رواية المتمرد والصغيرة الفصل الرابع والأربعون بقلم رسل
_____
سألتني گبل حبيت ؟
گتلهه انه انحبيت بس ماحاب صدگيني،
ولا فد يوم صار الـ هسه صار وياي !
اول مـره اگـول لوحده حبيني ،
_____
... هذا الي جاي يسوي كلة علمود اروح اعتذر منة
ضليت لا اني الاگدر اعتذر و لا بية اتحمل اشوفهة يمة
حقدت عليه بس ما گدرت اكرها لو بعيدة عنة چان تناسيتة و كرهتة بس المشكلة گبال عيني كلشي يصير گبالي
حقدت عليه بس ما گدرت اكرها لو بعيدة عنة چان تناسيتة و كرهتة بس المشكلة گبال عيني كلشي يصير گبالي
انفتح الباب دخل هو و قفل الباب راح يم الشباك ضل صافن ورجع للحمام غسل وجهة و طلع وگف يم الشباك
مبين عندة سالفة بس ميگدر يحچي حافضتة
ابو فهد : و بعدين تبقين هيچ
اديان : غاثتك طلگني
ابو فهد : هم رجعت ل قندرني
اديان : اي شتريد
ابو فهد : اريدچ
اديان : مو ذيچ التتقشمر بسرعة
ابو فهد : عاجبتج هاي العيشة يعني
اديان : مابيها شي
ابو فهد : باعي ما اگلچ ندمان على السويتة بيچ لان سوايتچ اكبر بس اگلچ چنت ناوي اعاقبچ و هاي تصافيت وياچ
اديان : عود هو هذا هم عقاب تعتبرة ما حسيت بي ترى
ابو فهد : زين انتي شتردين بالضبط
اديان : تطلگني
ابو فهد : من كل عقلچ اطلگچ خوب چان ما حاسبتچ گبل طلگتچ
اديان : لعد شتريد مني
ابو فهد : ماريد شي اريدچ
اديان : من تزوجت علية لعبت نفسي منك والله
ابو فهد : اديان ما اريد اضربچ
اديان : هسة مو ستوك جنت وياها شتسوي بية اني
ابو فهد : و انتي تقارنين روحج بيها
اديان : اي ليش مو مرتك
ابو فهد : دخيل ربچ من تزوجتهة متقربلهة ع گد عدد اصابيعي
وهاي صار شهر بطولة ما متقربلهة
اديان : و اني شعلية هااا شعليييييية
ابو فهد : اديان والله لسويتيهن هدن حيلي بناتي من شفتهن منزلات برامج و هنَ ما متزوجات شعرهن گصيتة و وحدة ايدها كسرتها
احنة ديرة شيوخ مو ديرة بغداد البنية اقل زلة تنذبح لا دگليلي همج وانتو متعرفون تتصرفون هاي هيج احنة تربينة و هاي عادات عشايرنة
غصباً ما علينة نقبل بيها و كملن يمد رجلة على گد غطا
هذاا من جهة
و الجهة الثانية انتي تدرين بطبعي شنو انتي لو ما متغيرة علية گبل لا الگفچ چان گلت غلطت و اضربها و بعدد متعيدها
بس اديان انتي من اسلوبچ اني شكيت بيچ
و تنامين عد غريب بوووية انا هاي الذابحتني
اديااااان صعبة صعبة
اديان : وهسة عود تريد اسامحك
ابو فهد : هاي ضلت يمج انتي انا ما اغصبچ علية بس انا هم ما اخلي غيري ياخذچ گولي التردي يجرالچ
اديان : ما اريد كلششي
ابو فهد : چا تبقين هيچ معلعلة
اديان : عادي
ابو فهد : اسويلچ بيت وحدچ لو اطلع افراح من هذا البيت
اديان : ما اريد
ابو فهد : اهجرها
اديان : ما اريدددد
ابو فهد : چا شتردين
اديان : تعوفني
ابو فهد : مو بيدي والله ما اگدر
اديان : طلگني و ابقة عايشة هنا گبال عينك
ابو فهد : و هسة عود حليتيها يعني انتي
