رواية قصة زهراء الفصل الثاني والأربعون بقلم زينب نور
زهراء:سد الخط كتله شكو شصاير
ياسر:ماكو شي يله كومي طفي خل انام
زهراء:ادري صاير شي بس هو مايكول طفيت التلفزيون وكمنه للغرفه
ثاني يوم تريگ وطلع لبيت اهله
ضليت وحدي
كلت بس لا يردونه يرجع لمنال لا والله غير انعل عشيرتهم
ركضت دگيت على فاطمه وسئلتها ياسر وصل
فاطمه:لا بعده ليش
زهراء:اكلج صاير شي البارحه اليوم
فاطمه:لا شبيج متحلمه بيهم
زهراء:يعني ماكو ايي شي
فاطمه:يااا شبيح والله ماكو اي شي
زهراء:خوش سديته منها ضليت افتر اكيد.هااي سوالف امه اتريده يرجعها
ياسر:دخلت للمضيف بي ابوي سلمت وكعدت فتح وياي سالفه منال
هااي هي يبه الاسبوع الجاي اول ماارجع انهي السالفه طلعت من يمهاا بعد احسن
وابني تحلم تاخذه
صالح:يعني موافق
ياسر:وليش مااوافق شنو تريدني اتمسك بيها خفتن وراحه بعد احسن افتك من حقارتهن وزغلهن
زهراء:للساعه ٤ رجع وانه اروح وارجع اريد اكله بس لا يعيط بيه
اخر شي وكفت بالباب سحبت نفس قوي ودخلت هو بالغرفه
كتله شيريد عمي منك
ياسر:مايريد شي
زهراء:لا والله اكو شي كول يردونك اترجع منال مووو والله بحلامهم
لويموتون
ياسر:السانج وبعدين انتي لاتدخلين رجعتها طلكتها شي مايخصج
زهراء:لاوالله يخصني ونص مو كافي ساكتتلك ليهسه مامطلكها
ياسر:اطلعي بررره
زهراء:رحت كعدت ع الجربابه والنار بمعتي اكيد يرجعها والله انه الك والله لو دخلت اهذا البيت ماابقه بيه دقيقه كمت طلعت وصفكت باب الغرفه حييل
نزلت كعدت بالصاله والف فكره تجي ابالي شنو معقوله يرجع الها وينسه سوالفها ومصايبها يحلم .و..الله
مر يومين طلع العصر لبيت اهله انه شايله خشمي عنه بس هو يحجي وياي ويضحك بس ماارد عليه
ام ياسر:يعني هااي هي راح اطلكها
ياسر:ايي يممه يعني شتردوني ابقيها
ام ياسر:يممه حرام عليك هسه جنك صدك ماتريدها بس خليها الخاطر ابنك
ياسر:لا تكفريني يمممه بدين محمد عليج شنو حرام عليه
اشو كاعده ومصرف وطلعه شنو الحرام بعد ترديني احسبها مره الي كتلج ما اصيرلي مره مادامها
مكرها وسوالفه مااتحملها بعد وابنها هي الذبته ما كايللها خليه
ام ياسر:انته لو تعاملها نفس ماتعامل ذيج ما خلتك وطلبت الطلاك بس انته مدوهن يا يممه عامياتك عمي
ياسر:يمممه سهمج العافيه اطلعي مها مرتي ما عليج بيها
في امان الله
زهراء:دكت فاطمه الوو
فاطمه:هلا شلونج
زهراء:الحمدالله اموري شلونه
فاطمه:بخير مادريتي
زهراء:ابشنو
فاطمه:اسمع عمتي هي وياسر يسولفون طلعت منال طالبه الطلاك
زهراء:احلفي
فاطمه:والله... توني سمعت اصياحهم وياسر طلع معصب
زهراء:_ ويهههه فكه اروح هسه راح يوصل ياسر
سديته منها وكمت سبحت وبدلت ثوب كصير جوه الركبه من يم صدره تكاكه مخصر على جسمي انه سمنانه هل ايام بدلت ورفعت شعري لفيته كحل وحمره طلعت اخبل بلا غرور
سمعت باب الكراج انفتح طلعت رحت كعدت بالصاله رجل على رجل والمخده بحضني ولازمه التلفون بس بيه فرحه مااعرف شلون اعبر عنها بس لازم اثكل كدامه شويه دخل مارفعت راسي
ياسر:سلام
زهراء:هلا.. اجه ذب روحه حيل على التخم شمر المخده من حضني وحط راسه بمكانها
ياسر:اااخ راسي راح ينفجر
فركيه شويه
زهراء:ضليت افرك براسه هو مغمض فتح عيونه
هاا راح الوجع..
