رواية زهور بنت سلسبيل الفصل السادس والاربعون
46 & 47
البارت السادس والاربعون
زهور بنت سلسبيل.
بقلمي منى عبد العزيز.
في أحدي الاماكن الراقية بمدينة طنطا بالتحديد في شقة بالدور الرابع ذات طابع ارستقراطي يقف يتحدث بعصبية يعني إية رحت البيت لقيته مقفول والسوق محدش عارف مكانهم.
ليكمل بغضب خلاص انا هتصرف .
أعمل ال قلتلك عليه من غير ما حد يعرف ورشا لو سألتك قلها سافر مؤتمر إسبوع لامريكا وراجع.
أغلق الهاتف بحزن احن جسدة للامام وضع مرفقيه علي قدميه وكور وجهه بين يدية يتنفس بوجع
يحدث نفسه بانفاس لاهثة
ليه يا زهور تروحي من غير ما تودعني هو ده الوعد ال اتفقنا عليه يا تري فين أراضيكِ حصل لكم إية
تختفوا بالشكل ده.
كله منك يا رشا انتي والزفت عادل طمعكم هو ال مخليكم فاكرين ان أي حد يقرب مني يبق طمعان
فيا أنا هبعد وهسيبلك كل حاجه خلاص ماعتش
في سبب أفضل عشانه ليخرج ورقه من جيب جاكيته يقراءها بصوت مسموع
دكتور أحمد أنا زهور أسفة اني كتبت ليك الجواب
ده ومجتش بنفسي أاقبلك واودعك كنت أتمن أجي اترمي في حضنك واشكيلك ال جوايا امكن كلامي أكبر من سني بس ممكن ال عشته في حياتي ناس عمرها ستين وسبعين سنه معشوهوش كتبت ليك الجواب ده وبدعي ربنا انه يوصلك أنت أنا مخفتش ولا إتهزيت ولا زعلت من كلام خالتي رشا وكنت هاجي أشوفك زي ما وعدتك كل يوم بس ال حصل حاجه خرجه عن إراتي كتبت ليك عشان أعرفك إني مش هاجي المركز تاني متزعلش مني
وقريب أوي هزورك دعواتك ليا يا أصدق وأحن حد قبلته في حياتي علي فكرة كل فترة هكتبلك جواب وأبعته علي المركز وهدعي ربنا انه يوصلك انت
هطمنك عليا وهعرفك كل حاجه بعملها واوعدك هذاكر وأجتهد دلوقتي هقولك سلام والجواب الجاي هقولك باقي حكايتي زي ما وعدتك.
ليفتح ورقة أخري وحشتني اوي النهاردة ليا 4 شهور ما كتبتش ليك النهاردة انا كتبت ليك اافرحك اني نجحت وطلعت الاولي زي ما وعدتك في امتحان
الترم واوعدك هكتبلك المرة الجاية وابعتلك كل حاجة سلام يا أطيب وأحن قلب .
أحمد / ببكاء انا مش صادق يا زهور انا اخدك دواء لجروحي متعرفيش قد ايه تعبان من غيرك بقالي
اربع شهور هموت وأشوفك أنا هسافر كام يوم وهرجع هقلب الغربية كلها عليكِ مش هسكت غير لما القيكِ
•••••••••••••••••••••••••••••
زهور وأحلام وبدير وصلوا إلي مكان روحيه
شقه متوسطه في حي شعبي بعد سلام وإشتياق
وبكاء سنوات فراق لتبداء وصلة عتاب طويلة.
احلام / هستاذن انا يدوب الحق اروح افرش الشقه
ال أخدنها .
بدير / ست أحلام ياريت تفضلي معانا و تحكيلي كل حاجه
الحقيقة كاملة أنا إبن مين بالضبط ابنك وابن بكر المنصوري ولا ابن روحية وابن شفيق الصافي.
روحيه / تضع يدها علي فمها تبتلع رمقها بصعوبة
أحلام بلجلجه / إيه الكلام دهجزء التاني 46
بدير أخرج من جيبة مصحف صغير أحلفي علي المصحف ده أنكِ هتقولي الحقيقه .
