رواية سراج السادة الفصل الرابع بقلم عسق ادريس
_______________
ان للَّهَ بَصِيرٌ بِالْعِبَادِ
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
- اللَّهمَّ إنَّكَ عفوٌّ تُحبُّ العفوَ فاعْفُ عَنّا.
خلونا ويا الساده ✨♥.
رفعت انضاري عل الكاعدين كلها صافنه كل واحد يتخيل القاء ويه نفسه اجت اديان كعدت يمي باوعت للكل وقربت راسها يمي تهمس
_عاتك ليش كلها صافنه
_غير عمه الساده جايه
_هوا وين احلا من عمه الساده هدوء وطمأنينه
باوعتلها صفح عرفت جاي تستهزء لان هذن الاثنين بقاموس عمه الساده ماموجود طلع مفرقد من غرفه الساده شايل تلفونه
_شاهيناز:: ابو الفراقد يمتى عمه الساده توصل؟
_مفرقد:: ماواصله للعراق بعد
_شاهيناز::هاي وهيه ماواصله للعراق هبطتكم لو تصير كدامكم شسوون
دخل ايليا للصاله وشاهيناز تحجي
_ايليا:: ست شاهيناز تحجين بزود؟
_شاهيناز:: اي عيني منتظره عمتي عندي وياها حجايتين
حجتها وباوعت لملاك الكاعده كادمنا مافاهمه شي ولارابطه فيشه ويانا طلع فقار من الغرفه وباوع للولد
_فقار:: عمه الساده ماتجي اهنا
_مفرقد:: مو السيد كال جايه لكربلاء؟
_فقار:: لااا كبل للنجف هسه انت والولد اخذو العلويات زوروهن وكبل لنجف
_حوراء:: دخت من كد مارحنه واجينه
كمنا اني والبنات دخلنه للغرفه نجهز نفسنه
_حميده:: هم زين مافتحنه الجنط
_شاهيناز:: بنات ويانا انتم مو؟
_دعاء:: ماعرف بس راح نجهز فد مره حتى علويات سيد معز راح يرجعن للنجف
شفنه الجنط عل حطتهن بس اخذنا العبي والربطات نلبسهن اخذو الولد الجنط انتضرنه الولد ينطونه علم حتى نطلع انتبهت السيد ولاشفته اليوم حتى سيد مقتدر ومعز اجه ايليا بيده سويج السياره
_ايليا:: علويات سيد مقتدر ب سياره ميزان علويات سيد معز بسياره محسن وعلويات السيد رؤف تعرفن مكانجن يلاا توزعن
توزع الكل لمكانه رحنا اني وحميده وحوراء لسياره فقار والولد اخذو العلويات البقيه جاي نصعد ب السياره ونتبهت شاهيناز ماهي؟ التفتت اشوفها ماموجوده جاي ارجع اشوفها وطلعت بوجهي ملاك
_ملاك:: هاي سياره فقار مو!
_عاتكه:: اي لفقار
_ملاك:: لعد وياجن اني
جاي ارد عليها وطلعت حميده راسها من الجامه منتجيه عل باب
_حميده:: ماكو عيني ماكو مكان وين تكعدين
_ملاك:: ليش ماكو! سيارته جبيره افسحو يفسح الله لكم
طلعت حوراء راسها ويا راس حميده
_حوراء:: متكلمه ملاك ماعرفناج
جاي ترد واجه فقار ب اتجاهنا
_فقار:: ماتصعدن يلا؟؟
_ملاك:: فقار عادي اجي وياكم؟
التفتت يباوع علينه مستغرب
_فقار:: شكو بيها خويه ركبي
_حميده:: فقار وين ماكو مكان تصير حصره
_عاتكه:: فقار بعد شاهيناز
طفرت ملاك من مكانها
_ملاك:: ماهي شاهيناز راحت ويا العلويات بسياره ميزان
_عاتكه:: شو ماكالت شعجب
_حميده:: اوكفي عاتكه نروح نشوفها
نزلت حميده من السياره جاي نروح ومرت من يمنه سياره الميزان وورا سياره ايليا و غضيمر وسياره محسن اشر محسن النا نتحرك مانتبهتت اذا شاهيناز وياهم لو لا لان السياره راحت بسرعه وكلها تشابهه ب البس
_فقار:: ركبن يلاااا
_حميده:: وشاهيناز!
_فقار:: مو ويا ميزان يلاااا تحركن
ضلينه اني وحميده وحده تباوع بوجه الثانيه صح شاهيناز علاقتها حلوه ويا علويات سيد مقتدر بس مو مال تروح وماتحجي صعدت حميده وحوراء دارت ملاك من جهه الباب الي ورا السايق وركبت ضليت صافنه عليها صعدت ب الكرسي اليم السايق وتحركنا....
"شاهيناز"
كوا واكفه ضهري موتني من يوم الطحت عل ضهري الوجع ماعافني بس ساكته ماريد احجي حتى لحد يلومني لان اني الجبتها لنفسي من صرت خياله وركبت الخيل ادري شجابج شوداج بس وين تنكدر شاهيناز
حسيت بشي ينزل مني ضليت فاتحه عيني مصدومه بس لا.؟؟؟؟؟؟؟
لالا كلشي ولا هاي مو وقتها شفت الكل ملتههي بروحه دخلت للبيت شفت البيبان كلها مقفله بس باب الشارع مفتوح شفت جنه السيد معز شايله ابنها
_ساره شنو قفلو البيبان؟
_اييي مو كلها طلعت ليش تردين تدخلين؟
_لج اي اجاني وجع ببطني
_يااا شوف الحض اصيحلج محسن يفتح الباب اوكفي
_لالا تعاي يمعوده وين شتكليله
_ولج شكله اكله تعال افتح الباب شاهيناز تريد تدخل للحمام
_عزاااا بعينج تحجيها عادي شيل اعمامتك ي عبد الرؤف وافتر بيها
_هههههه ولج شكووو ليش
_لايمعوده استحي يدري بيه داخله للحمام
_صدك جذب ولج قابل هوا مايدخل للحمام
_لالا ماتفهمين شعوري انتِ
_وشسوين هسه؟ وراج طريق يمعوده
_وين اعرف
ضليت لازمه ضهري ومتوجعه واحس بعد جاي ينزل مني ضليت اروح وارد وساره خطيه تقنع بيه اصيح لمحسن رجلها بس لا ماكووو محد يحس ب احساسييي استحي واحد يشوفني داخله حمام لو طالعه مم الحمام
_ساره:: شهده ترحين لصفحه الثانيه
_شاهيناز:: صفحه الثانيه شنوو
_ساره:: الحديقه هاي ورا السيد يزرع بيها موجود بيها صحيات بس محد يستخدمهن يعني مو ذاك الزود
_شاهيناز:: يمعوده عادي بي ماي؟
_ساره:: موجود تعاي وراي
خلت ابنها ب الكاع تجي توديني وهذه نصرع يصرخ عبالك اول طيحه البجي خبصنه وييي ما وييي عل كد مابجه حتى سكر وصار ازرك ياياايا شبي هذه انوبب
شالته امه تسكت بي وهيه يتنعوص
_شاهيناز:: ضلي يم ابنج اني راح اروح وحدي
_ساره:: شوفي بس دخلي الممرر هذه تشوفين كدامج الحديقه ب نهايه الحديقه تشوفين الحمام
هزيتلها راسي ورحت اتمركض اريد بس اوصل هم وجع هم ضجت من الشعور جان الممرر طويل وعرضه نص متر طلعت من الممر وصدك صارت كدامي الحديقه كبل اجيت عيني عل زاويه الحديقه شفت باب الحمام مبين من بابه رحت للحمام كبل......
