رواية اغفري لي الفصل السادس والأربعون بقلم أوتار حزينة
لا أعرف الى اين ين يمضي طريقي
هل سينتهي بي إلى السلام ؟
أم ان الحزن سيزورني مرة اخرى
ويجبرني ان اغمض عيني وأبكي
أمشي بخطوات مترددة
كأن الارض تخشى ثقل قلبي
واحدث نفسي
كم مرة بعد علي ان اكون قوية
وكم مرة بعد علي ان ابتلع وجعي
وأبتسم كي لا يسأل أحد
لكن في داخلي نافذة صغيرة
تطل على حلم قديم
تقول لي لا تستسلمي
فربما يكون الغد
اجمل مما أظن
جنات
من رجعت لبيتي دزيت على اختي اجت
فزت من شافتني حجت
بخوف
«،،،ولج شبيج وليش هيج صاااير بيج
حجيتلها السواه كريم واستاذ ارشد صفنت
عليه مذهوله وصاحت
من لطمت خدها
«،،،ولج صدك تحجين خطفج واخذج
للبستان مالتهم
««،،اي اي وكتل كريم وتلازم هو ويا
،،عزه العزاني هذا كله صاير بيج واااحنا مندري
«،،شلون ويا دانيه هذا كام يهدد
بيه وشفتي شسوه
«،،سوالج شي لاا هو مو هيج شيخ واله اسمه
ومستحيل يسويلج شي
«،،ماسوالي شي بس حجه وياي ويهدد بيه
اقبل بي
بجيت وكملت
««،شلون عفيه لا هذا عايفني بحالي ولا هو
«««وماااراح يعوفج كريم ولا اهلج
صاحت بيه وكملت
«،،شفتي شسوه اجاج يريد ينهبج ياخايبه
لان يعرف اهلج مابيهم خير
ويكدر بسكتهم
بجم فلس
حجت هيج وكملت
««،،ولو ما شيخ ارشد يجي ويفكج منه
جان الله اليدري شسوه بيج صح هو غلط من
اخذج غصب بس السواه كله من حرگه
دمه لان شافه جارج ويريد
ياخذج بالقوه
سكتت هي انهدت
«،،ولج بعد شسويلج الرجال حتى تعرفين هو
متخبل عليج ويحبج هوايه
ومو اليوم لا من زمان
«،،خايفه دانيه لا هم يغدرني
جاوبتها بشهكه وكملت
«،،اني فقدت الثقه بهل الجنس من وره
السواه بيه كريم
«،،جناات مو كل اصابيعج سوه اكو الزين
واكو المو زين واني والله سويت
الج استخاره وشفت
كل الخير بهل
الرجال
سكتت بس دموعي تحجي كسره نفسي
من الكاعد يصير بيه كملت
«،،ولج بس فكري زين وشوفي هو شسوه الج
وهاي بس يحبج لا اكو شي يربطج
بي ولا انتي واعدته
بشي
صفنت عليها كملت
«،،رجع بيتج الج وكلما يشوفج ماتكدرين
ينطيج اجازه بدون ماتطلبيها منه وضرب
اخونا العار من شافه مد ايده عليج وهم
تعارك وي كريم من شافه يريد
ياخذج غصب هذا كله شنو جنات مو حب
واهتمام
مارديت كملت
«،،،وهيج واحد والله حرامات وارجع اكلج
اقبلي بي واكسري خشمه لهذا الشايف
روحه واحرگي كلبه هو واهله
مثل ماحرگوا گلبج
سكتت وكملت بتوسل
«،،جنات لاتضيعي من ايدج لان
هذا بس تاخذي،،،،،، راح يصيرلج
مو بس رجال لا سند وامان طول عمرج ومن تاخذي ،،،،منو بعد يكدر يحجي وياج لا اهلي
ولا كريم ولا اي احد راح يكدر يندك بيج
او يفتح حلگه بكلمه
تحجي واني اشوف الصار بيه يمر بشريط
سريع من كدام عيوني هو صورته
اوضح واقوه وسيطرت
على عقلي نزلت
راسي وبعد تردد
طويل كلت
«،،خلي ابراهيم يخابره ويگله ااني موافقه
الخبر وصله وخابر حجيت ويا
وكتله شرطي
ارشد
سمعت شرط جنات وكلت
«،،رغم الصار بيني وبين اخوج مااكدر افوتهم بهل
الشي ولازم اا
قاطعتني
«،،هذا شرطي تقبل بي اني موافقه ماتقبل
اتراجع بكلامي واعتبرني
مستقيله حتى من
الدوام
«،،لحظه يابه اعصابج مو هيج الحجي
«،،لا هيج لان اعرفك ماراح تعوفني بحالي
شفتك شسويت وتسويها بعد
لان انت مايوكف بوجهك شي
ابتسمت وسالت
«،،مااعرف ذميتني بهل الشي لو مدحتيني
سكتت كملت
«،هاهيه الي تريدي اسوي وعلى خشمي
وتأمرين امر جنات والوجاهه تجي لبيت ابو
يوسف وبيج خير وادللي
«،،استاذ
«،راح اظل استاذ بعد الصار والسويته
ماكو رد ضحكت وكملت
«،«تره اني وياج هسه بحكم المخطوبين وبعد
جم يوم راح تصيرين مرتي وتنورين
بيت
«،اروح
حجت وحسيت بيها متوتره وخجلانه كلت
«،،روحي يبعد الروح
سدت الخط وخلتني اسعد انسان بهل الليله
يمامه
جنت ملتهيه اجلف مواعين الريوك كملت اخذت
الخاولي ورحت امسح الميز والكاونتر خاله
طبت كالت
«،،، حنين يمه منير يريدج
خطيه جايبلج هديه على وكفتج وي اخوه وابن ميسون
«،،،خاله اني مااريد اي شي منهم كمت
استحي يوميا واحد جايبلي
شي
«،،عليش تستحين ليش انتي السويتي قليل
انقذتي ولدهم من الموت
وهم ناس تقدر هالشي
وشافوها جبيره
وكفتج الهم
سكتت كملت
«،،امشي ولا تفشلين الرجال وترفضين
هديته عيب منه ومن
اهله
ذبيت حسره وكلت
«،،تعالي وياي
«،«اي
مشت وياي شفت الصاله مگلوبه غراض
مطشره هنا وهنا
«،،تعالي بنتي
اخوه حجه وكمل
«،،والله اني ماعرفت شاجيب الج على
وكفتج الحلوه الي وكفتيها
لمهيب ولاحمد ودخت بس ام باسل كالت
اخذلها جهاز ايفون حديث لان كل
البنات تحب هالشي
مد ايده بعلبه كلت
