رواية المتمرد والصغيرة الفصل الواحد والأربعون بقلم رسل
ابو فهد : هااا و هسة
اديان .. دنگت راسي
ابو فهد : اليغلط يتحمل بوية يتحمل بعد و بعد
و هسة المفتاح مال الكلبچات عايفة بالمركز ضلي على گعدتچ لباچر
اخابر واحد من الولد يجيبهن
.. ضليت ابچي و اشهگ عافني و طلع من الغرفة
انيي شسوييت وين وديت روحي وين نزلت نفسي ضحكت الدنيا علية زيد شلون راح اواجهة شلون اباوع بوجه سليمة من اشوف افراح
كاعدة يمة شلون اباوع لافراح و هو قبل كم شهر يدافعلي كدام اهلهن ليش هيج بغلطة وحدة خربت الدنيا علية و نزلت روحي للصفر
كمال هسة شسوولة خطية الولد تورط وياي اكيد كسرو هو دزلي رسالة خلو نايم بالانعاش هسة شيسوولة
رجعت راسي على الحايط و نمت كعدت على حركة يمي شفتة جاي يفتح الكلبچات من ايدي فتحهن و طلع اخذت ملابس و نزعت هذني و سبحت
ظفرت شعري اجيت اريد افتح الباب مينفتح مقفول متت من الجوع من البارحة الصبح كلشي مماكلة فتحت الثلاجة بيها حلويات هواي
اكلت نستلة و كيكة و عصير راسي كام يوجعني و صخنت دگت الباب سراب كتلها ماريد و بشرى هم كالت وينج اليوم كتلها مابية حيل نايمة
هو اني اريد لنزل بس شسوي هو قافل الباب
العصر انفتح الباب دخل فهد
فهد : ليش خاتلة هنا عبالي ميتة اخذت المفتاح من ابوية كتلة اريد اشوفها خاف ماتت و هي متفتح الباب
اديان : لا حبيبي مريضة
فهد : اكل لابوية يوديج للطبيب
اديان : لا حبيبي هسة اصير زينة
طلع و اني قفلت الغرفة و ضميت المفتاح و نزلت لكيتهم يسولفون بالصالة كلهمممم كاعدين
ابو سراب : عاش من شافج يابة
فدعة : تعاي حبيبة بسدي تعاي
.. كعدت يمها زيد يباوعلي و يرجع يلعب بالتليفون و هو جان يلعب بالتليفون من نزلت كام يحچي وي سليمة و افراح
جانت تحجي هي و سليمة بعدين علت صوتها
افراح : راح نسافر لدبي يمكن مو ابو فهد
ابو فهد : اي لدبي
سليمة : مبارك حبيبة الله يبعد عنكم النفس و العين
فدعة : يا دهر شو مصدگات و ياهو اليحسدتچن انتن
سليمة : ليش چا مو بعينچ
فدعة : چا هاي الناس تعوف اديان تجي تحسد افراح خايبات انچبن انچبن ولو هي العين صابتهة شبقت بيها ان شاء الله فگس
الحجي : انتي شجاج صافة وياها ترى مو اخر النزلو
فدعة : انتة خوب دومك حاشر روحك بسوالف النسوان
ابو سراب : هههههههه فدعة انا و بشرى الوحيدين منندگ بيچ ماخذين الحذر
فدعة : تدرون بية ارگعكم بالنعال
ابو سراب : ههههههههه تمونين
فدعة : كومي افراح سويلنة چاي
ابو فهد : گومي انتي سوي چاي
فدعة : ما تعوفهة البت نايمة بحضني مصخنة
ابو فهد : كوووومي
.. گمت و اني الدمعة بطرف عيني و اسمع الحجي و ابو سراب يگلولة خطية على كيفك وياها
ابو فهد : هششششششش لحد يدخل
.. سويت چاي و حضرت الاستكاين صبيت الچاي و رحت للصالة گامت سراب تريد تاخذ الصينية مني
ابو فهد : هسة هي مو اجتي انچبي و گعدي بمكانچ
قدمت لفدعة و للحجي و بعدين الة و افريت عليهم اريد ارجع الصينية
ابو فهد : بالكووب اريد اتزقنب
فدعة : ما تدز هاي اليمك شنو ابتلت بيك الطفلة
ابو فهد : محد حامي حمامچ اسكتي
.. اخذت الاستكان و رحت للمطبخ صبيتلة بالكوب هو اصلاً ميشرب ابد بالكوب بس هيج يريد يسوي گدامهم
صبيت و وحطيتة على الطبلة الگدامة
الحجي : والله هالوليد ميستاهل كل مرة واگعة عليه مصيبة
فدعة : اي والله المگرود
اديان : منو
فدعة : كمال
شفتة گام يباوعلي يريد يشوفني شسوي
اديان : شبي
فدعة : يا خايبة غير لگو بحديقتهم ما يحرك لا ايد و لا رجل مفصخ تفصخ
اديان : منو هيچ مسوي
فدعة : منتظرينة يگعد و يگول البارحة عفناهم مناحة اخواتة يدگن و يلطمن اهلة لسة بأيران ما اجو و محد كاللهم و اخوتة يمة هسة
.. ضليت ساكتة اكيدد زيد و ابو فهد قابل منو غيرهم صعدت فوگ طب هو وراي
.. ضليت ساكتة اكيدد زيد و ابو فهد قابل منو غيرهم صعدت فوگ طب هو وراي
ابو فهد : ها سا** لازم انقهرتييي
اديان .. باوعتلة و نمت على الچرباية ما جاوبتة سحبني من ايدي
ابو فهد : لجججج شو انتي ام الراهي و مانة علية
اديان .. ما جاوبتة .. لزمني من شعري
ابو فهد : مو جااااي احجي وياج اني
.. دفعتة و ركضت فتحت الباب و نزلت جوة بعدني ما واصلة للصالة لزمني من شعري هم كلهم و گفو و اجة زيد يركض
يريد يوخرة مني شگد حاول يخلي يهد شعري بس ما هدة و اجة ابو سراب وي زيد بالگوة سحبوني من عندا
اديان : طلكنيييي يلا هسة تطلكنيييي خلي ابوية اني اتحملة مالك دخلي طلكني
ابو فهد :
________
