رواية ناديه الفصل الرابع والأربعون بقلم انين الليل
ناديه
بليلتها بقينا ابيت عمو كرم واول مره احس بالانتصار وبنفس الوقت الخوف من افراح لكن هاي
اللحظه تسوى كل عمري
ابدي اشوفها واشوف شنووردة فعلها خصوصا وانا كتبت الها
... ... بعد عندي هواي من هذا الي شفتي
غلقت النقال واجه عمو كرم وره نص ساعه ويا قيس والظاهر عمه ام مرتضى گايلتلهم على
الي سوته افراح. وابتهاج
حمحم عمو كرم ودخل گال ياالله وبعدين گله //حياك ابو احمد تعال
دخل قيس وسلم على بيبي جميله وباوع النه
وگال // اشلونكم عمو
انا رديت وگلت //اهلا عمو
قيس // شلونها حنين
هي مدنگه ما جاوبت قيس گال //شبيها حنين ليش ما تحچي ؟
جميله ردت // البركه بخواتك ما خلن عليهن ثوب ملبوس
قيس بتساؤل // ليش شصاير ؟
كرم // يمه اسكتي
قيس // لا ابو مرتضى ليش تسكت عمه احچي بروح اخوج
كرم // ما صار شي سوء تفاهم
جميله // لا والله لا سوء تفاهم ولا ابد اخواتك وين ما يشوفن البنات لازم يبدن گدام الي يعرفنه والما يعرفنه امهن
هيج وامهن هيج وهنه يطلعن على امهن الهيج سووت ومو بس هاي سلمن الرايه الهديل وبراء
كرم // تحچيين صدك
جميله // اي والله واسأل مرتك وبناتك
قيس// ام مرتضى الكلام الگالته عمتي صدك
ام مرتضى //اي خويه صدك
جميله بنتر. // چا اچذب وامك گاعده وتسمع ما بالچذب گالت الهن عيب والله سوون سوايه ما ينلبس عليها ثوب
عار وغلط ومسبه وتفشر انا اريد افتهم افراح شني عداوتها ويه البنات لا تگلولي تحب عباس خطيه لن حماها
ومستهضمه چي انكتل لا كلنه نتذكر ثالث يوم الفاتحه من شبعته مسبه
قيس //يصير خير عمه يصير خير
جميله /. يمه قيس انا مقهوره على البنات وهاي حنين صارت تشهك للسما كلنه عدنا بنات والبشر
ما معصوم كافي خلي تفك ياخه من اليتيمات
قيس // صار عمه ما يصير خاطرج وخاطر ناديه وحنين اله طيب (باوعلي )عمو ناديه لاتزعلين
هسه اطيح حظهن
جاوبته وانا مدنكه ... ... لاعمو عمتي ام ياسر تموون
جميله //تشوف الادب والتربيه والله سواية افراح وابتهاج حتى اليهود ما يسوونها
قيس باوع لام مرتضى وسالها // صدكً ام مرتضى
ام مرتضى // اي خويه صدك انا من يمي متت من القهر ونبأ الهسه تبچي على حنيين
قيس // الچلبه انا الها
طلع النقال من جيبه واتصل
:الو
:افراح اسمعيني ولا تفكيين حلگج بكلمه
: بنات عباس لو ادري فاكه حلگج وياهن بنص كلمه ثقي وروح ابوي اجي اطلعج بطرك الدشداشه العليج بدون
عبايه واخذج المزرعة العجوول شايفتها بس صدگي اربطج بحجرة الهوايش بسنسله وما ارجعج اله وانتي مخبله
فهميني شتردين من البنات وهاي ابتهاج انا الها هي وبتها
اسمعيني ولج باچر تجين اتطيحين على ناديه وحنين واول مره تطيحين على ام كرم وامشي عدل كافي شمخره
اول ما ابوي وامي شمخروج وانوب هادي كافي حسي على نفسج
تستمر القصة أدناه
قيس سكت وهو يتنفس قوي يسمع كلامها جاوبها
: زين انا باچر اجي واجيبج بايدي البيت ابو مرتضى وتفهمين بناتج يلزمن حدهن ويه ناديه لا بالعظيم
احرمج شوفتهن
سد قيس التلفون واتقرب وباس راس بيبي وبعدها باس راسي ومن وصل الحنين هي شهگت من البچي
هو گللها //عمو احسبيها عليه
حنين جاوبت والعبره خانگتها // ياريت لو مياده مخليه صاحبها يكتلنه ويه ابونه ولا هاي الذله
: ياريت سراج ما طلعنه صحة نسب ودانه الخوالنه كتلونه موتونه
: ياريت مودينه الدور الايتام ولا هذا الي جاي يصير بينه
اتقربت منها وحچيت وانا دموعي تجري ......كافي حنونه عيب من عمامي