أحلام تنظر إلي روحية بخوف تخبرها ماذا تقول
لتقاطعه روحية.
روحية / أنا هحكيلك كل حاجة وأحلفلك هقولك الحقيقة كامله من غير ما أنقص حرف.
ااقعد يابني واحلف ليا انك تسمعني للاخر وإنك مش هتسبني لأخر العمر.
بدير / بعد ما أعرف الحقيقة ابق اشوف.
روحيه قصت عليه كل شي من بداية حبها هي وبكر وتلك الغلطه التي نتج منها كل ما حدث وإنه أبن تلك الغلطه تحكي وهي تبكي وصوت متحشرج تقص له كل شئ ولما تركت المنزل وكيف هربت من الدوار
واستأجرها تلك الشقه وقيامها باستإجار محل وفتحه ادوات خياطه.
بدير بزهول مما يسمع ظل صامت فترة طويله ينظر للا شئ.
بدير / من وانا عيل صغير بسال نفسي ليه شفيق بيقولي يا ابن روحية يابن الحرام كل ما اقوله يا با
جاك بو اتريني كنت غبي بدل ما اساله ليه بيقولي الكلام ده أجري عليكي تقوليلي اصلة عصبي وزهقان بيعاملك كده عشان تبق راجل تتحمل المسئولية هو اتربا كده وبيربيك زي ما إتربا.
عارفة إيه بعد العمر ده كلة أعرف حقيقتي أنا إبن حرام ابن غلطه الكل كان بيقولي ابن روحيه
ابن روحيه ابن روحيه ليا ام وماليش أب مكتوب
في ورقه باسم واحد تاني
عارفة يعني إيه تعيشي ملكيش اب بتتنادي باسم أمك عارك ملزمك ، عارفة وانا في المستشفي كان معايا راجل عمرة فوق السبعين طول الليل يعيط
ويدعي علي امه وابوه لما قعدت معاه وفضلت وراه لما حكالي ليه بتدعي عليهم انت اب ممكن ولادك يعملوا كده ماهو محدش بيدعي علي امه وابوة كده.
قالي كلمتين فوقوني قالي بدغي عليهم من قهري
لما تعيش سبعين سنه الكل بينادي عليك بابن الحرام
ينادوك باسم أمك لما تروح تتقدم لبنت وانت فرحان ان هيكون ليك بيت وعايلة وخلاص هتعيش
مع الانسانه ال اختارها قلبك وفجاءة تلاقي كل حاجه راحت من بين ايديك بسبب عار مالكش زنب فيه واحد ووحده غلطوا ورموك للدنيا تشايلك وتهبدك يومها بس كل كلمه شفيق قالها ليا واخرهم
لما هربتني من البلد باسم بدير سعتها بس عرفت
مين انا انا ابن حرام ابن روحيه .
زهور تجلس بصمت تري ما يقال بزهول يتردد في أذانها ابن روحيه بنت سلسبيل ابن حرام بنت حرام
اسمي باسم اب تاني مين ابويا فين امي
حكايتها متشابهه مع بدير الفراق انه عارف امه هي متعرفش فين امها وابوها متعرفش هي بنت حرام زي ما بتسمع ولا هي مين هي زهور ولا زهروان أحلام تبق مين جدتها فعلا ولا حد عطف عليها
ورباها، زهور بنت سلسبيل زهور بنت سلسبيل
اسم كم كرهته تود لو تمحوه من أذنها تسيل دمعاتها دون إرادة منها.
لتهب واقفة وتخطوا تجاه باب المنزل تخرج منه بسرعة البرق .
أحلام / زهور رايحة فين زهور زهور.
بدير هب واقفا خرج من المنزل بسرعه ينزل الدرج يخطوا عدة درجات في مرة واحده ينادي عليها
حتي تقف ليخرج الي الشارع ينظر يمين ويسار
لا يرها كانها تبخرت من مكانها وخلفه أحلام تهبط الدرج تنادي علي زهور وهي تتلمس قلبها تتنفس بالم
سالوا المارة والمحلات بالمنطقه لم يدلهم احد عن مكانها.
