل
الحد مآ وصلت المرحله انطلب بلاسم اي مريض يجي
اريد معين اله معين يله ادخل جلسه
حتى اكو ناس تجي تاخذني للبيت طبعا بعد الدوام
تحول اسمي من معالج طبيعي
إلى معالج الروح الكل يحبني والكل يطلبني بلاسم
كنت افرح من اسمعهم يكولون معين معالج الروح
بعد سنتين من العمل داخل المستشفي
صرت معروف ومطلوب عند المراجعين
حتى اعلمهم تمارين يسسوهن بلبيت
لو نكعد اني وياهم نسوي تمارين داخل المستشفي
بعد سنتين عمل ونجاح بفضل رب العالمين
كدرت اثبت نفسي وبجداره
دز عليه المدير مدير المستشفى
دخلت على
معين...السلام عليكم
المدير...عليكم السلام هله بلبطل
معين..اهلا وسهلا هله بيك دكتور اامرني
المدير...استريح اكو موضوع اريد احجي وياك بي تفضل اكعد
معين...خير انشاء الله
المدير...انت كدرت بفتره بسيطه تفرض حبك على الناس
وتفرض نفسك بلمستشفى
معين...الحمد لله رب العالمين
المدير...اكو حاله اني شخصيا انقرضت عليه ورشحتك
ان تعالجه
معين...تمام ماكو مشكله بس اريد تفاصيل وتتفضل تجي للمستشفى وانشاء الله مااقصر وياهم
المدير...الصراحه العلاج راح يكون داخل البيت
معين...الهلدرجه الحاله صعبه
المدير ...لا هي مو كلش صعبه بس الحاله رافضه العلاج
رافضه تخضع نهائيا للعلاج
الكئابه مسيطره عليه هي الصراحه بنيه شابه تعرضت الحادث وطلعت من الحادث مقعده
بعد عمليتين كبرى
كدرو ينقذوها بس ماتقبل تتعالج حتى يتحسن وضعها
وهسه اجو يطلبون معالج يطلع للبيت حتى يحاول وياها
لان هي رافضه العلاج
بحيث حاولت تنتحر مرتين
معين...شكد عمرها
المدير...عشرين سنه
معين...زين زغيره بيه مجال تتعالج
المدير...حاولو وياها بكل الطرق ماتقبل تخضع الاي علاج
طبيعي من تشوف المعالج تنهار
وتجيه نوبه خوف وبجي وانهيار ماتسيطر على نفسه
واهله حيل خايفين عليه
طبعا هي وحيدة اهله ماعدهم غيرها
معين...تمام وبعدين
المدير ...اني بس سمعت حالته جمانه السعيدي مااعرف اجاني احساس انت راح تكدر اطلعه من هاي الحاله
معين...ليش ماعرضوها على طبيب نفسي
المدير...رافضه اي تواصل بالحياة ماتقبل تطلع ولا تشوف احد ولا تحجي وياا اي احد
صار اكثر من تلث اشهر وهي على هاي الحاله
اني متأكد انت راح تكدر تنجح بهاي المهمه
لان انت معالج الروح
هااا تقبل التحدي
معين...انشاء الله بس اربد تفاصيل أكثر عن وضعه وياا منو عايشه شلون تعرضت الهذا الحادث
المدير...حتى اكون صريح وياك اكثر
امه منفصله عن ابوها وصعدت بلانتخابات لمن صارت مدير عام كدرت تمشي امورها وصار عدها معارف
وثبتت نفسه وماعدها بس هاي البنيه
البيت عايشه بي البنيه وامه وبيبيته
جاي تحاول امه من يوم الحادث اطلعه برا العراق بس البنيه
رافضه ماتقبل
مستسلمه للموت عرضته على اكثر من دكتور
أكدو البنيه تعاني من أمراض نفسيه متراكه
واجت شغلة الحادث كملت عليه بحيث كرهت الناس
والصراحه امه عدها اعمال ومشغوله على طول ومو فارغه
تكعد وياها حتى تخفف المه
ولأن امه مشغوله عنها هي جاي تعاند بلزايد بشغلت العلاج
تحس محد يحبه ومحد مهتم بوجودها
ماتقبل تتعالج
هالك تفضل هذا تقرير الدكتور النفسي الي شافه
وهذا تقرير الدكتور الي اجراله العمليه
وهاي تقارير وفحوصات ثانيه
على فكره امه مستعده تدفعلك اي شي تطلبه بس تساعد بتها تطلع من هاي المحنه
معين...ولله اتعجب على هيج ناس امه السبب الرئيسي
بمرضه لو تنطيه شوية وقت واهتمام جان هاي البنيه تعافت
مستعده تدفع فلوس واي مبلغ الاي شخص يكعد وياها
ويساعدها
بس هي لا ماتكعد وياها
