 |
رواية دعني احطم غرورك الفصل الثالث والاربعون بقلم منال سالم
ثم لمح ياسين الطفل كريم وهو يلهو مع أصحابه ،،،،
-ياسين لعز: بسسسس .. انا لاقيت اللي هيساعدني اخلص م الغتيت ده
-عز: ناوي على ايه ؟
-ياسين: اصبر وهتشوووف ...
ثم نادى ياسين على كريم ابن خالة دينا ،،
-ياسين: آكررررررريم ، يا كرميلا ، أكيمووووووووو
-كريم: نعم ؟
-ياسين: ايه يا كيمو ، مش فاكر عمو ياسين؟
-كريم بقرف : لأ مش فاكر
-ياسين: ده انا اللي كنت معاكو في الساحل الشمالي ، البحر ، الرملة ، المياه ، الهوا ، وبحب اتنين سوا .. ها افتكرتني ؟؟
-كريم: ممممم .. لأ مش فاكرك
-ياسين: طب فاكر صباح اللي بتغني ، وسعاد مكاوي ، وجو الألش الرخيص ده
-كريم: ايوه ، ايوه ، افتكرتك .. انت اللي كنت بتشتغلني عشان دودي تضحك!
-ياسين: ماشاء الله نبيه
-كريم وهو يبتعد عنه : عاوز حاجة بقى؟ سلام
-ياسين: ولا ، استنى ياض ! مش انا بكلمك بتسيبني وتمشي ..!!
-كريم: يوووه ، خلص معايا ف يومك
-ياسين: أد كده بس جبااااااااار .. انا عرفت الوقتي انت طالع شبه مين
-كريم: هاااه
-ياسين: بص يا حبيبي ، شايف الغتيت اللي واقف هناك ده
-كريم: فين؟
-ياسين: اللي لازق لدينا ده
-كريم: أه ، مـــاله ؟
-ياسين: عاوزك تظبطه وتعلم عليه
-كريم: وانا هستفاد ايه ؟
-ياسين: مصلحجي حقير
-كريم: بتقول حاجة أعمو؟
-ياسين: بقول وطني شريف
-كريم: أها بحسب
-ياسين: بص الواد ده مغلس ع دينا من بدري وهي مش عارفة تخلع منه ، انت بقى دورك يا حليوة يا مقطط تعمل الـ.....................................
وبعد ان شرح ياسين لكريم المطلوب عمله ..
-كريم: ماشي آهندزة !
-ياسين: خلص المصلحة دي وهروق عليك
-كريم: اشطااا كفك يا برنس
-ياسين : كفك يا برنجي
-ياسين لنفسه : عيل رزل صحيح بس انت اللي هتخلص ع الغتت الملزق ده ، واهو كله يهون عشانك آعسلية
اقترب كريم من دينا وجاسر الملاصق لها ،،،
-كريم: دودي ، دودي ، اجيلك Juice ؟
-دينا: اوك .. ثانكس كيمو
-جاسر: أنا لأ يا شاطر
-كريم: بس انا مكلمتكش يا .... اسمك ايه ؟
-جاسر: I'm Gasser
-كريم: اها .. طيب يا انكل باسل
-جاسر: اسمي جاسر ، ايه مش بتفهم ؟؟
-كريم في نفسه: بقى انا مش بفهم .. طيب !!
-دينا: مالك يا كيمو ؟
-كريم: هاجيب الـ juice وجايلك
ثم انصرف كريم ليحضر العصير بسرعة وعاد مرة اخرى وعيناه توحيان بكارثة على وشك الوقوع،،،
-كريم وهو يجري من بعيد: اتفضلي يا دودي ، اكسبريسو
-دينا بضحكة : هههههه ثانكس كيمو
-كريم: حاسبي يا دودي
ثم انزلق كريم بخفة ليسقط كأس العصير بالكامل على جاسر
-جاسر: اووووه ، ماااااامي ، Are you stupid or blind ؟؟؟
-دينا: جاسر الله ،كيمو مكنش يقصد !!!
-جاسر: لأ يقصد .. شوفتي يا دودا.. الـولد اللي مش متربي ده بوظ الـ look بتاعي !
-كريم مدعياً البكاء : والله لأقول لمامي عليك
-جاسر: Go to hell
-دينا بضيق: عيب كده يا جاسر ، ده طفل مش تكلم معاه كده
-جاسر: ده غبي
-كريم: أهوو انت !!
كان جاسر على وشك أن يصفع كريم ، ولكن تدخل ياسين في الوقت المناسب،،،
-ياسين ماسكاً يد جاسر: في ايه ياض انت ، بتزعق لكريم ليه ؟
-جاسر: Ouch .. يا انت... Leave my hand !!
-ياسين: أدك ده عشان تضربه ؟
-جاسر: He's stupid
-دينا: مش تشتمه جاسر
-كريم لياسين : عمو، عمو .. هاتلي حقي منه !!
-جاسر: المفروض تعتذر عن غباءك
-ياسين: متكلمش بالطريقة دي معاه
-جاسر: انت مالك انت ؟؟ وانا أتكلم زي ما أنا عاوز
-ياسين: بس كريم ده يخصني
-جاسر بقرف: اهااا .. عشان كده انتو زي بعض dump ..
-دينا بخضة: OMG .. بطل بقى تشتم
-ياسين لدينا: هو شتمني ؟
-دينا وهي تهز رأسها : ييس
-ياسين: طب حاسبي لأحسن الدم هيبقى للركب
-دينا: هتعمل ايه ؟ بليز احنا في فرح ومش عاوزين فضايح !!!