طلعت من الحمام لازمه بطني القترنت بضهري صارت بطن وضهر لزمت بطني متوجعه احتاج وحده من البنات ماكدر اضل هيج كمت اعين بروحي واجتني وجعه ببطني خلتني اصرخ وانبطح من الوجع ضليت كاعده عل محجر صخري لازمه بطني كاتممه عل الوجع
انتضرت يخف الوجع صعبه اكوم هيج.... بعد صعوبه ومحاولات كدرت امشي حانيه ضهري هذه الوجع محد يحس بي غير المجربه واني ويا هذه الشعور عرايك وصلت للممر وماكدرت كعدت ابجي واردد ادعيه وايات اريد يخف شوي الوجع ب العاده اخذ حبوب واسكت الوجع
استحيت يجي واحد من الساده يشوفني ويفهم الموضوع كمت لازمه الحايط وامشي طلعت الممر وضليت صافنه شو محد موجود وهدوء؟ تمشيت لباب الشارع ونصدمت الباب مقفول؟ مقفول من براا؟؟؟؟
جريت سركي الباب ادك ماكو ياا! نسوني شنو؟؟؟ رجعت ادك عل باب ماكو صحت ب اسماء البنات محد يجاوبني توها اهنا هوسه وين لحكو يرحون!!
انتجيت عل حايط كدام اباوع للباب ماحسو بيه يعني؟ مافقدوني البنات شلون؟ ههه هاي لو انا ادورهن وحده وحده وهنا حتى مافقدني بجيت من الوجع والقهر شبي حضج ي شاهيناز هم شمره خيل وهم بطنج وضهرج وهسه ناسيج خليت راسي بين رجلي مقهوره لان محد فقدني اكثر من انو نسوني
بده الوجع يزيد علي والنزيف ياخذني والوجع يزيد واني بمكاني اتلوى وابجي محد موجود حتى الشمس بدت تغرب يعني محد حس معقوله؟؟
رفعت راسي من سمعت صوت فتحه قفل بقيت بمكاني اباوع للجهت الباب لو يطلع جني هم ماكوم من مكاني نفتح باب شفته لازم التلفون بيده ويفتح ب الباب طوله ملامحه منو هذه؟ بس لاصدك جني
دفع الباب بيده ورفع راسه صارت عينه بعيني عكد حاجبه مستغرب اعتقد عباله جنيه هيج حجي اي لان شكله مو مال انسان يباوع لانسان باوع يمنى يسرى ورجع يباوعلي طفه التلفون وخلاه بجيبه تقدم ب اتجاهي مستغرب
اتربع كدامي يباوعلي شعور غريب اول مره اصير بوجه شخص بهذه القرب
_من ديره السيد عبد الرؤف
هذه منين عرف وهوا هذه منو وشعرفه بسيدنه معقوله السيد دزه علي؟ ليش ماجه هوا لو دز سادتنا
_شاهيناز:: منوو انت
ابتسم نص ابتسامه ملامحه حيل بعيده عيونه مزيج من الون الاخضر والازرك سماره ولحيته بنيته الجسديه مايشبهنه ابد
_الجادح
_جداح منو
كام من مكانه مبعد عني
_شجابج اهنا؟
رجعت نقهرت من تذكرت وضعي
_نسوني
_نسوج؟
_اييي عافوني وراحو طلعت لكيتهم ماكو وجنطتي وجهازي يمهمم
ضحك داير وجهه فتح تلفونه وخله على اذنه
_ابو الفراقيد..... ناسيلكم شي..... هههههه..... موجوده سيد... لامايحتاج اني اجيبها... لا سيد اني جاي وراح اجيبها فد مره....حبيبي... يلا الله وياك
ضحك ودار علي
_يلا درو ناسين بتهم كومي يلا
حجاها ومشه متوجهه للباب واني بمكاني ماكدر اكوم ملابسي وحتى العبايه نلعب بيها لعب دار علي مستغرب
_عاجبتج الكعده؟
دنكت عيوني مدمعه ياااارب شهل موقف رجع تمشه لجهتي
_شبيج
_مابيه شي
_ماتكومين
رجعت دنكت توجه لباب البيت ليدخل عل بيت من الداخل وفتحه ب المفاتيح العنده ومشه متوجهه للشارع
_انتضرج برا
طلع وخلاني وحدي ارتاحيت انو ماخجلني وتفهم كمت من مكاني لزمت ملابسي من ورا وغمضت اوووو هاي شصاير دخلت للبيت لغرفه العلويه مرت السيد معز شفتها معلكه عبيها عل حايط اخذتلي عبايه ورحت لغرفه البنات ماكو!! ماكو الارديهن يارب لااا شفت موجود كنينس اخذ الجيس ودشداشه من البنات ودخلت للحمام نظفت نفسي وطلعت خليت ملابسي ب علاكه شفت العبايه طافره علي لان العلويات كصار مو مثلنا طوال
طلعت من البيت شفته واكف يم السياره يدخن ووبيده تلفونه تمشيت اله مدنكه فتح باب السياره واشرلي اصعد صعدت وصعد شغل السياره كعدت ارتب النقاب ب الجامه باوع للجامه صارت عينه بعيني كسر عينه ومشه ب السياره طول الطريق متوتره ومتوجعه لازمه بطني كاتمه الوجع ماكدرت اتحمل وجعها دوم اتاذى احس نفسي اريد اجيب
وكف السياره ونزل واني صرخت متوجعه من الم بطني حيل تاذيت بقيت مدنكه ولازمه بطني ماطول و فتح بابه وصعد بيده كلاص بي جاي اشرلي اخذه
_ماعنده حليب جبتلج جاي وخله ويا نومي
_هاا لا ماريد
_اخذيييي
اخذته اسب بروحي هسه دكرصيها شوي وتحملي شجاج مشه ب السياره واني بعدني لازمه الكلاص
_تاخذيله خيره؟ ماتشربي
_غير حار
_شربي حار احسن
بديت اشرب شوي شوي ولازمه بطني من داخل العبايه امسح عليها بعد طول الطريق وكف السياره
شفت هذه طريق للامام نزل من السياره وفتح بابي نزلت عل كيف ضاغطه عل نفسي
سد بيبان السياره وقفلها ومشه كدامي واني وراه كل شوي يتلفتت علي يخليني اسرع واني كوا امشي اخر شي كعدت عل رصيف
_شاهيناز:: ماكدر امشي رجلييي ياذني
صفن علي يهز براسه
_ضلي بمكانج
مشه وخلاني وحدي كاتمه عل نفسي شوي وشفت جاي ويحجي ويا ولد صغيره عنده عربانه اشرلي اكوم
