 |
رواية دعني احطم غرورك الفصل الخامس والاربعون بقلم منال سالم
توجه العروسان إلى منزلهما الجديد الذي كان عبارة عن الفيلا التي أهداها حسين إلى جانا وعز ..
تم اعداد الفيلا ليتم استقبال العروسين استقبالاً رائعاً بداخلها ويقضون وقتاً طيباً لا يُنسى .. حيث الأجواء الرومانسية ، والموسيقى الهادئة والاضاءة الخافتة ...
وصل عز الدين بسيارته إلى مدخل الفيلا ،،،
-عز بفرحة: حمدلله ع سلامتك يا عروسة ، نورتي بيتك يا قمر
-جانا بقلق : آآآ.. شـ.. شكراً
ثم نزل عز الدين من السيارة وتوجه إلى جانا وفتح لها الباب
-عز: يالا يا عروسة ، ولا هتفضلي اعدة جوه
-جانا: التكيف حلو هنا ، أنا أعدة شوية
-عز: عندنا والله واحد جوه هيخليكي كأنك أعدة في تلاجة
-جانا: لأ ده حلو
-عز: بلاش دلع يا جوجو ..
جذبها عز الدين من ذراعها برقة واضطحبها إلى المدخل ، وما إن وصل حتى حملها بين ذراعيه ..
-جانا بقلق: ايه اللي انت بتعمله ده ؟؟؟؟؟
-عز: بشيلك
-جانا: لأ نزلني
-عز: يعني هي جت ع المرة دي ، وبعدين النهاردة غير أي مرة ، قبل كده كنت بشيلك مجبر ، النهاردة بشيلك وانا فرحان انك هتنوري الفيلا
-جانا: طب انجز !
-عز: آآآآآه يا وسطي ، انتي بقيتي تخينة أوي ، هما كانوا بيعلفوكي ايه قبل الجواز؟
-جانا: بيعلفوني ؟؟ ما تتلم شوية
-عز: خلاص خلاص لأحسن تتأمصي ، يبقى الفستان هو اللي تقيل
-جانا: على جمب ، نزلني بقى
-عز: انتي راكبة مكروباص .. وع العموم ، انت تؤمر يا جميل ، ما الليلة ليلتك !
-جانا بقلق : اها ..
أعجبت جانا بتصميم الفيلا من الداخل وكيف تفنن عمها ومعه يوسف الكيلاني في تزيين وتجميل الفيلا ووضع الآثاث الفاخر بها ،،،
-جانا: ماشاء الله ، الفيلا تحفة
-عز: اه اوي ، مش يالا بينا بقى
-جانا: بص السياتر ، شوف الـ design بتاعها
-عز: اه شوفته جامد ، يالا بقى
-جانا: الله ! ما تصبر بقى شوية ..
-عز: ما انا صابر بقالي كتير
-جانا: طب بص ، انا هغير في الأوضة اللي فوق .. وانت خد هدومك وغير تحت
-عز بخبث : طب ما انا عندي اقتراح جامد ، بدل ما نقضيها حبة فوق وحبة تحت ، ايه رأيك نغير احنا الاتنين سوا ع لسلم
-جانا: يا سلاااااااام سلم ... لأ .. ده اللي عندي ، لو مش عاوز خلاص ، خلينا أعدين
-عز: أعدين ايه ؟؟ خلاص ، اطلعي غيري وانا هستناكي ، ولو عاوزة مساعدة ، هه ، ايه مساعدة ، انا اهو
-جانا: متشكرة
-عز: مش عزومة مركبية والله
-جانا : عن اذنك
وبالفعل توجهت جانا إلى الغرفة العلوية لتغير فستان الزفاف .. بينما ظل عز الدين منتظراً بالأسفل ، خلع الجاكيت الخاص بالبدلة ، ثم تجول قليلاً ليفاجيء بوليمة تم اعدادها على مائدة الطعام ،،،،
-عز: اللهم صلي على النبي ، هو ده الكلام ، جمبري واستاكوزا وحمام وفراخ .. ده الواحد هياكل لحد أما يشع وينور .. ممم .. لأ الأكل طعمه تحفة ..
تأخرت جانا لبعض من الوقت في الغرفة العلوية ،،،
-عز: كل ده يا جانا ، بتعملي ايه فوق ؟؟؟ ايه بتخترعي الذرة ، ده مكنش حتة فستان بيتسلت !! يا مهون يااااا رب
مر بعض الوقت أيضاً ولم تحضر جانا:
-عز: لأ بقى مبدهاااااااش ، يا جانا ، يااااا جااااااانا .. انتي يا حاجة
-جانا من فوق: اييييه ، عاوز ايه ؟
عز: ايييييه بقى ، كل ده بتغيري
-جانا: اصبر قربت أخلص
-عز: تخلصي اييييه بالظبط ؟؟؟ ربنا يكرمك انجزي
-جانا: طيب طيب ، اصبر متستعجلنيش !!!