-ياسين بسهوكة : خايفة عليا ؟
-دينا بخجل وقد احمرت وجنتاها : بليز ... !!
-ياسين بثقة : اطمني ، انا بس هعدله الشاسيه لأحسن معووج
-دينا بعدم فهم : شاسيه ؟؟ مش فاهمة
-كريم: هيظبطه يعني يا دودي
-دينا: أها ..
-ياسين وهو قابض على جاسر بشدة: قدامي يا.... يا مزز
-جاسر: Get off me
-ياسين: ولا ياكل معايا جو space toon ده .. تعالى بقى أما أفرجك ع جو mbc action .. قدامي يا طري
-دينا لكريم : هو هيعمل فيه ايه ؟؟
-كريم: هيروقه
-دينا: ربنا يستر ، روح يا كيمو وراهم وشوف اللي هيحصل
-كريم: تدفعي كام؟
-دينا: مافيش حاجة بلوشي خالص
-كريم بغمزة: خلاص هقيدلك ع النوتة
-دينا: ربنا يسامحك يا جانا ، بوظتي كيمو
-كريم وهو يسرع خلف ياسين وجاسر: ده هي اللي فتحت مخي
........
في مكان أخر بالقاعة ، وتحديداً على الطاولة التي تجلس عليها شلة عز ،،،
-حازم: يالا يا دونا ، مافيش داعي اننا نقعد للأخر
-دارين: لأ مش قبل ما أعمل حاجة تبوظ الفرح
-حازم: ناوية ع ايه رسيني ؟
-دارين: عاوزاك تفصل الـ power
-حازم: يا دونا ، افكارك بقت old-fashion .. مافيش داعي منها
-دارين: هموت وأبوظلها الفرح
-حازم: فكك بقى منها ، خليكي معايا أنا
-دارين: يوووه حازم ، أنا مافيش حد أخد مني حاجة بتاعتي أبدااااا .. البت اللوكال دي اتجرأت وخدت أهم حاجة في حياتي ..
-حازم بضيق: مش هنخلص م الموضوع ده يعني
-دارين: مش هخلص منه إلا لما ادمرهم الاتنين
-لوجي: مممم ، البوفيه فيه حبة اكل تحفة
-دارين بحنق: شوف انا بقول ايه ، ودي همها ع ايه
-حازم في نفسه : ع الأقل مش فلقاني بعز من الصبحية
................
-عز: هو احنا هنفضل اعدين كده كتير ، انا تعبت
-جانا: لسه فاضل كام فقرة
-عز: وهتجي فقرة الساحر امتى؟
-جانا: ساحر !! ليه ؟
-عز: عشان يفور الناس دي كلها وفـي تكة نكون في بيتنا
-جانا برقة: أهـــا .. قولتلي بقى
-عز: يا مثبت العقل في النافوخ
-جانا: مالك ؟
-عز: انا بقول نخلع احنا ومحدش داري بينا واهو الكل ملهي في الأكل
-جانا: هاااا !!
-عز: خلاص أديني هسكت ...
-عز في نفسه: مافيش إلا ابا الحاج يوسف هو اللي هيلملنا الليلة دي في كلمة ونص
..............
حضر ياسين بعد فترة ، قام بتعديل ملابسه ، وتوجه نحو عز وجانا في الكوشة ،،،
-عز: ايه اللي بهدلك كده؟
-ياسين: لأجل الورد ينضرب العليق
-جانا: مش فاهمة
-ياسين: الواد الملزق .. خلاااااص بقى بخخخ
-عز: موته ؟؟
-ياسين: لأ سلمتله تسليم أهالي للواد كريم وأصحابه
-عز: كريم .. !! يا جبروتك ياخي
-جانا بلهفة : بس ده ممكن يضربهم
-ياسين بضحكة: هههههههههههههههه يضرب مين؟ ده تقروا عليه الفاتحة ، ده انا كنت بحوش عنه
-جانا: بس ليه عملتوا فيه كده ؟؟؟
-ياسين: أصله كان بيعاكس الحتة بتاعتي ، وانا مسمحش بالتسيب ده يحصل قدامي ، انا أعاكسها اه ، غيري لأ
-عز: حمش ياض
-ياسين بخجل مصطنع : من بعض ما عندكم يا أخ عز
................
-سهير: شايف يا حسين العيال شكلهم ماشاء الله يجنن
-حسين: ربنا يحميهم
-سهير: عقبال دينا يا رب
-يوسف مقاطعاً : عن قريب ان شاء الله ، وعريسها هيكون عندي
-حسين بضحكة: هههههههههههههه طالما هيكون من طرفك يبقى انا خلاص موافق
-سهير: ربنا يرزقها بابن الحلال اللي يستاهلها
-يوسف: ان شاء الله ، هو ابن حلال مصفي
-حسين: ايييه يا جوو ، في دماغك حد معين؟؟؟
-يوسف: يعني .. هنبقى نتكلم بعدين ، بس المهم الوقتي ، العرايس هيفضلوا متزنبين كده كتير؟؟
-سهير: قصدك ايه يا بشهندس؟
-يوسف بضحكة: قصدي يا سهير هانم ان العروسة للعريس هههههههههه
-حسين: والجري للعواجيز اللي زينا هههههههههههه
-سهير: لأ اسمها متاعيس
-حسين: فرقت يعني يا سهير
-يوسف: هههههههههههههه ، طب يالا عشان العرايس يتهنو سوا ..................