اديان : اي اعتبرني مثل بناتك لا مرتك و لاشي
ابو فهد : شاربة عرگ بوية شو تعاي خل اشتمچ
اديان : ترى جاي احچي صدگ
ابو فهد : شون احسبچ بتي و انتي چنتي مرتي
و شلون اطلگچ و تضلين گاعدة يمي هاي عد الهنود ماصايرة
اديان : لعد طلگني
ابو فهد : زين يابة انتي تعرفين شنو طلاگ شو جاي احس عبالچ الطلاك نستلة لو لعبة كل ماحچيت وياج حرف گلتي طلگني
ادري مكوكيچ
ابو فهد : زين يابة انتي تعرفين شنو طلاگ شو جاي احس عبالچ الطلاك نستلة لو لعبة كل ماحچيت وياج حرف گلتي طلگني
ادري مكوكيچ
لو شاديلچ باتري
اديان : لعد طلگ افراح
ابو فهد : ليش تختارين الما اگدر عليهن
اديان : لعد شعندك يمي
ابو فهد : يعني هسة انزل
اديان : انزل و شسويلك
... نزل و طبگ باب الغرفة حيل ما نزلت اني
ضليت كاعدة افكرر بكلامة ليشش يعذبني و بعدين يجي يتوسل ارجعلة و ليش اني ما شايلة مثل گلبة ليش هو مينقهر علية
و اني انقهر عليه
ضجت نزلت جوة لگيتهم يشربون چاي و يسولفون
فدعة : اكلگ خايب انتة هاي حاطلهة مغذي فوگ
شوو صارت حسرة بگلبي اشوفج تاكلين
سليمة : تتعيقل عود شوفوني نازكة
ابو فهد : ياهو حارگ حمامچ يابة
سليمة : شون ما نتشاقة بهذا البيت
ابو فهد : اناا مو گتلچ حتى الشقة بطلي وياهاااا
الحجي : صار يابة يجرالك وانتي سكتي ما جزعتي
ابو سراب : ابو فهد انا ارد اتزوج
... بسرعة باوعت على بشرى خطية مدنگة راسهة يمكن متفق وياها و مقنعهة
ابو فهد : شكو يا ستار
ابو سراب : اريد طفل
ابو فهد : و ام سراب
بشرى : حقة خوية
.. رحت يمها لزمت ايدها هي حضنتني و گامت تبچي گام ابو سراب حضنها و صعدهة
كلهممم نفس الطينة باوعت على افراح و سليمة يتمضحكن
اديان : شنو اليضحك بالموضوع
افراح : شلچ غرض
اديان : الي و نص و اكسر راسچ انتي وياها
زيد : له له له له
ابو فهد : استغفر الله
اديان : عليمن تستغفر هو انتة تعرف الله
ابو فهد : ليش بوية موصليلچ خبر عني يهودي
اديان : حشى اليهودي شجابك شموصلك
.. كامو يضحكون و هو يحچي وياي و حاصرتة ضحكة
ابو فهد : من اكوم العب الحزام عليچ هسة هم اكو گواد يگلي ليش
فدعة : يا ولك ليش
اديان : هههههههههههههه خرب
زيد : بويية صار شگد ما سامعيچ تضحكين
.. باوعتلة لگيتة يباوعلي سحب جگارة و ورثها
افراح : يلا شيخي تصعد تنام
حچيت بصوت ناصي
اديان : نامت عليچ طابوگة
افراح : ان شاء الله الُحساد و العذال تنام عليهم الطابوگة
فدعة : هم گالت حساد خايبة ما دگليلي ذولة منو اريد اروح اتفل بگصصهمً عايفين الديرة كلها و جايين عليج
افراح : و حدة منهم انتي
.. فدعة دائماً تحط نعالهة يم القنفة لزمت النعال و ضربتهة
متتت من الضحك صعدت فوگ نمت
العصر حسيت واحد باسني و طلع عرفتة هو لحد 11 ما اجة للبيت و يدگون عليه مغلق لحد الوحدة بالليل هم ماكو
محد نام كلها كاعدة للفجر و محد سمع عنة خبر اجوي ولد عمهم و راحو يدورون و يبلغون الشرطة
