رواية ناديه الفصل الثالث والأربعون بقلم انين الليل
/////////////❤️💔❤️////////////
ناديه
من سمعت الي دار بين ياسر وامه والكلام الي گالته افراح عرفت هذوله الناس ما ناويلنه على خير ابد واكيد
ما راح يسكتون عني انا واختي دخلت للغرفه وانا اول مره احس بالخطر واكثر شي خفت على حنين لكن الي
طمني انو حنين حالها من حالي يعني كاشفه افراح وهادي وهم زين مرتضى يحبها واهله يعرفون بهذا الشي
شافتني حنين وگالت //ها ندووش سمعتي
جريت نفس قوي ... ... اي سمعت هذا هو ما يهمني اصلا انا بالاساس رفضت ياسر
حنين //بس ياسر يحبج
... ... يحبني ويخاف من امه شتتوقعين باوعتلها ... المهم حنون ديري بالج على دراستج ولازم تنجحين
وتدخلين كليه وهم ديري بالج من عمار تره هذا ابن امه
:اي ندووش اكيد لا توصيين حريص
رحت ع الواتساب شفت ميثاق دازلي كلام حب وغرام شگد احتقرته كتبت اله
......ياترى نفسه هذا الكلام الي تكتبه ال لمى لو يختلف
هو ما جاوبني وعرفت بان الناس واكثر الناس تباوعلي على اني انا سلعه رخيصه وسهله بقيت ما الي خلك
لادراسه ولا اي شي صليت الفجر ونمت وگعدت الساعه بالسبعه اله ربع لگيت حنين جايبتلي جبن وصمونه
وكوب چاي غسلت واتريگت بعدها بدلت اجاني الخط صعدت سلمت وگعدت درت وجهي ع الجامه
شفت تلفوني ورحت على الواتساب شفت ميثاق دازلي
: ناديه بس توصلين للكليه تجيني الغرفة الاساتذه عندي موضوع ضروري وياج
انا رديت ... ... استاذ خير اكو شي
ميثاق // لا ما كو اي شي عندي موضوع مهم وياج
بوقتها فكرت گلت (يجوز لمى مسويتلي فخ ) كتبتله
...ما اگدر استاذ عندي محاضره مهمه
نزلت من الخط ورحت گبل للقاعه واخذت صوره للمحادثه وهناك ما شفت لمى يعني ما جايه
او بعدهي منتظرتني بس ما معقوله تبقى يمه بوكتها حتى نسرين ما راسلتها وبالاستراحه ما رحت للكافتريا
اجتني من ميثاق رساله
: ناديه تعالي لاتحضرين المحاضره الاخيره موضوع ضروري
المحاضره الاخيره ما حضرتها ورحت الميثاق دگيت الباب سمعت صوته گال
:اتفضلي
دخلت وگلت //السلام عليكم طلبتني استاذ
ميثاق بقى گاعد وره الميز گلي //هلو ناديه ليش واگفه اتفضلي
گعدت ع القنفه هو گلي //الله بالخير
انا رديت ...اهلا
:هله بيج
دنگت ورفعت راسي وانا بوجهي سؤال هو جاوبني //اكيد تگولين ليش ردتج تجين اهنا ؟
انا هزيت راسي هو طلع من وره المكتب واجه يمي وقبلها قفل الباب انا باوعتله هو گعد يمي وگال //هيج أأمن
عرفت شيريد مني گتله ... ... جاي اسمعك
هو اتقرب مني گال //تسمعيني
هزيت راسي ......ايي
هو اتقرب اكثر وگلي //زين اسمعيني انا يا حبيبتي مشتاق الچ
تستمر القصة أدناه
باوعتله ورفعت حواجبي ... ... من يمته
: من اول ما شفتچ وانتي ما ترحين من بالي
... ... بس انت خطبت وخطيبتك زميلتي
ميثاق بخباثه //قصدج عدوتج لان اخذتني منج
جريت نفس وگتله ... ... ما طول تعرف هذا الشي وتعرف هي من تدري ما راح تسكت ليش تجازف
اتقرب مني اكثر وصار نفسه يطخني وهو يگول //ناديه احبج واريدج وانتي هم تحبيني
هزيت راسي واتنفست ... ... ايي ما انكر بس
ميثاق //بس شنو
واتقرب انا وگفت ودرت اريد اطلع هو لحگني وحصرني على الباب وگلي //وين وين رايحه
حاولت انزع ايدي من ع الحايط وگتله ... ... ميثاق خليني اطلع وانسى الي كتبته