«،،مايحتاج والله اهلك ماقصرو عمو
ماريا اخذته منه وجابته اليه كالت
مبتسمه
«،،،،اخذي لا اروح اخذه ااني
«،،،ههه على اساس جهازج مو مثله
عضت شفه لابوها سكت مبتسم
«،،اخذي يمه انتي تستاهلين مي العين
الحجيه حجت اخذته منها وكلت
«،،،،شكرا عمو
«،،،ادللي بنتي
اخوه مفيد حجه
«،،اني ماجبتلج شي بس كلت لام رواد
تجيبلج منا فد شي غالي
«،،اعتبره وصل والله ماريد اي شي منكم
عمو وخاله ماقصرو ولا ام
احمد وهم عمو منير
ماقصر وجاب
شي غالي
«،،،،الغالي يرخص الج عمو
الحجي جاوب عيوني غوركت وماكدرت
احجي شي نسوانهم ووبنته
هدني،،،، عطور غاليه وجنط
واحذيه وملابس ماريا
هدتني سيت فضه
كلاده ومحبس وتراجي وياره
صندوق مجوهرات من افتحه يدك موسيقى
مااجذب فرحت بهل الهدايا
كلش وهم مانسوه
خاله ام ياسين
وهم جابولها هوايه هدايه الها ولابنها
وانطوها فلوس
خليت الهدايا بغرفتي طلعت باوعت لغرفته
اليوم ماطلع ولا شفته تريك
بغرفته وهم مااكل
غير شي قليل
طلعنا جدرين الدولمه وخليناهن على الطباخ
جان ماعدنا شي رجعت رتبت
الغراض بالكنتور
وفتحت علبه الجهاز صافنه علي واول
مره الزم جهاز حديث مثله
وهيج غالي
بس ماعرفت اشغله ولا جنت اعرف اسوي
حساب عفته على الكومدي شلت
يمامه من كعدت
جانت عدها خصله
نافره من انزلها توكف كمت اشدها بشريط
نفس لون الثوب الي تلبسه
طلعت شايلتها ماريا بس شافتها اجت
بسرعه اخذتها مني وكالت
«،،،سويت بيبي
ماافتهمت ضحكت وحجت
«،«يعني طفله حلوه
«،،ها
«،،،امشي يم جدو منير خلي يلعب وياج
اخذتها للاستقبال آسر سال
«،،سويتي جهازج
«،،،ها لاا
«،،،جيبي خلي اسوي الج
«،،،،،تعرف
«،،ههه لا راح اخربه الج
«،،،كاعد يشاقه وياج
اخوه حجه مبتسم
«،،،،هسه اجيبه
رجعت للغرفه اخذته من الكومدي ورجعت
علي انطيته اله كال
«،،اكعدي يمي حتى تعرفين الحساب مالتج
وانزلج التطبيقات الي تريديها
كعدت مسافه عنه هو جان بگبر منتضر
اخويه بس اضعف منه وناعم ولابس مناظر
بس باسل بكبري وضخم
مثل عمه مهيب
«،،،،لازم تخلي الها رقم
اخوه حجه سالت
«،،،شنو رقم
«،،،رقم اسيا
««،ها عندي بجهازي
«،،،جيبي خلي اطلعه واخلي بالجديد
كمت رحت لغرفتي جبت جهازي
الصرصور ورجعت علي
شاف ضحك
وكال
«،،هههه هذا بعده عايش
باسل هم ضحك وكال
«،،ماانقرض الديناصور
ابوه صاحه كام من يمنا وراح علي
آسر خله الرقم وشغل الجهاز سوه الحساب
وسألني
«،،شتريدين انزل الج تطبيقات
جنت اشوف بجهاز خاله اكلات بالتك
توك كتله نزله اليه
«،،،تمام وراح اسويلج فيس
هم بس شتريدين
اسميج
«،،،مااعرف انت بكيفك
،،،سميها سحر العيون
رفعت راسي من سمعت صوته جان
طالع من غرفته ويباوع علينا بنفس الملامح المقهوره كمت بسرعه وكلت
«،،،كمله وصيحني
«،،،تمام راح انزلج انستا هم
«،،،اي
جاوبت آسر
ومشيت بسرعه من يمهم طبيت المطبخ
گلبي يدك سريع خايفه لا يجي
يوم ويطك بوجهي ويسمعوا
اهله
اعرفه مخبل واعصاب ومايهمه احد والي براسه
يسوي لو كلها وكفت بوجهه وخفت
كلش من هاي اللحظه
خاله ارؤى طبت كالت
«،،،راح اسويلكم اطيب زلاطه تاكلون اصابعكم
وراهم
«،،لاتعبين روحج اني اسويها
ابتسمت وكالت
«،،،ماكو تعب تره خالتج ام بيت معدله وتحب
شغل المطبخ
«،،اني هم احب اوكف واسوي اشكال الوان
«،،،اي كالت عمه انتي معدله بالطبخ وهاا
صدك هم كالت المعجنات والكيك
الي تسويهن طيبات كلش
واطيب من مال
السوك
«،،مااعرف والله بس اكلي من الكيك العصر
وكولي رأيج
«،ههه هو هم هيج
جاوبتني وسالت
«،وين خالين المعجانه
«،هنا
فتحت باب الكاونتر طلعت وحده وانطيتها الها
راحت للثلاجه طلعت خيار وطماطه وفلفل
سالت
«،،عدكم ذره
««،«اي بس علب
«،،،،عادي طلعي اليه اثنين
«،،تمام
«،،واريد بصل هم
«،،،هسه اجيبه من المنور
جاوبتها ورحت للصاله جان ماكو اسر كال
«،،حنين سويت الج الفيس وسميته سحر
العيون وهم الانستا سويته
نفس الاسم ونزلت
الج الواتس اب والفايبر تريدين
شي بعد
«،،لا تسلم
رحت اخذته منه ورجعته للغرفه مشيت
للمنور فتحت الباب طلعت سمعت صوته اجه
من الشباج يحجي
بتعب
«،،،،تعبان قائد وراح اطك من قهري
سكت وكمل
«،،اخ ولك شفت حظي شلون وكعني
وخلاني احب وحده ماتحبني
حجاها واختنك ردد
«،،،،شاسوي گلي يول اذا ماااخذتها اموت
والله مااظل بهل الدنيا
عيوني غوركت ودمعتي نزلت كال
«،،،اعرف والله اعرف الي خلقها خلق غيرها بس
اني مااريد غيرها اريدها هي ولك
قائد راح اتخبل شبيه
اني وماتحبني
شبي ياربي حتى ماتشوفني بنفس
عيوني الجاي تشوفها
سكت وطول بعدين كال
«،،مااكدر اعوفها ولا حد يگلي هالكلمه اتخبل