ياسر:آويلي يابه هو ليشوف هيج طيره كدامه يطيب من كلشي
زهراء:هههههه
ياسر:ارحميني مابيه حيل كلبي رجيج
زهراء:ههههه شمسويه هسه انه
ياسر؛ كل هذا وادكول شمسويه بنت.ال..
زهراء:كال بنت ال لزمته من شعره لاتغلط..
ياسر:ااخ لوج ماغالط اكول بنت الخير
زهراء:ايي هيج لاتغلط على ابوي لا اكله تره
ياسر:شلون عمي نغلط على ابوج هو رحمنه بطيره من عنده
زهراء:وين جنت
ياسر:مريت على الولد وشف امي
زهراء:هاااا موجنها كثرانه روحاتك الهم
ياسر:لايابه ترديني اكطع من اهلي
زهراء:لا ماكتلك اكطع منهم بس مااريدك.اتروح وهاي اشوفك واتحاجيك امووت غير
ياسر:لابعد لاتموتين ولاشي
زهراء:ليش... سويت روحي ماادري
ياسر:اتعرفين كلش زين ليش صالج يومين كالبه وجهج اليوم لازم واصلج الخبر امبدله وكاعده اضحكين
زهراء:ياخبر شبيك...
ياسر:وال يابويه لاتغشمين روحج ذيب تره انه ماتعبر عليه سوالف النسوان مايلوكلج دور الغشيمه...
زهراء:هاااا موصوجك صوجي اسئلك.
بس كوه لزمه الضحكه شيطان ماتعبر عليه شي
ياسر:_ عوفي هاي سوالفج وخل اضوك حلالي شويه..
زهراء:وخرر عني هسه رجعت
توك تحجي عليه
ياسر:بكيفج هو شو تعاي
زهراء:كعد ودفعني صرنه اثنينه على التخم وكل عاده كطع شفايفي عبالك مخلوس....
كاافي ياسر والله شفتي توجعني كامت شنو ماكالو هيج
ياسر:ابوسه واتروح حبي
زهراء:لا الله عليك كافي
ياسر:هي بوسه وجداوه نعلعله عشيرتج
زهراء:تره عشيرتي عشيرتك..
ياسر:صدك بالله شنوو هاي المعلومه
منيلج.
زهراء:😒
ياسر:كومي سويلنه شي جوعان..
زهراء:ماعليه بيك ذاك المطبخ وروح راح يئذن اكوم اصلي
ياسر:موو اجيبلي وحده واخليجن اثنينجن تتراكضن عليه
زهراء:كمت وشمرت المخده عليه
حتى امووتك غييير
ياسر:ههههه اتموتني بوسه توج وبالكوه
زهراء:اذن وصلينه ورحت للمطبخ وكفت شسوي بله
طلعت كبه وكباب طاوه كليتهن وخليت طرشي وكملت الصينيه اخذتها كعدنه نتعشه هو مخليه على فلم رعب ويباوع انه مااباوع افلم مااحبهن
دوره ياسر هسه وكت فلم
ياسر:لاكولي خفتي الجبانه..
زهراء:لا منين خفت قابل راح يطلعون من الشاشه انه كلت هيج وطلعت لقطه اتخوف مااسمع بس شي طااح طفرتلي طفره الكمه بحلگي بس عود خرطت عندي العافيه كمت اصيح عليه
موووكتلك دووره
ياسر:ههعهههه اكعدي شبيج راح ادوره مالازم بس شوفي شنو طاح بالمطبخ
زهراء:بالكوه احجي من الطفره والله مااكوم كعدت كلش لزكت بيه انه طبعي بسرعه انزز واخاف
على ماخلصنه صارت بيه خوفه كمت ادور منا ومنا كالساعه..