احلام لم تعد تقوي علي الحركه قلبها اذداد آلمه جلست علي الارض مكانها بوجهها الشاحب وبكاها الذي يفطر القلوب.التف المرة حولها.
زهور خرجت من المنزل تعدوا بسرعه حتي وصلت الي شارع صغير جلست علي درجات سلم لاحد البيوت الخاصة تبكي بخوف لاول مرة تخرج وحدها، اليوم تعرت امام حالها.
جلست تلتقط انفاسهاةعينها مثبته علي الارض امامها تهز جسدها للامام والخلف تحدث نفسها.
زهور / انا بنت مين بنت زياد ولا أبويا مين
سلسبيل امي ولا مش امي زياد ابويا ولا لا
حبانه يا زهور جبانه وطول عمرك هتفضلي جبانه
لما حد كان بيقولك بنت سلسبيل كنتي متبقيش عارفه تردي فجاءة فتح الباب وخرج شيخ عجوز مستند علي عكاز خشبي.
يحد زهور جالسه ممانها لا تتحرك ينادي عليها
ايضا لا تيجب عينها تدمعان.
اقترب منها الشيخ جلس جوارها انا ليه حاسس انك تايه ومش عارفه فين بيتك.
زهور / لا رد دموعها تسيل علي وجنتيها .
الشيخ / اتكلمي يا بنتي مالك طيب انتي بتسماعني
ولا لا.
زهور /هزت رأسها بدون أن تتكلم.
الشيخ / طيب مالك انت اسمك ايه طيب بنت مين اهلك فين طيب تعرفي بيتك فين ولا لا.
زهور/ معرفش أنا بنت مين ولا اسم ابويا إيه
الناس بينادولي زهور بنت سلسبيل.
الشيخ / يا سلام زهو ر وسلسبيل ايه الحلاوة دي
زهره وعين من الجنة بسم الله ماشاء الله.
زهور/ ببكاء نظرت للشيخ هو يعني ايه ابن حرام
ويعني ايه ملاكش أهل.
الشيخ / افهم الاول ايه الحكاية وانا افهمك .
زهور قصت حكايتها ال تعلمها وقصتها لها أحلام.
الشيخ / بصي يابنتي انت لسه صغيرة في كلام انتي مش هتعرفيه ال لما تكبري بس أنا ال فهمته
من حكايتك ان ستك صدقة بكلامها انتي بنت حلال
وهقولك كلمة ستك مسيرك تكبري وتعرفي الحقيقه
وسر الغايب يتعرف وكمان انتي فيكِ تعرفي اصلك واهلك بعلامك وتفوقك لما الدنيا كلها تعرفك ويشوروا عليكي بدل ما كانوا بينادوا عليكي زهور بنت سلسبيل هينادوكِ الدكتورة زهور او العالمه زهور خالي بالك الانسان مش بابن مين وأبوه وأمه مين لكن طبعك وأدبك واخلاقك وتدينك وعلامك هو ده قمتك .
زهور / وقفت لازم أرجع لستي تلقيها قلقانه عليا انا جريت وسبتها ومتعرفش انا فين.
الشيخ تعرفي بيتكم.
زهور / أيوة أنا عرفاه متشكرة اوي.
عادت زهور إلي العمارة التي تقطن بها روحيه وجدت أحلام جالسة أمام البناية تبكي بشده وحولها عده أشخاص.
زهور/ اقتربت منهم نادت بصوتها ستي.
لتقف أحلام بسرعه تتلفت حولها إختل توازنها كادت تسقط التقفتها يد زهور لتخطفها أحلام بين يديها تضمها بقوة صوت نحيبها ابكي من حولها بدير
نظر إليهما جفف دموعه وإقترب من والدته قبل رأسها وأمسك يدها شكر من يقفون علي مساندتهم وطلب من احلام الصعود هي وزهور لاعلي.