هو ابتسم بخبث : وليش انسا اهنا (وياشر ع القنفه )لمى غايبه ومحد موجود وحتى الي يشوفج انتي طالبه
عكفت حواجبي ... ... شنو قصدك
هو جر نفس // قصدي خلي ننسا شويه ونعيش لحظات حب انا وياج
... ... لا ميثاق انت فاهم غلط انا
خله ايده على حلگي وهو يباوعلي بنظرات كلها طمع وگلي // فاهم فاهم كل شي انا ما تعرفين من اشوفج
شنو يصير بيه وچ اصير نار تعاي ناديه خلي ننسى شويه ونعيش لحظات حلوه وصدگيني نرتاح وما نخسر شي
عكفت حواجبي وگلبي يدك ... ... ميثاق انت شتگول هلكد انا بنظرك رخيصه
هو هز راسه : لا مو قصة رخيصه بس انا انا احبچ واريدج صدگيني حتى من اكون ويه لمى اتخايلج انتي
انتي ليش ما تردين تفتهمين
... ... شفتهم انت حبيتني وانا بادلتك هذا الحب لكن مو الدرجة افقد بي احترامي هسه اريدك تنسى كل
الي صار وكل الكلام الي صار بيناتنا وتخليني اطلع
ميثاق وخر ايده وجر نفس وگلي //ناديه الحب مو اله خطوبه وزواج اكو حب علاقات متبادله اشباع حاجه
انا بنتر ... ... احترم نفسك شنو هالكلام شنو شعبالك
ميثاق //ما عبالي شي انتي گلتي احبك وعرضتي نفسج عليه وانا جاي حتى ابادلج الحب
انا رفعت ايدي وخليت اصبعي على حلگي وگتله //ولك احترم نفسك لا اندمك والله
هو فتح اعيونه وجاوبني بعصبيه //يااحترام هذا ما تگليلي لا وتندميني
(اتقرب عليه ولزم ايدي ودفعني ع القنفه وگلي بنتر )
دي كافي هذا القناع الي لابسته قناع الشرف كافي منه انتي ناديه ناديه بت مياده الگ......وهاي
الدراما تره انكشفت كافي تمثلين دور البريئه تره لو تموتين ما تبيضين صفحتج
بالاول انغريت بيچ عبالي بت ناس ومن عائله لكن بعدين عرفت كل شي فلا تمثلين الدور تره ما يلوگلج
لان بالحقيقه احلى
... ... الحقيقه
هز راسه // ايي نرتاح نتونس محد يدري وما راح تخسرين شي انا احافظ عليح وما احچي. انتي بس ونسيني
... .... ولمى خطيبتك وحبيبتك
انتي گلتيها خطيبتي بس مو حبيبتي لمى برستيج گدام الناس بس راحتي او ونستي راح تكون وياج
... .... ونستك
هز راسه // اي
... .... وهنا
- - لا شنو هنا نطلع نروح المكان حلو وبس ابحدنا ونسوي كل شي نتمنا ونسه وركص وحب
وصدگيني انا من انام وياچ راح احافظ عليج وما افقدج عذريتج
تستمر القصة أدناه
صرت ارجف من كلامه وانا اشوفه شلون يباوع الكل تفاصيلي بلعت ريكي واستعدلت بگعدتي لان چنت
متاگده هيج راح يسوي ابتسمت بوجهه وجريت نفس وگتله بدلال
... ... تدري ميثاق
شنو حبيبتي
غمضت عيوني وانا اتنفس بعمق وفتحتهن ... ... الرساله الي دزيتها الي بالمحاضره اخذت الها سكرين
ورسلتها الاختي تحتفظ بيها لان اعرف راح تطلب مني هذا الطلب
وهسه اذا ما تتركني اطلع راح اعيط والم عليك الكليه والدنيا ك——لها تعرف انت چنت تريد تخطبني
وهسه استدرجتني المكتبتك وراح تصير فضيحه الها اول ما الها اخر انا ما يهمني لان مثل ما گلت
انا بت مياده بس
انت شنو موقفك اهنا وگدام الناس وگدام خطيبتك وهسه (اهنا وگفت وزمخت )افتح الباب احسنلك
ميثاق بان الخوف على ملامحه لكن هو مثل القوه اتقرب مني وهو يتوعدني بنظرته
- - هالشكل صار الحجي (هز راسه ) تمام العلمج گبل ما تسويلي الفضيحه اهنا انام وياج
واسوي كل شي يعجبني انتي بعدج ما تعرفيني منو انا وشنو ممكن اسويلج ولج نس...
