رواية قصة زهراء الفصل الواحد والأربعون بقلم زينب نور
زهراء:كلت الوو وهو عاط...
اريد اكله كلمه ماكوو
ياسر:بنت الخ.... وين جنتي ميته من الصبح ليهسه ادگ ليش ماتردين هاااا احجي لا انعل اهلج
زهراء:بس اسمعني جنت بالمستشفى ابن حسين
ياسر:وانتي شكو ببن صخام انه ادك ليش ماتردين شعندج مويله انه مو كلت ماكو طلعه كلت لولااا احجي
زهراء:ايي كلت حجيتها بنتر
محد بالبيت واخذناه انه وامه وهسه ياله رجعنه بعدين مامتعمده حتى ماارد التلفون ضال بالبيت..
ياسر:انه كتلج مااطلعين عسه مااتندهرون وطالعه الظهاري وحدجن للمستشفى ااااخ لو الزمج انه الج كلبه ارجع لو ماارجع اشوف منو التكسرين كلتمه اعلمج
زهراء:ضل يغلط بنت كذا اصلج كذا ماتحملت سديته بوجهااا
لويموت مايتغير يبقه نفس ماهوه رجع دگ فتحت
ياسر:انه اعلمج اسدينه بوجهي حيوانه
زهراء:كاااافي شنووو كفرت هسه من طلعت هاااا كاافي غلط تبقه همجي وعقلك واكف وماتتفاهم ماتتغير لوتموت
ياسر:اجي واعلمج ياهوو الهمجيي
بسيطه انه الج سديته منهااا
اخخ لو يمي هسه بالمستشفى للظهر انه الج انطيتج مجال هوواي
زهراء:خليت التلفون وطلعت طالعه روحي منه عبالي يتغير شافتني امي كالت شبيج كلتلها ماكو شي تغدو وانه رجعت للغرفه سد نفسي الخبيث....
مر ٦ايام انه عند اهلي لا اتصلت عليه ولا هو اتصل بعد هو الزعلان فوگ مايغلط عليه وعلى اهلي فوگاها بعد يطلع هو ابو الراهي
ياسر:رجعت للبصرة ساعه ١٢ وصلت رحت لبيتي سبحت وذبيت روحي نمت بس متحلفلها....
للساعه ٤ بدلت ورحت لبوي سلمت عليهم ودخلت لمي بعدها زعلانه بست راسها كعدت اجه عمار لحضني شويه اخذته ورحنه لبيت عمي محمد الباب مفتوح باوعت مره تغسل بالكراج درت وجهي وتنحنحت سمعت صوتها زهراء اصيح على بنت اخوهاا انه الج يالله لو الزمها بنت الكل.... الباب مفتوح ورافعه ثوبهاا
زهراء:العصر طلعت اغسل بالكراج رفعت ثوبي شويه صحت على ملاك اسدد الماي
ياسر:دكيته دكه وحده ااحمم احمم
زهراء:بسرعه نزلت ثوبي عبالي رجال غريب احنه بيت اهلي الكراج كدام باب الشارع الثاني مو نفس بيت عمي بابين احنه لا باب واحد فه ماعبالي الباب مفتوح باوعت ياسر بيده عمار دخل هو وكف بالباب ماحاجيته ذبيت الصونده من ايدي ودخلت كلت ل علي طلع دخله للصاله انه دخلت للغرفه شنو يريدني اسلم عليه بحلامه
اسمعه صوته يضحك ويسولف شويه واجت ملاك
ملاك:عمه يكول عمي ياسر ياله خل انروح
زهراء:روحي حبيبتي كليله تعبانه ماتروح روح انته
ياسر:اجت ملاك كالت بسيطه انه الج كمت وصحت عليها اخوها وامها كاعدين
ياله زهراء راح ينزل المغرب..
