رواية ناديه الفصل السابع والأربعون 47 بقلم انين الليل

////// ///////////

ناديه 

بعد الي سمعته من افراح خفت ورجعت بره بسرعه صرت امشي كانت اكو اسواق شويه عن البيت بالجهه المقابله 

رحت دخلت بيها بحجة اتسوك بس حتى اكسب وقت وياسر يطلع چنت اشتري وعيني ع الشارع لمن ما شفت ياسر

 طلع بسيارته جريت نفس وحاسبت ابو الاسواق وطلعت امشي وصلت النهاية الفرع اخذت تكسي وانا افكر بكلام 

افراح عرفت انو هاي مخليه بحسابها تتخلص مني اذا ياسر فكر ياخذني او حتى لو انخطب اذا ما اتنازل عن كل حقي 

هم راح تتخلص مني

اكيد هي تتحين الفرصه يجوز تكتلني او تحرگني واذا على حنين فهاي تعرف بيها فقيره واكيد مخليه بحسابها 

اشلون تتخلص منها وتاخذ كل شي يعني لازم انا ما ابقى وياها هي وبناتها ابحدي 

فكرت احچي العمو كرم لكن اعرف بي راح يواجه هادي وهي تنكر وحتى اذا اراويهم التصوير راح يكتلون هديل 

او يجوز تتبلى عليه ويجوز تگول انا الي جايبه الولد واله منين حصلت على التصوير 

اذن انا صار لازم اتحذر منها بس شلون لازم استنجد باانسان يساعدني يكون اقوى من افراح ويكونلي سند يدافع عني 

وعن اختي اتحسرت وكلت ... ... .... اي منو هذا الانسان ؟

فكرت گلت ... ... سراج هو الي يكدر يحميني انا وحنين 

هزيت راسي ... .... لا مو صحيح هو وينه سراج هاي شكد صار ما كلف نفسه حتى يجي. ويشوفنا 

شلون ياربي هاي المره ناويتلي على شر وانا ابخدي ما اگدر اواجهها احسن شي اوافق على عرض فيصل 

اي فيصل اكيد راح يدافع عني وعن اختي لان يحبني

1

... بس شلون هو متزوج 

 ... ... واذا متزوج انا مو اول وحده تتزوج انسان متزوج وهو گلي ما راح ايحسسني باي شي 

... ... فيصل ايحبني خلي اغتنم الفرصه او اوافق حتى ياسر يقطع الامل وافراح ما تسوي اي ملعوب خصوصا 

وهو يعرف قصتي يعني ما راح ايتفاجأ باي شي

بالبدايه گلت خلي اخابره اتصلت مارد بعدها هم اتصلت هو رد 

الو 

... ... الو شلونك فيصل 

هو رد بارتباك ما اعرف بزعل // اهلا بيج ناديه 

... ... انت وين ممكن اشوفك 

: هاا انا بالدائره خير 

...... كل الخير يمته ترجع 

: باچر 

... ... زين فيصل بالليل نتخابر 

: ماشي 

... مع السلامه

سديت النقال بس ما اعرف شبي فيصل مبين من كلامه يجوز زعلان من تصرفي اخر مره ورفضي اله

   اي يجوز او يمه رئيسه بالدائره ياالله باچر انطي موافقتي اذا مو بالليل احچي ويا 

       حچييت ... ... ... خلي اروح للصيدليه اجيبلي علاج

تستمر القصة أدناه

رحت للصيدليه وطلبت علاج المعدتي الي ماذيتني والي زاد المها من سمعت كلام افراح انطاني حبوب قبل الاكل وبعده 

وقررت اروح اگعد ع الكورنيش واشم هوا وبعدين اخذ اكل وارجع للبيت

اخذت تكسي وچان طريقي على العماره الي بيها الشقه باوعت شفت سيارة فيصل الجديده برقمها

المميز درت وجهي عليها وانا اشوف رقمها اتاكدت هي هاي ويم الشقه مالته احچي ويه نفسي 

  ... ... معقوله مخليها ورايح للدوام 

  هزيت راسي ... ... لا مستحييل يخليها بيش يروح الدوامه 

... ... يعني هو بالشقه ويگلي بالدائره وكلامه الي بي ارتباك اكيد اكو شي

اتحسست جنطتي وفتحتها شفت المفتاح موجود اخذني الفضول وگلت للسايق يرجع ونزلت يم العماره وصلت للشقه

  وطلعت المفتاح لان اعرف فيصل ما يچذب عليه 

 ليش يگول بالدائره ادري. بي ما يخاف من اي شي لكن وجود سيارته وكلامه وارتباكه خلاني اشك 

فتحت الباب وانا گلبي يدك الف بالثانيه واتساءل ... ... ليش يگلي بالدوام

ربطت بشي بيني وبين نفسي واتمنيت هذا الشي يكون غلط دخلت للشقه شفت اباب الصاله حذاء فيصل 

دخلت حسيت اكو شي ما اهتمييت فتت گبل الغرفة النوم 

هنه غرفتين حسيت باول وحده فيصل موجود لان سمعت بسبسه وضحك قوي اتجرأت فتحت الباب 

بعد ان اخذت شهيق وزفير شفت فيصل ويا وحده 

شبه عاريه لان نص جسمها ما مغطيته بالجرجف متمدده على صفحتها وايدها على ذقنه وه متمدد وياها

انا رجفت يمكن خوف او يمكن خجل من الي شفته باوعت الها چانت نسرين صارت عيني بعين فيصل الي 

مجرد ماشافني فز وانا بلحظه رجعت للصاله وانا اتنفس بقوه احس حتى الهوى انباگ مني ما صرت افكر 

باي شي طلعت بره الشقه وانا ارجف ومتقززه من المنظر الي شفته

وصلت خارج العماره اريد اخذ تكسي صرت ما اشوف اي شي لان عيوني غوشن 

بقيت واگفه وانا اجر نفس حسيت بايد لزمت ايدي باوعتله كان فيصل وبدون كلام جرني شفته 

حافي دخلني للشقه وهو يگلي //ناديه اهدي وانا افهمج

ما جاوبته بهاي اللحظه طلعت نسرين وكأن اي شي ما صاير ابتسمت بوجهي وهي عبالك ما تعرفني 

وراحت تمشي وانا مستغربه تصرفها 

هو گعدني ع القنفه وانا ارجف وعيوني مليانات دموع احس بخيبة امل واشمئزاز واتساءل 

    ... ... ... معقوله هذا الي شفته 

هوراح جابلي ماي وگلي // ناديه ارجوج اسمعيني

1

هزيت راسي بدون ما اجاوبه وواخذت نفس قوي وانا مغمضه عيوني هو گلي 

: ناديه لا تفهمين الامور وتفسريها حسب مزاجج رجاءا 

باوعتله وانا ما اگدر احچي هو گلي 

: ناديه انا احبچ لكن انتي رفضتي ان نرتبط لا تجين هسه اتحاسبيني انتي نهيتي كل شي وبرضاتج اتوسلت بيج 