قاطعته هزيت راسي ... ... اي اعرف وراح اشك قميصي واخربط شعري واكول حاول يغتصبني
وراح يطلعولي اهل وعمام وفوك الفضيحه غصبا ما على شاربك تتزوجني
هو بان علي الذهول من كلامي ابتسمت ... ... تدري اصلا من دزيت عليه عبالي تريد اتصلح خطأك
وتترك لمى لذلك اجيت بس ما عرفتك بهالوضاعه ودناءة النفس
ميثاق باستهزاء//هههههههه اترك لمى وعلى مودج اترك تاج راسج بت الحسب والنسب (وياشر باصبعه عليه )
واجي على وحده امها گح......وانتي ما معروف منو ابوج
وحاچاني بعصبيه //اسمعي ولج هذا الصار تنسينه وصدگيني ما راح اعوفج وين ترحيين هم بيوم يذبج الوكت
وذيچ الساعه ما راح ارحمج بس بطريقتي انتي ما تعرفيني شنو وراي من ظهر اضيعج واضيع اكبر
واحد يطلعلج هذا اذا طلعولج واعترفو بيچ
فتح الباب ودرت اطلع هو گلي // اذا دزيتيلي رساله افضحج بالكليه كلها ومن تردين تتشيرفيين شوفيلج
واحد گرن يقبل بيچ
لعبت نفسي واتعجبت من تصرفه وطريقة كلامه معقوله هذا الي حفى وراي الي يگلي
انتي وياي من اكل ومن انام ومن اسولف معقوله يشوفني هلگد رخيصه
زاد احتقاري اله وقررت لازم انطي درس الهذا النذل
طلعت وانا عبالك كل الطلاب يعرفون شنو صاير او هيچ اتهيألي وصلت للبيت وقررت اشوف نسرين بره
العصر نزلت لگيت هادي طالع استاذنت افراح
... ... عمه اريد اروح انا وحنين البيبي جميله
افراح //شتسوون ترحن
... ... عمه نعزيها زحمه
ياسر // ياالله امشو انا هم اريد اروح اشوفها
باوعتله وگلت ... ... لا خويه انا وحنين نتمشى هذا البيت مو بعيد
حسيت من گلت الياسر خويه افراح ارتاحت بعكس ياسر الي بين علي الانزعاج
افراح //ابقى ياسر باچر نروح انا وخالتك وانت وصلنه خو مو يوميه رايح وانتي روحي انتي واختج
عزن جميله باخوها خطيه عمره عشرين سنه توه شاب
رديت عليها ... ... عمه الموت مابي شاب وشايب لكل اجل كتاب
افراح //. دا فوتي فوتي تعلمني (وهزت ايدها )
تستمر القصة أدناه
رحنا انا وحنين البيت بيبي جميله بعدها استاذنت مرت عمي كرم ورحت للصيدليه اشتريت شغلات احتاجهن
الي والحنين مرت عمي دزت وياي ابنها ابراهيم بصف السادس ابتدائي وهناك التقييت بنسرين
انا انطيت ابراهيم فلوس گتله روح اشتريلك شي يعجبك وانتظرني يم المحل اكمل شغلاتي واجيك
نسرين من شافتني ابتسمت وگالت // هاا شعجب اهنا ردتي تشوفيني
بدون مقدمه طلعت النسرين فلوس وگتلها هاج هذني 500 الف واريد الشغل خلال هالايام يكمل
هي باستفسار بس اشوف عيونها لمعت //ياشغل منهن
... ... لمى او ميثاق اثنينهم (حچيت وانا احرك اصابعي )
هي بضحك //اعتمدي بس لو شويه مبحبحتهن
... ... المفروض ما انطيج ولا فلس الى ان تكملين الشغل واشوفه بعيني هسه انا انطيتج فلوس حالي حال
اليشتري سمج بالماي واريد اشوف النتيجه
نسرين بابتسامه //انتظريني الخميس بالليل او الجمعه
هزيت راسي ... ... ماشي
نسرين //بس اسمعيني اهم شي تكمليلي الفلوس ماكو بعدين وشغله ثانيه هذا الشي بينج وبين ميثاق
ولمى يعني انا اتطلعيني منها مو يجيني ميثاق ويگلي انتي ساعدتيها
... ... اكيد طبعا واساسا همه ما راح يفضحون نفسهم لان انا قررت افضح واحد للثاني وبس
مو افضحهم گدام الكل مثل ما سوت بت عمي بيه
نسرين // تدرين ناديه كل الي صار وياج سببه بت عمج الحقيره
جريت نفس ونفخت ... ... اعرف وكل الي راح يصير هم سببه بيت عمي المهم نسرين بعد ما اوصيج
نسرين غمزتلي // تدللين بعد انا شفت بعيني ولمست بايدي (تقصد على الفلوس )
جاوبتها وانا اخلي ايدي على الفلوس
... ... نسرين عيني اذا تشوفين الي تسوينه صعب عادي ولا كأني طلبت منج شي تره صدگيني ما
راح ازعل واعرف ناس تسوي هذا الشي بمقابل مادي اقل بهواي من الي راح انطي الج
نسرين لزمت الفلوس قوي // شوفي ناديه انا ما عندي شي اخسره وليش الچذب هاي شغلتي تره مثل
ما انتي تباوعلج الناس على انج بت وحده مو زينه انا تباوعلي الناس اني انا مو زينه وصدكي نفسهم
الي يحجون عليه ينطوني فروض الطاعه لان كلهم عباره عن ضباع جوعانه
باوعتلها باستغراب هيه هزت راسها وابتسمت // وداعتج خيرهم ما ياخذ بايدي ساعتين يكون نعال البسه وانزعه
بالوكت الي انا اقرره هههههه
... .... يعني شتسويله
غمزتلي بعينها //. كل الي يطري على بالج ههههه
اتذكرت من ميثاق يكلي انام وياج واحافظ على عذريتج ردت عليه
هيي ناديه وين صفنتي اسمعي من اجيبلك الي تردينه اهم شي تخوفينه الميثاق يعني ما علي بيه تره شكوى
بالمحكمه واخلي غصبن على شاربه ياخذني
