رواية زهور بنت سلسبيل الفصل الثالث والاربعون
زهور تقف تحمل علب البيتزا بيدها بغش بغش
انت البادي وعلي البادي تدور.
احمد / ههههههه ههههههه ليتوقف عن الضحك ويدخل في نوبة بكاء شديدة ويخرج تارك زهور تقف مصدومة.
زهور / إيه دي تعال يا عم انا بهزر إيه الدكتور الغريب ده .
تضع زهور ما تحملة بيدها علي الطاولة وتتجة ناحية باب المكتب ليدق عدة مرات وتدخل إحدي الممرضات سريعاً.
الممرضة /اسفة يا أحمد دخلت قبل ما.
لتصمت وهي تري فتاة صغيرة تقف في منتصف المكتب .
الممرضة / انتي مين؟ وبتعملي إيه هنا؟ و دكتور أحمد فين؟
زهور/ترفع كتفها وتخفضهم معرفش كان هنا وخرج يبكي.
الممرضة /لا حول الله قلت له بلاش تحدد عمليات النهاردة وخدلك أجازة مسمعش الكلام طول عمره عنيد، هدور علية فين بس ياربي ، العملية خلاص فاضل علي معادها عشر دقايق وبس.
رشا المغربي شقيقة أحمد المغربي الصغري تعمل رئيسه تمريض في المركز الخاص لشقيقها أربعنية
زهور/ بعدم فهم هو في إية.
الممرضه / بحدة انتي ال مين وبتعملي ايه هنا.
زهور / انا زهور والدكتور كان عزمني علي الاكل
وفجاءة بكي وطلع يجري من الاوضة.
الممرضة/ من امتة خرج وخرج من الباب ده.
زهور/ قبل ما تدخلي بدقيقة وحده ايوة خرج من هنا .
الممرضة / الحمدلله يبق لسه هنا بالمركز.
رحلت الممرضة سريعا من المكتب توجهت الي احدي الغرف ولم تدري بمن لحقتها. تفتح باب احدي الغرف
وتخطوا داخلها بعد ان تنهدت بحمدالله.
لتتحدث مع اقترابها من مكان جلوسه.
الحمدلله كنت متأكدة هلاقيك هنا، لتكمل أحمد ليه بتعذب نفسك بالشكل ده طول اليوم شغل شغل وعملية وراء التانيه إسبوع وإنت علي الحال ده
اترجتك كتير بلاش عمليات النهاردة وبردة صممت زنبه ايه المريض يتوتر وهو داخل عملية خطيرة ولا اهلة ال منهارين من غبر حاجة وزاد لما اتاخرت علي معادك معاهم إفتكروا أن التحليل طلع بيها خلل.
تضع يدها تلؤ كتفة من الخلف.
رشا/ انسي يا اخويا وشوف مستقبلك تلات سنين وانت علي الحال ده مش بقلك انساهم ولا بقلك متحزنش عليهم، بس لازم تصبر وتحتسب، ما تنساش انت دكتور بتعالج الناس فين كلامك ال كنت بتقولة للمرضي واهلهم.
أحمد /غصب عني قلبي تعبني وحشوني أوي أوي.
وحشني حضنهم، صوت ضحكهم كلمه بابا بتتردد في وداني ببق هموت من جوايا وانا بتخيلهم كانوا بينادوا عليا الحقهم. كل ما افتكر كل يوم يحكولي انا وامهم علي ال عملوة في يومهم ببق هجنن. بخاف ارجع البيت واسمع صوت مناديتهم بابا ماما واتلفت حواليا مالقهمش النهاردة عيد ميلادهم العاشر
رشا/ يا حبيبي ربنا يصبرك ويقويك علي فراقهم
بس حرام عليك صحتك وعمرك، لازم تنتبه لنفسك
ولشغلك،طول عمرك مؤمن راضي بقضاء ربنا، ربك قبل ما بينذل الأبتلاء بينزل الصبر قبل منه.