لكن انتي رفضتي حبي وتعلقي

باوعتله واسترجعت هدوئي رغم گلبي بعده ايدك قوي گتله... ... تحبني ولان رفضت الارتباط بيك هيج تسوي 

هو شعل جگاره واخذ نفس قوي وگلي 

: انا اول مره شفتج وين. ايهنا شفتج بهاي الشقه والعلمج نسرين هيه الي خابرتني وگالت وحده بعدهي بزونه عميه 

كل شي ما تعرف ولا الها بشغلات الزلم والصداقه والونسه واكبر واحد ما يوكعها 

استغربت اكو وحده هالشكل واكيد موجودات لكن ما يصادقن وحده مثل نسرين اجيت وشفتج واحنه زلم نعرف المره 

من مشيتها ونظزتها وخجلها او كلامها شفتج ومن يومها ما صرتي تغيبين عن بالي

تستمر القصة أدناه

    استغربت كلامه لان انا سبق وسالت نسرين وهيه نكرت ... .... ها يعني جيتك للشقه مو فجأه انت اجيت وانت تعرف 

انا بيها 

   هز راسه // اي اعرف تتصورين رجال مثلي المن يشتري شقه وينطي مفاتيحها الوحده مثل نسرين 

باوعلي وحچه // انا اگلج حتى يرتاح 

عكفت حواجبي وبدي اتقيأ من كلامه ومنظر نسرين المقزز هو هز راسه //. انتي تدرين شلون عرفت نسرين 

... .... ما اريد اعرف كل كلامك ما اله مبرر خليني ارووح 

هز راسه //. اخليج ترحين بعد ان تسمعيني لا تخافيين ما اسويلج شي

  رغم خوفي وتوتري لكن خليت عيني بعينه هو گال // اتعرفت بنسرين بالطريق چانت واگفه منتظره 

سياره او بالاحرى صيده وگفتني وركبت وياي ورغم حاولت تظهر نفسها هي مؤدبه وشريفه لكن انا كشفتها وعرفتها 

هي وحده رخيصه مثل ما عرفتج انتي بنت شريفه بكل مساوئ امچ اتعرفت على نسرين واخذت الها هاي الشقه 

  من عماتي واعرف بيها كل شي تسوي تجيب بنات وزلم لكن بنفس الوكت تريحني

وحتى تعزمني على بنات تجيبهن اهنا لكن من شفتج عبالي انتي نفس نسرين والا شكو شعندج جايه بيها 

 بس من شفت ارتباكج وخوفج وشلون صرتي ترجفين اخذني الفضول وسالتها عنج وبطريقتي عرفت عنج كل شي 

وجربتج وعرفت شنو معدنج رغم اعرف بامج شنو سوت بابوج لكن ما همني ضميت عنج زواجي حتى ما تتاذين 

وقررت اصارحج بكل شي قبل لا يجون اهلي حتى تنطيني العذر وانتي رفضتيني بمجرد ما عرفتي 

من نسرين انو انا متزوج بيومها انتي ما شفتي شنو سويت بيها ولا شلون عاقبتها لكن هيه ما تهتم الهيج شغلات 

كل همها ونسه وفلوس

1

  اتنفس بعمق وحاچاني // ورغم هذا يابنت الناس لازم تعرفين انا احبج وابقى احبج ومستعد الكل شي 

جاوبته باستهزاء ... ... تحبني انت تحبني (واشر بايدي على الارض ) او. ويه صديقتي 

 اتقرب مني لكن انا ابتعدت هو اشر بايده وحاجاني // اولا ما اقبل نسرين تكون صديقتج وثانيا اي احبج 

... ... والشفته شنو 

فيصل // لازم تفهمين انا رجال

جاوبته بعصبيه ... ... اي رجال ادري رجال بس الي شفته شتفسره 

فيصل اتنفس قوي وطفى الجگاره // اي رجال عنده غريزه عنده احتياجات 

جاوبته ... ... مو عندك مره 

غمض عيونه // انا ومرتي دائما على خلاف عدنا مشاكل هي مخليتني برستيج گدام الناس وانا مخليها 

الخاطر ابني

حاچيته باستهزاء ... ... خوش عذر مخليتك برستيج ومخليها الخاطر ابنك وتجي ترتاح اهنا شلون هاي 

الي اعرفه الرجال لازم ......

قاطعني وحچه وياي بعصبيه وصوت عالي 

:لا تخبليني ناديه تسوين نفسج ما تعرفيين شي كافي شنو زغيره انتي

لزم ايدي حييل ودخلني للغرفه وانا احاول اعت ليدي منه بس هو جان محكم قبضته حييل وكف وهو يلهث وكلي 

: باعي اتفرجي 

باوعت شفت تلفزيون بالغرفه انا ما انتبهت الوجوده چان مفتوح على لقطات اباحيه

دنكت وانا مغمضه عيوني طلعت هو جاوبني بعد ان طلع وراي // اليوم خابرتني نسرين وگلتلي عدها 

موضوع يخصچ ولازم اتشوفني وانا اجيت كل ظني انتي مفهمه نسرين انچ موافقه بيه 

 لكن من وصلت للشقه لگيت نسرين مشغله هذا الفلم تعرفين ليش حتى اتهيجني وتسلب ارادتي 

وهيه تعرف الي احتياجات اناامارس وياها وهي تقبض الثمن ومو بس هي اي وحده اجيبها نشغل فلم 

وبعدها موسيقى وبيهن ايطلبن شرب وبيهن ايرگصن ومجرد ما تنتهي رغباتي انطيهن فلوس ويرحن

تستمر القصة أدناه

  اتحسر // بس انتي انتي ياناديه تختلفين مو مثل ذني انتي ملاكي البرئ الي اشوف بعيونج الخجل والعفه 

انتي الي ملكتي عليه كل شي انا مو بس احبج لا انا ... 

