رواية اغفري لي الفصل الخامس والأربعون بقلم أوتار حزينة
يمامه
بنت الحجيه اجت من تركيا هي ورجلها وولدها
وثاني يوم العصر وصلوا ولدها من امريكا
اول ماشافوني شكروني على وكفتي وي اخوهم
وابن اختهم البيت انترس بيهم وصارت هوسه بعد الهدؤ الجان بي ام احمد هم اجت هي ورجلها وولدها عفناهم كاعدين وي ابوهم وامهم ومهيب
الي طلع وكعد وياهم بالصاله
والتهينا بالعشه عمو شوه سمج لان هم رادو
وسوينا ويا تمن احمر وزلاطه طرشي مدبس وخضره وخبز
حار
كعدو كلهم بالصاله يسمعون الصار بمهيب بذاك اليوم وشلون انقذته
نسوانهم ساعدنا بالعشه وجانن بسيطات يحجن
ويانا ويضحكن جنت بس صافنه
عليهن شكلهن مرتب كلش
ومعتنيات بروحهن
مبين بنات عز ودلال هن وبناتهن كملنا كلشي
الحجي كال
«،،،يله يابه حنين تعالي اكعدي انتي
وام ياسين وتعشوا ويانا
«،،لا عمو اروح يم يمامه لان كعدت
ياره سالت
«،،منو يمامه
«،،بنتها
«،«ياا ليش انتي مزوجه
خاله ارؤى،،،، سالت الحجيه
جاوبت
«،،يا هاي شبيج نسيتي مو حجيت الج قصتها
«،،والله نسيت
ردت عليها مبتسمه كملت
«،من نكمل العشه جيبيها خلي نشوفها
«،،ان شاء الله
رديت ومشيت من يمهم احس عيونه عليه
غسلت ورحت لغرفتي طبيت هي
كاعده بس ماتبجي
سويت ممه وكعدت ارضعها كملت نظفتها
وبدلت الها فستان احمر وخليت
بوند نفس اللون وبوطرة
طلعت عبالك لعابه
خليتها تلعب بللو ورتبت كم شغله
بغرفتي وره مشوار طلعت جانو كايمين
من السفره ويلمون بيها رجعت شلتها
وطلعت
منى بنت الحجيه اول ماشافتها كالت
«،،صلاوات على الرسول هاي بنتج
«،،اي خاله
«،،ولج خلي اغسل واجي اخذها لهل اللعابه
الحلوه
خاله اعتماد اجت اخذتها وكامت تبوس
بيها تردد
«،،يمه فدوه لهل الخلقه شلون تخبل
شوفها مفيد
اخذتها ليمه باسها وكال
«،،الله يخليها الج تشبهج كلش
«،،اي هي تشبهها كلش
الحجيه جاوبت خاله اعتماد ردت
««،والعيون سبحان الله هم نفسها
انتبهت علي صفن عليه بعدين دار وجهه
ماريا اجت عليها هي وياره
كالن
«،،عفيه اريد اشيلها
«،،،اني هم
ام ياره اعتماد كعدت كعدن يمها خلتها
بحظن ماريا كامت تبوس بيها
وتردد
«،،،ماما اريد مثلها
«،،ههه فات الوكت عيني بعد ماكو بح
ابوها مفيد رد يضحك
««،ولج خلي اشيلها اني هم
«،،،اووكفي بعد ماشبعت منها
خاله ارؤى اجت وكالت
«««وينها لهل الحلوه
عفتها يمهم ورحت للمطبخ التهيت اجلف
وخاله ترتب كالت
«،،شفتي ولد الحجيه هم مثل اهلهم طيبين
ويطبون بالگلب بسرعه
«،،اي والله نفس الطيبه والاخلاق
جاوبت افكر بي وباخوته منير الجبير يشبهه
بس اگصر مو بطوله مفيد يشبه الحجي اسمر بطوله بس ضعيف يحجون بهدؤ والضحكه بوجوههم منى تشبهه امها بس عدها رصعات اثنين
بخدها
وره ساعه الكل نام لان جانو جايين من سفر
طويل وتعبانين كلش من فرغ البيت وصعدو لفوك كلت خلي انظف حتىالصبح مايظل عندي شي
غير بس شي خفيف
خاله كالت
«،،يمه عوفي كلشي للصبح وامشي نامي تعبتي
اليوم
«،،لا خاله خلي انظف مادام الكل صعد لفوك
باجر تصير هوسه وصعبه عليه
اتحرك براحتي
«،،هم صدك بس يمه كملي بسرعه تره الساعه
صارت 12
«،اي خاله هسه اكمل كلشي واروح انام
«،،تصبحين على خير
««،وانتي من اهله
ظليت وحدي نظفت الاستقبال والصاله
والصحيات وعطرتهن وبعدين رحت للمطبخ طلعت
الوصخ وطلعت لبره ذبيت بالحاويه قفلت
ورجعت لجوه عمو طلع
كال
«،،ها يابه قفلتي الباب
«،،اي عمو
«،،شوفي الباب اللخ هم مقفول
«««هسه اشوفه
مشيت للممر شفته مسرك والقفل بي
رجعت للمطبخ طبيت
سال
«،،ها مقفول
«،،اي عمو
«،،خوش اروح انام تعبت كلش اليوم
«،،الله يساعدك وينطيك الصحه والعافيه
ويخليك خيمه فوك راسهم
ابتسم ورد
«،،الله من صدك فرحت بهل الدعاء الحلو
وانتي هم يابه الله ينطيج الصحه
والعافيه ويخليلج بنتج
ويرحم اهلج ورجلج
«،،تسلم عمو
جاوبته كمل
««،والله يابنتي لو ما انتي وام ياسين ويانا
بهل البيت مااعرف شجان صار
بينا ولا اعرف اني شلون
جان دبرت روحي
وي خالتج
ومهيب
«،،ادلل عمو تستاهل انت وخاله لان ماقصرتو
ويانا بشي
««قليل بحگج السوينا لان انتي رديتي روحي اليه
من انقذتي ولدنا ومو مره لا اكثر
من مره
حجه هيج وكمل
«،يشهد عليه ربي انتي صرتي عندي بغلاه بناتي
واشوفج وحده منهن ولو تريدين
عيوني ترخص الج
عيوني غوركت واختنكت جاوبته
«««تسلم عيونك عمو واريدك سالم وتمشي