أحمد /ونعم بالله بس مش قادر كل ما افتكر إنهم ماتوا وانا بعيد عنهم قلبي يوجعني كل ما اشوف طفل صغير قلبي بيتعصر وانا بتخيله مهند، ضحكت وشقاوة ميرنا بيتجسدوا قدامي مع بنت صغيرة جات مع جدتها كل ما عنيا تقع عليها ببق عاوز اضمها اخدها في حضني اشم رحتها، كل حاجه فيها بتفكرني بميرنا.
زهور تقف امام الباب تستمع وعينها تدمع علي كلام احمد لاول مرة تضعف اول مرة تترك دمعتها تسيل علي وجنتبها خطت ثلاث خطوات دون تفكير ولا وعي منها وقفت بين الممرضة وأحمد التفت للممرضة كأنها تخبرها ماعلي فعلة لم تتلق
إي ردة فعل لتتقدم خطوة واحده تجاه أحمد
الذي يخفي وجهه بين يدية ينتحب من شدة
البكاء.
زهور/ علي فكرة لو العياط بيريحك عيط علي قد ما تقدر تخرج ال جواك، لكن لو مش بيريحك بلاش تزود وجعك بيه ربنا قال لينا الصلاة والقرآن هم
ال بيبعدوا عنا الهم والحزن،الشيخ محمود الشازلي
كل يوم يقولنا بالحلقة، ربنا كريم ادانا قلب نحس بيه
وعقل نفكر فية، ادانا لسان نستخدمة يا ندخل بيه الجنة يا النار أحنا ال بادينا ده ورحمة ربنا فوق كل ده، ادنا سلاح كبير اوي اسمة وادعوني استجب لكم
بتقول نفسك تحضني لو قلتلك معرفش يعن ايه الحضن ده معرفش بابا دي ايه تتقال امته بس بقلك
انا اهو قدامك احضني.
احمد جزبها لحضنة تفجاء بتمسك زهور بضمه ليها ايديها من الخلف متمسكه بملابسه تتنفس بعمق رفعت وجهها قبلت وجنته لم يتمالك نفسها اشتد بضمها يبكي بصوت عالي يتحدث بهستريا.
أحمد / وحشتني وحشتني يا ميرنا وحشتيني مش هسيبك تبعدي عني تاني يقبل وجنتيها قبة عديدة ثم يشتد في ضمها مرة أخرى .
رشا/ تنظر لشقيقها وضمه لزهور وكلماته بخوف هيئة شقيقها تدل علي انهيار كامل له كبت سنوات من الوجع ربما يسير هوس او جنون تعلقة بفتاة تشبة لحد ما ابنته المتوفاة ارعبها خرجت من الغرفة للحظات وعادت معها شخص أخر اقترب بحزر منه مع تزايد تالم زهور من اشتداد ضمته فور اقتراب
الشخص من الخلف للطبيب ونظراته لزهور بان لا تتحدث غرس بيد احمد شيء ليلتف له وهو لازال
يشتد في ضمها يحدث الشخص.
ميرنا رجعت يا عادل ميرنا رجعت ليا من تاني النهاردة عيد ميلادها ورجعت من تاني تعوضني عن بعدها هي ومهند.
ليبتر كلامه ويبداء بفك حصاره لها ليه يا عادل تديني المهدئ انا عارف انها زهور مش ميرنا انا بس ليغمض عينه ويشعر بدوار ينزل زهور ببطء متسبنيش يا زهور خاليكي قاعده جنبي لحد ما افوق
رشا فهمي زهور متخلهاش تخاف مني وعادل افوق بس و ليسندة عادل ويضعه علي الفراش ينام وهو ينادي زهور متسبنيش..
رشا اقتربت من زهور التي تنتفض تهداء من روعها.
زهور/ تشير لاحمد هو حصلة ايه والراجل ده عملة ايه.