رفضت زهور وأثرت علي الذهاب إلي منزلهم الجديد
بعد فترة قصيره انهت زهور من ترتيب الاغراض جلست بجوار احلام التي لازالت تنظر لزهور وتبكي بصمت.
زهور / سامحيني يا ستي انا تعبتك بال عملته بس غصب عني مقدرتش أتحمل واوعدك من النهاردة
هتعلم واشتغل وهخلكي تفتخري بيا ومش انا ال هدور علي أبويا ولا أمي هم اللي هيجوا لحد عندي.
أحلام / يابنتي اقسم بالله إنتي بنت حلال بس انا معرفش ايه ال حصل ليهم غير جواب لقيته بعد أمك مارحت تجيب شهادة ميلادك وراحت ما جت. ال جواب والأوراق والفلوس وشهادة ميلادك لقتهم في شنطتها ومن يومها وانا شيلهملك لحد ما تكبري وتوعي وتقدري تفهمي واديلك كل حاجه.
زهور أوعديني ياستي لما اكبر وادخل الجامعه تحكلي كل حاجه ومين أهلي.
أحلام أوعدك يا بنتي.
عدت الايام والسنين وزهور وفت بعهدها لنفسها ولجدتها تعمل بائعه في محل بعد المدرسه ودوامت
علي حفظ القران الكريم داومت علي إرسال خطاباتها للدكتور أحمد علي التوالي مرت سبعه سنوات من عمرها وأصبحت في الصف الثالث الثانوي بالرغم من معانتها من بعد المسافة بين مدرستها القديمه وبين المنطقة التي تقطنها مع جدتها اول عامين عانت من تنمر زميلاتها عليها وخاصة أبناء الاثرياء الغيرون من تفوقها وجمالها
مرضت أحلام بشدة جعلها المرض طريحه الفراش
ضاق الحال بهما اصبحت زهور تعمل نهارا في السوق
وفي المساء تقف في محل روحية بأجر زهيد .
في إحدي الأيام وهي جالسه تبيع الخضار وجدت من يقف امامها ينظر لها.
ليقشعر بدنها بخوف شديد من نظراته بعد انتهائه من شراء ما اراد تفجاءت به يمسك يدها أثناء
دفع ثمن المشتريات لتبعد يدها بسرعه وتهب واقفه وبيدها الاخري وقامت بضربه علي وجهه ولعنته تجمع الكثيرين من الباعه من الرجال وتهاوشوا مع الرجل لولا تدخل بعض الزبائن وانهوا المشكلة.
زهور / استغفر الله العظيم ناس معندهاش أخلاق
راحل شايب وعينه زيغه عاوز حش رقبته.
إحدي البائعات / نص رجالة السوق هيجننوا عليكي يا زهور من أكبر معلم لاصغر بياع يابنتي وفقي علي واحد منهم يسترك ويحافظ عليكي ويشيل من عليكي الحمل انتي وستك ال يوم كويسه وعشرة محجوزة بالمستشفي.
زهور/ نظرت لها نظرة الجمتها لتقف من مكانها ، أنا خلاص خلصت البضاعه ال قدامي يدوب الحق اروح لستي المستشفي.
البائعه/ فكري في كلامي انتم ولايا واغراب ولا ليكم أهل ولا عزوة محتاجين راجل يأخد باله منكم، لو ستك جرالها حاجه لقدر الله هتعملي ايه وهتروحي فين مين هيرضي يسكنك في بيته وانتي بنت ولوحدك وكمان لا مؤخذه انتي ملكيش اب ولا إم
انا لو منك اختار معلم من المعلمين الكبار ال هيموتوا عليكي واجو زيه هيعيشك ملكه ويلبسك حرير ومصاغ من ساسك لراسك ووقتها هتكوني الست زهور مرات المعلم الكبير مش زهور بنت سلسبيل بياعه علي فرش بالاجرة وأخر اليوم تروحي بيوميه وشويه طماطم وخضار لو باتوا هيحمضوا.
زهور / بسخريه وعلي كده يا أم كريم رايك اختار مين من المعلمين.