كرم اجه يم حنين وگللها //كافي بابا لاتبچين انتي بنيتنا ولو بيدنا من اول يوم اخذتچن يمي لكن شسوي الهادي
الدك صدره وهويگول بنات اخوي افرط بولدي وما افرط بيهن
جميله //اي هادي الطلي امدا وامده صدره
كرم گال / ياالله عمو بيبي جميله تعبانه لا تقهرنها بالزايد
مرتضى وهو مقهور بس حاول يلطف الجو // وانوب شلون تتعقد ومحد ياخذها تطيح ابچبدنا ونحتار بيها
جميله //انچب مريضو اطيح بچبده ويحتار بيه ابو حلك صدك عمه قيس محد ياخذني
قيس // لا عمه گمر اربعطعش اليشوفج يگول اختي الزغيره
جميله // اي بس لاتحچي هيج گدام امك تغار وانوب يابوي شيلنه
ضحكنا كلنه وعمو قيس راح البيتهم وهو كل شويه يعتذر
وگعد كرم ومرتضى وعمه والبنات وبعدين الكل راح ينام وغفران گالت
ياالله بنات تعالن نامن يمي انا ونبأ
انا جاوبتها ... ... لا غفوره انا وحنين اهنا انام يم بيبي
اشوف حنين ساكته وما تحچي عرفت بيها زعلانه عليه لان گلت العمي قيس على افراح تموون راحو الكل وبيبي
جميله نامت وحنين بعدت فراشها عني رحت يمها وحضنتها وشاورتها
... ... حنونه لا تزعلين كل الي اسوي الصالحج وصالحي
هي ما جاوبت انا گتلها ... ... شبيج حنين وداعتج بعد ما تسمعين من افراح بس حبيبتي وعيوني وبنيتي
دارت عليه حنين وهي تگلي باستغراب //تحچيين صدك افراااح تگلي بنيتي وعيوني
... ... اي حنونه وباچر تشوفين
: شاشوف عود راح تجي وتعتذر ولج لان تخاف من قيس بس نرجع شوفي المجزره الي يسويها بينه هادي وهيه
ابتسمت وگتلها ... ... لا هالمره غير كل مره
حنين // اشوفج متاكده او واثقه من كلامج
... ... اي حنونه واثقه مليون بالميه
: شلون وليش
... ... انا اگلج اتذكرين من گلتي لازم شويه حيله
- - ايي
... ... عرفت الي يعيش على حب الله الناس تستغله وتگول علي فقير
ليش ما نجرب الحيله وجربتها ويه عمي قيس وجابت نتيجه وباچر تشوفين
حنين // بس ندووش هاي افراح لو ناسيه
... ... لا وداعتج ما ناسيه وباچر تشوفين حنونه نامي وارتاحي ولا تفكرين
بستها ورجعت المكاني فتحت النقال ورحت على نسرين الي شفتها قبل اكثرمن ساعه دازتلي كلام
وهي تگلي
: انتي وين
: ما اودي التصوير اله تدزيلي فلوس
رديت عليها ... ...تدللين بس الاول اشوفه وفلوسج زايد مو ناقص
هي عبالك منتظرتني
: او كي حبيبتي باچر تحضريلي الفلوس
... ... لا مو باچر الاحد
نسرين // قصدج بالدوام
... ... لا مو بالدوام نلتقي بره احسن الي والج
:تمام هذا هو
... ... باچر بالليل نحچي وين نلتقي
: ان شاء الله
تستمر القصة أدناه
وقررت الصبح اروح الثامر واخذ منه الفلوس لان ما ردت اخذ من الفلوس الي ضامتهن عد عمتي ام مرتضى
صليت الفجر وندهت بيبي جميله ورجعت نمت تقريبا الساعه بالتسعه گعدت اتريگنا وردت اگوم اشتغل بيبي گالت
لا انتي وحنين البارحه ما قصرتن اليوم تبقيين يمي وگعدنا وعمه ام مرتضى شووت سمج وحنين سوت الزلاطه
وانا استحيت گمت طبخت الهم تمن احمر مشكر علمتني علي بيبي منيره الله يرحمها وكل ما اروح البيت عمي
كرم يطلبونه مني لان حسب كلام ام مرتضى ما يجي وياها عدل
وگعدنا كلنه سووا واتغدينا وانا اشوف شلون مرتضى يباوع الحنين نظرات حب وهيام بيني وبين
نفسي ارتاحييت لان امنت على حنين وحلالها خصوصا من عرفت بان كل بيت عمي كرم يعرفون بمرتضى
يريد حنين وكلهم موافقين
انا ما رحت الثامر لان اعرف بهادي يوم الجمعه والسبت يروح للمحل مالته ويبقى طول النهار هناك