شلت الصينيه لكيت غلگ الجدر طايح من الطباخ غسلتهن وسويت لياسر جاي كاعد يشرب واندك الباب
كام فتحه سمعت صوت سعد ركضت لبست دشداشه ولفيت الشال وطلعت جايين هو وفاطمه سلمت عليهم وكمت انطيتهم عصير
سعد:يابه خجلتونه شنوو هااي الزحمه
زهراء:لا اصير كلش هو عصير رده النه من انروحلكم..
سعد:فكررر خره بيومج
الكل:ههههه
سعد:ايي افرحي راح تفتكين من وحده
زهراء:وليش افرح خطيه ماهانت عليه
ياسر:😨 الله اكبر كلبج شكد حنين
ما هانت عليج مووو
راح ارجعها مدام هيج
زهراء:شترجعهاا خل المره اشوف حياتها ويه غيرك
سعد:هاا وين راحت الماهانت عليج
زهراء:بس حجي شبيك من الفرحه جاي على بالي اعلك اغاني وهلاهل للصبح
حجيت هيج وخزرني ياسر...
سكتت
للساعه ١٠ راح كمنه للغرفه
للساعه ١٢ نمنه
لثاني يوم وره الريوك طلع ياسر رجع الظهر مزين حتى باجر يروح الدوامه
حضرتله الحمام وصعدت للغرفه كعدت احس راسي دايخ..
شويه ودخل
ياسر:شبيج عمري
زهراء:راسي دايخه...
مشط وتعطر واجه يمي تمدد وسحبني عليه
ياسر:هااي لعبه منج موو باجر رايح
زهراء:لاوالله راسي دايخ
ياسر:ايي يابه نصبر لليل شنسوي
زهراء:غفيت كعدت على وجع بضهري يمكن الشهريه بالله شيفهمه هذا باوعت ساعه ٦ كعدته كام صله كمت للحمام غسلت وبدلت نزلت وراه سوبت عشه خفيف بس شربت اكلاص حليب
كمت غسلتهن ورجعت انطيته جاي للساعه ١٠ دك تلفونه صاحبه كمت صعدت لبست اتراك وتغطيت احس روحي راح اصخن
شويه ودخل بدل واجه تمدد
ياسر:هااا اشو نايمه.
زهراء:مابيه حييل والله
ياسر:شنو مابيج حيل شمسويه اشو كاعده وساكته
زهراء:عندي عذر والله
كلت هيج وكام يصيح ويغلط دار وجها للجهه الثانيه
انطاني ضهره
تدنيت عليه خليت ايدي على ضهره
ياسر حبيبي شنو يعني هذا الشي مو بيدي
ياسر:سكته
زهراء:رفعت راسي خليته على راسه خره بيومه لوتجاهله واحد يغلس
بسته بخده وراسي ابركبته
ياسر:وخر عني خل انخمد باحر كعده من الصبح وراي
زهراء:وخرت عنه مو صوجك درت وجهي ونمت للصبح حسيت عليه يكعدنه كعدت سويتله جاي باوعت ساعه ٧ لان سبت يروح متئخر
نزل امبدل وعطره سابقه
يمكن يسبح بالعطر كعد سكته وانه هم ماحاجيته
تريك وكعد يدخن
ياسر:بدلي خل اوصلج لهلج
زهراء:صعدت بدلت واخذتله ملابس نزلت مطلع السيارة قفلت البيبان وطفيت الكهرباء طلعت للسياره نزل قفل الباب ورحنه
وصلنه وكف السياره وساكت باوعت دنيا الصبح محد بالشارع مديت روحي بسته بخده
اشو الاخ سحب راسي لزمني من حنجي واخذ راحته وخر عني عدلت حجابيه هو كام يعدل بشعره
بالمرايه
ياسر:ديري بالج على روحج وطلعه ماكو من هسه اكلج اياني واياج اسمع طالعه بلا علمي
زهراء:حاضر نزلت سويتله بوسه بالهوه ودكيت الباب هو واكف طلع ابوي فتحه نزل سلم على ابوي ورجع صعد انه واكفه بالباب يئشرلي ادخل ربي يحفضك الي وحدي راح الله ومحمد وعلي وياك
دخلت امي والبنات كاعدات بس الجهال نايمين خلو الريوك كلتلهم نعسانه رحت لغرفت اهلي ذبيت العبايه وكبل ع الجربايه والنومه نومه لمن حسيت اجالي راشدي على حلكي وافتح اعيوني