البائعه / اختاري اغناهم واكبرهم بالسوق المعلم جابر راجل ملو هدومه ويحتكم علي نص تجارة السوق غير الاملاك والعمارات والعربيات حتي الفرش ده في ملكه شوفي بقي هتبقي ايه وتنتقلي ازاي من بياعه علي الفرش لصاحبة الفرش نفسه.
زهور/ امم المعلم جابر ال اصغر احفادة قدي في السن لا نستيتي دي حفيدة ابنه وماله مايجراش حاجه واهو المعلم مقتدر مجوز فوق التلاتين مرة
وعنده أربعين عيل غير الاحفاد بس قوليلي حلوتك هتكون إيه و المهر ال هيدفعه كام.
البائعه / اعدم عنيا لو كنت هأخد حاجه دي محبة لله في لله انتي حبيبتي كنت بتمنا تبقي مرات ابني بس مالهوش نصيب.
زهور / بصي يا ام كريم قولي للمعلم جابر ليا شروط لو نفذها انا هوافق عليه واولها يجي يطلبني من ستي هو وولاده ويعملي فرح كل السوق يكلم بيه ويكتبلي تلات محلات باسمي هديه الخطوبه
والفرش ده بالذات قبل منهم ويعيشني في قصر
ولو ستي وافقت لازم نعمل سنه خطوبه ندرس فيها بعض.
البائعه /حايلك حيلك ايه الطلبات دي كلها وبقي انتي عوزة كبير السوق كله يروح يتقدملك انتي وياخد ولاده وهيطلبك من مين يا حلتها بابا السفير ولا ماما سليله الحسب والنسب.
زهور / باستفزاز وقلبها يكاد يتمزق من الالم والاهانه
ابتسمت ابتسامة ساخرة.
لا هيطلبني من ستك وتاج رأسك أحلام .
البائعه / هبت واقفه همت تضرب زهور علي وجهها رفعت يدها لاعلي لتظل مثبته مكانها تحاول نزعها من بين يد زهور لم تقوي رفعت الاخري تهوي بها علي وجهها لتجد يدها الاثنين معلقتين في الهواء
اعلت صوتها ليتتحمع البائعات يحاولن فك تشابكهم وبعد محايلات فكت زهور حصار يد البائعه بين يديها
تصرخ بيها البائعه بغضب وتسبها بابشع واقبح الالفاظ النابئه .
البائعة / وهي تسب زهور وتهددها النهاردة أخر يوم ليكي علي الفرش وفي السوق كلة ابقي وريني هتقدري تبيعي قشايه في السوق من تأني ومن الساعه دي تمشي ومش عاوزة اشوف وشك بالسوق ال بعد كده هيوحشك ديتها شويه ماية يترشوا في وشك وبعدها وريني بقي هتشرطي ازاي وقتها.
زهور بعيون تكاد تشتعل من الغضب تحاول فك حصارها من بين يدي باقي البائعات.
زهور انا مبتهددش فهمه ولا لا ومن غير ما تقولي ده اخر يوم ليا في السوق هاخد حسابي ونسبتي النهاردة ومش عوزة اتملي بسحنتك البهية.
البائعه / مالكيش حاجه عندي ويلا بدل ما انادي علي كريم وال معاه يرموكي برة السوق.
زهور / انحنت فتحت احد الادراج امامها واخرجت منه نقود وقامت بعدها امام زهول الواقفون جميعا
لترفع يد. ألبائعه وتعطيها المال المتبقي .
زهور/ دول حقي علي تعبي طول اليوم وانتي مقضياها مشاوير ومرقعه وانا طالع عيني مع الزباين ودي نسبتي في المكسب، أنا همشي وقدام الكل أهو بشهدهم عليكي لو حصلي حاجه يبق انتي وابنك المسئولين علي ال حصلي .
ومن غير السلام عليكم.