  باوعتله وهو سكت وخليت مفتاح الشقه ع الطبله وگتله 

... ... هذا المفتاح 

ودرت اريد اطلع هو لحگني وگلي // انا احبج

باوعتله ورديت ابرود ... ... بس انا ابد ابد ما افكر ارتبط برجل مثلك يمكن حاجتك اتلبيها الك وحده مثل نسرين 

لكن انا من رابع المستحيلات اقبل ارتبط بواحد مثلك 

هو فتح عيونه //اشبيه انا من شنو اشكي 

... ... ما بيك شي بس ما احب الخيانه

فيصل //يعني تشوفيني خاين

سلهمت عيوني ... ... مو مهم انا شنو اشوفك المهم انت شتشوف نفسك 

: ناديه انا احبج ومن نتزوج ما ابقى اباوع الاي وحده بالكون راجعي نفسج 

... ... اسفه يمكن اي وحده غيري تقبل بيك لكن انا اسفه 

هو باوعلي وسالني // واذا هسه اشيلج واغتصبج شتسووين 

هزيت راسي ... ... صدگني كل شي ما اسوي بس اكتل نفسي ولا تگول ما تگدرين انا بالاساس كارهه نفسي 

يعني انا ميته ميته ويجوز الموت اليه راحه لان انا ما شفت من هاي الدنيا بس المرار والخذلان

اعتقدت بلحظه فيصل راح يسمعني كلام يجرحني او ايعيرني باامي ويطعني بااخلاقي مثل ما سمعت 

من ميثاق او رافد اتحسرت وعضيت على شفتي من جوه ودموعي بطرف عيني بقينا ساكتين دقايق 

هو وصل الباب الشقه فتحه وگلي // روحي ناديه

انا اتفاجئت من تصرفه وردت اطلع هو كال //لازم تعرفين انا احبج لان انتي بيج هواي اشياء تنحب اهمها تحافظين

 على كرامتج ونقاء نفسج رغم انو الناس تشوفج مثل امج ومو بس هيج ولان انتي شريفه بالفطره احسن من هواي

 بنات عدهن اهل وتعبانيين بتربيتهن لكن هنه يتصنعن الشرف والاخلاق انا احبج وانتي احلى شي صادفته بحياتي 

اتنفس بعمق // تدرين واحد من اصدقائي جابلي ملف القضيه مالت اهلچ وشلون اعترفتي وشلون اشرتي وشلون اتسكتين

 باختج وصورتج وانتي تبچيين كل هذا الشي اتمنيت اخذج واعوضج عن كل شي لكن انتي رفضتي 

 لان حسب كلامج ما تردين اتاذين ناس بيوم من الايام همه اعزاز على گلبي بس خلي افهمچ 

كان ممكن نتزوج وتعيشين سعيده انتي واختج (جر حسره ) اتمنالج السعاده ومن تحتاجين شي ولو اعرف 

ما راح تطلبينه مني لكن من تحتاجين اي شي لاتترددين رقمي عندج واي شي اي شي برسم الخدمه 

كلامه ونبرة صوته چانت مؤثره جاوبته // شكرا الك وانت انسان طيب وتستاهل كل الخير 

فيصل //رجاءا لا تترددين اتطلبين اي شي ابد لا تخجلين مني اعتبريتي اي شي انتي تشوفينه 

... ... شكرا فيصل بس 

: شنو ناديه شتردين تگولين 

... ... لا ولا شي 

: ناديه رجاءا گليلي 

... ... هاي نسرين خاف تتقول عليه وانا مو حمل كلام

هو جاوب بعصبيه //شحدها اموتها بايدي صدگي وداعة عيونج الحلوات من باچر بعد ما تعترض 

طريقج لان هي تعرفني منو انا لا تخافين واطمني واي شي تلفوني يمج اطمني ناديه اگص السانها لو مجرد 

تنطق اسمج

تستمر القصة أدناه

رحت امشي باوعتله شفته گاعد ع القنفه ومدنك باوعلي وانا اشوف دمعه بعيونه رجعت وگتله 

... ... فيصل راح ابقى اباوعلك شي چبير وعزيز بحياتي لكن الي شفته صعب اتقبله الله يوفقك يارب 

هو رد //ممكن اسالج

هزيت راسي هو سالني //ناديه ليش خابرتيني واجيتي لهنا 

... ... بصراحه ردت اسمعك موافقتي ومن شفت السياره شكيت بوجودك اسفه 

هو اتحسر وگلي //الله يسعدج وتذكري يمته ما تحتاجيني تلگيني وراج 

... ... شكرا الله يحفظك 

وكف وكلي // لازم اتعرفيين انتي احلى شي صاررالي بحياتي مع الاسف ما گدرت احافظ عليچ

طلعت وهو بقى بالشقه طلعت وانا مقهوره وصرت احچي واگول 

... ... ليش هيچي يامياده يعني لو باقيه وساحگه على گلبچ ومربيتنا هسه مو هذا حالنه

صرت امشي بعدين اخذت تكسي رحت ع الشط گعدت وانا اباوع للامواج كان ظهر ومحد موجود اله قله قليله 

وانا افكر بالي جاي يصير وياي وليش انا بالذات 

صرت امشي واباوع للشط بعدها وصلت للسوك وانا اباوع للناس واحچي ويه نفسي 

... ... هاي الناس هم بيها ناس مثلي ومثل اختي لو بس انا 

وگفت على بسطيه اخذت اشياء بسيطه ردت بس الوكت يمر بعدها وصلت يم مطعم اخذت غدا وركبت 

تكسي للبيت وصلت لگيتهم موجودين سلمت بدون ما انتظر احد يجاوبني لان ما اريد اسمع منهم شي 

صعدت الحنين الي شفتها نايمه گعدتها هي غسلت وجهها وانا بدلت وغسلت وگعدنا ناكل 

حنين تسولفلي ع المدرسه وانا اجاوبها ايي 

لان عقلي مو يمها چنت استرجع الكلام الي سمعته من افراح والي شفته من نسرين وفيصل

غسلت واتمددت كالعاده وصارت احداث اليوم تمر عليه غطيت وجهي ودموعي تنزل من اتذكر كلام فيصل 

وتصرفه واحس بي يمكن اذا موافقه على الارتباط بي يمكن راح يحميني 

لكن بعيني شفت خيانته 

وافراح واهديدها 

ويتجاسر واصراره عليه

مسحت دموعي وقررت انتبه الدراستي واختي واعيش النفسي وابتعد عن اكل الى ان حنين تنجح من السادس

ومجرد ما يعقد عليها مرتضى اطلع من بيت هادي فلازم بالوقت الحاضر اخذ حذري من افراح من كل النواحي 

   ولازم اتحاشاها قدر الامكان 

  اما نسرين فلازم اقطع علاقتي بيها نهائيا ولو تحاول تحچي وياي كلمه اهددها ابفيصل 

لازم ارجع ناديه البنيه اليتيمه الي لازم تنجح بحياها وتدير بالها على اختها

  ومن يومها اتناسيت فيصل لكن ما يمنع يمر ابخاطري واتذكر كلامه الي گاله الي صدگوني احترمه لان هو 

انسان صادق وما حاول يصطادني واتناسيت كل شي صار لي بالكليه وكل الناس الي اذووني صار امامي 