ابتسمت وانا احچي بگلبي ... ... هو انتي وامثالچ ثوب ميثاق
باوعتلها وبنفس ابتسامتي ... ... ... بس دزيلي شي يطمني ويخليني اعرف انتي جاي تشتغليين
نسرين //. مو دزيتلج صور ومقطع رافد وهديل
... ... .... ذوله ابحد اريد اشوف شغلج
غزتلي //. هههههه مو يدلل الحلو صدك چذب
تستمر القصة أدناه
رجعت وانا بين الخايفه من نسرين او انا ما متطمنه واعرف هي باي لحظه ممكن تخوني ويجوز تفضحني
يم ميثاق ويجوز حتى تبتزني بس هم اعرف الفلوس حلوه ونسرين تحب الفلوس
وصلت البيت بيبي جميله ولاگتني حنين الي گالت اتاخرتي
انا ابتسمت بوجهها ورحت يم بيبي جميله الي مبين عليها الحزن على جدو منير بستها بخدها وهي من شافتني
بچت وگالت //هم زين رحت وشفته واتباريت ويا الذمه
باوعتلي وگالت // سراج دفنه يم منيره وعباس لان هاي چانت وصيته (بعدين باوعتلي وحاچتني بعتب )
: وانتي ليش ما اجيتي للفاتحه شنو تستنكفيين
ام مرتضى گالت الها //عمه هو ياهو يقبل ناديه تجي للفاتحه
جميله //ادري افريحه ام حلگ تامر وتنهى
انا بگلبي گلت ... ... اي تامر وتنهى والله يستر من الجاي
رحت يم عمه ام مرتضى للمطبخ وهناك سالتها على عمه زهراء وعلى سراج وگالت
زهراء اجت للفاتحه وبقت يومين ويانه وسراج لگينا رايح هو وصاحبه رضا ماخذين الجنازه وبيبي
امنه منهاره على جدو منير
اتمنيت بذيچ اللحظه اكون ويه سراج وارد شويه من معروف جدو منير
بالليل اجه عمو كرم وطلبت من عنده يوصلنه البيت هادي لكن اجو علي ناس يعزونه فطلب
من مرتضى يوصلنه واجت غفران ويانه وانا ما قبلت يوصلونه بالسياره گلت البيت قريب وفعلا
رجعنا مشي واشوف مرتضى يحاول يحچي ويه حنين
شفت حنين ابتسمت ومن باوعتلي وشافتني اخزر بيها هي دنگت وصلنه البيت هادي وقبل ما اندك الباب
مرتضى گلي // ناديه انا وصيت حنين تشد حيلها وتنجح
جاوبته ... ... ان شالله
فتح عمار الباب واحنا دخلنه واجت غفران ويانه وسلمت على افراح وباوست هديل واسيل وعمار
اجه يگلها // ياالله مرتضى منتظرج بالباب
افراح // ياا چا ما يجي شنو هو غريب
عمار //يگول تجي ناس على ابو يعازونه ابخاله
هديل ضحكت وگالت //عود صدك عمو كرم يدور له خال
غفران گالت الها //هديل تره جدو منير مثل ما خال ابوي خال ابوج
هديل //اعرف بس هو رجال چبير ما يستوجب كل هذا الحزن وانتي لابسه اسود
غفران //لابسه الخاطر بابا وبيبي جميله وحتى انتي هم لازم تلبسين الخاطر ابوج
هديل ما ردت وراحت غفران وانا وحنين صعدنا نغير ملابسنا ومن دخلنه للغرفه شفت حنين مرتبكه خزرتها
هي راسا گالت // ندووش اليوم عمه ام مرتضى گالتلي بس امتحن السادس يجون يخطبوني
انا ويه روحي فرحت لان مرتضى طلع رجال وثاني شي ما يجبرون حنيين تتنازل عن الورث لان باعتبار مرتضى
هم ابن عمها ما بينت سعادتي الحنيين گلت الها
... ... زين ما دام هيچ شدي حيلج بالسادس ولا تلتهيين بمرتضى وامه ادرسي ونجحي حتى ما تعيدين دور ثاني
وتتاجل خطبتج
هي طفرت عليه وحضنتني وگالت //يعني ما زعلانه عليه
... ... وليش ازعل باالله
: لان شفتچ تخزريني
... ... اخاف عليچ حنونه بس ما دام ام مرتضى گالت لچ هي موافقه خلص
تستمر القصة أدناه
حنين بسعاده // مو بس ام مرتضى وعمي كرم همه وبيبي جميله تگول ودي اخذ بنات عباس اثنينهن
بس علاوي زغير على ناديه
... ... ههههه عليج الله تريدني لعلاوي
... ... اي ومن عمه گالت الها ياسر يريدج وحتى گايل الكرم بيبي جميله ونت وگالت بت نصره ما تخلي ياخذها
لو تتثالث الدنيا
... ... اعرف كلام بيبي جميله صحيح
:بس ياسر يحبج
... ... حنين اتركي عنج ياسر يحبني ومرتضى يحبج انتبهي لدراستج وبس زين
حنين //صار
...... لا مو بس صار اوعديني بروح بيبي منيره
حنين //وروح بيبي الله يرحمه وداعة ندووش الي ما عندي اعز منها راح انتبه لدراستي
ثاني يوم داومنا وچان اربعاء چنت كلش حذره ما حاولت اتصل بنسرين لان بعدني خايفه منها او ما واثقه
بيها بيومها شفت لمى الي تباوعلي باستهزاء وانا حضرت المحاضرات وبالاستراحه بغرفة الطالبات
حتى للكفتيريا ما حبيت اروح او بالاحرى چنت خايفه من ميثاق
بنهاية المحاضره الاخيره ومن طلع الاستاذ لمى صاحت على فاطمه وگالت بصوت عالي
فطوم تعالي عندي الج خبر بمليون دينار
فاطمه گالت // مليون دينار اكيد محمض لو مليون دولار بيها باب وجواب
لمى // ههههه الخبر يسوى مليون دولار بس الي عليها الخبر ما تسوي فلس
فاطمه //شنو هو
لمى //عرفت شغله على صاحبتج بس شنو تخزي
فاطمه //ياصاحبه هاي وشغلتيش ؟ !
