رواية اغفري لي الفصل السابع والأربعون بقلم أوتار حزينة
يمامه
سمعت جرس الباب اندك
طلعت علي فتحته شفت نسوان اثنين كبار
وياهن واحد تفاجأت من عرفته هو نفسه
الضابط الي اجه مرتين
علينا اول ماشافني ابتسم والوجه تغير
وحده سلمت
«،،شلونج عيني
«،،اهلا وسهلا
خاله جاوبت من اجت ورايه انسحبت من
يمهم بسرعه احس بوجع بمعدتي
لان گلبي حس هذا
جاي عليه عرفت
هالشي من
نظراته
طبيت للمطبخ الحجيه حجت ماافتهمت
شي ردت كالت
«،،حنين يمه كاعد اسالج منو اجه
جاوبت بتوتر
«،،،،ها خاله نسوان اثنين مااعرفهن
خاله ام ياسين اجت من جوة وكالت
«،،،حجيه اجوج خطار واخذتهم للاستقبال
«،،،هلا بيهم
كامت خاله ارؤى وياها وراحن لجوه ماريا
سالت من اجت
«،،،منو ذوله
خاله باوعت عليه وعرفت حست مثل احساسي
جاوبت
«،،،هاي ام الضابط الي يحقق بقضيه
عمج ووياها اختها
حجت هيج وكملت وياي
«،،،يمه سوي ضيافه
«،«اي
رديت ياره كالت
«،،اني اسويها
همزين حجت لان ايدي ماكامت تاخذ شغل
سوت الضياف وخاله اخذتها
الهن وبعد مارجعت
وره مشوار طلعن من يمنا الحجيه اجت
وياها خاله ارؤى حجت
مبتسمه
«««حنين اجوج خطابه
گلبي هبط وضجت كلش لان توقعي جان
صح الحجيه كعدت وحجت
بس مبين ضايجه
«،،يمه ام هذا الضابط الي اجه بالتحقيق
مال مهيب اجتي تريدج اله
جاوبت بسرعه
«،«خاله اني مااريد ازوج
«،،ليش يمه تره الولد مبين خوش واحد
وحرامات ترفضي
خاله ام ياسين ردت جاوبت
««اي وعرف بيه اني اشتغل هنا خدامه
الحجيه كالت
«««شنو هالحجي يمه ومنو كال عليج انتي
خدامه
«،،هذا الواقع خاله
«،،،لا مو واقع وبعد لاتحجين هيج انتي وام ياسين
من اهل البيت كولي معينه اي
خدامه مااريد اسمعها منج
بعد
ردت عليه بزعل وكملت
«،،،والله اني ماحاسبتج هيج ابدا ولا ام ياسين
ومن زمان اكول الها انتي اختي
واعاملها مثل الاخت
«،،اي والله مافد يوم حسيت اني اشتغل
بفلوس يمكم
خاله ردت عيوني غوركت ماريا كالت
«،يعني هو اكيد حبها واجه يريدها
«،،اي يمه امه كالت من شافها وهو بس
يحجي بيها
خاله ام ياسين ردت كلت
«،،،اني مااريد ازوج كولي الهم هالشي
وخلي يروح يشوف غيري
«،،ليش تستعجلين حنين انطي وقت لروحج
وفكري زين وهم احنا بعدنا ماسألنا
علي ونشوف وو
قاطعتها
«،،،خاله كاعد اكلج مااريد ازوج
ومااريده لا هو ولا غيره
جاوبتها بدموع وكعدت ابجي
ه«،،اي ليش هالبجي يايمه هي مو غصب
انتي بكيفج ماتريدي ارد الهم خبر واكول الهم
ماكو قسمه يمنا
من حجت انهاريت بالبجي لان من صدك حسيت
هم اهلي
«،،هااي شكو شبيها حنين
سمعت صوت عمو والكل التم عليه اريد
اسكت ماكدرت
«،،شبيج بنتي منو وياج
سالني ماكدرت ارد الحجيه حجتله الصار
كال
«،،،هاهيه بنتي ماتريدي نرد الهم خبر
ونكول بنتنا ماتريد تزوج
من حجه هيج غطيت وجهي وشهكت بصوت
قوي
«،،هاااي شكو
فزيت من سمعت صوته طب عيونه عليه
سأل
«،،،شبيج وليش تبجين
امه حجت منا والخلقه انگلبت الغضب ترس ملامحه وصار دم ،،،،،،كلت راح
يصيح ويفضح روحه ويفضحني بس
سأل بهدؤ عكس ملامح وجهه
«،،هي رفضت مو
«،،اي يمه
«،،هاهيه دزي خبر الهم وسدي السالفه من يمج
«،،،باجر اخابر وارجعلهم خبر
مشى من يمنا كمت وراه وطلعت
من يمهم رحت بسرعه لغرفتي
طبيت كعدت هناك مخنوكه ودمعتي
مانشفت لان التمو عليه منا هو ومنا هذا الضابط وكلها تريدني وهم مو شويه واني كدامهم خدامه وارمله وعندي
بنيه
شلون كاعد يصير هالشي مااعرف وليش ااني
بالذات هم مااعرف خاله ام ياسين
طبت سدت الباب
كالت
«،،كافي تبجين يايمه
«،،،خاله مااريد ازوج
كعدت يمي ذبت حسره سالت
«،، يمه لاتستعجلين فكري زين الولد مبين
علي يحبج وشاريج وهو يعرف وضعج
هم مثلج عنده ولد بس هو مطلگ
ويريد وحده مثل وضعه
وام بيت
سكتت وكملت
«، وكاعد وحده وكالت شتريد يسوي الها لان والله من شافها ولحد هسه
يحجي بيج
نترت بغضب
«،،خاله كتلج مااريد ازوج كولي الهم هالشي
وسدوها لهاي السالفه
صفنت عليه مو راضيه بكلامي ورفضي
اله بس كالت
«،،،هاهيه يمه بكيفج بس اسكتي وكافي تبجين
حجت هيج وكامت من يمي وطلعت وره مشوار
جهازي الجديد دك اخذته من
جوه المخده جان هو
عرفته من اخر
رقمين
ماجاوبت رجع اتصل هم مارديت اجت
رساله على الواتس منه قريت
«،،افتحي الخط لا اجي اشعل اهلج
اتصل فتحت الخط اجاني صوته يحجي