هدف واحد هو نجاح حنين ونجاحي بامتياز حتى اضمن تعييني بالكليه كمعيده 

 وصرت اداوم عادي ونسرين هي صارت تتحاشاني لاتسلم ولا تجي تگعد وياي بالكفتريا يعني اكيد فيصل 

هددها وفعلا طلع رجال وعد كلامه

اما زميلاتي وزملائي الي وياي بالقسم حدي وياهم السلام وبس والمناقشه بموضوع يخص دراستنا 

يعني سوالف وشقى ما اكون وياهم 

كنا تقريبا منتصف الرابع خلصت اليوم بنفس الروتين

 داومت لكن قبل المحاضره الاخيره ياسر كتبلي //انا بالباب ياريت تجيين

تستمر القصة أدناه

عرفت ياسر يريد يحچي وياي انا هم گلت خلي اخلي النقاط ع الحروف اسمعه واسكت ومن اوصل افجر المفاجأه 

ارفضه واطلب من ابو وامه ان يبعدونه عن طريقي واطلب منهم اروح انا واختي البيت عمي كرم 

طلعت ما شفته واگف رحت امشي بره الكليه خابرته 

... ... انت وين 

جاوبني // بره امشي واگف ع الشارع 

... .... وليش

اتحاچيت ويه الشرطه الي بالباب 

... ... ليش اتعاركت ويا 

صارو يسالون وليش اهنا توكف وشعندك اتلاغيت وياهم وما ردت اسوي مشكله 

... ... زين انا جاي امشي بس انت وين بالضبط 

    ع الشارع العام امشي

1

  رحت امشي والمسافه بعيده هو خابرني ... ... الو 

    - - انا جاي اشوفچ راح ارفع ايدي 

بصراحه اتعجبت من تصرفه شفته وصلت يمه وسلمت ... ... شكو ياسر شصاير 

هو جاوبني //لا ما صاير شي عندي وياج حچايه 

        رغم اعرف شيريد يحچي بس ما حبيت افشله ... اي اسمعك

1

ياسر //اركبي بت عمي شنو خايفه 

ابتسمت ... ... لا ما خايفه بس اتفاجأت بجيتك من زمان ما مسويها 

ركبت وهو صعد وساق السياره وهو ساكت وبس اينفخ شفته مو نفس طريق 

بيتهم سالته ... ... احنه وين رايحين 

هو عينه ع الطريق //اهنا شغله بسيطه ونرجع

شفته طلع على طريق خارجي وصار يسوق بسرعه عبالك ايريد يگلبنه حاچيته بنتر ... شبيك وين رايحين 

هو بقى على سكوته انا ما خفت من ياسر لان اعرف اخلاقه نزل الطريق ترابي باوعتله

... ... ياسر مو احچي وياك وين رايحين 

هو بس يجر نفس قوي وصلنه الارض مبين من زمان ما مزروعه وابدايتها كرفان هو نزل وفتح باب السياره 

- - انزلي 

جاوبته بسؤال ... ... وين وين انزل ؟

ياسر //اهنا ناديه كلمتين اريدج اتسمعيهن 

... ... واله اهنا اسمعهن 

لزمني من ايدي سحبني وحاچاني بنتر //انزلي يامعوده

نزلت وانا اعت بايده دخلت للكرفان هو سد الباب انا سالته ... ... خير ياسر ليش كل هذا 

هو جر نفس وگلي // لان انسدت بوجهي كل الطرق ما بقى عندي بس هذا الطريق 

انا حاولت اصير گدامه قويه ... ... يا طريق ياسر تره هسه انت باعتبار خاطفني

   رد عليه بعصبيه // اي شتردين تسمينها سميها خطفتج بگتج شتردين اتسمينها سميها

      بلعت ريكي رغم اعرف السبب... ... وليش كل هذا 

ياسر //اتساليني ليش لان احبج وما اشوف مره بالدنيا بس انتي 

... ... ياسر عيب عليك انا عرضك 

جاوبني ابرود //وانا ما مسوي شي بت عمي واريد اخذج بالحلال انتي ما تقبلين نتزوج لان امي ما قابله 

وخايفه منها وامي ما تريدج وانا صرت بالوسطه

... ... وهسه شتريد 

:ما اريد شي تبقيين اهنا اروح اجيب السيد وشهود اثنيين اعقد عليج ونرجع للبيت محضر جنطتي اخذج واسافر 

وشيردون يسوون خلي ايسوون 

بلعت ريگي ... ... انت عاقل انت تعرف شجاي تسوي 

ياسر //لا مخبل والمخبل كل شي يسوي 

   حاولت ابتسم حتى اهدي ... ... ياسر لا تتهور

تستمر القصة أدناه

اتقرب مني //ما اتهور انا احبج 

جاوبته ... ... بس انا ما احبك ولا اشوفك اله مثل اخوي 

هز راسه //لا غلطانه انا ابن عمج واحل عليج 

حاچيته بعصبيه ... ... مو بكيفك ياسر انا مو سلعه تشتري بيه وتبيع 

     خله اصلعه على حلگه // : انچبي لا تحچين هيچي

      اول مره اسشوف ياسر هالشكل خفت بصراحه جاوبته 

... ... والله جيب السيد لو ادري تذبحني اگله ما موافقه ولان يتيمه وما عندي احد هيج تسوي وياي 

هو رد عليه //گليله وهم اخذج وتشوفين 

... ... اي اگله ولو تموت ما راح يعقد النه 

هز راسه // صحيح ومجرد ما يروح ثقي اله اغتصبج واخليج تبوسين التراب بس حتى اخذج

1

رديت علي بترجي ... ... عفيه ياسر لا تجني عليه وتفضحني انا ما مسويتلك شي 

اتقرب عليه وهو يباوعلي بنظرات يريد يفترسني // انتي كل شي ما سويتيلي وبايدچ راح كل شي تسويلي 

دار فتح باب الكرفان وگلي //انا رايح وساعتين وارجع خلي ابالج انتي بت عمي وحلمي بحياتي ما افرط بيج 

لو ادري اموت اخذج والي يصير ايصير 

... ... وانا اكتل نفسي وما اخذك

طلع ما رد عليه وانا فتحت جنطتي وطلعت التلفون اريد اتصل هو راسا فتح الباب ررجع اخذه وگلي

//كافي لا تتهورين 

جاوبته بعصبيه ... ... رجعه اليه ياسر لو تموت ما اخذك 

ياسر ابتسم // اي اخذج واموت هم قابل

طلع وسد الباب ورا گعدت وانا مذهوله معقوله ياسر هيج يسوي ياربي شلون بيه حاولت افتح الباب ما گدرت

 دگيت الباب بقيت اعيط عفيه افتح لي الباب بقيت ادك ادك لكن محد اجاني بلحظه فقدت الامل لكن بلحظه 