منها اموت ومااعوفها لو اخذها
لو اظل للموت اعزب
سحبت روحي ورجعت رحت غسلت وجهي
مااريد احد يشوف اثر الدموع بعيوني
مشيت للمطبخ طبيت
خاله ارؤى كاعده
تثرم وتحجي وي خاله سالت
«،،ها وين البصل
من الي سمعته نسيته
كلت
«،،ها التهيت بشغله هسه اجيبه الج
«،،اني اجيبه يمه انتي حضري الخبز والخضره
خاله جاوبت وراحت تجيبه
حضرت كلشي بالي مشغول بي خلينا الغده
خاله اعتماد ماقبلت اخذ يمامه وخلتها بحظنها
عمو طلب مني اكعد وياهم ومافشلته
كعدت بس خجلانه منهم وهم
مالي نفس اكل شي
من وراه هو ماراد غده اخوه منير سأل
«،،،يابه شبي مهيب احسه مو على بعضه
عمو ذب حسره وجاوبه
«،،من انضرب الدكتور كال النا راح يصير
عنده تعب على غفله وهبوط قوي
وقله شهيه وهالشي
كمنا نشوفه بي
بهل الايام
«،،صدك تحجي يابه وشلون عايف بهل الحاله
جان كلت حتى نطلعه للخارج يشوفون
حالته
«،،،ابني احسن دكتور شافه واشرف على
وضعه ودكاتره من الخارج هم شافوا
وكلها كالت نفس الكلام كالو
مساله وقت وهو يرجع
مثل الاول
جاوب منير الحجيه حجت بقهر
«،يمه اخوكم صوابه مو هين الله فگه من الموت
الطلقه اجت عن گلبه مسافه
قريبه كلش والله ستره
ومامات
عمو كمل
«،،اي لو ما الله وهالبنيه
اشر عليه وكمل
«،،،الي وكفت بوجههم من رجعو يريدون
يخلصون علي جان اخوكم
هسه جوه التراب
«،،لا اسم الله علي
خواته ونسوان اخوته حجن عمو
مفيد كال
«،،يابه خلي نحجزله بدوله شويه الطب بيها
متقدم وناخذه الها
«،،،هو مايقبل كتله قبل فتره كال اني مابيه
شي اثر اصابه وبعدين تروح الاعراض
«،،يمه مفيد اخوك راسه يابس ومايسمع
الكلام
«،،تعلميني بيه يمه من هو صغير مخبل وعصبي
كلش ومايسمع الكلمه لا من جبير
ولا صغير
عمو منير كال
«،خلي اكعد ويا واقنعه نسافر بي اني ومفيد
«،،،،،اي ابني احجو ويا ولو اني اعرف راح
يرفض ويركب راسه
عمو جاوب صارت لحظه صمت ماريا
سالت
«،حنين شلون وكفتي بوجهه ذوله العصابه
يعني ماخفتي لا يضربوج
«،،،لا ماخافت ولو شايفتها بالتصوير الا
تتعجبين من قوتها وشجاعتها
ام احمد ردت
«،«يااا اكو تصوير الها
صاحت هي ويارا عمو رد
««اي الكامرات الي بره صورت الحادث من
صار
«،،،،جدو نريد نشوفه
««اي والله اني هم اريد اشوف شصار بذاك
اليوم
آسر حجه هو ورواد رد عليهم
«،،،،بليل ذكروني اشوفه الكم
«،،،،تمام
كمت الحجيه كالت
«،،،مااكلتي يمه
«،،،،،شبعت والحمد لله
«،،،،الف عافيه وعاشت ايديجن على هاي
الدولمه
«،،،،الف عافيه يمه
خاله جاوبت ام باسل رحت للمطبخ طلعت
مشيت للصحيات البره غسلت
وكعدت بالحديقه
السما مغيمه والجو بدل وصار بارد صافنه
ومقهوره منه خايف لان وضعه كام يلفت الانتباه اله وهم خفت لايصير بي شي
من وره قهره ويتأذون
اهله لان اعرفهم
متعلقين بي
كلش
عيوني غوركت اسمع صوته باذني شلون
يحجي بقهر وحرگه دم وي
صديقه ويشكي اله دموعي نزلت
حسيت بخنگه بصدري اريد
احجي اگله اني منو وبنت منو والدنيا
شسوت بيه وشلون خلتني
اشرد من ظلم اهلي
وقسوتهم
بس اعرف راح اوكع من عيونه بس،يعرف كلشي،،،عني لان الناس مقامات واهله
مو شويه ولا هو
«،،يمه حنين تعالي اخذي يمامه تريد
تنام
سمعت صوت خاله كمت مسحت دموعي
ورجعت للمطبخ طبيت كالت
«،،روحي اخذيها اني اجلف المواعين
«،،،،لا وروح امي اني اجلفهن
خاله اعتماد حجت ووخرت خاله كلت
«،،هسه اني افض شغل المطبخ بس
انيم يمامه
««لاا ابدا اني اجلف انتي ارتاحي اليوم
تعبناج كلش انتي وخاله
ام ياسين
«،،لا يمه تعبكم راحه
سمعت يمامه تبجي كالت
«،،روحي عليها
«،،،،اي
مشيت من يمهن ورحت عليها جانت بحظن
الحجيه كالت
«،،تعالي يمه اخذيها تعبت خطيه وتريد
تنام
اخذتها منها شفت ابنها منير ومفيد
طبو علي هم وابوهم تعبت من التفكير
والقلق والخوف الي صيطر
عليه من وراه
ومشيت بسرعه لغرفتي طبيت وسديت
الباب ورايه يمامه تبجي
واني وياها
حاولت اهدأ اصيطر على نفسي بس
ماكدرت سويت ممه مااعرف
شلون كعدت
ارضعها
شربتها وغفت صفنت عليها مقهوره وصايره
فد مره احجي وياها
««،اني مو مكتوب اليه الراحه بس ارتاحيت
وضحكتلي الدنيا طلع هو وكال احبج عاف كل
بنات العالم وجلب بيه اني الي يعرف
بيه خدامه الارمله و بركبتها بنيه
سكتت وكملت بقهر
«،،ولو يدري بيه اني بنيه
ومو مزوجه والله لا يتخبل عليه
وياخذني من صدك
غصب
شفته بين عيوني شلون يحجي ويهدد ويكزكز من غضبه وحاجيته بخيالي بدموع
«،والله اريد اگلك اي لان عرفت بيك تحبني
من صدك واعرفك راح تصير اليه
سند وامان بهل الدنيا الغبره