امه مشغوله كل الوقت حتى اجمع فلوس
وتنطيهن للي يكعد يهتم بته
عليمن هلشده انتي اكعدي وياها وافهمي وضعه وهي تصير احسن
كل الامراض النفسيه تجي من معاملة الآباء والأمهات الابنائهم
خلص اخذ العنوان واروح اشوفه
المدير....بس دير بالك احتمال تتعرض للغلط للضرب
اني كتللك سبع معالجين قبلك راحو يعالجون وفشلو
معين...هاي مامحتاجه معالج طبيعي بكد مامحتاجه واحد يطلعه من ازمته اذا طلعت من الازمه النفسيه
راح تتشافا وحدها بدون ماتحتاج اي احد
المدير...انت مجرد حجيتلك حالته عرفت وضعها واني واثق راح تكدر تساعدها
معين...انشاء الله اكدر ممكن اخذ العنوان
واريد كتاب من المستشفى خاف احد يسئلني
المدير... طبعا لازم عندك كتاب بلعلاج لان البيت علي حرس
واختار الوقت الي يناسبك وروح
معين...اخذت كل التقارير الي كاتبيهن الدكاتره جمانه السعيدي ومن رجعت للبيت بقيت اقرا بيهن وادرس الحاله
مسكينه مروه كلشي جاي يصير وياها بسبب اهله
ثاني بوم كانت عطلتي من المستشفى
بدلت لبست قميص ابيض وبنطرون جينز فاتح
لازم تكون الألوان فاتحه لان اله تأثير على النفسيه
وطلعت على العنوان
وصلت اكو ثنيين حراس برا
سلمت عليهم ونطيتهم هويتي وكتاب العلاج الي طالع من المستشفى
دخلوني البيت جبير كلش حديقه برا تخبل
وصلت للباب الداخلي
اجت وحده بلاربعين يمكن تشتغل هناك
ام ساره....تفضل
معين...اني معين
ام ساره ...اي عندي خبر بجيتك تفضل
دخلتني تمشي كدامي صعدت ووصلت الباب الغرفه
دكت ودخلت
ام ساره...مروه مروه
باوعت عليه واعيه بس ماردت
اشرت الام ساره اطلعي
كانت بنيه حلوه بيضه شعرها قصير بس هزيله ووجها شاحب ممدده ومتغطيه
معين...هلو مروه شلونك
باوعت عليه وماردت
معين...عادي حتلو ماتردين
تدرين حلوه غرفتج بس ناقصه تدخل عليه الشمس
قربت افتح الستاره
راسا عاطت بصوت عالي
مروه...اطلع اطلع برا اطلع مااريد اشوفك هنا انت منو سمحلك تدخل غرفتي
معين...استمريت بفتح الستاره وكانما مااسمعه
التفتت اكو ثلاجه زغيره بغرفته
فتحته وطلعت بطل مي وكمت اشرب
راسا باوعت عليه وهي تتنفس بعصبيه اني مو اكول اطلع برا انت حيوان ماتفتهم
معين...مااطلع اله تسمعين مشكلتي اريدج تساعدني الكه حل
مروه...اطلع برا ام ساره ام ساره جيبي الحرس يطلعونه منا
معين...لو مو حرس اذا ماتسمعين مشكلتي وتساعدني الكه حل مااطلع منا
كان لازم اكول هيج بااول لقاء بينا
لازم نتبادل الأدوار ومااحسسه اني جاي اعالجه
بلعكس لازم تحس هي طبيعيه وتكدر تساعد الناس
وتطلع من دور الضحيه الي عايشه بي
راسا كامت تعيط بشكل هستيري بدون توقف تقريبا عشر دقايق وهي تعيط بشكل هستيري
واني كاعد كباله وعيني عليه
تعبت من العياط وصوته راح وسكتت
معين...خلصتي
راسا رفعت اديها وسدت اذاناته حتى ماتسمعني
باوعت غرفته حلوه موديل تركي لونه بيج بيه ثلاجه زغيره وبلازمه ونص تخم
بس الغرفه مابيه عطر طيب
كمت فتحت الشباك وأخذت معطر من المعطرات الموجوده
على الميز ورشيت بلغرفه
اباوع بعدها ساده اذانها ومغمضه عيونه
لكيت مجله
اخذته وكعدت على الكرسي وبديت اصفح بيه
بقت مغمضه عيونه تقريبا ربع ساعه
فتحت عيونه باوعت عليه
شافتني كاعد اقرا
مروه....انت ليش كاعد اني مو كلت تطلع برا انت حيوان ماتفهم اطلع برا
اني بقيت مدنك واقرا وكانما مااسمعه
راسا شالت علبه مال كلنس وشمرته عليه
رفعت ايدي صديته
التفتت سحبة التيبلان بس ماكدرت لان مربوط بالكهرباء
احتارت تريد شي تضربني بي بس ماكو شي قريب عليه
شكرا لزيارتكم عالم روايات سكيرهوم