لمى وهي تبتسم باستهزاء //باچر اگلج
فاطمه //ما طول باچر تگليلي معناتها ماصخه وما تسوى ربع دينار
انا رجفت من الخوف لكن ما بينت خوفي وطلعت امشي وانا ما التفت وراي بقيت امشي وافكر
... ... يجوز نسرين فضحت الموضوع
... ... لو ميثاق
... ... شنو الموضوع
... ... لا ما كو شي بس حبت تستفزني لمى لو تعرف شي چان وگفتلي بنص القاعه وفضحتني بس حتى تبيض
صفحتها من الطالبات الي يعرفون بيها حاكت على ميثاق وهو يحبني
ثاني يوم ما ردت اداوم بس گلت لا خلي اداوم والي يصير يصير ما اخفيكم چنت خايفه واكثر شي خايفه من نسرين
لكن قررت اداوم واذا صار اي شي ابطل من الكليه وصرت اعاتب بنفسي وليش هيج سويت وكان جوابي
... ... لان مليت من استزغار الناس النه على ابو بنات مياده لازم نكون رخيصات حتى يتقبلنه المجتمع حالنه
حال اي سلعه تنباع بابخس الاثمان
بيومها ما شفت لمى مداومه وبقيت اترقب اي وحده تدخل للقاعه يتهيأ الي هيه وهسه راح تفضحني لكن هذا الشي
ما صار
ورجعت للبيت ورحت الغرفتي وحتى ما حچيت ويه حنين الي سالتني اريد غدا وانا اكتفيت ااشر براسي واتمددت
واتغطيت وعيني بالموبايل واي شي ماكو ما حاولت اراسل نسرين گعدت وانا منتظره اي شي رن النقال
شفت المتصل غفران جاوبتها
... الو
الو هلو ناديه
... هلو غفوره اشلونج
الحمد لله انتي شلونج
... زينه ماشي الحال خير
كل الخير عمج كرم مسوي ثواب الجدو منير وگلي لازم تجين انتي وحنين
... وليش ما گتولي من البارحه
بابا ما قبل يعطلج من دوامج
... ان شالله هسه نجي
تستمر القصة أدناه
ما نمت رغم نعسانه ورحت للحمام صرت جوه الدوش
وطلعت وانا ضايجه گلت الحنين ...... بدلي خلي نروح البيت عمو كرم لان مسوي ثواب الجدو منير
اشوفها فرحت وراحت بسرعه بدلت لبست عبايتها الاسلاميه اكيد بس حتى تشوف مرتضى نزلنه ولگينه
الكل متحضر بس هادي وعمار ما موجودين
افراح باوعتلي وگالت // لازم انطوج خبر بيت كرم لان نازلات مبدلات
... ... اي عمه
:زين انتي واختج روحن مشي وانا والبنات ياسر ايوصلنه
... ... تمام ياالله حنونه
ياسر وگف // لا وين رايحات اتصعدن ويانه
افراح بنتر //مو راح نمر على بيت خالتك وين بعد ايصعدن
ياسر //زين يمه هسه اوديهن وارجع عليكم
جاوبته ... ... لا ما كو داعي
ياسر //لا شنو ماكو داعي ياالله اوصلچن وارجع على امي وخالتي
افراح //جاي اتگلك نروح مشي بعد شكو خابص نفسك
ما جاوبتها لزمت ايد حنين وطلعنا نمشي بالطارمه اتعمدت اتاخر واحاول امشي على كييف حتى اسمع ياسرظل
ايعيط على امه //اليوين تردين توصلين شنو عبالج بهيج تصرف اخذ بت اختج
افراح // اي مي خالف لاتاخذها وهم ما تاخذ بت مياده
هديل //شنو شنو ياخذ ناديه منو هذا وشنو اسولف للبنات اخذ وحده عرجه وامها معدومه
ياسر//انچبي ياحقيره لا اموتج
افراح // فنك اتمد ايدك عليها
ياسر وهو يرجف //لا ما امد ايدي وانتي بيج وما تشمخرينها بس بت مياده اخذها اخذها
افراح //لو انت ابن ابوك اخذها
ياسر // يمه انا چبير ومن حقي اختار
افراح // بس مو هاي العرجه اخذلك من الشارع وما اخذها
رجعت ودخلت بسرعه همه اتفاجأوا وصلت يم ياسر گتله
... ... بت مياده ما تريد تاخذك لو شتسوي ما تقبل بيك
طلعت وافراح تگله بتشفي // حل بابو زايد سمعتها بت الگ...ما تقبل تاخذك لازم خاله شكم
واحد جوه ابطها
هديل //اكيد ما تقبل غلط
ضحكن وانا وحنين طلعنه نمشي واثنينه ساكتات بس عيونه صارت تحچي دموع واهنا صار هذا الشي مؤكد
انو لازم كل واحد ياخذ حقه ولازم ارد الصاع صاعين الكل الي اذوني
وصلنه البيت عمي كرم فتح مرتضى الباب وكانما چان منتظرنه هو شافنه واحنا نشهك من البچي صار يسأل
: حنين ناديه شبيج
احنه ما جاوبنا دخلنه يم بيبي جميله وحضناها وصرنا نبچي بحرگه واجت ام مرتضى وغفران