بس ااخ بس تعرف اني منو
وبنت منو انت بنفسك
راح تطردني
من بيتكم
شهكت بصوت مكتوم وكملت
««،واني مااريد هالشي مااريد اوكع من عيونك
لا انت ولا اهلك ولا اريد اخسركم
لان اعرف بروحي
مالي غيركم
سكتت من اختنكت بالبجي خليت يمامه
على الجربايه مالتي وتمددت
بصفها صافنه
عليها ودمعتي بعيوني جنت مو دايره
بال لروحي شايله همها هي
اذا انهزمت منا راح
تتبهذل ويجوز
تروح من ايدي
حظنتها لصدري اذكر اختي شلون ماتت
بين ايدي روحي انقبضت وزدت
بالبجي
ارشد
كعدت وي ابويه وامي واخوتي يمي
هم وريهام كلت
«،،،يابه ابو يوسف خابرني وكال جنات
وافقت عليه واريد هالخميس
اعقد عليها
«،،شنووو
امي صاحت وكامت لحيلها كملت
بعصبيه
«،،،يعننني تكسر كلامي ارشد
«،،،خااالده
ابويه صاح وكمل
«،،،،،صووتج جاااي يعلى جثير هالايام
«،،ماسمعته شحجه ماا
ضرب الطبله بأيده بقوه وكام لحيله
وكال
«،،،چلمه ماااسمع منج
«،،،لييش
«،،،صوووتج ولج
صاح بصوت رج البيت سكتت
«،،مووو رجال اني كدامج طرطور كاعد
«،،،حشاك يابه
جاوبته واخوتي هم كمل
«،،،اياااج بعد اسمعلج صوت او تعارضين
بجلمه
«،،،ااي ادري شبيهن بنات ااخوتي لو خواتي
«،،،،مو اخذت بنت اخوج وشفتي شسوت
بيه
جاوبت بغضب ابويه اشر اليه
سكتت هو كمل
ااانتي الي مثلج ماتحجي ولا جلمه ولا
تفك لسانها
ليش شسويت ااني
جاوبته رد بغضب
«،،،وتسـألين وانتي الي دگيتي رجل على بنت
اخوج وبنتج الجبيره كالت الج هاي صغيره
وطايشه وخفيفه وانتي
مافاد بيج الحجي
والا اخذتيها اله وشفتي شصار بينا
من وراها
امي ماحجت هو كمل
«،،اسمعيني زين يالجبيره يالسويتج شيخه على
النسوان اني بعد مااخذ لولدي
من ملتج ولا انطيهم
«،،هي بس هااي غلطت
«،،اي وغلطه تنكست بيها عگل
رد عليها وكمل
««غشيمه انتي عن الصار ماشفتي ابنج
شصار بي ولج مااات والله
حياه ورجعه النا
غمضت عيوني مااريد اذكر ذيج الايام
كمل بغضب
«،،،ولج والله لو اعرف الغيب فلا اخذله
هااي الساقطه والا ادك رجل
على هاي البنيه واوكع
ماي وجهي
حتى بس
تقبل بي
حجه هيج وكال
«،،،،شوفي فرحان وهاي اول مره اشوفه هيج
تجيني ااانتي الي اسمج امه
وتريدين تكسرين فرحته
لييش
«،،،،اريدله بنيه
«،،،،واني مااريد غير جنات
جاوبت باصرار ابويه رد
«،،وتااخذها غصب عن الكل
دحك الها وكال بامر
«،،،وانتي الي تمشين عليها وتاخذين وياج
وجاهه نسوان ترفع الراس
دارت وجهها نتر بغضب
«،سمعتتتي ولج
«،،سمعت
«،جلمه زايده وي ارشد اشوفج وجهي الثاني
وانتي تعرفي خالده وتعرفين
من اغضب شاسوي
امي بعد مالها صوت ولا كدرت تحجي جلمه
ابويه كال
«،امشي للمجلس
مشيت ويا ورحنا للمجلس كعدنا هناك
شربنا كهوه وهدأ شويه
سال
«،،،،انت مو مجاتل وي اخوها شلون
راح تخطبها من اهلها
«،،،هي وافقت بس بشرط
«،،،،وشنو شرطها
«،،،كالت مااريدك تروح لاهلي تجي تخطبني
من رجل اختها ابو يوسف
«،،،شلون يصير هالحجي ياابني مو كتلك
راح يحگونا بهل الشي
«،،،،يابه هي ماتريد نروح لاهلها لان مجاتله
وياهم وو
اشر سكتت كال
«،،ابو المثل يكول اهلك اهلك لو للمهلك
يعني ياابني ذوله يظلون اهلها لو شما
سوه بيها
«،،،،زين شلون يابه وهي خلت هالشرط
سكت بعدين كال
«،،،،عوفني اني اتصرف
«،،،شراح تسوي
«،انت تعرف بعدين
«،،يابه اني يعني مااريد اخسرها لان هي
وافقت بصعوبه
دحك عليه ورد
«،،ماراح تخسرها ابني وهالخميس راح
تعقد عليها ويفرح گلبك
جنت اعرف ابويه مو شويه ويكدر يحل
اكبر مشكله عفت هالسالفه اله
وخليته هو يصرف
جنات
اسماء عرفت بموافقتي على ارشد وفرحت اليه
كلش واختي من خوفها لا ارجع بكلامي ظلت يمي
هي وابراهيم وولدهم مااجذب
جنت ندمانه لان كلت
اي وخفت من هاي
الخطوه كلش
بين هالشي بيه من عزلت روحي بغرفتي
وصافنه مره اكول لا هو مو مثله
لان شفت شسوه اليه
وهو يحبني من
زمان
اذكر كريم شلون ذبح روحه عليه وسوه
المستحيل حتى اقبل بي
وتالي غدرني وكسر
گلبي
اردد ارشد مو مثله اي ماراح يغدرني
لان هو مثلي هم انغدر من اقرب الناس،اله
ويحس بنفس وجعي
جهازي دك جان هو ماجاوبت من وره
ارتباكي وتوتري دز رساله
فتحت الشاشه قريت
«،،ظل بالي عليج واتصلت واكيد
مو مثل كل مره تجاهلتي
اتصالي
اللخ اجت
«،،،جنت اريد احجي وياج بجم شغله
وياريت تجاوبيني من اتصل
مره الخ
اتصل ترددت بعدين فتحت الخط
ماحجيت شي كال
«،،شلونج يالمتعبه گلبي
رديت
«،زينه
«،،،،كلت هاي رجعت بكلامها وراح تضربني
بوري معدل
حجاها بضحك وكمل
«،،،،اذبحج اذا سويتها
««،ماراح نبطل تهديد
جاوبته بضوجه خرب ضحك وهاي
اول مره اسمعه يضحك بهيج صوت رد