رحلت زهور وبمجرد ان ابتعدت قليلا علي السوق شعرت بوجود أحد يخطوا خلفها لتسرع بخطاها
حتي وصلت لشارع مكتظ بالناس والباعه الجائلين
لتختفي بين بعض النسوة من يقمن بالشراء عينها تجوب المكان لترتعد اوصالها وهي تري نفس الشخص الذي امسك يدها بالسوق بالصباح يبحث عنها ظلت واقفه بين النسوة بعد ان وضعت إحدي الملابس التي امسكتها من العربة المتجوله لتخفي ملابسها التي ترتديها وكانت عباره عن شال شتوي طويل وسحبت حجاب بلونه ووضعته علي راسها
قامت بدفع المبلغ الذي طلبة البائع دون جدال
واستغلت التفاف الشخص بالبحث في المحلات وعاودت ادرجها للخروج من الشارع واشارت الي عربة تكتك واخبرته بالاسراع حتي ابتعدت عن المكان لتصل الي محل روحيه وترجلت من العربه
واعطته ما طلبه واسرعت بالدخول اليه وهي تلتقط أنفاسها بصعوبه.
تجلس أحلام بالمحل مع روحيه وبدير الذي أطلق لحيته أصبح أكثر تدينا يعمل في مصنع حلويات نهارا وليلا يقضي معظمه في المسجد او يساعد وروحية بشراء مستلزمات المحل رفض الزواج نهائيا
قامت روحيه بالتبرع له بإحدي كلها بعد مرضة الشديد.
زهور بوجه شاحب وصوت حاولت إخراجه بصعوبة
القت السلام
زهور/ السلام عليكم ستي إنتي خرجتي ليه من المستشفي انا كنت هغير هدومي واجيلك .
أحلام / الحمدلله بقيت كويسه وصحتي اتحسنت وبقيت زي الفل هفضل ليه قاعده هناك وكمان خلاص بقي اسبوعين علي الامتحانات لازم تقعدي من الشغل وتذكري دروسك برحه وبهدؤ.
زهور/ أنا كدة كدة سبت الشغل عشان الامتحانات ومتقلقيش انا بذاكر كويس وان شاءالله الفترة دي هلم المنهج كامل.
لتلتف ألي روحية وكمان هاخد أجازة من الشغل عند ستي روحية لحد ما أخلص الامتحانات وخالي بدير هيستلم مكاني صح.
بدير/ أن شا ء الله يا دكتورة زهور يلا من دلوقتي
خدي أمي أحلام واتفضلوا من غير مطرود مش عاوز اشوفكم نازلين الشارع نهائي لحد الامتحانات واي حاجه تعزوها تتصلوا بيا وان شاء الله هتلقوها بالتو واللحظه عندكم.
احلام ابتسمت له وربتت علي كتفه وهي تري فيه ملامح بكر وطيبته وقلبه الابيض المتسامح تدمع عينها وتحدثه ربنا يبارك فيك يا بكر طول عمرك شهم.
روحية نكست وجهها للارض تساقطتت دموعها بعد رحيل أحلام وذكرها لبكر لتغوص بذكرياتها معه تتذكر كلماته لها وحبه ومشاعره الصادقة تحمله المسئوليه تجاهها بعد ما حدث بينهم اعتزاره لها علي
ما حدث حتي بعد ما خزلته عدة مرات الا انه اخبرها في إحدي زيارتها السرية له بالسجن بحبه وعشقه لها
ومسامحتها علي خزلانه والمتواصل من افعاله.
زهور صعدت الي منزلهم مع احلام تمسك بيدها أحلام لاحظت توتر زهور اثناء عبورهم الطريق والتفاتها حول نفسها وعينها التي تحوب بالشارع بين وجوه المارة وتلك الملابس التي تضعها علي ترتديها.
لتبغتها بالسؤال.
احلام / من غير لف ولا دوران ولا حجج قولي ال حصل دغري كده بدل ما أعرف بطريقتي.
زهور تبتلع رمقها تنزع ما ترتديه فوق ملابسها وحجابها هحكيلك كل حاجه من طقت عشان
حجتين اولهم اني متعوتش اخبي عليكي حاجه والتانيه لان مش هينفع تروحي السوق مرة تانيه بعد ال حصل.
