 |
رواية دعني احطم غرورك الفصل الواحد والاربعون بقلم منال سالم
فتح عز الدين لجانا باب السيارة لتركب بجواره .. وانطلق عز الدين ليركب أمام عجلة القيادة بينما وجدت دينا من يسحبها من يدها بشدة للخلف لتركب معه سيارته ،،،
-دينا: اووه ، What are you doing ؟
-ياسين: مش وقت وطوطة
-دينا: انت بتعمل ايه؟؟
-ياسين: هوصلك طبعا
-دينا: يا سلام !! عادي كده
-ياسين: طبعاااااااا ، ده مافيش اسهل من كده
-دينا: حضرتك مينفعش اللي انت بتعمله ده !
-ياسين: وهو انا عملت حاجة ، ده التقيل كله جاي ورا
-دينا: ترضى حد يعمل في اختك كده ؟
-ياسين: أنا معنديش اخوات
-دينا: طب صاحبتك؟
-ياسين: لأ دول بقوا مكن واتركن
-دينا بخجل : ههههههههههه
-ياسين بسهتنة : حوووشي يامه ، والله مافي كده ابداً
-دينا: لو سمحت بص قدامك
-ياسين: لأ انا رقبتي محدوفة كده
-دينا: طب اتفضل سوق العربية هنتأخر
-ياسين: مش مهم
-دينا: افندم
-ياسين: حاضر ، احنا وصلنا أصلا
-دينا: Crazy
-ياسين: تووووشكري
انطلق ياسين بصحبة دينا إلى قاعة الفرح ...
.................
-جانا: الله دي مش طريق القاعة
-عز: ..............................
-جانا: أنا بكلمك رد عليا!
-عز: عاوزة ايه ؟
-جانا: بقولك ده مش طريق قاعة الأفراح
-عز: طب ما أنا سمعتك من اول مرة
-جانا: ولما انت سمعتني مش بترد عليا ليه
-عز: ايوه مش هو الطريق
-جانا: احنا رايحين فين
-عز: ع بيتنا !!!
-جانا: افندم
-عز بمكر: ما أنا قولت أخدها من أصرها وأطلع ع البيت مرة واحدة طالما انتي لابسة كده
-جانا بتوتر: قصدك ايه؟
-عز بخبث: قصدي مافيش داعي كل الشعب يشوفك بقميص النوم قصدي فستان الفرح ده
-جانا: آآآآآ... طب .. طب والناس وأهلي وعيلتك .. هــ.. هيقولوا ايه ؟؟؟؟
-عز: مافيش ، هيقولوا العروسة للعريس والجري للمتاعيس
-جانا: لأ .. مينفعش
-عز: لأ ينفع ، انا هكلم أبويا وهو هيظبطنا
-جانا: لأ لأ .. متكلمش حد ، خلاص أنا هغير الفستان وألبس حاجة تانية
-عز بخبث: لأ مافيش داعي والله، ده انا مبسوط كده ، واهوو نختصر في الوقت ، لسه هنضيعه في كلام فارغ ، الله ع دماغك يا جانا .. آلماظـــــات
-جانا: انت بتقول ايه ، بقولك وديني ع الاتيليه أغير الفستان
-عز بتحدي: تؤ .. ع البيت
-جانا: لأاااااااااااااا
.................
وصل ياسين بدينا إلى قاعة الفرح ،،،
-ياسين : يا خسارة ، وصلنا بسرعة
-دينا: يا سلام ، ده انت بقالك أكتر من ساعتين بتلف
-ياسين: ولا حسيت بحاجة ، فاتوا هوا ..هاااه
-دينا: ثانكس
-ياسين: حاف كده
-دينا: What ؟
-ياسين: بقولـــ.....
-دينا مقاطعة: هاااي دادي
-ياسين: حرام والله ، ده انت ولا العفريت !!
-حسين: الله ! اومال فين العروسة ؟؟
-دينا: مع عز
-حسين: يعني مين اللي وصلك؟
-ياسين: لأ مش معقووول بقى ، حضرتك بتنسى بسرررعة
-حسين: مين الأخ ؟
-ياسين: أنا المهندس رأفت .. قصدي ياسين رأفت الزميل والصديق المقرب للعريس
-حسين: اهلا بيك .. يالا يا دينا ، انا هكلم عز وأشوف ايه اللي أخره
-دينا: اوك دادي
-ياسين: نحسسسس
..............