لذلك گلت اروح الاحد قبل ما اشوف نسرين
العصر اندك باب بيت عمي كرم واجه قيس وعمه شمس وسلمو وگعدو واستاذن قيس گال عندي شغل
راح وره نص ساعه اجه واجت ويا افراح وهديل الي اشوف بعيونها الخوف والتوسل وياهم ياسر
افراح بس سلمت وگعت على راس بيبي جميله وهي تگلها // خاله سامحيني ما اقصد تدرين بيه عصبيه
جميله //ادري بيج مسودنه وما تعرفين توزنين كلامج
هي ما ردت وگفت واجت صوبي وسط انذهال الكل بس انا اعرف السبب وهي تبوسني بخدي وتتاسفلي وتگلي
: عمه ناديه لاتزعلين عليه انا امج الي ربتج انتي وحنين والام ساعات تقسى على بناتها
قيس // اسمعي افراح انا مو بس سمعت من ام مرتضى وعمتي ام كرم
لا سمعت من وداد ومن بناتي وحتى من امي الصار اي واحد عده غيره ما يسكت عنه هالمره راح اسكت
مو الخاطر احد هالمره اسكت الخاطر ناديه وحنين بس والله ياافراح انتي تعرفيني ما يحتاج اعلمج اخبالاتي
جميله // ياالله يمه ابو احمد هي گالت هنه مثل بناتي
قيس // وانتي هديل تفوتين تبوسين ناديه وحنين وتتاسفين منهن وسوالفج ويه براء اتعوفيهن
هديل اتقربت مني وباستني اول مره تگلي اسفه واعتذر وهي مكسوره ومقهوره وبعدين راحت الحنين واتاسفت منها
الكل بعيونه تساؤل معقوله افراح حتى لو تخاف من قيس ما تسوي هالشكل بس انا الي اعرف ليش گعدنا تقريبا
ساعه وبعدها گالت افراح ياالله بنات نروح
بيبي جميله ردت // لا خليهن الباچر
قيس گال //ها عمه گولو بعدكم زعلانيين على افراح
جميله // لا والله اريد البنيات يبقن يمي
افراح // زين عمه خليهن وبالليل رجعوهن ياالله احنه نروح
ام مرتضى // وين ام ياسر ابقي اتعشي
افراح // لا والله دايم البيت واهله عدنا شغل
بالليل مرتضى وعمو كرم وصلونه ودخلو ويانه گعدو شويه وراحو وانا وحنين صعدنا الغرفتنا حنين بعيونها
تساؤل لكن انا ما جاوبتها گتلها // حنين اريد تسويلي چاي جديد مو چاي افريحه دومه محترك
تستمر القصة أدناه
هي نزلت وانا قفلت الباب عليه وبسرعه نقلت المقطع للتلفون الثاني وبعدها خليت الموبايل بجزدان زغير بعد ما طفيته
وخليته جوه الچربايه مالتي بالزاويه على ما افكر وين اضمه جابتلي حنين الچاي ودگت الباب انا فتحته هي گلتلي
: ندووش حيزبونه تريدج
هزيت راسي وابتسمت ... ... اي خلي اشرب چايي وابدل وانزل
شربت الچاي ولبست دشداشه وخليت شالي على راسي ونزلت انا وحنين والنقال بايدي هي باوعتلي وهي
تعض بشفتها عضات متواصله كانما تاكلهن باوعت الحنين وگالت الها
: حنونه رايده ناديه بحچايه ابيناتنا اصعدي فوك
حنين بين عليها الخوف باوعتلي وانا بكل برود هزيت راسي يعني اصعدي
من صعدت حنين افراح گالت // تعاي رايدتج بغرفتي انا گتلها
... ... لا عمه اهنا (ااشر ع الصاله )لو بغرفة الخطار
هي هزت ايدها ودخلت الغرفة الخطار گبلي وانا رحت وراها باوعتلي وگالت
:منيلج المقطع
جاوبتها وانا اسلهم عيوني ... ... عمه يامقطع
: شوفي لا تسوين روحج ذكيه
انا ابرود ... ... هاا عمه قصدج على المقطع البي بتج ويه صاحبها
: انچبي ولچ
... ... شنو عمه انا مچذبه وبعد لو تشوفين العدي اللهم يا كافي
هي بخوف // هاا بعد اكو
... ... اي عمه ومو ويه هذا ويه غيره وغيره
اجت هديل وهي تگول // يا چذابه يا حقيره
جاوبتها ... ... اي هاي فوگاها فوگ ما سترتج ودفعت من جيبي بس حتى ما ينشروهن بالكليه اگلج هديل
تتصورين لو ياسر لو عمار ايشوفوهن شيسوون
افراح //ها اتهددينه بت ......