بطولك هاي تكفيني وتفرح گلبي
ابتسم ورد
«،الله يرضى عليج يابه ويرزقج على
كد نيتج
حجه هيج وكال
««،روحي نامي بنتي تعبتي اليوم ويانا
«،،اي عمو
راح من يمي غسلت
الحاويه ووخليت معقم طلعتها بره
تنشف للصبح قفلت باب المطبخ كلت خلي اروح اغسل لان حسيت الزفره صارت بجسمي
مشيت لغرفتي يمامه نايمه غطيتها لان جانت وطنيه اخذت هدوم ورحت للحمام
باب غرفته مسدود والضوه
طافي
غسلت وتاخرت طلعت كلت خلي اخذ بطل مي
اخلي يمي رحت للمطبخ شفت الباب مفتوح
عگدت حواجبي وكلت
منو طلع بهل الساعه
مشيت ،،،، باوعت هو كاعد بالحديقه
منطيني ظهره ويدخن دار وجهه
عليه،،،، بسرعه صرت يم
الحايط شلون حس بيه مااعرف مشيت صاح
«،،حنين
ردت اروح لغرفتي كال
«،،شفتج تره مالها داعي تضمين روحج
عني
ترددت بعدين طلعت سالته
«،،،تريد شي
«،،اي بس صعبه عليج تنطيني الي اريده
رد بحسره وسحب نفس من الجكاره
«،اذا ماتريد شي اروح انام
«،،شلون يولي تنام عينج بعد السويتي بيه
جاوب بصوت عالي وخلاني امشي ليمه
بسرعه وكلت
«،،،الله يخليك اسكت وكافي تلح عليه بهل
السالفه
سكتت وعيوني غوركت وكملت
«،،بس شوف روحك انت منو وابن منو وانت
تعرف اني لا من مقامك ولا من ثوبك
كام ورد بغضب
«،،،ااابن باااشا اني امي ليدي حنين شبيج
انتي جلبتي بهل السالفه ولج بابا لو كل فلوسنا
نظل ناس بسيطين ونشوف
كل البشر مثلنا
«،،،صعبه والله افهم الناس ماراح تعوفك بحالك
اذا اخذت وحده تشتغل خدامه
عندك
«،،ماااعليه بالناس
صاح وخلاني التفت ليوره وگلبي يدك
سريع من الخوف كمل
«،،طز بيهم وطز باليحجي اني راضي بيج
والله راضي بس كولي اي وريحي گلبي
حجه هيج وكمل
«،،شوفي حالي يولي لا ليلي ليل ولا نهاري
نهار من حجيت الج وطلعت الى
بگلبي
«،،،انت راح تجبرني اروح منا
جاوبته ودمعتي نزلت رد يكزكز
من غضبه
«،،سويها ولج وشوفي شراح اسوي بيج
والله اذبحج حنين اذا فگرتي
تعوفين هذا البيت
او تعوفيني
«،،انت شبيك ليش ماجاي تفهم اني مااحبك
«،،لااا راح تحبيني غصب رضا راح تحبيني
حجه هيج وكمل باعصاب
«،،والله اذااا ماتراجعتي عن كلامج وياي
الا اسوي بيج شي مو صاير
حجه هيج وتقدم عليه رجعت ليوره وجاوبته
«،،تره حرام الكاعد تسوي بيه
«،،حرام حلال بعد مايهمني اي شي الي يهمني
هو اخذج اخذج لو اعرف غصب
«،،اافهم انت ااكبر مني بهوايه واا
قاطعني باعصاب
«،،شايب ااني ولج شووفيني بعدني شاااب
واهد الجبل بحيلي مو عاااد انتي
الي بكد الفاره
مشيت صاح بغضب
،،،ووين موليه مو جاي ااحجي وياج
رجعت اله وصحت بصوت
مكتوم واني اخزر بي
«،،،ااش اااش شتريد انت تفضحنا
صفن بعيوني ورد
«،،ولج وداعه هاي العيون الحلوه الا اخذج
واخذج واخذج وغصب ماعليج
تصيرين مرتي
«،خرب بيه خرب بالساعه السوده من اجيت
هنا وشفتني
جاوبته ابجي ومشيت من يمه رجعت لغرفتي
طبيت سديت الباب وكعدت ابجي
بشهكه اردد
«،،ياربي وين اروح وين اولي اذا هذا ظل هيج
يهدد بيه ارجع للشارع اضيع
ويمامه هم تضيع
وياي
جنات
جنت تعبانه من الصار ومالي خلك بس جان
لازم ادوام لان الشغل تاخر دوامت ورحت من وكت
حتى اكمل الشغل وصلت للمصرف
الكراج فارغ ماكو ولا سياره والامن
بعدهم مو جايين بس
باسكل عمو جمعه
موجود
نزلت من سيارتي مشيت كم خطوه سمعت
صوت صاحني
«،،جنات
انداريت بسرعه جان كريم
گلبي هبط لان مااعرف منين طلع اليه تمالكت
روحي وجاوبته بضوجه
«،،،نعم شتريد
«،،اريد احجي وياج
«،،ماعندي كلام وياك
مشيت اجه وصار كدامي خزرته وحجيت
بغضب
«،،كريم روح منا ولا تخليني اتصرف وياك
تصرف مايعجبك
«،،شنو التصرف جنات
سكت وكمل
«،،تريدين تاخذين هذا الشيخ الي رادج قبلي
موو هو هذا التصرف الي
تريدين تحرگين گلبي
بي
مشيت وكف گدامي
وكمل بعصبيه
«،،،جاوبي ولج
صحت بي
«،،باي حق كريم جاااي تسألني هذا السؤال
«،،بحق اني بعدني احبج
ابتسمت باستهزاء وجاوبته
«،،لا بله صدك تحجي هاي تحبني وهيج
سويت بيه لو ماتحبني شجان
سويت
سكت كملت
«،،شخبار مرتك وشراح يجيك ولد لو بنيه
مارد مشيت هم وكف بطريقي صحت
بي
«،،تاالي ويااك شتريد انت اشتكي عليك
حتى بعد ماتوكف بطريقي
««،ولج والله ماراااح اخليج تاخذين هذااا
الشيخ لو على ذبح رگبتي
تحركت اريد اطب لجوه سحبني من زندي
صحت بي
«،،عوفني كريم وولك عوفني
صحت بصوت عالي اريد عمو جمعه يطلع