بغضب بس مكتوم
«،،،اسمعي ولج سوك بعد ماكو واي واحد يدك
الجرس ماتطلعين علي ولا اريد
اشوفج باب الحوش
ابدا
مارديت نتر
«،،سمعتي ولج
«،،،انت شتريد مني تره والله گلبي تعب من
الهبطات والخوف
«،،كولي اي وانتي تخلصين من هالشي
كمت ابجي بصوت سكت بعدين
حجه بصوت متغير
«،كافي اسكتي
«،الله يخليك عوفني بحالي والله تعبت
وراح اتخبل من الكاعد تسوي
بيه
«،،واني ماشفتيني شلون صاير مخبل من احجي
وياج ماشفتي شلون اتوسل
بيج تحبيني مثل
مااني احبج
سكت وكمل بخنكه
«،،،،اني الجنت قوي ماتلويني مره اجيتني
انتي وكسرتني كسر ماله جبر
«،،والله اكو احسن مني ويحبنك
قاطعني بعصبيه
«،،واني اريدج الج گلبي قفل عليج هو وعقلي
واخذج اخذج لان اعرف بروحي ماراح
اطيب من عشگج
الا وانتي مرتي
سكت وكمل
«،،،ولا دكولين اهج منا لان تعرفين كلش زين
اني منو وشنو اشتغل ولو طبيتي بسابع
ارض اطلعج وذيج الساعه
جيبي الي يفگج مني
«،،،انت ليش ماجاي تعوفني لخاطر الله
«،،،اعوف منو ولج اكو واحد يعوف روحه ولج
انتي بكلامج هذا مثل واحد يكول
لواحد اكتل روحك
غصيت بالبجي كال
«،،حنين كولي موت ولا دكولين اعوفج
اني مستحيل اشيلج من راسي انتي اليه
اذا مو اليوم باجر بس راح اخليج
براحتج ماراح اضغط عليج
انطيج وقت حتى تحبيني
مثل مااني احبج
«««واذا ماحبيتك شلون
«،،لاااا راح تحبيني هااي مابيها لا اختيار
ولا بيها نقاش
حجه يكزكز من غضبه
«،،،يولي اشتري روحج
تره هسه اني متخبل من هذا الكواد
الي جان مخلي عينه عليج واجه
يريدج ومااريدج تحجين
شي يصعد هالخبال
ويزيده بالراس
كال هالكلام وكمل
«،،،،خليني بالج وفكري زين واياج ثم اياج
تجين وتحجين نفس الكلام لان راح
من صدگ تشوفيني خبالاتي
على اصولها
سكت وكال
«،،،،اروح اجه حارث
سد الخط وعرفت جان يحجي بره عفت جهازي
بحظني دمعتي بعيوني ومخنوكه
كلش منه من كلامه عرفت
اني حتى لو انهزمت منه
راح يلگيني وذيج
الساعه مااعرف
شراح يسوي بيه
حمزة
وكعه غاده بالحوض مامرت سلامات
بنص الليل صخنت وصارت
فد مره
ثاني يوم الصبح ردت اخذها للدكتور عاندت
وكالت لا عندي دوه وراح اخذ
واصير زينة
اخذته وحالته زادت سوء وكامت تهذي
وتخربط بالحجي وغدت
فد مره
سويت الها كمادات وانتظرت الصبح بس
يطلع حتى اخذها للدكتور
واخذتها وطلع عدها فلاونزه قويه بالعظام
انطاها ابر وخليت الها كانوله
رجعنا للبيت هي
غافيه
وصلنا نزلت وفتحت الباب كلت
«،،،،يله بويه انزلي
«،،،تعبانه حمزه
ردت بتعب گضيتها مشت تجر برجلها
طبينا للمطبخ حبوبه كاعده بحظنها علي ورانيه يمها
«،،،،ها شكال الدكتور
«،،،فلاونزه قويه بالعظم
«،،عرفت والله
رانيه حجت حبوبه حجت بقهر
«،،،شوداج بهل الليل علي
كالت هالكلام وكملت
«،،،روحي ارتاحي صارلج يومين مو نايمه
ولا غفت عيونج
اخذتها للغرفه تمددت تون وتلوب من وجع
جسمها شفتها صارت دم گضيت
كصتها نار سألت
«،،،،هاي الابره مال الصخونه شوكت
يبدي مفعولها
«،،بعد شويه
ردت بتعب وكامت تون
«،،،اخ يمه راح اموت
«،،شاسويلج بويه كولي لو اكدرن اشيل مرضج
والله اشيله عنج
كامت تبجي وردت
«،،،اسم الله عليك مااريد اشوفك مريض
ولا بيك شي
گضت ايدي صايره نار وغمضت كلت
«،،،،خلي اسويلج كمادات
«،،،لا بس الزم ايدي وظل يمي
حسيت الابر بده مفعولها وهدأت وره مشوار
عيونها غفت سحبت ايدي منها وغطيتها
باكثر من غطه حتى تعرگ
وتفگها الصخونه
طلعت من يمها ورحت للمطبخ رانيه كالت
«،،ها نامت
«،،،،اي
«،،،نومه العافيه
«،،،،الله يعافيج يمه
جاوبت حبوبه وكعدت يمها كالت
«،،،الله ستر وتلاحگت الها جانت غرگت بهل الحوض وراحت من ايدينا
ذبيت حسره رانيه كملت
«،،من خوفها علي طلعت ولا هي ماتروح بليل للبستان
«،،،والله راح تذبحني بهل الخوف جاهل انه
حتى تظل خايفه عليه
حجيت حبوبه ردت
«،،،يمه هي مالها غيرك روحها معلكه بيك
وتحبك كلش والله اعاين الها بالعشه مااكلت
لگمه وظلت بس تعاين للباب
تريدك بس اطب عليها
«،،،لو ادري هيج يصير والله مااروحن
ولا اطلع من البيت
«،قدر ربك بعد ويريد يصير
ردت عليه وكملت
«،عينك عليها لاتعوفها وحدها خاف تصعد
حرارتها ويصير بيها شي
هزيت راسي وسالت
««،علي رضع
«،،اي سويتله ممه بس والله گوة اخذها
رانيه جاوبت حبوبه كملت
«،سوده عليه معلم على صدر امه وهي