_يلا كومي صعدي ب العربانه
شاهيناز:: اركب ب العربانه
_جادح:: اي يللاا
_شاهيناز:: لا شنو اركب ب العربانه خطيه وين بي يدفع
حجه الولد ابو العربانه
_لا خاله بيه
_شاهيناز:: حبيبي اني جبيره وين بيك
_خاله انت بس ركبي لاتكطعين رزقي
شوف شوف فوك ماريد مصلحته يكلي تكطعين رزقي والله عمي زين مو صوجك صوجي اني منقهره عليك ديلا بيك خير وتدلل ركبت ب العربانه شو هذه كبل ومشه يركض بالعرابانه شسالفه اوكف يمعود ابو الغيره ابددد يمشي عبالك شايل جيس ملح ماشاءالله
وهوا شلونه مايعرف يمشي الى ب النص بحيث كلها تباوع عبالهم اهتم ابددد اني اهم شي مامشي وينشلع كلبي تونست عل جو تمنيت يمي خضره وبيع عل وادم
"عاتكه"
وكفت السيارات سامحين النا ننزل فتحت باب السياره ونزلت صارت نزلتنه جوا الجسر عل شارع انتضرت شاهيناز تنزل
_فقار:: يلا بدون صفنات عاتكه روحي ويا علويه زهراء
تمشيت للعلويه زهراء كل شوي التفتت وين راحت هاي شبيها تأخرت هيج
_حميده:: ببنات ترا شاهيناز ماكوو
_عاتكه:: شنوو مو ويا البنات
_حميده:: ماكو وينها
_حوراء:: امشن هسه تلكنها كدام
دخلنه عل جهه السوك الي تصير بي محلات ومطاعم كل الي جان ابالي هيه ويه العلويات دخلنه عل عل جهه الامانات
_علويه زهراء:: ولجن شاهيناز وين؟
_حميده:: علويه ويا علويات السيد مقتدر
_علويه زهراء:: ياعلويات السيد مقتدر ولج هذنيج هنا ماهي وياهن
التفتت عل جهه التأشر عليها العلويه وفعلا شاهيناز ماكو وياهن درت عل ملاك
_عاتكه:: ملاككك مو كلتي وياهن؟؟
_ملاك:: مادري عبالي وياهن
_حميده:: صدك تحجين؟ شلون تكولين وياهن لعد؟
تمشيت الهم ادور عليها بينهن
_عاتكه:: وين شاهيناز
_اديان:: ليش مو وياكم
_عاتكه:: لااا ملاك كالت وياجن راحت
_دعاء:: لا وين ماجت ويانا عبالنا وياجن
اجت العلويه زهراء وام شاهيناز
_علويه زهراء:: خايبات من عمه العماجن وضيع دواجن ناسيتلجن جنطه ماتدرن ببت عمجن ناسيتها وجايات
_حميده:: علويه ملاك كالتتت ويا البنات
_ملاك:: عبالي وياهنن وين ادري
_ساره:: علويه هيه اجتني عل حمام واني طلعت مادري عبالي ركبتن وياكم
_علويه زهراء:: يبوييي ولجن فلك الفلكجن صيحلي واحد منن الولد ناسيات الفرخه ب البيت وحدها
رحت اصيح الولد مقهوره صدك عود نسينه شاهيناز هسه شتكول يالله اني وين ادري عبالي شلون سالفه هاي رحت للجهه الولد جانو توهم داخلين يمشون ب السوك شافوني
_ايليا:: ها عاتكه
_عاتكه:: ولد نسينه شاهيناز ب البيت
_مفرقد:: شنو نسيتو؟
_عاكته:: شاهيناز
_فقار:: شاهيناز؟ ناسيننن شاهيناز ب البيت؟؟
_عاتكه:: ااي ملاك كالت بسياره محسن تالي طلعت مهيي اصلا ماجايه
_محسن:: وين صايره هاي الناس تنسى علاكه جنطه مفتاح بس مال تنسى بشر لا
_غضيمر:: اكلك انت مو نفسك نسيت ابنك عدنا وطلعت لكربلاء ماتذكر؟
_محسن:: اي والله طلعت جايب الممه وناسي الولد ب البيت
_عاتكه::يمعودين مو وقتكم الابنيه وحدها ب البيت
_فقار:: جيب المفتاح محسن
_محسن:؛ اجي وياك
_فقار:: شتسوي جاي جيب المفاتح يمعود
اخذ فقار المفتاح ورجع شكد نقهرت هسه عبالها ناسينها لو تدري بملاك حلال تكتلها تمشيت ويا الساده راجعه للعلويات لكيتهن كاعدات صافنات والعلويه كل شوي تلوف عليهن ترزلهن والبنات يخزرن ب ملاك شكد ضجت منها
دخلنا للضريح نزور وكعدنا عل صفحه والعلويه تخزر بينه واحنا نخزر ب ملاك وهيه مدنكه صلينه ركعتين وقرينه الزياره وتوجهنا للامام ابو الفضل زرنه وقرينه الزياره وصلينه ركعتين سمعت وحده من النسوان تحجي
_احنا كبل اجينه زرنه الامام العباس لازم الامام الحسين اول شي
جاوبتها الوياها
_اذا ردتي حاجتج تنكضي زوري الامام العباس ب البدايه وخاصتن لو جايه تشكين ماطلعين من الامام وحاجتج مانكضت
طلعنه من الامام شفنه الساده واكفين وفقار وياهم رحتله مستغربه
_فقار وين شاهيناز ماجبتها؟
_لا ابو ميرزا راح يجيبها
_منو ابو ميرزا غير انتم ترحون مو تدرون بيها تستحي؟؟
_عاتكه الزلمه جاي وكال جبتها وياي ومو غريب ابن السيد مقتدر
_السيد مقتدر منيله غير محسن وحسن وحسين؟
_عنده جادح من زوجته الثانيه
_الي من بغداد؟
_اي هيه
اغلب سادتنا مزوجين اكثر من مره واكثريتهم ماشايفيهم ومتعمقين بيهم مر الوقت واحنا منتضرين شاهيناز قررو الساده ياخذون العلويات الكبار ويطلعون للنجف واحنا البنات بقينه ننتضر شاهيناز
_حميده:: بنات شوفننن
شفت شاهيناز راكبه بعربانه وولد صغير يدفع بيه وياهم زلمه وصلو يمنه ونزلت شاهيناز حجه الوياها
_وصلت امانتكم
حجاها وضحك وتسالمو ويا الساده باوعتلنا شاهيناز وجهه مكلوب كلاب تحس تريد تلكف وحده منا تسطرها اهنا تقدمت علينه تباوعلنه معصبه