-عز: كل ده ومستعجلكيش ؟؟؟ يا شيخة ، ده انا زهقت !!
وبالفعل نزلت جانا إلى حيث يوجد عز الدين ...
-عز: ماشاء الله يا جانا ؟ انتي اتحجبتي امتى ؟؟؟؟
-جانا: ياااااه يا عز ، ده من زمـــــان اوي ، على طوووول بعد الفرح
-عز: يااااا شيخة .. تصدقي مكونتش أعرف ! الله يقوي ايمانك
-جانا: الله يكرمك
كانت جانا ترتدي بيجاما ذات أكمام طويلة ، ومن فوقها سويت شيرت ، ووضعت الطقية الخاصة بالسويت شيرت فوق رأسها ، ثم ارتدت روب ، وأحكمت غلقه ، وارتدت في قدمها لكلوك السنافر
-عز: بس مش شايفة أنها غريبة شوية ، يعني مع كل الناس انتي بتقلعي ، ومعايا بتتحجبي ؟؟؟
-جانا: تأثيرك !
-عز: لا يا رااااجل
-جانا: يوووه بقى ، انا جعانة .. فين الأكل
-عز: ماشي يا ستي ، نكمل بعد الأكل .. بصي ايه رأيك ؟؟؟
-جانا: يااااااه دي مائدة رحمن يا بني
-عز: سمي بالله وكلي
-جانا: بسم الله ، ممم .. لأ طعم الأكل فعلا ..
-عز: الأكل حلو عشان انتي بتاكلي معايا
-جانا: اهاا
-عز: فاكرة اول مرة اما قولتلي اطفح
-جانا وقد شرقت: كح.. كح .. انت بتردهالي ؟
-عز: ههههههههههههههه لالالالا . مقدرش !
-جانا: بحسب
-عز بعد ان انتهى من الطعام : مش يالا بقى نطلع نريح فوق ؟
-جانا بقلق : هه ، آآآآ.. لأ انا لسه عاوزة أحلي
-عز: تحلي ايه ، ده الواحد عاوز فوار عشان يفجر القنابل اللي في معدته
-جانا: اشرب زيفن
-عز: نعم ؟؟؟
-جانا برقة: سفن آب !!
-عز: سفن آب ، سفن أم .. المهم يالا نطلع نريح فوق
-جانا: لأ انا مش تعبانة ومش عاوزة أريح وهأقعد اتفرج ع الـ TV شوية
-عز: اييييه يا بنتي، انتي متعبتيش . عاوزين نقول كلمتين مينفعوش يتقالوا كده
-جانا: كلمتين ايه ؟؟ عاوز حاجة قولها الوقتي ؟؟
-عز بخبث: لأ دول مش بيتقالوا ع الواقف
-جانا وقد فهمت : آآآ.. بص اطلع انت.. آآآ.. أنا هاقعد شوية
-عز: استغفر الله العظيم ياااا رب .. طيب تعالي عشان نصلي ؟
-جانا: نصلي ايه ؟ مش خلاص العشا صليناها ؟؟
-عز: لأ دي صلاة الزوجين بيصلوها قبل ما يبدأوا حياتهم مع بعض عشان ربنا يباركلهم ويتهنوا سوا
-جانا: أها
-عز: وبعدين أنا بحط ايدي على رأسك وأقول الدعاء ده " اللهم إني أسألك من خيرها وخير ما جلبته عليها ، وأعوذ بك من شرها وشر ما جلبت عليها
-جانا: اها .. في حاجة تانية
-عز: وبعد كده بقول اخر دعاء بس واحنا سوا " اللهم جنبنا الشيطان وجنب الشيطان ما رزقتنا " ..
-جانا: اوك يالا نصلي
-عز بفرحة : يالا يا حبيبتي .. هتوضى واحصلك
وبالفعل صلى عز الدين بجانا إماماً ، وحينما انتهوا من الصلاة قامت جانا مسرعة لتذهب إلى النوم ،،،
-جانا: بقولك ايه انا بنعس وجسمي مكسر وهنام ومش فايقة لأي حوارات خالص ، تصبح ع خير
-عز بدهشة: هه !!!!