لحد الظهر محد اجة بعد لا عرفنة شي عنة و لا هم رجعو
ورا شوية طبو يركضون اخذو الاسلحة من فوگ
توسلت بزيد يگلي شكو بس ما قبل يگول اخذو الاسلحة و طلعو
فدعة خابرت الحجي و عاطت
فدعة : راحححححح ابو طول الحلو ولججججن راح
.. گامن يلطمن و يعيطن عوود ابو فهد لا يابة شنو يموت هو مو العصر باسني و طلع حتلو حاقدة عليه بس ماريدة يمووت
ماااريدة
افراح كامت تخرمش وجهة و فدعة خابرت هيفاء و تعيط
و اجتي هيفاء و صار صوت العياط يهز الكرة الارضية ضليت واكفة بنصهن مادري شسوي
لا دموعي تنزل و لا مستوعبة الصار شنو مات شلون و شوكت و منو موتة عفتهن و صعدت للغرفة خيولن ميصدكن بس يردن يلطمن
محد من الخطار وبيوت عمهم اجة بس هنَ ساعة يبچن و نوب يسكتن و يرجعن يبچن دگول حزورة
محد اجة من عدهم ندگ عليهم محد يجاوب ثاني يوم بالعشرة الصبح اشتغل الرمي بالشارع انفتح الباب على طولة و دخلو ولد عمهم و هو ساندينة زيد و ابو سراب
جنت اباوع من الشباك مال غرفتي گمت افرك بعيوني ممصدگة شنو ماات شنو هسة واگف بالباب ردت اطفر من الشباك هي فرحة و هي انتحاار
نزلت جوة و ذني ناس تضحك و وناس كاعدة تحچي وي فدعة و هي تتعارك وياهن
فدعة : انا شمدريني خابرت على مادري ياهو گالي ضاربي طلقة چا ياهو ينضرب طلقة ما يموت و لا دگولن الهم خلنهة سكتة فشلة عبالهم خرفت
كمت اسمع صوت الهوسات بالگراج باوعت من شباك المطبخ ذبحو اثنين طليان جوة رجلة بلة ذني شنو ذنبهن يموتن خطية
شوية و دخلو جوة و ولد عمامة كلهم هيفاء و افراح كامن يهلهن اسم لله يشتغلن على الرنة
شفت ايدة ملفوفة من يم الچتف لابس بس بنطرون و فانيلة و حاط الغترة على متونة گعد على القنفة و راحن يسلمن عليه وحدة و حدة و لا رحت و لا وصلت
- خلو يرتاح و بالليل نجي اكيد الشيوخ كلها عشاها هنا
الحجي : خلو غدة باچر زحمة عشة مايصير
... كلهم كالو اي احسن
طلعو ولد عمهم بقو شكم واحد ورا شوية هم طلعو
سليمة : ياهو منكم الحاچي وي فدعة البارحة
ابو سراب : انا
سليمة : چا غير گالتلنة راح ابو طول الحلو و مات و اشتغل البيت عياط و دگ و لطم
... يمكن ربع ساعة اريدهم يسكتون عن الضحك ماكو
زيد : وانا اكول شبيها الوجوه عبالي طافرة عليجن بزونة
.. طلعت من المطبخ ضلو يباوعون
اديان : السلام عليكم
.. كلهم ردو شفتة يباوعلي عبالة راح اسلم عليه درت وجهي و صعدت فوگ سبحت و نمت كعدت العصر شفت ملابسي السود قديمات
لبست الوان و حطيت شال على راسي و نزلت لگيت زيد بالصالة
اديان : اكلك زيد هو شبي
زيد : ضاربي طلقة
اديان : منو
زيد : اثنين گوا**
اديان : شيردون شنو هي هيتة
زيد : ضربناهم كل واحد طلقة برجلة
اديان : عزااااا و الشرطة
زيد : لج هم ويا بالشغل من زمان عداوة من رحنة دورنة عليه لگينة شباب جايبي للمستشفى لاگي بحديقة مضروب و واگع