_شاهيناز:: فلا بيجن وحده تستحي
_عاتكه:: شاهيناز ترا والله عبالنا ويا محسن
_شاهيناز:: شنوو عبالجنن ويا محسن؟؟ اني وياجن دوم مافقدتني؟؟ حتلو ويا محسن
_حميده:: والله العظيم فقدناج وجينه نجيج بس السيارات طلعن
_حوراء:: ترا ملاك كالت راحت ويا العلويات
دارت شاهيناز عل ملاك هاي من الخوف لبدت ورانا وشاهيناز تحسها لكتها حجه
_شاهيناز:: شبيج لابده؟ تعاي ماسويلج شي
_ملاك:: والله عبالي رحتي وياهن
_شاهيناز:: والله مو؟
تحركت شاهيناز تريد تلكفها واني والبنات صرنا كدامها
_عاتكه:: شاهيناز شبيج عيب منا ناس
_شاهيناز:: توخرين لااراويج العيب صدك
_حميده:: شاهيناز لا مو هناا ب البيت عيب احنا الساده وراج
_فقار:: يلا علويات
شفت ابو ميرزا صافن عل شاهيناز يريد يضحك بس مستحي
_شاهيناز:: خل ازور؟؟
_فقار:: يلا علويات وياها روحن
مشت شاهيناز كدامنا واحنا وراها نركض ملاك ماكدرت تضل يم الساده وحدها اجت ويانا بس كل ماتصير شاهيناز عل صفحتها تتطفر دخلنه للامام وشاهيناز وكفت يم الباب مادخلت جوا
_حميده:: اكلجن احنا دخلنا دخلنا خل نلزم المرقد
صدك دخلنا نلزم المرقد وملاك وراي ماحس غير ملاك صرخت درت شفت شاهيناز لازمتها من ورا تسوي روحها تزور وتجر بعبايتها
_حميده:: يبوييي نشهرنا وتخزينه
_عاتكه:: شاهيناز لا بداعتي عليج
_ملاك:: راسييي بنات راسيييي
_حوراء:: شاهيناز والله عيببببب ولججح ب الامام احنا نفضحنه
ابد ماكو لازمتها من ورا وتجر تسوي روحها تزور سمعت وحده من النسوان العراقياات تاشر عل شاهيناز
_شوفي مو اكلج الايرانيات ماينطن مجال شلون تجر ب الابنيه
_عمي الامام بس الهن عبالك كل وحده شكبرها من حيلهن الحيلنه
دارت عليهن شاهيناز وهنه سون روحهن يزورن غطن بنص النسوان واني والبنات محاوطات شاهيناز وملاك نجر بيهن
_ملاك::الله الله عليجج شعري راح لاا
_شاهيناز:: عليه الله مو ماخليتي الله كدام عيونج من جذبتي
_عاتكه:: شاهيناز عوفييي البنيههه
_شاهيناز:: خالتني جني جرو ابجي بنص البيت
_حميده:: عمي احنا الجراوه بس عوفي البنيهه شهرتينه
_حوراء:: شاهيناز راح يجن امهات العتبه يطردنااا دفرات ولجج لاتشهرينههه
_عاتكه:: شاهيناز يدرنن بيه علويات شاهيناز والله عيببب نطلع ب الصغيره كدامهننن
وين يلا كدرنا نسحبها من ملاك وهاي تبجي وشاهيناز تتحلف الها صرنا فلم اني اكلكلم طلعنه من الامام ملاك تركض كدامنا وثنين يمشن كدام شاهيناز وثنين ورا حراكتها غير متوقعه طلعنه من الامام شافونا الساده ستغربو من حاله ملاك قوس حلكه ابو ميرزا وهز راسه يتلفت فقار نصدم يباوع علينه
_فقار:: وين جنتن انتن؟
_حميده:: نزوررر
_فقار:: شبيها علويه سيد حمزه تبجي لعد؟
_شاهيناز:: مننن الخشوع يعني عليمن تبجي شافت المرقد وضلت تنحب نريد نشلعها من المرقد ماكوو لازمه المرقد وتبجي
_حوراء:: اي هوا من الخشوع مو بنات
_حميده:: اي اي خشوع مو عاتكه
_عاتكه:: ها اي اي صح عدها ايمان وخشوع جبير نريد نسكتها ماتسكت
كح ابو ميرزا يدك عل صدره ويضحك
_فقار:: ها سيد شجاك
_جادح:: من الخشوع حبيبي جاي اكح من الخشوع
فقار صافن علينه وعل ابو ميرزا واحنا نتلفتت وهاي ملاك ماحجت شمرتها عل صامت تمشينه للامام الحسين نزور لان وكفتنا صارت يم الامام ابو الفضل وملاك تركض كدامنا وشاهيناز لازمه بطنها وتخزر بينه
_عاتكه:: شاهيناز احنا شعلينه والله عبالنه صدك وياهم
_شاهيناز:: سكتي
_حميده:: والله شاهيناز عبالنا وياهن حتى نزلنا نجيج جان مشوو
ضلت ساكته وماحجت دخلنه للامام الحسين وملاك ضلت يم الساده وكفت شاهيناز ب الباب تزور
_عاتكه:: ماتلزمين المرقد
_شاهيناز:: معليج
_عاتكه:: معذوره موو
دارت علينه خارزتنا ابتسمنا اني والبنات سوا
_عاتكه:: ها شاهيناز راح تخلينه نخشع
_حميده:: دخالين عليج وعلي مابينه حيل
_حوراء:: شاهيناز لاتباوعين هيج تخوفيني والله
ضحكت من شفناها ضحكت التمينه اني والبنات نبوس بيها وهيه تدلع علينه ب الاخير رضت وضلت تسولف النا طلعنه من الامام ومشينه ويا الساده للسيارات
مشه ابو ميرزا كدامنا
_فقار:: ها جادح وين
_جادح:: للبيت والله
_فقار:: وين يمعود دتعال عمتي جهاد جايه كلها مشت لنجف
_جادح:: وراكم اجي
_فقار:: يلا ننتضرك
توادعو ومشه ابو ميرزا صعدنا اني والبنات للسياره ملاك عل جامه اليمنى وشاهيناز على جامه اليسرى والبنات بنصهن كلنا اي حركه حتى نكدر نسيطر عليهن تعرفون بعد خشوع وكذا مشينه ب السياره وفقار خابر الساده علمود شاهيناز لان السيد كل شوي يتصل
_عاتكه:: فقار ليش السيد مختفي؟
_فقار:: مامختفي اجه هوا والساده الكبار زارو ورجعو للنجف قبلنا