علي:ضلو خويه للعشه بعد راح يئذن
ياسر:لا دايمه انشاءالله والله تعبان
زهراء:لزم احجايته هي التمشي لبست العبايه واخذت ملابسي وطلعت هو واكف بالكراج ويه علي طلعت صعدت بالسياره شويه واجه ابنه بيده فتح الباب خلاه بحضني
وصعد مشينه اشو هذا وكف كدام بيت اهله بعد انه عايزه بس حجي امه
صاح على حمزه واكف اباب اهله
حمزه:هاا عمي شلونك
ياسر:هلا بيك شلونك انشاءالله زين
حمزه:الحمدالله بخير
ياسر:اخذه بعد عمك دخله الهم للبيت
زهراء:انطاه عمار دخله ديور ومشه بس والله خايفه منه يسوق سكته كان محد يمه بس لا هذا هدوء ماقبل العاصفه سترك ربي وصلنه
دخل السياره نزلت قبله بس والله احسه متحلفلي دخلت للغرفه نزعت العبايه وذبيت الجنطه شويه واجه ماالتفتت بس سمعت قفل الباب هنا كلت اجاك الموت يا تارک الصلاة هذا ماينسه سويت روحي ماخايفه ضليت ارتب بالغرفه منه ومنه
ياسر:ايي ست الحسن منو الهمجي منو العقله واكف هاا كاعدلج اليوم هناا ماكو طلعه
زهراء:ساكته ماحاجيته....
ياسر:من احجي وياج تلتفتين لا تنطيني ضهرج فاهمه...
زهراء:هسه شتريد يله انه غلطت اسفه واعتذر...
ياسر:عبالج هااي تغفرلج الكلمه لا والخلقج ماتهمني
كتلج طلعه ماكووو كتلج من احجي لا تراددين بوجهي كلت لو لاااا
ليوين اضل اعلم هااا ثوله والله بلاني بيج
زهراء:كتلك مارايحه اتونس لو شي بعدين ماطالعه وحدي وياي البت
رحنه للمضمد معزل شلون يعني نخلي الولد ونكعد نكابله
ياسر: انتي هاامج الكل مووو بس الجلب العندج ماسمعيله احجايه
وتكسرين حجايته والله شنو يحبني ما يئذيني لا ومحمد غلطانه تره الف قندره بدالج محتاجات بس أشاره
فه خليها ترجيه بذنج اذا طلعتي مر ثانيه من غير ماتكليلي والخلقج وخله بيج الروح هذا البيت مالج دخله اله بعد وتحرمين عليه هسه هااي عديتها بس نبهتج عوديهاا وشوفي اذا انتي بنت ابوج...
زهراء:اخذله منشفه طلع وصفگ الباب وراه اوووف يالله شسويله يعني صدك انه غلطت من راددته غبيه لو مخليته يهده وبعدين ادك عليه واكله بس يالله بالعناد البيه..
خل اكوم ارتب روحي واراضيه لا صدك يروح لغيري.
كمت بدلت لبست دشداشه لونها زهري بيها كركش من يم الصدر ربع ردن وجوه الركبه طولها فتحت شعري عدلته خليت مكياج اجه على بالي اطوخه خليت حمره طووخ برزت شفايفي احس وجهي بيه شي غريب لان اول مره احط مكياج طوخ خطيت عيوني صارن حلوات ولو انه حلوه بلا غرور
خلصت بس ضليت امشط بشعري دخل لاف المنشفه عليه بدل ولا دارلي ولا انتبها خلص تبديل واجه اخذ المشط حتى ماباوعلي كاعده كدام المرايه وهو وراي ذب المشط وطلعه انه هم طلعت للمطبخ ضليت افتر شسوي فتحت الثلاجه مابيها شي مامسوگ رحت للمطبخ طلعت معكرونه نكعتها شويه وكعدت كصصت بصل وطماطه سويت مخلمه هو يحبها
وطبخت المعكرونه هم خلصت رتبت الصينيه واخذتها للصاله تقدم بس سكته رحت جبت ماي وكعدت ولا التفتلي شنو مو بشر يمك خلص ورجع ليوره رحت انطيته الجاي
وغسلت الماعين ورجعت يمه لازم تلفونه صارت الساعه ١١:٣٠ وهو كاعد شنو ماله نيه يكوم ينام نعست كتله يله خل انكوم انام..
ياسر:سكته..💭
زهراء:يالله والله يحرك الكلب اذا تجاهل واحد خلي يصيح خل كلشي يسوي بس لا يتجاهلني احس ماعندي قيمه لو سوه هيج..
