رواية المتمرد والصغيرة الفصل الثالث والأربعون بقلم رسل
... خفت من صوتة مبين عصبي عدلت شالي و طلعت
اديان : ها
- شونچ خوية
اديان : الحمدلله
ابو فهد : ليش ما تعشيتي
اديان : ما اشتهي
ابو فهد : تعاي نزعيني هاي الساعة ماگدر اكل من وراها
... اخخخخخخ يربي راح يسوي بية جلطة والله ادري بي هذا كلة متعمد بسسس شنو غايتة ما ادري
درت من ورا السفرة و رحت يمة مدلي ايدة و نزعتة الساعة بس حتى صوت خواشيگ ماكو معقولة كلهم صافنين
صدگ لو گالو ما شايفين درت وجهي اريد اصعد اضمها حتى بعد ما انزل
ابو فهد : وين
اديان : اضمها غير
ابو فهد : لبسيها اني اكمل عشة و اخذها منچ
... لبستها
ابو فهد : كعدي اكلي
اديان : لا ماريد
ابو فهد : كعددي
.... ما صيح علية انهضمت ليش ما ادري جان كاعد ويمة الحجي من هاي الجهة و منا فدعة سوالي مكان بينة و بين فدعة
- اكو حچاية بطرف لساني خاف اگولها و انطرد من العشة
سجاد : يمكن الحچاية نفسها تدور براسي بس حرامات الاكل طيب ماگدر اكوم
زيد : يطردكم وعلي
... كامو يضحكون هو اني بس همَ اذا اكعد يمهم استحي اكل مو النوب العشيرة كلها
سليمة : شجاج اديان بس تگرطين خيار شني فارة
... الكاعدات يمها كامن يضحكن
اديان : للمعلومة يعني متضحك
زيد : صدگ متضحك
... عفتهم و گمت رحت للمطبخ
سمعت صوت حچي بيناتهم ناصي
فدعة : ما تكفين من البت انتي زين لسة صابرة عليچن
سجاد : لچ سليمة ليش متعوفين البنية بحالها لو ترديلچ علسة
سليمة : يا شجاك خوية اتشاقة وياها
ابو فهد : بطلي شقة وياها منا و غاد
الحجي : كولو يا الله بوية كولو يا الله
.. گامو يضحكون بصوت عالي بس مادري على شنو
بعدين صارت هوسة ناس تغسل و ناس ترجع بالمواعين
و المطبخ انترس مواعين و هن و هوستهن يسولفن يابة شكد اكره العزايم
كلهن راحن كعدن بقينة بس اني و بشرى و سراب بالمطبخ نوب يردون چاي بشرى بدت تنضف و اني صبيت الچاي و سراب تساعد امها
اجة زيد اخذ الچاي وبديت انضف وياهن و هم سمعتة صاحح
ابو فهد : اديااااان
اديان : ها
ابو فهد : وين الساعة
.. اجيت انزعها خرب هاي طاب بيها مي انگلب وجهي لون اصفر نوب اريد انزعها ايدي گامت ترجف هسة راح يسويها براسي غالية و منطيهة الة هدية خربب يربي لتفشلني
ابو فهد : شبيج شو تعاي
.. رحت يمة يريد يفتحها شافها بيها مي ... باوعلي ..
اديان : جنت اغسل مواعين و مادري تبللت
ابو فهد : فدوا الج يابة
افراح : غير فاهية ساعة ما تكدرين تحافظين عليها
ابو فهد : لتتدخلين
.. عفتهم ورحت للمطبخ بس فكرة انو افراح تفشلت تنرسم الضحكة على وجهي راحو اني صعدت فوك سبحت و نمت
مرت ايام لا هو حچة وياي و لا اني زين ليش هاي الدراما السووها من اجوي بيت عمة بعدين اگول و اني شكو حارگة نفسي علمودة
و من اشوفة شلون يحچي وياها وَ فكرة هم سوة تخليني اختنگ
اثاث البيت كلة غيرتة بس والله چان احلى عود عدها ذوق الحية
الما شايفة
... گعدت الصبح نزلت للمطبخ هو گاعد و هي واگفة يم راسة تجيب و تحط مواعين اللوگية عود مدللتة
لا سلمت و لاشي سحبت الكرسي و گعدت
افراح : چا هو اليگعد غير يسلم يگول صباح الخير
اديان : والله اني من شفت وجهچ لحد هسة ما شفت الخير ليش الچذب احچيها گبالچ
كلهم ضحكو بس هي ما جاوبتني عود متريد مشاكل
راحو همَ للشغل و هنَ يطبخن اني ضليت كاعدة يم فدعة
.. صار وكت الغدة اجة زيد و ابو سراب رحت يمهن بالمطبخ حضرت اللبن و الخضرة اجة هو و الحجي
راحت ركضتلة يم الباب اخذت الغترة و المحفضة ..
افراح : شيخ محضرتلك الحمام حتى تتغدة مرتاح
ابو فهد : يلا صاعد
.. صعدت ويا ورا شوية نزلو اثنينهم هي اجتي للمطبخ
سليمة : يا ولا يكعد راحة توة اجة
افراح : هههههه اي والله موتني
سليمة : اكو ناس راح تبچي خطية
افراح : هههههه خليهم خليهم
بشرى : ترى سوالف جهال هاي شجاچن وي البنية
افراح : يمة فديت الحنينة ترى لتنسين وين كاعدة انتي
بشرى : والله اني رايحة لابو فهد يحطلج حد اديان صارلهة تلث اسنين ما حچت هاي الحچاية و ابو فهد عمرة ما حچاهة
سليمة : يا خية شجاج تتشاقة وياج
.. عفتهن و صعدت فوگ غسلت وجهي و ضليت ابچي و ارجع اغسل وجهي
ما اريدة و لا ارييدة يتقرب من افراح اموووت من القهر مو بيدي احسها اخذت كلشي جان يسوي وياي احس نفسي جاي اموت
على البطيئ
_________