رجعنا للنجف ونزلنا اني والبنات صعدت شاهيناز لغرفتي واني والبنات توزعنا عل شغل البيت منتضرين العلويه مرت ساعه ونص وطلعو الولد
_حميده:: الساده راحو يجيبون عمتي
مر الوقت والكل منتضر جيتهم وجيه عمتي
انتبهت السيد يروح ويرد صافن عل باب الدخول دخل واحد من الجهال يصفك ويطفر
_اجو اجووو
كلها نخبصت السيد بس سمع كام من مكانه ودخل للمصلا انتبهت العلويه زهراء صافنه علي مدمعه عيونها نزلن البنات ركض من الدرج
_ ولجننن اجتتت عمتناا
ماعرف شعورنا شنو فرح توتر لهفه للقاء بعد هاي السنوات كلها صارت بصفحه وحده كدام باب منتضرين يدخلون فجاءة اجاني شعور الضحكه وضليت اضحك شاكه حلكي شك فرحانه
ندفع الباب ودخل ايليا بيده جنطه سفر جبيره
_ايليا:: هلا ب النور داره
دخلت عمه الساده العلويه جهاد بنت السيد عبد الرؤف الصغيره ووحيدته دخلت بشماختها وبهيبتها عمه الساده جانت طويله ووراثه الطول الي عدنا ورثناها منها صاحبه بشره بيضه وعيون عسليه حواجبها ورموشها سود كثيفات ملامحها مريحه وجميله دخلت وراها العلويه مهجان بنت عمنه الصغير وهاي قصتها لازم هيه الي تحجيها
كلها طفرت عليها الي يبجي والي يضحك والي مبتسم والي يبوس والي كاعد عل صفحه مايعرف شي لان اغلبهم مايعرفوها وماملحكين عليها وجيتهم بعد سفرتها ل ايران
حضنتها اني والبنات نبوس بيها وهيه مبتسمه وترد علينه بهدوء هاي عمه الساده ماتنحرس طبيعي هسه تشوفوها هادئه وبعد خمس دقايق تهوس من العصبيه
حضنتها ابجي وابوس بيها
_عاتكه:: شتاقيت الج عمه
حضنتني وباست خدي التفتت عل علويه زهراء شفتها متكتره تباوع للعلويه وتبجي بهدوء والعلويه مانتبهه من كد الهوسه والمه الي صارت رفعت راسها تدور بعيونها صارت عينها عل علويه الي شهكت وخلت شيلتها عل وجهه تبجي عافتنا عمتي وتمشت للعلويه كلها صارت عيونها عليهن
وكفت عمتي جهاد صافنه ب العلويه متردده
_جهاد:: ماشتاقيتي لوحيدتج
وخرت العلويه زهراء الشال من وجهه عيونها حمر فتحت ايدها
__علويه زهراء:: كلبي ملهوف لوحيدتي
ركضت عمتي لحضن العلويه تبجي تبوس بيها شكد بجيت من الموقف البنات ضل شوي ويشكن زيج من كد مابجن انتبهت ملاك رافعه تلفونها تصور وتمسح بدموعها
اجو الساده كومو العلويات دخلو ابوي وعمامي وكف ابوي ب النص وفتح عبايته كامت عمتي جهاد وركضت حضنت ابوي غطاها بعبايته وعمامي كل واحد من جهه حاضنها ويا ابوي وهما يبوسون براسها دخلو عمه الساده للصاله وابوي وعمامي حاضينها وهيه حاضنه العلويه التفت تباوع ب الوجوه دارت علي عرفت قصدها اشرت لباب المصلا
عافت العلويه والساده وتمشت لباب المصلا دكت الباب كلنا لطشنه ب وراها
_شاهيناز:: ايدججج ايدجج بخلقتي صارت
_ملاك:: سكتييي جاي اصور
_اديان:: طالعه ب التصوير اني مو
_ملاك:: اي صورت الكل
_شاهيناز:: يلا يلاااا مسحيي مارضى واحد يصورني
_ملاك::عيعع ميته عل خلقتج اني لقطاتج كلها راح امسحها
_شاهيناز:: عليمن عيع ولج؟
_العلويه زهراء:: الماتسد حلكها هسه اجي اسده
نلصمن ثنينهن وحده تخزر ب الثانيه فتحت العلويه الباب بهدوء شفنا السيد كاعد بمكانه بيده القران ايدي يرجفن ويقره بدون صوت بس شفايفه تتحرك
_جهاد: ماشتاقيت لبنتك ام على القلوب اقفالها
سكتت السيد وسد القران وكتره رفع عيونه للعلويه الي جانت مبتسمه بحزن عيون السيد حمر وواضح الدموع بيهن تقدمت العلويه والسيد فتحلها حضنه شمرت روحها بحضن السيد تبجي وهوا يبجي وياها اااااااا ماعرف اوصف القاء والدموع
_ملاك:: ماتحمل راح ابجي
_شاهيناز:: اويي سوده عليه ماتبجين ماتشوفيها كلها تبجي لو عيونج كتاكيت مايبجن
اجت ملاك ترد عليها وادرت عليهن العلويه ثنينهن دنكن مسحت دموعي من بدت العلويه تعاتب ب السيد وهوا يبرر الها رفع السيد راسه شاف مهجان الي جانت تبجي وتمسح بدموعها فتح السيد ايده وهيه ركضت حضنته بده يبوس براسها
_هلا ب مهجه روحي
بعد عتاب طويل كامت العلويه واجن النسوان والسادع يسلمون عليها عمتي جهاد جانت ساكته وهادئه وهذه الشي الي خله الكل يستغرب روحتها غير رجعتها
_شاهيناز:: عمتي احسها ضاملتنا شي لان سكوتها مو خالي
_حوراء:: امكن نست كلشي
_حميده:: نست؟ عمتي جهاد تنسى مستحيل بس امكن فتحت صفحه جديده اي
_شاهيناز:: اذا ماتطلع تشتغلنا عل صامت ماطلع بت سيد هادي
فعلا عمتي جهاد محد يعرفها بدينه نحضر الاكل الساده ب المصلا والعلويات ب الصاله طلعت اشوف امي شفت عمتي جانت ب الصاله تحجي ويا بنات خالتها دخل فقار منزل راسه
_فقار:: عمه ابو ميرزا يريد يسلم عليج
وكفت عمتي مبتسمه
_جهاد:: هلا بي
طلع فقار يصيحه اكتشفت عدنا هواي ساده ماعرفهم ولا ملتقيه بيهم سمعت صوت حمحه رجال بعدني ماراجعه ودخل نفسه بيده طفل صغيره يجي عمره 5 سنوات واكثر لابس دشداشه سوده دخل مدنك رفع عيونه للعلويه وابتسم ملامحه حيل جامده حتى ضحكته