شمرت المخده بعصبيه وكمت للغرفه تمددت وتغطيت بسرعه غفيت نعسانه
بس حسيت عليه وهو يفتح الغطه. وتمدد عيوني ثكلانات من النعاس كلت هسه يسحبني لحضنه ونام بس لا دار وجها عني ضجت من تصرفه هسه اتعذرت شتريد بعدد
طارت النومه من عيوني
ليوين يله غفيت
للصبح كعدت ساعه ٩ كمت هو نايم ضل طلعت غسلت وجهي خليت القوري على النار وسويت ريوك للساعه ٩:٣٠ كعد
شلت الصينيه ورحت كلت والله مااصبح عليه اجاهله مثل ما يجاهلني تريك وخلص بدل وطلع رجع ساعه ١٢ ويه الاذان
انه واگفه اسوي غده
ياسر:جهزي روحج عشانه عد اهلي انام واكعد ونروح
زهراء:حجاها وراح بس حجايته واكفه وياي كلت يعني راح ينام مايريد غده طفيت الجدوره وطلعت توضيت وصليت للساعه ٥ صاح يله ولا ودي اروح بس موو مال اعانده لبست وطلعنه سكته هو نزل بالمضيف وانه دخلت جوه سلمت عليهم كلهم امه اترد السلام من وره خشمها عبالك كاتله اهلها
كعدت يم البنات بالمطبخ طيبه وزينب موجودات هم ونسوان قاسم اثنينهن سويت كم شغله وياهن شويه ودخل ياسر بالصاله سمعت صوته يسلم اجه سلم على خواته ويضحك بس وياي محتقن وكالب وجها اجت وراه منال واكف يسولف ويه زينب هاي رفعيله عمار
ادكله روح لبابا هو اخذه يلاعب بيه
وهاي واكفه وياه طول بطول عود اتوخر ايدين ابنها عن ياسر لا يدمره انتبهلها اطخ ايدها بصدر ياسر بس هو ثاولها يلاعب بابنه خلتني افوور الحقيره وهو واكف بصفها مايوخرهااا
ياسر:هاج لا ياابن الكلب شسويت بيه نعلعله اهلك على هل عمله
منال:ياا سوده بوجهي تعال انزعها بس اغسلها واكويها
زهراء:انه بس اباوع دمراه كاكاو بصدره طلع للمغسله طلعت منال وراه كمت انه مااتحمل اشوفها تفتر يمه شفتها واكفه وهذا يفتح بلدكم مال الدشداشه نزع ضل بال سروال والفانيله وهي خذتهااا تغسل بس الثگه دخل لغرفه امه رحت وراه طبكت الباب وكتله
انه شنوو هنااا ماادكلي انه اغسلها شوكو تنطيهاا الهاا هااا لو حنيت الها
ياسر:شكوو بابا شبيج
زهراء:لا ادكلي بابا ليش مانطيتني اياهااا
ياسر:لا تنسين مرتي هم هي انطيجياها انطيها بكيفي انام يمها يمج هم بكيفي لا تتعدين حدودج والسانج لا اطولينه وياااي
زهراء:لا... قاطعني صوت الباب وهو ينفتح دخلت والدشداشه بيدهاا
منال:اتفضل ابو عماار
زهراء:اخذهاا من ايدها لبس وطلع وهي اتباوع بنضرات عبالك هي الربحت جائزه
منال:عليش لا حگته بعد وتفترين وراه من منج الرجال حسي شويه
زهراء:لا حبيبتي مامل مني بس يخاف على ايديه مااشتغل اكو غيري يخدمنه وهنا الممنونات بعد..
منال:ادبسززز بلا ادب..
زهراء:ههههه منج نتعلم منول طلعت هههه واضحك بس بعدني مافوخت كلبي
كعدت بالصاله سئلت فاطمه امي تجي
فاطمه:لا دكيت على اسماء كالت تعبانه مالها خلگ
زهراء:هاا خوش بس نطلع اكله وامر عليهاا.
مر الوكت محد بس ابوي واخواني جايين امي والبنات ضالات
كملو الطبخ بس ام ياسر كل مااشوفني اذبلها احجايه
صلو وصبو العشه انه اناوش بالبنات دخل احمد وسعد سلمت عليهم اخذ الصواني وطلعو كملو كلشي وصبن بالصاله للنسوان مااكو احد غريب كعدنه كلنه بس عساني مااجيت ولا كعدت سممتني بنضراتهت وحجيها عبالك انه اول وحده اعزل عن عيالي
ام ياسر:وين الخايسه والمابيها خير صارت مره وصارت راعيت بيت
سعاد:بسج خيه شسالفه مو وكت هل حجي خلينه مجمعين جمعت خير
زهراء:ضلت اذب بسامير من جوه ليجوه خلصت وكمت وللساعه ٩:٣٠ هذا مادخل راحو بيت عمي حاتم كلهم لبيتهم
شيجيبه طكت روحي من امه
رجعت كعدت بالصاله البنات خلصن الماعين واجن كعدن شويه ودخلو الولد وعمي كمت سلمت عليه لان ماشفته
اباوع ياسر كعد.شنو ماله نيه يروح لو شنو شويه وكال..