ويخلصني منه بس ماطلع جريت
روحي منه غرز اظافره
بزندي يصيح
«،،اامشي،،،، ولا تخليني اتصرف
وياج تصرف مايعجبج
«،،عووفني حيوان
صحت بي وبنفس الوقت سمعت شحطه سياره ورايه انداريت فزيت من شفت استاذ ارشد نزل واجه يركض علينا يصيح
««،عوووفها كوواد
«،،اانت ماااا
ماكمل كلامه لان هد علي وضربه بوكس
شمره بالگاع كام يغلط علي
ويفشر وتلازموا واحد
كام يضرب اللخ
كمت اعيط من خوفي
عمو جمعه طلع صار بينهم واحد من الامن
اجه هو ورجال من الشارع وكفو
بينهم وكدروا يفكوهم
كريم صاح
«،،،والله ماتاخذها لووو اعرفك ااذبحك
،،،اايدك الك عااار وشوفني شراح تسوي
صاح بي ويريد يهد علي
ذاك،،،نفض روحه من الرجال وصاح بيه
«««اني ااعلمج ولج
««،ووولك االمن تهددد گواد
استاذ ارشد فلت من عمو جمعه والامن
وهد علي لزموه يجر بروحه ويغلط
علي ،،،ذاك مشى بسرعه
صعد سيارته
وولى
مشيت اريد ارجع للبيت ميته قهر وخجل من
الصار اردد بشهكه
«،،الله لاينطيك فضحتني وسويتلي مشكله
وصلت سيارتي مااعرف شلون عيوني غوشت
دخت وسندت روحي عليها
«،،اامشي اصعدي بسيارتي
سمعت صوت استاذ ارشد كلت بضعف
«،،عوفني بحالي
««ولج ااامشي اصعدي وولا تخبليني
نتر بيه باعصاب شفت العيون جانت علينا واني
لا بيه بعد اسوق او احجي
كلمه من الدوخه
الصارت بيه
مشيت ويا لسيارته صعدت هو اجه
صعد وحرك بسرعه صاح
««،ولك اذاااا ماكسرت رجليك الي اجيت بيها
للمصرف وايدك الي گضبتها ااني
مااتسمى ارشد بن شيخ
تميم
حجه هيج وكام يفشر علي ويهدد
«،،كافي والله راح تموتني انت ويا
صحت بي وكمت ابجي بصوت قوي رد
بغضب
«،،ااني ااموتج ولج اااني الي مشتريج
بروحي بس اااخ ااني مشتري بس اانتي
شوكت تشتريني مدري
زدت بالبجي اسمعه يغلط علي ويهدد ويحجي عليه
انتبهت هذا مو طريق
البيت كلت باوعت
علي وسالت
بخوف
«،،وين ماخذني هذا مو طريق بيتي
«،،،انتي مايفيد بيج العيني والاغاتي وماكو
غير هاي الطريقه الي تخليج تقبلين بيه وتخليج ادكولين اي
گلبي هبط وصحت بي
«،،شتررريد تسوي تخطفني
«،،،انت هسه مخطوفه وبيج خير وادللي
جنات لان خبلتيني وخليتني اسوي
هالشي
صحت بي بخوف
«،،لااا ماراح تسويها انت شيخ وعيب تسوي
هيج اي انت جاي تخوفني موو
سكت والخلقه جانت مگلوبه والغضب
تارس ملامحه صحت اباوع
للشارع
«،،،وووين ماخذني اارجع تره والله اعيط
والم عليك العالم
«،،عيطي براحتج محد راح يسمعج
طلعت جهازي اريد اتصل على اختي
لكفه من ايدي وخله بالباب من جهته
عطت بي
«،،،جيب جهااازي
مارد كملت
«،،،الله يخليك رجعني انت مو هيج
ولا اخلاقك تخليك تسوي
هذا التصرف
«،،ااانتي جبرتني اسوي هيج اانتي جنااات
بعنادج هذااا خليتني اتخبل
واخطفج
««،الله يخليك رجعني هي مو جبر ااستاذ
«،،لا جبر وغصب ماعليج راح تصيرين
مرتي
«،،ووولك رجعني شتريد انت تفضحني
صرخت بي احاول افتح الباب ماينفتح توسلت
بي يرجعني ماكو لا سمع توسلي ولا
تاثر بدموعي ،،،،گلبي مات من شفته طلع على البساتين توسلت بي
«،،الله يخليك رجعني ترضاه على اختك
ترضاه اانفضح
«،،ترضيها اانتي اجي واشوف هذااا الگواد
جارج من ااايدج
صاح بيه بخبال وكمل
«،،اااحجي ولج لو ماجاااي اني جان اخذج
والله اليدري شجان سوه بيج
«،،مووو انت مثله وهسه خاطفني
«،،اااني مو مثله
صرخ بيه وكمل
«،،ااني موو كواااد ولااا عار ولا راح
اغدرج مثل غدرته
لزكت بالباب من شفته فقد وتخبل
كمل بصياح
«،،،وولج ااخ منج ااااخ
صاح وضرب الستيرن بقوه غمضت عيوني
من خوفي وكمت ارجف حسيت
گلبي كام يدك بزردومي
من الخوف والدنيا كامت تفتر بيه
نتر باعصاب
««،خبلتيني و اااني العاقل ماظل عقل براسي
من وراااج
مشينا مسافه اسمعه يتحلف بكريم ويحجي
عليه من الخوف انعگد لساني
بس دموعي تنزل شفت طبينا من بوابه كلت
بتوسل
وين مااخذني رجعني الله يخليك
«،،،اااش ولا كلمه اسمع منج
صاح بيه وصلنا بيت واحد اجه متحزم
بسلاح اشرله راح من يمنا
نزل واجه فتح
الباب بقوه
نتر
«،،انزلي
«،،ماانزل وامشي رجعني لبيتي
«،تنزلين لو اشيلج واخذج لجوه
«،،انت شبيك تخبلت
مد ايده فزيت ورجعت ليوره وصحت يي
«،،لاااااتلزمني
«،،عجل اانزلي بأرداتج
جاوبني يخزر بيه كلت
««،الله يخليك رر
مد ايده مره الخ عطت بشهكه
«،،راح اانزل
وخر مسافه نزلت ارجف وابجي حاظنه
جنطتي لصدري اباوع للمكان
حجه
«،،امشي