وبيبي صارت تگلنه
: اسم الله شبيچن بيبي
ام مرتضى //عمه ناديه شكو حنين گولي
جاوبتها وانا امسح دموعي ... ... لا ماكو شي بس واحنا نمشي اتذكرنا جدو منير الي ما شفنا قبل لا يموت
صارت بيبي جميله تنعى وتبچي واجت عمه شمس ونصره ومرت محيي اخو عمي قيس وبعدها
اجت افراح وبناتها واختها وبتها براء
انا وحنين ونبأ رحنا ويه عمه ام مرتضى للمطبخ اما بنات عمه شمس وغفران بقن ويه بنات هادي
وصبينه للزلم وره المغرب لان عمي كرم جاب قاري وعازم المنطقه وبعدها صبينه العشا البيبي جميله الي گالت
لا صبولنه كلنه سووا وگعدنا ناكل بعدها شلنه المواعين وبيبي گالت البنات شمس وغفران بزمخه
:گومن اغسلن المواعين من اجيتن الهسه بس اتگرگن وكاظات هذا وتصورن بي
تستمر القصة أدناه
حنين راحت تصب الچاي وافراح گالت //لا عمه غفران وبراء لا تخلينهن يشتغلن
جميله // وليش على رجليهن نقش الحنه
افراح //عمه غفران بعد شكم يووم وتنخطب الهذا الولد الي اتقدم الها وبراء هم خطوبتها على ياسر ابني يلحگن
يشتغلن خلي يرتاحن
جميله // وشني التنخطب ما تشتغل
افراح تجر بالكلام /. ياا عمه عاد بس هالايام تعتني بنفسها
جميله //گولي تزروك تره الشغل ما يبدل الحلو حلو من يگعد من النوم
انا انظف بالصاله وحنين جابت الچاي جميله گالت //تشوفن حنونه هي وناديه گامن سكته ويه مرت عمهن كملن
طبخ وما خلن ماعون يطيح وهسه وحده تصب بالچاي والثانيه تنظف وافراح تخاف على غفيره وهاي الثانيه
والله خاف ينخطبن ويشوفونهن جحف
الكل ضحك بس افراح وابتهاج ام مرتضى گالت // ياا عمه شلچ بهالحچي افراح وابتهاج زعلن
جميله بنتر //وزعلة كلو عليمن تزعل افراح چا ما تزعلين انتي مو هل أحچي على بتچ
ابتهاج // لا عمه تمونين تحچين على گولتچ الحلو حلو ما يغيره الشغل لو الضيم
مرت محيي واسمها وداد //اي والله صحيح ما شاء الله ام كرم رغم چبيره بس بعدهي حلوه
افراح //اي الشغل والضيم ما يغير الحلو اتذكر هادي گال مياده انسجنت وبالضيم وانوب جابت الطفل وما خلوها
تشوفه حرموها منه واخذو منها وللاعدام وهي نفس ما هي انوب محلوه اكثر
الكل اتفاجأ من كلام افراح الا انا اعرف ليش هيج تحچي
ابتهاج //اي ذيج حلوه وانوب ويه الشرطه الله يكافينه شرها (ونكتت صدر الدشداشه )
براء دارت على امها // يعني شنو ماما ويه الشرطه والمن اخذو ابنها وما خلوها تشوفه وشنو اعدام
شمس //كافي خاله براء لا تسالين وانتي ابتهاج شنو هالكلام انتي وافراح
براء دارت على شمس //عفيه خاله گلليلنه ليش ضجتي عفيه ومنو هاي الي ويه الشرطه
هديل لزمت ايد براء //امشي وياي وانا اسولفلج عليها
شمس //هديل عيب شنو هالتصرفات
افراح //هديل تعاي بعدين سولفي البراء
حنيين باوعتلي ودنگت وانا لميت الزباله بعلاگه وطلعت اوديها للمطبخ وانا احس النفس ضاك لحگتني حنين
وهي ساكته صبيت كوب چاي ورحت لان اعرف بيهن ما راح يسكتن وصلت الباب الصاله
افراح //واحنه شگلنه
شمس //لا انتي وابتهاج اتعمدتن تحچن مو حتى تسمعن وداد لان هي تعرف بس حتى اتسمعن ناديه وحنين
نصره //شمس شنو هالحچي
شمس //اي عمه هو هذا الحچي كلش زين ندري بافراح وابتهاج يكرهن بنات عباس
افراح // والله شموسه لو ندري بيهن بنات عباس ما نكرهن بس شوفي هي منين جايبتهن
جميله //تكافيج ما شبعتي هاي سنين ومنين لو ندري شتردين چا كلنه ارتاحينه
دخلت وانا ابتسم گلت البيبي ... ... بيبي اجيبلج بعد چاي
جميله // لا حبوبه ما اريد وين حنين
... ... بالمطبخ ويه عمه ام مرتضى
افراح // خلي ارمش على ياسر يجي ياخذنه انا وخالته
جميله // شنو عازمه ابتهاج
تستمر القصة أدناه
افراح // لا عمه يودينه وانوب يودي ابتهاج هي وبراء ما تدرين شباب وهذا ياسر طاير يريد