صارلها يومين حالتها فد مرة لا بيها ترضع
ولا بيها حتى تاكل لگمه
«،،،سويت الها شوربه وفلست بيها صدر دجاج
من تكعد خلي تاكل منها
«،،،تسلمين بعد اخوج تعبناج ويانا بهل اليومين
«،،،ليش هالحجي خويه اني وياها خوات ووحده
تشيل اللخ
جدي طب سال
«،ها يابه شلونها حرمتك هسه
«،الحمد لله غفت وان شاء الله على الابر تصير
زينه
«،ان شاء الله
جاوبني وعاين لعلي كال
«،،حجيه جيبي يمي
«،،اي حجي
كامت واخذته اله كمت ورجعت للغرفه
طبيت سديت الباب ورحت ليمها
شفتها عرگانه ومطلعه ايدها
غطيتها فتحت وهمست
««اني احبك
ابتسمت ورديت
«،وانه هم احبج ياجمره گلبي
«،،ظل يمي
«،،انه يمج مو رايح
كعدت يمها اندارت وگضت ايدي وغمضت
صافن عليها واذكر شلون اختنگت وحسيت
هي بيها شي هالشعور اول مره يصير
بيه وكلت هلكد مااحبها كمت
احس بيها هي بخطر
جنات
جنت عبالي نسوي حفله بسيطه ونعقد بدون
هوسه ولا نعزم احد بس تفاجأت
بي راد حفله مهر جبيره
ولازم اروح صالون
واحجز كوشه
كتله من خابر
«،،اني مااريد هالشي
«،«بس اني اريد
جاوب وكمل
««،اني اريد افرح بيج واسويلج احلى عرس
««مايحتاج والله يعني اني وياك جنا مزوجين
وو
قاطعني
«،اني ماحسيت روحي جنت مزوج واريد احس انتي اول فرحه واول زواج اليه واريدج
تحسين مثلي
ماعندي رد كمل
««الوجاهه راح تجي يوم الخميس انتي رتبي
وضعج اريد شي يرفع الراس مااريد اقصر وياج
بشي وتروحين صالون وتاخذين
احلى فستان واغلاهن وها
ام فهد راح تجي عليج حتى
اجهز وياج
ماحبيت اجادل ويا بس كلت
«،،انت ليش خليت هيج مهر تره هوايه
ضحك ورد
«،اول مره اشوف مره ماتحب مهرها يصير
جثير
حجه هيج وكمل
«،،الاصيله يصير مهرها غالي وانتي مو بس
اصيله لا غاليه جنات وعزيزه
گلب
ارتبكت والكلام ضاع من راسي
كال
«،،ولو تريدين عيوني ترخص الج
مارديت هم ضحك وحجه
«،،،المفروض ادكولين اريد عيونك سالمه
بس يله اعرف ماراح اسمعها هسه
لان بعدج مو متعلمه عليه
گلبي كام يدك سريع من فكرت بالليله
الي راح تجمعني اني ويا وحسيت
التوتر زاد كال
«،،،مااريد اروح بس لازم ارتب كم شغله
للمهر لان ما ظل وگت
صوتي طلع بصعوبه
«،،تمام
«،،مع السلامه
«،،الله وياك
سديت الخط والايام مشت بسرعه ام فهد
اجتي وجانت حبابه كلش،،،عكس
امها الي ماشفتها بعد
امي رادت تجي وياي واخذتها هي ودانيه
هي واخته تصرفن لان جنت
دايخه ومرتبكه
شوفني تخم حلو وتكمه كلت اي
واخته اختارت بتوت كلش حلوات
هم عجبني اخذتهن امي تاشر
اليه اختاريت الها
محبس تكمه
واشتريته
واشتريت سوار من فلوسي ثكيل وحلو
كلش لدانيه بس ماكلت الها
خليته مفاجأه
اخذت ملابس قليله والبنات عجبهن
فستان ابيض نازك كالن
اخذي للمهر
اخذته واختاريت حذاء نفس اللون رجعنا
دنيا ليل امي كعدت تگلب
بالذهب تردد باعجاب
ومبهوره بي
«،،،كله تگمه وثكيل كلش
«،،،اي مهر شيوخ بعد
اختي ردت وكملت وياي
«،،،،ماقصر لا هو ولا اخته
«،،اي والله ربج عوضج وجبر خاطرج من
بدل ذاك ،،،بهل الشيخ الجيبه
مليان فلوس
«،،،،قل اعوذ برب الفلق
اختي همست يم اذني كلت
«،،،يمه اني مااريد منه لا فلوس ولا ذهب
اريده بس يخاف الله بيه
«،،،،اي هو هيج مبين علي يحبج ولا ماكو
واحد مثله شيخ وابن شيوخ
يسوي هيج لمطلگه
«««وشبيها المطلگه يمه
اختي انهدت وكملت
«،،،،،موو بشر بعيونكم المطلكه مو روح يمه
وبعدين انتي شلون تحجين عليها هيج
وهي بنتج
«،،،،هاي شبيج ولج اكلتني بگشوري اني مو
قاصده بيها شي
««استغفر الله ياربي انتي
ماتكدرين الا تنغصين فرحتنا
«،،اهو خلي اكوم اروح لبيتي انتي
راح تغثيني وتصعدين ضغطي
ماكلت ابقي شالت علاكتها وطلعت من يمنا
«،،امج راح تخبلني
«،«عوفيها تره تعبانه وراسي كام يوجعني
«،،،،خاف ضغطج صعد
سألت بخوف رديت
«،،لا تعب وارهاق
جاوبت يوسف كال
«،يمه راح اطلب عشه
«،،اي اطلب وشوف
اخوتك شيريدون
«،،وابويه نسيتي
«،،ولك اطلع من راسي انت وابوك لا اطلع
قهر گلبي بيكم
««هههه مو من يجي اكلك
«،«جااي تخوفني بي كوااد
««،ولج عيب
صحت بيها يوسف خرب ضحك وكال
«،شفتي خاله والله احنا جايين نتعنف من اختج
وساكتين ومتحمليها
«،راح اكوملك بالنعاال
«،،،هههه خاف ينگطع ابو الكركوشه
«،،،ولك ااسكت تره طبگت عدها
حجيت وياه وعضيت شفه كال
«،،خاله مايصير اجي وياج وتتبنيني انتي وشيخ
ارشد
«،،،،تعال مااكول لا