-جانا: أه .. وهقفعل الباب ورايا بالمفتاح ، معلش مش عاوزة ازعاج ومش واخدة ع ان حد ينام جمبي .. سلام
لم يتوقع عز الدين ان تذهب جانا إلى النوم في ليلة فرحهم بتلك السرعة بل والغريب ان تغلق خلفها الباب بالمفتاح..
-عز بضيق: الجايات أكتر من الرايحات .. هتروحي مني فين ؟
استلقى عز الدين على الكنبة أمام التلفاز .. ظل يقلب بين القنوات إلى أن غفا ..
.......
وفي الصباح ،،،
-عز وهو يطرق على باب الغرفة: يا عروووسة .. تك، تك .. افتحي يا عروووسة ، أنا العرررريس ♫
-جانا وهي ناعسة: سيبيني يا أنطي أنام شوية ..
-عز: أنطي مين والناس نايمين !! .. أنا عز يا روحي .. افتحي بقى
-جانا وقد أفاقت: عز مين ، انا معرفش حد بالاسم ده
-عز: طب افتحي واحنا نتعرف
-جانا: ثانية واحدة
-عز: خلصت الثانية
-جانا: يوووه ، دقيقة
-عز: ماشي ..
فتحت جانا باب الغرفة بعد أن اطمأنت أنها ترتدي كامل ملابسها ولم ينقصها شيء ..
-عز: صباح النور ع البنور
-جانا: هاي
-عز: ايه هاي دي ؟؟ مافيش حاجة كده تحية أو تصبيرة ؟؟ ده انا أعد على ناري من امبارح !
-جانا: آآآآ.. أنا... آآآآ.. بص ... الحكاية .. آآآ
-عز: في ايه ؟
-جانا: بص وم الأخر كده أنا مش... مش .. بص مش هينفع
-عز: ايه اللي مش هينفع؟
-جانا:اللي في دماغك
-عز: نعم ياختي ؟؟
-جانا: I am off ..
-عز: ايه اووف دي كمان ؟؟ قافلة ؟؟ طب وهتفتحي امتى يا حاجة
-جانا: مش عارفة أفهمهالك ازاي ..
-عز بضيق: لأ واحدة واحدة عليا ، وفهميني لأحسن أنا ممكن ارتكب جناية الوقتي
-جانا بتوتر : بص .. الحكاية ومافيها إني .. I am on holiday !
-عز: نعم .. مش فاهم حاجة !
مالت جانا لأذن عز الدين وأخبرته بأنه لا يجوز له الاقتراب منها لأنها في فترة الأجازة الشهرية
-عز بضيق: ماهو أنا ناقصها هي كمان .. ودي بتقعد أد ايه ؟؟؟
-جانا: انت وبختك !
-عز: أفندم ؟؟؟؟
-جانا: يعني من اسبوع لـ 10 اياااام
-عز: ليييييييييييييه ؟؟ هو معسكر مغلق ؟؟؟
-جانا: معرفش بقى !!
-عز بخنقة: يادي الحظ المهبب .. انا قولت م الأول الجوازة دي منظورة
-جانا: معلش بقى ، بكرة تتعوض
-عز: Die ya Donkey .. موت ياحمـــار !!
-جانا: عن اذنك بقى عشان هروح أفطر .. اجيبلك تاكل ؟
-عز بضيق: لأ مش عاوز اتنيل أطفح
-جانا بخبث: طيب
شعر عزالدين بالضيق الشديد وأن الحظ العاثر حليف له .. فاذ بهاتفه يرن
-ياسين: صباحية مباركة يا عمنا ، هاااا سبع ولا ضبع ؟؟
-عز: لأ فقر
-ياسين: نعم ؟ مش فاهم ؟؟
-عز: يعني صباحك زي وشك يا زفت .. أريت عليا لحد ما اتنحست
-ياسين: الله ، الله مالك فيه ايه ؟؟ هي العروسة دبحتلك القطة ولا ايه ؟؟
-عز: لا دبحتلي ولا دبحتلها ، احنا اخوات يابني!!!
-ياسين: من انهو اتجاه ؟
-عز: م المحور ياخويا ، انا مش فايقلك السعادي.. سيبني لأحسن مش طايق حد
-ياسين: معلش بقى يا زووز .. الجواز كده Ups and Downs .
-عز: طول ما انت باصصلي فيها هفضل down على طووووول
-ياسين: ههههههههههههه كان بدري عليك عليك بدري
-عز بحدة : وله ، اقفل السكة بدل ما انط في كرشك
-ياسين: خلاص هاقفل بس متزوءش
أنهى عز الدين المكالمة مع ياسين ، وهو يفكر كيف سيقضي الأيام القادمة مع جانا .. وبالفعل توصل إلى فكرة جميلة ستعوض ما يعانيه ......................
.................................