رشا / متخفيش احمد نام والدكتور عادل اداله حقنة مهدئة هتساعده ينام ويهدي اعصابة تعالي وانا هحكيلك كل حاجه لحد ما يفوق.
رشا /باختصار دكتور احمد يبق اخويا الكبير من تلات سنين مراته وولادة ماتوا في حادثة عربيه
وهم راجعين من المدرسة كان مستنيهم بالبيت وعامل ليه مفجاءة لعيد ميلادهم اتصدم لما عرف بوفاتهم لكن كتم جواه لاول مرة يبكي بالشكل ده
او يتعلق بطفل كده مع ان الشبه بينك وبين ميرنا قليل بس تعلقه بيكي غريب، معرفش ليه انتي بالذات بس بقولك متخفيش منه وخاليكي جنبه لحد ما يفوق هو دقايق وهيفوق الحقنة دي يدوب نص ساعه بالكتير وهيروح مفعولها انا خفت عليه لما حضنك جامد ونادي عليكِ ميرنا متاكدة كمان انه جاب انواع البيتزا ال ولاده بيحبوها وممكن يكون بقاله يومين او اكتر ما اكلش حاجه .
زهور اومت براسها هو انا ممكن اسالك سؤال.
رشا / اكيد.
زهور/ هي بنته كانت قدي.
رشا / كان عندها عشر سنين بالضبط.
زهور/انا كمان عندي عشر سنين .
رشا / ربتت علي كتف زهور وابتسمت ونظرت الي احمد بحزن، ووقفت انا هسيبك مع احمد وهروح اشوف الدكاترة عملوا ايه بالعملية وارجع عشان اطمنه، بلاش تسبيه لوحده وخاليكي جنبه لما يفوق
هيفرق وجودك جنبه.
خرجت رشا اقتربت زهور منه بحزن تحدثه.
زهور/ ستي بتقول دايما ال يشوف بلاوي الناس تهون عليه بلوته عارف يا دكتور أحمد ربنا اخد منك ولادك ومراتك واكيد عطاك العوض وعندك وقت وفلوس تجوز وتخلف غيرهم لكن انا وستي كل يوم
مشكلة ومصيبة من يوم ما وعيت للدنيا وانا مشفتش يوم حلو شقي وبهدلة وختمت بتعب ستي
عارف انا اول مرة اتكلمت معاك كنت مستتقلة دمك وبقول مغرور وإتم بس زي الشيخ ما قال طالما متعرفش ال قدامك متحكمش عليه غير لما تتعامل معه وتفهم شخصيته، ستي بتقول كل يوم الدنيا مش بتقف علي حد لا الفرح بيدوم ولا الحزن بيدوم
ا وبقولك تاني ال يشوف. بلاوي الناس تهون عليه بلوته. صمتت وهي تستمع له.
احمد يفتح عينه كلامك صح يا زهور بس نعمل ايه في وجع القلب والفكر ال مش بيسبنا.
زهور/ نتغلب عليهم بالصلاة والقرآن الدعاء عشان الشيطان ما يلقيش طريق يدخل لينا الشيخ قال كده.
احمد /اعتدل بجلسته ابتسم لها عارفة يا زهور انا كمان اول ما شفتك قلت بنت رزله ولسانها متبري منها بس لما اتكلمت معاكي وفهمتك احترمتك اوي وحبيتك ممكن ما تزعليش مني ولا تخافي ونبق صحاب طول ما انتي قاعده هنا مع جدتك.
زهور/ ببسمه صغيرة بس مش لاخر العمر.
احمد / بجد يا زهور عاوزانا نبق صحاب لاخر العمر.
زهور/ اومت براسها بس بشرط.
احمد/ اشرطي زي ما انتي عوزة انتي بتحيني.
زهور/ تجبلي بيتزا كل يوم لحد ما نمشي من هنا
احمد / كل يوم وساعه وطول ما انا عايش.