اجاني الامل حسيت اكو واحد يحاول يطلعني وهو يدفر بالباب صار كل الصور كدامي 

سراج 

عمي كرم 

فيصل 

وحتى ميثاق

وفجأه انفتح الباب شفت رجال اجه واتقرب مني وخلا ايده على حلگي شالني وخلاني بالجنطه مالت السياره 

واتاخر ياالله ركب بالسياره ومشى بسرعه بس فجأه وگفت السياره

 ونزلني وركبني بسياره ثانيه وگلي بالحرف الواحد //راح اگعد بصفج اذا فكيتي حلگج اموتج 

 وشفت بصفحتي خال سچين انا هزيت راسي السايق گله //خدرها

1

انا هزيت راسي لا چنت ارجف من الخوف وهم لان ما اعرف همه منو گله

: والسيطرات شلون 

: مريضه وماخذيها للطبيب هاي الاشعه والمفراس شبيك 

باوع وگله //اخذ السياره الجريد وخليها يخفيها 

:اي وهم يراد عبايه 

:زين خلي اخابره

  اتصل ورد // توفيق جيب عبايه بسرعه وتعال 

:اي مال نسوان اي وبنفس المكان 

وره ربع ساعه اجه واحد ملثم وگاله //هاك هاي العبايه شفت عبالك انفجار 

سمعت صوته // لك هاي شنو 

الي لازم حلگي //اي مو درت البانزين داير مادايره روح اخذ السياره وارجع بسرعه 

وباوع ع السايق گله //ياالله خلي نمشي 

السايق //اي بس هاك خدرها 

اتقرب مني ما اعرف شنو بايده فتحت عيوني عبالي نايمه بغرفتي ويمي حنين لكن اتذكرت ياسر والرياجيل

الي اجو طلعوني من الكرفان باوعت حاولت افتح عيوني واستوعب الحادثه 

  صرت احاول افتح عيوني مره اغنضهن مره افتحهن والصوره ما واضحه فتحتهن بتعب شفت نفسي  

مربطات اديه ورجليه بس انا وين ما ادري

تستمر القصة أدناه

راسي ثگيل وبغرفه ظلمه بيها نور خفيف جواي حصيره حاولت استرجع الصار ما گدرت 

يمكن رجعت نمت وبعدها فتحت عيوني وانا اشوف نفس منظر المكان عرفت ياسر سلمني الذوله حتى ايكتلوني

 اتذكرت الي صار واحچي ويه نفسي ......معقوله ياسر لا مستحيل يسوي هذا الشي هو يحبني يمكن خاف 

صدك گدام السيد ارفضه وخاف ينفضح دز عليه ذوله (هزيت راسي ) لا لا ناديه لا ياسر مستحييل 

يسوي بيه هذا الشي

... ... چا منو الي اله مصلحه منو 

... ... يجوز ميثاق او لمى او حتى نسرين او فيصل افراح مثلا لو هادي 

هزيت راسي ... ... لا ما معقوله انتبهي ناديه هذوله خاطفينج اكيد عرفو عندج فلوس ويردون ايقايضون عليج 

... ... اشبيج ولچ ايقايضون منو اشبيج الفلوس انتي مسؤوله عنهن لو يردون چان خطفو حنين وطلبو منج فديه

 لا ذوله خطفوني حتى ايكتلوني اي لكن منو موديهم وشگد ينطيهم وليش يريدون ايكتلوني

  خفت حييل وانا اشوف روحي بچف ايدي جريت نفس ... ... انتبهي ناديه خلي فلوسج تنقذج انتبهي 

... ... ناديه ناديه فكري استغلي الفرصه انتي الوحيده الي تگدرين تنقذين نفسج 

بچيت وانا اتذكر شنو راح ايصير بحنين غمضت عيوني وانا اشوف سراج يبتسملي وانا ابچي وهالمره حاجيته 

بصوت مسموع

 ... ... وينك سراج محتاجتك 😭😭😭

////////////////////////////////////////

سراج 

قبل وفاة عمتي طلبت مني اجيب الها محامي ويكون ثقه انا اعرف استاذ علي هو محامي محنك وعنده خبره لكن 

ما عرفت عمتي شتريد منه ومن سالتها شلج بالمحامي هي ردت وكالت من اتجيبه راح تعرف 

خابرته واجينه انا ويا البيتها وهي گالتله رغم بوكتها گوه چانت تحچي 

= = اريد اسجل هذا البيت باسم ناديه واريد الوصي عليها وعلى املاكها هي واختها سراج ابن اخوي

المحامي فهمها بان لازم تسوين هبه 

هي سالته = شنو الاضمن كون محد يگدر ياخذ البيت منها 

المحامي // حجيه اضمن شي البيع والشرا لان بالهبه احتمال يطعنون ويجيبون شهود انو انتي تعبانه واكيد 

متاثره بوضعج

عمتي = = هذا هو سوي بيع وشرا والوكيل سراج ابن اخوي

جاوبتها :: عمه تدرين شراح اتفتحيين عليه وعلى البنات من باب 

هي باوعتلي = = بنات عباس وكل شي ايملكنه امانه عدك

بعدها المحامي جاب كاتب العدل وشهود انا والمحامي وانتقلت ملكية البيت باسم ناديه 

وصرت انا وصي عليهن وعلى املاكهن وكتبت وصيتها وامنتني على البنات وبعدها اخذتني للحديقه 

الي ابيتها 

وگالت = = احفراهنا 

باوعتلها هي هزت راسها وحچت بثقل = =. مو عبالك اخرفييت احفر عمه

چانت اكو شجره انا حفرت لكيت چيس نايلون وبطنه علاگه هم نايلون لكن حسيت بداخلها فد شي 

عمتي گالت = افتحها للعلاگه

شفت بيها صندوك مستطيل تقريبا طوله نص ذراع فتحته شفته مليان ذهب گالت = هذا يبقى عندك امانه الناديه وحنين 

وسالت عمتي ::وبناتج وابنج 

هي گالت //كلمن اخذ حقه وزايد 

::عمه ما يصير حق الله

1

تستمر القصة أدناه

جاوبتني ==لان حق الله وصيتك بيهن هذا تعب ابوهن وتعبهن 

::تعبهن عمه ياتعب ؟ 

هزت راسها = = اي هنه بهذني السنتين تعبن عليه ودارني لمن ما بناتي وابني محد اله غرض بيه الكل تركني 

بس بنات عباس يغسلن ويوكلن ويبدلن وابني وبناتي بس وين فلوسج ودلينه بيهن تدري وحده من بناتي چانت 

