رواية دعني احطم غرورك الفصل السادس والاربعون
-عز: جاجوووو حبيبتي انتي فين؟
-جانا وهي تأكل : باكل سندوتش ، اعملك؟
-عز: لأ سيبي الأكل اللي في ايدك دلوقتي
-جانا: استنى بس ، هاكل لقمة كمان
-عز: يا بنتي أنا لو سبتك هتاكلي الأكل بالأطباق
-جانا: يوووه ، مش مخليني أعرف أكل بمزاج
-عز: طيب بصي يا ستي ، بما أن مش نافع اننا نقرب من بعض اليومين دول ، ايه رأيك لو نطلع نغير جو
-جانا: واو
-عز: انا عندي مخطط حلو أوي ، ايه رأيك لو نطلع ع شرم ؟؟
-جانا: شرم ؟ لأ
-عز: ليه ؟؟
-جانا: جوها خنيق !!
-عز: بقى شرم جوها خنيق ؟؟ ماهو مش هنروح الساحل ، توووبة
-جانا: لأ هنروح حتة تانية أقرب شوية !!
-عز: مطروح؟؟
-جانا: لأ مش اوي كده
-عز: مممم .. السخنة ؟
-جانا: هو مافيش إلا الأماكن دي ..
-عز: قولي م الاخر عاوزة تروحي فين وأنا أوديكي
-جانا: وعد ؟؟
-عز: أوعدك يا ستي .. ها ع فين العزم بقى
-جانا: راس البر
-عز: راس مين ؟
-جانا : ايه مسمعتش عنها قبل كده ؟ راس البر اللي في دمياط
-عز: لأ سمعت ، بس .. بس ..
-جانا : مافيش بس انت وعدتني !!
-عز: أمري لله .. راس البر راس البر
-جانا وهي تحتضن عز: ياهوووو
-عز وهو ممسك بها: أمانة عليكي يا شيخة لتخليكي كده شوية
-جانا محاولة الابتعاد عنه: اووه ، سوري مقصدش
-عز: هو انتي بتحضني واحدة صاحبتك ، ده انا جوزك يابت
-جانا: طب اوعى شوية
-عز: لأ انا كده حلووو أوي
-جانا: اوعى بقى خليني اجهز نفسي
-عز: ماشي يا عروسة ..
وبالفعل أعدت جانا الحقائب للسفر وتوجهت نحو سيارة عز
-عز: هاتي يا جانا الشنط عشان احطها ف شنطة العربية
-جانا: لأ ماحنا مس هنروح بالزلموكة
-عز: زلموكة مين ؟؟
-جانا: زلموكتك .. ماهو المرسيدس اسمها الحركي زلموكة
-عز بتريقة : لا والله ، تصدقي أضفتيلي معلومة مكونتش عارفها
-جانا: انت بتتريق
-عز: لأ بنكت بس
-جانا: طب خد شيل
-عز وهو يحمل الحقائب: ياااابوي ، ايه ده كله ؟؟ انتي حاطة فيهم ايه ؟؟
-جانا: شوية رفايع !
-عز: رفايع !! اومال لو كانوا تخان شوية !!!
-جانا: يالا هنروح بتاكسي للموقف ، ومن هناك هناخد مواصلة لراس البر
-عز: طب ليه الغلب ده كله ؟ ما ناخد العربية أحسن
-جانا: تؤ هتتبهدل
-عز: ماشي يا ست العريفة
وبالفعل ذهبوا إلى موقف السيارات حيث بحثوا عن وسيلة نقل لتقلهم إلى مدينة رأس البر ..
-جانا: ها يا عز .. تحب نركب البيجو الطائر ولا المكروباص
-عز بتأفف: بيجو ايه ؟
-جانا: البيجو ده عربية
-عز: ما انا عارف ، يعني جيبتي الديب من ديله ، انا بس عاوز اعرف ايه اللي طيره
-جانا: انا هفهمك ، البيجو الطائر معناها البيجو اللي بيطير ع الاسفلت مش بيتلزم بسرعات ولا قوانين ، وهوووبا في ثانية تلاقيك في قلب المكان اللي انت عاوزه
-عز: طب ماهو ممكن يعمل حادثة لا قدر الله
-جانا: Oh, yeah .. It's expected .. متستبعدش
-عز: انا كده اطمنت .. بصي احنا نركب المكروباص أحسن ..
-جانا: اوك ، يالا
-عز في نفسه: انا قولت م الأول جوازة فقر
صعدت جانا إلى المكروباص ، وقام عز الدين بوضع الحقائب في سقفية المكروباص حيث قام السائق بربطها جيداً كي لا تسقط ، وعز متوجس خيفة مما قد يحدث
-جانا: أنا هأقعد جمب الشباك
-عز: براحتك يا حبيبتي انا هاقعد في السقف مع الشنط
-جانا بدلع : هههههههههههههههه
-عز: لأ بقى نلم نفسنا شوية بدل ما أتهور !
-جانا: اوك
ثم جلس عز بجوار جانا في منتصف المقعد وبجواره جلست سيدة ما ، وامتلأ المكروباص بالسيدات اللاتي ينتمين جميعاً لعائلة واحدة.. فأصبح عز هو الرجل الوحيد الجالس وسط سيدات بالاضافة إلى السائق ، كانت السيدة الجالسة بجوار عز تنظر بتعجب لكلاً من عز وجانا ..