«،،،،توازيني يولي اهدد واذبح
سكتت كمل
«،،نسوان ماتجي الا بالعين الحمره
«،،كلت عندك حجي
«،،اي وجثير حجي بگلبي اريد احجي
الج
الصوت تغير وخلاني اتوتر بعد اكثر
كمل
«،،قاموس صاير گلبي ويحجي باكثر من لغه
ويكول اني حبيتج حب بس
الله يعرفه شكبره بگلبي
مارديت كال
«،،،،ردتج من الله قبل خمس سنين بس
ماصرتي اليه وهسه جبر
خاطري يولي
وراح تصيرين اليه وبأسمي
«،،ليش مانسيتني
مارد كملت
«،،يعني تره خمس سنين مو شويه والواحد
لو ميت اله ميت ينساه ويعيش
حياته
«،،،اني ظليت وراج وادور اخبارج بس من ازوجتي
كلت بعد مايصير اتبع اخبارج عيب
بحكي اسوي هيج وانتي
صرتي مره رجال
ثاني
حجه بخنكه وكمل
«،،،وازوجت بعد ماگطعت النفس منج وظليتي
سنه تروحين وتجين براسي والدنيا
اخذتني ومااجذب عليج
نسيتج بس
جنتي تمرين خطف كل فتره
ومن صار بيه الي
صار كرهت الدنيا وكرهت
حتى النفس
الي جنت اخذه غصب حتى اكدر
بس اعيش
حجه هيج وحسيت بي اختنك كمل
«،اني ماعشت لروحي عشت لولدي هم الي
خلوني اوكف على رجلي من جديد
صح جنت مكسور من جوة
بس كابرت جنات ودست
على جرحي من وراهم
وهم من وره كبريائي
اني كرجل وشيخ
دموعي نزلت من حسيت بوجع بكلامه
كلت
«،،انت ماتستاهل الي صار بيك
سكت بعدين رد
««العوض بيج انتي عوضيني جنات واني
هم راح اعوضج واصيرلج مو
بس ابو بيتج لا رجال تتحزمين
بي جدام الكل
«،،واني مااريد غير بس تصيرلي سند وامان
«،عند عيناج يولي اصيرلج سند وامان طول
العمر
ترددت بعدين كلت
««انت تعرف اني مايصير عندي اطفال
يعني اا
«،«اعرف ماراح اكلج مايهمني هالشي لان اعرفه
يهمج الج والي يهمج يهمني
رد هالرد وكمل
«،،،وين ماتردين اوديج حتى يصير عندج
طفل وتفرحين بي
«،،واذا ماصار
جاوبته بدموع رد
«،امر الله بعد واني مو محروم عندي ولد وبنيه
وهذوله بس تاخذيهم لحظنج راح
يصيرون ولدج وذخر
الج طول
العمر
سكتت سال
«،،،جنات اني يعني مااريد افرض ولدي عليج
«،،،ولدك ولدي واتمنى من الله يحبوني لان اني
احب الجهال كلش
كمت ابجي بشهكه
«،،،لاتبجين يايابه والله ماراح اخليج محرومه
من الضنه والا اوديج لاحسن دوله
واخليج تصيرين ام بأذن
الله
جان يحجي بحنيه وخوف واثر بيه كلش
بس اني ماكدرت استمر بالكلام
وكلت
«،،،اروح
سكت بعدين رد
««بس اسكتي والله راح يظل بالي عليج
والنوم راح يجافيني
كلت بصعوبه
«،،،اترخص منك وتصبح على خير
ذب حسره وجاوب
«،،،وانتي من اهل الخير
سديت الخط وصفنت بدموع على اسمه
اجتني رساله وره لحظه فتحتها
كاتب
«،،لاتبجين يبعدهم والله عيونج حلوه
وجاي تاذيها بهل الدموع
الخ اجت
«،،مشتاگ لضحكتج القديمه واريد
اشوفها مرة الخ
كتب وطول
««،اول مره من شافتج عيوني جانت بالمصرف
القديم الي جنتي تشتغلين بي
طبيت اريد اشوف صديق
اليه وشفتج واكفه
وي وحده تضحكين وجنتي مفرعه وشعرج
مهدود واسود سواد الليل اول
ماوكعت عيوني عليج رجلي
ثكلن وآسرتي عيوني
كتب هالكلام وكمل
«،،ظليت صافن عليج وحسيت بگلبي انخطف
مني بلحظه وعيوني عشگتج عشك
مابريت منه لحد هاي
اللحظه
اقره ودموعي تنزل لان تندمت رفضته اله
وقبلت بكريم كمل
«،،جنت مااصدك بالحب من اول نظره بس
لا طلع صدك هالشي لان شفت روحي
شلون حبيتج من نظره
عين وماراح ارتاح جنات الا وانتي
بيتي وباسمي وادعي من
الله تمر هاي الايام
بسرعه ويجي
الخميس حتى اعقد عليج واسمع
مبروك وشايف كل الخير
واشوفج جدامي مرتي حلالي وذيج
الساعه من صدك اكول الله جبرني
وانطاني الي رادها گلبي
جان كلام حلو واثر بيه كلش بس ماكدرت
ارد علي مشاعري جانت مخربطه
ومااعرف احساسي شنو
خوف توتر ارتباك وخايفه من اهلي
لايفشلوني كدامه وكدام اهله
بس مابين منهم شي ولا امي خابرت
ولا اجت تفاجأت من ابراهيم
طب المغرب كاشخ
كعد وكال
«،،،جنت يم اهلج
«،،خير شسوي يم اهلي
سالته وباوعت على اختي حسيت اكو
شي صاير وهي ماحجت اليه
رد
«،،،،اليوم شيخ تميم اجه هو واخوه وطلبج
من عمي
صحت بغضب
«،شنوو بس اااني كتله مااريد تخطبني من ااهلي
كتله يجون عليك
ابراهيم اشر بايده سكتت كمل
«،،جنات اهداي واسمعي الكلام للاخر
«،،،شاسمع ابو يوسف اني خليت شرط يله
وافقت علي وهو ماسوه الي ردته
«،،،،اسمعيني الله يخليج وافهمي مايصير
هالشي لان ذوله اهلج وهم شيوخ ويعرفون
الاصول ومايريدوهم يحگوهم بشي
جدام العالم
«،،،روح كله ااني رجعت بكلامي وماراح اقبل
بي
«،،،،هي لعبه جنااات
اختي صاحت بيه وكملت
«،،،لعبه الرجال بايدج مره اريده مره لااا
«،،ما شفتي شسوه
صحت باعصاب ابراهيم رد