داخل القاعة ،،،،
-يوسف على الهاتف : اها ... تمام يا عز
-عز: .........................................
-يوسف: متقلقش ، متقلقش ، احنا موجودين
-عز: .............................................
-يوسف: طيب يا بني ، ان شاء الله خير
-عز:...............................................
-يوسف: اوك .. في حفظ الله
-عايدة: خير يا يوسف عز ماله ؟ ايه اللي أخره ؟؟
-يوسف : تعالي يا ديلة بعيد عن الدوشة دي وانا أقولك
-عايدة : ها يا جوو
-يوسف: بصي يا ديلة ، الحكاية ومافيها إن ....و.......و.......
..........
في سيارة عز الدين ،،،،،،
-جانا: سوووووري عز
-عز: تؤ مش عجباني
-جانا بدلع : سوري عز
-عز: لأ مش حلوة ، مافيهاش كده .. زي ماتقولي sense
-جانا: يوووووه .. انا زهقت
-عز: خلاص براحتك .. انا كده كده مكمل طريقي ع البيت
-جانا في نفسها: معلش يا جانا اعصري على نفسك لمونة واعملي اللي عاوزه
-عز: بتقولي حاجة؟
-جانا بدلع ورقة: ســـوري .. عز !
-عز: أدائك Fake ومصطنع كده
-جانا: انت استحلتها بقى
-عز: بصراحة أه
-جانا: يعني مش هتلف بالعربية وتروح الاتيليه
-عز: لأ
-جانا: يبقى انا هحدف نفسي م العربية ومش رايحة لا الفرح ولا الاتيليه ولا حتى البيت
وبالفعل حاولت جانا فتح باب السيارة ولكنه كان اغلق الباب بالقفل الالكتروني
-عز: قديمة ، العبي غيرها
-جانا: يووووه بقى
-عز: أنا قولتلك م الأول بلاش تعاندي معايا ، هترجعي تندمي في الاخر
-جانا بغيظ : برضوه مش هسكت
قامت جانا بمحاولة لف عجلة القيادة (الدريكسيون) عكس الاتجاه
-عز بخضة: بتعملي ايه يا مجنونة ، شيلي ايدك من ع الدريكسيون
-جانا باصرار: لأ مش هسيبها
-عز: هنعمل حادثة
-جانا: مش مهم
قام عز الدين بضغط فرامل السيارة فجأة لترتد جانا وتسقط في حضن عز
-عز برومانسية: هوووو ده الكلام
-جانا وهي تعتدل : سوري ، مكونتش أقصد
-عز بخبث : ياريتك متقصديش كده على طووول
ظلت جانا صامتة لدقائق حتى تحرك عز الدين بالسيارة ووقف أمام الاتيليه لتغير جانا فستانها
-عز: يالا يا جانا
-جانا: No مش هنزل
-عز: يا بنتي الله يهديكي ، وصلنا الاتيليه مش البيت ،انزلي بقى
-جانا: لأ انت بتشتغلني
-عز: والله ما بشتغلك ، بصي من ازاز العربية اهوو مكتوب أتيليه Rosalinda لفساتين الزفاف والسهرة
-جانا وهي تنظر من النافذة : اها
نزل عز الدين من سيارته وتوجه ناحية الباب الأخر ليفتحه
-عز: اتفضلي يا جانا
-جانا: على فين
-عز: اطمني مافيش حد في الاتيليه إلا ستات وبس ، هتلبسي فستان تاني ، وفي فوق كوافيرة هتظبطك
-جانا: آآآآ.... أنا... أقصد ..
-عز برقة: ششششش ، يالا يا حبيبتي
وبالفعل اصطحب عز الدين جانا وصعد بها إلى الاتيليه ، حيث كانت توجد مجموعة رائعة من فساتين الزفــــاف .. انتظرها عز الدين في الخارج ،وبعد فترة انتقت جانا فستاناً أخر وارتدته وعاونتها الفتيات الموجودات بداخل الاتيليه في اكمال زينتها .. وقامت المصففة باعادة تركيب طرحتها ، فبدت أكثر اشراقاً ورقة وجمـــالاً ..