«،،مااطب وامشي رجعني
«««سهله الي مايمشي اشيله
جاوب بروده ورجع عليه رجعت
ليوره انطخيت بالسياره
وكف مسافه عني
وكال
«،،امشي بارادتج احسنلج
«،،شتريد تسوي بيه
جاوبته بشهكه رد
««،لاتخافين ماراح اسوي الي بالج الا
بالحلال وراح يصير وغصبا
ماعليج
حجه هيج وكمل
«،،امشي وخلينا نكعد ونحجي
«،،،ماعندي حجي وياك
«،،بس اني عندي
جاوبني بغضب وكمل
«،،تحركي
رجلي ماتن وكلت راح يسويلي شي
لان شفته شلون فاقد ومتخبل ماكدرت احركهن
وحسيت صار عندي خفقان قوي
وعيوني ثگلن مااشوف
نفسي غير واكعه
وفاقده الوعي
ارشد
تخبلت من شفت هذا العار طليقها
يجر بيها ويريد ياخذها لسيارته غصب تعاركت
ويا وجتلته والكلام الي حجيته
نفذته واخذتها غصب
للبستان مالتنا
جنت فاقد عقلي راح مني بس رجع اليه
من شفتها شلون فقدت الوعي
ووكعت بالگاع صحت
جناات
شلتها لصدري اضرب على خدها بهداوه
اردد
«،،ولج اكعدي والله مااريد اسويلج
شي بس احجي وياج
ماكعدت شلتها الحارس اجه صحت يي
«،،صيح ام فضل
«،،اي شيخ
اخذتها لجوه ورحت لغرفه خليتها على
جربايه كعدت يمها اريدها
اكعدها ماتكعد صارت
صفره وخفت
بس لا ضغطها صعد ام فضل
طبت صحت
«،،خاله جيبي مي
«،،اي يمه
طلعت من يمي ورجعت جايبه المي
انطته اليه غسلت وجهها وشربتها شويه
كامت تون كلت
«،،جنات اكعدي
فتحت شافتني فزت وخرت مني
«،،خاله عوفينا وحدنا
«،،لااا عفيه ظلي
صاحت بيها
ام فضل ماظلت من طلعت كلت
«،،،عوفي الباب مفتوح
«،،تمام شيخ
دحگت عليها وكلت
«،،،اهدأي ولاتخافين مني واسمعيني
زين
«««رجعني لبيتي
«،،ارجعج والله بس خليني احجي وياج
كامت تبجي كلت
«،والله وغلاتج بگلبي ماراح اسوي
اي شي بس اسمعيني وافتحي
گلبج اليه
حجيت هيج وكملت
««يولي لو اريدج اخذج بالحرام جان من زمان
مسويها من اول مره شفتج بيها
ورفضتيني
«««ااني انفضحت والكل راح يحجي عليه
جاوبتني بشهكه رديت
،،،منو يكدر يجيب طاريج واانتي وياي
ولج انتي ماتعرفيني اني منو وشاكدر اسوي
الج
صفنت عليه والعيون تبجي ردت
«،الله يخليك عوفني والله اني ماافيدك انت
شفت اهلي مابيهم رفعه راس وانت
شيخ ابن شيوخ وراح يأذوك
انت واهلك من وره
سوالفهم المو
حلوه
ذبيت حسره ورديت بخنگه
«،،اسمعيني زين وهالشي اني راح احجي الج
حتى تعرفين اني هم عندي شي
اخجل منه وضامه بگلبي
ولان انتي راح تصيرين مرتي غصب
رضا راح تصيرين جنات هاي ماابيها اي
تراجع ولا راح اعوفج الا وانتي
بيتي وصايره بأسمي
حجيت هالكلام وكملت
«،،اني مو ارمل
دحكت الها وكملت احس بوجع بكل روحي
«««اني واحد مرته خانته وغدرته بشرفه
جنات
رغم البيه والصار من سمعته شحجه انصدمت
وصفنت علي مذهوله كمل بوجه
مطعون وصاير دم
«،،من رفضتيني امي خطبتلي بنت خالي ازوجت
وعاشت يمي بدلال ماقصرت وياها
بشي وجنت عايش حياتي مثل
اي رجال واجاني ادريس وشفتها تغيرت اسال ترد
تعبانه من وره ابني والسهر وراه
اجتني تماره وكلشي
اختلف بينا
هملتني اني وياهم والمشاكل كثرت بينا حاولت
افهم منها هي ليش هيج صارت
تذب الصوج بيه اني هاملها
وماادير بال
الها واني والله ماجنت مقصر وياها
اخذها سفرات وشتريد اسويلها
بس ااخ
ون وكمل منزل راسه
«،،،اخ جنات لو ميت بذاك اليوم ولا سامع
الي سمعته
كام يرجف من غضبه وباوع على غير جهه
سال
«،،شبيه ااني حتى تخوني
خله عيونه بعيوني وكمل بعيون حمر
ومغوركه
«،،،وياريته طلع يسوه الي جانت مصادقته
وتخوني ويا واحد تفله مايسوه
جان يضحك عليها وياخذ
منها فلوس
ااختنك كام من يمي فتح دگم القميص
واخذ نفس طويل حجه
«،،،ولج ااني اعرف بشنو تحسين ااعرف
يولي لان وجعج وجعي
والغدر اجانا من
اقرب الناس
النا
شهكت بصوت كال يلوم
بيه
«،،ليش ولج ليش ماقبلتي بيه جان لا هذا
حالج ولا اني هذا حالي
ماكدرت احجي كلمه ردد
«،،اخ منج ولج ظلمتي روحج وظلمتيني وياج
وبعدج تريدين تظلمينا برفضج
هذاا
سكت وكمل بخنكه
«،اريد ااطيب اريد انسى واعيش واعرف انتي وبس الي راح تخليني ابره من جرحي
تقدم عليه وكمل
«،واريدج تعرفين اني هم راح اعوضج
عن الصار بيج واصيرلج رجال واهل وسند وسلاح
تتحزمين بي جدام الكل
لميت روحي اجنب اباوع اله كعد وخله
مسافه بينا كمل
«،،والله ماراح تندمين اذا كلتي اي وغلاتج
انتي وولدي ماراح اخلي هاي
عيونج الحلوه تبجي
ولا تعرفين شنو
الحزن