«،،جنات السواه شيخ ارشد وابوه هو الصح
«،،،،ااني مااريد الهم هالشي ردت رفعه الراس
الك انت
جاوبته وكمت ابجي
«،،،انت الي تستاهل هاي الوجاهه مو هم
«،،يابه راح تجي الوجاهه ليم بيتي مو بيت
اهلج
صفنت علي من رد هالرد كمل
«،،،،شيخ تميم حجه وي عمي وكله بنتك تريد
المشيه يمي وهو مااعترض ولا يكدر يعترض
«،،،اي وين لاكيها راح يناسب شيوخ
اختي حجت وكملت
«،،،بس اتمنى مايحجي شي ويفشلنا كدامهم
ولا يطلب مهر عالي ويخليهم
يحسون احنا طماعنين
بيهم
«،،شفت ابو يوسف هاي الخايفه منه
«،،شيخ تميم هو فضها وخله المقدم خمس
وعشرين مليون والمؤخر ثلاث كيلوات
ذهب
«،،،شنووو
اختي عاطت اني صفنت علي كمل مبتسم
«،،شيخ ارشد راد هالشي
اختي باوعت عليه مصدومه كالت
«،،،هسه ابوج انجلط
«،،هههه ولج والله عليج سوالف تخرب ضحك
ابراهيم حجه خربان ضحك هي
ابتسمت وكالت
«،،،مو تعرفه ابو فليس هو وذاك ها صدك
ومهند وين موقعه من الاعراب
«،،،،ساكت ماحجه شي ولا دخل
«،،،ههه هذا خاف منه
«،،اي مو صگره بذاك اليوم
ابراهيم جاوب اختي وكمل
«،حضرو روحكم باجر يجون النسوان عليكم
«،،اشو الرجال مشت قبل النسوان
اختي سالت رد
«،،مو تعرفين المشكله الصارت وشيخ تميم
راد يطيب الخاطر حتى عاد تجي
النسوان
«،،،،ها هم صدك
واجني امه وخواته وعماته وياهن المره
نفسها الي حجتلي قصتها شفت الفرح بوجهن بس
امه جانت مبين عليها ضايجه وجايه غصب امي
اجت بس اختي وصتها ماتحجي اي
شي على المهر وماتطلب
شي
جانت فرحانه بهل النسب وجاملت هوايه
او نافقت واني ماحبيت هالشي
خصوصا شفت امه ما بلعتنا
ولا حاولت تجامل
من طلعن من يمنا كالت
«،،شفتي امه عبالك مو راضيه
ياخذج
«،،ماعلينا بيها علينا بي هو رايدها وذابح روحه
عليها
«،،والله اني ماارتاحيت الها لان مبين عليها
گويه وشايفه روحها
اختي باوعت عليه ضايجه ردت
«،،،،هي راح تاخذ ابنها مو هي
وسمعتي اخته كالت بيتها وحد يعني
ماراح تگابلها وتكعد
بنفس البيت
«،«اي بس بصفهم يعني تكدر تجي وتروح
عليها
«،،استغفر الله ياربي شبيج يمه بعدنا
باولها وبدت سوالفج
«،،ولج اني شايله همها لاختج
«،،لاتشيلين همي
جاوبت بروده وكملت
«،اني اعرف اتصرف وادبر حالي
سكتت بعدين سالت
«،اكلج شراح تسوين بالمقدم
«،،اجهز روحها غير
اختي ردت سألت
«،،بكل هااي الفلوس اجهز روحها
«،لا يمه تشتري اكثر شي ذهب والباقي
اجهز روحها ملابس
ضحكت وكالت
«،ماتذكرين امج بمحبس جنات
ذبيت حسره وجاوبت
«،،من اجهز اشتريلج
فرحت وكامت باستني ودعت اليه صفنت
على حال الدنيا وكلت
ذاك اليوم جانت تدعي عليه وهسه بس
كلت اخذلج محبس ذهب كامت
تدعي اليه
غاده
خاله نعمه طلبت مني اجي وياها هي
وبيبي وعمه حتى نطلب ايد سجى لموسى
وماكلت لاا ورحت وياهم وخطبنها
اله وتحدد مشيه الرجال
بهل الخميس
رجعنا للبيت وكت مغرب شفت سياره حمزه
جان راجع من الشغل نزلت اني وعلوش النايم طبينا ورحت لغرفتي فتحت الباب كاعد
يحجي بجهازه ذبيت العبايه
اشرت اله بعيوني مبتسمه ابتسم واشر بايده
رحت خليت علي بجربايته وغطيته
مشيت للميز ذبيت الشال هو كمل وسد
الخط سال
«،،ها شصار على سالفه موسى
،«،،ههه كل خير
جاوبته ورحت كعدت يمه وكملت
«،،تره الشغله مرتبه بين خاله نعمه وخاله امنه
واحنا رحنا بس هيج صوره وصوت
حتى يكلون اجني نسوان بيت
حجي هادي وخطبن
سجى لموسى
ضحك ورد
«،اعرف ام لسان بس اسالج ماحجن بالمهر
«،،لا خاله امنه كالت يگبع وياخذ موسى يستاهل
وخوش ولد وابن اختي واعرفه راح
يخاف الله بنتي
«،،ابن عمي مهدي بعد خلقه واخلاق
«،،اي سيمائهم في وجوههم الطيبه والسمعه
الحلوه سابقتهم يم الناس
كمت وكلت
«،،اروح ابدل واطلع اسوي العشه
«،،لاتعبين روحج جبت دجاج شوي
«،،كفوو منك
جاوبته وبسته من خده وخرت جرني علي
وكعدني بحظنه ضحكت وكلت
«،،حمزه اكعد راحه مو وكتها
رد يتفرس بملامحي
،،،طالعه حلوه بهل الثوب
«،،اسكت تره مقهوره
«،ليش بويه من شنو مقهوره
«،،،،شوفه جان زين عليه لبسته اليوم وتفاجأت
بي ضيق عبالك سمنانه
«،،،،بله كومي خلي اشوفج بي
كمت من كل عقلي وكفت كدامه كال
«،،افتري
افتريت كلت
«،«شفت موو
سكتت من شفت العيون ذبلت والنظرات
تغيرت حجيت بضوجه
«،،والله نيتك ابدااا مو صافيه
«،،«ههه لا خابطه
جاوبني وكام لحيله يباوع عليه بنظرات
الافتراس كلت
«،،،،حمزه اكعد راحه
«،،واذا مااكعدت شراح تسوين
حجه هيج واجه عليه لزمني دنك يريد
يبوسني الباب اندك
ضاج وكال
«،،،،منو
«،،،اني
جانت عمه رقيه راح فتح
الباب وكال بفرح
«،،هلا يمه
طبت وكالت بتردد