رحنة للمكان هددت ابو الگازينو يطلع الكامرات و عرفتهم ذولة لان من زمان يسولفلي عليهم و مرة راقبناهم اني ويا و اندليت بيتهم
اخذنة الاسلحة و رحنة لبيتهم دگينا و ضربناهم لان اذا تضل يم الشرطة كلشي ماكو
اديان : و هم يرجعون يضربو ترى ما سويتو شي
زيد : لازم عليهم تصوير گبل اربعة ارهاب
اديان : خوب چان كبل انطيتة للشرطة و حولتهم اربعة ارهاب
زيد : تؤ يابة انتي تعرفين شي و احنة نعرف شي اذا هسة اسلم التسجيل و ينحكمون مؤبد راح يفزعون عمامهم و تصير ثارات
بس هسة من انا كامش عليهم كمشة ابن امة اليتنفس
اديان : زين و هو شگال
زيد : عبالچ يسكت يريد يفصلهم
اديان : زين اكلك و هذا الولد شسويتولة
زيد : يا ولد
اديان : حازم
.. باوعلي و رفع حاجبة و رجع يلعب بالتليفون
اديان : ترى ما سوة شي الرجال
زيد : احنة هم ما سوينالة شي بس ضربنا
اديان : خطية ترى
زيد : انتي تغلطين و غيرچ يتعاقب بوية
اديان : هو انتو كلكم نفس الشي مابيكم واحد خَيّر
زيد : چاي بروح ابوچ
اديان : صدگ ليش ما گتلي على ابوية من مات
زيد : عمي والله الله يساعد اخوي عليچ شگد تنگين وروح امي و ترابها ما ادري بأبوچ ميت دريت وياچ
اديان : زين شون مات
زيد : يگول رجلج سكتة قلبية
.. رحت للمطبخ سويتلة چاي و طبو بيوت عمهم يبووو شگد اكره جمعتهم سلمت عليهم و نزلت بشرى و سليمة طلعت من غرفتها
بشرى : لازم نحضر شربت و كيك ميصير جاي
.. نزلت افراح متمكيجة و كاشخة صاحت لفهد انطتة فلوس و الجهال الجايين كلهم راح ويا للاسواق عبالك عزيمة
صعدت فوگ لكيتة ستوة طلع من الغرفة
ابو فهد : متسلمين مو تهوون
اديان : ربك ميضرب بحجار
ابو فهد : تعاي وصليني يم الدرج
.. عفتة و طبيت للغرفة بعد ما نزلت و لا شفت خلقهم بالليل كلش نزلت ما لكيت احد بس فدعة
اديان : شونج
فدعة : يا خايبة شجاج ما نزلتي
اديان : ماحب اشوف اي واحد منهم
فدعة : چا تخليها هي الشيخة و تصول و تجول بكيفها
اديان : عادي ميهمني بعد همَ يتوالمون
فدعة : چا اليوم اجاج طالع من الموت گلبج ما رف عليه
اديان : لا والله ما رف
فدعة : انتي تحبي يو لا خايبة
اديان : لا
فدعة : شني جاهلة انا لو غمة حتى ما اعرف چا ليش تلوبين من توگف يمة افراح
اديان : انييي يمتة
فدعة : وچ خايبة خو ما تضلين هيچ تعذبين روحچ رجعي ويا نفس گبل و هو عاشگچ قابل تغشمين رويحتچ
اديان : يا عاشگني انتي متدرين شسوة بية
فدعة : چا ولج شردتي شردتي عدنة التشرد تنذبح
اديان : لو ما السوا بية ما اشرد
فدعة : چا ضيعتي حگچ بيدچ
... عفتها و رحت للمطبخ اكلت تفاحة و صعدت نمت
فزييييت على حلمممم جااان كلششش ما اكدر اسولفة اذا گتلهم عليه انزززل من كرامتة
ركضت لفدعة جانت نايمة كعدتها
فدعة : هاها خايبة شني رمونة
اديان : لالا بس حلمت حلم يخووف
فدعة : يا خايبة اسم الله القران احجي شكو