-مديرة الاتيليه: مستر عز
-عز: ايوه
-مديرة الاتيليه: Everything is done .. كله مظبوط
-عز: في حاجة تانية ناقصة؟
-مديرة الاتيليه : No .. مستر عز
-عز: تمـــام
-مديرة الاتيليه: تقدر حضرتك دلوقتي تتفضل جوا تشوف المدام ، She's ready ..
-عز: اوك
دخل عز الدين إلى داخل الاتيليه ليرى أميرة متوجة تقف أمام المرآة في انتظاره ..
-عز مقترباً من جانا: ماشاء الله .. قمرررررررررررر
-جانا بخجل: لو سمحت
-عز: وهو انا قولت حاجة لسه
-جانا: من فضلك تقف باحترامك
-عز: يااااا ريت لو اعرف
-جانا محذرة : هاااه
-عز: حاضر يا حالشاويش عطية
-جانا: ايوه كده ، اتعدل
-عز هامساً : متخديش ع كده كتير ، لينا بيت نتكلم فيه
ركب كلاً من عز الدين وجانا السيارة وتوجهوا إلى القاعة حيث استقبلهم أفراد العائلتين والأصحاب والأصدقاء بالزغاريط والأغاني والأفراح والتهنئات و....
كانت ليلة جميلة بحق ،،،
-مدير القاعة: والآن مع الرقصة الـ slow للعروسين
-عز: يالا يا حبيبتي
-جانا: مبعرفش
-عز: افندم؟
-جانا: زمبؤلك كده
-عز: نعم ؟
-جانا: ماليش في الرقص
-عز: يا بنتي انتي بس هتحطي ايدك ع رقبتي ، وانا ع وسطك ويبقى كده بنرقص ، فيها ايه صعب
-جانا : ما بلاش أحسن
-عز: متبقيش بايخة ، ده النهاردة فرحنا عاوزين نفرح ونزيط
-جانا: مترجعش تقول آآآآي
وبالفعل بدأ عز الدين الرقصة مع جانا التي كانت تحاول بقدر الامكان الابتعاد عنه ، وفي نفس الوقت كانت تدوس على قدمه بكعبها ،،،
-عز متألماً من قدمه : آاااااااااااه ، هريتي رجلي
-جانا: ما انا قولتلك ماليش في جو الرقص ده وانت اللي صممت
-عز: افتكرتك بتتقلي عليا
-جانا وهي تنظر للأسفل حيث قدميها: اهاااا
-عز: في ايه تحت ؟
-جانا: نعم
-عز: بتبصي على ايه تحت ؟؟
-جانا : ع كعب الجزمة
-عز ضاحكاً : اطمني صوابع رجلك كاملة ، انا صوابعي اللي اتفرمت من كعب جزمتك
-جانا: اها ، ما انا ببص اهوو عشان احاسب مدوسش عليك ويتكسر الكعب
-عز: يعني خايفة ع كعب جزمتك ومش ع رجلي ، عوض عليا ياااا رب عوض الصابرين
-جانا: يوووه ، سيبني أركز بقى
-عز: طب ما تقربي شوية ، على فكرة انا مش بكهرب ولا بأعض
-جانا: وترجع تزعل لما رجلك تتهرس
-عز: مافيش حل وسط عندك
-جانا: لأ
انتهت الرقصة الهادئة ،،،،
-عز: الحمدلله ، اخد break بدل ما انا مش حاسس بـ صوابع رجلي
-جانا: اها الحمدلله ، لسه الكعب سليم
-عز بهزار: انا كده اطمنت ان فلوسي مرحتش هدر
-جانا : اطمن الجزمة سينية و ماركة يعني متينة وعافيّة وتستحمل
-عز: ان كان كده ماشي.
-ثم قال عز في نفسه: ربنا يستررررها عليا ، بتقولي الجزمة متينة وتستحمل .. يا ترى بتستحمل ايه بالظبط ؟؟؟ ,,,,,,,,,,,,,,,,,,,,,,,
.............................