««العب واصير شيخ يوسف والبس
عگال وبشت
«««يلوك لجلوگ
اختي ردت تفر بايدها وكملت
««ولك انت من تلبس العگال يصير مثل
الواشر وكاعد على برغي
يوسف تمدد هو واخوته وخربو ضحك
اختي ضحكت وكملت
««والله طلعوني من جو الگآبه
صدك اني هم شويه فگت نفسيتي ابراهيم
اجه وتعشينا سوه بالتعلوه جبت
السوار وانطيته الها
صفنت عليه
سالت
«،،،هاي شنو جنات
«،،،،هذا هديه مني الج ومو من مهري
والله
كلت هيج لان اعرفها ماراح تقبل اي شي
منه ردت
«،،بس اني مااريد اي شي منج
«،،،دانيه لاتفشليني واخذي واعتبري تذكار
مني الج
«،«مو اخذتي كلاده لبنتي من نجحت
«،،هاي لبنتج مو الج
«،،،يمه اخذي واني وياج بالنص
يوسف حجه وغمز
«،،شوفه ابراهيم شكاعد يحجي
ابتسم ورد
««اخذي الهديه من اختج ولا تفشليها
خليته بايدها وكلت
«،شوفي شكد حلو بايدج
«««طگينا حجيه بتوت ابويه بايد وسوار
شكبره بايد الثانيه
«،،،طگنا عين ولك كالوها مايحسد المال
غير اهله
يوسف خرب ضحك ابراهيم حجه
مبتسم
«،بقت بس الحجول والملاوي
«،،اي شد حيلك مااكول لااا
جاوبته تضحك ضحك بصوت اشر على
عيونه ورد
«،،،تبشرين والله هالسنه اجيبلج ملاوي
«،،،،ابويه راح يبيع كليته ويجيب لامي
ملاوي
يوسف رد ابوه كله يضحك
««انجب ولك ماتعرف ابوك خيره جثير
وعنده خير من الله
««اي والله ويشهد الشايب الك
«،،نعل ابوك لا بو راح تصگعنا بعين ابن الجلب
«،،هههه يابه اني مااحسد
ابراهيم جان عنده تريلات مشغلهن على
طريق الاردن وعنده اسواق مال مواد غذائيه
انسان عصامي وسبع سوه روحه
بايده ومحد عنده فضل
علي
ووكفاته وياي جانت حلوه وهي الي خلتني
اطلب الوجاهه تجي ليمه وصار
هالشي وهو هم صدك
بكلامه وجاب
شيوخ بمهرنا
والسيارات ترست الفرع وطلعت للشارع
مثل ماراد وسوينا حفله جبيره
ورحت صالون وياي اسماء
بكل لحظه اشوفها تريد
بس تبجي هي واختي من فرحتهن بيه
كعدت
اسمع العقد بينه
وبين ابويه
لان وكلته اله وعرفت ليش،،،،ابوه ماقبل
افوت اهلي من وره هاي اللحظه
وهم من حجي الناس
الي راح يصير وخصوصا اهله ماراد
يصير حجي عليه وهالشي
خلاه يكبر بعيوني
من صدك شيخ
وجبير ناسه
وربعه
صارت هوسه وگلبي كام يدك بسرعه
من سمعت
«،،،مبرووك شيخ
عرفت عقدنا والهلاهل طشت بين اهلي
وخواته وعماته بس امه
جانت عازله روحها
ولا فرحت ولا
هلهلت
حتى ماظلت طلعت وبعدين رجعت
وجهها مگلوب من كعدت ام
فهد راحت الها شفتها
تحجي بعصبيه
اشرت الها
ومشت من يمها
خواتي علگن الجو ودانيه كل ساع اطش
جگليت وورد عليه
جان المهر فد شي خيالي ورفع راسي
بي وخله الجوارين يحجون بي
باعجاب
لان التجهيزات جانت غاليه وراقيه واسمي
انطبع وي اسمه على توزيعات
المهر
اني كاعده اخته ام فهد جابت ولد عمره
يطلع اربع سنوات يشبهه وريهام
اخته الخ جابت بنيه تخبل
بيضه وشعرها اسود
كالن
«،«هذوله ولد ارشد ادريس وتماره
«،،فدوه شلون يخبلون
اختي دانيه حجت عيوني غوركت
وكلت بگلبي
«،،،شلون انطاهم امكم تسوي هيج بيكم
وبابوكم
خلت الولد بصفي والبنيه بحظني گلبي
تعلق بيهم بسرعه وحبيتهم
كلش
انتبهت ريهام طگت النا صور البنيه مااستغربت
ظلت صافنه بوجهي بستها
وطبعت حمره بخدها
الولد استغرب
ونزل وراح جلب بثوبها
ارشد
ارتاحيت وبرد گلبي من صارت الي ردتها
وذبحت روحي عليها باسمي ومابقى
غير ايام وتجي تنور بيتي
ابويه بارك اليه وباسني من عيوني وكال
«،،،،مبروك ابني وشايف كل الخير
بسته من راسه وجاوبته
«،،الله يبارك بيك شيخ ويخليك اليه
ذخر طول العمر
عمي فيصل كال
«،،مبروك وشايف كل الخير والله يرزقك
منها الذريه الصالحه
«،،امين عم وتسلم
وكفت وياهم اسمع الشيوخ تبارك اليه ارد مبتسم وفرحان ردت الوكت يمشي بسرعه حتى
اروح اشوفها الي اخذت
گلبي من زمان
بس ماردت بنص الهوسه اشوفها وجدام
اهلها واهلي ردت اشوفها
بعيد عن عيون الناس
وبس عيوني
ادحك الها
طلعت وي ابويه شفته حجه بجهازه بعصبيه
جانت امي وتريد ترجع ويانا
وماقبل سد الخط
بوجهها بين
علي الغضب بس مشى الامور واني سكتت
جنت اعرف شكاعد تسوي اجتني
الاخبار من خواتي
وخليت ابويه
هو يصرف
ماجنت اريد اي شي يكسر فرحتي بجنات
وكلت امشي كلشي حتى
بس تجي وتصير
بيتي
رجعنا لبيتنا لان هناك صارت
لمه رجال اجت تبارك النا اني كاعد
اجت رسايل على الواتس
من اختي ريهام