ياسر:يله بويه خل نمشي لبيتنه
زهراء:كمت ولان كالت امه
ام ياسر:شنهي اشوفنك ماتريد تكعد بهل بيت شجاك يممه دارتك كلش
ياسر:لا يممه بس تعبان باجر عندي طلعه من الصبح
زهراء: ضلت امه تحجي هو ضاج منها بس مارد عليهاطلعنه حتى ماكتله انمر على اهلي ضايج ومعصب بس احاجيه ينفجر بوجهي يريدله حجه دخلت للبيت سكته ولا حاجيته كبل رحت للغرفه بدلت وكعدت ع الجربايه هو اجه بدل وتمدد بالكاع واللابتوب بيده
خليت راسي وغفيت
مر ٣ ايام هو مامعبرني ولا يحاجيني كرهت عيشتي وياه والله بس النهار كله اخدمه ولا كلمه تطلع منه
كمت سويت الغده مااجه للساعه ٣ دخل انه اغسل بالملابس شريتهن ورحت وانه متحمله عليه
وكفت كدامه وتخوصرت اله كتله
كااافي شنوو من بشر انته حس بيه بدينك شنو انه رجل كرسي بهلبيت النهار كله لو نابم لو طالع كول اكو جلبه بهل بيت
غلطت وعتذرت على شنو بعد
محملني ذنب بلا سبب
على شنو مجاهلني هااا
ياسر:تحجي بعصبيه ههههه كلتلها
ابرود اشتردين هسه
زهراء:شنوو شريد عاجبك وضعنه
ياسر:اشبيه وضعنه هاا ردتي بيت خليتلج بيت ماكلين شاربين نايمين
منضفه وغاسله شنو الوضع الما عاجبج بعد
زهراء:ايي شنو يعني هااي التهمك بس انضفلك واغسل انه مو بشرر
ياسر:بشر يابه بشر منوو كال حيواان
بس مرات تتحيونين
زهراء:مشكور حاجيته وطلعت واسمع ضحكته
فووررر دمي رجعت للغرفه كعدت واهز برجلي حييل دخل باوع بوجهي وبتسم
صحت بيه
شنووو ليضحك هااا قرد كدامك
ياسر:هههههههه والله ماتلوگلج العصبيه انتي ترفه😉
زهراء:باوعت منا ومنا ماكو شي يمي شلت المخده وشمرتها عليه
اكررررهك
ياسر:اكرهيني براحتج يابه
زهراء:اجه كعد ع الجربايه انه كاعده على الطرف بالحافه كلش
كتله
انته ماتحبني لو تحبني صدگ مااجاهلتني هل شكل
وما تحترمني ومسوين بس خدامه بس لو ردت شي صحت
ياسر:ايي ياهوو الكلج وضاحك عليج انه احبج
زهراء: سكتت ماحاجيته ادري بروحي ثوله اذا احجي وانه معصبه اضل اخرط خرط ماادري شحجي مااحجي كمت تمددت وسحبت الغطه شويه وفتح الغطه ولزگ روحه بيه ماهتميتله
ياسر:ولج انه مااحبج اعشكنج
واعشك الخلقج
يبت عمري
زهراء:سكتت مارديت عليه منطيته ضهري
دارني عليه وانه مغمضه بس بعت ثكل عليه وما اجاوبت وياه
باسني بعيوني
ياسر:كاافي گلبي انسي والله احبج وامووت عليج بس انتي اتخليني اعصب منج بالسانج الطويل
زهراء:وانه اكرهك كلت هيج وانه مغمضه مااحس بس هجم عليه عضاني بزندي واخذ شفتي بين سنونه
عضاها ضلت اصب دم
ياسر:هذا الحلگ ونطق هل كلمه بعد امووتج فاهمه...