_هلا بعمه الساده
_جهاد:: هلا ب الجادح هلا ب ابو ميرزا
ضرب ابنه خفيف عل ضهره
__جادح:: روح سلم عل بيبتك بابا
جانت العلويه مبتسمه بوجه الطفل من سمعته كال بيبتك رفعت حواجبها ماعاجبها ضحك الجادح والساده
اشرت للولد يجيها وهيه خازره ابوه
_جهاد:: تعال حبيبي
راحلها الولد يسلم عليها
_شلونج بيبي
ضحكو وابوه مبتسم
_جهاد:: بعد بيبتك مقبوله منك
_الجادح:: اي علويه شنو الجديد
_جهاد:: يا جديد
ابتسم بوجهه العلويه وهز راسه وهيه دنكت عل ولد انتبهت شاهيناز واكفه بباب المطبخ صافنه عل طفل
_الجادح:: جيناتج قويه علويه
_جهاد:: شلون
رفع عيونه عل شاهيناز بسرعه ونزلها طلع وطلعو الساده ويا ضلت العلويه ويا النسوان ويمها مهجان صافنه كعدت يم مهجان ابتسمت ودنكت
_عاتكه:: ماتجين يمنه
_مهجان:: وين
_عاتكه:: ب المطبخ
_مهجان:: انظف وياجن؟
_عاتكه:: الخايسه كتلج نظفي كتلج تعاي يمنه نسولف
_مهجان:: هاااا اي عبالي تردني وياجن لان مابيه ابد
_عاتكه:: دكومي كومي صوج عمتي علمتج عل دلال
كمنا للمطبخ يم البنات هنا مطشرات الي تعزل والي تصب الاكل والي تنظف كعدت مهجان عل طاوله تباوعلنا دارت عليها شاهيناز شايله جدر المرك
_شاهيناز:: خيررر ست مهجان شنو جاي تشرفين عل اكل؟
_مهجان::اشششش يلا انت الثانيه غسلي الصحونه عدلللل
المهم نرجع من الجديد حميده وحوراء يغسلن مواعين وشاهيناز تصب المرك ومهجان واديان عل زلاطه دعاء ووديان يودن الصحونه والعلويات البقيه مطشرات كلمن ييدها شغله دخلت ملاك تعلج وشايله اكلاص بيدها
_ملاك:: بنات اريد مي
_شاهيناز:: ماعدنا ماي امشي برا
_ملاك:: شنووو ماكو ماي اكو بيت مابي ماي
_شاهيناز:: اي بيتنا مابي ماي يلا برا
دخلت عمتي جهاد للمطبخ مستغربه
_جهاد:: لج شاهيناز شنو جاي تاخذين دور الشمر وتحرمينه من الماي؟
_شاهيناز:: لاعمه حبيبتي الترمز يم المجمده اذا تردين ماي
_ملاك:: صالي ساعه اصيح اريد مي تكليلي ماعدنا؟
_شاهيناز:: لان احبج
_ملاك:: شوفي عمه ساكته اني
حجتها وطلعت دارت عمتي عل شاهيناز
_جهاد:: شبيج شاهيناز؟
_شاهيناز:: تولي عمه ماتعرفيها شنو
تمشت عمتي تحجي
_جهاد:: نصيح لحد يحقد عل لثاني وسامحو ونظفو كلوبكم والي عدنا يحقدون ويشيلون ب كلوبهم
كلها سكتت اخذت عمتي كلاص وترسته ماي وطلعت من المطبخ
_عاتكه:: صدك شاهيناز كافي هيه الابنيه مامكابلتج وكاعده جم يوم وتروح لبيتها بعد عليمن كل هل حقد
سكتت ماحجت كملنا صب ونقلنه الاكل كعدت عمتي جهاد وعل يمنتها العلويه وعل يسرتها ملاك شاهيناز شوي وتكوم تمدد ملاك عل سفره تتغده بيها كحت ملاك غاصه من الاكل اخذت عمتي كلاص الماي ونطته الها تضرب عل ضهرها خفيف وملاك مبتسمه حجت علويه شريفه تأشر عل مرت محسن
_علويه تعرفين هاي الابنيه
_جهاد:: لا والله مو قصور بيها بس ماعرفها
_مرت محسن ساره
_جهاد::هااا هيه سلمت عليه بس ماعرفتها توني عرفتها منج
_ساره:: هههه اي لان من تزوجت جنتي ب ايران
_جهاد:: قبل خمس سنوات تزوجتي مو؟
_ساره:: اي قبل خمس سنوات
هزت العلويه راسها وكملت اكل خلص الكل وعزلنا الاكل مر الوقت وكل مره تجي موجه نسوان يسلمون عل علويه اجه المغرب كلها صلت وبدو يجهزون للعشه كامت العلويه
_جهاد:: اترخص منجن علويات رايحه ارتاح
حجتها ومشت ب اتجاه الدرج لغرفتها القديمه كامت العلويه وصاحت من مكانها
_علويه زهراء:: عتوكه يمه دخلي عمتج لغرفتي ترتاح
دارت عمتي مستغربه بوجه العلويه توها تريد تحجي وسحبتها امي ومرت عمي لغرفه العلويه زهراء والسيد ماكدرت تحجي وضلت ساكته دخلت للغرفه ترتاح واحنا اطشرنا عل بيت مارتاحينا الى ورا العشه كلها بدت تخف ضلو بس اخوان السيد رؤوف والعلويات صعدنا اني والبنات للغرفه انام لان خلص بعد مو مال استمراريه
_شاهيناز:: عاتكه من يمج مخده فدوه
_اديان:: بنات اريد مندر
_حميده:: عاتكه طفي السبلت بارده
_حوراء:: لالا اني محتره
_مهجان:: حميده رجلج وخريها خل انام
_دعاء:: بنات غطه اريد
_وديان:: حوراء كومي منا فراشي هذه
ضليت صافنه عليهن كلها تصيح واني اريد بس اشمر نفسي من التعب اندك الباب ونفتح دخلت ملاك شايله مخده بيدها مبتسمه
_ملاك:: بنات عادي انام يمجن
_شاهيناز:: تعاي اهنا هذه المندر فارغ
ضليت فاتحه حلكي وعيوني مشنجه من الصدمه اني والبنات صافنات عل شاهيناز اجت مهجان يمي هيه والبنات يهمسن
_مهجان:: خاف تريد تنومها يمها حتى تخنكها ب ليل
_حميده:: هوا اكيد هيج
_دعاء:: خاف ملاك اجت اهنا حتى تخنك شاهيناز
_وديان:: احتمال لان ملاك هم عقلها ضارب
_حوراء:: خاف علمود يتعاركن براحتهن
_عاتكه:: سكتننن شو ملاك تعاي اهنا خل اني انام يم شاهيناز