فتحتها وصفنت على خلقه ربي ضعت
وعيوني مارمشت هي
جدام عيوني ولدي بحظنها واللخ تبوس
تماره گلبي كام يدك بجنون
وضعت بهل الصورتين
رفعت راسي مااريد ابين شي جدام الاوادم
وكلت
«،،شادعي عليج خيه وشلون راح اكوم من
نص الاوادم واجي حتى اشوفها
المجلس وره ساعه فرغ الا من اهلنا ابويه
اشرلي كمت علي نزلت
راسي ليمه كال
«،،اخذ راحتك وروح شوف مرتك
«،،اي يابه
ترخصت وطلعت من يمهم اخذت سيارتي
وطلعت لبيتهم شفت حمايه
ورايه وعرفت ابويه
دزهم وياي
انطيت خبر لابو يوسف كال
«،،كل الهلا بيك
وصلت بيتهم ساعه عشره نزلت دكيت
الجرس هو طلع اليه اخذني
للاستقبال جان ماكو
احد بس هو
اجت اختها ام يوسف باركت اليه ودعت
النا بالذريه الصالحه شكرتها
كالت
«،،هسه اصيحلك جنات
طلعت شفت الطبله الي بالنص مرتبه عصاير
وجگليت وتوزيعات المهر
وكيكه بالنص مكتوب مبروك عقد مهر
ارشد وجنات وعلبه بيها حلقتين
ابراهيم حجه
«،،هذا ترتيب ام يوسف
«،،،عاشت ايدها معدله مرتك
عيوني راحت للباب شفتها اجت خاله
شال ابيض على راسها
وبعدها بالفستان
اخذت گلبي واسرت عيوني كمت بدون
شعور واني صافن عليها
«،،اترخص اني
ابراهيم حجه وطلع من يمنا اختها
حجت بتاثر
«،،مبروك وشايفين كل الخير والله
يرزقكم الذريه الصالحه بجاه نبينا محمد
«،،،،امين
جاوبتها كالت
«،،اخذو راحتكم اني طالعه
طلعت وسدت الباب وخلتنا وحدنا
جنات
جنت عبالي راح يجي ونلبس الحلقات
بس اخته ام فهد كالت هو راح وي ابوه لان
اجوهم خطار هوايه يباركون على
المهر وبعدين يرجع
اهلي ماظلو لان سمعت من اختي مره مهند
سوت مشكله بالمطبخ من شافت المهر مالتي والذهب وطلعت زعلانه لان امي تعاركت وياها
ورزلتها
البيت فرغ وظليت بفستاني لان راح يجي
واجه والتوتر زاد والارتباك
ويا
رحت وي اختي للاستقبال طبيت منزله راسي خجلانه كلش من ابراهيم ومنه
سمعتها باركت النا وطلعت
ظليت واكفه احس
بحضوره الطاغي
ماحجه شي رفعت راسي وشفته صافن
عليه مبتسم
جان لابس زي عربي ومن صدك طالع
شيخ وشگله متغير كال
«،،،اجي لو تجين انتي
نزلت راسي بسرعه كال
«،،شوف الخجل شكد حلو
گلبي كام يدك بسرعه كمل
«،،طالعه اجمل من الخيال عبالك حوريه
مو بشر
حجه هيج وشال علبه الحلقات
وقرب مني ماتحرگت وكف
وخله مسافه قريبه بينا
««خاف اگضبج وتطلعين حلم
رفعت راسي العيون اختلفت
هي والخلقه وتفرس
بملامحي بشوگ
ولهفه كمل
بصوت
متغير
«،،،،،لا والله مو حلم واني ماجاي احلم
حجه هيج وقرب مد ايده ولزم ايدي
خله الحلقه بيها صفن عليها وطول
رفع راسه والعيون
التقت كال
«،،،واخيرا شفت حلقتي بايدج واجه
دورج تخلين حلقتي باصبعي
انطاها اليه خليتها باصبعه
ردت اسحبها لزمها ورفعها
باسها وخلاها
على گلبه
جان يدك بقوه حجه
«،،اسمعي شلون فرحان بيج
سحبت ايدي مرتبكه وخجلانه منه كال
«،تعرفين اليوم اني اسعد انسان بهل الدنيا
باوعت اله كمل مبتسم
««انتي مو بس خليتني افرح جنات لا انتي
من كلتي اي رديتي روحي اليه
ماجان عندي اي كلام هو ردد
«،«وماراح اخليج ابدا تندمين ابدا لان
وافقتي عليه والايام راح
تثبتلج هالشي
كال هالكلام والباب اندك اختي طبت وكالت
«،،شيخ ظل يمنا على العشه
ابتسم ورد
«،كولي ابو ادريس لان احنا صرنا اهل
«،واعز والله من الاهل
ردت علي ابو يوسف اجه وكال
مبتسم
«،،،عشاج ام يوسف لان المعده كامت تصوفر
«،،اي هسه احضره الكم
طلعت من يمه وعفته كاعد يم ابراهيم تعشه
ويا وبعدين ترخص وراح تمددت بغرفتي
صافنه على الحلقه واذكر كلامه
وياي ومااعرف ليش حسيت العوض الحلو
راح اشوفه بي زواجنا تحدد نهايه
الشهر لان راد يصبغ
بيته وياثث اثاث
جديد وراها
نزوج
قائد
كاعدين على العشه خاله كالت
«،،،البارحه جنات عقدت
حجت وكملت وي ليلو
«««من نكمل عشه نخابرها ونبارك الها
«،،،اي هو هم هيج بس ياريت يطلع هذا الشيخ
من صدك خوش واحد ويعوضها
عن الصار بيها
«،،شيخ ارشد خوش انسان ويخاف الله وابوه
وصيتهم حلو بين الناس والكل
يحلف براسهم
جاوبت ليلى عمي كال
«««اي اني هم جنت اسمع الناس تحجي بيهم
وباخلاقهم
««الله يسعدها وبلكي ياربي يصير عدها جاهل
منه
««يارب يجبر خاطرها بي ويرزقها الطفل
الي يفرح گلبها
ليلى حجت الكل كال
امين
كملنا عشه عمي كال من كام
«،،تلعب دومنه
«، ،،اي
«،،راح تخسر
دحكت على ليلى تضحك وكملت