بس فرصه حتى يحچي وياها
وداد // الله يتمم بخير
جميله // استعجلو خافني اموت وهم تتعطل الخطبه
افراح // لا عمه اسم الله عمرج طويل
جميله // ادري گلتي اسم الله ما اموت على مود خطبة ابنج بس لو گايله اريد اموت چان بگلبج گلتي ان شاء الله
بس ان شالله اول ما تموت نصره وانوب انتي وتالي انا
صدك ضحكنا وافراح ظل وجهه فالت تالي اجه ياسر ومرتضى وسلم بيبي جميله
گالتله // مبارك يگولون راح تخطب
ياسر// الله كريم حجيه
1
جميله تهز بايدها //انا جايبتها من جيبي (ومدت ايدها على جيبها ) غير امك شو انا من نشدتك ذيج المره وگتلك
تاخذ بت خالتك گتلي لا بيبي ابالي وحده لو هي لو ما اتزوج هسه امك تگول لاتموتين على ما نخطب الياسر
هو جر نفس وگال // الله كريم
جميله //عاد على خطبتك گصلي دشداشه مو مثل امك وابوك ميبسينها
ياسر // تدللين جميله باچر احسن قطعه قماش تجيج مو اله اخطب (باوع الامه )ياالله نمشي
افراح // اي يمه هسه
بيبي جميله گالت // ياالله بيبي ناديه انتي واختج بساع البسن عبيچن وروحن ويه بيت عمچن
افراح // لا عمه شنو يرحن السياره ما تكفي
جاوبتها ... ... بيبي ما نروح نرجع مشي مثل ما اجينه الظهر
جميله // هاا الظهر اجيتن مشي
... ... اي بيبي هذا البيت قريب
مرتضى // انا اوصلهن ياسر اخذ الوالده وخالتك وانا اوصل البنات
باوعت المرتضى ... ... لا نرحع مشي هذا البيت
مرتضى گال // اله ما عدنا غيره ونقبل ترجعن مشي بالليل انتظرن شويه واجي
راح مرتضى واجت براء وسوت نفسها ما منتبهه الوجود ياسر صارت تحچي وهي خايفه وخاله
ايدها على خدها // اوي ماما صرت اخاف اروح البيت خاله
ابتهاج //اسم الله ماما ليش شكو
: ماما هدوله تگلي مرت عمها عباس قاتلته هي وصديقها خانگينه وبعدين خالينه بالسياره الله يساعدج
خاله ما تخافين من بناتها اخاف يسوون شي بيج بالبنات
ابتهاج // كافي براء وامشينه
براء //ماما شمدريني غير هديل خوفتني تگلي همه بالبيت عايشين برعب
الكل مذهول من كلام براء حنين جاوبتها // من نريد نسوي شي محد يلزمنا انتي هم ديري بالج من عدنا
شمس // كافي. حنين
حنين بعصبيه // لا مو كافي خاله (اتقربت من وداد )خاله اخاف ما تعرفينه او بعدج ما متعرفه بينه احنا
بنات مياده الي صادقت وكتلت رجلها وانعدمت احنا بنات مياده المو زينه والي عشنا طوووول حياتنا
ويه حماتج ( واشرت على افراح )وبناتها يعيرن بينه
وهسه سلمن الرايه البراء درسنها خاف ياسر يتزوجها عاد تكمل الفريق ويه خالتها وبناتها
اجت افراح رادت تضرب حنين وهيه تعض بشفتها // انچبي ياساقطه
انا لزمت ايدها وگتلها وانا اصك اسناني
... ... الف مره گتلج اختي لا تمدين ايدج عليها
تستمر القصة أدناه
افراح صارت تعيط وتضرب على وجهها وتگول /بت مياده الگ...ام الزلم تلوي بايدي الساقطه
بت الساقطه الدايحه الي ما ظلت بنفس واحد حتى كبل ما يعدمونها الشرطه واحد وره الثاني يتبادلون عليها
ابتهاج //اسكتي افراح لا تسمع الزلم
افراح //انا اريد الزلم تسمع الله يعلم هاي بالكليه شتسوي لازم من ايد الايد انا الج اله اخلي هادي يكتلج
ويدفنج گبل لا تجينه حبله
شمس وگفت // شنو هالكلام هذا افراح عيب
افراح // ياعيب هذا خلن بيها عيب بنات مياده (باوعتلي وگالت )خاف صار عدج فلسين هذا وجهي اتفلو
بي كلكم اذا خليتها تتهنى بيهن روحي ولج روحي الخالتج ارغيده خلي تگلج منين مياده جايبتج مياده
ام السجون تذكرونها كلكم تدافعولهن على ابو خطيه بنات عباس وهي امهن بالسجن من ايد الايد لعبو بيها
طوبه من واحد الواحد
ياسر اتقرب منها //يمه اسكتي كافي الخااطر ربج
افراح بعصبيه // لا مو كافي اسمعوني كلكم الساقطه ما تخلف اله ساقطه وهذني الكاسرات خاطركم بنات
مياده الگ...