قاطعتها وانا ابتسم بخباثه ... ... ها فروحه شو رجعتي اتغلطين
افراح باوعتلي وكالت // لا عمه لا تنسين هديل بت عمج ومثل اختج واذا انفضحت الكل راح يتهمج
... ... عمه تحچيين صدك تره مو الولد الي مصورها واحد ثاني انطيته جاب التصوير اليه وگلي انتي
بت عمها لو مليون لو ادزه الابوها واخوها
افراح //. ها وليش ما جابه الها
جاوبتها ابرود ... ... صار عمه هسه اخلي يرجعلي الفلوس ويخابرج ويبتزج انتي وبتج وشلوناته هو فد
واحد زايعته الدنيا ويكتل ابو على خمس تالاف
افراح // هسه انتي شتردين
عضيت شفتي وحركتها يسره ويمنى ... ... ان انا ما اريد شي
افراح // انتي ما تردين شي چا ليش وديتي المقطع
گعدت وخليت رجل على رجل ... ... حتى اعلمج وافهمج تره بنات الحسب والنسب بنات الشريفات هم ايعشگن
ويحبن وكل شي ايسون حالهن حال بنات امهات السجون المو زينات وهم اريد افهمج بعد تبتعدين عني وعن اختي
وما توصلين حدي وما عليج بينه خير شر ياجاري انت بدارك وانا بداري
افراح //خوش والله مفبركه فديو شوف ياهو من صحبانج مسوي وتهمين بتي بي وتتشرطين عليه وانتي تهزين برجلج
... ... ههههه (باوعت الهديل ) صدگت هدوله امفبركه المقطع على العموم هديل تعرف الولد الي مصوره ويا
تگدر تجيبه وتسالينه او راوي المقطع الياسر لو العمار او حتى العمو قيس واكيد راح يسالوها على الوياها
ويجيبونه ويتقررون علي هاا ولا تنسيين الصور الي دزيتهن ابحد تره همه اكثر من واحد
... ... .... شوفي افراح انا راح اصير احسن منج وانا فعلا احسن منج انا حذفت المقطع بس صدگي الودا
الي بلحظه يطلعه ويفضحج ويفضح بتج ونصير بالعار سووا فانتي جوزي مني ومن اختي
تستمر القصة أدناه
اتقربت منها وگتلها ... ... تره بتج مسويه دواهي هاي هيج لو تشوفينها (وصرت اهز بايدي ) لو تشوفينها
بالضبط مثل ما چانت تسوي مياده ويه سلدار واساليها كل شي مارشف وبالحفظ والصون يمته ما يعجبج ادزلج
مقطع تتونسين بي
افراح //وشنو المطلوب
... ... هذا الحچي الي ايفيد ليش السربته على گولتج اسمعيني تعتبريني انا واختي ماجرين عدكم ما الج غرض
لابيه ولا بيها
وبالمقابل انا ابتعد عنج وعن بناتج وعنكم كلكم لان بالاساس انا ما احبكم مثل ما انتو ما تحبوني فسوالفج وياي
او ويه اختي تجوزين بيهن عني ولا تحاولين تدگين الناقصه بيه لان صدگي ما ارحمج مو بس ادزهن الهادي
وياسر وعمار لا على التواصل الاجتماعي اخلي الي ما يشتري يتفرج
اعرف بيج ذكيه وعقلج اكبر من عقل اي يهودي ما شاء الله صار شگد وفلوس المحل مال ابوي تاكلون بي من غير
رواتبنا الي تگولين بس ميتين واجارات البيوت لذلك فكري احسن بدل ما تخسرين كرامتج وكرامة بتج
صعدت فوك وانا ادندن وحنين گالت
: ندووش شتريد حيزبونه منج لا تگليلي تريد تخطبج الياسر
... ... هههههه لا حبيبتي حيزبونه صاحتلي تعتذر على الي سوته هي وبتها وبت اختها
حنين //. تتشاقيين
ضحكت وانا اهز ايدي ... ... لا وداعتج خليتها تعتذر وهيه مثل النعال
خابرني رافد انا اشرت الحنين تطلع وهو يگلي // انتي شلون تراوين التصوير وانا ما عليه
عرفت بهديل مخابرته جاوبته ... ... اعرف بيك جبان وبس بوخه اصلا انت ما مبين وجهك وثاني شي هاي
فرصتك تگدر تبتزها بفلوس باي شي
ودير بالك الي سوت كل هذا الشي بلحظه توديك وره الشمس واسمعني تره انا مسجله كل مكالماتك
رافد // تدرين اگدر افضحج واگول هي ودتني عليها
... ... اي تگدر بس اسال ابوك او عمك تنحق وغصبن ما عليك تتزوجها الهديل بعد ما تفصل اهلها وشلون
عدها اب يبيع ابنه بعشر تالاف عاد انت فكر بمصلحتك وگلها ما اعرف منو الي صورنه واصلا الي مصوركم
جاي يبتزك وانت مسكته بالف ياويل
بعدين حاچيته باستهزاء ... ... اسمع لك تره الشريفه ما تنجرف الهيج اشياء بس هي قذره وانت اقذر منها ودير
بالك تحاول لو بالحلم تسوي وياي الناقصه تره صدك بلحظه اتطير والله زين انتم تتونسون وتذبون قذاراتكم
على بنات الناس
حنين دگت الباب وما حاولت تسالني اكتفت تباوعلي وفتحت التلفزيون وصارت تباوع وبعدين نامت
وانا بقيت الليل كله گاعده وانا استرجع الي سويته وانطي النفسي الف عذر وعذر صليت الفجر ونمت ما گعدت اله
الظهر نزلت صبيتلي انا وحنين غدا وبعدها رجعت نمت گعدت بالليل وصليت ونزلت سويت بيض وطماطه
وخدرت چاي وهم صبيتلي عشا وصعدته الي والحنين وبعدها نزلنه نظفنا المطبخ ولا كانه صاير شي
وحنين بقت تمسح بالكاونترات وانا اغسل الطارمه اجه ياسر ودخل وسلم انا رديت السلام وانا دايره وجهي اتقرب
عليه وگلي //اشلونج ناديه
تستمر القصة أدناه
... اهلا
:ليش تردين من وره خشمج
...انا هيج اردن
:ناديه لازم تعرفيين ...
