رواية دعني احطم غرورك الفصل الرابع والاربعون
Flash Back لأجواء انهاء الفرح
-عز لنفسه: مافيش إلا ابا الحاج يوسف هو اللي هيلملنا الليلة دي في كلمة ونص .. بس اكلمه ازاي ؟؟
كان ياسين واقفاً على مقربة من عز وبصحبته حازم يتحدثان سوياً ، فحاول أن يشير إليه عز لكي يحضر إليه في الكوشة ،،،
-عز في نفسه: يااارب الغبي ده يشوفني
-ياسين لحازم: ههههههههههههههههه ، ياعم ما اللي يطق يطق ، فكك انت يا زوما
-حازم بضيق: قولنا كده ،بس هي دماغها صرمة
-ياسين: انت هتقولي
وهنا لمح ياسين عز وهو يلوح له بيديه لكي يحضر،،،،
-ياسين: زووما ، بقولك آحبيبي ، هاروح أشوف العريس لأحسن الظاهر انه مزنوق في حاجة
-حازم: اوك يا معلم ، وانا هشوف دارين خلصت الـ Toilet ولا هتبات هناك
-ياسين: سلام مؤقت يا برنجي
-حازم: تشاوو
-ياسين لعز: ايون يا عريس
-عز: ساعة عشان تجي
-ياسين: اعملك ايه ، مانا مشوفتكش إلا الوقتي
-عز: طب اسمع الكلمتين دول وركز معايا
-ياسين: أؤمر يا كبير
-عز: عاوزك تميل على عمك يوسف ، وتقوله يفركش ع كده أنا زهقت وجبت جااااز ...
-ياسين: يعني أقوله يضرب كرسي في الكلوب
-عز: الله يخربيتك ، انا بقولك ينهي الفرح بهدوء مش يطربقه ع اللي فيه !
-ياسين بغمزة : ماشي آعرررريس .. هنياله يا عم
-عز: الله يخربيت أرك ده ، هو اللي هيجبني أرض أرض
-ياسين: انا مش بأر ، انا بحقد وبحسد وبنؤ
-عز: طب اجري خلص اللي قولتلك عليه
-ياسين: حاضر يا عُمنا ، ما انا برضوه دراعك الشمال
-عز: أيوه ، دراعي اللي عاوز قطعه .. انجزززز بقى مش هقضيها كلام معاك
-ياسين: علم وينفذ !!
...........
كان يقف يوسف مع حسين ،،،
-حسين: واد ثقيل وبارد
-يوسف: جدااااا ... معرفش بنتك بتقف معاه ليه
-حسين: والله ولا بطيقه .. بس سهير عاوزاهم يقربوا من بعض ال ايه عشان تاخد عليه لان المحروس مكلم أمه على دينا
-يوسف: اعوذوبالله ، بقى انت عاوز تدي دينا بنتك لواد زي ده ؟؟؟
-حسين: ابدااااا ما أرضى .. بس انت عارف سهير زنانة والواد قريبها
-يوسف: ربنا يهديها ، وينجيكو منه
-ياسين مقاطعا: ده مين ده اللي بتدعو عليه
-يوسف بغمزة: واحد مكلم ع دينا
-ياسين: نعم .. دينا ؟؟ دينا دينا ، ولا دينا دينا تانية ؟؟
-يوسف: لأ دينا بنت عمك حسين
-ياسين: لأ بقى ، كله إلا كده !! أنا حاجزها
-حسين: حاجز مين يا بني ؟؟
-ياسين: آآآآآ.. أأقصد حاجز التورتة يا عمي ، بالحق بالحق ابنك عز يا عم يوسف عاوزك تلم الفرح بقى لأحسن مستعجل يروح بيته مع عرةسته
-حسين ضاحكا: هههههههههههه ، لأ خليه يصبر شوية
-يوسف: خلاص بقى يا سحس ، الواد استوى ع الأخر بدل ما يشيط وهو أعد كده .. بص هتلاقي ودانه بطلع دخان
-ياسين: هيقلب تنين
-حسين: عشان خاطرك بس يا جوو ..
ذهب حسين الى مدير القاعة والمسؤل عن تنظيم الفرح وطلب منه أن ينهي الفرح نظراً لسفر العروسين ، وبالتالي تم انهاء الحفل على موسيقى هادئة ، وتم شكر المدعوين على حضورهم ....
.................
-حسين: الف الف مبرووووووك يا حبايبي ، ربنا يسعد قلبكم ويهنيكم .. مش هوصيك يا عز ع جانا
-عز: الله يبارك فيك يا عمي ،،
ثم نظر عز إلى عيني جانا : ومتقلقش ، جانا في قلبي قبل عيني
-سهير: هتوحشيني يا جوجو .. مش عارفة هنروح ازاي ومش هتيجي معانا
-جانا: انا ممكن أروح معاكو عادي والله ماعندي مانع
-سهير: هههههههههههه ، كله إلا النهاردة يا عروسة ، بعدين بقى تبقي تيجلنا
-دينا: بجد I will miss you Jojo .. هنام مع مين وهرغي مع مين تاني
-جانا: حبيبتي دودي ، بجد انا مش قادرة اتخيل ازاي هاعيش بعيد عنكو .. خلاص انا حياتي معاكو
-عز مقاطعاً: كان زمان يا جاجوو .. انتي الوقتي حياتي ، وحياتي هتكون معاكي
-يوسف: ربنا يديم الحب مابينكم يا بني ..
-عايدة: مش هوصيك يا عز ع جانا .. انت عارف هي غالية الوقتي عندنا ازاي
-عز: مش محتاج توصية يا ماما .. هي أغلى ما عندي الوقتي
-ياسين: طب مش يالا بقى يا جماعة ، انا الدمعة هتفط من عيني .. عاوزين نسيب العرسان يجروا ع بيتهم ، بدل ما أحنا معطلينهم عن مهامهم القومية ..
-عز: انت بتفهم يا واد يا سينو!
-ياسين: عد الجمايل بس ، النوتة طفحت من كتر ما بسجلك !!
-عز: هظبطك بس اما يجي وقتها.
-ياسين: اصيييييل يابن عمي
-جانا: طب ما نقعد شوية ، هنروح البيت دلوقتي نعمل ايه؟
-عز: لأ أنا تعبان اوي وعاوز أرتاح.
-جانا: خدلك مسكن !
-عز: لأ عاوز انام .. يالا بقى !!
وبالفعل ركب العروسان السيارة وتوجهوا إلى منزل الزوجية الجديد بعد أن تم عمل زفة سيارات محترمة لهم .....