«،،اجيت احجي وياك بسالفه
«،اي تفضلي
طبت كعدت على القنفه هو يمها باوعت عليه
بعدين حجت
«،،اني يعني اريد احجي وياك بسالفه
بس الي اريده منك ماتصير
عصبي ولا ضوج
«،،،خير يمه احد غاثج مگدر حالج من بيت
اهل عم زاهد
««لا حمزه محد غاثني منهم الناس خوش ناس
والشغله ماتخصهم تخص
سكتت وكملت
«،،،،زهره
الملامح تغيرت بسرعه ودار وجهه منها
كام لحيله يباوع عليه بخزره وكال
«،،انتي حجيتي الها الصار بيني وبينج
عمه كامت وكالت
«،غاده ماعليها زهره هي الي اتصلت عليه وتوسلت
بيه احجي وياك حتى ترضى عليها
«،،ماااراح تفض هاااالسالفه عاد
صاح بغضب ونتر بيه
«،،كووول لاخوج خلي يگضها لااا انه
اعرف شغلي وياها
«،شتريد تسوي حمزه تذبحها وهي تريد بس
ترضى وياك وتسامحها
جاوبته بعصبيه تخبل وانهد بيه
«،،اااي ااذبحهااا اذا ظلت تلح
«،،،يمه لا تذبح ولا بعد نحجي بهل السالفه
عمه ردت بخوف بيبي طبت وكالت
«،،البنت مالها غيرك وكسرتها جبيره
«،،،هييي الي كسرت رووحها
صاح بيها وكمل بااعصاب
«،وكسررتني انه وياااها
«،،حمزه لاتصيح وافهم البنيه مالها غير
اهلها
««،هذااا الكلام كووولي لرووحج
قاطعني بغضب وكمل
«،،ليييش،انتي ماتروحين لاهلج ولا كلتي
بيوم اريد اروح عليهم
درت وجهي منه كمل
«،شفتي بعدج موو ناسيه السوه بيج وجاااين
صاح بعصبيه ووجه صاير دم
«،،جااين تريدوني اانسى السوته بيه نسيتوا
الصار بينا نسيتي يمه شلون غديت
من وراها
سكت ينهد من غضبه وكمل
«،ولكم باي عين تريد ااسامحها وانسى
السوته وانه لحد هسه ماطبت
من جرحها
الكل سكت اشر بايده على بيبي وعمه
وكال
«،،هااي اخر مره اسمع اسمها بهل البيت
اخر مره تحجون وياي بسالفتها
واذا انعادت سيرتها
جدامي وحگ هو الله ماتعرفون شراح
يطلع من ايدي ولا تعرفون
شراح اسوي بيها
حجه هيج وطلع من يمنا يمشي بسرعه
بيبي كالت بقهر
««هاي الي تكسر اهلها مايظل عدها بخت يمهم
ولا راح ينسون الها السوته لو مرت
عگود
«،والله ماردت احجي ويا بس هي لحت عليه
وشفتها صايره فد مرة من وراه
عمه ردت مقهورة ومن وره الصار ماظلت يمنا
ولا تعشت رجعت وي عمو زاهد
من اجاها
من طلعنا وياها شفت سيارته موجوده كلت راح للبستان وتأكدت من سالت جعفر كال
شفته راح اله
خليت العشه خابرته تليفونه يطلع مغلق ذبيت حسره بيبي كالت
«،،عوفي يمه هو من يهدأ يعكب لبيت
«،،هاي السالفه ماعاد تفض
جعفر حجه بضوجه من عرف عمه رقيه حجت
ويا بموضوع زهره كمل
««انتو تعرفو يتخبل من سيرتها بعد شكو تحجون
بيها جدامه
رانيه ردت
«،«خطيه هي تندمت وعرفت غلطها وماتريد
بس تسامحوها وو
خزرها سكتت كال بغضب
«،المن نسامح ولج هاي الي خلت راسنا
يطيح بالوحل
««كافي يمه لايجي جدك من بيت مهدي ويسمع
وهو صارله جم يوم ضغطه صاعد
ومجاي ينزل
بيبي حجت جعفر سكت بس ملامح
وجهه كلها قهر محد اكل ولا
كدرنا نتعشه مثل
كل يوم
وكفت اجلف وبالي يمه اعرفه من يسمع
بسيرتها يتعب وينقهر كلش
رحت لغرفتي كعدت هناك اتصلت علي هم
طلع مغلق الساعه مشت وصارت
بالوحده وهو ماكو وجهازه
ظل مغلق
كمت لبست شالي وطلعت الكل نايم
محد كاعد ردت ادك الباب على بيبي
بس كلت لا راح تهبط خلي
اني اروح علي واشوفه
فتحت باب المطبخ ومشيت للبستان جان اكو
ضوه قوي يشرف علي مسافه بعيده
بس من انطب جوه تصير ظلمه
كلت اكيد هو هسه كاعد بالبيت الصغير
مشيت مسافه وخفت من صارت
ظلمه وحسيت بالندم لان
اجيت وحدي
صح اني جنت افتر بي بس بالنهار مو بليل
ومااعرف ليش كمت احس اكو عيون
جاي تراقبني صار بيه فلم رعب وحسيت
بخطوات واحد ورايه
مشيت بسرعه گلبي يدك بسرعه وكل
ساع افز من ثولي وخوفي
مااشوف نفسي غير
عاثر بشي قوي
وواكع بنص الحوض مال المي
عطت
«،،حمزززه
المي جان غميج وحسيت واحد جرني لجوه
عطت
«،،،حمززه االحكني
حمزه
هجيت من البيت من سمعت سيره ذيج
انفتحت جدامي مره اللخ كعدت بالبيت الصغيره
بنص البستان ادخن جگاره وره جگاره
والصار والسوته هاي
العار يدك
براسي بقوه
اردد وي
روحي بقهر
«،،ولج ااخ جنت افرح بشوفتج واحبن اسويلج
كلشي تريدي لجن هسه اسمج
لو انجاب طاريه يمي
اكومن اموتن واختنك وعبالك انتي گاضه
هوه ربي عني
سكتت وسحبت نفس طويل ذبيته
واحسن نار وجت بصدري
كلت
«،،هاي جزاتي تكسرني ليش وانه جنت الج
سند وحزام ظهر بيش جازيتني
ولج بسواد وجهه وخليتني
انه ابو جمره انزل
راسي وانه مانزلته ابدا الا من سجدت
لربي بفرضه
ونيت اردد بقهر
«،،اخ ولج ااخ قهرتني ولحد هسه قهرج اثره
بيه وماراح انسى السويتي بيه
ولا راح انسى
ظليت احجي وي روحي ومااعرف الوگت