صوتي طلع وره لحظه وكلت
«،،،رجعني وانطيني وقت افكر بي
«،،جنات ماكو لاا ماراح اقبل هالجلمه واذا
سمعتها صدگي لو بنص اهلج اخطفج
واعقد عليج غصب
ماكدرت ارد كام وكمل بغضب
«،،،كومي غسلي وجهج حتى ارجعج وخلي
بالج اريد اسمع اي اذا اسمع غيرها
احرك الدنيا فوك
راسج
حجه هيج وطلع من يمي صفنت على الباب
من سده بقوه اريد اكوم مابيه حيل من الهبطات الي صارت بيه ومن وره الكلام الي سمعته منه جريت روحي بصعوبه وكمت شفت باب
حمام مفتوح طبيت غسلت وجهي اكثر من
مره اريد روحي ترد
اليه طلعت الباب انفتح المره طبت كالت
«،،الشيخ يريدج بره
حجت هيج وراحت من يمي بجيت
وكلت
««،بله هسه هاي شدكول عليه هي وعمو جمعه وكمال ابو الامن اكيد هسه انفضحت بالمصرف
والكل كام يحجي عليه
اخذت جنطتي وطلعت مااشوف دربي من وره
دموعي جان واكف بره يم سيارته
يدخن شافني ذبها
فتح الباب الي
من جهته
وكال
«،،،اصعدي
مادرت بال اله صعدت ليوره سده بقوه
وصعد حرك ماحجه شي بس جنت احس نظراته
عليه بنص الطريق كال
«،،لاتشيلين هم محد راح يكدر يجيب طاريج
بجلمه
«،شلون وعمو جمعه وكمال شافو كلشي
«،،جنات دحگي عليه
رفعت راسي باوعت اله اشر على
روحه وعيونه بعيوني
«،،انتي تخصيني ااني
سكت وكمل باصرار
««،تخصين شيخ ارشد واني موو شويه وانتي
شفتي اني شنو وشاكدر ااسوي
اذا واحد داسلي
على طرف
العيون تغيرت وكال
««الي يرشج بمي ارشه بدم وياويله الي يجيب
اسمج على لسانه اگصه واذبه
للجلاب
ماعندي رد سكتت دمعتي بعيوني هو بعد
ماحجه شي انطاني جهازي
وصلني لبيتي وماعافني
الا طبيت جوه
غاده
عزمنا عمه رقيه واجتي هي وعمو زاهد وولده
فرحنا بيها كلش وحسيت حمزه
فرحته جانت اكبر
وره العشه كعدنا نتعلل هو كاعد يمها يحجي ويسالها عن وضعها ومهتم
بيها كلش وانطاها هديه بتوت ذهب
فرحت بيهن وكامت تبجي
حظنته تردد
«،،،تسلم وليدي يارفعه راسي
«،،،تستاهلين الاغلى يمه
جاوبها وباسها من راسها وحجه وي عمو
زاهد
«،،،ديربالك عليها عم تره عمتي غاليه عليه كلش
وبحسبه ام اليه
ابتسم ورد
«،،،لاتوصيني عليها هاي اغلى من روحي
صارت
وره ساعه ترخصو وطلعو من يمنا ظليت
وحدي ارتب بالمطبخ لان دزيت
رانيه حتى ترتاح
كملت كلشي ورحت لغرفتي اثاوب طبيت
هو متمدد وغافي وعلي يمه هم نايم
ابتسمت فتحت جهازي
الجان بايدي وطگيت الهم
صوره واللخ هم
طفيت الضوه اخذت هدوم بهدؤ من الكنتور
ورحت سبحت لبست سيت نوم
اسود وطلعت شلت
ابني وخليته
بجربايته
عطرت روحي وسويت عنايه لوجهي
اخذت كريم وكعدت يمه ادهن ايدي ورجلي
شفته مفتح ويباوع عليه
مبتسم كلت
بضحك
«،،،صاير شايب حبيبي وينام من وكت
«،،،منو الشايب ولج
«،،ههه انت
جرني ليمه خربانه ضحك كال من
كام يبوس بيه بجنون
«،،اشوفج الشايب شراح يسوي بيج
تخبل وخبلني ويا احس العالم يختفي اضيع
بلمساته وانفاسه الحاره واذوب من اسمعه
يتغزل بيه بصوت متغير كله حب
وعشگ وشوگ ولهفه
خليت راسي على صدره اسمع گلبه
يدك بسرعه حجه وهو
يضحك
«،،،،شفتي الشايب شسوه بيج
«،،،توبه استفزك بعد
«،،،هههه
خرب ضحك ورد
«««ديربالج تره اسهرج للصبح بعد اذا عدتيها
لهل الجلمه
ابتسمت وحظنته حجه
«،،ولج اني اربع نسواان
فزيت وخزرته سكت كلت
«،،،ااي كمل ليش سكتت
كعد يضحك اشر بايده اربعه لزمتها
بسرعه وعضيتها بقوه ماهديته الا واني
تارك اثر جبير وهو لا دار
بال ولا اهتز
كال
«،،شبيج الله حلل
«،،،حمزززه
صحت بي وكمت اكزكز من غضبي كملت
«،،شتررريد انت اعضك من وجهك واخلي
علامه بيك
«،،سويها اذا تكدرين
هجمت علي لزمني وذبني على الفراش وثبت ايدي اريد اعضه من صدره ماكدرت
حجه مبتسم والعيون
تضحك
«،،،ولج انتي الاولى والثانيه والثالثه
والرابعه وگلبي قفل عليج وان جان
ربي حلل اربعه انه حلالي
بس انتي
«،،،جذاب ابو النسوان
«،،هههه
خرب ضحك كملت
،«،،هدني
«،،اهدج بعد ماخذ حگي انتي مو عضيتني
تحملي الي راح اسوي بيج
هجم عليه بس ماسوه الي كاله
كام يبوس بوجهي ورگبتي بقوه وترك
اثر حظنته اكزكز علي
واردد
«،،انتي مالتي اني وبس
باسني من شفتي وطول وخر وكال
عيونه بعيوني
«،،انه الج وباصم بهل الشي بالعشره
يالعرمه
ثاني يوم واكفه اسوي الريوك واذكر الصار
واضحك وي روحي رانيه
طبت تثاوب
كالت
«،،صباح الخير
«،،صباح النور عيوني جان بعد وكت
«،،ههه ولج سهرت وي جعفر ومانمت من وكت