رفعت راسي وقاطعته بعد ان شمرت الصونده من ايدي وخليت اصبعي على حلگي وگتله
... ... اسسسس ياسر لاتحچي اي شي
ياسر // بس اسمعيني
هزيت راسي وگتله... ... شوف اسامح واسمع الكل اله انت ما اسامحك ولا اريد اسمع منك اي شي
هو جر نفس وگلي // ناديه افهميني انا ما اتدخلت على مودج
جاوبته باستهزاء ... ... يسلم مودك بس انا ما عندي شي يهمني واريد اسمعه منك انت
ياسر //ليش شبيه
... ... ما بيك شي بس انت وانا ما نتوالم
: ناديه انا اعرف اقنع امي
اتقربت منه وگتله بعصبيه ... ... كافي اخجل الرجال الي يريد يسوي شي ايسوي ما ينتظر يقنع فلان وعلتان
والمره دووم تدور على سند وانت ما گدرت اتسكت اختك الي ازغر منك وبت خالتك وهنه يهينن بيه كدامك
وكدام الناس انوب جاي تريد تفهمني تگدر على امك اسمعني زين من تلوح النجمه (واشر ع السما )
بايدك تلوحني وياالله ادخل بسرعه لا امك تشوفك وتخليك بدون عشا
ياسر // انتي جاي تستهزأين مو
انا بنتر ... ... افهم الي تفهمه بس انا ما راح اصير الك لو تنطبك السما ع الارض
اتقرب مني وباوع بعيوني اول مره اخاف من نظرته گلي
: ماشي يا بت عمي بس النجمه يمكن ما الوحها لكن انتي ما تصيرين اله الي افهمي هذا الشي
دخل وانا ما اعرف ليش حسيت بالخوف من كلامه كملت ورحت للمطبخ لگيت حنين صاعده وانا هم
صعدت بوكتها ما شفت ياسر لكن من وصلت الباب غرفتي هو فتح باب الغرفه مالته وطلع واجه صوبي وگلي
:انتي اتحديتيني وانا ما راح انسا الشي الي گلتي
ما جاوبته دخلت للغرفه ولگيت حنين بالحمام وبوكتها طلعت الجزدان وخليته بالجنطه وحضرت ملابسي الباچر
وكتبت الاماني
لاتمريين عليه ما راح اداوم بعدها خابرت نسرين واتفقنا نتلاگى يم الصيدليه وبقيت ما نمت الفجر صليت ودخلت
سبحت وغليت چاي شربت كوب ما اشتهيت اكل شي بدلت وگعدت حنين الي غسلت ونزلت اتريگت وبدلت
ونزلنا حنين راحت وانا بقيت الكل راح للدوام وانا بقيت شويه اتصلت على نسرين وانا اسمعها الافراح
... ... اماني انتو وين ناسيه اليوم عندي امتحان
تسرين جاوبتني // بعد عشر دقايق واوصل يم الصيدليه
... ... ياالله طالعه
اخذت جنطتي وطلعت وصرت امشي الى ان وصلت للصيدليه شفت نسرين منتظرتني يمها اشرت بايدها وانا
اجيت يمها سلمت عليها وگتلها ... ... امشي عازمتج نتريك
اجرت تكسي ومشت شويه گلت النسرين انتظريني بالسياره ونزلت يم المحل شافني ثامر وگلي// ها ناديه خيير
ابتسمت بوجهه وگتله ... ... لا ماكو شي بس محتاجه مليون ونص
هو فك عيونه وگلي //خيير ولو مو من حقي اسال
... ... كل الخيير وانت الوحيد الي يحقلك يسالني عندي شغله يم المحامي واريد هذا الشي يظل ابيناتنا
ثامر // صار وانا حاضر الكل شي
حسبلي الفلوس وانطا اليه انا خليته بجنطتي بعد ان اكدت على ثامر ما يجيب طاري الكل احد
رحت للسياره وگلت للسايق على اسم المطعم هو نفسه الي رحت بي ويه استاذ علي المحامي
تستمر القصة أدناه
حاسبت السايق ودخلنه للمطعم وسط ذهول نسرين واجه النادل وخليت نسرين تطلب الها ريوك
وانا طلبت فطيره بالجبنه وچاي اكلنه واحنا ساكتات وبعدها گعدنا ونسرين طلبت نارگيله رغم اشمئزازي
من طلبها لكن هي ما اهتمت واشوفها شلون تسحب بالنفس وكانها متعوده علي حاچيتها
... ... نسرين ممكن تنتبهيلي
: اي ناديه وياج بس الجو اهنا يخبل بعد كله اجي لهنا
ابتسمت ... ... اي بس مو باچر تجيين ابطي شويه حتى البي ينسوون صورتي وما تشبهيني
نسرين //هههههه لو احد غيرج حاچي هذا الكلام چان عرفت شلون اخلي بدون هدوم بس انتي تدللين
