رواية نصف عذراء الفصل الرابع بقلم جمانه السعيدي
ثالث يوم قررت اطلع برا الغرفه اطلع ويه البنات مليت من النوم طول النهار بس لازم اكون حذره بكلامي كلش
خاف احجي اي شي ويعرفوني اجذب عليهم
نرجس...خل اساعدكم
سجى...لا ماعدنا اي شي بعدين انتي رجلج توجعج
نرجس...مليت من النوم
عمتي...خليها تتحرك يمنا وتشتغل بلكت اذا تحركت ترجع تذكر الي صار وياها وتعرف اهلها
نرجس...لعد ندى وين
سجى...ندى راحت للمدرسه منا وهيج راح ياخذون اجازه علمود الامتحانات
نرجس...خل اساعدكم باي شي
عمتي اكعدي على هذا الكرسي وراح اجيبلج ملابس تكوينهن
وتسولفين علينا
نرجس...لعد خالتي ام فهد وين
عمتي...نزلت للسوك
نرجس...زين
عمتي...تعرفين تطبخين
نرجس...يعني شويه ما اعرف كلشي
عمتي...انتي طالبة مدرسه لو مبطله
نرجس....كلت بكلبي انتبهي وفكري قبل لا تحجين اي شي خاف تنكشفين
هاااا...ما اذكر اي شي ما اعرف اذا كنت طالبه او مبطله
عمتي...ولله غريبه حالتج الضربه مو براسج ليش ناسيه كلشي
جمانه السعيدي
نرجس...اني هم ما اعرف
خلصت كوي هذني الملابس اكو غيرهن
سجى...لا ماكو بس ذني انطيني اعلكهن
نرجس...اذا ما كو بعد اروح اتمدد شويه
سجى...روحي
دخلت للغرفه وتمددت واني افكر
عمتهم اسئلته تخوف يمكن شاكه بامري هاي شلون راح تخلص
شويه وسمعت ام فهد اجت من السوك وسئلة عني
دخلت للغرفه وكالت
ام فهد...نرجس نرجس كاعده
نرجس...اي خاله كاعده
ام فهد...جبتلج ملابس اكعدي شوفيهن
نرجس...شني هاي الزحمه خاله ما اريد اكلفكم
ام فهد....كل زحمه ماكو انتي بنيتنا
وهسه اني قابل شجايبتلج هن دشداشتين وشالين وملابس داخليه ومعطر
نرجس...خاله تعبتج وسويت عليج زحمه
ام فهد...ازعل عليج انتي بنيتي ولو اشوفين فهد شكد يوصي بيج
انشاء الله ترجعلج الذاكره وتعرفين اهلج وترجعليهم بلسلامه
نرجس...انشاء الله خاله
كمت وقست الملابس على كدي وحلوات عليه والمعطر كلش طيب
كل يوم يجي فهد يطمن عليه ويشوف حالتي
وبديت اطلع واختلط بيهم
ناس حبابين وعائله متماسكه
ويخافون من فهد اكثر من حجي سعد لان عصبي واي شي مايعجبه
اما ليث الولد الازغر يباوع عليه بتعجب ويحاول يحجي وياي وفرحان بيه
يكتب شعر بسيط ونثر وكلما يكتب شي يجي يشوفني
حبيتهم وحبيت العيشه وياهم
ورا اسبوع اجا خالهم بليل وعيونه كلهن اسئله ليش هاي البنيه محد يسئل عليها ولاواحد دور
وقرر ينزل اعلان بلجريده ويخلي صورتي
بلكت احد يشوفني ويتعرف عليه
ما انكر كلش خفت ولو عمامي من الريف ومايقرون جريده
بس يجوز احد يشوفني ويوصللهم خبر
ثاني يوم جاب فهد كامرا للبيت وقرر ياخذلي صوره ويدزه الجريده بغداد وينشر خبر عني
حاولت بيومها اتهرب بس مافاد اي عذر
جمانه السعيدي
لبست حجاب وعبايه ونزلت راسي بلكت الصوره ماتطلع واضحه
...فهد...ارفعي راسج خل تطلع الصوره واضحه
نرجس...اي هسه
ورجعت دنكت
تقدم فهد ورفع راسي بادي وكال هيج ابقي
فهد...تقدمت عليها ورفعت راسها وعيونها اجت بعيوني
تخربطت احوالي مو عيون كارثه
اكول بكلبي معقوله هذا الجمال كله ومحد يدور عليها
نرجس...من راد يصورني دنكت