لعبت بحواجبي وسالت بصوت
ناصي
«،،افترسج مو
«،،ههه لا مو تعرفين وضعي خليته الج
لعبت بحواجبها واشرت للاثر ضحكت
غطيت رگبتي بشالي وكلت
«،،عاابت مو عيون ليزر
«،ههه اخويه مو مقصر مفترسج افتراس
قوي
««عيب ولج
«««اوي عيني ماعرفتج
««هاي شبيج تره مرات ااني اخجل
واستحي
«،،اي نعم من الزلمه الي مطلعه عيونه ومخليته
يمشي ويضحك وي روحه
«،،ههه ولج ليلو هم تحجي هيج
«،،شفتي يعني مو بس اني اعرف هالشي
هو طب لابس كاشخ والريحه ترست
المطبخ صفنت عليه وسالت
«،،خير اشوفك كاشخ وين رايح
«،،شغل
«،،والشغل يرحون اله هيج
ابتسم بيبي اجت كعدت هو كعد
يمها رد
«««شغل وي ناس
«««ها ومنو هالناس
حجه وي بيبي الي جانت تسمعنا ومبتسمه
«،،يمه عدالك جنتج كاعده تحقق وياي
«،«جاوب يمه تراح ماراح تخلص
ضحك مسح شواربه ورد
«،،رايح لشريكي بالمول
«،،ها تتاخر
«،،اي ماارد لليل
«،،ليش يمه شعندك تتاخر هلكد
«،،خلي ريوكج ام علي تره تاخرت كلش
رد يضحك انداريت اطك البيض كال
«،،ماسالتي شاريد
«،،سويتها خبط
«،«كثري لان جوعان
«،،سويت ثلاثه
«،،اخبطيهن زين
«،،جاي اداهر حمزه
خرب ضحك انداريت علي وابتسمت كملت
«،،ماراح يطبن صحيح
«،،ام لسان هي گوه مااكدرلج والله
رانيه خربت ضحك بيبي ابتسمت جعفر طب
سلم وكعد كال
«،،اليوم جوعان كلش
«،،،راح اسويلك مخلمه
««،اي سوي
خليت البيض كدام حمزه
كال
«««شفتي بنت العم شلون ادلل بزلمتها
كعدت يمه عديت باصبعي
«،،واحد اثنين ثلاث
«،،هاي شدسوين
رانيه سالت تضحك
«،،اوكفي
رديت وكلت
««،اهو خربطتي العد راح اعيد
«،،واحد اثنين ثلاثه اربعه خمسه
خليتها بوجهه وكلت
««،خمسه وخميسه بوجه الي يحسدهم
خربو ضحك نغزته وكلت
«،،مو اربعه
اشرت بايدي يضحك بقوه الا عيونه دمعت
جعفر كال مبتسم
«،،هو گوه يبن العم والله ماتكدرلها
«««بيها بخت جبير يم ربك
رد يباوع عليه كلت
««تريك ابو اربعه ها اقصد ابو خمسه
ضحك وهز راسه كمل ريوك وكام طلعت ويا
وكفت يم سيارته كال
العيون تضحك
«،،ابدا ماتعوفين ثارج
ابتسمت ورديت
«،مرتك بعد وترباه ايدك
«،لا بويه انه الي تربيت على ايدج موش
انتي
ضحكت وماحجيت شي هو صفن عليه
بنظراته الحلوه وكمل
««شكبر حظي بيج وشكبر بختي يم ربج
من خلاج تحبيني هالحب
الجبير
تنهدت وجاوبت
«،،انت تستاهل هالحب حمزه وتستاهل
ادللك دلال مو صاير
««،دللي بويه ماراح اگولن لا
رد مبتسم كلت
«،،ادلل وهاي بوسه
بسته من خده خطف وخرت شفت جدو
طلع وباوع علينا ابتسم
ورجع لجوه
خليت راسي على صدر حمزه اردد
بخجل
«،،شاافني جدو
دار راسه كلت
«،،رجع لجوه خلي اروح اطم روحي بغرفتي
انهزمت من يمه اسمعه يضحك
قائد
بالشغل كاعدين اني وحسين سال
«،،،خابرت مهيب
«،،اي ومارد
«،،اني هم خابرته وماجاوب
كلت
«،،هذا ضرب عقله من رفضت هاي البنيه
«،،لا كول كبريائه
رد وكمل
«،،،انت تعرفه واني اعرفه هو مو مال حب ولا
زواج والشفنا منه كبرياء
رجال مجروح
«،،لا حسين انت غلطان مهيب يحب هاي البنيه
لان شفته من جان يحجي بيها واحد
ثاني مو الي نعرفه
«،،ماادري اني حسيت بي ضاج لان رفضته
«،،اكيد يضوج شتريده يفرح يعني
رديت علي وكملت
«،،ماتضوج انت لو جنت بمكانه
«،،اي والله اضوج
سكت وكمل
«،،شدكول لو نروح علي ونشوفه
«،،ماعندي مشكله بس خلي يجاوب حتى ننطي
خبر بجيتنا علي
رد
«،،تعرف اني خايف منه لا يروح يتصرف
تصرف مو حلو وي هاي البنيه
«««لا ماراح يسوي شي لان يعرف اي غلط منه
راح يخسرها للابد كول يحجي
يهدد اي
«،«اي وهو شلون من تطبك عنده يكوم يغرد
وهي ماقصرت سحلته من كالت
اله انت اكبر مني
ابتسمت وجاوبته
«،،والله هسه عبالك ضربته طلقه بگلبه
«،،ولك اشو ابو الثلاثين صاير شايب بعيون
جيل هالوكت
حجه يضحك وكمل
«،، همزين تلاحكنا لرواحنا اني وياك وازوجنا
جان هم دحنا وتعيرنا بالشيب
««،اسكت بعد كم سنه انگوم نصبغ مثل
ابو مهيب
««ههه اي والله بس اني اصبغ شقااارات
دفرته وكلت
«،،اي تسدنس عاار وخلي عدسه هم
«،،هههه واصير مهند العراق
«،اي من جهرتك السوده تصير مهند
خرب ضحك ورد
«،،الحال من بعضووو اختاه
«««طاح حظك وحظ اختك وياك
اكلك اسكت خلي اخابره
للعاشگ
«،،اي خابره للشايب المضروب بوري
«،والله لو يسمعك الا يسويك نصين
«،هههه مايكدر مكسر وفاين حظه
«،،يطيب يريد يظل مكسر وجيب الي يفكك
منه
«،،اني بشاربج اختاه