تخوفني تخنگ بيه وتكلي وين الذهب والفلوس

عمتي منيره چانت تحب ناديه لان بسببها ما ضاع دم عباس هدر ودلت على امها وعشيقها 

 ومن عرف هادي بان امه كتبت البيت باسم البنات هو جن جنونه وصار يتهور عليه ويتهدد لكن انا فهمته 

بطريقتي الخاصه انو هو ماخذ محل عباس الي يسوه بيتين مثل بيت امه وخلي يستفاد من الاجارات 

والراتب قبل ما يكبرن وياخذن كل شي بالقانون هو سكت وخصوصا من اتزوجت سجى 

وچان يريد شغله من عمها لكن انا عن طريق معارفي خليته ابمكان بحيث يكون دائما بحاجتي

كنت انا ادفع للمحامي راتبه وانا اعرف باحوال ناديه وحنين من كرم وزهراء وعمتي جميله 

انا ما اتزوجت رغم ملحة امي وموفق وحتى ولد عمي جميل لكن ابوي الله يرحمه چان دائما ايگللهم 

: هو مو زغير يعرف ايدبر اموره بنفسه

ساءت علاقتي بالبنات من لمن اجت سجى وصارت تحچي على ناديه وكله 

من جوه راس افراح بوكتها ردت 

اضرب سجى طلقه لكن خفت على ناديه من هادي الي اعرف بي شگد يكرهن ومبقيهن بس حتى يلگى 

طريقه ياخذ الورث منهن 

وطلگت سجى وانا ما متندم عليها وبوكتها امي زعلت هي وموفق اخوي لكن انا طلگتها لان حسيت هي 

مو اتهجمت على ناديه وهانتها لا لكن هانتني الي انا زوجها والي المفروض تحسبلي حساب لكن هي بتعاليها 

وعجرفتها خلتني اطلگها وانا غير متأسف على اسم ابوها ومركزه

ناديه بعد الي بدر من سجى بقت على زعلها حاولت اتأسف وافهمها لكن هي خلص اخذت عني نظره انو انا جبان

ومو گد المسؤوليه والنظره من الصعوبه ان تمحيها من البشر لذلك ارتايت الابتعاد واكتفي اراقبهن من بعيد 

خصوصا اي شي يصير كرم يبلغني بي اول باول وحتى جميله واكيد علي المحامي 

ولان ادري بهادي ما راح يسكت ما قبلت المحامي يرجع الهن الاملاك اله صار عمر 

ناديه عشرين سنه حتى تعرف شلون تحافظ عليهن وفعلا ناديه صارت تتصرف بحكمه

بعد ان طلگت سجى ورفض ناديه ان تسمع اعتذاري وزعل امي عليه صرت اقضي اكثر وكتي ويه رضا اخوي 

وصديقي وبس تشوفني امي ويا تگلي //شگد اكره رضا لان هو الي ما يخليك تتزوج ملتهي ويا وانت شيبت 

والي بگدك اولادهم صارو بگدهم

 چنت اضحك على كلامها وابوي ايگللها

:امنه شبيج ما تتذكرين انا شكبرني ياالله اتزوجتج وهسه هذا ابني شايب وانا شايب هسه سراج يتزوج 

وهم هو يشيب وابنه هم يشيب ويا لا تخافين 

چنت اگضي اجازاتي اروح ويه رضا للگاع وهناك اشوفه وهو يستذكر عشگه واكثر من مره اشوفه يبچي واگله

يرجع زوجته هو يجاوبني 

حرام اظلم بت الناس لان هذا الگدامكً يملك گلب واحد وعقل واحد واثنينهن مو عده

تستمر القصة أدناه

لذلك زوجته بعد فتره من طلاگها اتزوجت وابنه بقى ابيت جده ابو امه ورضا دائما يدز علي وينطي مصرف ويگله

 يمته ماتريد تجي تره حضن ابوك يوسعك

وچانت علاقته بولد اخو زينه ودائما يجونه ويسألهم على مدارسهم وهو گايم بمصرفهم وما مخليهم يحتاجون شي 

الولد مرحله ثانيه اعلام والبنيه علوم بايلوجي مرحله اولى اما امهم فرضا چان يتمنى بس يشوفها لكن هي رافضه هذا

الشي چنت مجاز وانا ورضا ابيتي الي كملت بناءه من سنتين تقريبا وگعدت بي الساعه تسعه بالليل كرم اتصل

جاوبته ::الو هلا ابو مرتضى 

كرم حسيت بي عصبي گلي //سراج منو يمك 

::ابحدي ليش 

كرم //سراج ناديه ماكو 

انا گعدت وحسيت گلبي صار برجليه جاوبته بخوف :: شنو يعني ماكو

كرم // يعني راحت للكليه وما رجعت ويه الخط 

   بلعت ريگي الي صار عبالك خشبه :: انت شتحچي 

     : اي هذا الكلام گاتبه الصاحبتها الي وياها بالخط انا رايحه ويه ابن عمي وطلعت ما ادري 

ويامن وهسه ماكو 

:: كرم دورتوا عليها 

 كرم بنتر // دورنا المستشفيات واقسام الشرطه ماكو الها اثر ناديه شردت ونكست راسنا وصخمت 

اوجوهنا بس وين تروح صدك طلعت بت مياده مو بت عباس اله الزمها واذبحها بايدي واطم عارها

1

جاوبته :: كرم انا جاي

سديت التلفون وصرت ارجف باوعلي رضا سالني //سراج شكو 

انا صرت اجر النفس :: ماكو شي 

: شني تضم عليه شبي كرم 

باوعتله وگلت ::ناديه انهزمت وما لاگينها 

طفر رضا من مكانه وگلي //انت شتگول 

حچيت بعياط ::اي انهزمت طالعه من الكليه وما رجعت للبيت

رضا حاول ايهديني //يامعود يجوز راحت الگرايبكم الوحده من صاحباتها 

::والله ما ادري لان حتى بالخط ما راجعه انا صار لازم اروح 

:وانا جاي وياك 

::لارضا ابقى ما حاجه 

باوعلي وهز ايده //خاب تحچي صدك اطلع ناقص اذا اعوفك

ركبنا بالسياره ورضا هو الي يسوق وانا ساكت احچي ويه روحي ::ولج ناديه صدك انهزمتي 

::ابنيتي الي حتى بالحلم وياي وما تفارگيني ليش وين رحتي 

::شنو الي صار اكثر من الي مريتي بي ناديه اذا انهزمتي انا اكتلج باديه انا اموتج

چنت خايف بالضبط نفس خوفي لمن عمتي كتبتلي ناديه اندعمت وتراوالي ماتت لكن هالمره خوفي على 

ناديه تضيع وتضيعنه وياها 

الطريق كله وانا ادخن ورضا ساكت ما حچى وياي تقريبا الساعه بتلاثه الفجر وصلنه نزلني رضا بفندق انا باوعتله 