بعدين تركت النارگيله واتقربت عليه وسالتني // جبتي الفلوس
... ... اي جبتهن مو شفتيني نزلت للمحل
: محلج
... ... اي محلي انا واختي وبعد عدنا خير من الله
نسرين // الله يرزقج ياالله انطيني اياهن
حچيت برهاوه ... ... غير بالاول اشوف الي تراوينه الي يسوه ما يسوه
نسرين //وداعتج يسوه اكثر
نسرين گامت من مكانها وگعدت على الكرسي الي يمي وطلعت نقالها وهي تضحك وتگول
: اكيد راح تتقززين من الي راح تشوفينه لان انتي ما متعوده
... ... .... افتحي خلي نشووف
هي فتحت نقالها وانا شفت ميثاق هو ويه نسرين الي حاولت قدر المستطاع تخفي وجهها كان سكران طينه
وهي ويا بوضع مخل وصور اقل ما اگول عنها قذره بس مو بقذارته
چان اكو مقطع الهم نسرين تركص وبعدين نامت بالگاع وهو شلون وياها اتذكرت كلامها من تگول خيرهم
ما ياخذ بيدي ساعه واخلي نعال انزعه والبسه
ومقطع ثاني بغرفة النوم وهو كل شي ما لابس
نسرين باوعتلي //. ها نادي مستغربه صدكتي بس هذا المقطع هو المفاجأه ويسوى كل الفلوس
راوتني وصحيح مفاجأه چان بغرفته بالكليه وهذا المقطع صدك يسوى كل الفلوس
بعدين راوتني مقطع لمى هي وصاحبها الجديد والي سمعته ايگللها
انتي لئيمه عرفتيني احب صديقتج ناديه لكن ما هان عليج سحبتيني الج
هي تجاوبه وهي حاضنته //انا مو گتلك منو هي ومنو امها شبيك يمك الملكه وتدور ع الخادمه
نسرين باوعتلي وگالت // ها مو استاهل الفلوس واكثر
... ... اي اكيد تستاهلين دزيهن اليه
: بس بالاول اشوف الفلوس
طلعتهن الها وهي راسا دزت المقاطع انا طلبت جهازها وحذفتهن وبنفس الوقت رسلتهن الذاك الجهاز
هيه اخذتهن وردت عليه // شمو حذفتيهن
هزيت راسي ... ... ايي
جاوبتني بضحكه //. حبيبتي ناديه شلي بيهن تتصورين عندي وقت ابتز هذا ميثاق الحمار لو لمى الگ...
... ... .... مي خالف أأمن
1
چنت اتمنى ما يطلعون ازباله لكن همه طلعو مو بس زباله لا وزباله نتنه غمضت عيوني وبعدين عضيت على شفتي
وسالتها ... ... انتي ليش هلگد جريئه
هي جاوبتني بابتسامه // ليش انتي مثلا المو جريئه
... ... بس انا انظلمت وردت انتقم
هزت راسها // وانا هم انظلمت ومن تكعدين ويه ميثاق ولمى وحتى هديل كل واحد راح يگول عن نفسه مظلوم
... ... .... بس انا فعلا انظلمت
نسرين //. ادري شفت بعيني وسمعت باذني
تستمر القصة أدناه
هزيت راسي هيه كالت // حبيبتي ونصيحه لا تاخذج العواطف وكتنا مو وكت عواطف وكت وكت شطاره والبقاء للاقوى
جريت نفس وسالتها ... ... نسرين انتي وين صورتي الهذا الناقص ؟
: قصدج ميثاق ؟بالشقه
... ... يا شقه ؟
: هههه الشقه مالتي
... ... يعني انتي ساكنه ابحدج
:لا بس هاي الشقه ساعات اروح الها اتونس والي يعجبه يجي بيها
... منيلج
: بصراحه
... اي
: هي مو مالتي مالت صديقي وانطاها اليه
... صديقج
: اي ياالله امشي خلي اراويها الج
... ... لا شسوي اروح الها
هي لزمت ايدي وضحكت // لاتخافين هاي شقه محترمه مو عبالج شقة دعاره
... ... .... مو تعزمين بيها اصدقاءج
هزت راسها - - - اي اعزم بيها بس مو مثل ما انتي فاهمه
... ... شلون يعني ؟
نسرين //. بعدين افهمج لان انتي شكد ما مريتي بمآسي وهسه عندج فلوس بس ياحلوه بعدج خامه بيضه
... ... ... زين اروح وياج بس خلي افهم شلون گدرتي تصورين ميثاق ولمى
- - - الصراحه مو انا عندي واحد اختصاص تصوير انطي مية الف ويسويلي كل شي
... ... زين والتصوير مال الكليه
: هو علمني علي وسويته لذلك انا گتلج يجوز بعد اطلب منج فلوس
... ... اي انطي شگد يريد
نسرين //. تلثميه انطيته لان بصراحه يستاهل