زهراء:فتحت عيوني اباوعله شكله معصب
خليت راسي لصدره اشتاقيت لحضه وعطره والدفو ماله لمني بديه ورحنه بغير عالم انه وياه
نساني الزعل بس يتوعد بعده
كام مني سبح واني هم دخلت للحمام الثاني سبحت وصعدت بالبرنص شكد حلو هيج واحد بيته وحده يفتر براحته دخلت للغرفه بدلت هوه بعده بالحمام
لبست اتراك ماروني لونه مذهب من يم الصدر كعدت امشط
طلع باوعلي وغمز ههههه
ياسر:بدلي خل نطلع
زهراء:وين نروح
ياسر:بكيفج نطلع للبستان وين تردين
زهراء:انروح للبستان خوش
كمت بدلت لبست بنطرون وبدي ويه الخصر وعليه يلك طويل
لفيت الشال وطلعنه رحنه للبستان
سلم على الحارس
ودخلنه هنا عدهم بيت قبل من جانو جدي وبيبي عايشين كل خميس او خميسين نجمع كلنه اهلي وبيت عمي حاتم ونروح نغده بالبستان بعد من اهدها مارحنه
دخلنه للبيت كتله نطلع بره نتفتر ضلينه نفتر انه وياه كمت الكط عنب وهو يضحك عليه كعدنه على الساگيه الجو بده الغروب ينزل صار الجو حلو وبس انه وياه وعنكود العب بيدي واكل بيه بلا غسل وهو يصيح عليه
للمغرب لمن اذن رجعنه فرحانين اثنينه وهو مزاجه عالي وياي يضحك ويشاقي وكف وياي بالمطبخ وانه اسوي بالعشه طبعن هو بالطبخ صفر كلشي مايعرف مو نفس اخوانه عدهم سعد يحب يطبخ لو يساعد بس ياسر لا عكسهم كلش
واكف بس يتغزل ويضحك عليه
ياسر:آويلي يابه شنو طيره واكفه كدامي
زهراء:ههههه كافي
راح اتخليني احرگ العشه
ياسر:لا بويه كلشي ولا العشه موانتي صارت عندج عاده اتحركين بالكل
زهراء:اطلع مني وانه مااحركه
ياسر:طالع عمي طالع بلوه انتي بتليت بيهاا
زهراء:هههه طلع وكعد بالصاله ومشغل اغاني اول مره اسمعه يشغل وكفت اباب المطبخ كتله شنو كايم تسمع اغاني
ياسر:ايي يبوي من العشگ دولبتني ام عيون سود شسوي
زهراء:هههه طفي والله حرام تلتم الشياطين.
ياسر:احترگ ابوج ذاك الخير طفيته
زهراء:رجعت كملت العشه وشلت الصينيه ورحت يمه
ياسر:اكو سفن بالثلاجه جيبيه
زهراء:شسوي بيه
ياسر:اشوفه مشتاقله
زهراء:ههههه كمت جبته انه مااريد انطيته وكعدت ياربي كون دوم هيج الراحه ماليه البيت
خلصنه رجعت ليوره كتله ياسر
مادكوم تغسل الماعين.
ياسر:😕 شنو بس اماعين ماتردين اغسلج وانومج هم
زهراء:ههههه ايي شبيك غير الحياة الزوجيه مشتركه
ياسر:دكومي ام مشتركه
زهراء:هههه كمت شلت الصينيه غسلتهن وصبيتله جاي
مر شهر من هو بالدوام انه عند اهلي من يرجع ينزل علينه كبل. وياخذني وياه شهر الحمدالله والشكر ماكو اي مشكله عيشني اميره
. .
منال:خاله اريد احاجيج بموضوع
ام ياسر:كولي يمه شعندج
منال:انه مليت من هاي العيشه لا انه محسوبه على المطلگات
ولا انه محسوبه على المزوجات
شكو مبقيني على ذمته خل يطلكني وابنه اله هم مااريده
الف واحد يتمناني بعدني بشبابي
ام ياسر:ولج شنهي شمالج تسودنتي شنو تطلگين انتي ام ابنه هسه يمل منها ويجيج لا تحبل ولاشي لا تتخبلين وكبري عقلج واكعدي على ابنج
منال:لا خاله كلنه ندري شنهي نغشم ارواحنه زهراء لاحسه عقله مامخليته يشوف دربه على شنو اكعد.على ذمته محسوب عليه زلمه بس بالجنسيه خل يطلكني وكتلج ابنه ياخذه هوو موهم اروح اربيه
اله اريد اشوف حياتي
ام ياسر:ولج انتي مو صاحيه اتركينه للسعلوه وترحين
.
منال:خاله اتحاجين عمي انتي لو انه اروح وحاجيه واسويها جبيره والله
ام ياسر:ولج جني وهيدي انه احاجيه والتردينه يصير
زهراء:مر يومين ياسر عدنه بيومها كاعدين انه وياه بليل بالصاله
.دک تلفونه من حجيه عرفته ابوه
ياسر:يصير خير. باجر امركم....
شكرا لزيارتكم عالم روايات سكيرهوم