::انت تحچي صدك جايبني الفندق 

رضا //سراج الفندق الي انا اكعد اهنا وانت تبقى يمي للصبح تروح البيت كرم 

::ما اگدر هسه اروح

رضا //شتسوي تروح الساعه بتلاثه الفجر هنه تلث ساعات تعال خلي نگعد بالغرفه نرتاح شويه 

باوعتله اتقرب عليه وگال //سراج بس انا ادري بنار البيك الله يساعدك فوت للغرفه اگعد وفكر ليش سووت 

هيج او هي صدك تسوي هييج فكر يجوز البنيه صاير وياها شي 

صعدت واتمددت ع الچربايه وانا ادخن هو وصى على گهوه وجابولنه گلي 

:سراج ما اگلك عوف الجكاير هاك اشرب الگهوه خلي راسك شويه يرتاح

تستمر القصة أدناه

باوعتله وانا مخنوك ابدي اصرخ ::ياراحه هاي رضا ناديه انهزمت ناديه تنهزم ما اصدك معقوله ضحكت علينه 

وطلعت بت مياده 

رضا گلي //سراج انت شايفها بت مياده 

نفخت ::والله ما ادري 

رضا // لا تغالط روحك 

:: رضا راح اتخبل ناديه وين راحت كله مني انطيتها املاكها وخليتها تلعب بالفلوس 

رضا جاوبني //حق الله ما سويت شي مو زين ولا انطيتها من جيبك حلالها وحلال ابوها لا تخلي العصبيه 

تنسيك اخلاقك

ضليت گاعد على اعصابي واعض باصبعي واگول :: وين راحت فكرة انها انهزمت مستحيله ناديه 

ضيم افراح واهانتها ما فكرت تنهزم شصاير وياج حتى افراح هاي السنه وهيه زينه وياك انتي واختك 

وين رحتي ولچ خبلتيني 

 صارت الساعه بالسبعه طلعت من الفندق رضا طلع وياي وگلي //انت روح البيت كرم 

::وانت امشي وياي 

:لا ابو نور ابقى اهنا وهم اروح ادور عليها انتم عايلة بيت وانا غريب اكو اشياء ما تنحچي گدامي انا وياك 

ع التلفون خليني بالصوره 

::زين يابه فيمان الله 

:الله وياك ما اوصييك دور على امانتك وانت گدها

كلام رضا خلاني ارجف امانتك صرت احجي ويه نفسي :: امانتي امانتي معقوله ضاعت مني 

ركبت السياره وصلت البيت كرم تقريبا الساعه ثمانيه الا دگيت الباب مرتضى فتحلي مبين علي ما نايم ودخلت 

ولگيت كرم گاعد وجميله هم گاعده لاگتني ام مرتضى //اشلونك خويه 

رديت عليها بس بذيج اللحظه حتى صوتي ما طلع يعني اغالط نفسي وصلت جميله بس شافتني صارت تبچي وتگلي

    : شردت من ضيم افراح وبناتها 

    : ناديه بيبي وين رحتي يالمعدله ليش هيچ بيبي 

سالمت كرم وگعدت يمها باوعت الكرم ::فهمني شصار 

كرم عض على ايده وگال // امس الساعه بالاربعه اتصل عليه هادي گال ناديه عدكم انا اتفاجآت گتله لا گلي اتاكد

خاف جايه وصاعده يم البنات 

هم صحت على ام مرتضى اكدتلي ما موجوده خابرته گتله ما موجوده گلي الهسه ما رجعت وجاي نتصل وجهازها

 مغلق

ركبت سيارتي وبوجهي البيت هادي شفت حنين ناطه من البچي وافراح اتقرر بيها وتگلها// اختج وين ويامن راحت 

گلت الهادي ما شفتو الخط عمار گال رحت انا وهديل للبنيه الي بمنطقتنا والي اكدت هي ما رجعت بالخط وگالت الهم

راجعه ويه ابن عمي منو ابن عمها ما ندري كلهم موجودين 

جابت ام مرتضى ريووك باوعت الها ::منو يشتهي 

هي هزتلي راسها واشرت يعني الجميله بلكي تاكل 

انا اتقربت وگتلها ::عمه اكلي مو زين عليج لا يرتفع ضغطج وانا راح اكل وياج

جميله //خلي يرتفع ضغطي واموت ولا واحد يگول ناديه شردت ولكم ناديه ذاك الضيم المرعليها ما شردت ناديه 

تخلي حنين وتشرد لا والله شوف شصاير وياها 

::اي صدك عمه مثل ما تگولين هسه اطمني نلگاها بس اريدج تاكلين وانا هم راح اكل وياج وحتى كرم 

ثلمت خبزه وخليت بيها شويه بيضه سلك هي اخذتها وهي ترجف رن تلفون كرم كلنه باوعنه گال زهراء فتح الحاكيه

تستمر القصة أدناه

كرم //الو زهراء 

زهراء بدون سلام //كرم هذا الي سمعته صدك 

:اي صدگ 

زهراء//انت شتحچي ناديه انا الاعرفها لايمكن اتفكر اسوي هذا الشي 

كرم بعصبيه // كل الي الزمه ناديه ما تسوي هذا الشي وما تسوي گلولي وين راحت 

زهراء // كرم شبيك ما تعرف ناديه 

كرم // الي اعرفه بت مياده خلت راسنا بالطين هذا الاعرفه ومن الزمها بس الموت يخلصها مني

وسد كرم التلفون وهو يرجف جميله رادت تحچي هو سكتها وگال 

:يمه لاتدافعين البت من امس ماكو وين راحت لا اتصلت ولا دزت خبر وين راحت 

بهاي الاثناء اجه قيس وابنه واجت شمس سلموا انا حچيت :: ياالله خلي نروح البيت هادي 

راد مرتضى يجي ويانه بس كرم ما قبل گله ابقى اهنا

رحنا البيت هادي وشمس اجت ويانه لگيتهم گاعدين سلمت وگعدنا بالصاله سالت هادي ::ماكو جديد 

هو هز راسه وگال// لا ماكو دورنا بالمستشفيات وكل شي ما حصلنه 

افراح تهز بايدها // انتم بطرانيين عمي البت شوف ويامن شردت 

شمس //افراح مو وكت هذا الحچي هادي ما دورتو ......... وسكتت 

قيس گلها //وين يدورون اشو سكتي شتعرفين 

شمس مدنگه // شعرف قيس ردت اگول بالشرطه بس شياخذها

هادي وگف وهو يهز بايده // اي محلاني شكبرها الفضيحه بت اخو الي مربيها شارده 

افراح // ليش احنه شجنينه من وراهن غير بس الفضايح ها (باوعت وتحچي بشماته ) قيس شمس هسه 