لجلس أحلام تستمع لها بإنصات لتضرب علي صدرها بعد وصف الشخص الذي امسك يدها وتباعها بعد ذالك لتنهض من مكانها بخوف تقترب من النافذه تنظر من خلفها علي الشارع تتفقد المارة والجالسون علي المقهي تتأكد من عدم تتبعه لها.
زهور متخفيش يا ستي انا عرفت أهرب منه وكمان مش هيقدر يوصل لينا محدش يعرف المكان هنا حتي بتوع السوق محدش يعرف العنوان هنا.
متقلقيش.
أحلام / الحزر واجب ياما قلتلك بلاش تروحي السوق انا لما رجعت هناك معنديش شغلانه غيرها
هي دي ال اعرفها من اكتر من عشرين سنه ماليش غيرها لو كنت اعرف اشتغل حاجه تانيه مكنتش اترددت، بس انتي ليه توقعي كلامي وتروحي انا
بلبس نقاب علي وشي محدش يقدر يعرفني لكن انتي روحتلهم برجليكي وشك باين وعيونك بتجنن الكل كام مرة فهمتك داري وشك بلاش يبان منه حاجه ادي نتيجه عندك وصلنا لفين من هنا ورايح لبسك بناطيل وسعه وهدوم وسعه هفصلهالك علي ايدي وحجاب طويل يخفي جسمك ووشك ده مش عوزة يبان منه ولا حته فهمه ومافيش نزول من البيت نهائي لحد الامتحانات ما تخلص ومرواحك ومجيك رجلي علي رجلك فهمه.
زهور/ اومت براسها وذهبت الي المطبخ تعد الطعام لها ولجدتها.
أحلام جلست علي الاريكه الوحيدة المتهالكه الموجودة بالمكان اسندت راسها للخلف اغمضت عينها عادت بذكرتها لشهر قبل مرضها وهي تجلس بالسوق تبيع لاحد الزبائن لتفاجء بمن يقف امامها
ينحني لاسفل يحدثها بمكر وهو يقترب منها
الشخص/ عاش من شافك يا احلام معقوله بعد السنين دي اشوفك من تاني واقابلك.
احلام تنظر له دب الرعب بقلبها بصوت مهزوز حاولت لا تبين له معرفتها بهويته.
احلام / مين انت؟ وانا اعرفك ومنين تعرف انا مين واحلام مين ال بتقول عليها؟
الشخص / بضحكه ماكرة سبع سنين وانا رايح جاي اسال عليكي اغيب اغيب واجي اسال بنفسي مش بتكل علي حد لحد ما عرفت انك احلام ورجعتي للسوق وانتي لبسه البتاع ال علي وشك ده وزي ما وصلت ليكي هنا هوصل لل انا عوزة وال ما اخدتهوش من سبع سنين هخده وقريب أوي
رحل بعد ان اخذ ما قام بشرائه ودفع مبلغ كبير لها وتركها ورحل.
أحلام شعرت بدوار شديد الار تحيد بها قلبه تعالت سرعاته ضاق نفسها تسحب الهواء بصعوبة التقطتت زجاجه المياه وحبات الدواء بجوارها بصعوبه حتي هداءت قليلا لتفكر كيف الهرب منه وميف تعود لمنزلها دون ان يعرفةمكانه لتاكدها من مراقبته لها.
لتنتهز هروج احدي البائعات ترتدي نفس نقابها وتترك مكانها لزميله لها وذهبت مع تلك البائعه
وصعدت بجوارها بتكتك وسط السوق ليصدب حسها وهي تري ذالك الشخص جالس بسيارته
بالقرب من مدخل السوق والمخرج الوحيد للخروج
من السوق. لتحمد ربها انه لن ياخذ باله منها لتترجل علي بعد امتار من مكان عربته تتجه تختفي بين الناس تخطوا من شارع للاخر حتي وصلت الي مكان معيشتها.
ليحدث ما ليس متوقع لا يتحمل قلبها ذالك الكم الهائل من التوتر والخوف لتسقط أرضا فور وصولها درج البنايه التي تقطن بها.