اديان : ابو فهد كاعد على كرسي و ايدة و رجلة مشدودة بسلاسل و افراح و سليمة و اكو مرة شايفتهة عدكم بالعشيرة بس ما ادري بأسمها
و اگفات يطبخن بس من تقربت للجدر بي حية و الله و حق القران شفت هيچي
فدعة : يا يمة دهر فرهن هالامهات السحورة تلگيهن مشرباتة لحد ما الله گايللهن بس
اديان : و هسة شون
فدعة : شنسوي چا انتي فاهية خليتيهن يستفحلن بي وجهج اصفر خايفة عليه و گبل شواي تگليلي ما احبنة
.. گمت منها رحت غسلت وجهي و صعدت فوگ مادري اجاني شي شعور اريد افتح باب غرفتهم ادري بروحي انقهرر بس ماعرف ليشش اجتني هاي الجرئة
فتحت الباب على كيف هو چان مخلي ايدة على عيونة گبل شال ايدة يررربي على الفشلة اني ويا متجمعنة بس الفشلة
هي ماكو يمة نايمة بالگاع باوعتلة رفعلي ايدة عود تعاي بس شكلة متغيررر تعباان و يقهرررر وين ذيچ الهيبة
سديت الباب و درت وجهي اريد ارجع لغرفتي بس ما گدرت مو بيدي رجعت فتحت غرفتهم و رحت يمة
ابو فهد : ادياان مخنوگ مخنوگ
اديان : شون شسويلك
ابو فهد : مو كافي ما اشتفى غليلچ
اديان : لا
ابو فهد : و حگ ربچ هاي نومتهة من يوم الزواج لسة
اديان : وعود اصدگ
ابو فهد : و حق ترااب امي
.. سحبني من ايدي نمت صدرة و گمت ابچي
ابو فهد : اخخخخخ والله دفعت ثمن دموعچ غالي
.. حسيتة صايرة ويا شغلة بس ميگدر يگول و اتعجبت على هاي نايمة و تشوخر غسل اي والله ع گولت فدعة
طبعي مو خبيثة بس منتظرتهة تگعد علمود تشوفني بغرفتهة همً سووني خبيثة اني شعلية و هو مرتاح للشغلة لا گال كومي و لا شي
اديان : عاقبتني بشي راح يبقى وياي طول العمر
ابو فهد : اعتبريها حايط و موجود اذا گربت يمها شتسوين سوي
اديان: بس اني ما اريدها
ابو فهد : تهوون وداعتچ
اديان : و اذا كعدت و لكتني هنا
ابو فهد : ختولي اني گبل لا اخطبها گتلها تتحملين التشوفينة و وافقت
اديان : و الطفل
ابو فهد : تردين تربي انتي
اديان : لا شنو غير ابنها
... جر حسرة و سحبني الة حيل چنت نعسانة نمت
فتحت عيوني شفت افراح تهز بأيدي و تحچي بصوت ناصي
افراح : شعندج هنا يل بلا كرامة امشي طلعي برة
... حضنتة حيل هو گعد ما رفعت راسي بس سمعتة يحچي
ابو فهد : شعدج واكفة
افراح : شيخ ما يصير هيج والله
ابو فهد : طلعي و سدي الباب
.. طلعت و اني سويت روحي نايمة هو يبوس براسي
مافرحانة من رجع سالم مابي شي بگد ما فرحانة من اشوف
افراح تتفشل
مال يهدني و يطلگني ميطلگ اضل اباوع و اقهر بروحي ليش خوب اني اقهرها هي كلها على بعضها افراح
وخرت من يمة هو گاعد
ابو فهد : صح النوم
.. هزيت راسي و ردت اطلع
ابو فهد : تعاي سنديني
.. رجعت لزمت ايدة و نزلتة
فدعة : يا هلا بهالصباح
ابو فهد : هلا بيچ
.. كعد و فدعة راحت جابت قرآن ضلت تقرا على راسة هو يگللهة شكو
فدعة : مالك غرض اريد اخرب سوالف فد ناس
... كملو ريوگ و انگلب البيت تنظيف لان اليوم عزيمة هو گاعد بالصالة يلعب بالتليفون و يسولف وي فدعة