صدگتوني من گتلكم 

اتصلت برضا :: الو رضا شسويت 

:هلا سراج رحت المركز الشرطه وانطيت اسمها الرباعي واوصافها 

::اي

:وخليتهم ايعممون اسمها بكل المراكز وما كو شي وراح اروح الغير دوائر 

:: زين تسلم انا راح اعمم اسمها بالمحافظات 

باوعلي كرم وگلي// ويامن حچيت 

::ويه رضا خليته يروح يسأل بمراكز الشرطه 

قيس // وما حصل شي 

::لا لذلك هسه اتصل واعمم اسمها اريد اشوف حنين

1

شمس // حنين شمدريها 

دنگت وگلت :: صيحيها ام احمد 

صعدت شمس واجت حنين وبس شافتني صارت تشهك وتبچي گام هادي من مكانه وضربها على راسها 

وهو يگول // بت الكلب عليمن تبچيين بت الساقطه 

انا لزمته وقيس گام وگله //هادي شنو هالحچي ما تشوفها شلون تريد تموت 

هادي بنتر //وموتتهم منو گلكم اخليها بس خلي الزم العايقه واثنينهن اوذرهن

باوعت الحنين وهي ترجف گتلها ::حنين جاوبيني وين ناديه 

هي اتفاجآت من سؤالي رد كرم سألها بنتر //شنو ما سمعتي اختج وين 

حنين وهي ترجف وتبچي //ما ادري والله ما ادري 

اشرت الهم اسكتو گتلها :::حنين اذا تعرفين اي شي اي شي گليلنه ندري انتي سرها وهي سرج گليلنه خلي 

نتلاحگ الفضيحه 

جاوبتني بعتب //عمو والله ما اعرف عمو ناديه انتم تعرفوها ما تسوي شي مو زين

افراح // اي خوفكم من الخوينس تمثل عليكم البراءه والفقاريه خوش هسه نزلت راسكم بالطين 

اندك الباب واجت نوال وسلوى نوال گالت بدون ما تسلم // صلوات مياده سلمت الرايه الناديه 

اتقربت نوال يم حنين ولزمتها من شعرها وهي تعت بيها وتگول // لازم بهذا العمر لازم تسولنه فضيحه بعدهي الناس 

اتعير بينه من وره مصيبة امچن وهسه خوش منيره كتبت البيت وصارت عدچن ايجارات وراتب ما خليتن 

رجلجن بالگاع وانتي هم تلحگينها عمي ساس مياده شنو قابل يصير براسچن خير

قيس // استهدي باالله خويه ام سيف 

نوال // شستهدى من ورا ذني شستهدى عباس يشتغل ويبني ويجي من الواجب بوجهه للمحل ويكد فلووس على امهن 

 وهي عشگت الها سايق سياره وهسه شوف ذيج الدايحه رايحه ويامن 

حنين وهي تبچي // عمه حرام عليج والله ناديه شريفه 

نوال //انچبي عمه العماج شريفه وانتي هم شريفه مثلها ومثل امچ

افراح اجت يمها // اگعدي نوال لا يرتفع ضغطج شحصلنه من مياده وبناتها بس اسمنا متحنضلات 

اباوع الشمس عيونها غرگانه دموع گلت الحنين :: اصعدي فوك بابا وفكري بالكلام واذا تعرفين شي لا تضمينه 

خلي نتلاحك نجيبها گبل لا تصير فضيحه وبعد محد ايسدها

نوال وگفت //لا شنو تصعد فووك امشي سلوى انتي وافراح امشن خلي ندور الغرفه بلكي نلگى بيها شي يدلينه عليها 

صعدن قبلها وحنين تباوعلي وتبرطم وبس دموع اشرت الشمس تصعد واجت ام مرتضى ورانه اخذت حنين على صفحه

وصارت تحچي وياها بلكي تعرف شي 

نزلن وهنه يگولن كل شي ما لگينه افراح گالت

ولا فلس بس عشر تالاف مصرفات الف الف چا وين الاجارات فلوس المحل اكيد اخذتهن الصاحبها المشت ويا 

ام مرتضى گالت //لا ام ياسر لا تخلين بذمتج الفلوس عدي مضمومات بس الراتب تطيج منه فلوس اجار

 الغرفه واكلهن والباقي الهن

الكل اتفاجأ من كلام ام مرتضى يعني افراح تاخذ اجار الغرفه 

شمس // يعني اذا الفلوس كلهن مضمومات عد ام مرتضى يعني ناديه ما ماخذه شي 

قيس //معناتها مخطوفه 

شمس //اي مخطوفه 

كرم //مخطوفه مهزومه تجي واشرب من دمها

1

قيس //وباالله ليش 

كرم // لان طالعه ابحدها طالعه ويه واحد وتكول رايحه ويه ابن عمي يعني هيه مبيته النيه 

افراح //اي والله لا عاب حلگك 

قيس //كافي خلي نفكر وين ممكن نلگاها گبل لا ننفضح 

افراح //انفضحنا ورحنا مو سراج ايگول صاحبه منطي اسمها المراكز الشرطه 

جاوبتها ::ام ياسر صاحبي يعرف شلون يسأل عنها رجال واصل ومعروف

كرم //اي خوش انفضحنا يم رضا من وره بت مياده

سراج ::رضا اخوي ونسيبي انتم يجوز تحچون بالسالفه بس هو لا لان ابن عشاير ويعرف الاصول وحتى 

ما قبل يجي وياي لان گال هاي اسرار بيت وانتم عايله وانا غريب ما يصير اتدخل 

هادي وگف واتقرب مني وگلي //سراج سوي كل جهدك خلي نلگاها

شفت بعيونه حزن ما اعرف على ناديه ما اعرف لان هي سووت هاي المصيبه باوعت الهديل وگتلها 

:: انتي ما شفتي عليها شي بالكليه 

هديل بارتباك //لا عمو هي كليتي بعيده عنها 

افراح //هديل ما تحچي ذيچ المره حچت كلهم صارو ضدها 

شمس // اي لان گالت كلام ما صار

افراح وهي تعوج بحلگها // وهسه ما صار الكلام ام احمد هم بتي طلعت غلطانه 

رديت سالت هديل ::بابا هديل اذا تعرفين اي شي احچي خلي نتلاحك الموضوع 

هديل // لا عمو انا لا اشوفها ولا اعرف عنها شي اصلا ما اطلع من القاعه الغرفة الطالبات حتى الكافتريا ما 

اروح الها اله وين او وين 

هزيت راسي واحچي ويه نفسي :: ناديه ليش هسه وبهذا الوكت وين رحتي

//