-الست زهرة: النبي حارسكم وصاينكم ، شكلوا باين عرسان جداد ، صوح ولا أني غلطانة
-عز: لأ صح
-الست زهرة: طب ما تعرفونا بنفسيكم .. أني الست زهرة
-عز: أنا المهندس عز الدين ، ودي جانا مراتي
-الست زهرة: يا مراحب بالعرايس
-عز: الله يخليكي يا هانم
-الست زهرة: ألا يا بني ايه نوع الكالونيا اللي انت حطتها دي ؟
-عز: La coast
-الست زهرة: بوست مين ؟
-عز: كولونيا خمس خمسات يا حاجة
-الست زهرة: قولتلي بقى .. وع فين العزم بقى في راس البر
-عز: لسه مش عارف
-جانا مقاطعة : هنأجر عشة يا أنطي
-عز هامساً: دي مش هتفهم أنطي بتاعتك ، انتي تقوليلها يا حاجة أو يا ست
-جانا: هنأجر في راس البر عشة يا ست زهرة
-الست زهرة: إيوه .. عشة من بتوع العرايس ، ودي ع الشارع ولا ع المالح
-جانا: لسه مش عارفين ع حسب
-عز: والله اول ما هنوصل هنسأل على اوتيل أو...
-جانا مقاطعة: لأ انا عاوزة عشة
-عز: عشة ازاي يعني يا جانا ؟ هنبات ع الأرض
-الست زهرة: شكلك ألفرانكة يا باشيمهندز عز .. عشة يا ضنايا معناها زي البتاع ده اللي الناس بتجعد فيه كده .. بيت اصغير
-جانا: شاليه
-عز: اها .. طب ما تقولي كده من الصبح يا جانا انك عاوزة تأجري شاليه
-الست زهرة: مرتك واعية .. اللي يحميكي يا بتي
-عز: شكراً يا ست زهرة
ثم سمعوا صوت فتاة من أخر المكروباص
-وداد: أمه ، ياااامه
-الست زهرة: إيوه يا به .. عاوزة ايه ؟؟
-وداد: يامه ما تجولي للسواق يشغلنا أي أغاني بدل ماأحنا زي اللي جعدين في ميتم
-الست زهرة: بس يا بت مش ناجصين صداع
-ثم أكملت زهرة: بتي وداد ، ساقطة دبلون ، وأخر العنجود
-عز: تشرفنا
-الست زهرة: بس غلباوية جوي
-عز: كل البنات كده
-وداد: يامه يااااامه ، بتلوكي مع مين جدام
-الست زهرة: يا بت ده اللي مهندز عز ، عريس اجديد
-وداد: مبروك يا عريس .. أني وداد
-عز: الله يبارك فيكي يا آنسة وداد
-وداد : أني متعلمة وساقطة دبلون وباعرف اتكلم عنجليزي
-عز: ماشاء الله
-وداد: ازيك يا عروسة
-جانا: هاي
-وداد: امنورة المكروباز
-جانا برقة: ثانكس
-عز هامساً لجانا: اموووت وأعرف اشمعنى أنا اللي بتديني الوش الخشب
-جانا: ده الموجود
-عز: متكشرين يا آنسة وداد
-وداد: لازم نجوم معاكو يا عرايس بأيتها واجب .. يا أسطى يا اسطى ، شغلنا أغاني مهرجانات كده اللي يرضى عنيك
-السائق: خير يا ست
-وداد: معانا عرسان إجداد وعاوزين نروجوهم .. عندك مهرجانات
-عز: ايه مهرجات دي ؟؟ مافيش داعي لأي حاجة
-وداد: مهرجانات يعني أغاني فيستيفالز Festivals)) .. حاجات اكده حلوة لأوكا وأرتيجا والمدفعجية
-عز: يا سلام .. شوف ازاي
-الست زهرة: يالا يا أسطى ، البت مش هتفضل تزعق اكتير
-السائق: أؤمرني أحاجة
وبالفعل شغل السائق بعض من تلك الأغاني التي أصابت عز بالصداع ، بالاضافة إلى جو التزاحم والخنقة والرائحة الكريهة لبعض الركاب ..
-الست زهرة: مالك يا بني؟ شكلك مش مبسوط
-عز: لأ مافيش بس تعبت من السكة
-الست زهرة وهي تضحك: باينك طري
-عز: طري ايه بس ، ده انا ناشف وعصب
-الست زهرة: ماهو باين جدامي
غفلت جانا على كتف عز الدين الذي نظر لها بكل حب
-عز في نفسه : أموت انا في جو المكروباصات ده
-الست زهرة : اقفل ياسطى الصداع ده ، احنا هنسمعك يا باشيمهندز اغاني من يمتنا
-عز: أغاني ايه ؟
-الست زهرة: بت ياوداد .. انتي يا به
-وداد: نعمين يامه
-الست زهرة: عاوزين نغني اغنيتين من بتوعنا
-وداد: عينيا يامه
-وداد لباقي البنات: يالا يابنات عاوزين نسمعوا العرسان غنيوة من بتوعنا
وبالفعل بدأت الفتيات يغنين سوا
( وادحرج واجري ، يا رمـــان .. وتعالى على حجري، يا رمـــان ، ..... )
( ع الزراعية يا ولا ......... )
وما إن وصلوا إلى مدخل راس البر حتى ،،،،
-عز: اشهد ان لا اله الا الله ، وأن محمد رسول الله... أخيرااااااااا
-جانا بهزار : ههههههههههههههه غني سلامتك يا دماغي
-عز: مش ناقصك ، ماهي شورتك المهببة .. تعالي اما نشوف هنتنيل نقعد فين
-جانا: في سماسرة كتير نقدر نأجر عشة ، قصدي شاليه
-عز: لأ هنحجز في اوتيل
وبالفعل وصلوا إلى فندق بجوار الشاطيء وحجزوا فيه 3 ليال ، ثم صعدوا إلى الغرفة ليستريحوا قليلاً أو كثيراً على حسب ..لأن الرحلة كانت مرهقة جداااااا لعز
....................................