«،،وراح يسحلك بابا
«،،انتي بس اطلعي منها اني سالم
«،،هههه اسمك قائد مو سالم
«،،،خاله شوفي بنتج جاي اداهرني
«،،تشاقه وياك ماسامع المثل من حبك لاشك
ومن كرهك فات وخلاك
«،،،اوي هاي شبيك صاير ماتتحمل شقه
حجت وره امها سكتت مبتسم كملت تضحك
««روح هسه اجي اشوف هزيمتك صوره
وصوت
«،،،،،اعلمج بعدين
خربت ضحك وكالت
«،،،،تكدر موو
«،،،اي اكدر لا عبالج بيت ابوج ومااكدر اسويلج
شي
«،،،،سمعتي ماما
«،،جااي يشاقيج شبيج ماتحبين شقه
خربنا ضحك من خاله ردت هالرد شالت الجاي
وطلعت من يمنا تضحك تقدمت عليها
اخزر ومبتسم اشرت بالخاشوكه
تهدد
«،،،،قائد اكعد راحه تره اعيط
والله
«،،وجان تنحصرين وين ماما وين بابا
خلي يجون يفگوج
«،،ياابه قائد
وكفت من صاحني عمي كلت
«،،،،،مو وكتك حجي خلي انتقم من بنتك بالاول
بعدين اجي انتقم منك
«،،،روح علي
حجت الوجه يضحك كلت
«،،،،اخذي حگي بالاول
حجيت هيج وكضبتها نزلت راسي
حجت
«،،،،موو هنااا
مادرت بال بستها بقوه وطولت ذابت
واني ذبت وخرت بصعوبه هي مغمضه والوجه
صار دم بستها من عيونها وكملت
بضحك
«،،شوط الخ فوك
«،،،عابت
حجت ودارت روحها مني مشيت وكلت
«،،،،اروح اسحل ابوج
«،،،،ههه العكس راح يصير
كعدت وي عمي نلعب دومنه هي اجت
وكعدن هي وخاله خابرن جنات
وباركن الها
«،،،،وجان افوز عليك
عمي صاح ليلو ضحكت وكالت
««وجان ينسحل قائد
ابتسمت وكلت
«،،،،ماجنت منتبه
«،،،،اي نعم
ردت عليه عمي كال
«،،،تلعب شوط الخ
«،،لا عم شتريد تضحكها عليه مره الخ
خلي احفظ الكرامه واكوم
«،،،،هههه والله صدك
ردت عليه كمت وكلت
«،،اروح اتمدد لان تعبت اليوم كلش بالشغل
«،،اخذ راحتك ابني
عمي جاوب كلت
«،،تصبحون على خير
«،،،وانت من اهله
«،،،هسه اجي بس الم التعلوله
«،،لا روحي ارتاحي اني الم كلشي
خالتي جاوبتها كامت واجت عليه صعدنا
سوه تردد بضحك
«،،كال مو منتبه وهو فاك عيونه 180درجه
وتالي انسحل من هاي السحله
الزينة
ضحكت وكلت
«،،،ابوج فشلني هاي مدري يارقم اني اخسر
ويا
«،«ههه يمكن صارن ميه
طبينا للغرفه سديت الباب وقفلته
كلت
«،،،،بس الشوط وياج اني دائما افوز بي
«،،،،ههه بهاي اكلك اي
«،،،،دتعالي خلي افوز بيج ويبرد گلبي
«،،،ههه قائد اكعد ولك مو هيج
تخبلت وخبلتها وياي وفزت وبرد گلبي
تمددت هي بحظني كلت
«،،شفتي فزت لو لاا
«،،فزت وابصم بالعشره
يمامه
مرت ايام وگرايب الحجيه والحجي من سمعوا بولدهم اجوي من امريكا كامو يجون عليهم
وهاشم سوه الدرب كحل
وكام يروح ويجي
علينا
شفته توتر منه والخلقه انگلبت هالشي
عيشني بتوتر زايد وخفت منه وحاولت اجنبه كلت ماراح يسوي شي لان البيت متروس ناس
انتبهت علي عيونه على ماريا يحجي وياها
ويضحك هي جانت فطيره وعلى
نياتها وشفت،،،،،بيها اختي
خفت عليها منه لان اعرفه شنو هو واحد
بلا شرف وعيونه زايغه وجان كلما
يجي اشوفها تفرح بشوفته
ردت احذرها منه بس
خفت تصير اليه
سالفه
وره كم يوم اجه اخو عمو الوسط ومرته وعمتهم
وياهم نبأ واختها وهو جان يمنا
مهيب طلع وكعد يمهم بالاستقبال خاله
ارؤى كالت من وكفنا نصب
الغده
«،،صلاوات بنات جبار شكد حلوات
«،،،اي بس دمهن جامد
الحجيه ردت هي كالت
«،،،اي صح دمهن مايلعب بس عمه ياهي
الي حجت بيها عمه انتصار وكالت
اخذيها لمهيب
«،،نبأ
«،،،،ها هي الجبيره مو
«،،،،اي
«،،،وانتي شدكولين
الحجيه باوعت للباب ردت بضوجه
«،،اني مااريدها ولا هو
«،ليش عمه
بعدين يمه نسولف من يرحون خاف يجي
احد ويسمعنا نحجي
«،،هم صدك
«،،خلن الغده للرجال بالهول والنسوان بالصاله
«،«اي
فضينا الغده ووكفت اجلف اني وياره خاله اجت
وكالت
«،،حنين صعدي هذني الجداري لفوك
«،،،اي هسه اصعدهن
غسلت ايدي وشلتهن وصعدت لفوك مشيت
للمخزن الباب جان مفتوح شويه
وكفت يمه من سمعت
صوت ماريا تحجي
بخوف
«،،عفيه خلي نطلع والله وجودنا اني وياك
بهل المكان كلش غلط
حجت هيج والباب انفتح بس ماطلعت
سمعتها صاحت بصوت مكتوم
«،، هاشم عوفني
ذبيت الجداري من ايدي
دفعت الباب شفته حاظنها وهي تدفع بي شافني وخر منها هي اجت عليه بسرعه الوجه مخطوف
وترجف خزرته وحجيت بغضب
«،،ولك ياعديم الشرف مو هاي عرضك
شلون تسوي بيها هيج
باوعت الها وانهديت
«،،،،وااانتي شجابج علي بهل المكان
«،،،،هو گلي عندي حجي وياج تعالي لفوك
«،،،،هنااا يحجي وياج هناا عقل ماكو براسج