هزيت راسي ... .... اي والله يستاهل انتي انطي منج وانا راس الشهر اجيبلج خمسميه تلثميه اله وميتين الج محبه مني الج
لمعن عيونها // تمام اعتبر كلامج راس مال
هزيت راسي ... ... اي حبي بس بعد ابد ولا فلس ديري بالج تدورين وياي طمع
نسرين // شبيج ناديه انا حبيتج لان انظلمتي وعرفتي شلون تاخذين حقج تدرين ياما اكو غيرج انظلمو وانطعنو بس ما
واتتهم الظروف ياخذون حقهم صدگي عاشو وماتو مظلومين وجرحهم ينزف
هزيت راسي هيه رفعت حواجبها //ياالله امشي وياي للشقه
... ... لا نبقى مو اليوم اروح الها غير يوم
نسرين بابتسامه //. براحتج بس لا تخافين تره شقه محترمه وما يجولها اله ناس محترمين
نسرين شالتلي نسخه من المفتاح وانطته الي ودلتني العنوان وگالت
- - - يمته ما تردين تجيلها بس ترميشه زغيره اخاف احد موجود بيها اقصد صاحب الشقه لان مرات يجي يرتاح بيها
... ... .... هاا يعني مسلمج مفتاح الشقه وانتي تجيلها انتي واصدقاءج وهو ما يدري
هزت راسها //. اي ما يدري اصدقائي اعزمهم بالليل وهو كل جياته بالنهار
... .... واذا صادف بالليل يريد يجي
- - اذا بالليل عادي تلفون زغير منه وانا خلال ساعه افضيها اله
... ... ... يعني افهم بالنهار محد بيها
نسرين // هههه لا وداعتج بس بالليل وانتي الوحيده الي انطيتها نسخه من المفتاح بس اذا وحده تحتاج تجي هيه وصاحبها
او مجموعة بنات عادي انا اجي افتحلهن الباب
... ... ... معقوله اكو هيج
- - - هههههه واكثر انتي بعدج كل شي ما تعرفيين وكل شي ما شايفه
... ... ... زين وسكان العماره
- - - ما بيها سكان كلها عيادات ومكاتب وهاي الشقه الصاحب العماره
1
تستمر القصة أدناه
اخذته المفتاح ونسرين گالت رايحه عندي شغل وانا بقيت وراها شويه دفعت الحساب وطلعت اجرت تكسي
حتى ما گتله وين وانا احس بروحي مختنگه
يعني معقوله البشر يبيع تربيته واخلاقه من اجل نزوه عابره اهنا تذكرت مياده والمصايب الي سوتهن خليت
وجهي ع الجامه اباوع للشارع لكن انا مو يمي كل شي لمن ما السايق گلي
- - - وين توصلين عمي احچي وياج وين توصلين
انتبهت گتله // العفو حجي وصلني للسوك
انطيته الكروه ونزلت وانا احچي ويه نفسي ... ... معقوله انا صرت نسخه من مياده معقوله انا الي اتربيت على
العيب والحرام هيج اسوي
هزيت راسي ... ... اي هيج لازم هيج اسوي لان اذا سكتت راح يتمادون لمى الي وين ما تشوفني تسويلها
تجمع وتحچي عليه باشياء ما صارت
... ... لو هديل هديل الي فضحتني وهسه من فضحتها شلون صارن ايعاملني باحترام هي وامها يمكن لو اگل
الافراح خلي ياسر يعقد عليه اليوم هم تقبل
... ... لو ميثاق الي چنت اشوف بي شخص رزن ومؤدب وحتى من تركني انطيته العذر بسبب سمعت امي
وباول فرصه طلع مجرد حيوان اهم شي عنده يشبع رغبته
سلهمت عيوني واتنفست بعمق واحاول اطرد الافكار من مخيلتي
... ... لا انا مو مياده انا ناديه وابقى ناديه الطفله الي شافت مصيبه ما تتحملها الجبال والشابه الي انظلمت وعانت
جريت نفس وباوعت نفسي شگد ما شيه وما منتبهه رجعت وبطريقي اخذت فواكه وحلويات الحنين ولفات كباب
ورجعت للبيت دخلت شفت الكل موجود بالمطبخ گلت
... ... ... السلام عليكم
وما انتبهت منو رد صعدت وشفت الكيلون مال الباب مكسور دخلت ولگيت حنين گاعده ع الچربايه سلمت عليها وسالتها
... ... ليش كاسره الكيلون ضيعتي مفتاحج ؟
حنين // لا ندووش اجيت ولگيته مكسور بالبدايه عبالي انتي لكن شوفي
گامت فتحت الكنتور وهي تگلي //شوفي ملابسنا شلون مخربطات
هزيت راسي ما جاوبتها ابتسمت ونزلت وصلت الباب المطبخ گلت