شلون مر بس كله بقهر ومراره
بحلگي صارت
على غفله اختنگت وروحي
فرفحت كمت وطلعت بره اخذت نفس اكثر من مره
وذبيته وبعدني مخنوك وگلبي انقبض
عاينت لجهه البيت حسيت غاده
بيها شي
مشيت جم خطوه وكفت وعكدت حواجبي من
سمعت صوت ماميزته درت وجهي
جان جاي من جهه الحوض
اجه بأذني
«،،حمزززه الحكني
گلبي فز ورگضت بسرعه من عرفتها غاده
جان مسافه عني اسمعها تصرخ
وعدالي واحد تعرض
الها
وصلت الحوض هي ماكو ولا الها صوت
صحت بخبال ادور عليها
بكل مچان
«،«غااااده وينج
«،،حمزة
سمعت صوتها ضعيف التفت بسرعه وشفت
راسها طلع من جوه المي ورجعت اختفت بسرعه شمرت روحي ورحت الها گضيتها من طلعت وحظنتها لصدري صحت من شفتها
تريد بس تكض شي
«،،،،ااانه يمج لاتخافين
حظتني ترجف وتجر النفس بقوه سبحت
بيها ليم الحافه كلت
«،،،،غاده گضي الحافه بقوه حتى اصعد
واسحبج
حظننتي بقوه وكالت
«،،حمزه لاتعوفني ااموت والله
«،،ماعايفج بويه بس خلي اطلع وانه اسحبج
گضيت ايدها المشنجه على رگبتي
خليتها على الحافه ترجف وسنونها كامت
تصك وحده بالخ لان الجو برد
سحبت روحي وجريتها
لحظني شلتها
ومشيت بسرعه للبيت
«،،حمزه بردانه
حجت بصوت ضعيف وترجف
«،،،،هسه نوصل وادفيج
جاوبت سرعت خطواتي اريدن اوصل بسرعه
لان اعرف جسمها فقد الحراره
وشبعت مي من الحوض
وصلت طبيت من المطبخ رحت لغرفتي
اخذتها للحمام فتحت المي
الحاره نزل عليه وعليها
بس شويه بعدين
كاسرته
هي بحظني ترجف كمت افرك بظهرها
واردد بغضب
«،،شجاابج وشطلعج بهل الليل
كامت تبجي حظنتها لصدري وكلت
«،،ولج لو ما طالع وسامع صوتج جان اانتي
هسه ميته
حجيت هيج وعبالك واحد عصر گلبي لميتها
بحظني هدأت وعرفتها دفت
وخرت منها واخذت المنشفه لفيتها بيها
اعاين الها الوجه صاير دم
حجت بشهكه
«،،كله منك انت
«،،،انه شعليه
«،،غالق جهازك وخفت عليك واجيت ادور عليك
«،،جاهل انه حتى ادورين عليه
رديت بغضب شهكت بصوت
«،،مو تعرف بيه اخاف عليك كلش
سكتت ختلت بحظني تبجي بونه
كالت
«،،بعد من تزعل ازعل كدام عيوني لاتروح لغير
مكان
ذبيت حسره وجاوبت
«،،،،صار بويه ادللي
«،،،،ولا تغلق جهازك
«،،،من عيني
وخرت اعاين الها وخرت شعرها من وجهها
سالت
«،،،خما تأذيتي
«،،لا بس شربت نص مي الحوض
ابتسمت رغم الهم الي بيه وكلت
«،،الف عافيه
سكتت وكملت
«،«مو كتلج انتي قزمه تغرگين بالحوض
شوداج علي
«،،،،حظي الاسود
جاوبتني بنتره حلوه وكملت
«،،اريد ابدل
«،،خلي اذب دشادشتي واروحن اجيبلج هدوم
«،لا انت اسبح وهسه اني
اروح اجيب اليه والك
«،،تمام
يمامه
اني والبنات سوينا تعلوله واخذنها للصاله
جانو كلهم كاعدين ويريدون يشوفون التصوير
مال ذاك اليوم هو جان كاعد
يم ابوه ردت اروح
الحجيه كالت
«،،،وين يمه تعالي اكعدي وتعللي ويانا
ماجنت عندي حجه لان مكمل شغل ويمامه
بحظنها كاعده وتلعب ماريا
كالت
«،،تعالي اكعدي يمي
كعدت يمها ياره حجت
«،يله جدو شغل الفديو خلي نشوف شلون
انضرب عمو مهيب وشلون
انقذته حنين
«،والله اني كلما اشوفه گلبي يكوم يوجعني
الحجيه حجت وكملت
«،،،،حسبي الله عليهم شسوه بينا بذاك اليوم
«،شسويتي وياهم يعني ماراح تفضوها بكعده
خاله ارؤى سالت عمو جاوب
«،،لا بنتي لان فصلناهم مره وهاي شوفي
شسوه رجعو علي وضربوه خلينها
بأيد القانون هو ياخذ حگنا
منهم
شغل الفديو وقدمه من طلعت اني اذب الوصخ
هو اجه ونزل سلم عليه باسل سال
«،،،،ذوله موو الي اجوي وراح يضربوك
«،،اي
رد علي خاله ارؤى عاطت بخوف هي وخاله
اعتماد من شافو شلون انضرب
ماريا لزمت ايدي وكامت
ترجف تردد
«،،،،عززه ماما هااي شنو
ياره ختلت يم ابوها وكامت تبجي الكل صفن
على المشهد شلون حظنته وكمت
ارمي عليهم
جنت اباوع وياهم من وكفه عمو درت وجهي
وشفته صافن عليه نزلت راسي
مارفعته
«،،بطله وربي وبارك الله بالبطن الي جابتج
بنتي
عمو منير حجه بخنكه امه كالت
««شفت يمه لو ما هي جان اخوك راح من ايدينا
«،،اي لان رجعو علي يريدون يگتلوا
يمامه كامت تبجي كمت وكلت
«،اروح انيمها
«،،،،اي يمه خطيه تعبت
الحجيه جاوبتني رحت اخذتها منها ومشيت
من يمهم اجنب النظر اله طبيت غرفتي
وبعد ماطلعت للصبح ثاني
هم نفس الشي شغل
وسوالف حلوه وي البنات وخاله اعتماد
وارؤى هو ماشفته ولا
طلع
العصر اجه وسويت عصريه جانن كلهن كاعدات
بلمطبخ وديت صينيه للرجال
رجعت جرس الباب اندك
طلعت علي فتحت الباب شفت نسوان اثنين كبار
وياهن واحد عرفته هو نفسه الضابط الي اجه مرتين علينا اول ماشافني ابتسم
والوجه تغير
شكرا لزيارتكم عالم روايات سكيرهوم