خربت ضحك غميته واتصلت على مهيب رد وعرفت
منه هو زين واخوته جايين يمه
سلمت علي وسديت
الخط كلت
«،،اخوته جايين من امريكا
«،،ها صدك كال قبل فتره راح يجون
«،،اي وملتمين يمهم مو مال واحد يروح علي
«،،لا وين نروح عيب منهم
كمت وكلت
«،،كوم خلي نشوف الشغل
رجعت العصر للبيت طبيت شفت ليلو ترش بالحديقه من شافتني اجيت عليها
العيون توكحت كلت
«،،ديربالج وو
دارت عليه الصونده ونگعتني بالمي
خربت ضحك وكلت
««جيبي الي يفكج مني اليوم
گضبتها بس گلبي ماانطاني انگعها خفت
عليها لان الجو كسر سالت
«،،اليوم ماخذه راحتج كلش
«،،هههه اي مو بابا وماما طلعوا
««،شلون طلعوا وخلوج وحدج
«،،مو كتلهم انت جاي بالطريق
«،،ها من هذا محضره الصونده
«،هههه لا والله بابا كال رشي الزرع
وانت اجيت كلت خلي اتحارش
بيك
صفنت عليها واذكرت من بستها اول بوسه
بالمطبخ سدت المي كادتني
وطبينا لجوه كالت
««بدل خلي اصبلك غده
مشت جريتها وحظنتها لصدري كلت
««،تذكرين اول بوسه النا
العيون تغيرت والخدود صارت حمره
كملت
«««من ضگت الشفه واني صرت عليل بيج
بعد اكثر
نزلت راسها خجلانه مني كملت
««مااعرف بذاك اليوم شصار بيه دخت وضيعت
حتى اسمي
تنهدت بحظني بستها من خدها وكلت
هايم بيها
«،،وبعدني اضيع يولي بس تشوفج
عيوني لو اسمع اسمج
دحكت عليه مبتسمه وجاوبت
«،،اني هم ادوخ من اصير بحظنك واضيع
بس تصفن عليه بهاي النظرات
««اكلج يصير احلي
«،،ههه لااا مو هسه
جاوبتني خربانه ضحك سحبت روحها
وكملت
«،امشي بدل بللتك وخايفه عليك تتمرض
«،،بس اتمرض اخذ فصل منج
فكت عيونها وكالت
«،،صددك ماسمعت اخر الاخبار
«،،خير شكو
«،،روح بدل وتعال تغده واحجيلك اخر
الاخبار
«،،تمام
صعدت لغرفتنا سبحت ونزلت كعدت
يمها بالمطبخ شفت ثريد
باميه ولحمه جبيره
كلت
«،،عاشو باميه اليوم
كعدت اكبالي سالت
«،،بلبل الفتان شنو اخر الاخبار احجي
««،ههه والله مو اني البلبل الفتان هاي خاله
رباب هي الي تجيبلنا السوالف
«،،صاير شي بعقوبه
«،،اي قائد هذا ابن خالك العار متعارك
وي جنات وضاربها
عفت اللكمه من ايدي وصفنت عليها
سالت
«،،وليش يضربها هذاا الگواد
«،،يريدوها ترجع لكريم وهي ماتقبل وطلع
واعدهم بفلوس حتى بس يرجعوها
اله ومن ماقبلت ذاك هد
عليها وكاتلها
«««ولج هذاا دواه اني اگضبه واخلي يزوع
دم
جاوبت بخوف
«،،لا قائد انت ماعليك بي شيخ ارشد ماسكت
اله لزمه وكتله ذيج الكتله وبيتها
وكدامها اخذ حقها منه
صفنت عليها سالت
«،،اني اعرف بي يريدها بس هو شجابه
لبيتها
«،،جان راجع وي رجل دانيه وصار الموقف
كدامه وشافه شلون يضرب
بيها وتخبل ولازمه وكاتله
ذيج الگتله الزينة
«،،حيل بي وابو زايد ولج لو جاتله جان برد
گلبي
«،،وخالك التحفه من شاف ابنه انگتل راد يفصله
«،،اي لعبته هاي ابو فليس ويموت بالفلوس
هو وذاك الگواد
«««بس جنات مهددتهم وكايله الهم اذا سويتو
الي براسكم اروح اشتكي عليكم
«،،،ماتروح تشتكي شمنتضره اذبه للعار
واخلي يخيس بالسجن ومااطلعه
الا اخلي يبوس قندرتها
كملت
«،،مااشتكت وهم بس سمعو تهدديها تنازلو
عن الفصل
«،،لا جان خلتهم عليمن جاايين على
شيخ ارشد وابوه منو شيخ تميم بكلمه وحده
خالج وابنه يرحون وره الشمس
ذبت حسره وكالت
«،،هي لو بس تقبل بي شبي شيخ ورايدها
وسمعت ميت عليها وطلع يحبها
من زمان من قبل لاتزوج
كريم
«،،،اني هم سمعت هيج شي من امي
««،اي قائد والله خاله رباب متخبله من وراها
وشكد حجت وياها هي ودانيه
ماتقبل تاخده
«،،،لان بومه وغاويه نوح وبجي
جاوبتها وكملت
«،شبيج ياحظي اخذي وخلي يصير الج
سند بهل الدنيا الغبره اشو
انتي لا ولد ولا
اهل بيهم
خير
«،،اكول بلكي تقنع بي وتاخذه ويصير عدها
بيبي
«،يالله مو بعيد عن ربج يجوز ماراد الها كريم
راد الها شيخ ارشد لان هو
يعرف اسرار
البشر
««اي ماشفته شسوه غدرها خطيه
وها سمعت راح يصير
عنده اللخ
««هههه اسرار بعقوبه كلها اليوم يمج
«««ههه اي
جاوبتني واجت كعدت يمي مدت ايدها
وكامت تاكل وياي كالت
«،،جعت ومنظر الثريد لعب بمعدتي لعب
«««ههه اكلي ثارده جثير
«،،اعرفك جوعان
«،،لا خاف انتي الجوعانه
«««ههه اي وابنك وياي
«،،صدك اكلج شوكت نروح نشوفه شنو
ولد بنيه حتى نجهز اله
«،،مو كتلك ولد لان احب الحموضه
«««عوفج من سونار غاده خلينا ناخذ يم الدكتوره
ونشوفه ولد ولا بنيه