زيوني ابن علي احتركت امك
ليش ولك
كمت لفيت شعري وطلعت شايلته بيدي امي ماهي رايحه لبيت عمي حاتم اشوف خالتي مريضه
خليتلي ريوك التمو عليه الجهال كلهم زيوني بحضني
اوكله سيرلاك اوكل بيه ويسويلي هاي الحركه👌ملعون نعلعله ابوك انته والله هههههه اجت ملاك بيدها تلفوني يدك ياسر فتحته
ياسر:الووو صح النوم ياحلوه
زهراء: هههه شدراك جنت. نايمه
ياسر:شلون شدراني غير كاعده بگلبي
زهراء:هههه فديته كلبك انه اي وصلت لو بعدك
ياسر:وصلت هسه دخلت للبيت
زهراء:اهاا اي شراح اسوي تطلع لو تبقه بالببت
ياسر:لا راح انام شويه واكعد متواعد ويه عماد.
زهراء:ايي حبيبي عماد بس لاتروح منا لو منا تره عيوني عليك لاتلعب ابذيلك من هسه نبهتك
لاادكول ماكالت..
ياسر:عااد مااوعدج لان طاگني جفاف من وراج بنات بغداد يخبلن
مايتفوتن
زهراء:لاوالله. لاتخليني اجيك لبغداد تره اسويها ماعندي مانع انته ماااالتي بسسس.
ياسر:ايي بويه مو انه لعابه حتى مالتج
ولج هو العنده الكمر على كولتهم شيسوي بالنجوم
زهراء. اي خوش هسه روح ارتاح لبين مااخلص ريوگ
سديته وشلت الماعين البنات يسون غده شويه ودخل ابوي وعلي
رجعو من بيت عمي. .
وياهم امي همين
مر اسبوع اليوم يجي ياسر بس استغربت مايدك عليه داىما حتى لو دگ شويه ويكول تعبان راسي يوجعني اريد انام شنو يعني اسبوع كامل راسك يوجعك..
انه هم مالحيت وياه بس من صدك حسيت بيه صدك تعبان...
فاطمه هم اخابره لو اتمر على بيت اهلي ادكول ام ياسر شاده وياي حيل هل ايام عبالك احنه كايليله طلك منال
كلتلها ماعليج بيها مادام رجلج زين وياج
للعصر:كاعده واجه مصطفى ابن اخوي كال عمي ياسر بره يكول يله
انه ادري بيه اليوم يجي كمت بدلت طلعو الولد مارضه يدخل يكلهم تعبان خلصت وطلعت صعدت سلمت عليه رد عادي شبيه هذا شنو حتى مامسويه شي وصلنه للبيت بسرعه دخل للصاله تمدد وايده على راسه رحت خليت ايدي على متنه
شبيك حبيبي
ياسر:راسي راح ينفجر جيبيلي حبايه مال وجع راس واستكان جاي
زهراء:رحت جبته الحبايه وسويتله جاي على السريع شربه
صار المغرب كام صله بس بعده راسه يوجعه عاقد حواجبه
خلص وكعد رحت يمه كتله خل افركه الك خليت راسه على رجلي وكمت افرك براسه واقرا ايات عليه بالكي يصير زين
كال كافي تمدد على التخم مغمض رحت جبتله علك جابته امي من الامام الكاظم شديت راسه بيه رحت سويت عشه على السريع مخلمه وجاي وجبن اخذته اله مااكل بس شرب جاي
انه هم مااكلت رجعت الصينيه ورجعت كابلته وكعدت ساكت ومغمض ياسر بيه طبع مايشكي مرضه الوجع يبقه ابداخله مايحب احد يساعده ضليت كاعده ماكمت شفه غفه رحت جبت غطه غطيته وطفيت الضوه خليتلي مخده بالكاع وتمددت ساعه ١٠ هم غفيت
فزيت على صوته يصيح من الالم طفرت بسرعه شغلت الضوه ورحت منزل رجليه وراسه بين اديه رحت يمه احاجيه مايرد
ياسر:جيبي حبايه مال راس
زهراء:موزين عليك شر.... قاطعني
ياسر:امشي كتلج...