حتى تعرفين من كلامه هذا
واحد حقير وسافل
«،،،ااانجبي ولج ولا تظلين تغلطين
نتر بي جزيت على سنوني وتقدمت علي
كلت
«،،،،والله لوما العالم جوه وتصير فضيحه لهل
البنيه الا هسه الزمك واكتلك بنعالي
واخليك فرجه لامه محمد
«،،لاا عفيه والله بابا يذبحني هو وباسل
حجت تشهك بالبجي هو كال
«،،،،اني ماكتلج تعالي انتي اجيتي عليه
فكت عيونها وصاحت بي
«،،،،ااني
«،،اي انتي
«،،،اكلك انت شنو ماعندك احساس الكرامه
صفر تره لا مهيب ولا اهله يريدوك
بيتهم وانت تعرف ليش
ابتسم ورد
«،،،صايره تصيحي باسمه عادي لازم
«،،،اااانجب ولك واحترم روحك لا هسه انزل علي
واكله شجنت تسوي بنت اخوه وهو
يعرف شغله وياك وهي
وياي تشهد
قرب وخله عيونه بعيوني يخزر بحقد
وكال
«،،لاتخلين راسج براسي تره تندمين
«،،،لا بله خوفتني يمممه كمت ارجف
جاوبت باستهزاء وكملت
««ولك اانت زعطوط ماااتخوف تريد
تخوفني ااني
رد بغضب
«،،،،يجي يوم واكسر هاي عيونج الگويه
حنين
«،،،،اني عيوني مايكسرها واحد ساقط مثلك
رديت علي بخزره وكملت
«،،،ان جان من ااستحيت من عمتك واهل بيتها
جان استحيت من ام احمد الي
شايلتك وشايله اهلك
وخليت الها قدر
هي واخوك
مارد مشى من يمنا وولى ماريا لزمت الحايط
ترجف وتبجي لزمتها وطلعتها لبره كلت
«،،امشي غسلي ولا تحجين الصار لاي
احد
«،شلون حنين ماشفتي ذبها براسي وكال
اني اجيت علي
«،،ماراح يحجي هذا واحد جبان حجه هيج
حتى يسكتني
اخذتها للحمام غسلت وجهها شفتها
صارت فد مره كلت
«،،،روحي نامي ولاتنزلين لجوه راح اكول لامج
نامت
«،،،،اي مااريد انزل خاف تعرف شبيه
طلعنا ورحنا للغرفه سالت من طبينا
«،،هو شنو عنده رقمج
«،،اي
سالت
«،،ومنين جاب رقمج
«،،ها مو راده مني وانطيته اله
جاوبت مرتبكه نترت بغضب
«،،غلط ماريا تصرفج غلط شلون تنطي رقمج
وانتي ماصارلج كم يوم من شفتي
وعرفتي
«،هو مو غريب يصير ابن خال بابا وحمه
عمتي
«،،،وشفتي المو غريب شسوه
سكتت كملت
«،،ماريا الدنيا اختلفت كلش وصارت تخوف
يعني اعرفي ماكو،،،، شي اسمه صداقه بين بنيه
وولد والي يكلج هالشي جذاب لان لا الدين
ولا الاهل راح يقبلون بهل الشي
«،،بابا هم يحجي هيج
«،،شفتي اسمعي كلامه وخليج بعيده
عن الصداقات لان ماتعرفين
نيه الشباب شنو هي
«،،شفتها حنين وخفت منه كلش
صفنت عليها من كامت تبجي رددت
«،،هو ليش هيج سوه يعني شاف عليه
حتى يتصرف هالتصرف
««شافج تضحكين ويا وماخذه راحتج ويا
بالكلام وعباله انتي مثل مايفكر
وهالشي غلط لازم البنيه
تخلي حدود بالتعامل
وي الولد
صفنت عليه بعيون تبجي خايفه ومتوتره
كلش سالت
«،،،،راح ادكولين لعمو مهيب
«،«لا تعرفي انتي اذا سمع ماراح يسكت
واعرفه راح يگتله
بجت بصوت قوي وكامت تلوم بروحها
«،،اني ليش سمعت كلامه وصعدت علي
«،،احضري وامسحي رقمه وبعد لاتحجين
ويا كلمه
«،،،اي بس لازم عمه تعرف او بيبي
«،بعدين مو هسه خلي البيت يفرغ واني
اتصرف ولازم بهدؤ ومحد
يعرف من الرجال
«،،،اي والله بابا وباسل بس يعرفون هذا
شمسوي بيه راح يتخبلون علي
وتصير سالفه جبيره
حجت وشهگت بالبجي
«،،،هسه اسكتي لايجي احد ويشوف وضعج
اني نازله لجوه ومااريدج تنزلين
الا من يفرغ البيت
«،،،اي
مشيت من يمها طفيت الضوه وسديت الباب
ورايه نزلت متوتره والغضب
تارس گلبي وملامحي
بنهايه الدرج شفته هو واكف وي
ام احمد بالصاله وحدهم
جان ظهرها عليه هو
شافني كال
«،،،،اني رايح خلي ثائر يرجعج
خزرته بغضب وتتبعته بعيوني
من مشى وراح
للمطبخ
مشيت وطبيت وراه طالع ومولي خاله واكفه تجلف
الاستكانات وخاله اعتماد
ترتب بالمواعين
بالكاونتر
«،،بنتج كعدت واخذتها ارؤى
حجت وياي كلت
«،،هسه اروح عليها بس اكمل شغل
«،ماعدنا شي كملنا كلشي روحي اخذيها وارتاحي
جاوبتني خاله كالت
«،،روحي يمه رضعيها وارتاحي ساعه زمان
«««تمام
مشيت ورحت للهول اخذت يمامه
ام نبأ كالت
«،،،كبرانه بنتج وصايره حلوه كلش وانتي
هم متغيره وصايره بعد احلى
«،،تسلمين خاله
«،،مالج نيه تزوجين
سالتني الحجيه ردت
«،، لا ماتريد تزوج اجاها ضابط ورفضته
صفنت عليها بعدين على عمتهم سالت
«،،،،وليش،،، رفضتي مو خوش يعني
«،،لا الولد خوش ولد بس هي ماتريد تزوج
«،،خاف تريدين غيره
حسيت عمتهم نغزتني جاوبت
«،،لا خاله مااريد اي احد ولا بالي ازوج