«،،واذا طلع ولد شتنطيني
««،ههه اطلبي وعيوني الج
«،،اوكي منا لوكتها من يطلع ولد اطلب
تمام بس شوكت
«،،الدكتوره هسه مسافره ترجع نهايه الشهر
بس ادوام احجز يمها ونروح عليها
««،اوكي هاج اكلي هاي اللحمه
وعوفي المخ اليه
«،،،،،كلك شراح نتعشه بابا وماما كالو
تعشو احنا راح ناكل بره
«،،العب اليوم عبالك الجو عدهم رومنسي
جاوبت وكملت
«،،خلي نطلب لفات صاج لحم
«،،ومقبلات هم بس مو هسه ساعه عشره
نطلب لان شبعت ومو مال
اكل وي العشه
«،،براحتج اني هم شبعت وعاشت ايد
خاله على هاي البنيه
«،،،اني سويتها
رفعت حواجبي وسالت مبتسم
،،صدك والله
«،،ههه اي بس ماما علمتني
«،،بس والله ضابطتها كلش
««،لعد شلون غير تعلمت من شيف ندى
ضحكت ورديت
««،عاشت ايدج ياشريان گلبي جايبتها عدل
واعدل من طبخ سعاد نفسها
«،،لو تسمعك الا تزعل
«،،لا ماتزعل عقلت الحجيه
خربت ضحك غمزت وكملت
««،شلون نومه هسه
««،اي والله اشو دخت من اللبن والثريد
«،كومي خلي احظنج ونام ساعه
«،،روح غسل وقفل هسه اجلف المواعين
واجي وراك
«،،تمام
كملت كلشي وصعدت لغرفتنا طبيت
هو متمدد ويثاوب فتح ايده
رحت تمددت يمي
حظني وكال
من شمني
بنفس
طويل
«،،ريحتج ثوم
«،«ههه جذاب لان ماسويت الثوم ماما
سوته
««ههه والله ريحتج ورد وهيل وعنبر
«،،قائد نام النعوسه اجت
«««اي والله وعيوني ثگلن عبالك
خاله منوم بالاكل وراح تبيعيني تفصيخ
«««ههه بس گلبك اخلي اليه
«،،هاي بس گلبي عزيز عندج
باوعت علي مبتسم والعيون طافيه
كلت
«««انت كلك على بعضك
عزيز وغالي عليه وغلاتك بگلبي
بس الله يعرفها
باسني من گصتي ورد
««تريدين الجواب قول لو فعل
«،،ههه لا قول ولا فعل نام
«««اطلبج بليل
جاوب يضحك حظني وره مشوار ثكل
راسي وغفيت
ارشد
نبهت على عم جمعه وكمال مايحجون الصار
لاي احد ومحد عرف بي
وذاك الگواد لا اجه
ولا حجه جلمه جنت اريده يجي
ويكعد حتى اشوفه اني منو وشأكدر اسوي
اله
بداخلي جنت خايف عليها منه شفته شلون
اجه وراد ينهبها وهالشي خبلني
وخلاني افقد العقل جتلته
ومابرد گلبي بي
وهي اخ منها تعبتني وخلتني اني العاقل اتصرف
تصرفات عمري ماجنت متوقع راح
اتصرفها
يومين صارن وهي لا دوامت ولا ردت خبر
وخفت اتصل واسمع رفضها
وذيج الساعه من
صدك اتخبل
عليها
وهم ماكدرت اسال ست اسماء لان لو اكو
شي جان هي اجت وحجت اليه
دحگت للساعه جانت بالعشره بليل فتحت
جهازي رحت للواتس صفنت
على المحادثات
وكلت
«،،يولي ريحي گلبي وعقلي وكولي اي
ذبيت حسره ورثت جگاره سحبت نفس طويل
جهازي دك گلبي فز من شفت
ابرهيم جاوبت بسرعه
«،،هلا ابو يوسف
«،،هلا شيخ
سامعين بالي يقره الوجه اني كمت اقره
الصوت كال يضحك
«،،البشاره شيخ ارشد
كمت لحيلي وجاوبته
«،،ابشر بالعز اخويه
«،،جنات وافقت
غمضت عيوني وابتسمت كلت
«،الله يبشرك بالخير
«،بس شرطت شرط واحد
«،،كول اسمعك
«،،لا هذا الشي اسمعه منها هي لان كالت
اني احجي اله
«،،تمام
«««مبروك شيخ ويوما اوكف بعقد زواجكم
«،ماقصرت اخويه وان شاء الله بشارتك
تجيك لبيتك وارد السويته
بزواج ولدك
«،،مااريد اي شي بس اكلك ديربالك عليها
هاي اختي وغاليه عليه وانت
تعرف الصار بيها واريدك
تعوضها وتصيرلها اهل
وسند
«،،ماراح احجي شي بس اخلي الايام تثبتلك
اني شراح اسوي الها وشلون
راح ادللها دلال
مو صاير
«،،وانت كدها شيخ
جاوبني وترخص وراح كعدت فرحان
ومبتسم مو مصدك هي
كالت اي
كلت خلي اتصل اسمع صوتها اتاكد هي
كالت اي من صدك اتصلت
ردت بصوت
ناصي
«،،هلا استاذ
ابتسمت وكلت
«،،هلا جنات
سكتت كملت
«،،واخير يولي كلتي ااي
ماكو رد كلت
«،،طاب گلبي من سمعها
«،«اني وافقت بس يعني تعرف الي بيه
قاطعتها وكلت
«،،اعرف اني ماراح اسمع جلمه احبك
بس اكلج شي راح ادكوليها
من گل گلبج بس
تشوفين دلالي
الج وحبي
الجبير
جاوبتني بصوت مخنوك
«،،ااني مااريد اي شي منك بس تخاف
الله بيه مااريد هم انصدم
بيك صدمه ثانيه
لان اعرف
بروحي راح اموت اذا صار
هالشي
««،اجعلي بالموت جنات اذا فكرت بيوم
اقهرج او اغدرج وابجي
عيونج الحلوه
حجيت وكملت
«،،انتي ماتعرفين غلاتج بگلبي ولا تعرفين
اني شراح اسوي الج
«،،،،شفت من رجعت اليه بيتي ووكفت
ضد اخويه من ضربني وضربته
ردت بخنكه وكملت
«،، شرطي الوحيد هو الوجاهه تجي لبيت ابراهيم مو بيت اهلي
شكرا لزيارتكم عالم روايات سكيرهوم