لامستحيل اخلي شاهيناز يم ملاك ابددد اعرف بت عمي واعرفها زين ماتتأمنن كلها شمرت روحنا جفت ماكعدنا غير صوت المنبه لصلاه اليل شكد ماجنا تعبانات ومتأخرات ب النومه بس كمنه كلنه حتى ملاك ويانا خلينه افراشنا عل حطته ونزلنا نتوضى الي تتوضى تروح تتدخل للمصلا دخلت للمصلا جان هوسه اكثر من كل مره اخذنا اني وشاهيناز ومهجان وحميده وحوراء السطر الاول وعلويات السيد مقتدر ورانا كملنا صلاه اليل وبدينه نقره ادعيتنه انتبهت السيد صافن عل باب
كلنا عرفنا منتضر دخله عمه الساده ماضل دقايق عل صلاه وكلها كامت وكفت منتضره السيد يكوم والسيد بمكانه صافن عل باب المصلا
_سيد مقتدر:: يلا سيد صلاه
هز السيد راسه ووكف انضاره عل باب وجه وجهه عل قبله ونفتح الباب المصلا دخلت العلويه مبتسمه
_جهاد:: تردون تصلون بدوني
ضحك السيد والساده الكبار دخلت للمصلا تباوع للعلويه زهراء صفح والعلويه زهراء سوت روحها تصلي
_جهاد:: ها علويه عاجبج مكاني؟
رفعت العلويه ايديها تدعي وعمتي تباوعلها وتهز براسها اجت يمنه سوينالها مجال بده السيد يصلي واحنا نصلي ورا خلصنا صلاه كامت العلويه من يمنه وكعدت يم السيد فتحت قرأنه خلت راسها عل كتف السيد وبدو يقرون ثنينهم قران سوا
كلها سوت انسحاب لغرفها بس العلويه والسيد ضلو فزيت عل صوت عمتي جهاد ب الغرفه تشيل ب الغطه
_جهاد:: شنووو ميتاتت كومن
كلها ضلت ساكته وشامرتها عل صامت محد تحركت اختفى صوت عمتي جهاد عبالنا راحت ورجعنا دحسنه روحنا مكملات نومتنا مافتحت عيوني الى من نشمر عل وجهه ماي بارد خلانه نكعد نصرخ من بروده الماي لكيت عمتي جهاد واكفه فوك روسنه تهز براسها بيدها طاسه ماي
_جهاد:: خمس دقايق واشوفجن جوا
_شاهيناز:: عمه فدوه اروحلج هوا وين نمنه احنا
_جهاد:: خمسسس دقايققق
طلعت من الغرفه اباوع للبنات كلهن كاعدات مصدومات الي فاتحه حلكه الي ماترمش الي عيونها مدمعه ماشفتوو شي لحد هسه كمنا وكل وحده شالت فراشها نزلنا جوا وجهتنا مكلوبه شفنا الساده كلها كاعده صبحنه عليهم ورحنا للمغاسل نغسل رجعنا كعدنا وياهم نتريك عمتي كاعده يم السيد على يمنتى والعلويه زهراء على يسرته
_جهاد:: سيد راح اخذ العلويات وياي نزور وفد مره اشوف الحوزه
_السيد عبد الرؤوف:: براحتج علويه خلي فقار يوصلج
_جهاد:: لا مايحتاج اتصلت عل جادح هوا راح يجي ياخذنا
هز السيد راسه وبدينا ناكل كملنا اكل وعمتي انطتنا علم نبدل صعدنا كلنا نجهزء نفسنه
_ملاك:: اجي وياكم اني؟
_شاهيناز:: بدلي شايليلج عل روسنه
ولا وحده من بينه جانت مقتنعه ب شاهيناز لا يعني البارحه تسطر بيها ب المرقد واليوم الوضع هادء لا يعني اكو سالفه نزلنه كلنا
_علويه زهراء:: عمتجن برا تنتضرجن
طلعنه شفناها واكفه تحجي ويا جادح وهوا يهز راسه يحجون بهمس وهدوء شافونه وسكتو اشرو النا نصعد للسياره كعدت عمتي يم السايق واحنا ورا مشه ابو ميرزا
_جهاد:: جادح اخلي الموضوع يمك بعد
_جادح:: كتلج خلي كلشي يمي
_جهاد:: تعرف دفان انت
_جادح:: صديقي دفان وشلون دفان يابهه
حجاها وضحك ابتسمت عمتي
_جهاد:: جادح كله ويا الدفانه
_جادح:: اي واحد يكتل واحد يدفن
ضحكو ثنينهم واحنا صافنات عليهم شنو الموضوع
_جهاد:: اطلع عل مكابر جادحح
_شاهيناز:: ششنو عمه تردين تكتلينه
ضحكو ابو ميرزا وعمتي
_جادح:: عرفن خطتنه علويه
ضحكت عمتي ودارت علينه تضحك
_جهاد:: عرفن نريد نتاجر ب اعضأهن يعني
ضلينه فاتحات حلكنه صافنات بوجه عمتي
_ملاك:: شنووعمه صدك تحجين
_جهاد:: لاتخفين حبيبتي ماخذ من عدجن هواي بس الكليه
_جادح:: علويه الكليه صايره بهواي
_جهاد:: اعرف سيد ب ايران يركضون عليها ركض
_جهاد:: شكد عندج انت هسه يمج
دارت علينه تحسب بينه
_جهاد:: عندك اربعه اهنا واربعه ورا هواي
_اديان:: مافيدج عمه وداعتج كليتي ماضال بيها شي حتى رمل بيها
_ملاك:: كليتي صغيره عمه ماتفيد
_شاهيناز:: اي مال كتاكيت
_جهاد:: شايف شاهيناز اتطلع منها اربع كليات مو كليتين
ضحكو ناصبين علينه وشاهيناز فاتحه عيونها مصدومه جانت العلويه والسيد يحجون العلويه علاقتها ب الساده عل كد السلام بس ويا ابو ميرزا همست شاهيناز بيناتنا ماتريدهم يسمعون
_شاهيناز:: بنات تدرن ب الجديد عرفت ابو ميرزا ابن سيد معز
_حميده:: انيهم والله
_جهاد:: لان ابو ميرزا عايش ببغداد
سكتن ثنينهن مصدومات لان سمعتنهن دارت علينه
_جهاد:: تدرن ابو ميرزا ربيته عل ايدي
_جادح:: اي جانت تحفظني
_جهاد:: لا جادح صدك لاتنكر اني اكبر منك
_جادح::اي مجذب انه مو اكول جنتي تحفظيني
_جهاد:: اي مو خاف تنسى اذكرك
_جادح:: استغفرالله علويه ترا بينه بس سنتين
_جهاد:: جاي اذكرك سيد تدرن بنات جنت..