«،،،مو هذا ضابط ومو شويه وانتي تعرفين وضعج
يعني يعتبر لگطه الج
«،،شنو قصدج ام جمال
الحجيه سالت بضوجه
«،،قصدي تاخذه وتخلص من خدمه البيوت
«،،،ومنو كلج هي خدامه حنين وام ياسين
من اهل بيتي ومتعبرتهن اهلي
وناسي
«،،،بس ياخذن فلوس والاهل ماياخذون فلوس
على خدمه اهلهم
الحجيه نغزت
«،،مو انتي،،،جنتي شايله عمتي الي هي امج
بفلوس لو نسيتي هل الشي
ماتذكرين شجان يدز ابو منير كل
شهر حتى تشيليها انتي
وامال
بلعت لسانها وسكتت ،،، ترخصت ومشيت
من يمهم سمعت خاله ارؤى،،،كالت
«،،تره هسه حتى اسم خدامه محد كام يكوله
كلها مساعدات ومدبره منزل ومعينه
وتعتبر شغل حالها حال
اي شغله ثانيه
طبيت غرفتي روحي محتركه من جوة والغضب
ترس صدري من قهر الكلام السمعته ومن
قهر الشفته من هذا الي دنت نفسه
حتى على عرضه كلت
«،،خررب بيك خررب باهلي نعل صفحتهم
واحد واحد خرب بالدنيا الي
ذلتني واني بعدني
بهل العمر
الصغير
كعدت يمامه بحظني الدمعه جامده بعيوني
من الغضب واحس كل جسمي يرجف جهازي دك كمت اخذته من الشحن جان هو فتحت
الاتصال ونترت
واني طافره
روحي
«،،ها شتريد
«،،احجي عدل ولج
سكتت كمل
«،،صاير شي
«««لااا
«،،،لاجذبين تره شفت نظراتج لهاشم
صفنت وكلت وين شافني رديت
«،،ماصاير شي وروح اريد انيم يمامه
«،،لا بله بكيفج اروح
«،،،،انت شتريد
«،،يولي احجي عدل لا اجي اكسر راسج
رد بغضب وكمل
«،،جاوبي هذا مسويلج شي
«،،،،لا هو ولا غيره يكدرون يسولي
شي وانت تعرف هالشي كلش زين
سكت بعدين رد
«،،،بس ااني شفتج شلون جنتي تخزرين بي
«،،،،شتريد اضحك ويا وانت تعرف شسوه
رديت باعصاب وكملت
«،،اذا كملت كلامك اروح
«،،لاااا
نتر وكمل
«،،،حنين وحگ هو الله اذا عرفت هذا متعرض
الج وانتي ضميتي عليه هالشي
الا اسوي بيج شي
مو صاير
«،،،،استغفر الله ياربي مااعرف منين ااتلگاها
منك من
سكتت وانتبهت لكلامي صاح
بصوت مكتوم
«،،،،منو هو موو ولج احجي هذا سوالج
شي وانتي ساكته
«،،،،لاا ماسوالج شي اني ضايجه من شي
«،،،شنو هو احجي
««ماكو شي،
«،،ولج بطلي جذب تره شفت خلقتج شلون
جانت واني مو غشيم عنج
«،،مو هو سمعت كلام غثني
رديت علي اريده ينسى سالفته لهذا العار
سال
«،،،منو غثج اهلي نسوان اخوتي
«،،لاااا
«،،،،عجل منو ماتحجين شنو اجر الكلمه
من حلگج جر
«،،انت شبيك لزكت عوف السالفه وخليني
انيم عاد البنيه
«،،يولي لاتخليني اجي عليج لغرفتج واطلع الحجي بالگوه واسويها والله ومايهمني
اي احد
اعرفه يسويها كلت
«،،عمتك حجت وكالت ليش ماتقبلين بالضابط
وهو لگطه الج حتى تخلصين
من خدمه البيوت
سكت بعدين سأل
«،،جدام منو حجت هالكلام
«««كدام الكل وامك ردتها ماقبلت الها
«،،خوش اني الي كلام وياها
««،شتريد تحجي وهذا الشي،صدك
اني خدامه وراح اظل هيج لو غيرتو الاسم
الف مره
«،،انتي مو هيج ولا ام ياسين
«،،هاي يمكم انتو يم الناس اني خدامه
وهالشي لازم تعرفه وتشيلني من راسك
«،،المن اشيل غير لو اكدر
رد وكمل
«««اني مايهمني هالشي ويا ما شباب مثلي
اخذو بنات مثلج
«،،انت ماتعرفني اني منو
جاوبته ودموعي نزلت كملت
«،،،اني اهلي ناس عارات
قاطعني ورد
«،،ليش،ااني مااعرف ماجنت اشوفج تفترين
بالتقاطعات حتى بس تحصلين
جم فلس وتروحين
توديها الهم
حجه هيج وكمل
«،،،اعرف عمج جان مستغلج واعرف انتي
ماعندج اهل بيهم خير واكلج
مايهمني لان اني ماخذج
الج مو اهلج
«،،،حتى لو انت قبلت بهل الشي اني مستحيل
اقبل لان اا
قاطعني بغضب
«،،ااياج تعيدها اياج حنين تعيدين هالكلمه
سكت وكمل بخنكه
«،،ولج اانتي شنو ماعندج گلب ماعندج
احساس اني جاي اموت من
وراج وانتي ولا يمج
«،،موو بأيدي هالشي
««،لاا بأيدج ،،انتي جاي تاذيني
بهل الكلام تقبلين صيرين
سبب اذيتي
«««لااا والله مااريدك تتاذه
«،،،عجل اسكتي ولا تحجيها ابدا مااريد
اسمعها لان تقهرني هالكلمه
جان يحجي بقهر وحرگه گلب
وخله عيوني ماتبطل
بجي كمل
«،،ولج اخ
لو ميت بذاك اليوم ولا هذا العذاب
«،،جان قهرت اهلك
«،،،،يعني مااقهرج
سالني سكتت كال
«،،وليش اقهرج واني اعرفج انتي ماتحبيني
اختنك وكمل
«،،ياريتني ماشفتج ولا عيوني شافت
عيونج ياريتني متت ولا
عرفت گلبي حبج
ردد
«،،،،حسبي الله عليج حنين واذا صار بيه شي
فهو من وراج واكلج مو مبريه الذمه للموت
شكرا لزيارتكم عالم روايات سكيرهوم