زهور / لتقف زهور إستنه شويه وجاية .
خرجت زهور واتجهت ناحية المكتب وقامت باحضار عبوات البيتزا وعادت له علي وجهها ابتسامه سعيدة
زهور / انا عارفة انك ضحيت بمبلغ كبير اوي وجبت البيتزا دي وانا مخلتكش تاكل منها فنفسويتك تعبت
انا بقول نتشارك فيها ونعمل سباق ال هيخلص اول واحده يحدد لاتاني حكم ينفذة.
احمد / ينظر لها ببسمه ضعيفه انا موافق بس انتي متغشيش هتاكلي واحده جديدة ماكلتيش منها ولاقطعه.
زهور/موافقة اول ما اعد واحد اتنين تلاته يلااا ابتدي
بداء بتناول البيتزا بسراهة وبسرعه انتهي احمد من تناول اول واحده وزهور بعده بقليل اشارت للاخري وبالفعل بداءوا معا وانتهت زهور الاول بقطعتين كانت اكلتهم قبل ذالك.
احمد / لا انتي غشاشه لازم تاكلي قطعه من عندي.
زهور/لا انا فزت وبحكم عليك تاكلهم حكم اول وبعدين هحكم عليك مرة تانيه بحكم لازم تنفذة.
احمد / لا ده غش بالعرف انا ال فايز وانتي غشيتي
زهور/ وبالزكاء انا ال فزت ويلا كل بسرعه في احكام لسه همتسنياك.
احمد / بسعادة اوك بس هطمن الاول علي العمليه وصلوا فيها لايه.
زهور/ لا مافيش خروج من هنا الا لما تخلص الاكل. يلا هشجعك تاكلهم زي ما بنعمل انا والعيال في السوق لما نعمل سباق أكل الفلفل الحامي والليمون.
أحمد / يضحك فلفل وليمون وانتي بتكلي معاهم ولا بتغشي.
زهور / انا ال بفوز طبعا وبكون البريموا وبشجع الباقين مرة هعزمك علي اكلة من دول.
احمد / لا انا منسحب فلفل حامي وليمون ال اكلهم لو حاجه تانيه موافق.
زهور/ في كتير كل اسبوع مسابقة بس يا خسارة عندنا مسابقة بكرة علي فسيخ وملوحة اسرع واحد هيخلص الفسيخ ليه هدية معتبرة بس ماليش نصيب بقي يلا الكلام هياخدنا ون هتاكل هشجعك اهو.
زهور/ بص شوف حمادة بيعمل إية حمادة يلعب حمادة يكسب هههههيا هههههيا .
أحمد /ههههه ههههه بس معتش قادر هموت علي ايدك من ال بتعمليه في.
زهور / ببتسامه مبروك الفوز يا ميدوا خلاص كده نجحت في وفزت.
ليجلس احمد يشير لها بالجلوس انا بحبك اوي يا زهور انتي جتيلي في الوقت المناسب موافقه نكون اصحاب.
زهور/ هو انا معنديش مانع كفك بقي نقراء الفاتحة علي الاخلاص والوفاء ومحدش يغدر بالتاتني.
أحمد / مد يده لها موافق وبينا نتعرف علي بعض من الاول.
انا أحمد المغربي أخصائي جراحة قلب عندي اتنين واربعين سنة .
زهور/ زهور بنت سلسبيل عندي ١٠سنين، تلميذة في رابعة ابتدائي.
احمد / بنت سلسبيل .
زهور/تضرب علي مقدمه راسها اخ نسيت
ده اسم الشهرة اسمي لتصمت فور دخول شخص عليهم.
جلسا معا يقص كل منه للاخر يومة من اول ما يفيق من نومه لاخره.
مر وقت وبداءت زهور بانعاس ونامت في مكانها حتي الصباح واحمد جالس جوارها ينظر لها بسعادة
. صباحا فاقت زهور لتجده نائم مكانه يضع يده أسفل وجهه ومرتكز علي حافه الكرسي .