اني نضفت المطبخ و اجة زيد جايب مسواگ و اجتي هيفاء تساعدهن صعدت بدلت و حطيت مكياج و عدللت الشال و نزلت
هو گاعد بالديوان لان بدو يجون الشيوخ و بيوت عمهم و الجيران هو يمكن نص البصرة اجتي بالبيت
لحد الليل البيت ما فرغ ناس و يا شيخ اليجي جايب ويا طلي ادري وين اكو طلي هدية صدگ تچذبون
الساعة بالتسعة بقو بس گرايبهم هو طب للصالة و گامن يسلمن عليه وحدة و حدة اشرلي بعيوني تعاي رحت يمة
ابو فهد : كعدي لتشتغلين كافي
.. شفتهن واكفات يباوعن كعدت يمة حط ايدة على چتفي
افراح: گومي اديان صبي چاي
.. تقرب يم اذاني
ابو فهد : لتگومين مالچ دخل بيها
اديان : هسة لو تموت گبالي هم ما اگوم
ابو فهد : ههههههه گوية
ابو فهد : افراح ستكان چاي من يمچ
ضرغام : وعلي دگيناهم دگ لگيناهم خاتلين هم و النسوان بغرفة
ابو فهد : كفوو من شواربكم
سلام : تدلل ابو فهد چم شيخ عدنة
زيد : گو**يد خنيثات هم اثنين و ضاربي غدر
سجاد : غير ضحكت من شفتهم شلون طلعو من بيوتهم عبالي ليمونتين طلعت وجوهم صفر
ضرغام : هههههههههه خرب بيك سجاد بس انتة ابو فهد تصدگ تچذب تنزل من سيارتك و تدري بهذا السا** غدار
ابو فهد : عبالي صار زلمة شو وگفت ويا بالحديقة ماحسيت غير طلقة بچتفي
زيد : هو علاء الصغير صوبك
ابو فهد : هو مادام احچي وي ولاء اكيد الضربني علاء
سلام : هههههههه زيد صدگ شلك بهاي
.. شاورتة
اديان : نعست راح اصعد
ابو فهد : صعدي هسة اصعد وراج
ام سلام : صدگ خالة من گبل ارد اسئلچ هاي الثياب منين تاخذيهن
اديان : نص من السنتر و نص من تركيا
ام سلام : ها بالعافية خالة
.. عفتهم و صعدت سبحت و مشطت شعري و اجيت انام دخل هوَ لازمتة افراح وهي تخزر
طلعت و سدت الباب ..
ابو فهد : نزعيني الدشداشة
.. نزعتة و نام على الچرباية بس يون من الالم
مدلي ايدة الثانية بس ما نمت عليها نمت على المخدة
ابو فهد : اخخخخخخخ يابة
... رفعت راسي .. شنو شبيك
ابو فهد : ما بية بس غطيني
.. غطيتة و و سحب راسي على صدرة و عدل الغطة من يمي
و انطاني تليفونة
ابو فهد :فتحي الرمز
اديان : شكد الرمز
ابو فهد : 1976
.. هاي مواليدة اعرفها فتحتة انفتح
ابو فهد : خلي يمچ بين ما اصير زين و اجيبلچ واحد
.. دخلت على اليوتيوب چنت ضايجة من مقطع لمقطع و هو يباوع وياي ما حچة شي نعست حطيتة على الشحن و نمت ضل يبوس بوجهي
حررررت افسر هذا الانسان
وحش ؟ حنين ؟ يحبني ؟ يكرهني ؟
شو ساعة يذلني ساعة يخليني فوگ الكُل
ساعة يحبسني و ساعة يخيرني وين ياخذني
مرة يحرمني و مرة يدللني
و لا اني بية خير و اكدر اكرهة و اعوفة صعب ماگدر
اول انسان حبيتة ما عايشة قصة حب قبل حتى تصير عندي خبرة
.. مشت الايام و صار زين و شالو الخياط بس گالولة مدة 3 اشهر متشيل اي ثگل و لا تحركها هواي
علاقتي ويا لا هي زينة و لا مو زينة