ولو يموتن ما يصيرن شريفات
( باوعت الياسر وهي تهز. اسها ) ياالله ولك ياسر امشي وصلنه وهذني لو انا لو هنه بالبيت ومو
تفرحن عبالچن نخليچن ترحن البيت عباس لو منيره لا بعيده عليچن طلعتجن لو للگبر لو مثل امچن للسجن
والزلم تضحك عليچن
طلعت افراح وابتهاج وهي تسب وتغلط وتفشر وحنين صارت بالزاويه وهي تشهك اتقربت شمس يمها
وهي تحچي //: كافي عمه حبيبتي لا تبچيين هاي من يوم يومها حاقده
حنين زادت بالبچي اتقربت يمها وحضنتها وشاورتها ... ... كافي اله ادفعها الثمن غالي
هي باوعتلي وسمعت بيبي جميله صارت تنعى وتبچي علينه وهي تگلها //منيره ما اخذتيهن من مشيتي
المن خليتيهن للضيم والقهر وعار النساوين
نصره گالت //كافي جميله شصار
جميله //ام قيس شو تگولين شصار مو شوف عينج بتچ خلت اهدومهن فوگ راسهن بلا خجل ولاحشمه
شمس تحچي ويه نصره // عمه فهمي بناتج كافي مو سالفه صار الها مية سنه ياخذنها ويردنها اشتعلت صفحة
ابو مياده بس حرام عليهن البنات حرام ما مسويات شي
جميله// نصره تره الله ستار ويحب الساترين مره حتى عظام ما ظلت الها ليش بناتج بس يشوفن البنات يعيرن بيهن ليش
نصره //ياا ام كرم فوگها ما شفتيهن شسون وحده السانها رشاشه والثانيه كسرت ايد بتي خلف الله على بتي متحمله
صار سنين وانوب بس تفك حلگها الكل يگوم عليها
جميله //بس تفك حلگها لا والله هه هي ياالله هي بتج يمته تسد حلگها وتسكت شويه
نصره //اي هاي هيه انتي وبناتج من زمان تكرهن بتي اول ما اتحملت منيره ومرارها وانوب انتن ما ادري
شمسويتلچن لو هذني اتدافعن الهن علوا ياالله البيها خيير تاخذها الابنها لا تسكتن ها شو ما تحچن انا اگلچن ليش
محد ياخذهن
:ها امهن كتلت ابوهن
:ها بنات من
:ها عشگت براس ابوهن
:ياالله البي خيرخلي ياخذهن
جميله // وانتي گلتيها ياخذونهن اولاد عمهن احق بيهن.
نصره //هاا جميله بدت وياج درتي على بت ابتهاج مو تدرون كلش زين ياسر خاطبها
جميله //لا والله ياسر وهسه گابلته وگدامچن گالي ما اخذ بت خالتي لان اريدلي بنيه
نصره هزت ايدها //اي وانتي فرحتي عبالج يريد بت عمه فكيننه ام كرم رحمه الاخوج تره ياسر لو ما فاتحة
ابو سراج چان هسه عاقد على براء
جميله //چا احنه ما ودنا بس هو گالي
شمس/ يمه احنه ما علينه الله يهنيهم بس عمه احچي على بناتچ يفكن من هاليتيمات تره قيس ما يقبل
نصره //شمسويه افراح لليتيمات كل حچايه وخليتيها باذن قيس
شمس //لا ما مسويه شي بس صار سنين تاكل بحلالهن ومشغلتهن خدامات وهسه بعدهي ما شبعت منهن
سلمت الرايه ال بتها وبت اختها
نصره //اگلج احنا ما النه شغل ياالله خابري على قيس خلي يجي نريد نروح
شمس // عمه گال من اتكف الناس اجيكم
اجه مرتضى وشاف حنين گاعده بالزاويه وهي تبچي هو ارتبك لكن ما سأل بس باوعلي وگال
ياالله خلي اوصلكم وانتي عمه ابو احمد يگول اتاخر شويه لان موجودين زلم بالديوان
اذا تريدين اوصلج انتي والحجيه
شمس // اي عمه انا تعبانه ياالله
بيبي جميله گالت //لا ناديه وحنونه ايظلن ايباتن يمنا
شمس دارت عليه وهزت راسها // اي عمه باتن الله اليعلم شنو راح يصير
باوعت الها بثقه ...... صدكي عمه كلشي ما راح يصير اطمني
شمس راحت هي وبناتها ونصره وياهن وداد وانا و حنين بقينه يم بيبي جميله لزمت نقالي
واهنا بديت اول سلم بالانتقام من كل الي ظلمونه دزيت المقطع مال هديل هي ورافد الافراح وهديل بنفس الوكت
وگتبت الافراح ...... هاي بت افراح الشريفه مو بت مياده الگ...اخذي اتونسي بي وصدگي بعدني ما مفكره المن
ادزه ولاتستعجليين الخير جاي ليگدام عدي بعد هواي او ويا هواي ما شاء الله بتج من ايد الايد مثل مياده تدللين ام
ياسر انتي وبتج
//////////////////////////////////