... ... عمه منو كاسر كيلون الغرفه الصبح من نزلت قفلتها
هي باوعت وگالت بكل برود / / انا
... ... ها وليش ؟
افراح // لان شميت ريحه حرگ خفت گلت اخاف الكهرباء عاد اضطريت اكسره
جاوبتها باستهزاء ... ... هاا مشكوره بس عمه انا قبل ما انزل اطفي كل شي
جاوبتني ابرود //. اي لگيتج مطفيه كل شي بس خفت اگلج انتي ليش تقفلينها وتطلعين
... ... هيچ عمه اقفلها لان اول مره تصير عدنا غرفه وهاي بيها خصوصياتنا وفلوسنا واغراضنا ولازم نقفلها
افراح // : زين عمار العصر يجيبلج كيلون
... ... لا عمه انا اروح واشتري اصلا بمحلنه موجود
هي ونت وسالتني // ما تردين غدا
... ... لا جبت وياي لفات من الكليه
صعدت ما حبيت اسمع ردها وعرفت افراح وبتها صعدن حتى يدورن على نقال او جهاز بي التصوير ويجوز يخلن
سحر او يرتكبن عليه وصلت للغرفه وسديتها واتغدينا انا وحنين بعدها خابرت ثامر وگتله
... ... اريد كيلون زين
ثامر //صار ست ناديه بس المن
... ... الغرفتنا لگيت بيت هادي كاسرينه للكيلون الي اخذته منك
: ست ناديه راح اجيبلج كيلون وسويچ
... ... اي عفيه وياريت هسه ما طوول هادي موجود
:صار دقايق وجاي
وفعلا اجه ثامر واتفاجاو لان انا خابرته واستاذن من هادي وصعد للغرفه اما انا وحنين نزلنه جوه هو ربع ساعه
كمل كل شي ونزل وانطاني المفاتيح وانا وحنين صعدنا فتشنا الغرفه كلها حتى جوه الچرابي وسحينا الكنتور حنين گالت
:حيزبونه ذكيه ما تخلي سحر ويبين عليها هي
... ... شلون يعني
:يعني هي ما نكرت هي الي كسرت الباب فاي شي يصير بينا الكل راح يتهمها خصوصا وهي تعرف احنه ما نضم
شي على عمه زهراء وعمي كرم وحتى على شمس حيزبونه صعدت تدور على شي
اتقربت من حنين وگتلها ... ... والله صايره تفكرين
ضحكنا ونمت وگعدت بالليل لگيت حنين مسويه العشا وحتى غاسله المواعين ومنظفه الطارمه سالتها
... ... ليش ما گعدتيني
:لان شفتج غاطه بسابع نومه
صليت وهي جابتلي عشا ما اشتهيت اكل بس سوتلي چاي بقيت گاعده ادرس راسلت فاطمه
... ... اشلونج فطومه
:هلا ناديه سلامات اليوم ماكو
... ... تعبانه شويه
فاطمه // بس
... ... اي ليش شصاير
: هاا ما صاير شي
... ... فاطمه شكو لا اضميين عليه
: ناديه صدك انتي قبل يومين رايحه الميثاق الغرفته
... ... انا منو گالج ؟
: لمى جمعتنا بالقاعه وگالت
... ... اي شگالت احجي ليش سكتي
فاطمه //گالت عليج هاي الحقيره بس اشوفها اطيح حظها وصارت تحچي عليچ كلام صار وما صار ناديه باچر
لا تداوميين هاي لمى السان طويل وما تستحي
جاوبتها ... ... يعني انتي تعرفين انا مو من ذني البنات الي اروح واعرض نفسي
فاطمه // انا الي اعرف بس هي تگول لاتغركم حتى نجاحها العام الاولى ميثاق يگلي الاساتذه نجحوها لان
تنطيهم مقابل
حسيت بريگي يبس ... ... وانتي صدگتي
فاطمه //ناديه انا اعرفج وادري بيج شنو انتي ولو هالايام ابتعدتي واتغيرتي لكن ...
... ... ما ابتعدت فاطمه چان ما عندي ثمن فنجان الگهوه وما اگعد بالكافتريا اظل بجوعتي لان ما اكدر
اشتري لفه ولان عمي طلع ماخذ كل ورثنا ورجع النه كل شي صرت اروح للكافتريا خو مو اجرمت
فاطمه // لا والله ناديه الج كل الحق بس باچر لا تجيين
... ... وليش باالله فطوم
: لان لمى ما ناويتلج على خيير بس تشوفج تظل تصيح وتجيب كلام وتخلي ويجوز حتى تعتدي عليج
... ... لا فطومه صدگي باچر اجي للكليه واگعد ولمى سواءراح تداوم او ما تداوم صدگي ما تفك حلگها بكلمه
فاطمه // تحچين صدك
... ... اي وداعتج وباچر تشوفين
/////////////////////////////. /////////////