زهراء:ركضت جبتها هي واكلاص ماي مايتناقش مادامه معصب شرب ورجع راسه للتخم
كعدت مابيدي اسوي شي خليت ايدي على كصته نار مشتعله بيها عبالك كمت جبت ماي بارد اسويله كمادات اول مره مارضه شويه شويه اقتنع خله راسه على التخم كمت اسويله
رجع غفه بس يون ضليت كاعده ماكمت بس اغفي باوعت الساعه بالتلفون ساعه٢
ماادري بروحي من غفيت بس كعدت على صوته وهو يتقيئ كمت بسرعه شسالفه مو عادته يتقيئ
شفت الساعه ٩ غسل وخلص احاجيه مايرد رحت سويت الريوك اخذ بس الجاي
مايصير هيج اكلك شي مو زين الجاي
ياسر:مااريد مااشتهي
زهراء:روح للطبيب الخاطر الله عليك والله البارحه الليل كله تون
روح افحص
ياسر:سكته.
زهراء:تقربت يمه كمت ابجي مااريد اخسره احسه مو زين
لمني الحضنه
ياسر:لاتبجين ليش البجي مجرد صداع هسه يخف لاتخافين
زهراء:شلت الصينيه شويه واندك الباب فتحه عمي وسعد
جايين دخلهم للصاله طلعت سلمت عليهم ورجعت للمطبخ اسمعهم يسئلون بيه على صحته اشو مالك خلك ولا مريت علينه
يكلهم زين اجه اخذ الهم جاي بس يتوجع ادري بيه
دك تلفونه طلع بره يخابر رحت العمي كتله هيج وهيج البارحه الليل كله يون ومصخن يصيح من راسه.
دخل سكتت بس ضليت كاعده حاجاه عمي وكل عاده يطفر على الواحد طفر
ياسر:شسالفه بوويه جاهل انه كلتلكم صداع
صالح:ايي يابويه صداع روح جيك يجوز ضغطك صاعد بويه امراض هل وكت اتخوف
زهراء:يريد يسكت عمي كله انشاءالله العصر اروح شويه وراح عمي هو رجع نام عجيبه شكد ينام
كعد العصر صدك بدل وقبل لايطلع اجه سعد حتى يروح وياه اول مره مارضه بس سعد كوه راح
هم طلعو ودخلن اسماء وسميه ضلينه كاعدين انسولف
اسماء:شنهي مافضت سالف منال
زهراء:غير على اساس من يرجع ومن رجع شوفت عينج ماادري شجاله مريض اربع وعشرين ساعه يصير راسي ويتقيئ
......
للمغرب رجعو البنات اجاهن احسين اخذهن
دخل من باب المطبخ رحت اتلكيته هااا شكلك...
اشو هذا عبرني ماحجه شي
زين شنو انه امرضتك
طلعت لسعد يدخل بالسياره سئلته
سعد:كله سحاياا براسك هذي اعراضه نحلان وصداع ويتقيئ
زهراء:وبعدين شلون يعني شنو حلها
سعد:يم الله حلها بس هسه انطاه علاج بعدها بالبدايه انشاءالله يطيب على العلاج
زهراء:راح سعد ودخلت شفته لازم راسه بالصاله وكاعد رحت على السريع سويتله عصير برتقال واجيت مديته اله اخذه شرب الكلاص كله
رجع راسه للتخم وغمض...
شكرا لزيارتكم عالم روايات سكيرهوم