فهد...استغفر الله شبيج ليش ادنكين موخبلتيني
نرجس...سكتت
فهد...رجعت عليها ورفعت راسها رحمه للملائكه ارفعي راسج تعبتيني
نرجس...ما اريد اخذ صوره مااحب الصور
فهد...وعلساس كاعدين بحديقه وجاي ناخذ صور تذكاريه
بابا انريدننشر الصوره علمود اهلج يعرفون مكانج ويجون ياخذونج
نرجس....يله خلصني
فهد بس ردت اخذ الصوره دنكت واني لزمت الكامرا
وشمرته على الحايط وكسرته وطلعت
نرجس...من شفت...فهد كسر الكامرا خفت حيل همزين ماكسرها براسي يمه شكد عصبي نار
طلع فهد بيومها ومارجع لليل
بعدين سمعت سجى تكول فهد خسر فلوس الكامرا للمصور
نرجس...شدعوه هلكد عصبي
سجى...زين انتي يستحي منج لو وحدا من عدنا جان كسرها براسها بدون تفاهم
ورا يومين سمعتهم كالو اجا مهند خطيب ندى راحت ندى تحجي ويا
...وشفت ضوجه وحسره بعيون سجى
جانت تغسل مواعين كامت تفرك بيهن بعصبيه ووكع واحد منها وجرح ايدها
راسا كامت تبجي اني ماكو يمي بس وصلت الطباخ لزمت الجرح بيها وصحت ام فهد
نرجس....خاله ام فهدالحكي سجى انجرحت ايدها
على صوت بجيها وصوت صياحي اجت ام فهد وعمه وندى ومهند
ام فهد اسم الله شبيها ايدج
نرجس...اني لازمه ايدها واكول انجرحت وكع الماعون منها ونجرحت
طبعا سجى مستمره بلبجي وماسكتت
اني مركزه على سجى وما احس اله صوت من وراي
..... شبيها شبيها
التفتت لكيت واحد يباوع عليه مو عليها
ام فهد لزمت ايد سجى واني رجعت ليورا
بس هو ابد مانزل عينه عني
الكل مخبوص ب سجى لان تبجي وماتقبل تسكت
وما احس اله اصابع يمرن على ايدي بخفه
التفتت مهند يحرك اصابعه على ايدي
بس التفتت علي غمزلي
واني تخبلت هذا مو خطيب ندى شبي تخبل
راسا عفتهم ورحت للغرفه واني مامصدكه الي صار
حسيته انسان حقير وموراحه
شويه وجابو سجى للغرفه مضمدين ايدها
بس بعدها تبجي كعدت يمها
بقينا بس اني وياها بلغرفه
جمانه السعيدي
ندى راحت توصل مهند للباب
وام فهد وعمتى نضفن الكاع
من الدم ولمن الكزاز وكملن غسل مواعين
بقينا بس اني وياها بلغرفه وهي مستمره بلبجي
نرجس...الهلدرجه يوجعج الجرح
سجى...اكثر ماتتصورين
هي تقصد على الجرح بكلبها
واني عبالي على جرح ايدها
نرجس...هسه يجي فهد وبلكت عندا مسكن ينطيج
سجى....جرحي اي مسكن مايفيد ويا
نرجس...ليش هيج تكولين
سجى....جرحي عميق واصل الروحي وابد ماله علاج
نرجس...ساعته شكيت مجرد شك هيه تحجي على جرح ثاني مو جرح ايدها
سكتت ما حبيت اهيج عليها جروحها بلزايد
خطيه بيومها نامت بلا غدا
تغدينا واني نضفت المطبخ رغم ام فهد ماقبلت بس اني صممت لان ندى تقرا
...وسجى ايدها انجرحت ونامت
وعمتي دخلت تسبح
الساعه ثنتين وربع رجع فهد واني بعدني واكفه انظف بلمطبخ
شافني وصاح وين امي
نرجس...وعليكم السلام
فهد...وين امي اريد غدا
نرجس...بعدك زعلان علمود الصوره
فهد...صوجي ماكسرت الكامرا براسج بوكتها
نرجس...اني اسفه
فهد... واني شسوي باسفج بلله
نرجس مو قصدي
فهد اريد غدا
نرجس اني هسه احضرلك الغدا
فهد ما اريد منج شي اريد امي
نرجس فتحت عيوني وصعدت اكتافي وكتله بكيفك بس اني موجوده
فهد ابتسم ابتسامه خفيفه يله امري لله حضري الغدا