_جادح:: اللهههه اكبررررر علويه راح اخليج تلحكينه مشي
_جهاد:: شسالفه اريد اكلهن جنت
_جادح:: داخل عل جدج تسكتين
_جهاد:: سكتنا عمي
_ملاك:: ليش عمه شكد عمرج انتِ
_جهاد:: 32 وابو ميرزا 30
_ملاك:: اهااا هسه عرفت منين ماخذتها شاهيناز
دارت عليها شاهيناز واني والبنات كمزنا لازمات بيها وملاك دارت وجهه انتبهت ابو ميرزا يضحك
_جادح:: علويه اهواي الج تأثير عل العلويات
ضحكت عمتي وادرت علينه
_جهاد:: بعد عمتجن كلشي اخذتنه مني حتى الطول
تمشت السياره واحنا صافنات عل سوالف عمتي والسيد ابو ميزرا حيل جان متحرم عمتي وهيه بين حجايه والثانيه تصيحله خويه حسيت بينهم شغله مايردون واحد يعرفها وكل مره عمتي تأكد علي لاينساها مرت من يمنه سيارتين شايلات توابيت
_ملاك:: ملك الموت شلون يكدر يقبض ارواح هاي الناس بنفس الساعه
_جهاد:: سألو ملك الموت كيف تقبض الارواح مع بعضها في ساعه واحده ف جاوبهم ب ادعوها فتجيبني وقال ان الدنيا بين يدي كالقصعه بين يدي احدكم يتناول منها مايشاء والدنيا عندي كالدرهم في كف احدكم اقلبها كيف اشاء
_حميده:: عمه صدك الانسان من يموت يجيه ملك الموت بظلام اسود
_جهاد:: قبل بزمن الرسول (ص) حضر احد اصحابه الموت ف الرسول شافه مغمي علي ف كال يا ملك الموت كف عن الرجل حتى اسأله ف فعلا كعد الرجل سأله الرسول شنو شفت؟ جاوبه ب شفت بياض هواي وسواد وهواي ف الرسول سأله منو كان اقرب السواد لو البياض الك؟ ف جاوبه ب السواد ف الرسول كله كول (اللهم اغفر لي الكثير من معاصيك واقبل مني اليسر من طاعتك) ف الرجل كالها ومات ف الرسول حجه ويا ملك الموت وكله خفف عنه ساعه حتى اسأله ف كعد الرجل سأله الرسول شنو شفت كله بياض هواي وسواد هواي الرسول كله منو اقرب الك السواد لو البياض ف جاوبه وكله البياض ف قبض ملك الموت روحه الرسول كال لصاحبه غفر الله لصاحبكم
_حوراء:: عمه هاي وين موجوده
_جهاد:: تلكيها ببحار الانوار الجزء السادس ابوب الموت
_عاتكه:: هوا حتى المؤمن يجزع من الموت
_جهاد:: يصير حوار بين ملك الموت والمؤمن ملك الموت من يشوف المؤمن خائف من الموت يكله مالك تجزع هل يحزن عاقل من فقد درهم زائف وعنده الف الف ضعفه؟ المؤمن يرد علي لا ف ملك الموت يكله انظر فوقك ف ينظر فيرى درجات الجنه وقصورها ملك الموت يكله تلك منازلك ونعمك واموالك واهلك وعيالك ومن كان من اهلك هنا وذريتك الصالحه فهم معك ترضى به بدلا مما هنا ف المؤمن يجاوبه ب اي ف يرجع يكله انظر ف يرى محمد وعلي والطيبين من ال محمد ف ملك الموت يكله اتراهم؟ هولاء سادتك وائمتك هم هناك جلاسك واناسك ترضى بهم بدل منن تفارق هنا؟ ف المؤمن يكله بلى وربي وهنا نزلت ال ايه
(ان الذين قالو ربنا الله ثم استقاموا تتنزل عليهم الملائكه الاء تخافو ولا تحزنوا)
وكف السياره ونزلنا حجه ويا عمتي بهمس وهيه هزت رأسها تمشينه ندخل وهوا لاف ب السياره وطلع عمتي جانت تمشي كدامنا واحنا وراها عمتي حلوه يعني صح جبيره بس حلوه مامبين عليها بت ال ٣٠ ابددد
دخلنه للامام نزور وعمتي كدامنا غمضت عيونها وضلت واكفه ب الباب كدام الضريح ساكته صفنا اني والبنات عليها شفت دموعها بدت تنزل وشهكتها بدت تطلع تقدمت للضريح ترجف
_جهاد:: يا داحي باب خيبر يا حبيب الزهراء تعبت
لزمت الضريح وضلت تبجي مسحت دموعي ورحت وياها ازور ضلت يم الضريح حتى امهات العتبه محد وخرتها خلنها كعدنا احنا بعيد عنها كامت صلت وقريت زياره مسحت دموعها ودارت علينه مبتسمه
طلعنا من الضريح متوجهين للحوزه رن تلفونها تمشت بعيد عنه فتحت خط تحجي وكل شوي تهز راسها اجت ب اتجاهنا
_جهاد:: بنات شنو عدجن بعد
_حوراء:: ماعدنا شي عمه احنا جينه وياج
_جهاد:: خوش حجي راح يجي مفرقد ياخذجن للبيت اذا السيد سأل علي كلله ويا جادح تمام
حجتها ومشت ضلينه صافنات بوجهه بعض مو نروح حوزه؟ شصار شنو الموضوع وكفنا يم الامانات منتضرات مفرقد مامرت ربع ساعه واجه مفرقد اخذنا ويا صعدنا للسياره وطلع بينه للبيت مر الوقت والسيد من ماسأل عل عمتي بس العلويه ومن كنالها ضلت تلوب صار اليل صعدنا اني والبنات انام من التعب صايرات انام من وكت......
فزيت عل صوت صريخ شفت ملاك كاعده صافنه عل باب
_ملاك:: عاتكه هذه صوت صريخ عمه جهاد
فزيت من مكاني جريت الربطه البسها فزن البنات من سمعن صوت تكسير فتحت الباب وطلعت من الغرفه نازله الدرج وكفت عل نص صافنه عليهم جانو الساده لازمين عمه جهاد وهيه تصرخ ايديها وجسمها كله دم وهيه تبجي تحاول تفك نفسها منهم السيد عبد الرؤف واكف كدامها مبتسم بحزن
عمتي ضخمه وطويله تدفع بواحد يجي الثاني يلزمها ضلت تصرخ تريد يعوفوها اشرلهم السيد يبعدون عنها وكفت كدام السيد ايديها كلها دمم
_جهاد:: سيد عبد الرؤف وداعت عزيز كلبي الشفته منحور كدامي وداعت لوعته وهما ينحرو حق ابني ارجعه واجيب النحره وانحره كدامك.......!!!
شكرا لزيارتكم عالم روايات سكيرهوم
