رواية دعني احطم غرورك الفصل الثاني والاربعون
استمر الحفل ما بين غناء وفقرات ترفيهية والفرحة تبدو على الجميع حتى حان موعد تناول الطعام أو ما يسمى ( البوفيه المفتوح )
كان ياسين يقف بجوار عز الدين في الكوشة ،،،،
-عز: يالا ياض روح ألحق كلك لقمة قبل ما التتار ينقض ع الأكل
-ياسين: متقلقش انا عامل حسابي
-عز: ازاي ؟
اخرج ياسين كيسة سوداء من جيبه ليريها لعز ،،،
-عز مدارياً يد ياسين : الله يخربيتك ايه ده ؟
-ياسين: الكيسة السودة اللي هتلم كله
-عز: هتفضحنا يا زفت
-ياسين: محدش هياخد باله ، كلهم بيعملوا كده .. وانا حاطط عيني ع الديك الرومي والفخدة البتلو المحبشة اللي هناك دي
-عز: طول عمرك مفجوع
-ياسين: الله يكرمك دايما رافع معنوياتي .. متخافش هحوشلك نصيبك .. أنا عارف انك مش فايق لأي حاجة دلوقتي
-عز: اييييه يا عم انت هتلطني معاك في الليلة دي ؟
-ياسين: اطمن .. وراك رجالة
-عز: طب افرض اتقفشت يا حلو
-ياسين بثقة : اطمن انا جايب كيسة تانية لو الاولى اتمسكت
-عز: امشي ياض من جمبي ده انت فضيحة
-ياسين: أخلاق .. أخلاق يا عريس .. هاروح اجيب نايبي ونايبك
-عز: غووووور يالا من هنا .. أل نايبي ونايبك أل
ثم مــــال عز الدين على جانا ليتحدث معها،،،
-عز: شوفتي المجنون ياسين عمل ايه؟
-جانا: ماله؟
-عز بضحكة: جايب شنطة بلاستيك معاه عشان يعبي فيها الأكل
-جانا : هههههههههههههههههههههههه يادي الفضايح
.....
في مكان ما بالقاعة ، حيث كان المهندس حسين الدمنهوري يتلقى التهنئات والمباركات من المدعوين ، جاء إليه شاب غريب
-جاسر: هاي اونكل حسين
-حسين: اهلا يا بني
-جاسر: اسمها هاي يا اونكل
-حسين: متأخذنيش ، أصل انا راجل دقة قديمة ، وماليش في جو هاي وماي وباي
-جاسر: Never mind .. قولي بقى يا اونكل .. دودا فين
-حسين: مين دودا دي ؟؟ معندناش دود يا بني ، الدود ياما موجود في المش يا في الأرض
-جاسر: No ... أقصد بنتك دودا
-حسين: يابني قولتلك معنديش دود
-جاسر: الله بقى يا اونكل .. I mean دينا ، لازم تتعبني معاك ..
-حسين: هااااا انت تقصد دينا
-جاسر: ييس .. Where's she ؟
-حسين بضيق: معرفش .. تلاقيها مع العروسة ، يالا يا بني من هنا .. انا مش فاضيلك
كان ياسين على مقربة من حسين .. واستمع للحوار الذي دار بينه وبين هذا الشخص فشعر بالحنق ...
........
-دينا: زي القمر يا جوجو .. الـ dress is awesome
-جانا: ثانكس يا دودي
-دينا: وعز زي القمر ماشاء الله
-جانا: انتي هتعاكسيه قصادي
-دينا: الله ، احنا بقينا بنغير
-جانا بتوتر: هه ، لأ عادي
-دينا بغمزة : عليا برضوه
-جانا: دينا ! بليز خفي عني شوية
-دينا: بصي بصي ، شلة الاتيمين جم هناك ، شايفاهم
-جانا: تقصدي مين ؟
-دينا: دارين وشلتها
-جانا: اها ... اتلم تنتون ع تنتن .... !!!
حضرت دارين إلى الفرح وهي في قمة شياكتها وآناقتها ، وتعمدت أن تبرز انوثتها بطريقة مستفزة لتغيظ غيرها من الفتيات ، وتكون في نظر الرجال مطمع صعب المنــال .. اقتربت دارين وشلتها لتهنيء العروسين بالزفـــاف السعيد ، أو هكذا اعتقد البعض ،،
-دارين وهي تقترب : OMG .. خلاص يا عز !!