ابدد ما دخل لغرفة افراح بعد و لا يگللها على شي وهي من تلگاني بمكان اني وياها وحدنة تطيحلي دگ رزايل و اني هم ما اقصر وياها
بس هم بعدة گلبي شايل عليه
زهراء و حوراء يجن بين فترة و فترة زهراء زينة بس حوراء حية تذب سمها و تروح
... جنت گاعدة بالليل يم فدعة و بشرى ورا شوية نزلن من فوگ افراح و سليمة يتمضحكن طب زيد و الحجي و ابو سراب
و هو ورا شوية اجة بيدة علاگتين انطانياهن
ابو فهد : صعديهن لا يگومن ياكلنچ هسة
اديان : طبهن مرررض
ابو فهد : فلا تگعدين راحة
.. اخذتهن و صعدت وحدة تليفون و الثانية حلويات قفلت الغرفة و نزلت اجتي افراح من المطبخ مسوية كاسات جَلي قدمتلهم و ما انطتني و الگبر للحية
فدعة : چا ليش عگبتي اديان
افراح : يا مادري مو مسوية على العدد
ابو فهد : روحي جيبي خاشوگة وتعاي اكلي وياي
... والله اني ماريد بس بعنادها الا اكل هههه
اديان : شنو هاي ليش حاط حمرة
ابو فهد : اشتعلووو بس لا انصبغ حلگي
فدعة : زلم اخر وكت مشوربة و محمرة
كامو يضحكون ..
صعدت فوك هو ورا شوية صعد سبح و طلع فتح التليفون وضل ماعرف شيسوي بي فتحت التلفزيون
ابو فهد : يابة اديان هذا تليفونچ اني ما راح اذكرچ لو اضوجچ بس انتي صارلج هواي كاعدة يمي يعني المفروض تعرفين طبعي
الشغلة من تدرين بيها غلط لا تسويها
انا وحش انا همجي ما افتهم مو مثقف هذا انا و هذا الله بلاچ بية لا تغثيني حتى ما اعذبچ و انا من اعذبچ ادري بروحي يجي يوم
وارجع ادور رضاچ
الشغلة الما متأكدة منها سئليني عليها مو من الگفچ تطلعين غلطانة و انا ابو الصوچ
هسة لزمي واحد من الشارع گليلة اكو رجال لگة مرتة تراسل بدون علمة راح يگلج ذبحها حلال ف يابوية هذا غلط تعاقبتي عليه و تعلمتي منة
و ان شاء الله ماتنعاد و متأكد متنعاد
اديان : وما اريد افراح
ابو فهد : وچ يابة شچلبتي بيها هاي مو من باب البيت لحضنچ رايحلها انا
اديان : لعد شنو خليتها تغير ديكور البيت
ابو فهد : معاجبچ باچر اخذچ و اثثي البيت على ذوقچ
بعد تأمرين بشي
اديان : لا
ابو فهد : اذا سافرت ترحين وياي
اديان : لا
ابو فهد : بكيفچ
اديان : چذب اروح
ابو فهد : هههههه فد اسبوع و نروح لدبي
اديان : تباوع لو اطفي
ابو فهد : راح تنامين
اديان : اي ليش
ابو فهد : لا يابة سلامتچ نامي
... ادري بي شيقصد بس خلي هيچ هو صار شهر من تصالحنة انام يمة و يلمحلي صار فترة بس سويت روحي مادري شيقصد و قبلها شهر و نص اني ما احچي ويا
و اسمعة يضل يشمر حسرات بس خلي يتحسر احسن
جنت مغمضة عيوني و نايمة على ايدة ..
ابو فهد : ترى هاي ما صايرة
اديان : شكو
ابو فهد : لا اطيك و لا اخلي رحمة الله تنزل عليك
اديان : شنو
ابو فهد : عود يعني هسة انتي فقيرة
اديان : شنو ما جاي افهم ترى
ابو فهد : نامي نامي خلينة على البوس مابي شي هم رحمة
.. هنا ما تحملت طگيتها ضحكة و هو هم گام يضحك