خبط الباب ودخلت رشا شقيقته وجدته نائم وزهور تجلس علي الاريكه امامه اشارت لها وخرجتا معا تاركينه ينام.
ذهبت زهور بعد ما اطمئنت علي احلام التي استعادت وعيها بشكل كامل لكن لازالت الزيارةممنوعه ذهبت الي السوق لتعمل اخبرت شريكات جدتها ان الزيارة ممنوعه حتي الان وطمئنتهم علي احلام،تحاول ان تعمل وتتجنب المشاكل مع منافسين جدتها ومنهم سكرة التي
تتعمد إهانه زهور عدة الايام التاليه بنفس المنوال
تذهب للمستشفي بعد انتهائها من عملها انقتعت تلك الفترة علي الذهاب للمدرسة.
تبدل حال أحمد واستمر لقاءه يوميا بزهور قبل ذهابها للسوق الذي حاول كثيرا ان يجعلها تترك العمل به ويتكفل هو بمصاريفها الا انها رفصت.
خرجت احلام لغرفة عاديه تقيم معها بزهور توطتت علاقتها مع رشا شقيقة الطبيب مر اكثر من شهر خرجت احلام من المستشفي بعد تمام شفائها.
احمد حزن بشدة لبعد زهور عنه شعرت شقيقته بدخوله في حالة اكتئاب اقنعت احلام بتاجير شقة بالمدينه تلك الفترة حتي تستعيد عفيتها بالكامل ومقدرة زهور الذهاب بسهولة للمدرسة.
مرت الشهور وزهور مابين السوق والمدرسة والذهاب الي احمد يذاكر لها جميع موادها حتي اتت الامتحانات وكالعادة تفوقت زهور وكانت من اوائل الطلبه مرت الايام وقررت احلام العودة الي البلدة لعدم مقدرتها علي سداد ايجار الشقه لقلة ما تكسبه
زهور من عملها تلك الفترة ورفضهم مساعدة احمد لهم وافق احمد علي مضض بعد رفض احلام اخذ اموال العملية التي اعطتها زهور له.
كان وداع صعب بكاء أحمد كثيرا تعود علي وجود زهور بحياته
اقناعت زهور احمد بانها ستاتي له يوميا لرؤيته.
عادت احلام وزهور لمنزل البلده انهارت أخلام من البكاء بعد علمها بصرف زهور كل المال التي بالصندوق.
احلام/ دي فلوسك انتي كنت شيلهملك للزمن تصرفيهم كلهم عليا كنتي سبتني اموت وبلاش تصرفيهم كنتي امني مستقبلك بيهم.
زهور/ مستقبلي انتي واماني وجودك جنبي فلوس ايه ال زعلانه اني صرفتهم ما يجوش جنب يوم سهرتي جنبي والاهانه ال عشتها معاكي يوم بيوم
والناس بيقولولي بنت سلسبيل، ياما سمعتك وانتي بتبكي بليل وبتعتبي سلسبيل ونفس الوقت خايفة عليها ، بصي ياستي انتي امي وابويا ازاي عوزاني اسيب علاجك بعدكل ال عملتية عشاني.
احلام/ تبكي بشده انا محلتيش غير البيت والارض ال حواليه هكتبهملك باسمك كده كده ماليش حد غيرك يورثني من بكرة هروح لمحامي يكتبهملك.
زهور/ انا مش عاوزة حاجة غيرك وبس.
مضت الليله عليهم لم تذق اي منهم النوم
احلام / عازمة علي كتابة المنزل والارض لزهور.
وزهور/تبكي بصمت تريد معرفة من ابويها ولما لا تعرف عنهم شئ كلما ارادت سؤاى احلام تعاود عن الفكرة .
مر الليل سريعا واتي الصباح يحمل لكل منهما مفجاءات.