-عز وهو ممسك يد جانا: هاي دارين نورتي
-دارين وهي تتعمد تجاهل جانا: بس اوعى تكون مجبر ولا حاجة ع الجوازة دي
-عز: انا مش بعمل حاجة يا دارين إلا أما اكون مقتنع بها تماماً
-دارين: بس اللي اعرفه انك كنت أخد موضوع الجواز ده رهـــان !!
-عز: بلاش تخاريفك دي
-دارين: تخاريف ايه !! مش دي الحقيقة ، هتنكر يا عز
-عز: الحقيقة يا دارين اللي عايزك تعرفيه اني بحب جانا وبسسسس .. أظنك سمعتني كويس !! أنا بحــــــــب جانا وبس !!
-دارين وهي تشعر بالحنق: اها .. طيب
ثم اقتربت لتقبل عز الدين من وجنته ، لكنه ابعدها بيده ...
-عز: سوري دارين مش مسموحلك بده ، مراتي بس هي اللي تعمل كده !!
-دارين باحراج: وده من امتى ؟ هي خلاص غيرتك علينا ؟؟؟
-عز: ده من زمان وانتي عارفة ، بس حابة تجيبي لنفسك كل شوية الكلام.
-دارين وهي تلتفت لجانا: هه .. أهلا
-جانا بثقة: ممم .. لا مؤاخذة مش انتي باين البت اللي مسحت بيها البلاط .. اسمك كان فسيخ بلطي .. ايوه ايوه افتكرت .. سردين
-دارين بقرف: دارين .. مبروك
ابتعدت دارين وهي تشعر بالغضب من عز الدين وجانا خاصة أنها احرجت للمرة الثانية ولكن في نفسها تتوعد بالانتقام من كلاهما وافساد حياتهما معاً ....
-عز لجانا وهو يضحك: ايه رأيك فيا ؟ شوفتيني وانا بكبس البت سردين قصدي دارين
-جانا: مش بطال ..
-عز محاولاً اغاظتها : بس متنكريش انها مزة وشيك
-جانا بثقة : كله فوتوشوب وسيلكون
-عز: يا راااااجل
-جانا: اه يابا .. لو مسحت الميك اب عن صاحبتك ، هتطلع عبعال ابن عمتك
-عز ضاحكاً : هههههههههههههههههههههه لأ جامدة
-جانا: احنا الأصل والباقي تقليد
-عز: يا واد يا ثقة
-جانا: هه ، ولا تتهزلي شعرة من أمثالها ...
ثم جاء ياسين ،،،
-ياسين: منورين آعرساااان .. عقبالك يا اللي في بالي
-عز بغمزة : منووور يا ياسين
-جانا: ميرسي
-دينا وهي تبتسم : ثانكس
-ياسين: كله تمام يا ريس ، القتيل تاويته
-جانا: قتيل ايه؟
-ياسين: البوفيه أعروووسة ، الهوبر
-عز: اسكت يا جدع انت فضحتنا
-ياسين: ياعم مافيش حد غريب ، جانا مراتك ، ودينا هتبقى مراتي... قصدي اختها ..
-جانا وهي تغمز لدينا: اها ... قولتي .. مافيش خاااالص حد غريب
-دينا: بس بقى
ثم جاء جاسر ليتحدث مع دينا
-جاسر: هاي دودا .. انتي فين ، انا دايخ عليكي م الصبح
-دينا: هاي .. How are you ؟
-ياسين: أعوذو بالله منك عيل غتت
-عز لياسين: مين ده انت تعرفه أسينو ؟
-ياسين: واحد ملزق كده قارفني وقارف عمك حسين
-عز: لا يكون ضرتك أسينو !
-ياسين: فال الله ولا فالك يا عم ، تف من بؤك
-عز: ده انت بتغير يا عمنا
-ياسين: اه بغير ، وشوية كمان وهرزع الواد ده كف الزقه في الأرض .. يخربيت غتاته
ثم لمح ياسين الطفل كريم وهو يلهو مع أصحابه
-ياسين لعز: بسسسس .. انا لاقيت اللي هيساعدني اخلص م الغتيت ده ,,,,,,,,,,,
